المساعد الشخصي الرقمي

مشاهدة النسخة كاملة : تعالوا شوفوا وش اللي صار لي واتعظوا مني



تعبنا من الحزن
02-11-2011, 01:41 AM
السلام عليكم ورحمة الله وبركاته

اخواتي انا حابه اطرح لكم مشكلتي
يمكن القى عندكم حل او على الأقل مواساه
انا مطلقة – مخلصة دراستي وجالسه في البيت ماحصلت وظيفه - وبعيده عن اولادي
طلاقي جاء نتيجة اسباب كثيره منها ارتباطي القوي بأهلي وتفضيلهم على زوجي و اولادي
وايضا نتيجة غبائي وقلة وعيي وعدم فهمي الصحيح للحياة الزوجيه
حيث اني كنت طول فترة زواجي ماعندي سالفة مع زوجي غير اني احب اهلي والحياه عندهم احسن من الحياة مع زوجي
واقضي الساعات وانا اسولف مع امي وخواتي بالتليفون سوالف كلها فاضيه لا أنا اللي استفدت منهم نصيحه
او شيء ينفعني في حياتي الزوجيه ولا أنا اللي انتبهت لبيتي وزوجي وفكرت وش ينقصهم او حاولت احل مشاكلي مع زوجي
اللي ماتنتهي
واستمريت على هذا الحال لحد ماوقع الطلاق
وعندها تركت أولادي وجيت لأهلي ولا همني شيء
على أمل اني بعيش حياه أفضل مع أهلي اوان اهلي بيعوضوني عن اللي شفته مع زوجي
ويوم صرت في بيت أهلي وصرت خاليه من الزوج والأولاد والوظيفة والدراسة وصار وضعي المادي على الزيرو
تلفتت حوالي وماحصلت احد من أهلي , كلهم تخلوا عني واتركوني
أمي صارت بس تهاوشني وتتكلم علي وماتبغى تجلس معي وماعدت اعنيلها شيء ابدا , وصرت كأني شيء غير مرغوب فيه في البيت
وخواتي اللي كنت اقضي معهم اوقات طويله بالسوالف واللي مضيعه وقتي وفلوسي في الشراء لهم وكاني أنا مكلفة بالصرف عليهم صاروا يمرون علي وانا جالسه وكأنهم مايعرفوني حتى اني صرت إذا عرضت عليهم نطلع مشوار مع بعض يرفضون
وهم يطلعون بدون مايخبروني او يعرضون علي اروح معهم
ولا واحد منهم سواء امي أو أخواتي فكر أني أنا أمر بظروف صعبه فلا اولاد ولا وظيفه ولا شيء يشغلني في الحياه
صرت مثل الخدامه لهم مايعرفوني إلا وقت الشغل
واخواني لم يكونوا أفضل حال من أمي وأخواتي
الوحيد اللي كان يراعيني وحاس بظروفي هو والدي لكنه رجل كبير في السن وماعاد له دور كبير في البيت
فلا هو اللي يصرف على البيت الا نادرا ولا هو اللي يسوق سياره الا قليل وبأماكن مافيها زحمه
لكنه كان يعاملني بحب وحنان أكثر منهم كلهم
ومرت الايام وأنا على هالحال حتى اعتزلت أهل البيت كلهم وصرت وحيده
وياليتني افتكيت من شرهم , اخواتي اخذوا يفتعلون معي المشاكل
وكلهم متحدين ضدي وكأني أنا ماني اختهم الكبيره وكأني ماخدمتهم اوسويت فيهم خير ابدا وماعادوا يذكرون لي الا الشين وأمي موقفه معهم وأخواني كذلك وحاطين اللوم كله علي أنا
لدرجة انها زادت عزلتي وصرت بس ابغى ابعد عن الشر حتى أني ماعدت اطلع من غرفتي الا قليل
وساعتها بس تكشفت لي وجوه اخواتي وعرفتهم على حقيقتهم
اكتشفت ان هذولي اعداء وليسوا أخوات لدرجه اني حسيت اني كنت ظالمه زوجي وان هذا عقاب لي من الله سبحانه
يعني ماخلوا شيء شين الا وحطوه فيني ( شماته – وحقد – لدرجه انهم يعيروني بأولادي – ويتفرحون علي لان طليقي واعدني يجيب اولادي وماجابهم ... وكل هذا بوجهي ... يعني يضحكون علي قدامي ) هذا غير مضايقاتهم لي في البيت
