المساعد الشخصي الرقمي

مشاهدة النسخة كاملة : اكتبي تجربتك مع ازالة الشعر بالليزر (بنبي الكل يستفيد)



عمة الزين كله
11-11-2006, 09:20 AM
مرحبا


كل وحده جربت ازاله الشعر بالليزر تكتب لنا ايش صار معها


والمكان اللي سوت فيه واسم الدكتور وبأي مدينه سواء بالسعوديه (الخبر)

علشان تكون واضحه للجميع



ويالله على بركة الله

وضحى مارسيليو
11-11-2006, 10:27 AM
22 مشاهدة ولا احد رد عليكِ ~_*

انا عن نفسي ما جربت الليزر بس انشالله الفراشات راح يردون عليك ماحبيت ادخل ولا ارد

تحياتي

رغد يوسف
11-11-2006, 11:04 AM
والله ما سويتة

لكن نويت ان شاء الله



ان شاء الله البنات يفيدوننا

ملاك البدر2006
11-11-2006, 04:08 PM
حتى انا ماسويت بس ناويه وخايفه اسوي جسمي كله ولا!

الغادة2323
11-11-2006, 08:12 PM
انا سويت عند وحده مشهورة اسمها (إلما الرفاعي) والكل يمدحها 9جلسات ولا استفدت وقرب عرسي وامدحوا لي وحده انها من 3 جلسات استفادة وقالوا اسم الدكتورة (عايدة الصالح)ورحت لها وانا ألحين مسويه 4 جلسات وفالت لي يمكن يلزم جلسه 5ومع الاولى طلعت حبوب بسيطه لكن مع الثانيه طلعت حبوب كثيرة في منطقة الخد والذقن وارجو من الله التوفيق وادعوا لي اني انتهي من هذا الشعر إلي ماله داعي مضايقني وااااااااااااااااااااااااااااااجدوارجو اني افدتك

نجوم الظهر
11-11-2006, 08:24 PM
السلام عليكم
انا سويت ليزر لوجهي ورقبتي بس عند دكتوره عبير في حي الورود في الرياض مررره كويس لي الحين يمكن 10 جلسات ومن الجلسه الثالثه اصلا تلاحظين ان الشعر خف مررررررررره بس لازم تستمرين عشان تموت البصيلات
وانا الحمد الله ما لاحظت اي اثار جانبيه حتى بعد ما اتزوجت اتلخبطت عندي الهرمونات وطلعتلي لحيه والحين الحمد الله مو خف الشعر راح حتى وجهي ورقبتي صفت لان الشعر اصلا هو اللي يسبب الحبوب بعض الاحيان اذا كان كثير ومن كثر الشيل بالحلاوه او الشمع او الفتله انواع التشوهات من احمرار وحبوب وتعذيييب
ولأي استفسار انا حاضره

تومه
11-11-2006, 08:41 PM
شلت باليزر 3مرات والين الحين مازال الشعر نهائي بس احس انه خف وصار يتأخر في النمو بس يصير نقط سوداء الشعر لمايطلع لكن الكتوره تقول يبيلك 6 جلسات عشان تبين نتيجه ...... الدكتوره في المدينه

الغلا طبعي
11-11-2006, 09:17 PM
انا ما جاربت

بس خاطري اخوز الشعر الي في وجهي

طالع لي شعر اسود مضايفه منه

الله كريم

bnt_najd
11-12-2006, 07:36 AM
بصراح انا ناويه اشيله واللين الحين متردده
شكلي خلاص بشيله بس ياليت اخيت نجوم الظهر تعطيني عنوان الدكتوره عبير

وين هي ؟؟

وكيفف شغلها لانه انا كثير مره مشين :h45r4


مشكوره خواتي

عمة الزين كله
11-12-2006, 09:57 AM
مرحبا خواتي

اشكر كل من رد على الموضوع

واختي الغاده 2323 انشاء الله يارب ياكريم انه الشعر يزيل منك كــــــــــــــله وكل بنت ردت على الموضوع

