المساعد الشخصي الرقمي

مشاهدة النسخة كاملة : ابي مشتكم وتجاربكم لاختكم المحطمه



سمينه محطمه
01-03-2011, 01:09 AM
مرحبا بنات:ق0::0108:
نفسيتي زفت سمنتي ارهقتني وزني في زياده دائمه مدري وش الحل:042: لدرجة اني فكرت اعمل البي بلس الي هي عملية تحوير المسار كرهت حياتي فقدت نشاطي عجز وكسل دايم ومااخفيكم قابلت الدكتور خالد ميرزا وشجعني عالعمليه وحدد لي موعد بعد سنه لانها بمستشفى حكومي والمبلغ المدفوع قليل واجلس بقائمة الانتظار دايم متخوفه من هالخطوه بس والله احس اني عاجزه عن الدايت وخصوصا ان وزني كبير 118:042:
بس احسها الامل الوحيد الي قدامي بعد الله اني انحف واعيش حياتي مثل اي عشرينيه بسني اتمتع بقوام ممشوق والبس مثل الناس ابي ارائكم وتجاربكم نفسي القى احد يفهمني يحس بوضعي يارب لطفك 00تصدقون اسمن وحده بعائلتنا انا ولسى 27 سنه وزوجي متضايق مني كثير وخصوصا اني سمنت كثير بعد زواجنا وخصوصا بعد ولادتي الاولى ودايم احسه يناظر غيري يدور المفقود عندي الرشاقه0اختكم المحطمه00:404:

Tebt Ashtaaag
01-03-2011, 02:57 AM
ياقلبي انتي لا تحطمين نفسك بنفسك والله مافيه شي مستحيل انتي حاولي شوي شوي طبعن ماراح تنحفين بسرعه وتضغطين على نفسك وتتعبين بالبدايه حطي عندك هدف معين يعني مثلا حطي في بالك ان هدفك الاول تنزلين 8كيلوا خلال شهر او شهرين وبعدها حطي الهدف الثاني 10 كيلوا وهكذا ,,,
انا بقولك على طريقه واتبعيها ان شاااااااااااااااااااااءالله تفيدك :
اول شي ابتعدي عن الكاكاو والرز والخبز الابيض ,,, حاولي تخففين شوي من اكلك يعني لا تشبعين وبعد كل وجبه اشربي شاي اخضر او خلطة(زنجبيل اخضر + شاي صيني + كمون) وخلي عشاك قبل النوم بثلاث ساعات ,,,, اذا تقدرين صومي يومين بالاسبوع وهذا شي اساسي يساعد على تخفيف الوزن ,,, حاولي تمشين نص ساعه او ساعه يوميا ...
انا والله كان وزني 98 وماحسيت بالمعاناه الا بعد ماملكت واتخذت قرار اني انحف ,, دخلت النادي بــ1 رمضان والله حرمت نفسي كل شي اناظر اهلي وهم يفطرون واموووووت قهر وجوع واتبعت هالنظام هذا :
الفطور = علبة زبادي + خياره + خس + كوب ماء دافي عليه عصير نص ليمونه
واذا حسيت بجوع اكلت خس
والسحور نفس الفطور
تعذبت بقوه بس نزلت الحمدالله 15 كيلوا ...

انتي خلي عندك عززززززززززززززززززززززيمه واصرار وان شاءالله تحققين كل اهدافك ولا تخلين اي شي يأثر فيك ويضعف نفسك وتخربين الرجيم او التخفيف اتحملي فتره بسيطه عشان تنالين اللي تتمنين بصحه وسلامه ورشااااااااااااااااااقه من غير شر يارب .....*

سمينه محطمه
01-03-2011, 03:12 AM
تسلمين عالرد ياعمري الله يوفقك ويسخر لك ويالف بين قلوبكم ان شاء الله وبالنسبه لي دايم والله ياعمري اسعى للتخفيف بس مشكلتي ملوله واذا قست وحصلت نفسي مانقصت اموت قهر وارحع اكل عشان كذا قاعده افكر بالعمليه صح انه شي مرعب اني ادخل تحت البنج وقص وتدبيس وخصوصا لام مثلي بس شسوي افضل من اني اخسر نفسي والاعمار بيد الله وربي بيحفظني ان شاء الله00 دعواتك تكفين

همسة غلا ..
01-03-2011, 04:41 AM
ههههههههههههههههههههههه سمينه محطمه .. :ق0::ق0:

تدرين ليش اضحك :د0:
اول شيء السلام عليكم .. :ق0: :409:

اضحك لاني لقيت اخيررررا اخيرا احد مثل معاناتي تماما , يختي حتى اسمك ينفع يصير اسمي , ههههههههه نفس المشاعر نفس التفكير , وتقريبا نفس الورزن :404:
وزني 110 كآن 115 بس بعد عذاب نزل وصآر 102 بعدين رجع 110 والحين في طور الزياده بعد هههههههه ..

تدرين عاآد اني وربي نفس مشآعرك كآرهه نفسي بقوه مآلي سالفه بالدنيآ الا ذا الجسم , كرهت كل شيء , احس اني مآ اقدر اسوي شيء مآ اقدر انجز شيء من كثر التفكير , نفسيتي تدهورت بشكل ..
كل شوي اقول لامي ارحميني ابي انحفف الله يخليك ابي اجرب شعور انك تكون انسآن نحيف امنيتي قبل اموت اجرب هالشعور هههههههههه <~ قسم بالله ارحم امي من كثر مى اتشكآ لهآ :059: ..
تعرفين وش معنآ طفششت طفششت .. <~ اكيد عآرفه شعوري ..
لدرجه ع قولتك كنت اقول مستحيل اسوي اي اي عمليه لو ايش , امس اقول لامي وش رآيك اسوي عمليه تحويل المعده مدري الامعاء ههههههه , قلت ولا تدبيس معده , ولا اي شيء ,..
يختي تصدقين بعد جآني وسوآس صرت احس اني فجأه بنآم بعدين انحف ههههههههههههه قسم اول مره تصير لي هالحآله :061:

سويت قبل ملآيين الرجيمآت الابتوب مليآن رجيمآت ماسويتها ذذ .. مليآن من التمآرين المواضيع حقت الرشآقه , عبآرات التشجيع صور ناس نحفوا .. بس الهمه صفر اتحمس شوي بعدين اطفي .. ملييييت احس ودي اركض هههههههههههههههه <~ حآلتها صعبه ..

آخر شيء قررته تدرين وش , بعد عده تجآرب اكتشفت انو الرجيمات الكيميائيه ماتجيب الا المرض وجسمك ينحف ويرجع كنك يآ ابو زيد ماغزيت , غير الشعر اللي يصلع ..
طب قلت شسوي ابي رجيم صحي , ادور ع رجيم يطلع ينقص كيلوين ثلاث بالشهر وانا من النوع الي مايصبر .. :042: ..
آخر شيء هدآني له ربي .. رجيم الفصيله وحده تقرب لصديقتي ماتت من الرجيمات سوت كل شيء مانحفت , راحت لدكتوره قالت لها وش الاشياء الممنوعه من فصيلتها .. ونحفت البنت بدون حرمآن ولا شيء بس تركت كل شيء يسمنها ..
وبعد شفت نوع جسمي كضري او درقي او تنآسل او نخآمي .. وطلع درقي ..
شفت الاشياء الممنوعه والاشياء الي تنآسب ..
عندي الكتآب حق نوعية الاجسآم وكآتب شخصيه كل جسم .. من الاشياء الشينه فيني اني ملوله واحب التغيير , اتحمس مره بعدين من افكر بالتفآصيل وكيف ابدأ وكيذآ اقوم امل واكنسل السآلفه ..
واي اي شيء يتعبني ويأثر فيني .. تخيلي سبحآن الله يقول اذا اهتميت بصحتك ونحفت تروح كل الاشيآء السيئه الي بشخصيتك ..

الحين وش ابي انآ بالضبط ابي تشجيع وابي بنت نفس وزني , وربي جآبك لي ..
اذا تبين يختي نبدأ مع بعض بنفس النظآم الي قلتلك ونسوي لنآ جدول ريآضه اهم شيء ..
ويصير تحدي قوي بيننآ ونتحمس مع بعض .. ونتخلص من هالسمنه للأبد ان شاء الله ونعيش حيآتنا مثل النآس بكل ثقه وحب لانفسنآ ..:ق0:

همسة غلا ..
01-03-2011, 04:46 AM
شوفي خيتو .. هذا اختبآر يحدد لك نوع جسمك ..


السلام عليكم ورحمه الله وبركاته


كثير منا تسألات ماهو نوع جسمي او كيف اعرف نوع جسمي
ومنهم انا احترت كثيرا في معرفه نوع جسمي
وظللت ابحث حتى وجدت هذا الاختبار
بسم الله نبدأ

اختاري الا جابه اللي تناسبك :

1- أي الطعام تعتبرينه رغبتك الاساسيه :
ا)الطعام الغني بالتوابل والدهون .
ب) الطعام الغني بالدهون والملح .
ج) الحلويات والنشويات .
د) منتجات الالبان .

2- كم فناجين القهوه والشاي ووالكولا التي تتناولينها كل يوم ؟
أ‌) كوبا او اثنين فقط .
ب‌) ثلاثة او اربعة اكواب .
ج)اكثر من خمسة اكواب .
د)لاشيء .

3- أي من الوصفات التالية يعتبر افضل وصف للطاقة لديك ؟
أ)جيدة في الصباح وافضل في المساء .
ب)اشعر بالحيوية طوال اليوم ولكن تقل في المساء .
ج)تزداد وتنخفض طوال اليوم .
د)انا شخصية صباحية .

4- اذا كنتي تقومين بالتدريبات الرياضيه فلماذا تقومين بذلك ؟
ا) لان الحركه تشعرك بالنشاط والحيويه .
ب)لانه من المفروض القيام بتلك التمارين .
ج)حتى استطيع الاكل كثيرا بعد الاكل .
د) لعمل تدريبات اكثر.

5- هل تعتادين على وجود تقلصات اثناء فترة الدوره الشهريه ؟
ا) اول يوم فقط.
ب) نادرا .
ج) غالبا .
د) لا اعرف فلم الاحظ ذلك .

6- عندما تكونين منخفضة المعنويات :
ا) تبكين .
ب) تغضبين .
ج) تتوترين وتحزنين .
د) متاقلمه .

7- انظري لنفسك من الجانب ... اين موقع الوزن الزائد ؟
ا) في الظهر وفي نهاية المؤخره البارزه .
ب) في المقدمه وبارز في البطن .
ج) في كل من الظهر والمقدمه ومحدد في الخصر .
د) في بطن مستديره كالطفله ومؤخره مستديره والخصر غير محدد .

8- انظري لنفسك من الخلف اين موقع الوزن الزائد ؟؟
ا)الوزن الزائد قليل على الجسم .... ويوجد اسفل الارداف وخارج الفخذين .
ب) الوزن الزائد كبير على الجسم ويوجد في الاكتاف والظهر .
ج) في منتصف جسمك ويوجد على الارداف و يثقل عند الفخذين .
د) كل الجسم ولا يوجد مكان محدد

9- الصدر والثديان :
ا) صدر صغير وثديان صغيران
ب) صدر كبير وثديان كبيران
ج) صدر صغير وثديان متوسطه او كبيران
د) صدر متوسط وثديان كبيران

انتهت الاسئله























وهذي هنا النتيجه



اذاكانت اغلب اجاباتك من الفئه

(ا ) انتي ذات جسم تناسلي
(ب) انتي ذات جسم كظري
(ج) انتي ذات جسم درقي
(د) انتي ذات جسم نخامي

همسة غلا ..
01-03-2011, 04:53 AM
وهذآ موآصفآت للآجسآم يعني كيف شكلهآ يكون .. طعا الشكل الموصوف للي عندهم زيآده 10 كيلو بس , امآ الي مثلنآ الله يرحم حآلنا الوضع كله مستوي مآيبين شيء ههههههههه , بس شسمه انا عرفت من خلال الاختبآر الي حطيته قبل ..