وبقيت على هالحال كذا سنه حتى كدت أصاب بالجنون من التعب والضغط النفسي
وامي يوم شافت وضعي كذا رحمتني وحنت علي لكن بعد ايش
بعد ماصار لي كل اللي صار
بعد ماصرت عند الناس كأني بلهاء او مجنونه من الوحده حتى اني فقدت ثقتي في نفسي وصرت ماعرف اتعامل او اتكلم مع الناس وصرت حساسه واشك في نفسي كثير
وبعد مشاكل كثيره ايقنت ان مالي إلا أمي فصرت أجلس معها وحاولت انسى كل اللي صاروسامحتها وطلبت منها تسامحني
وبعدها رحت عند دكتوره نفسيه عشان تساعدني لانه قربي من امي لم يكن كافي لتخليصي من الضغوط اللي اعاني منها
كنت بحاجه لدكتوره نفسيه وفعلا وضعي تحسن وصرت فوق الريح فنفسيتي صارت مرتاحه وصرت احس اني سعيده وماناقصني شيء بالحياه
والدكتوره ساعدتني اني اقوي علاقتي بأمي وابوي اكثر واكثر وكذلك علاقتي باخواني الاولاد تحسنت كثير وماعادت شايله عليهم ولا بيني وبينهم أي شيء سيء
لكن تبقى علاقتي مع اخواتي انا حاولت اتجاهل مضايقاتهم لي ومهما سووا لي او تكلموا او قالوا شيء اطنش واعتبرهم شيء غير موجود وكل سبب مضايقتهم لي اني عايشه حياتي في البيت ومبسوطه وهم يبغوني اسكر علي باب غرفتي وماختلط لا في امي ولا ابوي ولا يكون وجود لي باي جلسه او مكان هم فيهم
هم يعتبرون ان وجودي بأي مكان تعدي على حدودهم
لدرجه يابنات اني ندمت قد شعر راسي على كل لحظه قضيتها معهم زمان , وندمت اني في يوم من الايام كنت اعتبرهم صديقات لي , وكنت اراكض لهم في الاسواق وكنت اخدمهم , انا ندمانه حتى على اني فكرت فيهم يوم , او شلت همهم , او اعتبرت لهم وجود , او تمنيت لهم خير , من الحقد والعداء اللي شفته منهم
انا اكتب هالموضوع عشان اشكي لكم وافضفض شيء من اللي في قلبي وتاعبني وياليت تنصحوني وش اسوي مع هالخوات بس لاتجي وحده وتقول تصالحي معهم او كلميهم لانه لو كان فيهم خير كان وقفوا معي يوم كنت تعبانه وفي ازمتي
هم يعرفون وضعي زين ويعرفون المشاكل اللي انا مريت فيها ومع ذلك يحاولون يضغطون علي اكثر عشان اتعب اكثر لدرجه انهم يقولون عني مجنونه وانا مايهمني هم وش يقولون عني ولا تأثر علي هالكلمه بس هم يبغوني اصدق اني مجنونه
وماهو بس كذا هم يحرضون علي اخواني ولولا تصرفي انا الحكيم وماتعلمته من الدكتوره ولاكان خربت علاقتي مع اخواني
ويمكن تقولون اشكي لابوي او اخوني لو سويت كذا بتصير مشكله ويمكن ماتكون بصالحي لاني ماضمن ان اخواني يوقفون معي انا وانا ماصدقت تصلح علاقتي معهم
وانا بعد ماعندي استعداد اني دايم اتجاهل مضايقات هالخوات لي
لانه مالهم حق يضايقوني بدون سبب لازم اكون قويه واواجه , كفايه اني اعتزلت بغرفتي سنوات وتركت لهم كل الحياه
عشان افتك من مضايقاتهم
اكيد بتقولون انتم عائله مريضه او تربيتكم غلط
بقولكم السبب امي الله يسامحهاهي اللي كانت تفتن بينا ومازرعت بينا المحبه بل بالعكس زرعت الحقد والكراهيه
والله يابنات اني ماكذبت عليكم بكلمه وان قصتي هذي حقيقيه
ياليت تساعدوني لو بكلمه لاني تعبانه من هالوضع
ياليت اشوف ردودكم وسامحوني على الاطاله
ولي عوده باذن الله

