المساعد الشخصي الرقمي

مشاهدة النسخة كاملة : تجمع بنات الخبرالظهران الدمام



الصفحات : 1 2 3 4 [5] 6 7 8 9 10

الدلع كله عندي 147
05-19-2011, 05:54 AM
كيفكم يافراشات هذا اول موضوع لي مو تفشلوني وماتردون

بما انكم من الشرقية ابي فزعتكم ياحلوات

و ابسالكم عن المتجر العالمي للعروس ايش رايكم فيه

وكيف يكون التعامل معهم وشغلهم حلو او لا

وبالنسبة للفساتين توصل بالوقت المحدد والا يتاخرون

انا عندي مناسبة بشهر 8 وابي اتعامل معاهم لكن خايفة لاني مالقيت اراء من تعامل معهم

فتكفون ساعدوني والله محتارة :062:

الماضي الباسم
05-19-2011, 02:03 PM
بنات الخبر ماجاوبتوني وين الاقي قمصان بيضا وكيف الاسعار ؟

ام ريما وسعود
05-20-2011, 02:12 AM
نهنوسه واكووووس وحده ودخيلك سامحني

مشكووووووووووورين ويعطيكم الف عااااافيه

مس آيسكريم
05-20-2011, 02:33 AM
شخبار البحرين؟

لآ لآ *-^
05-20-2011, 11:57 AM
جمعة مباركة

:)

اهلي نظر عيني
05-20-2011, 04:03 PM
بنات الخبر ماجاوبتوني وين الاقي قمصان بيضا وكيف الاسعار ؟

انا شريت لبنتي 8سنوات قميص ابيض من زارا في ابن خلدون والسعر 120
وشفت في ابن خلدون محل
M&Hقمصان بيضاء للكبار والصغار واسعارهم حلوه عليها تخفيض

روض القصيد
05-20-2011, 04:20 PM
اهلين بنات الخبر والدمام
جمعه مباركه
عندنا زواج وابي اشتري قماش فخم وحلوو وين القى بالدمام ولا الخبر دلوني عليهم الله يعاافيكم....

نهنوسه
05-20-2011, 05:50 PM
بنات الخبر ماجاوبتوني وين الاقي قمصان بيضا وكيف الاسعار ؟

تقصدين قمصان نوم ولا قمصان للبيت عاديه

الماضي الباسم
05-20-2011, 07:05 PM
اقصد قميص أبيض ( بلوزة ) رسمية أو عادية موديلها حلو ..

نهنوسه
05-20-2011, 07:40 PM
اقصد قميص أبيض ( بلوزة ) رسمية أو عادية موديلها حلو ..

بتلاقين عند مانجو ولا برمود ولا H-M وبريشكا ونكست ويمكن عند سنتر بوينت

دخيلك بس سامحني
05-20-2011, 08:13 PM
اهلين بنات الخبر والدمام
جمعه مباركه
عندنا زواج وابي اشتري قماش فخم وحلوو وين القى بالدمام ولا الخبر دلوني عليهم الله يعاافيكم....

عندك بالدمام ماريناا وسوق الحب فيهاا اقمشة فخمه وروعه

وبالخبر السويكت

نهنوسه
05-21-2011, 10:52 AM
الله يعافيكم يابنات وين ألاقي مفارش للمواليد تكون حلوه وشنط للبيبي في الخبر الله يجزى بالخير من تدلني طبعا غير سنتر بوينت.

دخيلك بس سامحني
05-21-2011, 02:24 PM
الله يعافيكم يابنات وين ألاقي مفارش للمواليد تكون حلوه وشنط للبيبي في الخبر الله يجزى بالخير من تدلني طبعا غير سنتر بوينت.

شوفي اانا مااعرف بالخبر يمكن تلاقي بالسويكت بس في الدمام عندك سوق الحب في محل اسمه الابي

هو ببداية السووق يسويلك كل شي من سرير ومفارش وكلووو

للمحبة عنوان
05-21-2011, 03:51 PM
عندك بالدمام ماريناا وسوق الحب فيهاا اقمشة فخمه وروعه

وبالخبر السويكت




أنا من بنات الشرقية وبأنظم معاكم للتجمع....

وأضيف على كلامك ياقلبي....الخبرمول متخصص بلأقمشة الفخمة للمناسبات بس إنه غالي شوي..

يعني يبيعون بالكسوة...

(1200 - 1700 )

وعندك بعد فينيسيا مول أو المارينا مول.

للمحبة عنوان
05-21-2011, 03:53 PM
شوفي اانا مااعرف بالخبر يمكن تلاقي بالسويكت بس في الدمام عندك سوق الحب في محل اسمه الابي

هو ببداية السووق يسويلك كل شي من سرير ومفارش وكلووو




أيضا تلاقينهم بالسويكت بالخبر عند محل الحصان...

يبيع لك أطقم كاملة حتى مفرش السرير للأم و أرواب النفاس وأسعارهم حلوة.

للمحبة عنوان
05-21-2011, 03:57 PM
هلا خواتي
الي يعرف وين تنباع فساتين للاطفال النالعمه مررررررررره مقاس6 او7 سنوات
بدمام او الخبر وانا شاكره
لاني محصل بهسن ابد


عندك بدبنهامز بمجمع الظهران عند بوبه 1

عنده قسم خاص لهذا العمر وأسعارهم حلوة (80-200 )

للمحبة عنوان
05-21-2011, 04:01 PM
بسألكم أحد نزل السوق قريب .. وشاف بلايز بيضا او قمصان بيضا مرتبة ..؟
يعلمني وين وبكم ؟ وهل الاقي بسنتر بوينت ؟


بنت أختي قبل فتره شرت من مجمع المارينا مول بالدمام من محل إسمه مقاسي...عنده تنانير سودا وبلايز بيضاء...

وتقول أسعاره حلوه...(120-180)

نهنوسه
05-21-2011, 05:44 PM
الله يعافيكم انا أبي شي جاهز شنطه للطفل ومفارش للطفل ماعندي خلق تفصيل وحوسه

نهنوسه
05-21-2011, 07:22 PM
وين أفضل مكان للجلابيات وماتكون غاليه في لخبر

نهنوسه
05-21-2011, 07:32 PM
بنات وينكم وليش ماتدخلوا التجمع صار هادي وممل

مس آيسكريم
05-22-2011, 01:08 AM
من الأذكار اليومية: لا إله إلا الله وحده لا شريك له ، له الملك وله الحمد وهو على كل شئ قدير ..(مائة مرة)

كيندر كتكات
05-22-2011, 01:08 AM
نهنوسة انا موجودة :090:


بس ماعندي شيء اسال عنها فلوسي خلصت:042::t8:

اول ماتنزل المعاشات بجيكم ركض اسال :3_2_101[1 ياا حوووبي لكم بس وانا باقي لي 3 ايام بالخبر واشيل عفشي وااروح الخفجي :042:ماابي اروح

كيندر كتكات
05-22-2011, 01:21 AM
نهنوووسة اذا ولادتك قرريبة خليني اووفر عليك رحت للأبي قبل اسبوعين

رازة ووجهي ابغى افصل قاال ماابووه يابعدي مزحووووم حدوووه ما يستقبل اي طلب يقول عندي طلبات تسليم الى رمضاان
:ب1:
واقوول تووبة من طقم النفااس مع ان اول ولادة لي بس قلت يالله ارووح لك على المتجر العام عندهم تخفيض الي بالسويكت والقى مفررش بنفسجي بذهبي عجبني مررررررررررررررة :0108:واشيله وقلت باخذ لي سرير النونو وادور مفرش بنفسجي وازبطه علية:090: طبعا قلت اباخذ توول واسوي تزيين لباب المجلس يعني حركاات كذا وطبعا تلبيسه الفاين والزبالة وانتي بكرامه بجيب ذهبي

