المساعد الشخصي الرقمي

مشاهدة النسخة كاملة : #####الولاده في الاهلي ....رايكم يابنات قطر######



تيماء*
11-24-2006, 01:30 PM
السلام عليكم ورحمه الله وبركاته ...

انا حامل في الشهر الثامن .... ومن بدايه حملي وانااتابع في المستشفى الاهلي عند الدكتوره روزفي ...

وبصراحه مرتاحه لها وايد ... بس محتاره وين اولد في الاهلي ولامستشفى حمد؟؟؟؟

انتوا شرايكم ؟؟ اللي جربت الولاده في الاهلي ....اوتعرف حد جربها هناك ...ارجو انها تعطيني رايها

ومشكورين ....في انتظار ردودكم

غرام الشوق
11-24-2006, 03:31 PM
هلا حبيبتي ماانصحج
كلش فيه
ترى وحده اعرفها
جربته تقول كنت شارده من مستشفى الولاده خايفه من القيصريه تقول رحت لهم قالوا طبيعي شوق الاسووا لي قيصريه
غير تقول تكاليفها
ومافي اهتمام >ا الزود
ا>ا حابه انصحج في عياده الدوحه او الامريكي
او مستشفى الولاده غيره نووووووووووووو

تيماء*
11-24-2006, 05:21 PM
مشكوره ياغرام الشوق ...الله يكتب اللي فيه الخير يارب

وين الباقي؟؟ محتاجتكم

تيماء*
11-25-2006, 01:25 PM
افاااااااااااااااااااا والله زعلتوني منكم

شدعوه مافي حد عنده فكره ....على الاقل ادعولي الله يسهل علي :(

مها الجزيرة
11-25-2006, 04:05 PM
حبيبتي ماعندي فكرة عن الولادة بالاهلي بس بادعيلج ان الله يتمم لج على خير وتولدين بالسلامة في المكان اللي فيه الخير لج

أم فهود
11-27-2006, 12:23 PM
السلام عليكم

حبيبتي أنا من رأي أنج تولدين في حمد ترى قسم الولادة وايد حلو،ويهتمون فيج،بس الأهلي
أول شي أسعارهم وايد غالية على الفاضي والخوف أنهم يولدونج قيصري عشان تدفعين أكثر
هذا رأي وانتي براحتج
والله يقومج بالسلامة
تحياتي

Alsalam_81
11-27-2006, 01:26 PM
هلا تيماء حبيبتي توني شايفه الموضوع

صديقتي المقربه كانت تراجع عند روزفي ترى واااااااااااااااااااااااااااااااااااااايد تقول عنها زينه وهي اساسا معروفه انها كويسه
وكان خاطري تظل في حمد واراجع عندها المهم ولدت رفيجتي هناك والولاده كانت وايد حلوه بس المصيبه ولدوها قيصري لانها ظلت فتره طويله تتألم ولا انفتح عندها الرحم بس على الاقل ولدت تحت اشراف الدكتوره روزفي اللي ظلت معاها طول اليوم وظلت تراقبها هي ودكتورتين بس الصراحه مصاريف كتير يعني هي خذت الغرفه الملكيه بتقريبا 22 الف وباقي الغرف من 6-8 الاف تقريبا

المهم الي اعرفه ان الولاده والراحه والمراقبه حلوه هناك وهي طلعت وكانت مرتاحه هذا اللي اعرفه والله يقومك بالسلامه ويسهل ولادتك وين ما ولدتي

ام قمر
11-27-2006, 04:48 PM
استغفرالله الذي لااله الا هو الحي القيوم واتوب اليه اني كنت من الظالمين((قولــــوهـــا ثـــلاث مـــــرات))





هلا تيومه شفت اسمج قلت مايصير هذي رفيجة الدرب لازم اشارك معاها
صج انا مو من قطر بس بقول رايي
اذا كانت مستشفياتكم الحكوميه زينه ليش ماتولدين فيها مو احسن
والله ان حماتي يوم يابت ولدها طولت بالولاده حيل وقامو الممرضات ايساعدونه
ويسوولها تمارين القرفصاء حتي قالت حماتي لو اني والده بمستشفي خاص جان ولدوني بقيصريه
يعني الحكومه عندهم طولت بال
مادري هذا رايي
************************************************** *****************************
واذا محتاره كلش استخيري والله ايقدم اللي فيه الخير والصالح