(1)

الجسم التناسلي ( الكمثرى )
* أكتاف ضيقة نحيفة وخصر واضح والورك عريض والارداف والأفخاذ مليانة*
ولا سمنت تبقى من فوق نحيفة لكن من تحت هووووايل ..
وهذا الجسم بنظري إنثوي جدا ً ..
(2)

الجسم الدرقي ( الساعة الرملية )
* يشبه صفات التناسلي لكن الدرقي تكون الأطراف طويلة والرجلين طويلة عكس التناسلي
تكون الجزء الاعلى أطول من الأسفل والردقي الرجلين أطول من الجذع *
ولما يسمن كل الجسم يزيد
وهذا الجسم كمان بعتبر إنوثي ومثالي

(3)
الجسم الكظري ( المثلث المقلوب)
*من فوق أكتاف عريضة ومافيه ورك ولا أرداف ونحيفة من تحت ..
لا سمنت بتعرض الأكتاف الزنود المعدة الكرش والي تحت يبقى نحيف*

(4)
الجسم المستطيل( سحبة وحدة)
هذا حسب التصنيف الأوروبي مو موجود بالتصنيف العربي التصنيف العربي أربع أنواع أجسام
والاوروبي خمسة لأن العرب يدمج بين المستطيل والتفاحة
لكن هنا بكتب هذا لوحده والتفاحه لوحده
(5)
جسم النخامي ( التفاحة )

همسة غلا ..
01-03-2011, 04:59 AM
وهنآ قبتلك , الفصآئل والممنوع فيهآ والمسموح , وبتلآحظين سبحآن الله ان الشيء الي تحبينه هو الممنوع ذذ ..
انآ فصيلتي o ..


السلام عليكم ورحمة الله وبركاته ،،


ريجيم حسب فصيلة الدم ... سهل جدا ً...


هذا موضوع شيق ولكن كما نعرف بأنه يختلف من شخص لاخر, ويجب دائما أخذ الحذربانه
يختلف كل جسم عن الآخر بطريقة تركيبه و استيعابه واخر نظريات المحافظة على الرشاقة تقوم على معرفة فصيلة الدم و تحديد نوعية الطعام المفيد و المضر لكل جسم :

A فصيلة الدم :

تكون معتمدة على الخضار و الفواكه مع الكثير من النشويات و التقليل من الدهون و البروتينات بسبب عدم وجود حمض الهيدروكلوريك لدى أصحاب هذه الفصيلة و الذي يساعد على هضم اللحوم بجميع انواعها
الرياضة المناسبة
اليوغا والآسترخاء
الاطعمة المسموح بها
الدجاج و الديك الرومي _السلمون و التونا_حليب الصويا_جبنة الماعز_ الزبادي_ الارز_الشعير و الشوفان_الخبز_الخضار _الخوخ _الزبيب _التين _الاناناس _زيت الزيتون _المياه المعدنية _عصير الجزر _القهوة _الثوم
الاطعمة الممنوعة
البطاطس _ المفلوف الاحمر _المشروم _الموز _ البرتقال _ الشاي الاخضر _الفلفل بانواعه _المايونيز _الخل _اللحم الاحمر _الروبيان _زيت الذرة _الدقيق الابيض _ الطماطم
الامراض التي قد تظهر
أمراض القلب _السرطان _فقر الدم _امراض الكبد و المرارة _السكري


B فصيلة الدم :

تعتمد على الحليب و مشتقاته و قليل من اللحوم و القمح ولا يناسبها الدجاج
الرياضة المناسبة
السباحة و المشي
الأطعمة المسموح بها
لحم الغنم _ لحم الارانب _الديك الرومي _البيض _ الحليب _ الزبادي _ جبنة الغنم _الارز _الشوفان _البطاطس_ المشروم _ التين _الاناناس_ التمر _الجريب فروت _الشاي الاخضر و الاسود _البقدونس _البروكلي _ الزبد
الأطعمة الممنوعة
الدجاج _ البط _ الجبن الاصفر_الايس كريم _الخبز الابيض _ الكيك _زيت دوار الشمس _الذرة _السمسم _الفول السوداني _الطماطم _العدس _المشروبات الغازية
الأمراض التي قد تظهر
لسكري _ الارق المزمن _ مشاكل في جهاز المناعة_ الالتهابات الفيروسية


Abفصيلة الدم:

%5 من سكان الارض فقط يحملون هذة الفصيلة
الرياضة المناسبة
اليوغا_ الرياضة المتوسطة
الاطعمة المسموح بها
المأكولات البحرية_الحليب و مشتقاتة _القمح بانواعة _مأكولات الصويا
الامراض المعرضون لها
القلب _السرطان _الانيميا_الالتهابات الفيروسية


O فصيلة الدم :

يفضل الاكثار من اللحوم و التقليل من النشويات
الرياضة المناسبة
ألرياضة المستمرة من دون تحديد
الأطعمة المسموح بها
لحم الغنم _البقر _ العجل _الدجاج_البط_ الديك الرومي _التونا_ الحليب _القمح _زيت الزيتون _الخضار الورقية _البصل_ الفلفل الاحمر _الجزر _الطماطم _الهيلون _جميع الفواكة التي لها لون أحمر أو أزرق أو بنفسجي _التفاح _التين _الموز _الكمثرى_ المياه المعدنية _النعناع _الشاي الاخضر
الأطعمة الممنوعة
الاسماك المدخنة _القمح الابيض _الذرة _زيت الفول السوداني _البقوليات _ الملفوف _الزهرة _البرتقال_ الفروالة _القهوة _عصير الليمون_ الشاي _عصير البرتقال_ التفاح _الخل _الكاتشب
الامراض التي قد تظهر
تقرحات المعدة _مشاكل في الغدة الدرقية_السمنة

ارجو الافادة للجميع
طبعاً مع الرياضة مهمة جداً :
واكرر التنبيه باخذ بالاعتبار الفروق بين كل شخص واخر

همسة غلا ..
01-03-2011, 05:02 AM
وهذآ كمآن عن الفصيله احسه ادق من الي قلبه ..



فصيلة الدم O

يتمتع اصحاب هذه الفصيلة بجهاز هضمي قوي ، وجهاز مناعي متين ، كما ان عمليات (البناء والهدم) لديهم فعالة ، وهذه الفصيلة مجهزه كي تخزن الغذاء . ولكنهم لا يتحملون التغيرات البيئيه والغذائيه الطارئه . ومن المخاطر الطبيه التي يواجهونها انه يعانون من مشكلات تخثر الدم ويتميز دمهم بلون فاتح جدا ويصابون بأمراض مثل القرحات والحساسيه والألتهابات وخصوصا التهاب المفاصل

الغذاء المناسب لهذه الفصيله :

الأغذية الغنيه بالبروتين الحيواني والفقيره بنسبة السكريات ، مثل اللحوم والأسماك وثمار البحر والخضورات والفواكه ويستيطع هؤلاء التخلص من التعب والضغط النفسي باللجوء الى التمارين الرياضيه العنيفة والركض وركوب الدراجة وجميع فنون القتال الأخرى كالكاراتيه والجودو

فصيلة الدم A

يتوافق اصحاب هذه الفصيله جيدا مع التغيرات المناخية والبيئيه والغذائيه الطارئة.
ومواطن الضعف ليدهم هي : الجهاز الهضمي حساس . ولديه ميل الى تجميع المواد المخاطية في القنوات الهضمية . والجهاز المناعي ضعيف ، ويتعرض لهجوم الكثير من الميكرونات والطفيليات ،والمخاطر الطبيه التي يتعرضون لها هي امراض تتعلق بالشرايين القلبية ( الكوليسترول ) والأمراض السرطانية ،وفقر الدم ، واضطراب وظائف الكبد والمرارة ، كما يصابون بالتهاب المفاصل الروماتيزمي والسكري من النوع الأول أي المعتمد على الأنسولين

الغذاء المناسب لهذه الفصيلة :

الأغنية الغنيه بالسكريات والفقيرة بالدهون مثل الخضروات والأسماك والحبوب والبقوليات والفاكهة .والتمارين الرياضية الملائمة لهم هي الرياضات الخفيفة كالأسترخاء والمشي والسباحة واليوجا والتأمل

فصيلة الدم B

يتلاءم اصحاب هذه الفصيلة بسهولة مع التغيرات الغذائية والبيئية فهم يتمتعون بجهاز مناعي قوي ولا توجد لديهم حساسية طبية خاصة معينة بل يميلون الى التاثر ببعض الفيروسات النادرة والأمراض المتعلقة بالمناعة الذاتية ،وهم عادة يعانون من مرض التعب المزمن والأمراض المتعلقة بالمناعة الذاتية مثل القراض ( مرض تدرن جلدي مخاطي ) ومرض التصلب العظام والسكري من النوع الأول

الغذاء المناسب لهذه الفصيلة :

اصحاب هذه الفصيلة متوازنوا التغذية فبمقدورهم تناول اللحوم والأسماك ومنتجات الألبان والخضار والفواكه والبقوليات . ويمكن لهم التمتع برياضات متوازنة تجمع بين العنف والخفة مثل تسلق الجبال وركوب الدراجات والسباحه والمشي

فصيلة الدم ( Ab)

يتلائم اصحاب هذه الفصيلة مع ظروف الحياة المعاصرة ويجمعون بين القوى والموجوده عند الفصائل الدموية A وb ، والجهاز الهضمي لديهم حساس وسريع التأثر ، والجهاز المناعي قابل للتاثر بجميع الميكروبات والطفيليات وهم يتعرضون للأمراض السرطانية، وتلك المتعلقة بامراض الشرايين القلبية (الكوليسترول ) ومرض فقر الدم

الغذاء المناسب لهذه الفصيلة :

نظام غذائي متنوع مع شي من الأعتدال مثل الأسماك ، الخضار ، الفاكهة، منتجات الألبان ، الحبوب والبقوليات . وتناسبهم الرياضات الخفيفة والمهدئه المرتبطة مع نشاط معتدل مثل اليوجا وتسلق الجبال وركوب الدرجات والتنس

وهناك بعض الأغذية التي تتلائم مع جميع الفصائل الدموية ويضعها البعض ضمن الأغذية العلاجية او المفيده لجسم الأنسان ومن هذه الأغذية ( السلمون – زيت الزيتون – البروكلي – الخوخ – التين – الزنجبيل – الثوم – البقدونس – الشاي الأخضر

وينصح الدكتور من هم من فصيلة الدم O و A
الأبتعاد عن القمح (الحنطة )
ومتنجات الألبان والفاصوليا الحمراء
والبطاطس والحمضيات والشمام الأخضر

اما بالنسبة لفصيلة الدم A
عليهم الأبتعاد عن الفلفل الأحمر الحار
والموز والطماطم

اما اصحاب الفصيلة O
فيجب عليهم الأمتناع ايضا
عن تناول الشوفان والفول السوداني والبرسيم

واخيرا فصيلة الدم ل B و Ab
فالأفضل لهم الأبتعاد عن تناول لحم الدجاج
( ماعدا لحم الديك الرومي )
كما عليهم الأمتناع عن الحمص والحبة السوداء
والذرة والأفوكادو والحبوب وزيت عباد الشمس والصبار

همسة غلا ..
01-03-2011, 05:09 AM
عذرآ الرد مكرر .. :$

همسة غلا ..
01-03-2011, 05:20 AM
وهنآ جبت لك الاشياء الي تنآيب الجسم ع حسب نوعيته موب الفصيله .. طبعاً بإمكانك تدمجين الفصيله مع نوع الجسم حتى تصير النتيجه فتآكه ..

انا فصيلتي o وجسمي درقي ولقيت بنت بالنت مسويه رجيم ينآسب هالنوعيه هذي ..

طبعا الكلآم الي بنزله الحين هو موجود بنفس الكتآب الي قلت لك انه عندي , بنت بمنتدى نزلته الله يجزاهآ عنآ خير الجزآء ..
وكل البنآت الي نقلت مواضيعهم ..



حمية النوع الكظري ذات استراتيجيه خاصه لاعادة التوازن في نظام جسمك
وماستفعله هو عدم تناول التي تحث الغدة الكظريه.. وزياده الاغذيه
التي تدعم الغده النخاميه والدرقيه..

كيف السبيل الى ذلك؟؟

1-الامتناع عن تناول اللحوم الحمراء والاجبان الكاملة الدسم والاطعمه
المملحه وهي التى تحفز الغده الكظريه..
2-تناول كميات كبيره من الخضروات الطازجه والحبوب الكامله ومنتجات
الالبان القليله الدسم وكميات قليله من القهوه او الشاي وقليل من
السكر هذه المواد التي تحفز الغده النخاميه والدرقيه.
3- يجب ان تحصل على البروتين اللازم لجسمك من الدجاج والسمك والحليب القليل الدسم
والجبن ايضا.

نتيجة ذلك:

1-ينقص وزنك بسرعه اكبر
2-تكون عماية الايض اكثر مرونة واخف
3-ينقص السلولايت والشحوم الزائده من على بطنك وظهرك زاعلى ذراعيك وخصوصا اثناء
الاسابيع التى تتخلص فيها من الثلاثة الكيلوجرامات الاخيره.