بصراحه انا ودي اشيل جسمي كله بس ابغى دكتوره مضمونه بحيث تكون اجهزتها الليزر من افضل الاجهزه
وعلى فكره انا سمعت انه كل من صارت الشعره قويه كل ماكان افضل

بس معقوله 400 وشوي اللي دخلوا و8 اللي ردوا

بنات ردوا لاتصيرون عجازات افيدوا اخواتكم الفراشـــــــــــــــــــــــــــــــــــــــــــا ت

مرادي2005
11-12-2006, 02:43 PM
انا راح اقلكم

نصيحه يابنات انا امس رحت لي الدكتوره حقتي المهم قلت لها انا زواجي قرب وانشاالله اني راح اشيل شعر جسمي كلللللللله بالليزر وش تنصحيني فيه

قالت اذا الشعر الي في جسمك مو كثير وعادي لاتشيلينه ابدا لانه راح يعطي نتيجه عكسيه يعني يسير الشعر كثيييير

قلت يعني ماأشيل الا الابط والاماكن الحساسه قالت ايوه ومو عند اي احد

وبس

منيرة _من_ الكويت
11-12-2006, 04:10 PM
مرحبا يافراشااات:)

انا سويت ليزر للمنطقة الحساسة والابط فقط لأني مو مشعرة بالأماكن الثانية بلأضافة اني احب الشيرة الي اهي الحلاوة علشان تنعم وتشيل الجلد الميت ...

بالنسبة للمنطقة الحساسة سويت خمس جلسات على مدى سنة كاملة من اول جلسة تشوفين الفرق و الجلسة الثانية يخف حييييل الشعر والوحدة تفتك من الشيرة والحلاوة والرؤوس السودة والحكة بس بعدين لما توقفين مثلي لان يببدى يطلع الشعر مو مثل اول بس لازم تشيلية ... الليزر مدتة سنة كاملة وبعدين تبدى البصيلات تتكون ويطلع الشعر من جديد..
وترى يعور يدبح الليزرخصوصا بالمنطقة الحساسة ...

بالنسبة للأبط اول جلسة كانت اوكي وخف الشعر تاني جلسة حبت تطلع فيها الأخت جان تزيد الجول وتحرقني وصار الحرق الحمدللة سطحي لكن ظليت اعاني منة فترة كبيرة لين توحد لون البشرة .....

نجوم الظهر
11-12-2006, 05:42 PM
ابشري اختي بنت نجد العياده حقت الدكتوره عبير في حي الورود عند ملاهي الخيمه بالضبط اسمها المميز
وانا ما سويت الا وجهي ورقبتي بس وانا نوع بشرتي مختلطه ومو حساسه مره والحمد الله ما لاحظت اي اسمرار او اي شي بس وجهي يحمر شوي وما يجي اليوم الثاني الا وهو تمام بس اختي بشرتها حساسه شوي يعني الاحمرار يستمر لليوم الثاني ويروح
ويابنات جهاز الليزر نوعين في ضوئي وهذا خرابيط ولاجت الدكتوره تشيل لك تحلق الشعر اول وهذا ابدا ما ينفع والنوع الثاني بالتبريد وهو اللي كويس واسمه الجنتل لايزر وهو اللي انا سويته واذا بتروحون اسئلوا اول عن نوع الجهاز واسمه عشان ما تدفعون عبث
وبالنسبه عن الالم ما يعور مره بس منطقة الشنب تعور شوي بس عشانها صغيره يمديك تتحملين

ماسة جدة
11-12-2006, 07:13 PM
انا سويت لوجهي منذ تقريبا ثلاث سنوات في منطقة الشنب والذقن((سكسوكه ماشاء الله)) وبدا يخف والشنب للامانه خف بشكل

ملحوظ كنت انظف وجهي بالفتله والشنب ما اجيه لانه قل بكثير ومايتلاحظ وشعر الذقن صار زي الوبر خفيف سويت ثلاث

جلسات فقط لان وقتها كان زواجي قريب وبشرتي حساسة جدا وتحترق من الليزر فكان يبغى لها اقل شي شهرين عشان

ترجع طبيعية............