مع ان كان ودي الدنيا كلها ووردي عشاان البنووته بس يالله جت كذاا :062:

كأني بسطت وفرشت فرشتي خلااص ابقوووم واشيل عفشي فتوووووكووا بعاافية يا حبايبي :0126:

نونو القحطاني
05-22-2011, 02:13 AM
انا فصلت بسويكت محل الحصان مره حلو اقمشتهه
بس انا فصلتو ساااده
واشتريت كلف وحركات وركبتها عليه وازارير كمان ودبب

كيندر كتكات
05-22-2011, 02:31 AM
الحصاان كثيير يمدحووونه يا نهنوسه وان شاء الله تلاقي طلبك

أعذب أحساس
05-22-2011, 02:52 AM
السسسسسسسسسسسسسسسسلام عليكم

من زمان عن التجمع قريت كم صفحه

أعذب أحساس
05-22-2011, 02:56 AM
اللي تسأل عن البلايز البيضه تلقينها بكل مكان واغلب شي تلقينه في زارا دايم يجيبهم بكثرررره

وسربال <= ابوك يالنطه هههههههههههههههههههه

ايه جد روحي المحلات اللي مو ماركه تلقين فيها ابيض اكثرررررر


نهنوسه تولدين بالسلامه يارب الله يعينك مالي شغل بشغلات النفاس والخرابيط اخبر خواتي مفرش وسرير للنونو وبس محد سوا زحمه وطقم وهيك

اللي تبي ساعات حلووووه وفخمه وسعرها مايزيد عن 350 ريال تراسلني خاااص *_^
واللي تبي عطوووور ماركات عالميه تعبأه دبي نفس العلبه الاصليه بس الفرق تركيز العطر اقل بدرجه وحده بس بعد تراسلني
بحكم انا بالشرقيه يمديها تستلمها بيدها افضل من تحويل وشحن وزحمه

واللي بعد تبي شنط ماركات هاي كوالتي وسعر ينافس كل التاجرات بالمواقع تراسلني في صووور ونفس الشي تسليم يد بيد

أعذب أحساس
05-22-2011, 03:00 AM
صالحه ام ساميه اسعارها حلووه

اخبر قبل الليزر ههههههههههههههه
كانت تحف الرجول والفخوذ مع الايد كامله والابط
بالشمع

تقريبا 100 ريال
اكيد عندها للوجه بس قولي لها عشان تجيب العده المخصصه لها

وي 000 وي
05-22-2011, 07:39 AM
مرحبا صباح الخير

كيفكم

انا باقي كم يوم والم عفشي وارجع الرياض
تهي تهي
<<<< ما ودها تروووووح

ريح النرجس
05-22-2011, 03:30 PM
مسآئكم طآعهـ

أخبآركم وخبآر السوق معكم

~~
تعرفون كوفيرآت شغلهم مرتب يجون للبيت

نهنوسه
05-22-2011, 04:11 PM
lمشكورين يابنات على الردود الحلوه وأنا ولادتي تقريبا بنصف شهر ثمانيه يعني ماكله رمضان والله محزنه اني بفطر برمضان نفس ولادتي الأولى أكلت كل رمضان
أنا أبي شي معروض بالمحل آخذه وامشي خصوصا أني من الجبيل وطقم ماطقم للنفاس ماعندي هالحركات لأني ماني طويلة بال في السوق والله يعافيكم ابي محل للجلابيات يكون حلو واسعاره حلوه ويفضل أنه مايكون بمجمع كبير لاني بالثامن وبديت أتعب من السوق

للمحبة عنوان
05-23-2011, 12:54 AM
مسآئكم طآعهـ

أخبآركم وخبآر السوق معكم

~~
تعرفون كوفيرآت شغلهم مرتب يجون للبيت



أضم صوتي لصوتك...عندي مناسبة وودي تجيني الكوافيرة بالبيت.

للمحبة عنوان
05-23-2011, 12:56 AM
lمشكورين يابنات على الردود الحلوه وأنا ولادتي تقريبا بنصف شهر ثمانيه يعني ماكله رمضان والله محزنه اني بفطر برمضان نفس ولادتي الأولى أكلت كل رمضان
أنا أبي شي معروض بالمحل آخذه وامشي خصوصا أني من الجبيل وطقم ماطقم للنفاس ماعندي هالحركات لأني ماني طويلة بال في السوق والله يعافيكم ابي محل للجلابيات يكون حلو واسعاره حلوه ويفضل أنه مايكون بمجمع كبير لاني بالثامن وبديت أتعب من السوق



ربي يهون عليك ياقلبي....

قلت لك محل الحصان بالسويكت على اليسار...بعد المسجد بمسافة.

عنده أطقم ومفرق....وكلهم جاهزين إذفعي فلوسك وخذي بضاعتك....

وأسعاره جدا حلوه..

أرخص من سنتر بوينت بشوي.

كيندر كتكات
05-23-2011, 01:18 AM
وي وي مووو لازم ترووحين اقعدي واقعد معاك ههههههههههههههه >>>ابووووك يالدجه


اعذب احساس الله جابك ... انتي مسووية ليزر؟؟؟ وين وبكم ؟؟؟ ووين اي مناطق بالجسم سويتي ؟؟

وكل شيء قووولي عن الليزر


نهنوسة نفس حالتك ..... اباكل نص رمضان الله يعين بس ........ انا لي اسبوع بالثامن الله يتمم لي ولك على خيرررررر


وابروح الحصان الاربعاء اخذ لي سرير للنونو حق النفاس وبس

جلابيات ..تقصدين للنفاس والا ؟؟ اذا للنفاس في محل بالسويكت طحت عليه حلوو جنب صراف الراجحي اتوقع تقاطع 8 والله ييسر

واذا موو للنفااس ماادري ... بفصل بالكوويت انا حق طلعتي ان شاء الله

الآنسة ندو
05-23-2011, 03:18 AM
السلام عليكم

كيفكم يا بنات الشرقية .. ؟؟

انا لسه عرووسة وساكنة جديدة في .. الدمام ..

حابة اسأل عن شنط ماركة DKNY وشنط ماركة CK كالفن كلاين .. الأصلية مو تقليد ..

فين الاقيها في أي موول لو سمحتوا ؟؟

... وشكرا لكم مقدما ...

:)

بطبوطه المزيونه
05-23-2011, 04:07 AM
ايوووا
المولات اللي فيها اشهر الماركات
مجمع الظهران ومجمع الراشد
وان شاء الله تلاقي اللي تبين

وان شاء الله افدتس

% القلب الحنون %
05-23-2011, 05:19 AM
مرحبا

وين ممن الاقي بالدمام زي هالتشيرتات بس للاطفال


http://lghttp.5588.nexcesscdn.net/803DC0/magento/media/catalog/product/cache/38/small_image/135x/9df78eab33525d08d6e5fb8d27136e95/3/0/3078950.jpg


http://2.bp.blogspot.com/-ltCqZ8owKBs/TZuNlpmlYPI/AAAAAAAAFF8/tIW5VeD9GOc/s400/thing.28416231.l.jpg (http://2.bp.blogspot.com/-ltCqZ8owKBs/TZuNlpmlYPI/AAAAAAAAFF8/tIW5VeD9GOc/s1600/thing.28416231.l.jpg)


وشكراً مقدما

الآنسة ندو
05-23-2011, 07:14 AM
ايوووا
المولات اللي فيها اشهر الماركات
مجمع الظهران ومجمع الراشد
وان شاء الله تلاقي اللي تبين

وان شاء الله افدتس




ميرسي يا قمر..... برضو استنى ردوود البنات :ق555:

نهنوسه
05-23-2011, 11:43 AM
وي وي مووو لازم ترووحين اقعدي واقعد معاك ههههههههههههههه >>>ابووووك يالدجه