ДŃ₣àՖ àℓ ωàяяḓ
02-11-2011, 02:03 AM
والله ما فيه احسن من الدعاااااء ,, الله يسعدك ويجمع شملكم وترجعون مثل قبل وأحسن

**lucky girl**
02-11-2011, 02:08 AM
وعليكم السلام ورحمة الله وبركاته...
بصراحه مشكلتك يبغالها جرأة شوي .. يعني لازم ولابد تتكلمين مع اخواتك اجميعهم كلهم تفاهمي معاهم وخلي امك
تكون موجودة وحتى اخوانك ... اجلسي معاهم كلهم وابدأي بطرح مشكلتك والصعوبات اللي مريتي فيها .. ووضحي لهم
انها قدر من رب العالمين وانك راضية بقضاءه وقدرة .. لكن الشيء اللي ماترضينه ولا تقبلينه تعاملهم معاك ..وضحي
لهم انك محتاجه لوقفتهم معاك وان اي وحده منهم ممكن تكون في نفس الموقف ... وانكم عائلة وحده ولازم تكونون يد
وحده مو بس في الفرح حتى في لحظات الحزن ... قولي لهم انا حابه افتح صفحة جديده مع الكل بدون استثناء ونرجع
زي اول ... وخليك قوية وقولي لهم اللي بتسوي لي مشاكل انا ماراح اسكت لها لازم تحترموني بحكم انك الاخت الكبيرة...

صدقيني الحوار احسن طريقة .. جربي هالطريقة وخبريني وان شاء الله ترجعون زي اول

ليان1427
02-11-2011, 02:34 AM
الله يوفقك عزيزتي ويحنن قلوبكم على بعض يااااارب

تعبنا من الحزن
02-11-2011, 02:58 AM
جزاكم الله كل خير يا أخواتي على ردودكم واحساسكم فيني
وانا فعلا ادعي واستغفر وكلي أمل ان الله بيفرج همي وبياخذ حقي من اي شخص ظالم
لكن مسألة الجرأة والحوار معهم ماني قادره عليها لان أمي حاولت مع اخواتي انهم يصالحوني وهم رفضوا وماطاعوها
يعني هم ماعندهم استعداد انا نرجع مع بعض والسبب ان مالهم مصلحة معي
فهم كبروا وصاروا مسؤلين عن انفسهم وماهم بحاجه لي لا مادياً ولا معنوياً
وانا فعلا كنت حاسه من زمان انهم كانوا يحبوني لاني كنت اشتري لهم واعطيهم
ويوم ماعاد عندي شيء ماصار لي لزوم في حياتهم
والدليل ان اختي الكبيره كانت تسوي فيهم بلاوي وهي موظفه وراتبها كبير ومايشوفون منها ريال
وبعد ماصارت تعطيهم نسوا كل شيء سوته فينا وصاروا يدورون رضاها مهما قالت ومهما سوت
واخوي الكبير على كثر ماينكد عليهم ويوقف بطريق كل شيء هم يبونه الا انهم يسامحونه لان لهم مصلحه معه
ومسالة انا نكون عائلة وحده ويد وحده فهم مايعترفون بالشيء هذا
هم يذبون علي قدام الناس ولايهمهم ان الناس تلاحظ
ويبينون انه بيني وبينهم شيء ولاهمهم كلام الناس او وش بيقولون
يعني لاهمتهم أخوه ولا صلة رحم ولاحتى يستحون من الناس
ادعوا لي بالصبر يابنات وان الله يعضوني خير في عيالي
واذا تبون الحقيقة انا طايبه نفسي منهم ولا أبي منهم شيء
بس خايفة من قطع صلة الرحم وان اعمالنا ماترفع وحنا بينا خصام
الله المستعان والله يرحمنا برحمته
مشكورين يابنات على دعواتكم والله يجزاكم خير ويجعلها في موازين حسناتكم

روزالاندا
02-11-2011, 03:17 AM
عليك بالدعاء والاستغفار
وحاولي احد يصلح بينك وبين طليقك يمكن يرجع لك
والله يعينك ان شاء الله

دهمشية عنزية
02-11-2011, 03:37 AM
يَ قلبي ربي يعيننك على هالحياة محد مرتاح ..