والحين عيونكم ماتشوف يافراشات اللي حصل لي بعد خمس سنوات طلع لحية وعوارض وعلى الرقبه وشنب وياكثره وللعلم

ماتزوجت عشان لا تقولوا الهرمونات تلخبطت حصلت امور تسببت في الطلاق قبل الدخله ..........رجيتكم مش مهم


المهم الحين ابي ارجع اسوي ليزر لكامل وجهي وجلسات اطول سوتها اول مره في السعودي الالماني عند دكتوره اسمها فاطمة


والحين بروح مركز بن حمران اللي في التحليه يمدحوه في جده طبعا


وعلى فكره اللي تبعى كامل الجسم 3000 الى 5000 الالف ريال سعودي في الالماني..

اسفه على الاطاله

الولهانة لزوجها
12-17-2006, 05:35 AM
بنات اللي سوت ليزر في المدينة وكويس تقووولي ووووين
وعند اي دكتورة لي اكثر منسنة وانا اسأل هالسؤال ولااحد يرد علي

شاكية القمر
05-20-2008, 10:53 PM
للــرفــع ...

JOHEE
05-20-2008, 11:37 PM
اختي حببيتي منيرة ايشلون تشيلين المنطقة الحساسة بالليزر وهو حرااااااااااام احد ينظر لعورتك غير زوجك اللة يجزاك الجنة ويغفر لنا ولك ويبعدك عن كل امر محرم يارب

بنت نجد14
05-20-2008, 11:47 PM
انا شلت الابط واليدين عند المركز الاستشاري اللي بطريق المملك عبدالله سويت 4 جلسات على مدى 10شهور للحين يطلع بس اخف من اول 900 كل جلسة

بيلسان الحلوة
08-24-2008, 10:07 PM
انا نفسي اسوية في مكه عند الدكتورة نهلا في الصاعدي الا تعرف شي ياليت تخبرنا بسرعه ؟؟

+*الفراشة*+
08-24-2008, 10:24 PM
أنا سويت ليزر لوجهي وليتني ماسويت :059:
بس يالله الحمد لله على كل حال وقدر الله وماشاء فعل ..
أنا كان فوجهي شعر كثيييييير ووااااضح بس الشعرات نفسها خفيفة ..
ورقبتي ماكان فيها شي ..
بس ماشلته أبد قبل
وبديت جلسات الليزر قبل سنتين تقريباً وسويت عندهم 12 جلسة !!
ووش النتيجه ؟!
زاااد الشعر وصااار اكثر سماااكه وصار أسوووود وواضح مره وحتى رقبتي اللي مافيها شي عشانها شالتها الدكتوره الله يهديها صار فيها شعر واااضح وطويييييل :059:
بعد ماشفت انها طااالت السالفه قلت أغير المركز يمكن هم ماعندهم سالفة مع ان وحده اعرفها مسوية عندهم وماشاء الله جلسة وحده بس وخف الشعر كثييييييير تبارك الله ..
وغيرت المركز ورحت لواحد برضو معروووف والدكتور مدحوه لي كثيييير وسويت عندهم يمكن خمس جلسات ونففففس النتيجه والله اني تعذبتتتت مررره وصاروا يزيدون القوة يوم شافوا انه مافي نتيجه وصار يوووجعني حييييييل واتحمل ..
ووجهي بعد كل جلسه يطلع فيه حبووووب وحالتي صعععبه ! :059:
والحين بالاخير خلاص تركت الجلسات بوجه اكثر شعر من اول وحبوووب وبقع سودا طلعت فوجهي وعيت تروح :059:
لذلك مانصح احد يسوي ليزر الا اللي شعر وجهها أسود وسميك اما غير كذا لا تغامرون بأعماركم ..
وادعولي ان البقع اللي صارت بوجهي تروح ويروح الشعر الله يجزاكم خير ويعطيكم بالمثل :0105:

هلا 2
08-26-2008, 09:10 AM
بسم الله الرحمن الرحيم
والله انا اكتر وحده في الدنيا لها تجارب مع الشعر وازالة الشعر00
انا من15 سنه وانا اعاني من حساسيه في سيقاني عندي الشعر كثيف وسميك وكنت اشيل بالحلاوه واعاني كتير من طلوع الشعر تحت الجلد وحكه وعذاب لابعد الحدود نصحوني الاطباء بنزع الشعر ببراون علشان بالحلاوه بتنشال الطبقه الخفيفه من الجلد والله تحسنت بس ماراحت المشكله اللي خف هو طلوع الشعر تحت الجلد والحمدلله على كل حال المهم كانوو سيقاني شئ مابينشاف من البقع والبثور ومافي ثقه حتى القصير عمري مالبسته حتى لزوجي من منظرالبقع والسواد كل هذا كان من الحكه
المهم وجاء اختراع الليزر الخطير بدون تفكير عملت في الجدعاني جلستين متباعده لكن طلع الشعر تاني قلي الدكتور علشان مااستمريت على الجلسات علشان تكاليفها فوق استطاعتي المهم لااطيل عليكم اكتروربي عرفني على دكتوره جلديه ثقفتني بالموضوع اكتر وقالت انا ما استفدت لانه الليزر ضؤي يعني مو قوي وارسلتني على عيادات الدكتور احمد هاشم في عماير البدريه وهي اللي سوتلي اياه عنده الليزر اللي عنده موضؤي حارق للبويصله نفسها واقسم بالله لي سنتين مافي شعر الا احياناا كم شعره لونهم اشقر فاتح لما يكون في مناسبه احلقهم بالموس والله رجولي زي الاسيويات اختفى الشعر وراحت البقع اللي بسبب الشعر واصبحو يلمعوو
واصبحت البس اللي ابغاه البرموده والقصيروالحمدلله
وسامحوني على الاطاله

جنــون آنثــى
08-26-2008, 12:30 PM
هلا وغلا :0154:

أنا شلت شعر وجهي عند الدكتوره منى بمستشفى حراء العام بالليزر والإشعه الضوئيه
اربع مرات بس بعد فتره بسيطه يرجع واحسه اكثف من قبل لا إشيل
وإختي بعد شالت جسمها قبل إزوجها بس ما رجع إلا بعد فتررره طويله وسار مررره قليل

والله يسير لك

Miss Givenchy
08-26-2008, 12:40 PM
أنا اشتريت جهاز الليزر المنزلي وإن شاء الله أشوف كيف نتيجته وأقول لكم

حفله
08-26-2008, 02:12 PM
انا الحين ماشيه اشيل شنبي
ودي ارتاح منه
لي 4 جلسات على مااظن
والى الان مااختفي الشعر يبيلي كمان جلسات
ومره وحده سويت الابط مافرقت

غيض من فيض
08-26-2008, 03:03 PM
والله وانا بعد افكر اشيل باليزر بس مالقيت وحده مضمونه وكل وحده تكتب تقول اسم الطبيبه وينها فيه يعني باي مدينه

دلوعه من زمان
08-26-2008, 03:32 PM
ابشري اختي بنت نجد العياده حقت الدكتوره عبير في حي الورود عند ملاهي الخيمه بالضبط اسمها المميز
وانا ما سويت الا وجهي ورقبتي بس وانا نوع بشرتي مختلطه ومو حساسه مره والحمد الله ما لاحظت اي اسمرار او اي شي بس وجهي يحمر شوي وما يجي اليوم الثاني الا وهو تمام بس اختي بشرتها حساسه شوي يعني الاحمرار يستمر لليوم الثاني ويروح
ويابنات جهاز الليزر نوعين في ضوئي وهذا خرابيط ولاجت الدكتوره تشيل لك تحلق الشعر اول وهذا ابدا ما ينفع والنوع الثاني بالتبريد وهو اللي كويس واسمه الجنتل لايزر وهو اللي انا سويته واذا بتروحون اسئلوا اول عن نوع الجهاز واسمه عشان ما تدفعون عبث
وبالنسبه عن الالم ما يعور مره بس منطقة الشنب تعور شوي بس عشانها صغيره يمديك تتحملين

