المساعد الشخصي الرقمي

مشاهدة النسخة كاملة : |•| قصصة ولآدتي |•| .. بالتفصصصيل تفَضَلوآ ..~



~ ســلآإف ~
09-25-2011, 05:02 PM
السسلام عليكم ورحممَة الله وبركَآته

كيفكم .. ان ششآء الله تمآم

عدت لكم من جديد زي ماوعدتكم بقصة ولآدتي

ترى القصصه طويله جيبو لكم بيآلة شاي وتعالو :020:

أول شيء انا بكريه
وولادتي كآنت بمستشفى الولآده والأطفال ببريده

كآن يوم السبت بالليل تاريخ 19 / 10 وكنت أسولف مع البنآت بالتجممع واقولهم اني شكلي مطوله وبخلص التاسع وادخل العاشر
وانا ماولدت لاني بكر وكنت امشي الايام الاخيره قبل الولاده مدة ساعه كامله وفوق ذلك ماأحس باي علامه من علامات قرب الولاده
وكنت اتحطم .. المهم سكرت النت عالساعه 2 تقريبا وحست ببيتي
وحطيت راسي بنام الساعه 3 قبل الفجر وكنت اقول لزوجي متى اولد احس اني طفشت ومن هالكلام
قال وش درآك لوتصحيني تقولين ودني المستشفى بعد شوي قلت يارب وانا حآسه بمغص خفيف اخف من المغص اللي يجي ايام الدوره بس ماهتميت
ونمت وطول ماني نايمه وانا احس ان الالم يزود شوي بس محتمل يعني اقدر انام وطبعن وقت ماني نايمه بعد احس وركي اليمين واليسار فيه الم
كل شوي اصحي واتقلب وصحيت الساعه 4 ونص رحت دورة المياه الله يكرمكم واحس فيه رطوبه رغم اني اتجفف بعد كل مره ادخل دورة المياه
وخفت تكون المويا تنزل على شويآت وانا بدورة الميآه نزل مني دم وهنا بدأ الخوف
ومن الخوف رجعت احاول انام واقول اذا فيه شيء الصباح بروح للمستشفى وماقدرت انام .. لين جت الساعه 6 تقريبا صبآح يوم الأحد 20 / 10
وأصحي زوجي لان الالم يروح ويجي وهو بيروح دوامه الساعه 8 خفت اذا رآح الدوام يصير لي شيء وانا بالبيت وماعندي أحد
رغم ان اهلي قريبين لي بس انا ماأبي احد يوديني الا هو ومابي اشغل امي معي ومتفقه مايقول لامي اذا جتني الولاده
لين أولد بالسلامه ويقولهم .. لأن أمي حآمل ومعها سكر ومابيها تتعب معي ..
المهم رحنا المستشفى الساعه 6 ونص تقريبا او 7 ودخلت عالطورايء اخذو الضغط والوزن ودخلوني عالدكتوره على طول
كانت الدكتوره سودانيه وجت بتسوي لي كشف وكانت بالغرفه هي ومعها 3 ممرضات سعوديات انا هنا رفضت انها تكشف وهم موجودين
وكانو مسكرين الستاره الخآرجيه للغرفه بس الستاره اللي عند السرير فاتحينها وقلت لها تسكرها ورفضت الدكتوره تسكرها لاني انا اول مره اسوي كشف
المهم كشفت حسيت انها سفاح مو انسانه عورتني بقوووه طلعت يدها كلها دم المشكله تسوي الكشف وهي تسولف مع الممرضات طاقينها سواليف
قالت فاتح 2 سم لازم ترقيد اذا زوجك بيروح خليه يصبر عشان يسوي توقيع واكلم زوجي قال لا مارحت موجود المهم ياخذوني من غرفة الكشف لغرفة الطواريء
عشان ارتاح وياخذون مني عينات دم ويسوون تخطيط على مايسوي زوجي التوقيع المهم سوو كل شيء ووقع زوجي بس مافي سرير فاضي بقسم التنويم
واضطرو يخلوني نص ساعه عندهم بالطواريء لان وقت ولادتي المستشفى عليه ضغط .. بعدها اخذوني للقسم وحطوني بالغرفه من الساعه 8 ونص تقريبا لين 11
ولاجاء لا دكتوره ولاشيء
انا طفشت وراح زوجي جاب شنطتي >>> شنظة المستشفى
لان ماخذتها معي كنت حآسه ان مافي ولاده واني برجع للبيت ووصلتني شنطتي
واذن الظهر وما جاء احد يتابعني
رحت للإستقبال اسأل >>>طبعن الخدمه زفت بالغرف مافي الجهاز اللي تطلبين منه مساعده ويجون دايركت لغرفتك
المهم رحت لهم قالت بيجي الدكتور المناوب بعد الصلاه انا هنا صعقت دكتور مابي دكتور يكشف قلت لها مافي دكتوره قالت لا المناوب بعد الظهر دكتور
ومافي دكتورات ابد ياربي وش هالحظظ قلت متى يخلص دوامه قالت بعد صلاة العصر قلت زين اقدر اصبر لين العصر واخلي الدكتوره تسوي لي كشف
رحت امشي بممرآت المستشفى حوالي ثلث ساعه
طبعن من الصباح معي نزيف الله يكرمكم وودي امشي اكثر عشان يفتح الرحم بس
النزيف يزيد اذا مشيت وخفت بعد تجيني ولاده ويصير المناوب دكتور >>>بدت الوساويس
وارجع اسالها قلت والتوليد دكتور قالت لا اصلن مايجي دكتور الا بالحالات الحرجه نستدعي استشاري أما بباقي الحالات دكتورات ,, حمدت ربي
جاء الساعه 2 وانا حآسه الالم يزود وماكشفت الا اخر شيء الصباح وقالو لي 2 سم قلت لازم اكششف واقول لزوجي قال حاولي منا ولا منا تجيك دكتوره قلت مافي ابد الا دكتور
قال توكلي على الله الضروره تبيح المحظورآت ولما جاء الدكتور كشف علي طبعن الم مو طبيعي مع الكشف قال 2 سم تحطمممممت ليته ماكشف قلت شكلي مطوله
ليتني اطلع بس انا مخوفني النزيف والافرازات
ولا كان طلعت للبيت ارتآح قعدت لين 3 ونص طبعن محد يدري اني بالمستشفى الا
زوجي واخوي علمه زوجي عشان المستشفى الخآيس لازم محد يولد فيه الا يأمن لهم بنك الدم يبون اثنين يتبرعون لهم
وتبرع اخوي وزوجي حشآ مو حكومي اللي يششوفهم يقول بخلص بنك الدم كله ...!! طبعن مانوموني الاهم اخذين التبرع ..
جت الساعه 3 واكلم زوجة اخوي لان عندي استفسارات كثيره وماعندي نت ومافي الا هي قلت خلني اسالها وجت 3 ونص حاسه اني مطوله قلت خليني اقول لامي
انا بالمستشفى عشان وقت الزياره
ابي احد يجيني مليييييييييت .!! واقولها ويجون هي وزوجي واخوي عندي لين المغرب طبعن اشتد الالم علي وقت المغرب وامي فديتها تحاول انها ترافق معي وانا رافضه
ابد لين يأست مني قالت اجل اختك
قلت لا مابي احد معي وش الفايده بدخل الكشك وبتقعد بروحها انا ابي احد معي بعد الولاده عشان بكون تعبانه وابي احد يمسك البيبي المهم راحت امي البيت هي
واخوي قعد زوجي عندي وجاء اخوي الثاني وزوجته
شوي وراحو واخوي الثاني راح يجيب لي اختي عشان ترافق معي يوم جو رفضو المستشفى المرافق
قالو بتدخل الكشك والمرافق بياخذ سرير عن المرضى الثانين>>>قمممة الضغط والزحممه على المستشفى
اقعدت شوي عشان وقت الزياره مانتهى وراحت للبيت وجاء زوجي بعدها قعد معي يرفع من معنوياتي خخخخخ لين خلص وقت الزياره الساعه 8 انا هنا ماقدرت اتحممل
قعدت ابكي من الالم ونفسيتي زفت
عشان الكشف يالمني وبنفس الوقت الرحم مافتح والطلق حآمي ويهديني زوجي وهديت شوي وطلع من عندي وقال مع طريقي بكلم الاستقبال يجيبون لك الدكتوره
تكشف جتني الدكتوره مع الممرضه
وكشفت وكانت الحمدلله يدها خفيفه بالمره قالت 3 انا شوي متحطمه توقعت بتقول 5 او 7 قالت الممرضه الحين بنوديك الكشك رحت دورة المياه طلعت لقيت العاملات
ماخذين اغراضي وحاطينها بالسرير المتنقل
عشان بيودوني الكشك وبلبس عبايتي ارفضو طبعن ماعلي الا طرحتي وقميص قالو بنسكر الستاير ركبت عالسرير تخيلو قمة الوقاحه وقلة الاحترام طلعو السرير برا
الغرفه بالممر الخارجي وهم ماسكرو ستاير السرير
وانا اصآرخ عليهم وهم مايردون وفيه رجال برا ويوقفون ويسكرون الستاير آه وربي قمة الاستهتار بالمرضى .. وبعدها ودوني كشك الولاده الساعه 8 ونص و ارسلت
لزوجي مسج اخبره اني دخلت وامي كلمتني وانا
