المساعد الشخصي الرقمي

مشاهدة النسخة كاملة : شهرين على زواجي واثآر الحرق في ساقي.. تكفون ساعدوني؟



مواريد
10-19-2006, 11:23 PM
السلام عليكم ورحمة الله....

هلااااااااااا وغلاااااااااا بالفراشاااااات وربي من زمان عنكم انشغلت بهدنيا و ما رجعني الا الشديد القوي
عسى ربي ما يحرمني منكم...

الموضوع وما فيه قدر الله علي وانا صغيره وانكب الشاهي الحار على ساقي والحمد لله جت سليمه
بس لا تخلو من المضاعفات والاثار.... بقيت اثار حرق لونيه بساقي يعني لونها غامق بس سطح الجلد
سليم الحمدلله
بس لولا هالبقع اللي شكلها كنها خريطه لانكلترا؟؟ :frxxagir

اخر شي لما قرب عرسي قلت ما بداهاش لازم اروح للعياده ورحت لعيادات وفاء الطبيه عندنا بالمدينه
ودخلت عند دكتوره مصريه جديده وشخصت حالتي انها ما تحتاج الا تقشير كرستالي وفعلن توكلت
على الله وسويت اول جلسه كلفت علي 500 ريال(الله لا يخسر)
وعطتني كريم (افالون) لتبيض البشره وبس؟؟؟؟؟

اللحين لي حول الثلاثه اسابيع والله يابنات ما تغير شي علي بالعكس احس ان الاماكن اللي ضغطت عليها بالجهاز سمرت اكثر من اول؟؟؟؟
واللحين ابي الحل منكم يا خواتي وبي محتاجه لمشورتكم... اذا كانت هالجلسات احد استخدمها وفادت معاه؟؟
او اي كريمات مقشره مجربينها او عياده ثانيه بالمدينه تنصحوني فيها؟؟
(انا بصراحه استغربت من الكريم اللي عطتني اياه المفروض عطتني كريمات مسانده لتقشير؟؟


بختم هالموضوع او هالمشكله باني بنتظااااااركم وداخله على الله ثم عليكم (مابقى الا شهرين ياناس) :11_3_2[1] :sdfsg:


اختكم مواريد

shosho5
10-19-2006, 11:36 PM
ربنا يوفقك ياحبيبتي وينولك اللي في بالك
بس انا اعرف ان نتيجة التقشير مبتظهرش الا بعد اما الجلد بيتقشر وياخد لون افتح والموضوع ده بياخدله حوالي 3 اسابيع
علي العموم الف مبروك ياحبيبتي وربنا يتمم لك علي خير

مواريد
10-20-2006, 06:42 AM
اهليييييين شوشو.... تسلمييييين والله يوفقنا واياك يارب..
يا حبيبتي انا الان لي ثلااااث اسابيع ما ضهرت اي قشور اصلن ما عطتني كريمات مقشره عشان يتقشر؟؟ يدوب جلسه وحده من التقشير الكرستالي بس ولا افادتني ولا بشي؟؟؟
انا محتاااااااااااره بصراحه وخايفه ارمي فلوسي على بلاااااااااااش؟؟؟؟؟

ياليت البنات يساعدوني بنصايحهم واللي يقدرون عليه .....( وربي بديت اتضايق تخيلوا لو زوجي شاف الاثار وش بيقول؟؟ ومهما كان العروس ودها تكون باحلى صورها لكن الحمد لله على كل حال)))

وهج المعالي
10-20-2006, 08:07 AM
حبيبتي انا مثلك واقوى بقولك حالتي وان شاء الله يساعدونا البنات
قبل 12 سنه انكب الشاي على يدي واحترقت يدي وهالحين متشوه الجلد مافيه بس لحم ميت ولاينفع معاي غير عملية ترقيع وغير كذا في الاجازه الماضيه كنت طالعه انا واختي للسوق وبعد ماخلصنا من السوق وجنا بنركب السياره ألتف على رجلي سيم حديد من غير مااحس فيه وصار على شكل دائره ومع ذلك ماحسيت فيه وطلع طرف السيم من السياره وألتف على كفر السياره (وكان المغرب وللاسف ماقلت اذكار المساء) ولما مشت السياره اخذ السيم يقطع الجلد ثم اللحم ثم الاعصاب وانا ابكي بأعلى صوتي والسايق ماوقف بالعكس مشى وكمل طريقه وانا ابكي بصوتي كله تقريبا لمدة 70 كيلو بعدها وقف وناظرت في رجلي لقيت السيم ملتوي ولما جيت اطلعه من رجلي جرح يدي وجلست شهر كامل ماانام ولااكل ولااقدر امشي من الام ولااقدر اصلي الا وانا جالسه على كرسي وهالحين رجلي تشافت بس مازال فيه اثار كأنه اثار حرق
والله يابنات مريت بحاله مايعلمها الا الله انا واهلي واللي انا مستغربه منه كيف دخل السيم في رجلي بشكل دائري وطلع الباقي برا السياره