مرحبا اختي نجوم الظهر بس حبيت استفسر منك او من اي اخت تحاول تفيدنا اذا كانت تعرف

كيف ضوئي كل اجهزة الليزر تطلع ضوء اثناء عملية الحرق للشعرة وكل الاجهزة اللي شفتها معها جهاز تبريد يعني يحرق من الهوز الاول ويطلع هواء بارد من الهوز الثاني هل هذا هو اللي تقصدين انه ممتاز ام شي غيره الجهاز الممتاز

واتمنى اختي تعطينا فروق اكثر بين الجهازين عشان نميز اختي الكريمة

اتمنى تفهميني اختي الكريمة مع الشكر سلفا وبكل الاحوال

دلوعه من زمان
08-27-2008, 05:22 AM
برفعه عشان اغدي اختي نجوم الظهر تشوفه وترد على استفساري ان شاء الله

موفقين خير

فوفه المنحوسه
08-28-2008, 12:05 AM
بنات الي تستعمل اليزر المنزلي بلييييز تقول على نتيجته لاني حاستعمله بس لسه ما شريته اخاااف يكون تجاري بدون فايده

دلوعه من زمان
08-28-2008, 07:23 AM
ياليت احصل احد يجاوب على سؤالي تكفون ترا تكفى تهز رجال كيف الحريم اجل

دلوعه من زمان
08-28-2008, 06:43 PM
برفعه من جديد عسى نحصل اجابة ان شاء الله بإذن الله

dam3a najd
08-28-2008, 06:51 PM
انا ابي اسوي لرجوولي ويديني وانا بالخبر بس للاسف مااعرف ولاعياده حلووووه


واعرف وحده قالت لي مستشفى سعد مرره حلوو بس ماجربته

وياليت الي بالخبر تعلمني وين اروح

دلوعه ومملوحه
08-29-2008, 03:03 AM
مراحب صبايا ابي اسئل اللي جربت الليزر بالمناطق الحساسه كيف نتايجه وابي عياده حلوه بالرياض بليييييييييييييز ساعدووووووني

زهرة توت
08-29-2008, 09:02 AM
ما جربت اختي بس ماحبيت ادخل وما ارد
بالتوفبق

عيالي وبس
08-29-2008, 10:15 AM
وين افضل عياده في الخبر وبالذات للمنطقه البكيني ناس تقول السعد وناس غسانه وماعرفنا وين نروح

شاي عاقد
08-29-2008, 03:20 PM
أهلين
أنا سويت ليزر عند وحده مميززززززززززززززة اسمها نورة بمركز بنان بالرياض شغلها روعه واسلوبها خيال أتمنى اكون افدتكم إلي تبي رقمهم ترسلي على الخاص وعلى فكرة عندهم عرض تخفيض60%

لولي ولولو
08-30-2008, 07:19 AM
أفضل النتايج تظهر على الأماكن اللي شعرها متين مثل الأبطين و الساقين و المنطقه الحساسه
عن تجربه

لولي ولولو
08-30-2008, 09:26 AM
بما اني ما اقدر ارسل رسايل خاصه عشاني جديده و مالي مشاركات فهذا رد لوحده سألتني عن تجربتي في الليزر
انا سويت للأبطين و الساقين لانهم أكثر شي مضايقني والحمدلله لحد الان مرتاحه
سويت اول جلستين في السعودي الألماني بس كانوا يحطون لي درجة الليزر خفيفه لدرجة اني ما احس بألم ابدا و خف الشعر بس مو مره
بس الجلسه الثالثه سويتها في الزلال اللي على طريق الملك عبدالله و المني كثير و قلت للممرضه ليش ما كنت اتألم ابد اول قالت لان الدرجه ضعيفه بس يبي لها جلسات اكثر و انت بشرتك تتحمل ازيد الدرجه عشان تشوفين نتيجه اسرع و فعلا النتيجه طلعت افضل و يبدا الشعر يطلع بعد شهر على خفيف و ما اسوي جلسه الا كل شهر و نص اوشهرين بالكثير
و الممرضه كانت حبوبه مصريه بس نسيت اسمها

لولي ولولو
08-30-2008, 09:28 AM
على فكره الزلال يسوون خدمه ذاتيه للمنطقه الحساسه بس ما جربتها

همس المعاني_00
10-26-2008, 06:30 AM
للرفع

روعة دنيتي
11-17-2008, 02:55 PM
انا جربت لمنطقة البكيني وماعجبني باقي نقط سود للشعر ومافي نعومه وطلع بعد كم يوم
يمكن عشان هذي اول جلسه بس ماعجبني ابد والله ندمت
وعملته بجده بمركز اوباجي

مــــنال
12-07-2008, 07:20 AM
:

مــــنال
12-07-2008, 07:35 AM
................................................