بالسرير قلت انا رايحه الكشك قالت الله يسهل عليك وسكرت منها حطو جهاز التخطيط تبع الطلق ونبضات الجنين وحطو مغذي والغرفه بارده بقووووه قلت سكرو عالمكيف
قالت يسكر عالغرف الثانيه بعد قلت قصرو بالتبريد
قالت التحكم من تحت احس اني تجممدت من البرووده وانتظر لين الساعه 10 ونص وتجي دكتوره باكستانيه سلمى قالت فاتح 4 ياربي طفشششت الطلق حامي
مررررره
وانتظر لين 12 ونص وتجي دكتوره منى مصريه وتكشف قالت فاتح 5 ونص او 6 وتفتح الكيس طبعن ماقالت بفتح الكيس على طول فكته بالعود اللي معها
وقالت انتي مطوفه يومين وهو العكس باقي يومين عن اليوم المحدد للولاده وقالت الطفل متبرز المهم انا بهاللحظات ماعاد اتحمل البرد ويروحون يطفون المكيف بالمره
وانا ابيهم يقصرون عليه
وانتظر واقرا دعاء الكرب وسورة الزلزله كل شيء قريته والالم يزود علي وماني قادره اتحمممل طفشت الوقت يمر بطيء جدا حاطين ساعه قدامي ملييييييت ومعاملتهم
زفففت .. جت الساعه 2 جت الدكتوره سلمى اعتقد
انها باكستانيه قالت فاتح 7 ياربي ملللللل وحاطين عندي ممرضه شكلها هنديه حامل ماترحم ابد جت تسوي لي كشف دخلت يدها وعورتني انا قلت لها بشويش الله يخليك
وهي تناظر فيني وتطير عيونها
وقلت لها نادي لي الدكتوره ورفضت تقولي ليه بس انتي مريض الدكتوره عندها مريض كثير لين جتني الولاده حسبي الله عليها رافضه تناديها تبي هي اللي تكشف وهي
يدها قويه وماترد علي
انا بهالوقت جتني كتمه ماعاد اقدر اتنفس ابد والغرفه صارت حاره مدري هي حاره ولا من الالم يتهيا لي احس نفسي ينكتم وانادي عليهم ابي اكسجين محد يرد علي
انادي مافي احد
حاطيني بالغرفه بس انادي على الجدارن اسمع ضحكهم الله لايسامحهم ووحده ترد نعم ماما اقول تعالي حطي اكسجين تقول طيب عشر دقايق اناديها نعم وهي بمكانها
اخر شيء جت وحده ركبت اكسجين
واحطه اول شيء ارتحت بعدين ماحس فيه احس اني انكتمت ومعي غثيان واطلب كيس ويعطوني بعد محاولات وتاخير وتطنيييييش ويجي الكيس ويطيح الكيس من
السرير وماقدر اجيبه من المغذي اللي بيدي والاكسجين اللي بفمي
والتخطيط اللي على بطني وبكمل 24 ساعه وانا صاحيه وماعاد اتحمممل الغثيان واستفرغ على الارض ويجون اللي ينظفون وانواع الضحك وتجي الممرضه ليه يتسفرغ
هنا وين كيس قلت كيس طاح بالارض
ومعصبه علي مالت عليهم وادارة المستشفى عليها السلآم .. ويمسحون ويمششون المهم وانتظر لين الساعه 4 الا ربع وتجي الدكتوره وتكشف قالت للممرضه 10 سم انا
هنا المفروض انها تفرحني بفرج ربي
واسالها دكتوره كم فاتح ماترد علي وتطلع .... آهـ بس انوآع المذله ,,, واسال الممرضه قالت مايعرف اسألي دكتوره ليش يسأل انا لابوكم لابو اللي جمعكم ..
مايردون عليك ابد ويناظرونك باستحقار
ويفكون الاجهزه عني وياخذوني لغرفة الولاده ويتجمعون علي الممرضات ومعهم دكتوره سلمى ..
وتجي تحط البنج وتسوي توسيع بالمقص حسيت فيه خفيف .. ويلا قالت اذا جاء طلق ادفعي
انا ماني عارفه طريقة الدفع الصحيحه ادفع واوقف وادفع وهم يبون تدفعين وماتوقفين دفعه وحده لين يطلع راسه ولا بعد اذا قعدت اتألم تهاوشني ماتبيني اتكلم حتى آهات
ماأطلع حسبي الله عليها
تقول سكري فمك ههههههههههه وانا اسسوي اللي تبي ابي اخلص وأدفع وتهاوشني تخاف يختنق .. تعب .. ابطأ ماطلع .. اخر شيء تجي وحده حبوبه وتبوس
راسي تقول بالله مآما ادفعي وتهديني
ويجي طلق وادفع دفعه قويه ويطلع النونو فديته حسيت لما طلع راسه ويوم يسحبون باقي جسمه انا ادفع خخخخ من الحماس وهي تهاوشني تقول خلاص وقفي
لاتدفعين اسحبوه بسرعه طلع
وامسك بطني وابكي واحمد ربي ماني مصصدقه ياربي اني ولدت عقب هالتعب كله ولدت الساعه 4 الفجر يوم الأثنين 21 / 10 / 1432 هـ زي ماتوقع زوجي هههههه وكان
يخمن بولد فجر الأثنين
من سمعت صوته يبكي وهي يركضون فيه عشان يغسلونه هآن كل شيء اهم شيء جاء بالسلامه وقعدو يسحبون منه المويا شكله كان متشرب مويا حاطين شيء
بخشمه ويشفطون
المهم وتجي تطلع المشيمه وقالت معك نزيف وابطو يسحبون الدم وينظفون بعدهآ جاء دور الخياط وتقعد تخيط بدون بنج بنت اللذينا قلت حطي بنج قالت فيه بنج قبل شوي
قلت راح مفعوله
انا احس فيك الحين وماترد تخيط حطيت يديني على وجهي وسكرت عيوني واقول تحمممملي مابقى الا الخيآط هآنت ووقتها كنت اغفي مدري وش السالفه من التعب
..لين خلصت
قالو خلاص روحي للغرفه ويحطوني بغرفه مؤقته انا والبيبي لان القسم زحمه ومافي سراير ومعي 5 وانا السادسه مالهم سراير حاطينهم بغرف الولاده مؤقت على
ماتفضي السراير يآحياة الشقى بس
طبعن ناسين شنطتي اللي فيها ملابسي وملابس البيبي ماجابوها من البدايه للكشك ناسينها بالغرفه اللي تنومت فيها وكنت اقول للعاملات جيبوها اخاف اولد وهي ماجت
بس لا حيآة لمن تنادي محد يرد عليك
يقولون ليه مافي كلام من اول حتى اللي ينظفون يتكلمون عليك وكأنك جآيه لمستشفى ابوهم .. ويوم جو يلبسون البيبي يسالوني فيه ملابس قلت ايه بالغرفه
ماجبتوهم
ويروحون ينادون وحده وتجيبهم بعد مايتلومون عليك ليش مافي كلام اول ليش مافي كلام اول .. ووحده تقولي خلاص مافي ملابس ,, بيبي يقعد بدون ملابس آه بس ,,
حسبي الله عليهم
واروح الغرفه المؤقته واروح لدورة المياه واخذ دش عالسريع والبس واطلع لغرفتي واكلم زوجي الساعه كانت 4 و38 دقيقه وابشره وكان نايم هههههه طفش مني يقول
جيت الساعه 9 وقالو توها ماجابت ويرجع البيت
ويجي الساعه 12 ويمشي الساعه 1 وقالو له خلاص رح مافي فايده من الإنتظآر وهو يدق عليهم من البيت قبل يجي بيتطمن بس مايردون .. وشكله اخذ غفوه توقعته بشر
امي وطمنها علي
كلمني الساعه 5 ونص قالي بشرتي احد قلت لا مابي ابشر ابيك انت تبشر واهم شيء امي امي لاتنساها طمنها علي لاني لقيت لها مكالمه الساعه 12 ونص
قال خلآص ويروح يكلمهم كلهم ويبشر ويطمن .. وياخذوني للقسم الساعه 6 يمكن وتجي ممرضه تشوف حالة وحده بالغرفه قلت لو سمحتي مويا او نادي وحده من
العاملات بعطيها فلوس تجيب لي مويا
قالت لا مافيه وتجي بتطلع واناديها مره ثانيه واقولها قالت نعم لا مافيه .. مويا يجي مع فطور انا احس ريقي ناشششف ابي مويا ورفضت ماتبي تخدمني اصلن حتى
بفلوسي رافضه تنادي احد يشتري لي
وانتظر ماجاء الفطور ابي المويا اللي معه ههههههههههههه وانام من التعب وانا عطشانه يأست منهم واصحي الساعه 8 وماجاء الفطور ويكلمني اخوي قال تبين
شيء قلت ارسلي مويا كانت امه مرسله معه
حليب مع حلبه ويجي الحليب والمويا واشرب وانام واصحي الساعه 10 ونص وقلت لزوجي يقولهم يطلعوني لاني قرفت منهم وكرهتهم حسبي الله عليهم قال خلاص
وجاء لهم الساعه 11
وجت الدكتوره وقلت لها احس معي نزيف وتكشف علي قالت طبيعي مافي نزيف هذا دم النفاس ويسوون التطعيمات للبيبي ويشوفون فصيلة دمه واطلع بعد صلاة الظهر
للبيت
هنا حسيت بالآمان .. حسيت بالحريه .. حسيت اني طالعه من سجن غوانتانامو مو من مستشفى ..

