المساعد الشخصي الرقمي

مشاهدة النسخة كاملة : نتيجة فحص الحمل لعملية اطفال الانابيب



&فراشة الربيع&
08-27-2006, 03:46 PM
السلام عاليكم ورحمة الله وبركاتة

شخباركم بنات انا عملت عملية اطفال الانابيب ولحين سارلي 10 ايام من وقت الارجاع تبون الحق انا ميتة خوف صح كل شى بامر ربنا لكن اعصابي منهارة وماني قادرة اصبر اذا سويت الفحص قبل 14 يوم تبين النتيجة ارجوكم ساعدوني

انتضر ردكم

ام نورس
08-27-2006, 03:49 PM
الله يكتب لك الخير اختي الغالية والافضل الانتظار الى اليوم المحدد للتحليل لانه قبل ذلك ممكن يكون نتيجة التحليل غير واضحة وباذن الله تعالى تبشرينا بحملك .

ebtesam &ebtesam
08-27-2006, 06:40 PM
وانا مع اختي ام نورس والله يرزقك الذريه الصالحه ويكرمك آمين

بنت الاصول000
08-27-2006, 07:26 PM
الله يجبر بخاطرك وتكون النتيجه ايجابيه
اللهم ارزقها وارزقني وارزق كل محرومة

عبيرالشوق2006
08-27-2006, 11:58 PM
انتظري ياقلبي لليوم المحدد احسن انتي صبرتي طول هالمده اصبري هاليومين وان شاء تبشرررررينا بخير ويرزقك ويرزقني ويرزق جميع المحروووومات يارب العالمين

توله عود
08-28-2006, 12:05 AM
الله يجبر بخاطرك وتكون النتيجه ايجابيه
اللهم ارزقها وارزقني وارزق كل محرومة

ام_مرام
08-28-2006, 04:06 AM
الله يرزقج ويرزقني..
اختي....لو سمحتي...سولفي لنا العمليه صعبه ولا لا؟ تعور؟ اشرحي لنا كل شي
لاني افكر اسويها...
و انتي شنو فيج؟يعني ليش سويتي اطفال انابيب؟
جزاج الله خير

انا وهو
08-28-2006, 07:46 AM
عزيزتي انشاء الله تكون النتيجة possetiv
((الله الله ربي لا اشرك به احد ))

أميرة نجد
08-28-2006, 08:41 AM
الله كريم ويفرح ان شاء الله قلبك بنتيجه ايجابيه

الله يرزقك ويرزق كل محرومه بالذريه الصالحه

وان شاء الله بعد كم يوم تبشرينا باللي يفرح قلبك

مجنونة قطر
08-28-2006, 08:47 AM
حبيبتي اذا ما فيد صبر حللي رقمي

والنتيجه تفرق ا1ا كانت حمل او اذا من تأثير الابر




انا حلليت في اليوم العاشر ووو عدت التحليلي في اليوم الـ 14 والحمدلله النسبه ارتفعت


الله يرزقح يارب
طمنينا عليج

&فراشة الربيع&
08-28-2006, 06:12 PM
مشكورين خواتي ما قصرتو انا عملت فحص بالجهاز البيتي ما طلع نتيجة يعني مافي حمل طاح قلبي لكن اختي تقولي صبري وكمان الجهاز ما يكون دقيق اما بنسبة للاخت الي سالت عن العملية صراحة ما فيها تعب ولا وجع هاد بنسبة لي لكن بعد الارجاع تكون سوائل في البطن حسيت اني بموت رحت الدكتور قالي انة الحالة هذي تسير لنشاط المبيض وبعد يومين راحت طبعا وصاني اكل بياض البيض 12 حبة في اليوم و2لتر حليب تخيلو معاناتي مع البيض , انا ساويت العملية لان البويضة عندى صغيرة وريلي عندة ضعف ولي عندها اي سوال انا حاضرة

ام_مرام
08-29-2006, 02:42 AM
زين....
سؤال ثاني...
الدكتور حط لج كم بويضه؟ 4 ؟
لان كل اللي يسونها يحطون 4؟
انا فيني ارتفاع هرمون حليب و ودي اسوي اطفال انابيب....