** الكاربوهيدرات ومنتجات الالبان بالنسبه للجسم الكظري:

عندما تريح غدتك الكظريه فانت في نفس الوقت تحفز غددك الدرقيه
عن طريق الكاربوهيدرات وتقوي غددك النخاميه بمنتجات الالبان قليلة الدسم
مثل : الجبن الابيض الحلوم-الزبادي-الحليب المنزع القشده.
الكاربوهيدرات التي يجب تناولها تنقسم بين الحبوب الكامله والمطحونه
ففي الافطار تناول الحبوب الكامله وايضا في الغداء ولكن في العشاء
يمكنك تناول القليل من الحبوب المطحونه مثل الدقيق الابيض
والارز الابيض . واذا كنت تحب الحبوب الكامله فهذا افضل لك (يعني العشا بعد
حبوب كامله)...
ويندهش صاحب الجسم الكظري من اضافة قطعه من الحلوى الخفيفه (ياحظكم) مرتين
في الاسبوع وهي تحث الغده الدرقيه وبالتالي عملية الايض لديك..

** الكافيين:
مفيد للجسم الكظري في حالة الاعتدال.. ولاتوجد خطورة كبيره لشرب كميات كبيرة من الكافيين طالما
لا تتوافق مع البناء الاصلي لرغباتك الملحه..

** الخضروات:
تناول الكثير منهااااا
فخطه تغذيتك تتضمن تناول كميات كبيره من الخضروات المطبوخه او الطازجه ..
استخدم غريزتك في اختيار اطعم ثمرات الطماطم وان تكون طازجه جدا والقرع
والجزر الصغير والفاصوليا الخضراء حتى يمكنك استساغة اكل الخضروات(هو مكتوب كذا)


** الحميه المناسبه : حميه الخضروات ...
وملخص خطه حميتك:

1- قلل االحوم الحمراء والاجبان الكامله الدسم.
2- يكون حصولك على البروتين من الدواجن والاسماك والحليب والاجبان القليلة الدسم.
3- اكثر من الخضروات الطازجه والحبوب الكاملة والفواكه..
4- قلل من الكافيين والسكر..

**جدول وجبات النوع الكظري :
1- الافطار: الافضل لك هي الحبوب الكامله والتى تحفز الغده النخاميه والدرقيه او منتجات الالبان
القليلة الدسم.

2-الغداء: تناول غداءا خفيفا يتكون من السلطه الخضراء او الخضروات المطبوخه
ومنتجات الالبان القليلة الدسم او الاسماك والفاكهه.

3-العشاء: وهو وجبتك الاساسيه (يعني ادبغي دبغ)
يجب ان يتكون من الدجاج والاسماك او البقوليات والخضروات والفواكه الموسميه الطازجه.

**لاحظ فترات مابين الوجبات:
يجب ان يكون الفارق بين الافطار والغداء 4 ساعات او 6 ساعات بين الغداء والعشاء
في حمية انقاص الوزن..
وتناول الطعام بين الوجبات يجعلك تفقد المجهود الذي قمت به لانقاص وزنك..

**فترات الحظر:
لا تتناول اي طعام بين الوجبات واذا شعرت برغبه في وجبه خفيفه عليك بتناول
المياه المعدنيه او شاي البقدونس او طبق شوربة الخضار المخصصه لنوع الجسم الكظري
او نصف علبة زبادي او نصف كوب حليب قليل الدسم

**الاعشاب المساعده: شاي البقدونس

طريقة عمله: اضافة ملعقه شاي صغيره من البقدونس المجفف الى كوب من الماء المغلى
واتركه لمدة 5 دقايق ولاتغلي الاوراق ثم اضف نصف ملعقه من السكر او العسل حسب
الرغبه..


الاطعمه المسموحات بكميات كبيره: بقول-فاكهه-خضروات طازجه-
منتجات الالبان قليلة الدسم-الحبوب الكامله

الاطعمه المسموحه بكميات معتدله:
حلويات خفيفه- حبوب مطحونه
سمك-بيض-دجاج-زيت نباتي

الاطعمه اللمنوعه او النادره:
الملح-اللحم الاحمر-الكريمه-الزبده-المحار

*********************************
حمية النوع التناسلي:
مفتاحك لنقصان وزنك الوائد هو ايجاد التوازن في نظامك عن طريق انقاص الحث للغده
التناسليه لديك وزيادة حث غدتك الدرقيه والنخاميه.

كيف السبيل الى ذلك؟
1-تمتنع عن اللحوم الحمراء والاغذيه الدسمه والكريمات (برنامج انقاص وزنك الاساسي
يمنع اكل اللحوم الحمراء بتاتا)وحتى البروتينات الخفيفه الموجود في الدجاج
والسمك والبيض عليك ان تقلل منها والاطباق الغنيه بالكريمه والزبد تستبعد تماما
اما الدهون الضرورية المسموح بها في نظام حميتك الغذائيه فهي قليل من الزيوت
النباتيه.

** التوابل:
لا للتوابل نعم للاعشاب..
ففي برنامج انقاص الوزن تستبعد التوابل ويستعاض عنها بالاعشاب غير المحفزه
مثل الشبت والبقدونس والريحان والطرخون(مااعرفه اسالوا مريم نور)والزعتر
ويمكن اضافة القليل من الملح..

** الاسماك والدواجن والالبان:
التركيز على الدجاج والاسماك ومنتجات الالبان
فلتلبية متطلباتك من البروتين عليك تناول الكثير من الدجاج والاسماك ومنتجات الالبان
القليلة الديم بدلا من اللحوم الحمراء
الزبادي والجبن الابيض الحلوم طعام جيد لك لانها تحفز الغده النخاميه
وتناول ايضا كوبا من الحليب الخالي الدسم في الغداء والعشاء
البروتين الموجود في الحليب خفيف ولايثير الغده التناسليه ولكن يمنحك قوة كافيه
ولاتشعر بالجوع في المساء او بعد الظهر.

** الكاربوهيدرات والكافيين:
يستفيد نظام جسمك من تناول الكاربوهيدرات جزئيا من الحبوب الكامله والجزء الاخر
من الحبوب الاخرى المطحونه(الدقيق والارز الابيض)
تناول كميات كبيرة من الفواكه فهي غذاء جيد لك حيث تحث الغده الدرقيه بطريقه
طبيعيه
يمكنك تناول كميه صغيره من الكافيين(الشاي او القهوه)ايضا مع قليل من السكر
في الصباح(نصف ملعقة سكر)وهذا القدر غير عادي في الحميه ولكن في حالتك
فهو قدر فعال في خطة تحفيز الغده الدرقيه والنخاميه.

الحميه المقترحه:
لا لحوم حمراء
قليل من الدهون والشحوم
كثير من الفواكه والخضروات الطازجه
كثير من منتجات الالبان القليلة الدسم
ان حمية الجسم التناسلي تعتبر جزئيا حميه نباتيه
فاذا كنت نباتيا استبدل اللحوم بكميات متعادله من الحلويات او البقوليات(وبذلك
تصبح حميه نباتيه كليا)

جدول الوجبات للجسم التناسلي:

الافطار:
عبارة عن وجبه خفيفه مثل قطعه صغيره من الفاكهه وكوب شاي او قهوه
(الشاي العادي او شاي زهرة البرسيم الاحمر red clover )
نصيحه لوجه الله للجسم التناسلي:
اذا بدات يومك بوجبه ثقيله فانت ستاكل طول اليوم
والايظ في المساء لديك انشط منه في الصباح

الغداء:
تناول غداءا خفيفا من المسموحات..

العشاء:
هو وجبتك الاساسيه لان الايظ مرتفع في المساء وايضا يساعدك في تجنب الوجبات الخفيفه
طول الليل ( يعني ماتنقنقون)

مواقيت الوجبات:
4 ساعات بين الافطار والغداء
5 ساعات بين الغداء والعشاء

فترات الخطرممنوع البلع فيها)
الوقت المتاخر من الصباح
واخر الليل

افضل الوجبات (وجبات خفيفه):
شاي البرسيم الاحمر(افضل شي)
قطعه فاكهه صغيره(بعض حبات العنب او حبتين فراولة)
واذا شعرت بجوع شديد في اخر الليل يمكنك تناول الفاكهه
والافضل الامتناع عن تناول فاكهه مع العشاء وارجاؤها الى اخر الليل..

اعشاب مساعده:
شاي البرسيم الاحمر
طريقة اعداده:
اغلي الماء جيدا ثم اضيفي ملعقه صغيره من شاي البرسيم الاحمر لكل كوب من الشاي المطلوب
واتركيه 5 دقائق ثم صفيه
واذا وجد هذا الشاي في صورة اكياس
فانه افضل من السائب ويمكنك اضافة نصف ملعقه من السكر او العسل..


الاطعمه المسموحات بكميات كبيره: بقول-فاكهه-خضروات طازجه-
منتجات الالبان قليلة الدسم-الحبوب الكامله

الاطعمه المسموحه بكميات معتدله:
حلويات خفيفه- حبوب مطحونه
سمك-بيض-دجاج-زيت نباتي

الاطعمه اللمنوعه او النادره:
ا لتوابل-اللحم الاحمر-الكريمه-الزبده-المحار
******************************
حمية النوع الدرقي:
ان مغتاح انقاص الوزن الزائد الخاص بك هو عكس عادة الحث الزائد لغدتك الدرقيه
وطالما غدتك الدرقيه في حالة الحث الزائد فلن ينقص وزنك..
وحمية الجسم الدرقي خاصه لاعادة التوازن في نظام جسمك وذلك بعدم توصيل
الاغذيه المحفزة للغده الدرقيه وزيادة الاغذيه المحفزه للغده
التناسليه والكظريه..

كيف السبيل الى ذلك؟؟
تقليل الحث الزائد لغدتك الدرقيه
وذلك بمنع الكافيين والكاربوهيدرات المطحونه مثل السكر
والدقيق الابيض والارز الابيض وغيرها من الحبوب المطحونه
ومنع الفواكه..
خلق التوازن بتقوية غدتك الكظريه وافضل طريقه لذلك هي اكل البيض
يوميا حيث يزودك بطاقه كبيره في شكل كوليسترول
والذي يدخل في تكوين هرمون الغده الكظريه
والحصول على البروتين من الدواجن والاسماك وكميات متوسطه من اللحوم الحمراء
تناول كميات كبيره من الخضروات الطازجه
وتناول كميات قليله من الحبوب الكامله..


**الفواكه:
عدم تناول الفاكهه اثناء حميتك لانها تحتوى سكرا يحث الغده الدرقيه كثيرا..
وفيما بعد عندما تفقد الوزن الزائد وتستعيد توازن الايض يمكنك ان تضع في حميتك
كميه معقولة من الفواكه(3-4 حبات فاكهه بالاسبوع)
لكن لن تستطيع تاكل مره اخرى الحلويات المسكره لانها بالنسبه لك مخدر وليست
طعام..

**الكافيين:
عدم تناول الكافيين اثناء الحميه...
وهذا يعني لا شاي او كولا(حتى الدايت)
وافضل مشروب لك الماء لانه منخفض السعرا الحراريه ويلطف الغده الدرقيه..
اذا كنت معتادا على الكافيين ....
يكون الانقطاع عنها تدريجي(لكنه ضروري)وتقليله بتناول كوب واحد
يوميا حتى تتوقف عن تناول الكافيين
نهائيا..

** البيض:
ابدا يومك بتناول بيضتين وسوف ترى ان الكوليسترول وفقا لاخر الدراسات
ليس له تاثير كبير على معدلات الكوليسترول في الدم وخصوصا الاشخاص
من نوع الجسم الدرقي
وعليك استشارة الطبيب فاذا سمح لك بتناول البيض فاتبع نصيحته او استبدلها
باربع اوقيات من الدجاج(مارتديلا اعتقد ينفع)
وعلى فكرة لاتظن ان اكل البيض المقصود البياض فيه.. المقصود الصفار
فقط حيث يوجد كوليسترول مقو للغده الدرقيه وهذا ماتحتاجه...

**اللحوم والدواجن والاسماك:
تناول الى جانب البيض افضل الاغذيه المقويه للغده الكظريه وهي بالنسبه للنوع
الدرقي الدواجن والاسماك فهذا البروتين الحيواني الخفيف
الذي تحتويه هذه الاغذيه يغذي وينشط غددك الكظريه ولكن لاتحفزها كثيرا

واذا تناولت قليلا من البروتين الاحمر مرتين او ثلاثه في الاسبوع يكون كثيرا

وتحتاج الى تناول كميات كبيره من الخضروات الطازجه في السلطه
حيث تزودك بالفيتامينات والمعادن والشعور بالامتلاء ولن تشعر بالجوع
ابدا
ولابد من تناول كميات كبيره من الخضروات يوميا...

** الحميه المقترحه:

تناول البيض يوميا وكثير من البروتين من الدجاج والسمك وكميه معتدله من
اللحم الاحمر وكميه صغيره من الكاربوهيدرات الموجوده في الحبوب الكامله
وكميات كبيره من الخضروات والسلطات
وعدم تناول الفاكهه..