*********************************************





سبحان الله وبحمده كماينبغي لجلال وجهه وعظيم سلطانه
++++++++++++++++++++++++++++++++++++++++

تيماء*
11-27-2006, 09:44 PM
مها الجزيره....مشكوره عمري على الدعاء ..وجزاك الله خير

ام فهودي ...حبيبتي انا ولدت في حمد اول ولاده وكانت ممتازه ولله الحمد ...بس الحين يقولون زحمه ونطره خفت ...وبالنسبه للاسعار ماعندي مشكله ...وبالنسبه للولاده الدكتوره روزفي قالت لي انها طبيعيه بأذن الله ...بس حبيت اسمع رايكم وانتوا ماقصرتوا

تيماء*
11-27-2006, 09:48 PM
اسلام ...ياقلبي مشكوره طمنتيني ...الله يهون عليك ويرزقك ولاده سهله يااااااااااااااااارب

ام قمر ...يابعد عمري والله فرحت يوم شفت اسمك ...الله لايحرمنا من طلتك ...ويسهل عليك يارب

Alsalam_81
11-28-2006, 01:31 AM
ايه نسيت اقولك انا اليوم سألتلك رفيجتي وقالتلي ان الغرف الثانيه على تقريبا 14 و15 الف وفيه ب8الاف تقريبا واذا انتي ما عندك مشكله اولدي خلاص هناك مع اني ما انصح لان مصاريف على الفاضي بس والله الدكتوره رووووووووووووعه يا ريتني اولد تحت اشرافها كل الدوحه تمدحها لا اله الا الله ويا ريتني راجعت عندها في حملي هذا والله يتمم حملك بخير وتولدين بالسلامه بس اطمنك بالنسبه لرفيجتي هي صحيح تعسرت ولادتها وولدووها قيصري بس اهي كانت قايله لها انو ولادتها احتمال تكون قيصريه هي المسكينه عانت من السكري في حملها بس الحمد لله نظفوها عدل بعد الولاده يعني نفاسها كان قصير لا اله الا الله وحتى انها بعد الولاده تقريبا باسبوعين سافرت مصر ما شاء الله وطولت كفتره نقاهه ما شاء الله ولا كانها بكريه واول ولد لها ما شاء الله الله يحفظها هي وولدها يا رب

الله يقومك بالسلامه ويسهلها علينا وعليكي ان شاء الله

تيماء*
11-30-2006, 07:54 PM
مشكوره ياقلبي يااسلام ماقصرتي

وين بنات الدوحه ليكون لاهين مع الاسياد

تيماء*
12-03-2006, 11:43 PM
....................................للرفع......... .................

مجنونة قطر
12-04-2006, 10:32 AM
هلا تيمااء شلونج ...



اسألي شهد ( ام خالد) عن مستشفى الاهلي هي ربت هناك
وتمدح فيه ....




انا الكل مدح لي الولاده من ناحية الاهتمام و شكل الغرفه
ونسبه قليله اللي مدحت الاهلي ... >> يعني ما انكر انهم امدحوه لكن ميولي كلها رايحه صوب الولاده

وانا انشالله ولادتي قيصريه ...


الله يتمم للجميع على خير يارب ورزق كل محرمه يارب ..

1980hindo
12-04-2006, 12:39 PM
اختي مانصحج فيه كلش لانه مافيه معدات ولا دكاتره زينين وهدي الهنديه اسمها روزفي وفنشوها من حمد لكثرة احطائها وبعد سوت مشكله في وحده وهي في الاهلي وماترقعت مسكينه والحين المره في امريكا على حساب المستشفى.. لانها خربتها واهلها رفعين دعوى عليها ومافي احسن من مستشفى حمد انا الحين في الثامن وقريب ادش التاسع واتابه عند الدكتوره مها في عيادة الدوحه وعند فواز في النصر بس انشالله الولاده noway مكان ثاتي حمد وبس انشالله يارب وبعد ادا استعصت الولاده يحطونها في الاسعاف وسيدا حمد والله وهدا عن تجربه من الاهل..