الله لايوريكم اللي شفته .. والله يسهل عليكم ولادآتكم ويجعلها طبيعيه وسهله وميسره ..

بس جآء إياد وشفته هآن كل شيء الله يحفظه يارب

ولا حد يولد بمستشفى الولاده
روحو لخــآص ,,

إنتهيت ..|~

غــلا 2011
09-25-2011, 05:28 PM
مبرووك
جلست ابكي تذكرت ولاداتي قبل :(

يارب تدخلنا الجنه ياارب

وتفرج لكل حامل


وترزق كل محرومه

ويصبررنا يااارب


عن جد ليه الحكومي بكل مكان يسوون كذا !! والله حرام حسبي ربي عليهم مو ببلاش يشتغلون حتى الستسترات تحسين اخد قايل لهم يسوون كذا

حكومتنا ماقصرت معهم هالمستشفيات وهما يطفروننا ويخلونا نروح لخاص

حسبي ربي

سراب العاشقة
09-25-2011, 05:28 PM
الحمدالله على السلامه والــــــــــــــــــــــف مبروك

زهرة النرجس123
09-25-2011, 05:29 PM
ويجي طلق وادفع دفعه قويه ويطلع النونو فديته حسيت لما طلع راسه ويوم يسحبون باقي جسمه انا ادفع خخخخ من الحماس وهي تهاوشني تقول خلاص وقفي
لاتدفعين اسحبوه بسرعه طلع


ههههههههههههههههههههههههههههههههههههههههههه وربي موتيني ضحك على الحماس ههههههههههههههه

الحمدلله على سلااااااااااااااااااامتك عقباااااااااااااااااااالي يارب اولد بالسلامة الف الف مبرووووك يارب

شقاوية 333
09-25-2011, 05:32 PM
دخلتــــ متحمسة لما قلتي مستشفى الولادة ببريدة بســـ
بعد


ماخلصتــ قصتكـ جتني ام الركب ههههههههه من مستشفى الولادة ..