**مواقيت الوجبات:
4 ساعات بين الافطار والغداء(الفطور يفضل بيض او شرائح مارتديلا)
6 ساعات بين الغداء والعشاء

**فترات الحظر:
الفترة الخطيره انهم نوع الجسم الدرقي عندما تكون الغده الدرقيه منخفضة النشاط ولسوء الحظ
هذا ممكن الحدوث باي وقت
وحتى تعرف متى يحدث هذا الانخفاض فلابد من ملاحظة ان ذلك يحدث بعد فترات محدوده
تتلو الحث للغده بتناول تلنشويات او الكافيين
والتعب الدرقي يحدث في صورتين الاولى في صورة تعب مصحوب بالرغبه في وجبه خفيفه
بعد حوالي ساعه او ساعه ونصف بعد الحث
والصورة الثانيه بعد حوالي 3 او 4 ساعات من الحث..


**الوجبات الخفيفه :
افضل الوجبات الخفيفه التي تتناولها حتى لو كنتت تناولت بيضتين في الصباح
هو البروتين في الغداء واستبعاد الكافيين حتى تتفادى التعب الدرقي وقد
تشعر برغبه في وجبه خفيفه بعد الظهر عندما تصل الغده الدرقيه الى اقل مستوى
من النشاط وهذا الوقت يمكن ان تناول بيضه مسلوقه او اوقيه من الدجاج الباقي من العشاء
او قطعه من لحم الديك الرومي
وانصح اصحاب الجسم الدرقي ان يحتفظوا بالبروتين دائما في متناول ايديهم لان هذا
افضل من ناول معكه عندما يشعر بالتعب...

** اعشاب مساعده:
شاي اوراق التوت العليق
اشرب منه قدر ماتستطيع فهو يساعدك في تخفيف وزنك كذلك لو كانت لديك
رغبه ملحه في الطعام وشربت منه فسوف تختفي هذه الرغبه ..(والله ذا احلى شي بالجسم
الدرقي)
طريقة تحضيره: اضيف ملعقة من شاي توت العليق لكوب ماء مغلي(لايغلى الشاي)
نترك الخليط 5 دقائق ثم يصفى ثم يشرب ولايضاف الي سكر او عسل...

الاطعمه المسموحه بكميات كبيره: سمك - صدفيات - خضروات طازجه
البان قليلة الدسم-بيض-دواجن

الاطعمه المسموحه بكميات معتدله:
بقول-حبوب-لحم-كبده
فاكهه-خضروات-زيت نباتي

الاطعمه النادره:
سكر-قهوه-حبوب مطحونه

يسيتحسن الامتناع عن الفواكه خلال الحميه

**********************************





نآقص النوع النخآمي بس .. :ص300:

همسة غلا ..
01-03-2011, 05:25 AM
شسمه واهم اهم شيء الريآآآآآآآآآآآآآآآآآآآآآضه ..
ادري تعب ادري عجآزين بس لزوم للاوزان الكبيره ولا نروح فيهآ ..

بعدين حلو الوحده تحط لهآ هدف من النحف , يعني انآ ليه انحف ..
وتحآولين تحسني نيتك , وثقي بالله وان ربي بيسآعدك ..
مثلآ انآ ابغى انحف حتى اتقوى لطآعة ربي , لان السمنه فعلآ تتعب لو مآيجيك الا الصلآه الوحده مآتقدر تطول وحآله ..
ومثلآ ابغى انحف حتى احب نفسي واكون رآضيه عن شكلي ..
او مثلآ حتى اتجمل بعين زوجي , واحتسب الاجر من الله ..

يعني كيذآ تكون اهدآف سآميه , ولا يكون فيهآ معصيه مثلآ ابغى انحف حتى تكون شكل البنآطيل علي حلو , او حتى البس قصير , اذا النيه مو كويسه مصيبه كيف نطلب من الله يسآعدنآ حتى نعصيه ..

ووووووبس حبوبه طولت عليك بس حبيت افيدك , وحتى اذا حبيتي تبدين معي , نكون نفس النظآم خصوصا انه مره ينحف وبالرآحه ..

والله ينحفنآ من غير شر يآرب ..

عاشقة الورد&&&&
01-03-2011, 07:46 AM
اختي ما انصحك بالتحوير للمعدة لأن يقول لك تسبب تساقط شعر و الوجه ذبلان و تحتتاج فيتامينات طول العمر اتوقع لانها تطلع كل الاكل بكل فيتاميناته على الاقل لو مصممة على العملية سوي ربط المعدة افضل!!

وبعدين مين قال 118 صعب انك ترجعين للوزن المثالي حاولي سوي تخفيف و التخفيف مو حرمان للاكل ابددددددا كلي كل ما تشتتهينه ولكن اقل من قبل وشوفي القروبات بهذا القسم و بتستفيدين منها إن شاء الله خصوصا ان وزنك كبير يعني رح تنزلين بسرعة بإذن الله في البداية,,

الله يوفقك,,

سمينه محطمه
01-03-2011, 03:31 PM
حبيبتي همسة:3_2_101[1 هلا والله ماتتصوري قد ايش فرحتي ساعة شفت ردك لي حوالي ساعتين عالنت ما قربت يم موضوعي الي نزلته امس توقعت محد رد بس يوم شفت ردك والله فرحت ياعمري وكل كلامك الي وصفتي به نفسك احسك تتكلمين عني وبالنسبه لي ودي والله العظيم اسوي تحدي بس اخاف ماكون قده لاني ملوله وابشرك الحمد الله النيه الطيبه للتخسيس موجوده لاني ملتزمه الحمد الله وماألبس لاقصير ولا بناطيل ابي اتقوى على قولتك عالطاعه واكسب صحة جسمي تصدقين حتى صعبه احمل لاني السمنه تأثر عالمبايض ومسألة الحمل وغير حرماني التام من اللبس المريح في بيتي اخاف يكشف سمنتي الكبيره لزوجي وعلى قولتك ماباقي شي ماسويته وكل ادوية التخسيس جربتها بدون فايده:042: يارب خفف عني وعنك وعن كل سمينه من غير شر يااااااااااااااااااارب ارحمنا والطف بنا ياليت انحف وبالنسبه لرجيم الفصائل عندي والله من زمان فصيلتي b+تدرين وش انحرم منه من اهم عامل في الاكل الدجاج:042:
بس لابأس ندخل تجربه انا وانتي ويصير فيها تحدي بس مدري ليش احس اني بفشل من البدايه واضيع قدام المغريات:ج1:
وبالنسبه لطبيعة جسمي درقي وزني 118 طموحي الاول100 متى نبدى خليها من الجمعه القادمه على خير اذا يناسبك ردي لي وش بتسوين عشان اسوي مثلك لعل الله يرحمنا
بس ماقلتي كم عمرك شكلك لسى بنوته ونسيت اقولك ترى انا من عمري كله سمينه بس عالاقل اخف من كذا بكثير كنت بالثمانين بس من7 سنوات توفى الوالد الله يرحمه ويجعل قبره روضه من رياض الجنه وبديت بالسمنه المفرطه الميه وفوقها يارب لطفك:t8:
والاف الرجيمات سويتها انحف ارجع اسمن ثانيه تقبلي شكري على معلوماتك القيمه الي استفدت منها كثير والله يجزاك عني وكل من كتب بها لموضوع كل خير وهالاسم حقي (سمينه محطمه)حلال عليك:0126:
انتظر ردك انا بخرج اصلي العصر واسوي فطور لاني صايمه بس اشوف ردك اذا دخلت ان شاء الله
انتي بأي منطقه بالسعوديه
اسعدني مرورك والله:079::0149:

*ام عدي*
01-03-2011, 03:42 PM
لاتسوين حبيبتي عملية ولا شي
افتكر مرة جبت سيرة الريجيم والنحف ومن ذا الكلام قالت لي وحدة
قفلي فمك وامشي
وفعلا حسيت انها قاعدة للنحافة
انا بدأت هنا مع البنات وفي قروبات مررررررة تحمس انك تبدأين معاهم شوفي قروب يناسبك وابدأي من اليوم
واتوقع الاوزان الكبيرة يوضح عليها النحافة بسرعة يعني حيكون حااااافز كبيييييير لك
والله انا احيانا في الاسبوع ماانزل الا نص كيلو واحيانا ولا شي لكن مع الارادة كل شي يصير
واول ماتشوفين نفسك نزلتي ماراح توقفين الدايت وكل مرة تقولين لااااا ابغى انزل كمان وكمان
الله ينحفك بصحة وعاااااافية

سمينه محطمه
01-03-2011, 05:15 PM
يسلمو اخواتي عالرد ماقصرتو لكم شكري واحترامي يعطيكم الف عافيه الله يحقق لكم مرادكم

فاطمه الشهري
01-03-2011, 05:46 PM
بس لابأس ندخل تجربه انا وانتي ويصير فيها تحدي بس مدري ليش احس اني بفشل من البدايه واضيع قدام المغريات


شوفي شلون انتي الي تحبطين نفسسسسسسسك
ها الكلام شيليه من راسك بدال ماتقولين بضعف
قولي انا قوية وبقدر
كم لي وانا اكل ها الأكل اقدر اتركه سنه عادي وارجع طبيعيه

الله يعطيكِ الصحه والعافية والأرادة
وينحفك وينحفنا على خير

ويارب ماتمر فتره الا وانتي مغيره النك نيم
ومتفائلة كثير ونحفانه على خير

: )

همسة غلا ..
01-03-2011, 06:12 PM
حبيبتي همسة هلا والله ماتتصوري قد ايش فرحتي ساعة شفت ردك لي حوالي ساعتين عالنت ما قربت يم موضوعي الي نزلته امس توقعت محد رد بس يوم شفت ردك والله فرحت ياعمري وكل كلامك الي وصفتي به نفسك احسك تتكلمين عني


يآحبي لك والله .. انتي الي ماتتصورين قد ايش فرحت , لمآ قريت ردك تحسسمت بشكل كبييير .. :ق0:


وبالنسبه لي ودي والله العظيم اسوي تحدي بس اخاف ماكون قده لاني ملوله
هههههههههههههه يالله قسم بالله كأنك تقرين افكآري , امس قآعده اقول لنفسي ياربيه اخآف الحين احمس البنت معي وبعدين تخوني همتي واترك التحدي , واتسبب بإحبآط لهآ ليتني مآ اقترحت ابدأ ..
بعدين يوم فكرت شوي استعذت من الشيطآن وضحكت تذكرت ان النوع الدرقي من النوع الي يمل واهم اهم شيء لنجآح انه يتحدآ نفسه وابداً ابداً مآ يرضخ ويستسلم للملل واليأس , والحين انآ بقمه حمآسي وان شاء الله بتحدى نفسي اشوف انا ولا هي , ايه صح ومن صفآت الدرقي انه يعشق التحدي , بس يمل , وهالشيء صآلحنآ اننا نحب التحدي وثنتين ان شآء الله بنشجع بعض للنهآيه ونضغط ع انفسنآ ونتحمل عشآن كلنآ نوصلل لهدف , وربي مررره فرحت لمآ عرفت انك درقي مثلي ..
انآ امي واختي كلهم سمآن بس اجسآمنا تختلف نوعيتهآ وتختلف الشخصيه , يعني مآ احسهم يحسون بنفس مشآعري , فمآفيه اي حمآس معهم , بس بمآ اننآ درقيات اكيد بنفهم لبعض :020:


وابشرك الحمد الله النيه الطيبه للتخسيس موجوده لاني ملتزمه الحمد الله وماألبس لاقصير ولا بناطيل ابي اتقوى على قولتك عالطاعه واكسب صحة جسمي تصدقين حتى صعبه احمل لاني السمنه تأثر عالمبايض ومسألة الحمل وغير حرماني التام من اللبس المريح في بيتي اخاف يكشف سمنتي الكبيره لزوجي وعلى قولتك ماباقي شي ماسويته وكل ادوية التخسيس جربتها بدون فايده يارب خفف عني وعنك وعن كل سمينه من غير شر يااااااااااااااااااارب ارحمنا والطف بنا ياليت انحف
لآ من جد من جد احمد ربي واشكره انكـ ملتزمه الحمدلله احس ربي استجآب دعائي وجآبك لي :ق0: عسآ الله يثبتك يآرب ويحقق مرآدك ووينحفمآ ويخليك اجمل وحده بعيون زوجك يآرب ..
وربي مره فرحت دآيم اتحطم من بعض البنآت الي ربي يهديهم بس , حتى تحدي مآلي نفس اتحدآ معهم لان اهتماماتهم من البدآيه غلط .. :059:
وانتي مشكلتك مع الحمل نفس مشكلة امي , وكيثر كيذآ كآنوا سمآن يوم نحفوا سبحآن الله حملوآ , عسى الله ينحفكم من غير شر يآرب ويرزكم بآلذريه الصآلحه يآرب , ويقر عيونكم ببرهم ..
آآمين امين يآرب والله يعينآ ويقوي عزمتنآ يآرب ..