دلوعه ابيبي
12-07-2008, 03:28 PM
السلام عليكم ورحمه الله وبركاته
انا بصراحه ماجربته ونفسي اجربه وماحبيت ادخل وماارد عليكم
انشالله نستفيد من البنات

براءة فتاة**
12-07-2008, 03:46 PM
انا سويت ليزر بالرياض عند دكتوره اسمها الهام واللي تبي رقمها ترسلي ع الخاص والله العظيم انواع الراحه بس بشرط اللي تبي نتيجه اول شي تسويه كل شهر لمدة اقل شئ 4 شهور
ثاني شي اذا سوت ليزر لا يجي جسمها بعد كذا حلاوه ولاموس لانه يرجع زي اول
ثالث شي اللي تقول انها مااستفادت اكيد الي سوتلها سوتلها ليزر لايت لانه في نوعين في الايت وهذا مايصلح الا اللي شعر جسمهم خفيف مرررررره

شموووخ انثى
12-08-2008, 02:47 AM
يعطيكـ العافيه
انا بعد ابي دكتورة كويسه في جدة

أحــ فرااشة ــلام
12-08-2008, 03:28 AM
انا سويــــت للان جلستين بمركز ادمة في مركز ابن حمران في جدة عند الدكتووورة مها دحلان(طبعا جلسات ليزر للوجع والرقبة)..وحسيت ان الشعر خف في مناطق وانعدم في مناطق معينة يعني الحمدلله.......وحابة اسالكم واستشييركم اكمل الجلسات ولا اوقفها علما بانها قالتلي تعاليلي كل شهر اسويلك جلسة؟؟.........وحنستمر في من 5-7 جلسات حسب نوع البشرة واستجابتها لليزر..والي سوو جلسات ليزر للوجه هل هما بيروحو كل شهر يسوو جلسة ولا كل كم؟؟والشعرمن اول جلسة يختفي ولا بس يخف؟؟اتمنى انكم تفيييدوني لاني محتاااااااااارة مرة..كنت اتوقع انه من اول جلسة يختفي نهااااائي..

عسيريه وافتخر
12-08-2008, 06:46 AM
انا مااسويت والحمدلله مااحتاج بس اختي لها سنتين

تسوي عند دكتوره نيره في مستوصف الروضه في

الدمام وبصراحه كانت اختي مشعره مررررررره

كانها زجال الحين ماشاء الله تبارك الرحمان

صارت ابيض مني وانعم مني وماافيها شعر

تسوي كل ثلاث شهور او شهرين لن مايطلع االابموت

لافندر ~
10-06-2009, 01:55 PM
أنا جربت مركز الزلال -الرياض- طريق الملك عبدالله .
أسعارهم معقولة نوماً ما .

الشنب والدقن / 100 ريال
الوجه / سعره 300 يال
البكيني / 450 ريال
كامل الجسم / 3000 ريال

الممرضات اللي جربتهم ومره مضبوط شغلهم :
سمر - مصرية
سيتي - فلبينية

بصراحة أنا ماجربت الا الشنب والذقن وبعدها كملت الوجه , ومازلت أراجع عندهم أكمل الجلسات , والله ييسر .


أنا بحث عن مركز خدمته ممتازة وفي نفس الوقت سعره معقول شفت كثير يمدحون
(مستوصف الحرمين د.غادة أحمد)
أفكر أحجز عندهم , كامل الجسم عندهم / 1500 ريال
مره ممتاز , لأنه بصراحة مكلف أقل شي راح ياخذ 5-7 جلسات , وكل جلسة نفس السعر ,
فهذا المركز بنظري أنسب سعر لـ كامل الجسم .