>> من بريـــــــــــدة ...

ااااااالفــ مبروكــ والحمدللهــ ع سلامتكــ ويتربى العريــــــــســ بعزكمــ

ماجورهــ ياقلبيــ ,,,

ام نايف العمري
09-25-2011, 05:43 PM
الحمدلله عالسلامة
سلاف ويتربى بعزك
وكل شي ذقتيه بأجره ان شاء الله

نونا ام لجين
09-25-2011, 05:44 PM
الحمدلله على سلامتك واللي عطاك يخلي لك ...

اييي مافي اخس من الحكومي الا الخاص اللي مشي حالو ...

ألماسة*
09-25-2011, 06:01 PM
الحمدلله ع السلامة
ومبروووك عليك اياااد

قمر الايام
09-25-2011, 06:07 PM
الحمدلله على سلامتك
وعقبالي
طوفت التاسع

مهندسة مشاعر
09-25-2011, 06:27 PM
أولا ألف الحمد لله عالسلامه ياقلبي ومبرووووووك المولود الجديد ربي يسعدكم فيه

بس والله اقرأ كلامج وأنا خاااااااااااااااااااااايفه وااايد من الكلام إلي تقولينه

انا حامل وهذا اول حمل لي ان شاء الله وخوفتيني وااايد من الولاده والخياطه شو هالخياطه بعد ..ليش يخيطون ..؟

اممممم انا مقرره اولد في مستشفى حكومي عندنا في أبوظبي بس والله خوفتيني من الحكومي ...؟

ياااارب تسهل علينا ولادتنا والله كنت فرحانه واحسب الايام متى بربي ان شاء الله ..!

مشكوووره أم إياد عالقصه والله يسعدج بمولودج

ليلآسْ
09-25-2011, 06:54 PM
يُ حيآتي آلف الحمدلله ع سلآمتك والله يخلي لكم إيآآد
ويتربى بعزكم ..~

بس عن جد قصصصتك تبكيٌ http://www.vb.eqla3.com/images/smilies/n/sm1.gif

مآفيه بقلوبهم رحمممة حسبيٌ آلله عليهم http://www.vb.eqla3.com/images/smilies/139.gif

متميزه من يومي
09-25-2011, 07:01 PM
الف حمدلله سلاف علي سلامتك
تدرين انه غلطتك رحتى لهم بدري نفس غلطتى وانا بكريه ولعبو فيك بالكشف لو قعدتى ببيتك واخذتي حمام دافي وصبرتي ليت تقارب الطلق ارحم لك من كشفهم كل شوي
المهم حمد لله علي سلامتك وسلامه القمر
وبالنسبه للحكومي والخاص فيه فرق بسيط بس الفرق في التوفيق من الله وحده تقول بالخاص سببو لها رعب مو طبيعي وتركوها ولدت علي سرير التنويم مااحد جاها
ياما نسمع بس الحمد لله

متميزه من يومي
09-25-2011, 07:02 PM
الف حمدلله سلاف علي سلامتك
تدرين انه غلطتك رحتى لهم بدري نفس غلطتى وانا بكريه ولعبو فيك بالكشف لو قعدتى ببيتك واخذتي حمام دافي وصبرتي ليت تقارب الطلق ارحم لك من كشفهم كل شوي
المهم حمد لله علي سلامتك وسلامه القمر
وبالنسبه للحكومي والخاص فيه فرق بسيط بس الفرق في التوفيق من الله وحده تقول بالخاص سببو لها رعب مو طبيعي وتركوها ولدت علي سرير التنويم مااحد جاها
ياما نسمع بس الحمد لله

مغروره وابوي السبب
09-25-2011, 07:02 PM
يا عمري عليك والله من جد مو مستشفى هذا زباله الا قولي زريبة حيوانات تكرمون والله شويه انو يرفعون شكوى عليهم بس يالله الحمدلله على سلامتك ياروحي انتي وسلامة اياد الواحد اذا شاف ضناه بصحه وعافيه نسى التعب كله

دلوعة سمسم
09-25-2011, 07:04 PM
ياحيااااتي حمد لله ع السلاااامه ويتربى بعزكم وسلمي لي ع المستشفيات الحكوميه يلومونا فيها

دلع الشمس
09-25-2011, 07:12 PM
ياعمري

والله معاناه

حسبك الله عليهم

المهم الحمدلله عالسلامه

والف مبروك

وردة بنفسجيه
09-25-2011, 07:15 PM
الف مبررررررررررررررروك
الحمدلله على سلامتكم
وياررررررررررب توفقناااااا بالدكتورات والممرضات اللي يخااااااااااافونك يارررررررررررررب

C.H.E.R.R.Y.
09-25-2011, 10:02 PM
يا قلبي عليك يا سلاف .. وربي عورتي قلبي ..
محد بيجي قلبه على قلبك الا الي من لحمك ولا هالوحوش الله يكفينا شرهم ويطعمنا من خيرهم ..
وربي زملت =( ودي اصيح

اللهم سخر لي ملائكة السماء وجنود الأرض .. ويسهل ولادتي ويجعلها طبيعيه ويرزقني بالجنين الحسن الخلق و الخلقه يارب امين

~VanillA~
09-25-2011, 10:12 PM
الف مبروووك سلاف وحمدلله عالسلامه

وفعلا معامله زفته مادري كيف تحملتي

الله يكتبلك الاجر على صبرك

ميرال 2009
09-25-2011, 11:26 PM
الحمدالله على السلامه والــــــــــــــــــــــف مبروك

مـ على هيئة بشر ـلاك
09-25-2011, 11:45 PM
الحمدلله على سلامتك

والله انا لو اموت مااولد في حكومي مافي بقلوبهم رحمه رعب رحتى بولدي البكر وماقدرت اجلس ساعه خرجت على طول
والله الخاص يهتمو فيكي مررررررررررره وفي النونو وطلباتك اوامر اما الحكومي عذاب ووقت الخياطه يبنجوكي وانتي تولد الاكسجين عليك

ғuѝқą
09-26-2011, 12:08 AM
يآربي ععععورني ققلبي واناآ آققرآ


آجررر إن ششآء الله


حسبي الله عليهمممممممم



الحمممدلله ع سلآمتككَ .~

AL baronah
09-26-2011, 12:27 AM
حمد الله على سلامتك وسلامة البيبي

اهم شي انكم بصحه وعافيه

القـــــ قمر صيــــم
09-26-2011, 02:40 AM
سلاف الحمدلله على سلامتك

اساسا مستشفى بريدة ماينفع انا بس تنومت فيه وكرهته

وغلطتك انك دخلتي بدري ولعبو فيك

الله لايحوجنا لهم يارب

استاهلك
09-26-2011, 04:08 AM
خلاص مافي ملابس ,, بيبي يقعد بدون ملابس


<< قطع يقطع راس العدوووو بلاها ماتعبت عليه 9 شهوووووووووووووووور

لو انا منك كان جلدتها
هههههههههههههههههههههههههههههههههههههههه
احس تقهرررر



والحمدلله ع السلامه يارررب

..سمو الاخلاق ..
09-26-2011, 04:27 AM
ياعمري انتي والله حمد لله ع السلاامه اجر وعاافيه ان شاءالله
والمستشفياات الحكوميه حدث ولاحرج في الفضائح الله يصلح الحال بس