والله يهون عليج واستخيري اختي والله يسهل الولاده وين ماكانت.

تيماء*
12-04-2006, 01:40 PM
مجنونه قطر ...الله يهون عليك ياقلبي ...وان شاء الله تكون عمليتك بسيطه ...ومشكوره على الرد ...بس انا ماعرف شهد !!!!!

hindo ....خوفتيني والله ...انا عندي موعد اليوم في حمد عشان افتح لي ملف هناك ...وان شاءالله باستخير والله يسهل علينا وين ماكان

مجنونة قطر
12-06-2006, 09:47 AM
هاي هو رابط ملفها لشخصي

طرشيلها تدخل موضوعج
وماتقصصر هي

http://www.alfrasha.com/member.php?u=68255

1980hindo
12-06-2006, 10:11 AM
الغاليه والله موبقصدي اني اخوفج بالعكس والله بس قلت اللي اعرفه عشانج والله حتى انا نفس الشي متابعه برى بس الولاده انشالله في حمد وخايفه بس كله بيدالله سبحانه واالله يهون على الجميع.

تيماء*
12-06-2006, 11:36 AM
مشكوره حبيبتي مجنونه قطر ...نخدمك في الافراح ان شاء الله

hindo ..ياعمري حاسه فيك والله مرعوبه من الولاده وخاصه اني مجربه ...بس اللي مريحني شوي اني ان شاء الله اذا الله راد باخذ ابره الظهر وان شاء الله تكون تجربه اريح

وجم
12-06-2006, 09:00 PM
والله أنا ما اعرف إلا شهد اللي ربّت في الأهلي وهي تمدح فيه ..
أما أنا عن نفسي فولادتي كانت بالولاده ..
وكلن له زلاته .. بس أنتِ خلج شاطره واستفسري عن حالج قبل الولاده وخلي وحده من أهلج شاطره وأم أولاد تجابلج بالولاده وتراقب زلاتهم ... عشان تتفادونها ...
ما ادري إذا فهمت قصدي بس أنا جذيه صار معاي ..
الله يهون عليكم يا رب ..

تيماء*
12-06-2006, 11:32 PM
مشكوره اختي وجم ...بس شقصدك بتراقب زلاتهم ؟؟ زي شنو؟؟

^&شهد&^
12-14-2006, 05:16 PM
هلا اختي تيماء

حبيبتي انا بحمالي اول خمس شهور كنت عند عدنان
ومن بعده عند رزفي والله انه اتجنن وايد زينه

للمعلوميه هي ماتولد قيصريه اللى لحاله محتاجه قيصريه
بنت جيرانا ربت في حمد قيصريه واحملت في الاربعيين
مستشفى الولاده قالوا لها 90 من ميه قيصري
رزفي بعد مااخذت قياس ظهرها وحوض
قالت على ضمنتها طبيعي

وفعلا ولدت طبيعي

لو رايحه الولاده اكيد قيصري

صدقيني اختي سالفه ولاده الطبيعيه او القيصريه اللى الله كاتبه لج

انا من اللى ربوا في شهر سته تخيلي انا ولدت قيصريه وكان عندي تسمم حمل
وكليتي موقفه وضغط مرتفع وفيني سكر

على هذي الامور اخترت رزفي لاني اثق في شغلها
ماتسوي قيصريه اللى اذا انتي محتاجه لها

انا ولدت عندهم وباذن الله اذا الله كتبلي هذي المره بروح لها

للمعلوميه راتبها في الاهلي قريب 30 الف ريال هي مهب محتاجه تسوي قيصريه
لكل وحده علشان الفلوووووووس بالعكس دائما تصلح خياطات اللى كلها غلط في غلط
اللى في الولاده الله يسامحهم