عالعموم ماودي اطول عليكم

وحبيت اقولك حبيبتي استخدمي العسل لازالة اثار الحروق يمدحونه الناس

مواريد
10-20-2006, 08:25 AM
لاااااااااااله الا الله..... اختي وهج ..اللي قهرني بموضوعك هالسواق اللي ما وقف حسبي الله عليه؟؟؟؟
لكن الحمد لله على سلامتك برجلك ولا برقبتك يا وخيتي<<<يقالها تواسيها؟هههههه
والله مدري وش اقولك لكن من جد حسيت ان مشكلتك اكبر مني ونسيت نفسي... بس الحمد لله حنا اهون من غيرنا...
وهذا مقدر ولنا الاجر انشاء الله...بس الوحده مننا ودها انها تسوي لو شي بسيط يخفف من ألأثااار...؟

ربك يعين وننتظر ردود البنات وعسى الله يعوضنااا

reema2000
10-20-2006, 01:18 PM
شوفي حبيبتي لو الجلد حالته سليمه وبس لون غامق التقشير راح يفيدك ............بس والله ما اقدر افتي لك بالنسبه للتقشير الكريستالي انا ما اقتنعت فيه مره مره ............عملته من 4 شهور اول عملت جلسه ب 500 بعدين عملت 5 جلسات مخفضة السعر ب 1200 يعني 6 جلسات مع كريمات وربي حسيت اني كبيت فلوس ربي يكرمك ب الزباله ................غش مزبوط .

غيري الدكتوره واسئلي احد مجرب تقشير نوع تاني

ام راما
10-20-2006, 10:21 PM
سمعت ان ورق النيم زين للحروق بس للامانه ما ادري اذا كان والحرق توه والا مطول بس جربي يمكن يفيدك

النيم نوع من الشجر اوراقة صغيرة تدقينها وتضمدين بها المنطقة والله يعطيك العافيه

والله انا قريته وصاحبة الكتاب تتحدى اي طب وتقول على مسوؤليتها جميع مستويات الحروق

أم يزن 1
10-20-2006, 10:50 PM
سمعت عن كريم لزين الاتات اسمه مرمم يمحدحوه جربي اختي

&&ناديا&&
10-20-2006, 11:22 PM
استخدمي كريم ميبووو كثير يمدحونه

sosah1980
10-21-2006, 12:01 AM
انتبهي اختي لازم تسالين اكثر من دكتورة مو يعني انة زواجك قريب تستعجلين هذا جسمك عاملية بكل حذر

.مزون.
10-21-2006, 03:49 AM
مواريد ..الف مبرو ك حبوبة وبالنسبة للحرق لانه قديم يبيلة وقت حتى يروح وجربي روحي حق دكتورة ثانية

انا كان فية اثار حرق بسيطة بيدي واستخدمت زيت الخروع ...وزيت جوز الهند والحين راح بس بعد الحرق بفترة بسيطة
ان شاء الله اكون فدتك..

تومه
10-21-2006, 05:24 AM
مواريد ..
حتى انا فيني اثار حرق وزواجي بعد شهرين وياليت البنات يساعدونا ...

night shadw
10-21-2006, 05:26 AM
كريم ميبو ممتاز+خلطه زيت الزيتون والخوا جوا اللي ذكرتها بالمنتدى

مواريد
10-25-2006, 05:28 AM
الله يجزااااااااااااااااكم خيييييييير يابنااااااات الحلاااااااااااااال.... عز الله ما قصرتوا....
خلااااص اجل التقشير ما راح اكمل فيه وشوركم وهداية الله...... بس احترت اية استخدم من اللي ذكرتوه؟؟؟

اشوى اللي فيه احد معاي ... هلااااا اختي تومه مبروك والله يتمم لنا على خير .... اي والله يا وخيتي مابقى علينا شي وودنا انتدارك قبل الفوت؟؟؟

انا شكلي بستخدم كل اللي ذكروه البنات.... وبنفس الوقت بروح لدكتوره ثانيه اشوف رايها.... ومن شاور ما خاب على ماقالوا

reem2008
10-25-2006, 02:00 PM
حبيبتي انا مثلك واقوى بقولك حالتي وان شاء الله يساعدونا البنات
قبل 12 سنه انكب الشاي على يدي واحترقت يدي وهالحين متشوه الجلد مافيه بس لحم ميت ولاينفع معاي غير عملية ترقيع وغير كذا في الاجازه الماضيه كنت طالعه انا واختي للسوق وبعد ماخلصنا من السوق وجنا بنركب السياره ألتف على رجلي سيم حديد من غير مااحس فيه وصار على شكل دائره ومع ذلك ماحسيت فيه وطلع طرف السيم من السياره وألتف على كفر السياره (وكان المغرب وللاسف ماقلت اذكار المساء) ولما مشت السياره اخذ السيم يقطع الجلد ثم اللحم ثم الاعصاب وانا ابكي بأعلى صوتي والسايق ماوقف بالعكس مشى وكمل طريقه وانا ابكي بصوتي كله تقريبا لمدة 70 كيلو بعدها وقف وناظرت في رجلي لقيت السيم ملتوي ولما جيت اطلعه من رجلي جرح يدي وجلست شهر كامل ماانام ولااكل ولااقدر امشي من الام ولااقدر اصلي الا وانا جالسه على كرسي وهالحين رجلي تشافت بس مازال فيه اثار كأنه اثار حرق
والله يابنات مريت بحاله مايعلمها الا الله انا واهلي واللي انا مستغربه منه كيف دخل السيم في رجلي بشكل دائري وطلع الباقي برا السياره