زحل2
09-26-2011, 06:09 AM
الحمد لله على السلامه 000والله رحمت اميمتك تدق وماتدري وش انتي فيه من حال مسيكينه 0000

الولوف العطوف
09-26-2011, 07:20 AM
الف مبروك والحمدلله على السلامة ومادام ولدك اليوم بحضنك يهون التعب وترى خياطة المستشفيات الحكومية احسن من الخاص انا مجربتها

شجوني نغم
09-26-2011, 07:39 AM
الحمدالله على سلامتك

وياارب يكتب لك الاجر ويكتب لنا الاجر

انا خلااااص قررربت وبمووت من الخووووووووف

صمتي كل كلامي
09-26-2011, 07:40 AM
الحمدلله عالسلامه
وحسبي الله على هالمستشفى عشانه حكومي مايهتمووووون
اهم شي طلعتي من عندهم بالسلامه انت وولدك صارت المستشفيات الحكوميه تخوووف

ساواه
09-26-2011, 08:06 AM
مبروك ماجاكي ويتربى بعزك
ذكرتيني بولادتي ببنتي بمستشفى الولاده مررره عذاب اكثر من قصتك
بس اهم شي جبتي البيبي وقرة عينك بشوفته :)

قرقة
09-26-2011, 08:11 AM
دايم ماطيح باالموضوع إلا اخر اللناس:(

ومير يتبلد الأحسااس عند ولو يقلون الولادة مجزره احس ماتفرق :042:
الف الحمد لله على سلامتك
وعقبااالي ياكريم
هـ الأسبوع

:)

حبيبة قلبهـ
09-26-2011, 08:24 AM
اولا الف الف مبروك والحمدلله على السلامه وماجروره ان شاء الله
ثانيا انتي مررررررررره رحتي بدري جنااااااااااان كان تحملتي الين المغرب او بعد العشاء

لان البكريه تتطول بطلقها

بس انتي شكلك خايفه عشان كذا رحتي

والمستشفيات الحكوميه معروفه اساسا انا غاسله يدي منها مهما قالو عنها

الله يحفظلك ولدك يارب

والمره الثانيه امسكي نفسك لا تروحي بدري

شوشو الخجوله
09-26-2011, 08:40 AM
الحمدلله عالسلامه ياقلبي

يتربى بعزكم يارب

والف مبروووووك

الكرستاله 2
09-26-2011, 08:49 AM
والله مدري لو انا ايش عملت فيهم كان قلتلهم ماابغا ولاده ولا شي طلعوني من عندكم الحمدالله ماجربت الحكومي ولا ابغا اجربها في الخاص احلا شي يهتمو فيكي ويسالوكي عن كل شي تبيه خاصه في سليمان فقيه حتي نوع الاكل ايش تبي دجاج لحم سمك انتي تحددي والجرس جمبك اي شي تدقي ويجو لحدك اتذكر يوم عملت المنظار ولما دخلت الحمام الله يكرمك واشوف الدم وماعندي لاحفايض ولا شي ودقيت عليهم طبعا حاطين جرس في الحمام كمان وجات قلتلها وراحت جابت وجات قالت لازم دم معليش معاملتهم حلوه يهونو عليكي ان كنتي خايفه

Ғ š ғ ỏ ơ я i н
09-26-2011, 11:50 AM
يحياتي حسبي الله عليهم وين الرحمه
اهم شي انتي والبيبي بخير الله يخليه لك :)

lola84
09-26-2011, 12:15 PM
حمد الله على سلامتك وسلامه البيبي والف مبروك عن جد معاناة ان شاء الله كلها اجر

خوخة_8
09-26-2011, 12:41 PM
حمد الله على السلامة

aaa_sa_3
09-26-2011, 12:52 PM
الله ياخذهم وش هالمجزرة وقلة الأدب

يستلمون رواتبهم على ايش



ارحموا من في الأرض يرحمكم من في السماء
هذولي مابقلوبهم رحمة ، انتي تتعذبين وهم يسكتونك لابوهم جعلهم يفصلون من مستشفاهم


بعدين وش هالحكي هم مو دافعين من جيبهم شي لك وللبيبي ، ليش ما لبسوا الببي من المستشفى ، لذا الدرجة وصلت المهزلة



الله لا يولي علينا ظالم ، ولا يجعل أمرنا غير عند ناس بقلوبها رحمة وخوف من الله





ياعمري انتي بجد رحمتك
الحمد لله على سلامتك وسلامة النونو >>>> بدررري

بجد الحمد لله على سلامتكم

اليـــــن
09-26-2011, 01:20 PM
الف مبرووك سلاف
وان شاء الله كل شي باجره
<<بس خفت

الله يسخر لنا اللي فيهم الخير يارب :(

مووووضي الحربي
09-26-2011, 05:45 PM
الف الف الف مبرووووووووووووووووووووك يتربى بعزك ايودي


ويااا زين العاافيه بس ..

~ ســلآإف ~
09-26-2011, 10:33 PM
مبرووك
جلست ابكي تذكرت ولاداتي قبل :(

يارب تدخلنا الجنه ياارب

وتفرج لكل حامل


وترزق كل محرومه

ويصبررنا يااارب


عن جد ليه الحكومي بكل مكان يسوون كذا !! والله حرام حسبي ربي عليهم مو ببلاش يشتغلون حتى الستسترات تحسين اخد قايل لهم يسوون كذا

حكومتنا ماقصرت معهم هالمستشفيات وهما يطفروننا ويخلونا نروح لخاص

حسبي ربي

الله يبارك فيك ياقلبي
آمين يارب
تسلمين يالغلا عالمرور



الحمدالله على السلامه والــــــــــــــــــــــف مبروك

الله يسلمك ويبارك فيك


ويجي طلق وادفع دفعه قويه ويطلع النونو فديته حسيت لما طلع راسه ويوم يسحبون باقي جسمه انا ادفع خخخخ من الحماس وهي تهاوشني تقول خلاص وقفي
لاتدفعين اسحبوه بسرعه طلع


ههههههههههههههههههههههههههههههههههههههههههه وربي موتيني ضحك على الحماس ههههههههههههههه

الحمدلله على سلااااااااااااااااااامتك عقباااااااااااااااااااالي يارب اولد بالسلامة الف الف مبرووووك يارب

هههههههههههههههه دوووم هالضحك
الله يسلمك يالغلا ويبارك فيك
ويرزقك بولاده طبيعيه سهله يارب


دخلتــــ متحمسة لما قلتي مستشفى الولادة ببريدة بســـ
بعد


ماخلصتــ قصتكـ جتني ام الركب ههههههههه من مستشفى الولادة ..