بعدين انتي تبين تربين في الاهلي حبا في صحتج وسلامتج وبراحتج
ولا فشخره كذابه

ليش تاخذين غرفه الملكيه مثلا

اخذي في اي بي غرفه مع الصاله وايد حلووه ناعمه وراقيه
ماتحتاج تكشخينها ولا تحطين فيها وايد
لانها جديده ومرتبه ولج حمام وانتم بكرامه لحالج والضيوف لحالهم
يدوب صواني تقديم ومفرش لسرير ومفرش لبيبي ومضيفه تضيف العرب

اختي ردي لج على سريع لاني مشغوله وبطلع ولكن
نصيحتي لج يااختي

اذا تبين راحه وخياطه ممتازه
رزفي

استخيري يالغاليه

للمعلوميه هي المستشفى غاليه ماااقولج لا ولكن تشترين راحتج

وللمعلوميه بعد انا ولدوني وطلعت الغرفه مااافي رجال شافني الحمد الله
دكتور بنج وحيد اللى كان موجود وقالي بعد ماعطيك بنج بطلع
واستشاري الاطفال دكتور مامون كان واقف ورا الحاجز ينتظر المولود

في الغرفه العمليات دكتوره رزفي و7 نيرسات بس
وبعد مارجعت غرفتي اللى شلوني نيرسااات فقط
مااافي بوي ولا خرابيط

اي استفسار ارسليلي مسج يالغاليه من عيوني

^&شهد&^
12-14-2006, 05:33 PM
حبيبتي

قبل لاطلع ابي اقولج شئ

الولاده لو يغلطون في شئ محد يقدر لهم حتى لو رفعتي قضيه عليهم ماتخذين لاحق ولا باطل

الاهلي يخافووووووون موت قضيه وحده مستشفتهم بتسكر

انا مهب وحيده اللى ربت في الاهلي معاي اربعه صديقاتي
بس للاسف في منتدى الثاني

كلهم طبيعي اللى انا قيصري

اللى يقولج غرفهم يريت تمرين على غرف الاهلي وبعدين على الولاده
وبتعرفين الفرق

انا سمعت اشاعات يوم الاشاعات عن الاهلي
بخير لقيتها كلها كلاااااااااااااااااااام

روحي وشوفي كيف ضرب مضارب على المواعيد عندها
وراح تعرفيين مستواها

اختي انا ماابيج تربين في الاهلي واللى انتي مقتنعه
واذا خايفه خليج مع الولاده
ولكن بطريقة وجم

والله يوفقج ويسهل عليج يااحبيبتي

اذا ولادتج طبيعيه اخذي غرفه في اي بي + ختان الولد + فحص البيبي = 10000 الف ريال

انا قيصريه +ختان +فحص البيبي +خمس اياااام=18الف ونص

مجنونة قطر
12-15-2006, 03:58 AM
ما قصرت شهد :)


قلت لج تيماء شهد بتجاوبج .<<< ما يجيبها الا رجالها ههههههه
موفقين يارب

تيماء*
12-16-2006, 12:47 AM
مشكوره اختي شهد والله ماقصرتي .... بصراحه انا ولدت ولادتي الاولى في حمد كانت جيده بس هذا من ثلاث سنين الحين صار عندهم زحمه وقله اهتمام ... وانا من بدايه حملي حاولت اخذ موعد في حمد بس لتهوني ...ورحت عن روزفي من الشهر الرابع وارتحت لها وايد حليوه ومهتمه وتعطيك وقتها ...وماكنت ناويه اولد عندهم ...بس زوجي شجعني وقال لي انه مرتاح حق هالدكتوره ووده اني اولد في مكان يكون فيه اهتمام ...تكلمت معاها عن الولاده واشرحت لي كل شي وشفت الغرف كانت حلوه ونظيفه ...ومن كم يوم استخرت واحس اني مرتاحه للولاده هناك ..

بس حبيت حد يشجعني ويقولي تجربته وانت ماقصرتي ...وانا ان شاءالله يتكون ولادتي طبيعيه وهي اللي قالت لي ...