اول حل انك تدورين شيئ تشغلين نفسك ادخلي بدورات والا توظفي ادرسي التحقي باي شيئ يبعدك عنهم و يطلعك عن جوك لاجواء ثانية ,, أنا أموري جدا جدا صعبة تخيلي احيانا اجل شهر ما شفت احد من الاقارب احوالنا الاجتماعية سيئة جدا تصل الى المحاكم "بسبب الورث" , فما ارتحت و لا حسيت اني على قيد الحياة الين التحقت بوظيفة صح راتبها مو كويس بس ماشي على الاقل يبعدني عن الحوسة اللي انا فيا ,, انام اقوم اتروش اروح اجي اسولف على امي اوح اسوي حلا لبكرة اشغل نفسي بقدر الامكان ,, الله يعينك و لا تنسي الدعااااء و الاستغفار و ربي معك ضيقة و تنفك باذن الله .

تعبنا من الحزن
02-11-2011, 03:41 AM
الله يجزاكم خير يااخواتي على مروركم والله لايحرمكم الاجر
والله يفرج همي وهمك يالدهمشيه
والله اني احاول من سنوات ابغى وظيفه وباي راتب وماحصلت
بس الله يكون بعونا جميعا

خوخه {
02-11-2011, 04:07 AM
اسفهيهم كأنهم مو موجودين

وعليك بالاستغفار بنيه السعاده في الحيـآه والآخره ان شاء الله

والله يسعدك يارب ويوفقك ويعوضك خير يارب

fantastic lady
02-11-2011, 04:09 AM
الله يفررج همك وغمك ويررزقك من حيث لاتحتسبين


انصحك بثلاثه اشياء

الاستغفار

قيام الليل

الدعاء


رددي دايماا

((ياحي ياقيوم برحمتك استغيث اصلح لي شأني كله ولا تكلني الى نفسي طرفة عين ))

((لاحول ولا قوة الا بالله العلي العظيم واتوب اليه))

((لا اله الا انت سبحانك اني كنت من الظالمين))

والله يوووفقك يااارب ويسعدك دنيا وآخررره

*دلوعة زوجي*
02-11-2011, 04:56 AM
خلاص بس تكفين الا هنا وبس
مايبونك الله لا يبيهم وش تبين تذبحين نفسك علشان يرتاحون
لايهمك الا نفسك الله يعوظك خير ويرجعونلك عيالك
اهم شي تكفين ادعي واستغفري واتصدقي لو بريال بنية ان الله يرجعهم لك
وخواتك اذا قالولك شي قوليلهم الدنيا دواره

حنان تبوك
02-11-2011, 05:08 AM
صحيح من قال ناااااااااااااارررزوجي ولاجنه اهلي

أحمر شفايف..
02-11-2011, 09:14 AM
ربي يسعدك ويفرج همك ويألف بينكم ياعمري ..

شوق ~
02-11-2011, 09:30 AM
الله يفرج همك وهمنا

ليااال
02-11-2011, 11:25 AM
خلاص بس تكفين الا هنا وبس
مايبونك الله لا يبيهم وش تبين تذبحين نفسك علشان يرتاحون
لايهمك الا نفسك الله يعوظك خير ويرجعونلك عيالك
اهم شي تكفين ادعي واستغفري واتصدقي لو بريال بنية ان الله يرجعهم لك
وخواتك اذا قالولك شي قوليلهم الدنيا دواره


دلوعة زوجي كلامها صحيح....خليك قويه معاهم والقوة ماتتنافى مع الايمان والدعاء والاستغفار ... لا تعطينهم مجال عليك ...