>> من بريـــــــــــدة ...

ااااااالفــ مبروكــ والحمدللهــ ع سلامتكــ ويتربى العريــــــــســ بعزكمــ

ماجورهــ ياقلبيــ ,,,

هههههههههههههه شقاويه
شفتي يخوفون حسبي الله عليهم
الله يبارك فيك ويسلمك


الحمدلله عالسلامة
سلاف ويتربى بعزك
وكل شي ذقتيه بأجره ان شاء الله

الله يسلمك يالغلا
اللهم آمين


الحمدلله على سلامتك واللي عطاك يخلي لك ...

اييي مافي اخس من الحكومي الا الخاص اللي مشي حالو ...

الله يسلمك
اللهم آمين


الحمدلله ع السلامة
ومبروووك عليك اياااد

الله يسلمك
والله يبارك فيك


الحمدلله على سلامتك
وعقبالي
طوفت التاسع

الله يسسسلمك يالغلآإ
الله يفرج عليك ويسهل ولآدتك يارب


أولا ألف الحمد لله عالسلامه ياقلبي ومبرووووووك المولود الجديد ربي يسعدكم فيه

بس والله اقرأ كلامج وأنا خاااااااااااااااااااااايفه وااايد من الكلام إلي تقولينه

انا حامل وهذا اول حمل لي ان شاء الله وخوفتيني وااايد من الولاده والخياطه شو هالخياطه بعد ..ليش يخيطون ..؟

اممممم انا مقرره اولد في مستشفى حكومي عندنا في أبوظبي بس والله خوفتيني من الحكومي ...؟

ياااارب تسهل علينا ولادتنا والله كنت فرحانه واحسب الايام متى بربي ان شاء الله ..!

مشكوووره أم إياد عالقصه والله يسعدج بمولودج

الله يسلمك حبيبتي ويبارك فيك
الله يفرج عليك يارب ويرزقك بالولآده السهله الميسره
وكل مسلمه يارب


يُ حيآتي آلف الحمدلله ع سلآمتك والله يخلي لكم إيآآد
ويتربى بعزكم ..~

بس عن جد قصصصتك تبكيٌ http://www.vb.eqla3.com/images/smilies/n/sm1.gif

مآفيه بقلوبهم رحمممة حسبيٌ آلله عليهم http://www.vb.eqla3.com/images/smilies/139.gif




الله يسلمك ليلاس
اللهم آمين يارب
عقبالك يارب الله يفرجهآ لك ويسهلها عليك


الف حمدلله سلاف علي سلامتك
تدرين انه غلطتك رحتى لهم بدري نفس غلطتى وانا بكريه ولعبو فيك بالكشف لو قعدتى ببيتك واخذتي حمام دافي وصبرتي ليت تقارب الطلق ارحم لك من كشفهم كل شوي
المهم حمد لله علي سلامتك وسلامه القمر
وبالنسبه للحكومي والخاص فيه فرق بسيط بس الفرق في التوفيق من الله وحده تقول بالخاص سببو لها رعب مو طبيعي وتركوها ولدت علي سرير التنويم مااحد جاها
ياما نسمع بس الحمد لله

الله يسلمك ياقمر
صآدقه انا غلطت .. بس انا خوفني المويا خفت تقل عالجنين وانا جالسه بالبيت
بس يلا درس لي
مششكورهـ يالغلآإ


يا عمري عليك والله من جد مو مستشفى هذا زباله الا قولي زريبة حيوانات تكرمون والله شويه انو يرفعون شكوى عليهم بس يالله الحمدلله على سلامتك ياروحي انتي وسلامة اياد الواحد اذا شاف ضناه بصحه وعافيه نسى التعب كله

مغرووره اي والله صآدقه مافيهم ذرة رحممه
الله يسلمك يالغلا
صدقتي حبيبتي اهم شيء الوآحد شاف ضنآه بصحه وعآفيه
اسعدني مروورك


ياحيااااتي حمد لله ع السلاااامه ويتربى بعزكم وسلمي لي ع المستشفيات الحكوميه يلومونا فيها

الله يسلمك
اللهم آمين


ياعمري

والله معاناه

حسبك الله عليهم

المهم الحمدلله عالسلامه

والف مبروك

الله يسلمك دلع
ويبارك فيك


الف مبررررررررررررررروك
الحمدلله على سلامتكم
وياررررررررررب توفقناااااا بالدكتورات والممرضات اللي يخااااااااااافونك يارررررررررررررب

الله يبارك فيك ورده
ويسسلمك يارب
اللهم آمين


يا قلبي عليك يا سلاف .. وربي عورتي قلبي ..
محد بيجي قلبه على قلبك الا الي من لحمك ولا هالوحوش الله يكفينا شرهم ويطعمنا من خيرهم ..
وربي زملت =( ودي اصيح

اللهم سخر لي ملائكة السماء وجنود الأرض .. ويسهل ولادتي ويجعلها طبيعيه ويرزقني بالجنين الحسن الخلق و الخلقه يارب امين

تسسلمين حبيبتي
اللهم آمين يالغلا
الله يسهلها عليك وييسرها يارب


الف مبروووك سلاف وحمدلله عالسلامه

وفعلا معامله زفته مادري كيف تحملتي

الله يكتبلك الاجر على صبرك

الله يبارك فيك ياقمممر ويسلمك من كل ششر
اللهم آمين


الحمدالله على السلامه والــــــــــــــــــــــف مبروك

الله يسلمك
ويبارك فيك ,,

~ ســلآإف ~
09-26-2011, 10:49 PM
الحمدلله على سلامتك

والله انا لو اموت مااولد في حكومي مافي بقلوبهم رحمه رعب رحتى بولدي البكر وماقدرت اجلس ساعه خرجت على طول
والله الخاص يهتمو فيكي مررررررررررره وفي النونو وطلباتك اوامر اما الحكومي عذاب ووقت الخياطه يبنجوكي وانتي تولد الاكسجين عليك