وبالنسبه لرجيم الفصائل عندي والله من زمان فصيلتي b+تدرين وش انحرم منه من اهم عامل في الاكل الدجاج

اجل شقول انآ ممنوعه من النشويآت انآ حيآتي كلها نشويآت لحوم مآ اكل خضآر وفآكهه والله بالشهور مآتطب بطني :404: , يعني بعذري يوم اسمن ..
بس تدرين انتي حآولي تعوضين الدجآج باللحوم بأنوآعها ادري موب نفس الطعم وتملين منهآ سبحآن الله مو مثل الدجآج , بس الشكوى لله نتحمل شوي لعيون النحف :ق0:


بس لابأس ندخل تجربه انا وانتي ويصير فيها تحدي بس مدري ليش احس اني بفشل من البدايه واضيع قدام المغريات

لا لا صدقيني لا تحطين هالفكره برآسك حآولي تتنآسينهآ قولي انآ قويه أنآ اقدر . والله فيه واحد اعرفه كآن مسستحيل مسستحيل ينحف لو ايش يعني لدرجه حتى المجتمع الي حوله يقولون فلان مسيكين الله يعينه مآ فيه امل ينحف يعني ان كآن وزنه فوق 130 والله مآ استبعد ومآشآء الله الحين انحف من كل اخوآنه ..
اهم شيء يبيلنآ الهمه والصبر خصوصاً ان نوعية جسمنآ الدرقي يحدد شخصيتنى , وكل هاليأس الي فينآ من شخصيآتنا وبإذن الله او ننحف كل شيء شين يتغير , حيآتنا بتتغير نفسيآتنا بتتغير , وبنحب انفسنآ :ق0:

بس من البدآيه لا تقولين بجرب , التجربه احتمآل تنجح واحتمآل تفشل , قولي انآ ببدأ وبنحف بإذن الله , خل نخلي ثقتنآ الله كبيره .. :ق0:
والله سبحآنه يقول :(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ..
يعني كيف نبي نتغير وحنآ مآغيرنآ حتى الي بنفسنآ لازم من البدآيه نكون شآدين حيلنآ .. ونتوكل على الله ..
والله بيسآعدنآ بإذن الله لازم نثق بالله ,
الله سبحآنه يقول بالحديث القدسي (أنا عند حسن ظن عبدي بي, فليظن بي ما شاء) , يعني ان ظنينآ خير بالله وظنينآ انه بيعيننآ وبيحقق منآنا وننحف ربي بيحقق , المسأله مره بسيطه وسهله , بس خل نسهلهآ على انفسنآ .. :ق0:

وشسمه بعد انتي تلآحظين ان صحتك موب مره وتتعبين من اي شيء وماتقدرين تتحملين مسؤوليه كبيره او تقلقين مره من تحمل المسؤوليه , تخيلي ترآ كل هالمشآعر طبيعيه بالنسبه للجسم الدرقي , يآعمري حنآ اول انآ احسب السآلفه خلل بشخصيتي صآر هذآ من تأثير الجسم ومع النحف رآح يتغير كل شيء بإذن الله ..
يعني ببسآطه كل المؤشرات تشجعنآ ع الاستمرآر ..


وبالنسبه لطبيعة جسمي درقي وزني 118 طموحي الاول100 متى نبدى خليها من الجمعه القادمه على خير اذا يناسبك ردي لي وش بتسوين عشان اسوي مثلك لعل الله يرحمنا

كويس اجل معك انآ بإذن الله ع الجمعه الجآيه ..
انآ بسوي رجيم الفصيله يعني بشوف وش الاشيآء الي امتنع عنهآ واتركها , وبرضوآ بدمجهآ مع الجسم الدرقي ..
انآ لقيت بنت الله يجزآها الجنه سوت جدول مبسط للجسم الدرقي + فصيله o . هذآ هو بسويه ..


الرجيم هو
الدمج بين الجسم الدرقي وفصيلة الدمO

الافطار:
اختاري نوع واحد من الاتي:

1\\ من 1 الى 2 بيض مسلوق+10حبات زيتون اخضر
2\\ بيض أومليت بالنقانق(سجق)
3\\ بيض اومليت بالمرتدلا (دجاج او لحم )
4\\ بيض شكشوكة بالخضار الورقية(بصل, ثوم, بقدونس, بصل أخضر)
5\\ سلطه مضاف اليها بيض مسلوق(أكلتي المفضلة)

مسموح ان تضيفي الى البيض البصل والثوم والبقدونس والطماطم والملح
والبهارات والقليل من زيت الزيتون وزيت الكتان فقط

أما شاي الاعشاب:يفضل شرب الشاي الاخضر أوالنعناع أوالزنجبيل أوالورد(أو خلطهما معاً)
ويفضل شرب القهوة بدون كافيين مسموح بسكر سبيلندا او سويت اند لو
ويمنع منعا ًباتاً شرب الشاي الاحمر والاسود وكذلك النسكافيه والقهوة السوداء والقهوة العربي
لأنها جميعاً تحتوي على كافيين الذي يحبط عمل الغدة الدرقيه ويكسل في نشاطها وتمنع عملية الحرق.
.............................. .............................. ...

الغداء و العشاء
اختاري نوع واحد من الاتي:

1\\ طبق كبير من الخضروات المطهيه بأي طريقة طهي عالبخار اومسبكة او مسلوقة.
مثل(فاصوليا خضراء+البازلاءالخضراء+كوسة+سبا نخ+بروكلي+طماطم
+البصل بأنواعه+الثوم+باميا+القرع+الكر فس+ملوخية)

2\\طبق كبيرمن السلطه تتكون من) الكرنب الاحمر+خس+خيار+ بقدونس+فجل+فلفل اخضر
+فلفل رومي+طماطم+البصل بأنواعة+الزيتون الاخضر )
3\\ 3قطع متوسطة طازجة من الدجاج أو السمك أو اللحم+طبق صغيرسلطة.
4\\ علبة تونة حجم وسط بالماء+ طبق صغير سلطة.
5\\3 شرائح مارتديلا أو 3نقانق الحجم الوسط+طبق صغيرسلطة
6\\ طبق متوسط من السلطة الشرقية دجاج مع خضراوات السيزر
7\\ 2بيض مسلوق+طبق متوسط من السلطة (أكلتي المفضلة)
8\\ نص كوب من الكبدة بالخضار الورقية(بصل, ثوم, بقدونس, بصل أخضر)
وتؤكل بأوراق الخس بديل عن الخبز.
9\\ شوربة خضار(تسلق الخضار المرغوبه وتضرب في الخلاط
أوتقطع الخضار صغيره جداً وتسلق في ماء مع البصل والثوم الطماطم والملح والبهارات)
10\\ نص كوب جمبري مشوي +طبق صغيرسلطة

يفضل التنويع بأن يكون الغداء بروتين والعشاء خضار اوالعكس صحيح.

مثال قائمة لوجبة يوميه:
الفطور= 2بيض مسلوق+10حبات زيتون اخضر
+ نسكافية بدون كافيين مع كوفي ميت لايت وسكرسبيلندا

الغداء=3قطع متوسطة من السمك+سلطة+ شاي الاعشاب

العشاء= إيدام خضار مسبكة((الطريقة اضع في القدر ملعقة زيت زيتون ثم البصل
والثوم ثم الطماطم ثم الخضارالمرغوبة وأقلبها حتى تختلط ثم أتركها على نار هادئة حتى تستوي))
+ شاي أعشاب

ملاحظةيسمح بأضافة الليمون او الخل
و3ملاعق صغيره من زيت الزيتون أو زيت الكتان

الخضراوات التي لم اذكرها لايجب اكلها نهائياً كذلك خضراوات السلطة
فقط ماكتبته بين قوسين هو مايجب اكله وطبعاً ان تختاري منها مايعجبك.

الممنوع من الخضارمثل(الكرنب الابيض+القرنبيط الابيض+الفطر+الزيتون الاسود+الذرة+الباذنجان+البطاطس )

يفضل المشي نصف ساعة
وشرب 2لتر من الماء يومياً.

وموب شرط اتقيد مره بس اهم شيء بمتنع عن كل شيء مآ ينآسبني ..
وترآ احسن شيء لنآ يا الدرقي اننآ نفطر بيض ..
انتي اذآ تبين رآيي شوفي الاشيىء الي تنآسب فصيلتك واكتبيها بورقه كلهآ , بعدين شوفي الاشيآء الكويسه للدرقي واكتبيهآ معهآ ..
بعدين سويلك جدول بسيط مره ورآعي التنوع فيه ..

واش بعد بمشي نص سآعه بعدين كل يوم بزيد دقيقه او دقيقتين ..
واحتمآل اقسمهآ يعني مآ امشيهآ مع بعض يعني 10 دقايق على ثلاث مرآت باليوم على حسب مزآجي ..
احسن شيء مآ نضغط على انفسنآ وننوع بالمشي ..
وبعد فيه تمآرين مخصصه للجسم الدرقي بإذن الله تحسن بشكل كبير على الشخصيه وتقوي الجسم , لان الجسم الدرقي ضعيف اي شيء يتعبه يسبب له اجهآد , حتى النفسيه اي شيء يأثر فيهآ وهالتمآرين تقوي وتسآعد ع التحمل ..
بإذن الله بسويهآ يعني عندي بالكتآب التمآين ومسويلك زي جدول معين لريآضه ادري مآ نحب نتقيد بشيء محدد يالشخصيه الدرقيه .. بس لازم نتحدآ انفسنآ :403:
وصح اذا تبين تسوين بس رجيم الدرقي يعني بدون دمج خبريني انزلك ايآه من الكتآب عندي , برضوآ يقول الكآتب انه مفيد مره .. :ق0:


بس ماقلتي كم عمرك شكلك لسى بنوته ونسيت اقولك ترى انا من عمري كله سمينه بس عالاقل اخف من كذا بكثير كنت بالثمانين بس من7 سنوات توفى الوالد الله يرحمه ويجعل قبره روضه من رياض الجنه وبديت بالسمنه المفرطه الميه وفوقها يارب لطفك
عمري 19 :408:
الله يرحمه ويغفر له ويتجآوز عنه ويسكنه الفردوس الاعلى يآرب , وموتآنآ وموتآ المسلمين ..
تدرين حتى انآ سمنتي تكونت بعد ضغوظ نفسيه ومشآكل مريت فيهآ صحيح عآمل الورآثه كآن له دور بس حتى المشآكل لهآ دو , وتدرين ليه حنآ نآكل لا انهآرت نفسآتنا , لان هذآ يكون بتحفز من الغده الدرقيه ..
يعني هالغده لعبت في امنآ لعب :404: بس مآرآح نسكتلهآ بعد اليوم ابدا ابدا :8500:


والاف الرجيمات سويتها انحف ارجع اسمن ثانيه تقبلي شكري على معلوماتك القيمه الي استفدت منها كثير والله يجزاك عني وكل من كتب بها لموضوع كل خير وهالاسم حقي (سمينه محطمه)حلال عليك

نفس المشكله عسى الله ينولنآ مرآدنا وننحف من غير شر يآرب .. :ق0:
العفو خيتو ولو مآ سويت شيء ..
يآحبي لك والله :ق0: عقبآل ان شاء الله مآ نغير هالاسم لرشيقه ومتفآئله ووآثقه <~ مشوآر موب اسم ههههههه ..


انتظر ردك انا بخرج اصلي العصر واسوي فطور لاني صايمه بس اشوف ردك اذا دخلت ان شاء الله
انتي بأي منطقه بالسعوديه
اسعدني مرورك والله


الله يتقبل يآرب .. :ق0:
تدرين يوم قلتي صآيمه قلت وش تصوم يوم الاحد :د0: , يوم سألت امي قآلت اليوم الاثنين . لااااااا ورب كنت نآويه اصوم بكره الي هو الاثنين بتقويمي طبعا ههههههههه , يالله من تركت الكليه وانا مدري وش الايآم ولا التواريخ مضيعه :061:
طبعاً انآ قدمت اعتذآر من الكليه هالكورس كله بسبب ذآ النفسيه :059: الي زفتت بسبب هالجسم :ص300:
يآرب يآرب ماتنتهي هالسنه الا حنآ بأحلى اجسآم ومتحققه كل احلآمنآ ..
و انآ سآكنه بالخرج خيتو .. :ق0: وانتي ..

وتشرفت بك كمتحديه :ق0::406: وان شاء الله حنشوف مين غلب الثآني <~ من الحين قلبتهآ معركه هههههههههه

بالتوفيق يآرب ..

همسة غلا ..
01-03-2011, 06:20 PM
اختصآر الهذر الي فوق ..

نظآمي هو ..

رجيم الفصيله + الغده الدرقيه ..

تمآرين ( مشي + تمآرين الجسم الدرقي ) ..
شفتي قد ايش سهل ذذ ..