اعذب احساس الله جابك ... انتي مسووية ليزر؟؟؟ وين وبكم ؟؟؟ ووين اي مناطق بالجسم سويتي ؟؟

وكل شيء قووولي عن الليزر


نهنوسة نفس حالتك ..... اباكل نص رمضان الله يعين بس ........ انا لي اسبوع بالثامن الله يتمم لي ولك على خيرررررر


وابروح الحصان الاربعاء اخذ لي سرير للنونو حق النفاس وبس

جلابيات ..تقصدين للنفاس والا ؟؟ اذا للنفاس في محل بالسويكت طحت عليه حلوو جنب صراف الراجحي اتوقع تقاطع 8 والله ييسر

واذا موو للنفااس ماادري ... بفصل بالكوويت انا حق طلعتي ان شاء الله
الله يهون علينا يارب والله انتي معي بنفس الموعد يالله بنشوف من تولد قبل الثانيه ومشوره على الرد وان شاء الله بروح للسويكت وبدور فيه الجلابيات وعلى طريقي باخذ مفارش بس محل الحصان وين بالضبط لأني مافيني حيل أمشي بخلي السياره توقف على باب المحل.

meshtaaqa
05-23-2011, 12:11 PM
بنات وين الاقي محلات الملابس زي ديور وشانيل
ياليت تكون فيها ملابس رجال وحريم
ضروووووري

دخيلك بس سامحني
05-23-2011, 01:45 PM
بنات وين الاقي محلات الملابس زي ديور وشانيل
ياليت تكون فيها ملابس رجال وحريم
ضروووووري

اتوقع بالراشد

meshtaaqa
05-23-2011, 01:46 PM
تكفووووون قولوا لي وين

وي 000 وي
05-23-2011, 06:13 PM
مرحبا :ق900:

كيندر

خلاص بجلس بس عندك :3_2_101[1

والله لو الامر راجع لي ما ارجع الرياض :042:

بس يالله الله يعين باقي للاربعاء وامشي الله ييسر الامر


ومشكوووورين بناات:و055:

احساس الغلا
05-23-2011, 06:35 PM
بنات وين الاقي محلات الملابس زي ديور وشانيل
ياليت تكون فيها ملابس رجال وحريم
ضروووووري



مجمع الظهران بالتوسعه فيه محلات زي كيذا و اذا ماخاب ظني شفت قوتشي

كيندر كتكات
05-23-2011, 11:00 PM
العفوووو يا نهنوسة :ق900:.......... والله يتمم علينا بخيير


اممممم الحصان:0148: على وصف البناات انه على تقاطع 11 و 12 انا بروح له بكرة او بعده وبشووف وينه واقولك اذا فيه شيء حلوو او لا ...
:0108:

وي وي دررب السلامة يااا رب ...:090: :0126:

meshtaaqa
05-24-2011, 12:05 PM
مجمع الظهران بالتوسعه فيه محلات زي كيذا و اذا ماخاب ظني شفت قوتشي

من جد تسلميييييييين :3_2_101[1

للمحبة عنوان
05-24-2011, 03:59 PM
تكفووووون قولوا لي وين





شوفي ياقلبي....

عندك كارتير وسان لوران...وكم ماركة بعد...

بمبنى خاص بتوسعة الراشد وبالتحديد عند جامع الراشد خارج المجمع.
وعندك بعد محل بالظهران إسمه أوت ليت يجمع ماركات فرنسيه مثل سان لوران كارتير غوتشي دنهيل كالفين كلاين شانيل وأسعارهم مخفضة...

المحل تلاقينه بالتوسعة أظن عند بوابة 7.....بالتوفيق.

نهنوسه
05-24-2011, 05:41 PM
العفوووو يا نهنوسة :ق900:.......... والله يتمم علينا بخيير


اممممم الحصان:0148: على وصف البناات انه على تقاطع 11 و 12 انا بروح له بكرة او بعده وبشووف وينه واقولك اذا فيه شيء حلوو او لا ...
:0108:

وي وي دررب السلامة يااا رب ...:090: :0126:

مشكوره وشوفي كان فيه شي حلو وأسعاره في حدود كم وخبرين
جيبي لنا كل سوالف السوق خلاص طبع حريم نحب سوالف الاسواق

طيف أوراقي
05-24-2011, 06:18 PM
السلام عليكم

كيفكم بنات

انا عروس جديدة وساكنه بالخبر

ابي اسئل عن اماكن حلوة تبيع اغراض للاواني المطبخ اسعارها حلوة ومقبوله وحلوة

وابي اسماء مشاغل روعه في الخبر والدمام

انا ساكنه في البايونيه ولا اعرف شيء

هدوء الحياة
05-24-2011, 06:50 PM
السلام عليكم

كيفكم بنات

انا عروس جديدة وساكنه بالخبر

ابي اسئل عن اماكن حلوة تبيع اغراض للاواني المطبخ اسعارها حلوة ومقبوله وحلوة

وابي اسماء مشاغل روعه في الخبر والدمام

انا ساكنه في البايونيه ولا اعرف شيء



اووه قريبه مني ^^
ششوفي في ربات البيوت عندو اشياء حلوه
وعندك محل الغانمي للأواني المنزليه في الثقبه عندو اشياء حلوه واسعار مقبووله

والمشاغل قد رحت اشراقه مابو ششي شغلهم

منوليتاااااااا
05-24-2011, 08:30 PM
مساء الخير ياعسولات

حبايبي بنات الدمام عندي قماش من زمان محيرني ماعرفت ايش اسوي فيه بس اليوم جات ع بالي فكرة

الرسم ع القماش بس ماعرف محلات الرسم ع القماش اذا تعرفوا احد يرسم ويكون رسمو متقن تدلني عليه

ولها دعوه مني في الحرم لاني رايحه بعد اسبوع بليييييييييييز ساعدوني

نهنوسه
05-24-2011, 08:59 PM
مساء الخير عليكم يابنات التجمع

كيندر كتكات
05-24-2011, 09:06 PM
مساء النووور نهنوسة :ق900: الله حيييها


ومساء الخير على الكل :0108:

ارجوانة الكون
05-24-2011, 10:38 PM
اهلين يااحلى فرشات
ابفي اسالكم عن محلات فساتين السهره اسعاره جدا مناسبه اللي تعرف تدلني عليها ولها دعوه صادقه من القلب
ولكم ودي

للمحبة عنوان
05-24-2011, 11:34 PM
اهلين يااحلى فرشات
ابفي اسالكم عن محلات فساتين السهره اسعاره جدا مناسبه اللي تعرف تدلني عليها ولها دعوه صادقه من القلب
ولكم ودي

عندك ياقلبي الجمعة ستي سنتر...وبعد فينيسيا مول.

أسعارهم بحدود 600- 2000 ريال...

وفية بعد عندك كم محل بالراشد..بس أغلى شوي..

للمحبة عنوان
05-24-2011, 11:35 PM
مساء الخير ياعسولات

حبايبي بنات الدمام عندي قماش من زمان محيرني ماعرفت ايش اسوي فيه بس اليوم جات ع بالي فكرة

الرسم ع القماش بس ماعرف محلات الرسم ع القماش اذا تعرفوا احد يرسم ويكون رسمو متقن تدلني عليه

ولها دعوه مني في الحرم لاني رايحه بعد اسبوع بليييييييييييز ساعدوني

اللي أعرفه عندك كم خياط بالسويكت عندهم الرسم والطبع على القماش

خاصة الفلبينين....يبغالك تمري عليهم وتسألينهم.