الله يسلمك
صآدقه ياقمممر
اسعدني توآجدك


يآربي ععععورني ققلبي واناآ آققرآ


آجررر إن ششآء الله


حسبي الله عليهمممممممم



الحمممدلله ع سلآمتككَ .~

آمين يارب
والله يسلمك يآعسسسل


حمد الله على سلامتك وسلامة البيبي

اهم شي انكم بصحه وعافيه

الله يسلمك
صدقتي اللهم لك الحمد اولا وآخيرا


سلاف الحمدلله على سلامتك

اساسا مستشفى بريدة ماينفع انا بس تنومت فيه وكرهته

وغلطتك انك دخلتي بدري ولعبو فيك

الله لايحوجنا لهم يارب

الله يسلمك قمر
اللهم آمين يآرب


خلاص مافي ملابس ,, بيبي يقعد بدون ملابس


<< قطع يقطع راس العدوووو بلاها ماتعبت عليه 9 شهوووووووووووووووور

لو انا منك كان جلدتها
هههههههههههههههههههههههههههههههههههههههه
احس تقهرررر



والحمدلله ع السلامه يارررب

ههههههههههههههههههههههههه
اي والله تقهههههر وانتي وقتها مالك الا السكوت :t8:
عشان يخلصون شغلهم بس
الله يسلمك يارب ويسهل ولآدتك


ياعمري انتي والله حمد لله ع السلاامه اجر وعاافيه ان شاءالله
والمستشفياات الحكوميه حدث ولاحرج في الفضائح الله يصلح الحال بس

الله يسلمك يارب
اسعدني تواجدك يالغلآإ


الحمد لله على السلامه 000والله رحمت اميمتك تدق وماتدري وش انتي فيه من حال مسيكينه 0000

الله يسلمك
ويحفظ امهآتنا يارب


الف مبروك والحمدلله على السلامة ومادام ولدك اليوم بحضنك يهون التعب وترى خياطة المستشفيات الحكومية احسن من الخاص انا مجربتها

الله يبارك فيك ويسسلمك
اي والله يهههون


الحمدالله على سلامتك

وياارب يكتب لك الاجر ويكتب لنا الاجر

انا خلااااص قررربت وبمووت من الخووووووووف

الله يسلمك
اللهم آمين
ان ششآء الله مافي خووف
وربي يرزقك ولاده سهله ميسره
بس لاتروحين بدري مثلي


الحمدلله عالسلامه
وحسبي الله على هالمستشفى عشانه حكومي مايهتمووووون
اهم شي طلعتي من عندهم بالسلامه انت وولدك صارت المستشفيات الحكوميه تخوووف

الله يسسلمك يآعسل
اسعدني مرورك


مبروك ماجاكي ويتربى بعزك
ذكرتيني بولادتي ببنتي بمستشفى الولاده مررره عذاب اكثر من قصتك
بس اهم شي جبتي البيبي وقرة عينك بشوفته :)

الله يبارك فيك
اللهم آمين
اي والله اللهم لك الحمد ..


دايم ماطيح باالموضوع إلا اخر اللناس:(

ومير يتبلد الأحسااس عند ولو يقلون الولادة مجزره احس ماتفرق :042:
الف الحمد لله على سلامتك
وعقبااالي ياكريم
هـ الأسبوع

:)

هههههههههه
قرقة
الله يفرجها عليك ويسسسهلها يارب
الله يسلمك من كل شششر


اولا الف الف مبروك والحمدلله على السلامه وماجروره ان شاء الله
ثانيا انتي مررررررررره رحتي بدري جنااااااااااان كان تحملتي الين المغرب او بعد العشاء

لان البكريه تتطول بطلقها

بس انتي شكلك خايفه عشان كذا رحتي

والمستشفيات الحكوميه معروفه اساسا انا غاسله يدي منها مهما قالو عنها

الله يحفظلك ولدك يارب

والمره الثانيه امسكي نفسك لا تروحي بدري

الله يسلمك ويبارك فيك
صآدقه انا من الخوف رحت خفت على موية الجنين
اسعدني توآجدك يآعسسسل


الحمدلله عالسلامه ياقلبي

يتربى بعزكم يارب

والف مبروووووك

الله يسلمك ويبارك فيك
منوورهـ


والله مدري لو انا ايش عملت فيهم كان قلتلهم ماابغا ولاده ولا شي طلعوني من عندكم الحمدالله ماجربت الحكومي ولا ابغا اجربها في الخاص احلا شي يهتمو فيكي ويسالوكي عن كل شي تبيه خاصه في سليمان فقيه حتي نوع الاكل ايش تبي دجاج لحم سمك انتي تحددي والجرس جمبك اي شي تدقي ويجو لحدك اتذكر يوم عملت المنظار ولما دخلت الحمام الله يكرمك واشوف الدم وماعندي لاحفايض ولا شي ودقيت عليهم طبعا حاطين جرس في الحمام كمان وجات قلتلها وراحت جابت وجات قالت لازم دم معليش معاملتهم حلوه يهونو عليكي ان كنتي خايفه

ههههههههههه قلت لهم مابي ولاده
بالاخير قلت لهم ابي قيصريه
بس المشكله مايردون عليك ابد ابد
اسسعدني مرووورك يالغلآإ


يحياتي حسبي الله عليهم وين الرحمه
اهم شي انتي والبيبي بخير الله يخليه لك :)

اي والله هذا اهم شيء
عقبالك الله يسهل ولادتك يارب وييسرها لك


حمد الله على سلامتك وسلامه البيبي والف مبروك عن جد معاناة ان شاء الله كلها اجر



الله يسلمك ويبارك فيك
اللهم آمين
اسعدني مروورك يآقممر


حمد الله على السلامة

الله يسلمك
منوورهـ


الله ياخذهم وش هالمجزرة وقلة الأدب

يستلمون رواتبهم على ايش



ارحموا من في الأرض يرحمكم من في السماء
هذولي مابقلوبهم رحمة ، انتي تتعذبين وهم يسكتونك لابوهم جعلهم يفصلون من مستشفاهم


بعدين وش هالحكي هم مو دافعين من جيبهم شي لك وللبيبي ، ليش ما لبسوا الببي من المستشفى ، لذا الدرجة وصلت المهزلة



الله لا يولي علينا ظالم ، ولا يجعل أمرنا غير عند ناس بقلوبها رحمة وخوف من الله





ياعمري انتي بجد رحمتك
الحمد لله على سلامتك وسلامة النونو >>>> بدررري

بجد الحمد لله على سلامتكم

الله يسسسسلمك يالغلآآآإ
ويسسهل عليك يارب وعلى كل مسسسلمه


الف مبرووك سلاف
وان شاء الله كل شي باجره
<<بس خفت

الله يسخر لنا اللي فيهم الخير يارب :(

الله يبارك فيك
ويسخر لك الناس الطيبه وان ششاء الله مافي خووف
بس لاتروحين بدري


الف الف الف مبرووووووووووووووووووووك يتربى بعزك ايودي


ويااا زين العاافيه بس ..

