المساعد الشخصي الرقمي

مشاهدة النسخة كاملة : الفريق احمد شفيق رأيكم يهمني؟؟؟



محبوبه زوجى
02-14-2011, 02:37 AM
ازيكو يا بنات كنت بسمع كلام الفريق احمد شفيق رئيس الوزراء الحالي في اجتماء الوزراء وكان بيوجه كمان كلام للشباب واتكلم عن حجات كتير
بصراحه اووووووووووووول مره في حياتي اشوف رئيس وزراء يتكلم ويفسر كل حاجه للناس مش عمال يقول هعمل وهعمل وخلاص بيفسر ويشرح
ويناقش طول عمرنا بندور ع الحوار وشيفاه محاور جدا مع الشعب
المهندس كفراوي قال الفريق احمد شفيق كويس جدا بس لازم ياخد باله من اللي حواليه
واول ما حصل على هذا المنصب كل المذيعين قالو ان الوزاره الوحيده اللي نشيد بيها في عهد مبارك هيا وزارته
محتاجه رايكو لو بدأ حكم جديد ممكن توافقو عليه ولا لاء
لو لاء احب اعرف اسباب مش لمجرد لاء
ولو اه بردو نققول ايجابياته
مستنيه رايكو المحترم والنقاش المهذب سواء مؤيدين ليه او معارضين

بنوتة فرفوش
02-14-2011, 02:19 PM
اه
لانه راجل كويس
وزى ما انتى قلتى مش بيقعد يقول هعمل و اعمل
و فى الاخر منلاقيش حاجة اتعملت
و غير كده انه اول رئيس وزراء يقول اسف
فا انا ارشحه
و غير كده انه صادق جدا فى كلامه
مش بيدى وعود و مش بيوفى بيها

بوسى وعلى
02-14-2011, 02:35 PM
انا معاكى
ده راجل محترم والكل يشهد له بالجديه واعتقد المطارات والطيران المدنى خير شاهد على عمل هذا الرجل
اول مرة اشوف رئيس وزارة مش بيقعد فى مكتبه عمال يمر على الوزارات ويتابع بنفسه
اول مرة اشوف رئيس وزارة بيتكلم ويوضح ويشرح ويتقبل المناقشه بل والنقد
اول مرة اشوف رئيس وزارة مش معقدها وبيهتم بالمظاهر
انسان على سجيته لكنه منضبط ودقيق فى عمله
الرجل ده لو ترشح للرئاسه فنحن معه
لكنه لم يلمح لشىء من هذا ربما من لمح هو السيد عمرو موسى وهو ايضا شخصيه لا تقل عنه احتراما

ملوكة***
02-14-2011, 03:14 PM
طبعا اه

الفريق اجمد شفيق راجل محترم
منظم
مابيحبش العوجان

على فكرة على الفيس بوك عاملين حمله لانتخابه رئيس جمهورية
وانا الصراحة انتخبته
صلاح مصر ان شاء الله على ايده
ح يعرف يديرها كويس



عمرو موسى مع احترامي الكامل لشخصيته ماينفعش
لان بحسه انه ضعيف الشخصية

عمر سليمان
انا مش قادرة احدد الراجل ده ايه
ساعات بحس انه ينفع
وساعات بحس انه امتداد للي فات
بس مقدرش انكر انه راجل محترم

محبوبه زوجى
02-14-2011, 07:04 PM
انا كمان رايي من رايكم
الراجل دة نضيف ونزيه
هو وعمر سليمان
للاسف الاتنين دول كانوا صح فى توقيت غلط

ghadahelmy66
02-14-2011, 07:33 PM
انا من اول ما شاهدت الفريق احمد شفيق في اول ظهور له في برنامج الحياة اليوم وحسيت ان هذا الرجل صادق فيما يقول واتمنى ان الناس تستنى عليه شوية وياريت يترشح للرئاسة.

om arwa
02-14-2011, 07:36 PM
رجل المهمات الصعبة بيقولوا علية كدة فى مصر للطيران جوز أختى بيشتغل فيها ان احاساة محترم اى وعندة ضمير
ونفسى يمسك حاجة كبيرة فى الحكومة الجديدة او يرشح نفسة للرئاسة

ربنا يعينة هو الهم اللى هو فيه اصلاااااااا مسولية كبيرة بس ان شاء الله يعدى بمصر الفترة دى

haiam1211
02-14-2011, 08:52 PM
ايوة يا هبة انا معاكى فى رأيك
الفريق احمد شفيق شكله راجل نضيف ومش بتاع كلام وخلاص وتحسيه اصلا ابن ناس ومحترم ومش حرامى ودى اهم حاجة فى المرحلة الجاية
وكمان تحسى انه عاوز يعمل حاجة كويسة للبلد ياريته كان جبه من زمان كان صلح الدنيا شوية بس ربنا يعينه بأه على اللى حواليه نفسى بجد يكون موجود فى الحكومة الجديدة حاسة انه هيغير حاجات كتيييييييير لاحسن