واهم شيء الدعآء الدعآء , والاستغفآر ..
خل ندعي لبعض بظهر الغيب , الدعوه بظهر الغيب مستجآبه , والملك كل مآ دعيتي يقول لك بالمثل ..
صآحبتي اذا بغت شيء يتحقق لهآ تروح تدعي فيه للنآس , تقول هم يستفيدون وانآ الملك يقول لي لك بالمثل ..

وتكفين حبوووبه بليييييييييز خل نتعآهد ناننا نشد حيلنآ , وكل وحده تحمس الثآنيه اذا وحده ضعفت الثآنيه تشجعهآ , ونكون عون لبعض ..
ونستعين بالله .. ولا نستسلم ابدا ابد ..
حتى لو نكون حآزمين مع بعض وفيه عقوبات وحركات <~ اجل العقوبات صارت حركات هههههههههه ..

وصح شرآيك نفتح موضوع مستقل لتحدي .. ونكتب فيه يوميآتنا وندردش ونفضفض وكيذآ ..
ونسوي توقيع <~ اهم شيء ههههههههههههه

Tebt Ashtaaag
01-04-2011, 12:47 AM
بالتوووووووووووووووووووووووووفيق ياااااارب ...*

% القلب الحنون %
01-04-2011, 01:12 AM
نظآمي هو ..

رجيم الفصيله + الغده الدرقيه ..

تمآرين ( مشي + تمآرين الجسم الدرقي ) ..
شفتي قد ايش سهل ذذ ..

الا وشو رجيم الغده الدرقية ..!!

وشو هي تمار الجسم الدرقي.!!


وش رايكم تجون قروبنا تونا باديم من يوم السبت اللي فات تحمسووونا ونحمسكم

همسة غلا ..
01-04-2011, 01:55 AM
مشكله الانسان لا تحمس بقوه :409:
ترآهآ ما سوت التوقيع ههههههههههههههه :061:

http://store2.up-00.com/Dec10/x9c95055.png (http://www.up-00.com/)

صممته ع السريع وانا من زمآن عن الفوتو ومضيعه والخط معيي يتغير حجمه وحآله , شرآيك نعتمده توقيع الرسمي ولا ذذ :408::د0:

سمينه محطمه
01-04-2011, 10:20 AM
هلا وغلا بنسمة غلا:ق0:
والله فرحت بتواجدك بموضوعي وان شاء الله اكون قد التحدي وترى الحركات الي سويتيها ماعرف لها بصراحه توني جديده عالمنتديات كنت اول اتصفح واطلع توني من اسبوعين او اقل سجلت بالمنتدى يعني ماعرف هذا مدري وش يسمونه الي حطيتي فيه اسمي واسمك 00:0107:مفهيه ومدري وين الله حاطني
وان شاء الله قريبا على قولتك اغير النك حقي لرشيقه واثقه هههههه
المهم انا من الرياض وحبايبنا والله اهل الخرج :3_2_101[1واشوى مافي بعد عشان يصير الحماس من قريب 00المهم شخباركم(مدري وش دخل ذي بالسالفه):061:
انتي سوي لنا موضوع واي شي تبينه وماعندي اي مشكله بس علميني وشلون ادخله لاني والله ياخيتي ماعرف حتى صوره ماعرفت شلون احط لي صوره خاصه وبعض الناس يضيفون تحت مواضيعهم اشياء انا مدري عن شي :0107:
وفي اخت تقول ادخلو بقروبنا وش رايك او نكون خاص
حتى لو دخلتي بقروبهم علميني وش الطريقه انا ماعرف كثير والله واهم شي الرياضه وترى انا عندي سير ومااقدر امشي بالهواء الطلق على قولتهم:7_5_128[1
تصدقين بينا فرق بالعمر 7سنوات بس ماشاء الله حسيتك كبيره وفاهمه من اسلوبك الله يخليك لعين ترجيك ان شاء الله:cool:

قوقعه بالبحر
01-04-2011, 03:09 PM
سمينه محطمه

وهمسة غلا


انحفو بدون كسل عاد والاكل نخليه عاااادي ليش انا خليته تخفيف وتعودت معدتي عالاكل القليل بعد 3 اسابيع


والحين نزولي ولله الحمد مستمر


واقولكم شي قلة الاكل سهل جدا بس احنا نخليه صعب


ورايي تدخلون قروووب عشان تستحون وتتحمسون احسن من قروب لوحدكم يمكن تملون ومايدخل معكم احد ولازم قروب لانو اكثر القروبات خبره والبنات المشتركات صارو خبره

والله تحمست عشانكم مااحب تعانون من السمنه والله لو تذوقون طعم النحف شويه زيي تستانسون وتكرهووووووووووووووون الاكل سبحان الله

والله يوفقكم

**ام عبادي القمر**
01-04-2011, 04:32 PM
ولا يهمك يالغالية
اول شي ادعي ربك انه يرزقك العزيمة وان شاء الله مابيخيب ظنك
وثاني شي توكلي على الله
وشوفي رجيم يناسبك وماتتمللين منه بسرعة
وكل اسبوع اوزني وبتشوفين العزيمة تزيد كل اسبوع ان شاء الله لانة بتشوفين وزنك قاعد ينزل
اني وزني كان 120 بعد ماولدت ولدي ب 6 شهووور
بعدين اتبعت رجيم وتقريبا ضليت لمدة سنيتين واني اسوي رجيم واوقف
الين ماوصل وزني ماشاء الله لاقوة الا بالله 83 كيلوووو
وبعدين حملت وبعد ماولدت ببنتي الحين رجع وزني 115 كيلووووو
تخيلي وهذاني مضايقة من جسمي وايد
ولي اسبوعن اتبع رجين او تخفيف وارد ارجع ابلع
واليم توكلت على الله وقلت ببتدي رجيم الدشتي بس مع بعض التعديلات من عندي
اتبعت قبل وكان وايد ينزل وزني بسرعة


همس الغلا ماقصرتي يالغالية على المعلومات
ويش رايكم حبوبوات كل الي تدخل الموضوع وترد
نسوي لنا قروب واحد ونشجع بعض؟؟؟

سمينه محطمه
01-04-2011, 05:14 PM
هلا ام عبادي الله يخلي لك عبادي واخته ان شاء الله يربون بعزك تسلمين ياعمري فادتني تجربتك يسلمو على مرورك ياعسل والقروب وش لون ماعرف له خلينا نشوف همسة غلا لين تدخل وتتحفنا بجديدها

الحظوظ الرديه
01-04-2011, 06:02 PM
سمينه ..محطمه..

من جد لو تجربين شعور الرشاقه ..
ماارااح تتكااسلين ولاتطفشين ..

وانا في ثاني ثانوي كان وزني 75 واطولي 157
واشوف البنات في المدرسه ومقهوره ..
وقررت انحف ..
ونحفت مع ان كل اللي في البيت ..
يحطمووني..
ولايهتمون ولايشجعون.

ونزلت وزني خلال شهرين برجيم الشوربه بس مو ذا اللي بالنت ..
لا ماخذته من عند صديقتي ..سواه جدها لما سوا عملية القلب المفتووح ..
ومطبوع من مستنشفى فيصل التخصصي..
المهم نزلت وزني الى 52 ..

والحمدلله ..
استمريت عليه لحد ماحملت وولدت ورجعت 77 ..

ورجعت اشتركت بدايت سنتر لحد مانزلت ل59 وكملت ال4 كيلو لوحدي ..
وجلست على هالحال 5سنوات وبعدين حملت ..
وولدت وزني 75 ..
واهملت نفسي لحد ماوصل 83 ..
ولا فكرت الا يوم في جمعه جيت اصب القهوه ومديت لحمااتي الفنجااان ..
والا اسمع صوت البلوووزه انقطع ..
وربي بعد ماراحوا جلست ابكي ..
ومن يومهاا قررت انزل وزني ...

0000000000000000

جربت دايت سنتر شهرين ..
ووصلت 66..
وبعدين طفش زوجي من الخساير ..
ولاعاد خلاني اشترك ..

طبعا النادي ممنوع عندنا ..
لكن ماايهم ..
انا وزني ينزل بصعوبه لكن وربي انه يطلع احيانا كيلو كل يووم ..
تخيلي ..

00000

الحين بنصحك هالاسبوع تجربين طريقتي ..
وشووفي ..


اول شي تسوينه الزيت العادي في الزباله استخدمي زيت الزيتون ..
وافضل زيت زيتون اسبااني ورقته ذهبيه واسمه ار اس في دائره حمرااء..
من روفائيل سلغادو الاقيه في التميمي وهايبربنده ..
الشوكلاتات والشيبسات والغازيات ممنووع تشترونهاااا ...
اكل من برااا من مطااعم ممنوووع ماعاد في اليوم المفتووح ..

القلي عوضيه بأي طريقه في الفرن او الشوي ..
وربي الذ ..

الملح بدال الملعقتين ملعقه ...
لان الملح يحبس الماء في الجسم ..
ويجيب الضغط ..

اي شي يلعب في الهرمونات في الزباله حبوب منع الحمل حبوب الرضاعه ..
هذي تحوووس الجسم والصحه ..
فيه مليون طريقه بديله ..

الحين خلي الوجبه الكبيره في الغدااء ..
افطري اكل زين وخفيف وصحي مو خفيف يعني مويه والابس عصير ..
لا خفيف يعني سهل الهضم ..
والا اشتري كروسون من دايت شوب فيه 83 سعره ..

اهم شي تنامين بدري 11 بالكثير 12 وانتي ناايمه ..
واصحي بدري قبل الساعه9 بالكثير ..
فهمتي ..
لان الجسم مايحرق الا بالنهار اذا طول النهار ناايمه ..
الجسم مايحرق ولا كالوري ..

ومن بعد المغرب قفلي فمك ...
تغدي وافطري زين ..

----------

بعد ااخر وجبه اللي قبل المغرب ..
خووذي كيس شاي ليبتون الاخضر بالليمون ..
وحطيه في كوب ورشي عليه شوي كمون بودره وشوي زنجبيل بودره ..
وحطي مويه حاره واذا صار داافي اشربيه ..

000

للأمانه انا استخدم شااي الرشااقه .
لان عندي سواابق مع الامسااك ..

00000
بس مو دايم استخدمه .. اذا جت الحاله شربته ..

000000000000000

اش بعد الحلا والاشياء هذي لاتسوينها علشان لاتضطرين تااكلين منهااا..

00000000

والله انا مرتااحه على هالطريقه لاتجربينهاا اسبوع ..
جربيهاا يومين وشووفي كيف ...
تصيرين نشيطه..ويروح الخمول..

----

اشربي مويه كثير ..
وتحركي كثير ..
اهم شي لاتحاولين تنزلين بسرررعه ..
علشان لايترهل جسمك ..
تخرجين من دوامة السمنه ..
وتدخلين في دوامة الترهلاااات .
اللي من جد بشعه وحلهااا ابشع ...

--------


والله يكون بعووون الجميع ..
والله يوووفقك....

**ام عبادي القمر**
01-04-2011, 06:50 PM
هلا سمينة محطمة
تسلمين يالغالية:ق3:
ماراح اسميك سمينة
راح اسميك سوسو ويش رايك:020:

خيوووو القروب هو انه يكون مع بعض في موضوع واحد وكل واحد يدخل يحمس الثاني
يقول شنو اكل شنو شرب وشنو مارس من رياضة للحمااااااااااس

همسة غلا ..
01-05-2011, 07:15 AM
هلا وغلا بنسمة غلا
هلابك حبيبتي :ق0::ق0:


والله فرحت بتواجدك بموضوعي وان شاء الله اكون قد التحدي
ياحبي لك والله فرحتي بك اكثر .. :ق0: , واثقه انك بتكونين قده ان شاء الله .. :ق0:


وترى الحركات الي سويتيها ماعرف لها بصراحه توني جديده عالمنتديات كنت اول اتصفح واطلع توني من اسبوعين او اقل سجلت بالمنتدى يعني ماعرف هذا مدري وش يسمونه الي حطيتي فيه اسمي واسمك 00مفهيه ومدري وين الله حاطني
هذآ يآطويله العمر يسمونه توقيع التوقيع هو الي يطلع تحت اي كلام تكتبيه يعني مثل الي انا كاتبه احسن رآبط دخلته هذا الكلام هو توقيعي ويطلع تلقائيا كل ماكتبت اي كلآم رديت حطيت موضوع تلقائيا يطلع ..
كيف تحطين التوقيع فيه فوق عند اسمك تحته شريط مكتوب من ضمن الخيارات لوحه التحكم , تحطينهآ
بتفتح لك صفحه وبتطلع لك قآئمه على يسار الشاشه .. فيه من ضمن الخيارات تعديل التوقيع ..
تحطينها وتطلع نافذه كنها حقت كتابة الموضوع .. للحين ماشين اذا جيتي بتحطين صوره مثل ذيك الي كتبت فيها اسمي واسمك , تروحين فتحين صفحه جديده بالنت وتكتبين بقوقل مركز تحميل صور , بتطلع لك مراكز كثيره اختاري اذا فتحتي حاطين لك شريط وجنبه كلمه تحميل تضغطين تحميل او رفع على حسب الي هم كاتبين وبتفتح المستندات حقتك طبعا الصوره اما تكون عندك من الجهاز او انتي حافظتها من النت تروحين تفتحين المستند الي حفظتيها فيه وبتتحمل اذا تحملت بيطلع لك روابط فيه رابط مكتوب للمنتديات والمدري وش انسخيه وارجعي لصفحه الفراشه و الصقيه وحطي موافق وبس :409: <~ يارب عرفت اشرح وماجبت العيد زي العاده ههههههههههههه