جــووود
02-11-2011, 11:46 AM
الله يفرج همك ويجعل عيالك باررررين فيكي ويسعدونك دونيا واخره اللهم امييييييييييييييييين

am lama
02-11-2011, 01:45 PM
اختي غيري اسمك تفائلوابلخير تجدوه سمي الفرح جاي 0طليقك ماتكلمتي فيه ارسلي احد يتوسط لكم ويقول انك تغيرتي والله يوفقك وسوي الخير وانسيه00

لالا2
02-11-2011, 02:09 PM
الله يسعدك ويفرج همك
زوروني وشوفو جديد العدسات

rozy11
02-11-2011, 02:17 PM
حسبي الله ونعم الوكيل على كل ظالم
شفت حالات مثل حالتك كثير يااختي
مالك غير الصبر والدعاء وتذكري ان الله يمهل ولا يهمل

بنت سعوديه والفخر ليه
02-11-2011, 03:41 PM
الحين زوجك تزوج والا لا طيب ماحاولتي ترجعين له وتصححين غلطتك معه حتى لوانه تزوج انتي الحين اللي كاسر ضهرك عيالك عشانهم بعيدين انا لو مكانك ارجع لبيتي وعيالي هم مصدر سعادتك وخواتك حاولي تكون معاملتك تكون سطحيه <<<<<<<<<<<<<<<<<<<<< ياليت اكون افتدك بشي والا اعذريني

$أنثي خجووووله$
02-11-2011, 03:48 PM
الله يفرج همك وهمي وكل محتاج

$أنثي خجووووله$
02-11-2011, 03:50 PM
الله يعينك

$أنثي خجووووله$
02-11-2011, 03:52 PM
رفع

$أنثي خجووووله$
02-11-2011, 03:53 PM
الحمدلله

linalife
02-11-2011, 04:06 PM
عزيزتي استعيني بالله اذا اراد زوجك السابق ان يرجع اليك مرة ثانية ارجعيلو والله يسعدك

الملاك الرايق
02-11-2011, 04:33 PM
الله يالف بين قلوبكم وان شاء الله ترجعي لزوجك وبيتك وعيالك وساعتها لاتفكري في احد الا رضى ربك ووامك وابوكى وبس بي يوفقك ويسعدك ويختارلك الخير

شقردية تمام
02-11-2011, 04:43 PM
اختي اخواتك تجاهلي وجودهم لا يصير تصرفهم معك هو محور اهتمامك وهمك اللي شاغلك الليل والنها ر

ثانيا اختي اكثري من الدعاء واللجوء الى الله في ان يصلح احوالك

ثالثا اذا كان لك رجعه مع زوجك اتصلي عليه ايه انت بنفسك اتصلي عليه واعتذري منه وقولي له انك عرفتي غلطك وندمتي وانك تبين ترجعين تعوضينه وتعوضين عيالك اللي فاتهم وحتى لو تزوج ما عليك من زواجه ارجعي من اجل عيالك ومن اجل نفسك الله يوفقك ويصلح احوالك

أنرام 2
02-11-2011, 05:32 PM
بســــــم الله الرحمن الرحيم
السلام عليكم ورحمة الله وبركاته ..
يا أختي لازم تجلسي مع أمك وأخواتك لوحدكم بدون وجود أحد
وتتكلمي معاهم عن كل همومك وأحاسيسك بعد الطلاق
عشان ممكن بهذه الطريقة تحن قلوبهم عليك
وتلين إن شاء الله تعالى

** اللهم يا مؤلف القلوب ألف بين قلوبهم **
آآآآميـــن:ق900:

سبحانكـ ربي
02-11-2011, 06:33 PM
هلااا حبيبتي
والله عورتي قلللبي :( :ب1:

خواتج مافيهم خير .. لاحول ولاقوه الا بالله

ادعي ربج ان يرزقج بوظيفه

صدقيني اذا توظفتي بتتغير حياااااتج .. وبتعزين نفسج وبتفتكين من مضايقات خواتج

او حاولي ترجعين لزوجج ..

ادعي في الثلث الاخير في الليل ان ربي يرزقج بوظيفه ويرجعج له ويسهل امورج :ب1:



ياررررب يا ارحم الراحمين فرج همها ويسر امرها .. أأأأأأأأأأأأمين

تعبنا من الحزن
02-11-2011, 06:38 PM
الله يجزاكم خير يابنات ولايحرمكم أجر كل كلمه ونصيحه كتبتوها لي
والله يجعلها في موازين حسناتكم
والشكرمن كل قلبي لكل بنت وقفت معي بنصيحه أودعاء او كلمه رفعت فيها الموضوع
وبالنسبه لطليقي هو تزوج وعايش حياته من سنوات
وماعتقد ان عنده استعداد يفتح بيتين
وانا تاركه موضوع الزواج او رجعتي لطليقي بيد الله سبحانه وتعالى
ابغى اكون سعيده بحياتي واعيشها باي وضع ومايكون الزواج حل للهروب من مشاكلي
والوظيفه لي سنين وانا احاول وماحصلت
والله يعطيكم العافيه ولايذوقكم اللي ذقته ويفرج هم كل مهموم منكم
انه على كل شيء قدير