بوسى وعلى
02-14-2011, 09:06 PM
يابنات دى صفحة السيد احمد شفيق على الفيس بوك
Welcome to Facebook — Log in, sign up or learn more (https://www.facebook.com/El.Dostor.News/posts/182863475087511#!/pages/alfryq-ahmd-shfyq/103041436421589?v=wall)
وده اللينك بتاع الصفحات اللى بتطالبه بترشيح نفسه
https://www.facebook.com/pages/ntalb-an-ahmd-shfyq-yrshh-nfsh-llryash/195897887102732?v=wall#!/pages/alhmlh-alshbyh-ldm-alfryq-ahmd-shfyq-ryysaan-ljmhwryh-msr-alrbyh/143401252388560

DODO QUEEN
02-14-2011, 09:59 PM
والله الراجل احمد شفيق دا ميه ميه
راجل محترم وكلامك استريت
انا عن نفسى اختاروا رئيس
والجنزورى زى ماسوسو قالت
كويس جدااااااا
الراجل دا جدع بردوا

دودي انا
02-14-2011, 10:13 PM
انا برشحة كفاية انه بيتكلم ببساطة جدا

وشوفو كمان المطارات عاملها ازاي

المطار الجديد بجد مخليه روعه ومهتم بيه وده بيدل انه بيحافظ ع شغله كويس


انا مع استمراره

همسايه
02-15-2011, 01:22 PM
اه
طبعا راجل محترم ومتحاور مع الشباب وانا برشحه

alhananana
02-15-2011, 09:38 PM
بيبووووووو
انا متفقة معاكو
من اول يوم من حواره في تلفزيون الحية وانا شايفاه متواضع وبيسمع وبيجاوب
وملاحظة انو مبيوعدش بحاجة وخلاص.. بيقول هنحاول وووووووووووووو
شايفاه لطيف ومحترم وان شاء الله يكون خير
حتى لو هيغيرو في الحكومة الحالية الراجل ده لازم يفضل فيها ورئيس الوزراء زي ما هو
حاساه عندو افكار وعايز الأفضل وواحدة واحدة هيعمل حاجة كويسة

انا معاه

verona
02-17-2011, 12:51 AM
تعرفي يا محبوبة

أهو شفيق ده هو الوحيد اللي محسسني بالأمل في الحكومة الجديدة القديمة دي ..

حاساه عسكري محترم نظيف اليد .. لا يعرف مشاريع و لا بيزنس و لا من النوع اللي كلام كتير و فعل قليل

متهيألي بدري لسة ... لما نشوف حيعمل اية في الست شهور دول

و لو أنجز .. أعتقد ممكن الناس تدعوه للترشيح بالرغم انه قال انه شايف نفسه كبير على المنصب ...

فوزية 82
02-17-2011, 01:51 AM
الله يوفق ويجعل الخير فيما اختاره الله
أن أسفت على التدخل في مصر لكن أن بحس أنها بلد وفي أغلى ناس أنتم
أنا برشح عمرو موسى

jolit
03-04-2011, 09:36 PM
انظروا الي موقع كلنا احمد شفيق احنا كلنا بنكتب مقالات مؤيدة ليه علشان نحاول نرجعلة ولو جزء من كرامته لان يظهر ان احنا نفذنا مخطط يراد بة زعزعة امن مصر نفذناة بحزافيرة مسئلتوش نفسكم ليه دمرنا شفيق وسليمان علشان في ناس معينين مش حنقول مخطط من برة لا دة المخطط من جوة بأيدينا صنعناة وبأيدينا نفذناة اصل احنا بقينا زي الببغاوات بنفذ كل حاجة تتطلب مننا يعني مثلا ثوره ميدان التحرير قولنا ان هي ثورة الورد البلدى ماشي بصينا بقي لقينا وعينكم متشفوش الا النور ركب عليها الورد البلاستيك والعليق والحامول والهالوك واصبحت ثوره بلا صاحب وتفرق دمها بين القبائل اشي القبلة الاسلاميه واشي القبيلة الاخوانية والوفدية الخ الخ الخ ................... وطلعت حدوتة انتوا معانا ولا ضدنا وظهرت محاكم التفتيش وفي الاخر مبقلناش صاحبولما قولنا جالنا صاحب وصاحبصاحب راح الصاحب وضربنا الصاحب طبعا انتوا فاهمين اقصد مين اقصد الفريق شفيق واللواء سليمان وشككنا في وطنيتهم ونصبنلهم المشانق وقاعدوا يملوا علينا دة مشهدش اليمين ادام الشعب والشعب مصدقش نفسة لما شال مبارك وافتكر نفسة الوالي العصماني ونصب نفسة والي علينا واصبح ميدان التحرير هو الحل والربط هذا هو زمن الغوغاء لا فكر لا عقل اصبحنا نساق مثل البهائم بلا وعي يظهر ان احنا الي بناخد حبوب الهلوسة الي قال عليها القذافي يظهر ان القذافي تعاقد مع اناس علشان يوزعها بالتسلوى علي الشعب المصري واردنا ان نسقط مصر جمعاء وان نسقط كل الشعب المصري يعني مفروض نصبح الصبح نروح ميدان التحرير نبوس ايدين كبير الراحميه حتي يرضي عنا خرجنا من ديكتاتورية مبارك ال ديكتاتورية ميدان التحرير وخربة وظاظة يا ظاظا وعجبيييييييييييييييييييييييييييييييييييييييييي وعلية العوض ومنة العوض وتحيا ميدان التحرير و تسقط مصر والتحرير ينادي بسقوط الشعب وتحيا مصر فاضية مستقلة:t7::t9:

وردشان
03-04-2011, 10:55 PM
سيادة الفريق شفيق كان لايصلح سياسيا لهذه الفترة الحالية ولكن ليس لضعف فى شخصيته لا سمح الله..ولكن لأن الفترة الحالية تحتاج وبشدة لرئيس وزراء سياسيا محنكا حتى يستطيع التعاطى مع هذه المسئولية المعقدة..لكن الفريق شفيق الذى نكن له كل التقدير والأحترام رجل تكنوقراط ومن هنا اتت نجاحاته فى وزارة الطيران المدنى!

verona
03-05-2011, 03:51 AM
جوليت ...


بصي حبيبتي ..انا بحب شفيق .. بحترمه يعني ... و حتى الآن بحمل له كل احترام

لكن هو مقدرشي يعمل حاجة و محدش يقوللي لحق و لا ملحقشي .....

واضح انه كان متأثر بإصدقائه من النظام القديم ...و بيتعرض لضغوط منهم كتييير خلته ضعيف قدامهم


1- محدش من القناصةو الأمن اللي قتلوا 350 شهيد اتقدم للمحاكمة !!!!!!


2- اعمال البلطجة ماشية عاادي و الداخليه ولاااهي هنا ...وكأن ده على مزاج الداخلية لغرض في نفسها و الأمثله كتيير لدرجة الناس رجعت تعمل لجان شعبية تاني برغم ان الشرطة زادت رواتبها و قلت ساعات عملها ...


3_ وزير الخارجية المكرووووه من طوب الأرض لكلامة المستفز دائما و ابدا ... و فشله الذريع في معظم القضايا الخارجية و اولها قضية حوض النيل ...بالإضافة لمرعي بتاع ...... ..و لما يتسأل شفيق يقولك دول مفروضين عليا !!!!!!!! من مين ان شاء الله ؟؟؟

4_ وزير الداخلية .. نسخة مستنسخة من العادلي الله ينتقم منه ... قلة مندسة و شغل القذافي بأه و شوية شوية حيطلع علينا يقول إلى الأمام ... ثورة !!! و مين اللي معينه بنفس عقليته دي ؟؟؟؟و مصمم عليه ....؟؟؟


5_ زكريا عزمي الجيش ظبطه بيفرم في ورق في قصور الرئاسة ... و رايح جاي على شرم الشيخ .. ليية ؟ و متساب لية ؟؟هو و صفوت و اللي زيهم ؟؟؟


6_ 500 مفقوووووووود منذ بداية الثورة و حتى الآن يا عالم محدش عارف هما فين و لا عايشين و لا ميتين !!!



بصي انا بجد كنت مقتنعة بالراجل ده ...و حاسه انه حتى ينفع رئيس .. لكن للإسف و ان كنت لازلت احترمه و اقدره ... لكنه لايصلح في هذه المرحلة لإن ولاءه رغم عنه ما زال للنظام السابق و هو أمر غير مطلوب في الفترة الحالية ...


و لا يمنع هذا أن له كل الإحترام و التقدير .....



و نصيحى ليكي اختي بما أنك مسجله مخصوص يعني عشان تقولي رأيك ... فبلاش تغلطي في شباب ضحوا بحياتهم عشان تعرفي تقولي رأيك بحرية من غير ما تخافي من أمن الدولة يجوا يكسروا الباب عليكوا و ياخدوكي بقانون الطوارئ ...

على الأقل اللي في التحرير مسرقوش ملياااارات على قلوبهم و لا نهبوا و لا عذبوا و لا سرقوا ... يا ريت توفري هجومك للي يستاهلوه ....قضايا الفساد ابتدت تنكشف اكتر واكتر و حتلاقي الف سكه لهجومك ده ....


و شكرا ....


Content Relevant URLs by vBSEO 3.6.0