وان شاء الله قريبا على قولتك اغير النك حقي لرشيقه واثقه هههههه
ان شاء الله قريب قررريب يارب .. :ق0:


المهم انا من الرياض وحبايبنا والله اهل الخرج واشوى مافي بعد عشان يصير الحماس من قريب 00المهم شخباركم(مدري وش دخل ذي بالسالفه)
ياحبي لك والله وحبي لاهل الريآض , من جد والله انواع الحماس :0149: هههههههههههههه الحمدلله بخير جعلك بخير انت شخبارك ؟! :0126:


انتي سوي لنا موضوع واي شي تبينه وماعندي اي مشكله بس علميني وشلون ادخله لاني والله ياخيتي ماعرف حتى صوره ماعرفت شلون احط لي صوره خاصه وبعض الناس يضيفون تحت مواضيعهم اشياء انا مدري عن شي
ياطويله العمر الموضوع عادي نفس الموضوع الي انتي سويتيه نسوي ثانيه ونصير نسولف فيه بدل هذا بس :د0:
الصوره ابد يااوخيتي شفتي لوحه التحكم الي فوق هي نفسها لا حطيتيها وطلعت لك القائمه من ضمن الخيارات برضوا تعديل الصوره حطيها وبتطلع لك قائمه لاتعد من الصور طبي وتخيري ..


وفي اخت تقول ادخلو بقروبنا وش رايك او نكون خاص
حتى لو دخلتي بقروبهم علميني وش الطريقه انا ماعرف كثير والله واهم شي الرياضه وترى انا عندي سير ومااقدر امشي بالهواء الطلق على قولتهم
تصدقين بينا فرق بالعمر 7سنوات بس ماشاء الله حسيتك كبيره وفاهمه من اسلوبك الله يخليك لعين ترجيك ان شاء الله


والله الي تشوفينه بس احس لو كنآ بقروب احسن مره بنتحمس والقروب هو نفسه الموضوع بس بدال مانكون بالحالنا يكون معنا بنات كثير وسعه صدر وفله حجاج :061: , وكل وحده تقول وش سوت وش اكلت وش رياضتها هي اسمترت ولا خبصت والي تخبص يهاشونها والي تحافظ يشجعونها يعني مرره شيء حلو :ق0: , حتى احس اوقاتنا مره مختلفه عن بعض بالدخول , القروب راح يساعد يعني متى ماتدخلين تلقين فيه بنات داخلين وكيذا ماراح تملين ابد ابد .. :406:
اوكي كويس السير مايفرق عن الهواء الطلق مره , بس نصيحه لاجيتي تمشين خلك عن التلفزيون او اذا ماتقدرين تخلين السير عند التلفزيون , شغلي لك اي شيء بالجوال واسمعيه ووسعي صدرك واستغفري ولهي نفسك ابد لا تعطين مجال لنفسك انك تفكرين بالتعب , ولا ياربيه كم باقي وينتهي الوقت , كيذا ماراح نستمر ..

ياحبي لك والله من ذوقك يابعدي , وشهاده اعتز فيها ربي يسلمك :ق0::ق0:

همسة غلا ..
01-05-2011, 07:30 AM
سمينه محطمه

وهمسة غلا


انحفو بدون كسل عاد والاكل نخليه عاااادي ليش انا خليته تخفيف وتعودت معدتي عالاكل القليل بعد 3 اسابيع
ايه بإذن الله هذا الي اقول بعد , بس اقول بعد لو نمتنع عن الاشياء الي تزيد الفصيله كان احسن واحسن , ولا شرآيك ..

والحين نزولي ولله الحمد مستمر
دووووم يارب من غير شر ان شاء الله

واقولكم شي قلة الاكل سهل جدا بس احنا نخليه صعب
عاد تصدقين اكلي زي وشي وجبه وحده باليوم وباقي اليوم ان جعت كليت بسكوت شوكلاته اي شيء يعني احس هذا الشيء الي مايخلي جسمي يحرق دهون وبرضوا قلة الحركه .. :404:

ورايي تدخلون قروووب عشان تستحون وتتحمسون احسن من قروب لوحدكم يمكن تملون ومايدخل معكم احد ولازم قروب لانو اكثر القروبات خبره والبنات المشتركات صارو خبره
هههههههههههههه صادقه والله , مع اني مره سجلت بقروب وسحبت من اول شيء , وربي مره متفشله منهم للحين , :404: , بس ان شاء الله اني اعقل ولا عاد اعيدها تووبه .. :409:

والله تحمست عشانكم مااحب تعانون من السمنه والله لو تذوقون طعم النحف شويه زيي تستانسون وتكرهووووووووووووووون الاكل سبحان الله
ياحبي لك والله , الله يسعدك ويعطيك ع قد نيتك الطيبه , ويسهل امورك خيتو ..

والله يوفقكم
اجمعين يآآرب ..:ق0:



...

قوقعه بالبحر
01-05-2011, 11:08 AM
الحظوظ الورديه قلتي نصايح ومن ذهب نصايحك ماشاء الله

بس ايش طريقة الشوربه حقت جدك اللي اعطوه طريقتها مستشفى فيصل

ننتظ تقرين الورقه وتكتبينها


وشكرا همسة غلا احس عندك عزيمه قويه ماشاء الله وهذا تقدم قوي منك استمري

وفصايل الدم مهمه انا اخفف وامتنع عن اللي تسمن لازم وضروريه وياليت كل وحده تخفف وتسويها تلاقي نتيجه افضل من الريجيم اللي يذبح ويرجع الدبل

بس اهتمو بالوجبات الثلاث وخففو اكل فيها وخلاص بتنحفوووووووووووووون ان شاء الله

Gmoorh99
01-05-2011, 11:48 AM
كل مآشععرتي بإنك محطمه وع حآفة الإنهيار

قولي لَ نفسسسسكَ

" أنآ أقـــــــــــــــدر .. أنآ أستطيــــــــــــــــع ":ق0::ق0:


ويآرب يآكريم تنحفي من غييير شررَ والجمييييعَ يآرب :ق0:

ساره راسل
01-05-2011, 12:37 PM
يارب ياكريم

يامنان ياعظيم

تيسرلها ولك سمينه الصحه والعافيه والرشااقه الداائمه

وتنولها مرادها ياكريم عاجلا غير آجل

وتجعلها في عين زوجها ملاك يارب العالمين

اللهم آمين اللهم آمين

سمينه محطمه 2
01-05-2011, 09:00 PM
اشكركم وجزاكم الله خير انا سمينه محطمه من لاب ثاني وسجلت دخول بسمينه محطمه 2 عيا يدخل باسمي القديم وماقصرتو على تفاعلكم ودعواتكم

سمينه محطمه 2
01-05-2011, 09:07 PM
اختي همسة غلا اشكرك على تفاعلك مي الله يوفقنا وينولنا مرادنا ان شاء الله وان شاء اله ادخل بلاسم القديم عشان احس اني سمينه محطمه من جد

الحظوظ الرديه
01-05-2011, 11:55 PM
الحظوظ الورديه قلتي نصايح ومن ذهب نصايحك ماشاء الله

بس ايش طريقة الشوربه حقت جدك اللي اعطوه طريقتها مستشفى فيصل

ننتظ تقرين الورقه وتكتبينها


وشكرا همسة غلا احس عندك عزيمه قويه ماشاء الله وهذا تقدم قوي منك استمري

وفصايل الدم مهمه انا اخفف وامتنع عن اللي تسمن لازم وضروريه وياليت كل وحده تخفف وتسويها تلاقي نتيجه افضل من الريجيم اللي يذبح ويرجع الدبل

بس اهتمو بالوجبات الثلاث وخففو اكل فيها وخلاص بتنحفوووووووووووووون ان شاء الله

مو قد سألوني كثير عنهاااا ..
واناا مضيعه الورقه هالكلام من وانا في اول ثانوي يمكن قبل
10 سنوات ..

بس اذكر كان فيه يوم لحم مشوي مع ارز اسمر .
ويوم كان فيه وجبه حبه بطاطس متوسطه مسلوقه مع ملعقه زبده ..
ومهروسه ..
وفيه يوم كامل كله حليب
ويوم كامل 8 موزات ..
ويوم شابورة العشره الطيبه ..

نسيت والله ..
حتى الشوربه مااذكر عليها ماجي وشوربة بصل وصلصة طماطم ..


المهم انها كااانت حلووه وكنت انا متحمسه هذيك الاياام ..

والحين اخذت طريقتها من النت
وبصراحه مااقدرت اشربهاا..

مدري ليه ؟؟؟:059:


والله لو حصلت الطريقه لاجيبها لكم ..


المهم انتي اشربي شاي ليبتون اخضر مع الليمون
مع كمون وزنجبيل كلها بودره ..


مرررره نااسبتني ..:ق0:

إعلامية مشهورة
01-06-2011, 12:41 AM
مشكوره اختي بس اللي فصيلة دمهم (o) وما عرفوا وش الوصف الدقيق لجسمهم كيف يقدرون يحددون نوع الريجيم والله محتاره انا من جد قليله فيني كلمت دوبه إلا بطه ومو اي بطه الا بطه بتنفقع >>>>>هههههه حلوه تنفقع عجبتني الكلمه
بس انا مشكلتي اكثر شي دابلتن سبدي الكتوف او بالاصح الذرعان تقول بطلة ملاكمه ههههههه

كيف اتخلص منها مع العلم اني لي فخوذ وارداف بس تهون قدام الذراع لو بس اقدر احلها كان ترتفع معنوياتي

أمرأه ولاكن
01-06-2011, 06:59 PM
مرحبا بنات عندي مشكله كبيره انا سمينه محطمه بس يوم جيت ابدخل ولاه شايل حسابي القديم وحاولت ارجعه بس بدون فايده وسجلت بأسم جديد واعذروني عالتغيير لامرأه ولاكن يمكن يكون احسن من سمينه محطمه انا اقول خيره وبالتوفيق

أمرأه ولاكن
01-06-2011, 07:00 PM
اختي اعلاميه مشهوره اهلا بك في موضوعي وش رايك تدخلين معانا بالتحدي

أمرأه ولاكن
01-06-2011, 07:02 PM
اعلاميه مشهوره حلك الرياضه عشان يششد الجسم حاولي تدخلين نادي اذا الظروف تسمح لك احترامي وشكري على مرورك موضوعي

أمرأه ولاكن
01-06-2011, 07:03 PM
نسمة غلا وسسسسسسسسسسسسسسسسسسسسسنك والله ترى انا سمينه محطمه نفسها نبي الاتفاقات الاخيره عشان بكره

أمرأه ولاكن
01-06-2011, 07:03 PM
وش القروب الزين الي تبونا ندخله بنات وعلموني الطريقه الله يعافيكم ابي حماس

أمرأه ولاكن
01-06-2011, 07:13 PM
خلاص ام عبادي القمر سميني على كيفك ياقلبي بس ترى النك تغير لامرأه ولاكن مدري وش فيه المنتدى ماقبل حسابي القديم والله ضاق صدري

همسة غلا ..
01-07-2011, 01:29 AM
سميييييينه خيتوو الله يطمن بالك , تو شفتك ماسجلتي دخولك من يومين وربي قلقت عليك قلت يارب لا يصير فيها شيء ق1ق1

يالله لعلها خيره , وشفتي حتى الاسم القديم يبيك تتركينه للاحسسن ان شاء الله ذذذ ..
ايه صح بكره بنبدا ان شاء الله ولا ..