مناير999
02-11-2011, 08:05 PM
حبيبتي
هذا حال الناس وماحدث لك قضاء وقدر
والحمدلله انك استفدتي من الدرس


الان ابدأي حياه جديده

حاولي ان تعودي لزوجك اذا لك رجعه
كلميه واخبريه انك ندمتي وانك بحاجته وحاجة ابنائك وهم بحاجه لكم سوا
واطلبيه يعطيك فرصه اخيره
حتى لو كان متزوج كوني زوجه ثانيه بالحلال افضل من وضعك


واذا مافيه امل ترجعين له
خلاص اقبلي باي خاطب يتقدم لك
واذا لم يتقدم لك احد
كلمي احد المشائخ من الثقاة المعروفين واخبري بحالك لعله ان يوجد لك الزوج الصالح

لان بالزواج العوده الطبيعيه للحياة
وبخاصه للمراءه فهي ملكه عند زوجها وفي بيتها واذا فقدت هذا الشي فقدت السعاده


وفقك الله غاليتي واسعدك

maz maza
02-11-2011, 08:16 PM
وعليكم السلام ورحمة الله وبركاته

الله يفرجها عليك ..

بسمه ..
02-11-2011, 08:44 PM
اللهم إني اسألك ان تسخر خوات
تعبنا منن الحزن لها
وان تفرح قلبها فرحة لاتغييييب
اميييييين

بنوته كلي أنوثه
02-11-2011, 09:19 PM
الله يكون بعونكـ
البنات ما قصروا

تعبنا من الحزن
02-12-2011, 12:18 AM
الله يسعدكم مثل ماسعدتوا قلبي بردودكم
وهذا هو عشمي يالفراشات فالله يجزاكم خير ويجعل كل كلمه كتبتوها في ميزان حسناتكم

عصا موسى
02-12-2011, 01:00 AM
أختي الله يكون بعونك فقراق اولادك اكبر مصيبة ومشكلة


اختي انصحك بالصدقة

وخواتك اذا من النوع اللي يخافون من التحسب مجرد ما يغلطوا او يجرحوا عليك بحسبي الله وكفى

بحور الدلع
02-12-2011, 02:42 AM
الله يفرج همك
اكثري من تلاوة القران ففيه الراحه
ولاتنسين الاستغفار
اقرائي كتاب لاتحزن لعائض القرني ان شاء الله يروح عنك الحزن
لاتجلسين كذا روحي دورات اشغلي نفسك تعلمي مهارات جديده عن طريق النت او روحي المكتبه واشتري كتب تعلمك الخياطه الرسم اي هوايه انتي تحبينها نمي مواهبك
اخوتك ماعليك منهم انتي سويتي اللي عليكي تتعبين نفسيتك وهم ماهمهم
اهم شي ارضي امك وابوك رضاهما جنه
وتوكلي على الله
روحي تحفيظ قران تعرفي على صحبه صالحه تدلك على الخير وتعينك عليه
الله يفرج كربتك اتمنى اني افدتك ولو بالقليل

ثقيلة بطبعي
02-12-2011, 03:45 AM
الله ينور قلبك

الله يفرج عليك يارب

عليك با الدعاء

تالياااا
02-12-2011, 04:52 AM
عليك بالدعاااااااااااااااااااااااااااااااااااااااااااء