حلا الجوف
08-29-2006, 04:11 AM
الله يرزقك اختي ويطمن قلبك بالتحليل وتطلع ايجااااابي ياذن الله تعالى

نبـــــراس
08-29-2006, 06:01 AM
عزيزتي فراشة الربيع ,, الله يريح قلبج ويرزقج الذرية الصالحة بس حاولي انج ترتاحين وما تعبين روحج وما تشيلين شي ثقيل ,,, انا سويتها اول مرة بس كنت مسافرة وبعدين رحت مصر خبرج شوارع مصر شلون مكسرة ورديت الدوحة واشتغلت في البيت فما ريحت عمري وما ثبت حمل ,,, لكن في العملية الثانيه ريحت عمري على الاخر والحمد لله انا في الشهر السادس



ام مرام عزيزتي اعتقد في وصفه فالمنتدى قريتها تنزل هرمون الحليب جربتيها ؟؟ واما عن العملية فهي بسيطة باذن الله
دائما يرجعون 3 بويضات وبعدين على حسب حجم الرحم واذا الام بكرية يرجعون بويضتين عشان ما تتعب .
لاني قلت حق الدكتور ابي 3 قالي رحمج ما يسمح وبعدبن انتي توج اول حمل فلا تعبين روحج فرجع لي بويضتين لكن الحمد
لله ثبت جنين واحد .

والله يوفق لكم ويرزقكم ان شاء الله يا من امره بين الكاف والنون ارزقني و اخواتي الذرية الصالحة .

&فراشة الربيع&
08-29-2006, 09:48 AM
مرحبا بنات الدكتور سحب مني 17 بويضة 10 تلقحو ورجعلي العشرة كلهم صراحة مادري ليش

ام_مرام
08-29-2006, 01:58 PM
10 بويضات؟؟؟؟؟؟؟؟؟؟؟؟؟؟؟؟؟؟؟؟؟؟
لا يا اختي ما يصير...
تأكدي من الدكتور و أسأليه!!!!!!!!

&فراشة الربيع&
08-29-2006, 03:10 PM
لا اختي متاكدة لانة لو حط اقل كان قالنا عن تجميد الاجنة

حظوظ
08-29-2006, 08:46 PM
فراشه الربيع: أنشالله تكوني حامل بأذن واحد أحد توكلي علي الله وقولي يارب...
أما أم مرام: أنا بنت ديرتج ودي أسألج وين بتسوينها أنشاالله عشان أنا ناويه أسويها بس محتاره وين؟
فكرت أروح أسويها بالسعوديه بس خفت من تعب المطار والطياره بعد العمليه أرجو أنك تنصحيني....
وأنا مستغربه منك أذا هرمون الحليب ماله داعي تسوين لأنه ينزل بالحبوب وعلاجه سهل..!!!!

&فراشة الربيع&
08-31-2006, 01:34 AM
مشكورات خواتي ما قصرتو

حبيبة زوجـي
08-31-2006, 01:53 AM
مرحبا حبيبتي...

ان شاء الله انتي حامل لاني انا سويتها الاسبوع الي راح رجعت ثلاث اجنه السبت مو الي راح الي قبله ونزلت علي الدوره يوم السبت هذا واذا مانزلت عليك الدوره ان شاء الله حامل بس انتي ريحي نفسك لاني انا ماريحت نفسي وماثبتت الاجنه من المشي والدرج ويمكن من رب العالمين مع ان الدكتور كان يقولي فرصتي بالحمل كبيره بس هذا الي كاتبه لي ربي ...الله يوفقك يارب وتفرحين وتفرحينا بخبر حملك ..

الحلوه غلاوي
08-31-2006, 02:49 AM
الله يرزقكي ويرزقنا اللهم امين انا سويتها مرتين وفشلت وافكر اسوي الثالثه بس لما المعنويات ترتفع شوي والله يتمم لك على خير

ام جووودي
11-30-2006, 08:57 AM
الله يرزقك يارب

دنيا الزهور
12-02-2006, 04:47 PM
تحليل الحمل بعد اطفال الانابيب يكون بالارقام

اي يكون بقياس الهرمونات ليكون ادق

ولكني انا عملت تحليل حمل عادي بالدم في المشتشفى بعد ارجاع الاجنه ب12 يوم وبينت النتيجه انه هناك حمل ولكن غير واضح
فنصحنا الطبيب باعادة التحليل في وقته المحدد

وبعد عمله في وقته المحدد ظهرت النتيجه واضحه

والحمد لله رب العالمين

الله يرزقك يا رب


Content Relevant URLs by vBSEO 3.6.0