طيف أوراقي
05-25-2011, 04:29 AM
وايش كمان غيرره في البايونيه مشاغل في الخبر

ياعين ابوي
05-25-2011, 03:02 PM
وين الاقي محل لفساتين الاطفال حق مناسبات عمر بنتي 2 سنتين

دخيلك بس سامحني
05-25-2011, 05:11 PM
وين الاقي محل لفساتين الاطفال حق مناسبات عمر بنتي 2 سنتين

روحي مارينا مول فيهاا بالمحلات الي بالطابق الثاني

احساس الغلا
05-25-2011, 10:02 PM
مشكوره وشوفي كان فيه شي حلو وأسعاره في حدود كم وخبرين
جيبي لنا كل سوالف السوق خلاص طبع حريم نحب سوالف الاسواق




محل الحصان بالسويكت اذا دخلتي السويكت تمشين كله سيييييييييييييده لحد ماتعدين المسجد و تكملين سييييده وبتشوفينه على يدك اليسار مكانه بزاوية وقدامه محل مشوار

انا مو متزوجه لكن دخلته مره من باب الفضول لقيت طقم النفاس ومع السرير واغراض البيبي و لبس الام يعني كذا شيء سالته عن السعر قالي 850 ريال
وشفت اسعار ملابس الاطفال حلوه نوعاَ ما ارخص من المجمعات لكن الملابس حلوووه
وبس اتمنى اكون افدتكم:و055:

همسات غنوجه
05-25-2011, 10:59 PM
كيفكم ياا حلوااات؟؟؟

بسالكم عن محل فيكتوريا سيكرت في مجمع الظهراان فين مكاانه بالضبط من اي بواابه

وجمب اي محل ؟؟:0148:

لاني سمعت انه من عند البوابه 3 بس دورت عليه وما حصلته ياليت اللي تعرف تقوولي :042:

ويعطيكم العااافيه

meme7738
05-26-2011, 12:13 AM
بنات ابي رقم المصصممة ايمان الحر وياليت تعلموني مكانها وين بالضبط

طيف أوراقي
05-26-2011, 06:51 PM
عطوني يابنات اسماء مشاغل في الخبر

دخيلك بس سامحني
05-26-2011, 07:44 PM
عطوني يابنات اسماء مشاغل في الخبر

عندك مشغل شارمن شغلهم حلوو شفتهم مزبطين وحده مرة عجبني

بس ماعندي رقمهم خذيه من السنترال لو حبيتي

عنوان الوفاء
05-27-2011, 03:35 PM
اهلين يااحلى فرشات
ابفي اسالكم عن محلات فساتين السهره اسعاره جدا مناسبه اللي تعرف تدلني عليها ولها دعوه صادقه من القلب
ولكم ودي


شوفي موضوعي لفساتين السهرة

قطيطه
05-28-2011, 06:42 AM
صباح الخير
الله يعطيكم العافيه اللي تعرف مراكزاومدارس صعوبات نطق اوتعلم في الخبر
تقولي عليه باسرع ووقت ابيه لولدي ما صار يتكلم نهائي له يومين لغة اشاره:ب1:

اميره امير
05-28-2011, 08:01 AM
طيب بنات مين فيكم تقدر تفيدني
وين الاقي محل يبيع تيشيرتات بيضاء ساده باسعار حلوه استعملها للطباعه واللي وتاعرف وين القى الاغراض تبع الطباعه
من اكواب حراريه وورق حراري وخصوصا ماجيك تاتش
اللي تدلني الله يوفقها يارب

< بيضاء الثلج >
05-28-2011, 01:08 PM
صباح الخير
الله يعطيكم العافيه اللي تعرف مراكزاومدارس صعوبات نطق اوتعلم في الخبر
تقولي عليه باسرع ووقت ابيه لولدي ما صار يتكلم نهائي له يومين لغة اشاره:ب1:

الله يشفي ولدك يااااارب

ان شاء الله البنات يفيدوكي

خير الرازقين
05-28-2011, 01:19 PM
بنات الخبر انا من الخبر واذا محتاجين توصيل



**************

يمنع وضع ارقام على العام

أعذب أحساس
05-28-2011, 05:35 PM
:408: مساء الخير


اللي تسأل عن محل ومن سكرت هو عند بين بوابه 4 و5

يعني ادخلي من 4 ولفي يسااار تلقينه جهة اليمين قريب من ستر بكس اللي عند بوابه 5


قطيطه الف سلامه مايشوف شر يااارب ...
دقي على برنامج الامير محمد بن فهد وقولي لهم ابي عنوان المحاضر اللي قبل اسبوووعين حق ذوي الاحتياجات الخاصه عنده معلومات عن لغه الاشاره ووين يسوون دورات وتعليم الفئه المحتاجه


اللي تبي تي شيرت ساده روحي سربال ونبشي تنبيش عندهم الوان واشكال :0108:

واللي تبي مشاغل شارمن حلوو بس زحمه مايلتزمون بالمواعيد :0107: قالت لنا تطلعون الساعه 4 وطلعنا 7 :0107:

شوفي اي وحده تجيك البيت احسن ...
:0146:

نهنوسه
05-28-2011, 07:32 PM
عطوني يابنات اسماء مشاغل في الخبر

فيه بعد مشغل رتاج بحي الجسر بالخبر وسمعت انهم نقلوا محله بس مدري وين بدور لك كان رقمهم عندي

نهنوسه
05-28-2011, 07:35 PM
محل الحصان بالسويكت اذا دخلتي السويكت تمشين كله سيييييييييييييده لحد ماتعدين المسجد و تكملين سييييده وبتشوفينه على يدك اليسار مكانه بزاوية وقدامه محل مشوار

انا مو متزوجه لكن دخلته مره من باب الفضول لقيت طقم النفاس ومع السرير واغراض البيبي و لبس الام يعني كذا شيء سالته عن السعر قالي 850 ريال
وشفت اسعار ملابس الاطفال حلوه نوعاَ ما ارخص من المجمعات لكن الملابس حلوووه
وبس اتمنى اكون افدتكم:و055:

طيب ممكن سؤال أخلي المسجد على يميني ولاعلى يساري اعرف أسألتي كثيره بس والله حامل ومافيني حيل أمشي

احساس الغلا
05-28-2011, 11:26 PM
طيب ممكن سؤال أخلي المسجد على يميني ولاعلى يساري اعرف أسألتي كثيره بس والله حامل ومافيني حيل أمشي


المسجد يجي على يسارك ياعمري لا عااادي خذي راحتك بااسئلتك


هو المسجد موجود على اليسار يعني اذا دخلتي السويكت من بدايته من عند سعد الدين و طالع خلاص تمشين سييييييده وتعدين الخبر بلاز و كملي كله سيده لحد ماتشوفين المسجد على يدك اليسار وكملي سيده و بتلقين محل الحصان على يدك اليسار بزاويه وقدامه مشوار مايضيع ابد

للمحبة عنوان
05-29-2011, 01:16 AM
صباح الخير
الله يعطيكم العافيه اللي تعرف مراكزاومدارس صعوبات نطق اوتعلم في الخبر
تقولي عليه باسرع ووقت ابيه لولدي ما صار يتكلم نهائي له يومين لغة اشاره:ب1:

الله يشافيه...

أولاد أخوي...عندهم نقص بالسمع وأثر على نطقهم..

وعالجوا من سنيييييييييييييين عند المانع بالدمام...

وأشوف عند لوحة إعلانات مستشفى السعد...عيادةالنطق.

إتصلي عليهم وإسأليهم.