QUEENLOVE
02-12-2011, 04:59 AM
حببتى انا مش قصدى اعتب عليكى بس ازاى هان عليكى تسيبي ولادك وميتربوش فحضنك هم دول املك وحياتك كلها هما الضنا اغلي ولا الاهل الضنا طبعا لازم تعملي محاولات ترجعى لجوزك اتاسفيله مش عيب كلنا بنغلط لازم تضحى وترجعيله عشان ولادك يكبرو قدام عينك وعشان لما يكبرو هيقولولك سبتينا ورميتينا عشان اهلك وهيحصل فجوه كبيره بينكو وعشان ميتعلقوش بمرات اب اذا كان ابوهم اتجوز الحقيه اذا كان لسه متجوزش واذا كان اتجوز اعرضى عليه يخدلك بيت وتربي عيالك وحتى لو اتجوز انتى مطره تضحى لانك غلطتى من البدايه ويمكن بعد مده يسيب الجديده ويرجعلك حاولي متسكتيش ازاى فوتى كل الوقت ده اهم حاجه تخلصى من اخواتك ويبقي كل تفكيرك فولادك وبس هم راس مالك وثروتك الام مش الي تخلف وبس الام الي تربي وتتعب وتضحى بكل حاجه لولادها ربنا يعينك ويرشدك للخير

مطنقره اخلاقها
02-12-2011, 05:51 AM
تقدرين ترجعين لطليقك؟

تعبنا من الحزن
02-12-2011, 04:17 PM
الله يجزاكم خير على نصايحكم وردودكم اللي تبرد القلب
والله لايحرمكم الاجر ويسعدكم دنيا وآخره

رولا .....
02-12-2011, 05:56 PM
وعليكم السلام

طيب مافي أمل ترجعين لطليقك وأولادك ؟

ضباب تحت السحاب
02-12-2011, 07:11 PM
ماحاولتي ترجعين لطليقك او تتواصلين معه يمكن ترجع المياه لمجاريها؟

روعة كالقمر
02-13-2011, 12:54 AM
الله يفرج همك وهم كل المسلمييين
الدعاااااااااااااااااااااااااااااااء وبس ............

زحل2
02-13-2011, 01:06 AM
الله يفرج كربتك ياااااااااااارب

أقدع وحده
02-13-2011, 01:57 AM
الله يفرج همك قلبي ويسامح خواتك


واذا زودوها قولي بوجههم والله ما اسامحكم والدنيا دواره

!آصاآآآيل!
02-13-2011, 02:53 AM
الله يسهل امورك ويردك لأولادك

نسمة الهواء
02-13-2011, 02:59 AM
الله يفرج همك يااااااارب


وعليك بصلاة الليل والدعاااااااااء

دل مي
02-13-2011, 03:24 AM
الله يفرج همك ويسعدك
وتتزوجين ان شاءلله

مطلع شمس
02-13-2011, 03:46 AM
الله يفرج همك

مغروره والسبب أبوي
02-13-2011, 04:04 AM
الله يفرج عليك ويعوضك باحسن منهم

عطر أنفاس
02-13-2011, 04:46 AM
الله يفرج همك يارب

نجوم الفجر
02-13-2011, 04:49 AM
الله يفرج همك

تعبنا من الحزن
02-13-2011, 06:46 AM
الله يجزاكم خير على كل كلمة كتبتوها ويجعلها في ميزان حسناتكم
أنا حاليا استغفر وادعي في الثلث الأخير من الليل
واحاول اتجاهلهم وماخلي كلامهم وتصرفاتهم تأثر علي
واحيانا استخدم معهم طريقتهم وماسكت لهم
بس الحقيقه ان البيت اذا كان مافيه الفة ومحبه وراحه
تكون الحياة فيه متعبه
بس دعواتكم لي بالصبر وانه مايكون لهم تأثير علي وان الله يعوضني خير ويفرج همي وهم كل مسلم

NB-RN
02-13-2011, 08:38 AM
الله يفرج همك
عليك بسهام الليل والاستغفار

نـــــــوني
02-13-2011, 01:08 PM
يقول المثل اذا طاح الجمل كثرة سكاكينه

خواتك حطيهم على جنب يبون يمنعونك من عيش الحياة

حبيبتي انبسطي بحياتك واشغلي نفسك

ادخلي نادي دوري اي وظيفه لا تقولين ماحصلت اقربها الشركات الي يخلون الوحده تبيع بمقصف المدرسه وفيه غيرها كثير
ادخلي تحفيظ قران ماتكلفك شيء الترم بــ 100 تقريبا


او صيري مندوبه لاحد التاجرات هنا اشغلي وقتك وطوري نفسك ولا تنتظرين من احد شفقه والا مساعده
ضيعتي من عمرك كم سنه بعد طلاقك لاتسمحين لنفسك انك تضيعين يوم زياده