والله ييسر .

دفى فجري
10-06-2009, 03:36 PM
انا عملت سيقاني وباطي والبكيني كلها جلسه وحده بس عند اوباجي

عند الدكتوره ميساء عساف

البكيني جلستين والحمد لله مررررررره وناسه

* بجمالي محد يتحداني *
10-06-2009, 03:58 PM
انا ماسويت ليزر بس هذا المشروع في بالي وخايفه تكون اضراره اكثر من منفعته


يسلموو

*بنت الكثيري*
12-30-2009, 03:16 AM
الله يعين الكل
وانا بعد حابة اعمل الليزو
بس سمعت البنات هنا يمدحو في عيادة الموج وحبيت اروح عندهم

درة الكون0
01-27-2010, 10:31 PM
..

وادعولي ان البقع اللي صارت بوجهي تروح ويروح الشعر الله يجزاكم خير ويعطيكم بالمثل :0105:

اختي انصحك تستخدمي زيت زيتون او ماء مقري فية
مرتين باليوم الصبح والمغرب 0
وان شاء الله تروح البقع ويخف الشعر 0

درة الكون0
01-27-2010, 10:41 PM
أنا جربت مركز الزلال -الرياض- طريق الملك عبدالله .
أسعارهم معقولة نوماً ما .

الشنب والدقن / 100 ريال
الوجه / سعره 300 يال
البكيني / 450 ريال
كامل الجسم / 3000 ريال

الممرضات اللي جربتهم ومره مضبوط شغلهم :
سمر - مصرية
سيتي - فلبينية

بصراحة أنا ماجربت الا الشنب والذقن وبعدها كملت الوجه , ومازلت أراجع عندهم أكمل الجلسات , والله ييسر .


أنا بحث عن مركز خدمته ممتازة وفي نفس الوقت سعره معقول شفت كثير يمدحون
(مستوصف الحرمين د.غادة أحمد)
أفكر أحجز عندهم , كامل الجسم عندهم / 1500 ريال
مره ممتاز , لأنه بصراحة مكلف أقل شي راح ياخذ 5-7 جلسات , وكل جلسة نفس السعر ,
فهذا المركز بنظري أنسب سعر لـ كامل الجسم .


والله ييسر .
الله يوفقك ياختي لافندر
وسدد الله خطاءك
مشكوووووووورة على المعلومات القيمة والمفيدة
كفقيتي ووفيتي

شكلات
03-16-2010, 05:56 PM
شخباركم فراشات حبيت اساأل كم سؤال :0107:لاني ان شالله بسوي ليزر قريبا
اذا اول جلسة بروح اسويها لازم يكون كل الشعر طالع وشايلته بالشفره ولا عادي اذا ماطلع كله او كان مشيول بحلاوة اللي جربت بليييز ترد علي
وبصراحة انا محتارة بين اوباجي وبنان ومركز انجاب اللي عندها خبرة ياليت تفيدني
وان شالله في ميزان حسناتها يارب:0126:

SO.M
10-17-2010, 01:14 AM
هاي بنات، شلونكم؟

حبيت اقولكم عن مكان يسوي جهاز اسمه ال IPL او ال Soft light اهوه جهاز نفس الليزر بس احسن منه بوااايد انا جربته والله حدددده عجييييب ما يحرق ولا يعور ولا فيه سايد افكت مثل الليزر
.
سويت عند وحده صينيه اسمها سيا والله حدها عجيبه يعني تشتغل بضمير و معاملتها تينننن، في مكان اسمه Body Art Cinter - بودي آرت سنتر بالسالميه، و كانت النتايج حدها زينه يعني خف الشعر واااااايد من اول جلسه، و انشالله بعد جم يوم بروح اكمل عندهم.

والله بنات انصحكم تروحونله وتجربون بنفسكم وهذا رقمهم اذا تبون تستفسرون عن اي شي 25663808.
:ق055:

حلاوة قشطة
10-17-2010, 07:42 AM
صراحة ما جربته بس حبيت ارفع موضوعك


Content Relevant URLs by vBSEO 3.6.0