ام حلا101
05-30-2011, 02:20 AM
صبايا اخبار افتر شوك اللي في الظهران فيه جديد اوتخفيض

شهد العتيبي الروقي
05-30-2011, 05:02 PM
هلا بنات من تعرف تاجرات تقدر توفر لي الاغراض هذي البيضه السحريه ولصقات رفع الصدر وقبعه الترويش واستكرات الكرستال للموبايل ومفرش لعبني حبيبي والستاره المضيئه واكياس الملابس المعطره واستكرات العبارات الغزليه والسحلفاه المضيئه

ابتسم وخل الهم يتكدر
05-30-2011, 05:34 PM
اهلا وسهلا بالشرقيه

فديتكم والله

خير الرازقين
05-31-2011, 11:06 AM
الي محتاجين توصيل في الخبر يراسلوني على الخاص

للمحبة عنوان
05-31-2011, 02:43 PM
هلا بنات من تعرف تاجرات تقدر توفر لي الاغراض هذي البيضه السحريه ولصقات رفع الصدر وقبعه الترويش واستكرات الكرستال للموبايل ومفرش لعبني حبيبي والستاره المضيئه واكياس الملابس المعطره واستكرات العبارات الغزليه والسحلفاه المضيئه

نزلي طلبك في طلبات مستعجلة وهناك التاجرات يردون عليك بسرعة..

عصريه
06-02-2011, 08:53 PM
صباح الخير
الله يعطيكم العافيه اللي تعرف مراكزاومدارس صعوبات نطق اوتعلم في الخبر
تقولي عليه باسرع ووقت ابيه لولدي ما صار يتكلم نهائي له يومين لغة اشاره:ب1:



شوفي حبيبتي عندك شموع الامل بالدمام تبع صعوبات تعلم بجميع اشكالها ..

مقامات العشق
06-02-2011, 11:12 PM
لو سمحتوا ابي رقم المصممة نوره الخالدي

مقامات العشق
06-03-2011, 12:00 AM
ابي رقم المصممة نوره الخالدي
تكفون بنات ضروري

الآنسة ندو
06-03-2011, 12:07 AM
بنات كيفكم ؟؟ لو سمحتوا

ابغى خياطة (مو مصممة) كويسة في الدمام

لأنو عندي فستان جاهز وابغاها تضيقو بس

ابغى شغلها يكون ممتاز في التصليح .. وياريت تقولولي عالأسعار كمان

ضرووري الله يسعدكم :ق100:

قطيطه
06-03-2011, 11:51 AM
مشكووووووره ياعصريه
ولدي عرضته على اطباء طلعت مشكلته صحيه
بعد العمليه بيحددون اذا كان يحتاج تاهيل اولا

مقامات العشق
06-03-2011, 03:07 PM
شرايكم في بوتيك اعجوبه ومصممه جنبه اسم بوتيكها سوان بس شفت شغلها مرتب كثير بس غاليه
وفيه بعد بوتيك تختارين من الكتالوج ويعطونك الاسعار وفيه فساتين معروضه اسمه فايشن مدري شنو
ياليت الي قد سوت عندهم تقول تجربتها

طيف أوراقي
06-03-2011, 04:33 PM
بنات انا اتابع للحمل في مستوصف الجزيرة بالخبر عند الدكتورة نهاد سعد الدين

وش رايكم فيها هالدكتورة

انا لسى في بدايه الشهر الثاني

نهنوسه
06-03-2011, 09:22 PM
مشكووووووره ياعصريه
ولدي عرضته على اطباء طلعت مشكلته صحيه
بعد العمليه بيحددون اذا كان يحتاج تاهيل اولا

هلا قطيطه وشلونك من زمان مادخلتي عسى المانع خير والله يقوم ولدك بالسلامه

بسمة ليال
06-03-2011, 11:16 PM
طيف مبروك


روحى تجمع البنات هناك بالحمل والولاده اول الاشهر

بسمة ليال
06-03-2011, 11:18 PM
بنات ابى اسال احد راح الهرم ابى اشوف ملابسهم طابا زحمه وفوضى دايم واهون لروحتها

واخر اخبار التخفيض ان شاء الله امر سيتى ماكس واشوف الملابس

قطيطه
06-03-2011, 11:24 PM
[COLOR="Blue"]الله يجزاك خير نهنوسه حبيبتي
ولدي صار له تقريبا شهرترتفع الحراره عنده ويختنق وهو نايم يعني لازم اراقبه 24ساعه وهو ينطق شوي وبعدين صار بالاشاره وصار عدواني ونفسيته دماربكره بعرضه على استشاري والله يكتب اللي فيه الخيروانا تعبت معاه ولادخلت من زمان
[/COLO

قطيطه
06-03-2011, 11:40 PM
بنات انا اتابع للحمل في مستوصف الجزيرة بالخبر عند الدكتورة نهاد سعد الدين

وش رايكم فيها هالدكتورة

انا لسى في بدايه الشهر الثانيمبرووك ياطيف انا ماانصحك في الجزيره على فكره انا ساكنه قرييب مرره منه نصابين بشكل انت ووين بتولديين في الاحسا او الخبروانااقوللك وباي مستشفى

اجمل مافي الكون2011
06-04-2011, 09:11 AM
السلام عليكم ورحمه الله وبركاته

كيفكم بنوتات:090:

انا عضوه جديده ومتابعتكم من زمان بس هذي اول مشاركه مني


ابي اسالكم عن افضل مشاغل خياطه في الدمام او الخبر

ياليت تفيدوني بسرعه لان زواج اخوي بعد شهر وانا جديده في الشرقيه وبكون شاكره لكم:ق0:

طيف أوراقي
06-04-2011, 01:28 PM
مبرووك ياطيف انا ماانصحك في الجزيره على فكره انا ساكنه قرييب مرره منه نصابين بشكل انت ووين بتولديين في الاحسا او الخبروانااقوللك وباي مستشفى
والله يااختي مادري على حسب الظروف

بس احتمال كبير في الاحساء

واخطط على مستشفى الاحساء

بس انا سويت بحث عن الدكتورة نهاد سعد الدين في النت

وشفت كثير يمدحونها وهي كويسه وتعاملها طيب

انا رحت اتابع عندها الحمل وطبعا توني في الاشهر الاولى

بس الله كريم وش تنصحيني فيه

اجمل مافي الكون2011
06-04-2011, 07:27 PM
:ق900: السلام عليكم ورحمه الله وبركاته

كيفكم بنوتات:090:

انا عضوه جديده ومتابعتكم من زمان بس هذي اول مشاركه مني


ابي اسالكم عن افضل مشاغل خياطه في الدمام او الخبر

ياليت تفيدوني بسرعه لان زواج اخوي بعد شهر:042: وانا جديده في الشرقيه:ب1: وبكون شاكره لكم:ق0: :t8::t8:

قطيطه
06-04-2011, 07:56 PM
:ق900: السلام عليكم ورحمه الله وبركاته

كيفكم بنوتات:090:

انا عضوه جديده ومتابعتكم من زمان بس هذي اول مشاركه مني


ابي اسالكم عن افضل مشاغل خياطه في الدمام او الخبر

ياليت تفيدوني بسرعه لان زواج اخوي بعد شهر:042: وانا جديده في الشرقيه:ب1: وبكون شاكره لكم:ق0: :t8::t8:

خياط بناتي اسم الخياط الشيخ محبوب في الخبر
شوفي المشاركات السابقه كثير من البنات يتكلمون عن مصممات فنانات ان شاء الله يفيدونك
والف مبروك زواج اخوك

قطيطه
06-04-2011, 08:06 PM
والله يااختي مادري على حسب الظروف

بس احتمال كبير في الاحساء

واخطط على مستشفى الاحساء

بس انا سويت بحث عن الدكتورة نهاد سعد الدين في النت

وشفت كثير يمدحونها وهي كويسه وتعاملها طيب

انا رحت اتابع عندها الحمل وطبعا توني في الاشهر الاولى

بس الله كريم وش تنصحيني فيه
[COLOR="Blue"]والله ياحبيبتي انا راجعت عندهم ببنتي الكبيره لما كنت حامل كلوني فلوس ومستشفى الولاده في الاحساء رفض يستلم منهم ملف مراجعاتي
انا انصحك المستشفى اللي بتولدين فيه هو اللي راجعي فيه
اذا بتنزلين الاحساء شهريا روحي لدكتورتك هناك اللي بتولدك والتاسع اكييد بتكونين في الاحساء هههههه
بتصير مراجعاتك اسبوعيه لحد ماتقومين بالسلامه
واذبتولدين في الخبرحاكيني :0148:الله على اللقافه

دنياي مشاري
06-04-2011, 08:37 PM
مراحب ...
حيالله بنات الخبر والدمام والظهران ..
بالنسبه للي سالت عن مستشفى للولاده انصحك بمانع الخبر عند الدكتورة عرفانه ولا الدكتوره ميرفت ولا اميمه ..
اما الجزيره ما عمري سمعت احد قالي عنه شي ..