Meejo
02-13-2011, 04:17 PM
الله يفرج همك يارب
ويرزقك الوظيفة اللي تشغلك
ويسخر اهلك لك ويحنن قلبهم عليك
ياااااااااااااااااااااااااااااااااارب

ام السبعان
02-13-2011, 04:33 PM
ماراح ازيد على كلام البنات كفوا ووفوا


بس لازم تدورين لك على وظيفه هي سندك مهما كان راتبها ضعيف فهي خلاصك على الاقل بصير لك راتب تصرفين منه

مجنونة وأسوييييها
02-13-2011, 04:48 PM
داومي ع الاستغفار والدعاء وقيام الليل

والله يعوضك يارب ويوفقك ويهدي اخواتك

كوكو أمل
02-13-2011, 07:36 PM
حسني علاقتك مع اولادك اولى
حنني قلب طليقك عليك وخليه يجيب عياله لك
ونبسطي معاهم وعطيهم هدايا

وخواتك طنشيهم هذولا سفيهات ميتات قلب

صلاه الفجر
02-13-2011, 07:41 PM
الله يعوظك خير كثري استغفار وربي مايخيبك ولاتنسي الحديث من لازم الاستغفار جعل له الله من كل ضيق فرجا ومن كل هم مخرجا ورزقه من حيث لايحتسب

*™لمى™*
02-13-2011, 08:23 PM
عليك بالدعاء والاستغفار
وحاولي احد يصلح بينك وبين طليقك يمكن يرجع لك
والله يعينك ان شاء الله

تعبنا من الحزن
02-13-2011, 09:15 PM
جزاكم الله كل خير والله يجعله في ميزان حسناتكم

رولا .....
02-15-2011, 05:12 PM
إذا كان ماصار بينك وبين طليقك ثلاث طلقات

فلا تيئسيين استغفري واكثري من الدعاء والصدقة

شيخة عتيبه
02-15-2011, 05:26 PM
الحل واحد فقط

ارجعي لزوجك

اطلبي من احد كبير بالسن وعاقل انه يكلمه بس بدون مايقوله انه بناء على طلبك

ويقنعه انه يرجعك عشان اولادك لأنهم محتاجينك اكثر وانتي محتاجه لهم

والله يوفقك يارب ويفرج همك

الرسميه؟
02-15-2011, 06:58 PM
اختي عليك بالدعاء والاستغفار
وتقربي لاولادك كلميهم و اسالي عنهم وقولي لهم انا مشتاقه لكم ومن هالكلام يمكن ان شاء الله ابوهم اذا شافك كذا فاقدتهم يحن قلبه ويجيبهم لك

دلع النوري
02-15-2011, 07:17 PM
استغفر الله العظيم واتوب اليه من كل ذنب عظيم
لااله الا انت سبحانك اني كنت من الظالمين
حسبي الله لااله الا هو عليه توكلت وهو رب العرش العظيم
ربي لاتذرني فردا وانت خير الوارثين
ربي ان لما انزلت الي من خير فقير
اللهم استر عوراتي وامن روعاتي
ربي اشرح صدري ويسر امري ومانزل بي من حيرتي امين
اللهم اجعل لي من كل هم فرجا ومن كل ضيق مخرجاااا

مشاعر مكتــومه
02-15-2011, 08:11 PM
ادعى ربك واستغفرى وكل امورك راح تتسهل بإذن الله

سعودية شمرية
02-16-2011, 01:52 AM
اول شي احب اقولك اني انا حساسة جدااااااااااااا وحسيت انك انتي بعد حساااااااااااااااااااااااااااااااااااااااسه
واحب اقولك خلك انانية وحبي نفسك وحبي مصلحتك مثل خواتك
اشغلي نفسك بالصلاة وقراءة القران والدعاااااااااااااااااء والدعاااااااااااااااااااااااااء والدعاااااااااااااااء
وبري بامك وابوك وربي راح يوفقك
وطنشي وانسي ومابعد ضيقة الافرج
هذي الدنيا والناس اجناس وخواتك اكيد موكلهم سوى بتلقين وحده طيبه توقف معك(بس اقنعي نفسك انك قوية ومو بحاجه الا لربك)


Content Relevant URLs by vBSEO 3.6.0