عالعموم ماودي اطول عليكم

وحبيت اقولك حبيبتي استخدمي العسل لازالة اثار الحروق يمدحونه الناس




ياعمري الحمدلله على سلامتك

مااقدرافيدكم الا اني سمعت عن العسل

والله يوفقكم

reem2008
10-25-2006, 02:01 PM
مواريد الله يتمم لك ويوفقك

موفقة
10-25-2006, 09:40 PM
اختي مواربد
الله يشفيك ويتمم عليك زواجك بألف خير
انا اعرف وحدة كانت منحرقة في جزء معين في جسمها واخذت خلطة من كتاب لأيمن الحسيني
عبارة عن كمية متساوية من العسل والفازلين وتدهن المنطقة يوميا لاحظت ان الجلد يتقشر
بس السبب الاساسي لوضعها الكريم كان انه جاي جهة الركبة من جنب فلما تقوم توقف يشد عليها وبعد فترة انفتق واعطاها الدكتور كريم علشان يلحم الجلد بس ما فاد
وسبحان الله ما نفعها الا العسل والفازلين لحم الجلد وقشره بس ان الحرق راح مره مو متاكده
بس ان شاء الله ينفع معك
على فكره الحرق من زمان لما كانت صغيره يعني العلاج كان بعد اكثر من 20 سنه ومع ذلك نفعها

سحابة ضايعة
10-26-2006, 04:55 AM
استخدمي كريم كاثي دالاس ترا مره يمدحونه للاثار بس انا ما استخدمته

ا**لرايقه**
10-26-2006, 06:00 PM
كريم ميبو للحروق واثارها والله يشافيك يارب

ا**لرايقه**
10-26-2006, 07:03 PM
توني شايفه كريم في منتدى ثاني عن اثار الحروق والندبات

contractubex

وياليت تستخدمونه وتدعوون لي بالخير سعره 27 ريال في الصيدليات وهم مستخدمينه للخطوط البيضاء وجايب نتيجه 30 بالميه معهم بس وحده قالت ان فيها اثر وخف مع استعمال الكريم بالرغم انه كان بارز



ارجو اني افدتكم

مواريد
10-28-2006, 03:51 AM
ريم __موفقه__سحابه ضايعه__الرايقه<<<< الله يسلمكم ويبارك باعماركم ويوفقكم ويسخرلكم الخير ياكريم

الله يجزاكم خير انا بجرب اللي نصحتوني فيه والله كرييييييم......( اكتشفت انه فيه كثير يعانون من اثار الحرق او الجروح ونصايحكم انشاء الله بتفيدنا)))

Esmeralda
10-28-2006, 04:59 AM
شوفى عزيزتى روحى دكتور معروف ومشهور والناس تشهد له
بحيث تكون النتايج ان شاء الله مؤكده
واساليه بعد كام جلسه تظهر نتائج
لكن الافضل تروحى دكتور بلاش الوصفات والكلام ده

دايت ببسي
10-28-2006, 05:20 AM
حبيبتي سلامتك اسال الله ان يشفييك باسرع وقت ادعي لك تري وانا صايمه انا الي اعرفه ان الوحده لما تتحترق تاخذ طبق بيض وتحطه بالتاوه من غير زيت وتشوحه لين ماينحرق ويطلع منه زيت بتكون كميته مره قليله يعني طبقين بيض يعطيك نص بياله شاي من هذا الزيت وتدهنين به المنطقه المحروقه للامانه يابنات هذا وصفه مجربه ونتايجها ميه الميه



ملاحضه وانتي تشوحين البيض شوحي برا البيت عشان ماتكفخك امك للان الرائحه فتاكه

مواريد
10-28-2006, 05:22 AM
Esmeralda <<<<<على يدك يا شيخه بس مافي احد معروف عندنا او مشهور كلوه كلام وشفط فلووووس

مواريد
10-28-2006, 05:25 AM
اختي دااااااايت يا جعل ربي يوفقك وتسلمين على هالدعوات والله يتقبل صيامك يا كريم....
بس هالوصفه سمعت انها تفيد لما يكون الحرق توه جديد يعني موقديم وله سنييييييييين صح ولا انا غلطانه؟؟؟


Content Relevant URLs by vBSEO 3.6.0