اما اللي تبي خياط .. فيه مشغل بالعقربيه اسمه ديلايت فيه خياطه روعه ..

دنياي مشاري
06-04-2011, 08:40 PM
بسمة ليال ..
وعععععع يالهرم .. والله ما ينشال منه شي ..
اما ظابا انصحك فيه .. رحت له قبل يومين .. صراحه جناااااااااااااااان .. للاطفال وللحريم للبيت ..

ريناد القمر**
06-05-2011, 02:41 AM
بسمة ليال ..
وعععععع يالهرم .. والله ما ينشال منه شي ..
اما ظابا انصحك فيه .. رحت له قبل يومين .. صراحه جناااااااااااااااان .. للاطفال وللحريم للبيت ..
\حبيبتي ممكن اعرف وين ماكنووو
وطابا عنده ملابس للبيت ودي ادبش منه بس اخاف مايسوى

أعذب أحساس
06-05-2011, 02:47 AM
صبببببااح الخير صبايا منذو مبطي ماجيت للتجمع

اللي تسأل عن طابا توني رحت له فيه شغلات لوووئطه خصوصا فساتين البنوتات بس اغلبها يجي معها لقنق يخرب ام الموديل انتي قطي القنق ع جنب والا لبسيها بالبيت واستخدمي الفساتين اغلب اوراق الفساتين زي اوراق مونسوون

الخياطين اذا مستعجله في خياط بالسويكت اسمه دنيا الموضه بالكثير اسبوووع ويطلعه لك وشيخ محبوب رووعه شغله بس يطوول

مقامات العشق
06-05-2011, 02:44 PM
شرايكم في بوتيك اعجوبه ومصممه جنبه اسم بوتيكها سوان بس شفت شغلها مرتب كثير بس غاليه
وفيه بعد بوتيك تختارين من الكتالوج ويعطونك الاسعار وفيه فساتين معروضه اسمه فايشن مدري شنو
ياليت الي قد سوت عندهم تقول تجربتها


للمره الثانيه ادور جواب

نهنوسه
06-05-2011, 06:47 PM
شرايكم في بوتيك اعجوبه ومصممه جنبه اسم بوتيكها سوان بس شفت شغلها مرتب كثير بس غاليه
وفيه بعد بوتيك تختارين من الكتالوج ويعطونك الاسعار وفيه فساتين معروضه اسمه فايشن مدري شنو
ياليت الي قد سوت عندهم تقول تجربتها


للمره الثانيه ادور جواب

وين هالمحلات اللي تتكلمين عنها أبي موقعها

قطيطه
06-06-2011, 02:35 PM
وين هالمحلات اللي تتكلمين عنها أبي موقعها[COLOR="Red"]نهنوسه الخبر مليانه مصممات البارحه كنت افررفرشفت اكثر من عشرة مصممات والله مالحقت احفظ اسمائهم بس عالعموم اغلبهم خلف الكورنيش وشارع البيبسيوبرضو اللي ذكرتهم الاخت اللي فوق
تصدقين فكرت اصحي جنيتي واصمم ازياء واول فستان لك هههههههههها

قطيطه
06-06-2011, 02:40 PM
بنيات وين توباع الكورسيهات في الخبر

مقامات العشق
06-06-2011, 03:09 PM
وين هالمحلات اللي تتكلمين عنها أبي موقعها

اخر شارع السويكت مع تقاطع شارع البيبسي
عند مشغل كليوبترا
اتمنى الفائده للجمع
واتمنى اشوف تجاربكم

نهنوسه
06-06-2011, 08:44 PM
والله تطري علي دائما أصمم أزياء والله مو مزين تصميمهم وغالي بعد

نهنوسه
06-06-2011, 10:23 PM
بنات التجمع وينكم نبي نسولف معكم

للمحبة عنوان
06-06-2011, 11:12 PM
بنيات وين توباع الكورسيهات في الخبر

عندك محلات أسماء بس إنها غاليه شوي....

وأرخص منها نعومي...

وعندك بعد ماركس سبنسر منزل كورسيهات عمليه وأسعارها...(180-300)

ترانيم الشووق
06-07-2011, 01:17 AM
بنات تعرفون مشغل ضوى بالدمام بحي الروضه ,, وشر ايكم فيه ؟؟

أعذب أحساس
06-07-2011, 03:17 AM
استغفرالله الذي لااله الاهو الحي القيوم واتوب اليه

استغفرالله الذي لااله الاهو الحي القيوم واتوب اليه

استغفرالله الذي لااله الاهو الحي القيوم واتوب اليه

طيف أوراقي
06-07-2011, 03:23 AM
[COLOR="Blue"]والله ياحبيبتي انا راجعت عندهم ببنتي الكبيره لما كنت حامل كلوني فلوس ومستشفى الولاده في الاحساء رفض يستلم منهم ملف مراجعاتي
انا انصحك المستشفى اللي بتولدين فيه هو اللي راجعي فيه
اذا بتنزلين الاحساء شهريا روحي لدكتورتك هناك اللي بتولدك والتاسع اكييد بتكونين في الاحساء هههههه
بتصير مراجعاتك اسبوعيه لحد ماتقومين بالسلامه
واذبتولدين في الخبرحاكيني :0148:الله على اللقافه

والله احترت

يعني اكنسل العلاج في مستوصف الجزيرة واتعالج هنا بالاحساء

مرة مشوار

انا اتعالج على التامين وشفت الاسعار مرة يبالغووون

وفي شيء من ضمن التامين وشي انتي تدفعينه


الله يعين

شكلي بقول لزوجي بخلي مراجعتي في الاحساء لاتوهق بكرة في الولادة

قطيطه
06-07-2011, 10:35 AM
بنات التجمع وينكم نبي نسولف معكمنهنوسه متى تدخلين التجمع انا انام بدري وادخل الضحى عجيز
يوم جت الاجازه تنظم نومي

عروس البياض
06-07-2011, 11:07 AM
حبوبات وين محل سربال اللي بالخبر بالضبط
الله يعافيكم
وفيه اشياء حلوة ولا؟

نهنوسه
06-07-2011, 11:49 AM
نهنوسه متى تدخلين التجمع انا انام بدري وادخل الضحى عجيز
يوم جت الاجازه تنظم نومي

هلا والله وينك عاش من شافك أنا كنت أدخل الضحى مثل ماقلتي بس اللحين تخربط نومي اتكيف مع الإجازه صرت أسهر وأدخل قبل صلاة الظهر وأحيانا العصر والليل
وشلون ولدك عساه بخير