أمرأه ولاكن
01-07-2011, 02:09 AM
نبدى ان شاء الله وربي يسر لي ولك الي فيه خير

أمرأه ولاكن
01-07-2011, 02:10 AM
طيب وش الطريقه ندخل قروب او كيف اشوف افضل قروب وعلميني عالطريقه ويعطيك العافيه

أمرأه ولاكن
01-07-2011, 02:11 AM
شكلي بسوي بالنسبه لي تخفيف مع رياضه بحاول بقدر المستطاع امسك نفسي وان شاء الله يحمسنا القروب اكثر

أمرأه ولاكن
01-07-2011, 02:29 AM
اللهم يسر لي ويسر لكل سمينه ياذا الجلال والاكرام ان تنقص من وزنها وترحمها انت اعلم بحالها وبالثقل الذي تعانيه من هذه الشحوم المتراكمه عليها يارب خفف عنا من غير شر

همسة غلا ..
01-07-2011, 02:30 AM
بإذن الله ..
والله الي تشوفينه انتي ادر بنفسك ووش الي يناسب لج الله يسهل لك يارب ..
طب مع اي قروب ندخل :$

آفرين
01-07-2011, 02:31 AM
السلآم عليكم ورحمة الله وبركآته

كيفك سمينة محطمة .. شخبآرك همسة غلآ ..؟ :ق0::و0:

معنآتكم مع السمنة نفس معنآتي وأقل بكثير لآن لو آحكي لكم معنآتي رآح تحمدو الله

ألف مرة على النعمة اللي آنتو فيهآ =(

آمممممم .. آنا تقريباً سمنتي آنولدت معي :061: من يوم أنولدت وآنا مربربة=(

وزادت سمنتي بسبب العآدت الغذائية السيئة والآهل كآن لهم دور كبييير بهالشَشَشَيء

أكيد تفتكروا لمآ كنآ صغآر إذا جلسنآ نبكي يسكتونا بشكولآته وآيسكريم أو مصآصة ولا يهون

الشيبس والببسَي وآحنآ نأكل ولآنحسب حسَسَسَبآب لآشي وتتجمع هآدهون والشحوم وآحنا

بسَسَسَبآت عميق :061:

لي تجآرب قآسييية جداً + فآشلة + محبطة مع الرجيم .. آمممم أول مرررة أسوي فيها دآيت

كآن عمري 18 سنة تقريباً وزني وقتهآ 110 كيلو :042: مشَشَشَآء الله تبآرك الله =(

بدآت بالرجيم الكيميآئي وأستمريت عليه أسبوعين نقصت عليه 5 كيلو وصآر وزني 105 وماقدرت

أستمممر جتني حآلة أكتئآب فضيييعه ودووخة مستمرة بغيت أموت منه صراحة حتى أهلي لمآ

شافوا حالتي منعوني أكمممممل بعدهآ أهملت نفسي مرررة لين تخرجت من الثآنوي ودخلت الجامعة

وزني في زيآدة مستمرة وصل إلى 115 كيلو .. وفي الجآمعة بدت معنآتي الحقيقة مع السمنة

بدآية من كفتيريآ الكلية ونهآية بمعآمل الجآمعة .. كنت أنحرج أجلس بالكفتيريآ مع صديقآتي

لآن كرآسي الكفتيريآ بلآستك وحجمهآ صغير لو جلست في أشَشَشَياء تطلع من اليمين ومن اليسآر :061:

وقد صآر لي موقف قبل كذا وانا جالسة على نفس هالكراسي .. أنكسر فيني الكرسي نصين

وطحت عَ الأرض بس ربكم ستر مكآن في أحد بالجهة اللي أنا فيها :061:وبمعامل الجامعة

كنآ مرات ناخد المحاضرات النظرية بالمعمل تحت لآن الاستاذة حامل وماتقدر تطلع فوق

وكراسي المعمل ماتستوعب عددنا الكبير يعني اللي يجي بالآول يلحق على كرسي واللي

مايلحق يجلس على ( بنشششآت ) المعمل وأنآ أتم واقفه ساعة كاملة على رجولي لين تخلص

المحاضرة لأني ماقدر اجلس عَ البنشَشَشَآت عآليييه وصعب جداً بوزني هذا أطلع بسهولة :042:

وكنت أتعذب وأنا امشي من مبنى لمنى ومن دور لدور عشآن الحق محضاراتي ينقطع نفسي

ولمآ أخلص وأرجع البيت أنام وأرتاح يبدأ ألم ظهري وركبي بسبب الوقفة الطويلة وطلوع ونزول

الدرج وغيرهآ وغيرهآ من المواقف اللي تفشَشَشَل وآنتهت أول سنة بالجامعة على خير بكل متاعبها

و بالآجازة الصيفية قررت أعمل دآيت لأني مو مستعدة بعد اللي شفته أتعرض لمواقف غبيه وكلآم

جآرح يأثر على نفسيتي ودراستي بسبب السممنة وفعلاً بدأت بنظآم التخفيف وأول خطوة سويتهآ

قررت اشتري بلوزة وتنورة أصغر من مقآسي بنمرتييين عشَشَشَآن أعطي نفسي دآفع ألبسهم

بنهآية الصيف وأنا بالمحل حصصصل لي موقف مرررة بكآني مع آنه موقف عآدي

لكن أثر فيني مرررة جاءءءء ع َ الجرح .. وأنا أتمشى بالمحل كنت ماسكة بلوزة مقاسها S

قآلي الرجآل اللي يبيع يآخت من الجهة الثانية الملابس الكبيرة =(

رجعت البيت وحطيت حرتي كلهآ بالأكل وزاد وزني خلل الاجآزة مرة

وصل 130 كيلو مآشَشَشَآء الله =( .. بعدهآ سافرنآ بطائرة وكآنت أول مررة أركب الطائرة وأنا

بهالوزن وجاء وقت الاقلاع وصارو يننبهوا على ربط حزام الأمآن وأنا وين يروح فيني هالحزام

عيآ يوصل ويقفل عآد جلست بمكآني وسكت ومرت مضيفه وشافتني مو رابطة والله يجزآها

خير جآبت لي وصلة وقفلت الحزام وقتهآ من جد تمنيت الارض تنشق وتبلعني والحمد لله

بعد مارجعنا من السفر قررت انتبه لنفسي وأسوي رجيم وماخليت رجيم قآسي ماجربته

وكنت أنحف 5 كيلو أو 6 واترك وارجع أمتن أكثر من أول لين بيوم قررت اتخلص من العادات

الغذائية السيئة .. سويت جدول وكتبت فيه الأشياء اللي أحبهآ لكن أقدر استغني عنها لفترة

( الرز + الحلويآت + المقآلي + النشويآت بكل أنواعها )

والاشياء اللي مستحيل أقاومهآ ( المعجنات + الشاورما + البروستد + سندوتشات الفلافل كل

صباح + الشيبسآت + المعكرونة بالباشمل + البطآطس المقلي ) وتطول القآئمة

بدأت بالرجيم بدون حرمآن من الآشياء اللي أحبهآ كنت أكلها لكن أطبخها بطريقة صحية

- أستبدلت شاورمآ المطاعم بشآورمآ دايت اسويها بالبيت

- والبطآطس المقلي كنت أسويهآمشوية بطريقة مرة لذيذة وصحية .. أقشر البطآطس وأقطعها وأحط

عليهآ ليمون + ملح + فلفل + زنجبيل أخضر طآزج + ثوم + ملح ليمون + قليل من زيت الزيتون

وأشويهآ بالفرن

- واستبدلت الخبز الابيض بخبز النخآلة أو خبز البر وتوست البر آيضآ وشابورة بر

والآجبآن ومنتجآت الآلبآن كلهآ كنت اجيبها بدون دسم

والشيبسآت والحلويآت وغيرهآ كنت أسوي يوم مفتوح كل أربعآء وأكل فييه اللي أبيه

كنت أكل كل شييء أشتهيه بس بدون مأشبع واليوم اللي أخرب فيه مررة أسَسَسَوي ريآضة

سآعتين أو سآعة ونص عقآب والحمد لله نزلت أول شهر 5 كيلو وثآني شهر

شلت وجبة العشَشَشَآء خليتهآ خفيفة مرة .. زبآدي مع ملعقة بذور الكتآن تنحف

وأستمريت شهر كآمل والحمد لله نزلت 12 كيلو .. كنت كل أسبوع انزل 3 كيلو بعدهآ معدتي تعودت على الآكل

الخفيف ومآصرت أجوع مثل قبل وبدأت أقلل كمية الأكل وشلت الرز والنشويات والحلويات حتى من

اليوم المفتوح وخلآل ستة أشهر صآر وزني 75 مآشآء الله تبأرك الرحمن بهالفترة مريت بحآلآت

مممل وتبآث وزن وفكرت أترك الرجيم لكن الحمممد لله بديت اقنع نفسي أن الوزن اللي كسبته

خلآل سنوآت مستحيل أفقده خلآل شهر أو شهرين لآزم أتعب وأصبر مافي شيء يجي بالسآهل

والحمد لله بالصبر والارادة والصدقة والاستغفار بعد توفيق الله سبحآنه وتعآلى نزلت أكثر من 40

كيلو مآ شَشَشَاء الله تبآرك الرحمن لكن رجعت اهملت نفسي وتركت الريآضة وكل شيء

وبدأ يزيد وزني ليين وصل 139 كيلو ما شَشَشَشَشَاء الله لكن خلآل مدة طويلة تقريباً 3 سنوآت

والحين رجعت أسوي رجيم من أول وجديد كآنك يابو زيد ماغزيت :042:ونزلت الشهر اللي فآت 9

كيلو والحين أنا بالشهر الثآني لكن هالمرة أفضضل من المرة السابقة أستفدت من اخطائي الآولى

وأنصحكم بحكم تجربتي السابقة أبتعدوا عن الرجيمآت القآسية اللي تجيب الاكتئاب والهم واللي

تقيدك بأكل معين وتمليييين منهآ وتكرهك بالرجيم

وتذكري دائماً رجيم قآسي = نقصان سريع للوزن ثم زيآدة سريعة وضعف وزنك السابق بمجرد

ترك الرجييييم

وأفضضضل طريقة رجيم يتدرج من السهل إلى القآسي حتى تضمني أنك ماترجعي تسمني بفترة

قصيرة وهذا أفضضضل صحياً

ششيء ثآني لاتوزني الآ كل أسبوعين لأن لو توزني كل يوم مآرآح تشوفي فرق بالوزن

ويصيبك أحبآط وتتركي الرجيييم ولاتنسيوالريآضة مهمة جداً ساعة يومياً

أبدآئي بـ 15 دقيقة أول أسبوع وبعدين كل أسبوع زيدي 5 دقائق لين تتعودي

أنا في بدآيتي مع الريآضة بدأت بـ 10 دقائق بعد كل صلآة يعني 50 دقيقة يومياً

وكنت أطلع أمشيء مرتين بالاسبوع برا البيت كل ماسمحت لي الفرصة

أخر شيء اتمنى لكم التوفيق وأشوفكم رشيقآت وبآتم صحة وعآفية يآآآرب واعذروني

طولت عليكم بس حبيت أفيييييدكم من تجربتي السابقة لعل وعسَسَسَى

الله ينفع بهآ .. أشوفكم على خير إذا بتفتحو قروب إن شششاء الله أكون معكم =) :ق0::و0:

همسة غلا ..
01-07-2011, 02:41 AM
اممم عندي اقتراح نسوي قروب للي فوق الميه شرآيك ..

همسة غلا ..
01-07-2011, 02:47 AM
آفرين ياعمري شكل تجربتك معاناة ..
<~ فيني النوم مافيني اقرآ شيء ..
بكره بكرآ وبعلق , واذا بتدخلين معنآ حيآك خيتوو عشآن نتحمس مع بعض ..

وشسمه امرأه بكره ان شاء الله نسوي لنآ قروب مستقل وكل الحلوات الي فوق الميه عشان نشجع بعض ..
ويالله ياحلوات تصبحون ع خير <~ ماعندها وقت عين مفتحه والثانيه مغمضه ههههههههههههههه ..

آفرين
01-07-2011, 03:34 AM
أمممممممممممم في مسآبقة منآفسة بين 4 قربآت .. قروب الخمسينات و الستينات والسبعينآت و80 ومافوق

شرآيكم نشآرك فيه .. آنا عني عجبني أحسه حمآس بشآرك معهم وإذا بتفتحون انتم قروب مستقل بشآرك معكم
بعد وهذا رابط القروب =)


https://alfrasha.maktoob.com/alfrasha19/thread1514885/

*صمت الجبال*
01-17-2011, 01:41 AM
كلنا من فئة الآوزان الثقيلة
لكن مافي شيء مستحيل
انا كان وزني 113 وبخلال سنتين وبفضل الله صار91
لكن تعبت الين ماحققت حلمي
ولكن للاسف الآن بديت أزيد لآني أهملت نفسي
وانا أعرف واحد كان وزنه130والحين ماشاء الله عليه رشيق وصار وزنة 70ماشاء الله تبارك الله
بالأرادة نصنع المستحيل
انا كنت مثلك اقول أبنحف واأعمل رجيمات وماتنفع معي
وأكثر شي نفعني هو المشي والصوم
كنت إذا أكلت دسم أعاقب نفسي بالصوم
والحمد لله نحفت كثير
لكن الآن وزني زاد لأني أهملت المشي ماعاد عندي مكان امشي فيه مثل أول وماعاد عندي عزيمة مثل قبل
لكن بإذن الله نقدر نحقق المستحيل


Content Relevant URLs by vBSEO 3.6.0