الله يبارك فيك
اللهم آمين
تسسسلمين يآعسسل

ஐ ẴŁĵσσяψ ஐ!
09-27-2011, 12:36 AM
الف الححًمدلله ع السسسلآمـه~

صصرآحه قصتك فضيعه من ناحية الإهمآل ~

ومبروووووووك ع النونو ~

يتربى بعزكم ان شالله ~

امـ تـركــي
09-29-2011, 12:10 PM
الف الف مبرووووووك حبيبتي والحمدالله على سلامتك وسلامة ايااد يتربى بعزكم ان شاء الله .۔ مأجورة ياقلبي

ام عزوز الكتكوته
09-29-2011, 02:03 PM
الحمدلله عالسلامه ومبروك يالغلا
والله حسيبهم مو مستشفى خشى لوانا والله لااطلع على طول من اول حركه سووها لك

هدى الاموره
09-29-2011, 07:16 PM
قلبي الحمد لله على سلامتك وسلامة النونو ويتربى بعزك

amshatha
09-30-2011, 05:50 PM
الف مبروك والحمد الله على السلامة


اقرا وقطعتي قلبي ،،،،،،،،،،،،,الله يهونها على الباقيات والله يرزق كل محروم

تاجره ورديه
09-30-2011, 06:15 PM
ادعولي ربي يرزقني زيكم

الله رب الخلق
09-30-2011, 10:45 PM
وانا اسب مستشفى المجمعه طلعوا ارحم من مستشفى بريده
انا هذي ولادتي الثانيه وشايله هم الممرضات والدكتوره الله لايذلنا


والحمد لله على سلامتك

هيام العصيمي
10-01-2011, 01:05 AM
مبرررررررروك ماجاااااااااااك

نونو توتو
10-01-2011, 04:11 AM
ماااصدق وش هالمستشفى وش هالاجرام من جد تعذبتي عساك ماتذوقينه مره ثانيه والله يكتب لك ولادات سهله
وش هالاخلاق وين وزارة الصحه عنهم حسبي الله ونعم الوكيل فيهم
الله يفرج همك يالغاليه والحمد لله على السلامه والله ينتقم منهم


بالنسبه للي يقولون راحت بدري وعلشان كذا لعبوا فيهها اقول مالكم حق مدام نزلت المويه لازم تروح والغلط مو من روحتها بدري الغلط من هالاشكال اللي نفسها بخشمها وتحتقر خلق الله وهم يعرفون انك بحاجتهم والولاده ماهي شي سهل
مستشفى الولاده بالدمام كانت فيها مشاكل بس مش لهالدرجه ةلما غيروا المبنى وصار عندهم مساحه اكبر خف الضغط عليهم مع انه الموظفين عددهم يدووب يغطي ومع كذا ماسمعت انهم يسوون مثل كذا
انا ولدت بالمستشفى العسكري واخلاقهم ماشي حالها بس الحين اشوفهم قمة اللطف بالنسبه لهالوحوش

اعقل واحدة بالدنيا
10-02-2011, 05:31 AM
ياحيااااااااااااتي اخيرااااااااااااااااااا فكيتي بقشتك

الحمدلله عالسلامه ياقمر كيف الولاده وناسه صح >> وناسه بعينك

حمدت ربي اني والاده بخااااااااااااااااااااااااااااص لو اني مكانك بيجيني اكتئاب من هالمعامله الخايسه

~ ســلآإف ~
10-08-2011, 09:47 PM
الف الححًمدلله ع السسسلآمـه~

صصرآحه قصتك فضيعه من ناحية الإهمآل ~

ومبروووووووك ع النونو ~

يتربى بعزكم ان شالله ~

الله يسلمك ياعسسسل
الله يبارك فيك ويخليك
منوورهـ الصفح ـه :ق100:



الف الف مبرووووووك حبيبتي والحمدالله على سلامتك وسلامة ايااد يتربى بعزكم ان شاء الله .۔ مأجورة ياقلبي

الله يبارك فيك ويسسلمك
آمين ياقممر وكل حامل يارب


الحمدلله عالسلامه ومبروك يالغلا
والله حسيبهم مو مستشفى خشى لوانا والله لااطلع على طول من اول حركه سووها لك

الله يسلمك ويبارك فيك
اسعدني ردك ام عزووز


قلبي الحمد لله على سلامتك وسلامة النونو ويتربى بعزك

الله يسلمك ويعافيك
آمين ياعسل


الف مبروك والحمد الله على السلامة


اقرا وقطعتي قلبي ،،،،،،،،،،،،,الله يهونها على الباقيات والله يرزق كل محروم

الله يبارك فيك ويسلمك
آمين الله يهونها عليك وباقي الحوامل يارب


ادعولي ربي يرزقني زيكم

الله يرزقك بالذريه الصالحه يارب
عاجل غير آجل


وانا اسب مستشفى المجمعه طلعوا ارحم من مستشفى بريده
انا هذي ولادتي الثانيه وشايله هم الممرضات والدكتوره الله لايذلنا


والحمد لله على سلامتك

الله يسلمك
وييسر ولادتك يارب


مبرررررررروك ماجاااااااااااك

الله يبارك فيك يارب


ماااصدق وش هالمستشفى وش هالاجرام من جد تعذبتي عساك ماتذوقينه مره ثانيه والله يكتب لك ولادات سهله
وش هالاخلاق وين وزارة الصحه عنهم حسبي الله ونعم الوكيل فيهم
الله يفرج همك يالغاليه والحمد لله على السلامه والله ينتقم منهم


بالنسبه للي يقولون راحت بدري وعلشان كذا لعبوا فيهها اقول مالكم حق مدام نزلت المويه لازم تروح والغلط مو من روحتها بدري الغلط من هالاشكال اللي نفسها بخشمها وتحتقر خلق الله وهم يعرفون انك بحاجتهم والولاده ماهي شي سهل
مستشفى الولاده بالدمام كانت فيها مشاكل بس مش لهالدرجه ةلما غيروا المبنى وصار عندهم مساحه اكبر خف الضغط عليهم مع انه الموظفين عددهم يدووب يغطي ومع كذا ماسمعت انهم يسوون مثل كذا
انا ولدت بالمستشفى العسكري واخلاقهم ماشي حالها بس الحين اشوفهم قمة اللطف بالنسبه لهالوحوش

تسسلمين ياقمممر
وحسبي الله عليهم
اسعدني ردك يالغلآإ


ياحيااااااااااااتي اخيرااااااااااااااااااا فكيتي بقشتك

الحمدلله عالسلامه ياقمر كيف الولاده وناسه صح >> وناسه بعينك

حمدت ربي اني والاده بخااااااااااااااااااااااااااااص لو اني مكانك بيجيني اكتئاب من هالمعامله الخايسه

الله يسلمممك
هههههههههه آيه مرره ونآسسه

كيكة بالعسل
11-04-2011, 07:33 AM
الحمدلله على سلامتك
والف مبروووووووووووووووك

حبيبة سموري
11-04-2011, 07:44 AM
الحمدلله على سلامتك

جوجو444452
11-04-2011, 07:58 AM
حمدلله على سلامه
مبروووووووووك ماجاك يتربى بعزك

ذكرى2005
11-04-2011, 10:18 AM
الحمدالله على السلامه والــــــــــــــــــــــف مبروك


Content Relevant URLs by vBSEO 3.6.0