قطيطه
06-07-2011, 04:28 PM
هلا والله وينك عاش من شافك أنا كنت أدخل الضحى مثل ماقلتي بس اللحين تخربط نومي اتكيف مع الإجازه صرت أسهر وأدخل قبل صلاة الظهر وأحيانا العصر والليل
وشلون ولدك عساه بخير[/B]في هالدنيا الله يعين عليها بخير مشغوله بتحضيرات الحفله صار لي ثلاث ايام افر الخبر البارحه سويت التورته والهدايا بروح اليوم اكملها طلعت ناسيه كم بنت مدري من وين طلعوا لي هههه بس ابي معجنات ومحتاره منين اخذهم ودونات
ولدي قالي الدكتور اللحميه متضخمه عنده وبرضو اللوزات وحولوه على عيادة السمع طلع ولدي مايسمع وبعدين حولوه على عيادة النطق في التعليمي ادعيله في1-8 تتحدد العمليه

ام جوان و جنى
06-07-2011, 05:24 PM
هلا بنوتات فيه ممصممه سعوديه رووووعه(ندى الدوسري)

توفر لك القماش والموديل


تفضل للبنوتات الصغار وحتى فساتين اعراس غير فساتين السهرات والبدل

واسعارها مقبوله بلنسبه لغيرها


ولى موضوع عنها بلقسم


الى يبغاء رقمها يرسل لى علخاص

موووفقين

بسمة ليال
06-07-2011, 06:50 PM
فيه احد راح للظهران مول ابى محل انوتا وين جاى استنى تخفيضهم اشترى لبنتى العيد


سربال يعنى مو ماره بس غالى حبتين هو جنب بنده العزيزيه نفس الشارع تشوفى فنيسيا مول مكانه مهجور مو واضح

نهنوسه
06-07-2011, 09:07 PM
في هالدنيا الله يعين عليها بخير مشغوله بتحضيرات الحفله صار لي ثلاث ايام افر الخبر البارحه سويت التورته والهدايا بروح اليوم اكملها طلعت ناسيه كم بنت مدري من وين طلعوا لي هههه بس ابي معجنات ومحتاره منين اخذهم ودونات
ولدي قالي الدكتور اللحميه متضخمه عنده وبرضو اللوزات وحولوه على عيادة السمع طلع ولدي مايسمع وبعدين حولوه على عيادة النطق في التعليمي ادعيله في1-8 تتحدد العمليه

الله يشفيه ويعافيه ويفرحك فيه
بعدين وش حفلته وليش ماعزمتينا عاد مشتهيه كيكه بروح اشتري لي
زعلت منك

أعذب أحساس
06-08-2011, 04:23 AM
صباح الخيرررر


سربال يكون يمينك وانتي رايحه للدوحه من تحت الكبري اذا جيتي من الخبر <= ابو الوصف


وشغلاته حليوووه يعني عنده اشياء حلوه واشياء ممم لك عليها
بس يبي لها تنبيش تنبيش
واسعاره زي طابا

أعذب أحساس
06-08-2011, 04:26 AM
استغفرالله الذي لااله الاهو الحي القيوم واتوب اليه

استغفرالله الذي لااله الاهو الحي القيوم واتوب اليه

استغفرالله الذي لااله الاهو الحي القيوم واتوب اليه

أعذب أحساس
06-08-2011, 04:28 AM
الظهران مول للحين مابدت تخفيضاته يقولون بعد السؤال انها بتبدا في 9/8
توب تاتو اعتقد عند بوابه 5 لفي يمين

estbraq
06-08-2011, 04:28 AM
مشكووووره صاحبة الموضووع


بناات الدماااااااااااااااام عفيه عفيه عفيه

أبي وحده تعرف تنقش صح مابي نقش خربطة مليت كل مامدحوا وحده صار اقصى شيء تعرفه
ترسم ورده وحولها اغصااان خخخخخخخخ

كتبوا رقمها اللي تعرف ..

وششنو أحسن مشغل في الدمام مايكون زحمة ابي وحده تسوي مكياج صح
أهم شيء الذمة والضمير


وأحب أحذركم من مجمع عيادات الطبيب اللي في الدمام .نصابين درجة أولى . أما اللي في الخبر ماتعاملت معهم . .

estbraq
06-09-2011, 06:48 AM
بنات وينـــــــــــــــكم ؟؟؟

بسم الله وين تغطوون ؟

بليز ردوووووووا على سؤالي فوووووق

امـ يوسفـ
06-09-2011, 07:53 AM
صباحكم ورد :و0:

كيف الشرقيه وكيف أسواقها اشتقت لها
<<<<~ في كوريا حاليا

estbraq
06-09-2011, 10:32 AM
أم يوسف شخبارك حياك

الاجواء في الشرقيه حررررررررررررررر

بشرينا عنك

نهنوسه
06-09-2011, 06:04 PM
صباحكم ورد :و0:

كيف الشرقيه وكيف أسواقها اشتقت لها
<<<<~ في كوريا حاليا



حيا الله أم يوسف في تجمعنا والله الشرقيه حلوه بس مقبلين على الحر والرطوبه عسى لك جيه عندنا قريب تنورينا

نهنوسه
06-09-2011, 06:09 PM
بنات وينـــــــــــــــكم ؟؟؟

بسم الله وين تغطوون ؟

بليز ردوووووووا على سؤالي فوووووق


نفس السؤال مدري ليش بنات تجمعنا غاطين أول مافتحوا التجمع كان سوالف وحركه بس الظاهر ملوا
والله أنا من الجبيل ما أدري عن الدمام
وتوا قبل فتره دورت على سودانيات بالجبيل ينقشون حصلت وحده بس للأسف صارت رايحه للسودان تحضر تخرج ولدها

مثل نور الشمس
06-09-2011, 06:21 PM
https://alfrasha.maktoob.com/alfrasha84/thread1617250/

بنات الدمام والخبر هذا رابط موضوعي ساعدوني

ارجوانة الكون
06-09-2011, 07:30 PM
مساء الخيرات يااحلى الفراشات
هذي اول مشاركه لي في هذا القسم عساكم على القوه ياحلوين
ابغي فساتين سهره ناعمه جدا واسعارها مناسبه وشنط اشكالها روووووووعه سواء في الدمام او الخبر
ومشكورين مقدما

نهنوسه
06-09-2011, 07:59 PM
روحي للجمعه سنتر أو مارينا أو فينيسا وان شاء الله بتلاقين

للمحبة عنوان
06-09-2011, 09:51 PM
تصدقون يابنات....صديقتي راحت قبل كم يوم....

للخبر بلازا..(بصراحة توقعت إنه مسكر)

المهم شرت منه فستان سهرة شتريتش ومشكوك لولو من فوق لتحت...

والله كأنه شغل مصممة....وبكم؟؟؟

180 ريال....حتى هي مستغربة تحصل فستان بهالسعر....

على كلامها.....المجمع سنين مادخلته بس حبيت أنقل لكم المعلومه..

أعذب أحساس
06-10-2011, 01:44 AM
سبحان الله وبحمدهـ سبحان الله العظيم ..~

صباح السكر صبايا اعذرونا ع الركود تخبرون رطوبه وحر <= وش دخل ههههههههههه

المهم اللي تسأل عن نقاشه عندك ثنتين سمعتهم واصله بالشرقيه

اللي هم ساره البحرينيه هذي خبره سنيييييييييييييييييييييييييييييييييييييييييييييييي ييين
وام ساميه الباكستانيه

وكلهم حلوين ماشاء الله

وعلى طاري خبر بلازا ايه ترى مو هين روحي له خصوصا محل ساره اللي بالدور الاول جنب الاصنصيررر يجيب شغلات بين فتره وفتره


ام يوسف والله ماعندنا الا رطوبه وحر يصرررعك محلك

estbraq
06-10-2011, 11:29 AM
نفس السؤال مدري ليش بنات تجمعنا غاطين أول مافتحوا التجمع كان سوالف وحركه بس الظاهر ملوا
والله أنا من الجبيل ما أدري عن الدمام
وتوا قبل فتره دورت على سودانيات بالجبيل ينقشون حصلت وحده بس للأسف صارت رايحه للسودان تحضر تخرج ولدها



ننوسة تعرفين محل أنتي أجمل ؟ عندكم كانت فيه مادري أظن هندية تسوي نقش ماشي حاله هو فيه عاملات شكثر فلبينيات بس كثرهم على الخيبه خخخخخخ ساعتين ويالله خلصت شغلي

و قولي شنو المشاغل الحلوه عندكم
من ناحية الصبغات و المكياج أبي سعوديه شاطرة

ورقم السودانيه شلون رسمها في النقش ؟
شغل حلو وراقي ولا ترسم ورد وأغصان وأوراق :061:

**كبرياء**
06-10-2011, 01:21 PM
بنات افضل مشغل لقص الشعر بالدمام ؟؟؟

نهنوسه
06-10-2011, 04:13 PM
ننوسة تعرفين محل أنتي أجمل ؟ عندكم كانت فيه مادري أظن هندية تسوي نقش ماشي حاله هو فيه عاملات شكثر فلبينيات بس كثرهم على الخيبه خخخخخخ ساعتين ويالله خلصت شغلي

و قولي شنو المشاغل الحلوه عندكم
من ناحية الصبغات و المكياج أبي سعوديه شاطرة

ورقم السودانيه شلون رسمها في النقش ؟
شغل حلو وراقي ولا ترسم ورد وأغصان وأوراق :061:


تبين في الجبيل

نهنوسه
06-10-2011, 04:15 PM
وينكم يابنات التجمع

قرآني شفاء روحي
06-10-2011, 04:19 PM
مرحبا صبايا

بسألكم وين احصل هالنوعين من حمام الزيت


http://www.nsaayat.com/up/uploads/nsaayat78c2dd5897.jpg


http://m002.maktoob.com/alfrasha/ups/u_new/000/03/18/04/36720/511161.jpeg

للمحبة عنوان
06-10-2011, 05:42 PM
يالله....خلونا نسولف شوي....

شرايكم بالتجهيز للعيد من فتره.....يعني فبل رمضان....

مع الفكرة او ضدها...

شخصيا كل سنه اقول بخلص قبل رمضان....بس عارفين أم الأطفال..

إلى ليلة العيد ولازم يطلع شي نحتاج السوق فيه...

وشرايكم بعد بالتجهيز للمطبخ قبل رمضان...اللف والتحشي والتفرزن...

طبعا ماأوصيكم بالصلاة والتراويح وختم القرآن ووصل الرحم...

شاركوني أفكاركم وآرائكم؟؟؟

عروس البياض
06-10-2011, 05:58 PM
انا عن نفسي بديت اشتري ولولدي للرمضان وللعيد
احس اريح ورمضان الله يبلغنا مافيه وقت ابدن
وبالنسبه للمطبخ حاطه ببالي بنهاية شعبان افرزن
خاصتن المقليات
والله يبلغنا واياكم ومن نحب
=)

نهنوسه
06-10-2011, 06:13 PM
أنا والله كل شي بوقته ملابس العيد طبعا برمضان والطبخ ما أفرزن الا ليوم أو ليوميين انا بيتي صغير وزوجي يوم يفطر معي ويومين بالدوام بس التعب اذا صار علي فطور دوام زوجي
وهالسنه بكون نفاس برمضان يمكن آخر اسبوعين ارجع لبيتي

ام نمر4
06-10-2011, 06:20 PM
مرحبا ان شالله الكل بخير..
انا هالسنة قررت اقضي ملابس العيد من الحين والحمدالله عيالي شريت لهم بدل بربري مع جزمها لثاني العيد لان اول يوم لازم ثوب طبعا وبنتي فستان بربري ناعم

قرآني شفاء روحي
06-10-2011, 08:06 PM
افضل شي تقضين للعيد قبل رمضان

وبعدين المحلات برمضان ينزلون البضاعه القديمة عارفين الناس بتضطر وتشتريها

اما بالنسبة للاكل جربت السمبوسة افرزنها بس


الله يبلغنا رمضان واحنا بصحة وعافية

قرآني شفاء روحي
06-10-2011, 08:12 PM
بنات بسألكم الحياه بلازا فيه محل تجهيز مشاغل واقدر احصل عنده حمام زيت

اذا موجود ايش اسمه وين مكانه بالضبط

طـيــ الشرقيه ــف
06-10-2011, 08:59 PM
والله عن نفسى كل سنه اقول راح اخلص قبل رمضان ولا اخلص الا ليله العيد

وان شاء السنه غير

اما رمضان الله يبلغنا فى نهايه شعبان ابدى افرزن اشياء معينه

للمحبة عنوان
06-11-2011, 01:05 AM
والله فعلا...المفروض الوحده تكون قاضيه شغل العيد كله أو أغلبه قبل رمضان..

وراح أبدي أفرزن بعد إسبوعين بإذن الله.

أعذب أحساس
06-11-2011, 02:57 AM
صباح الخير صبايا
الله يبلغنا رمضان على خيررر يارب
والله حنا مو مرمضين هنا راح نسافر ديرتنا على خيررر ان شاء الله
طبعا يبي لي اخلص واجهز كل شي قبل شهر 8 مو رمضان وبس ههههههههههههه
يعني من الاسبوع الجاي ببدا اجهز في بالي اسوي فستان عاجبني ومحتاره للحين
قلت ابنزل السوق واشوف اذا مافي شي طويل سويته وتوكلت على الله

estbraq
06-11-2011, 05:15 AM
ننوســـة : أي أبي في الجبيل شسوي الدمام قاعده أسأل محد رد :062:
أبي رقم أحسن مشغل صبغة للشعر و قص وصبع حواجب .

أهم شيء يكون شغلهم عدل و متقن

إذا تعرفين أكتبي رقم المشغل وإسمه و وين بالضبط البلد أو الصناعيه

:و1:

أعذب أحساس
06-11-2011, 05:46 AM
يمدحون مشغل هيفا للصبغات
والقص بيرمدونا والتشقير بعد بيرمدونا لا يعلى عليه بس اطلبي تشقير وصبغه احلىىى

نهنوسه
06-11-2011, 11:49 AM
ننوســـة : أي أبي في الجبيل شسوي الدمام قاعده أسأل محد رد :062:
أبي رقم أحسن مشغل صبغة للشعر و قص وصبع حواجب .

أهم شيء يكون شغلهم عدل و متقن

إذا تعرفين أكتبي رقم المشغل وإسمه و وين بالضبط البلد أو الصناعيه

:و1:






أنا اعرف مشغل بالبلد بأول شارع القطيف على يدك اليسار مدري وش اسمه نسيته مع اني تو رحت لهم شغلهم بالحواجب حلو ويمدحون الصبغ عندهم بس ماجربته بس شفت وحده كأنها توها صابغه طلع اللون رهيب بس واضح ان شغلهم مضبوط لأن زحمه قويه عليهم

للمحبة عنوان
06-11-2011, 11:57 AM
صباح الخير صبايا
الله يبلغنا رمضان على خيررر يارب
والله حنا مو مرمضين هنا راح نسافر ديرتنا على خيررر ان شاء الله
طبعا يبي لي اخلص واجهز كل شي قبل شهر 8 مو رمضان وبس ههههههههههههه
يعني من الاسبوع الجاي ببدا اجهز في بالي اسوي فستان عاجبني ومحتاره للحين
قلت ابنزل السوق واشوف اذا مافي شي طويل سويته وتوكلت على الله

أكثر موديلات السوق وموضته فساتين طويله وغالبا كت او كوكتيل من فوق...وممكن تركبين عليها صديري قصيري...

وعندك أفتر شوك منزل تنانير طويله وحلوة وأغلبها شيفون أو حرير على ستان..


Content Relevant URLs by vBSEO 3.6.0