مجنونه قطر ماقصرتي حبيبتي ...رديتي على موضوعي اهنيه وهناك ودليتيني على بنت الحلال اللي ماقصرت

ولكم مني دعوه حلوه عند الولاده ان شاء الله :)

أم كريم
12-16-2006, 02:56 AM
صراحة صراحة أذا فكرت أحمل تاني أنشالله بولد في الأهلي بعد الولادات اللي ولدتها في حمد وغرف خاصة ومافي أهتمام من الأطباء توبة ويكفي أن معك رزفي في الأهلي

^&شهد&^
12-17-2006, 07:46 PM
تيماء

حبيبتي راجعي رزفي وقولي لها
انج بتربين عندها

وبعدين اطلبي رقم تلفونها

وكل ماحسيتي بشئ وتعبتي بشئ لاتروحين لها
اتصلي واستفسري اذا الحاله تستدعي الزياره بتقولج
اذا لا بتشرحلج الوضع وماافي داعي تروحين لها

ومن يقوم معااج الطلق اتصلي فيها وقولي لها
علشان تسبقج المستشفى

مدام بتربين طبيعي باذن الله

غرفه في اي بي ( غرفه وصاله ) واذا كان ولد مع الختااان وفحصات شامله لبيبي بتطلع عليج
10 الالف رياااال
صدقيني مهب وايد قدام اهتمام وراحه


لاتنسين تقولين لها تبين خياطه تجميليه صدق صدق هي شاطره وفنانه

انا سويت عمليه قيصريه ما شاء الله تبارك الرحمان مايبين شئ
على اني لي كرشه كبيره يوم اربي

الله يوفقج ويسعدج ياحبيبتي

وتفرحينا وتبشرينا بولادتج

وصدقيني حبيبتي يوم اللى تفنش رزفي من الاهلي المستشفى ماراح يكون له قيمه
انا مااامدح المستشفى الاهلي

انا اقول كلمة حق واللى شفتها من اهتمام وعنايه منها
رزفي هي الاساس

خبرتي دكتوره تبوسج بعد العمليه وتضمج

انا بعد العمليه جاتني وتبي تطمن علي ضمتني وباست راسي
حسيتها ام مهب دكتوره
<----- وحده عاطفيه وايد هههههههههه

تراني 10 سنين ماحملت والله اكرمني هذي السنه بــ خالد نور عيوني
وخاطري احمل واجيب له اخو او اخت
ولاتنسيني بالدعااء خاطري احمل مره ثانيه

^&شهد&^
12-17-2006, 07:52 PM
ابرة الظهر

انا عطاني دكتور سعد بنج كامل دكتور شاطر ترى
ارفيجتي اخذت من نفس الدكتور ابرة الظهر
امدحته وااااايد وخفت ايده

ولكن انصحج تساليين رزفي

انا كنت ضد ابرة الظهر ويوم سالتها قالتلي كلمه

قالتلي لو بنتي تجي تربي عندنا اخليها اول شئ تاخذ ابرة الظهر
لانها تسهل الولاده والخياطه
ماتحسين بالالم وايد

وامدحتلي واحد اسمه وليد

بس انتي اساليها هي تعرف دكاتره الموجودين اكثر منا

بالتوافيق ياقلبي واي استفسار انا تحت امرج

اختج \\\ ام خالد

غربة زمن
12-18-2006, 12:50 AM
اختي شهد الحمد لله اللي رزقج بخالد فديت كل خالد والله (( لاني ام خالد بعد :frashagir ))

وربي يرزقج بالذريه الصالحه واينولج الي في بالج ياااارب

ويرزق كل محرومه يارب

ويهون على اختي تيماااء يارب

تيماء*
12-18-2006, 02:06 PM
مشكوره ياشهد ماقصرتي .....عطيتيني كل المعلومات اللي كنت محتاجتها وباسلوب نابع من القلب ....والله يارب يخلي لك خالد ويبلغك فيه وتشوفينه من خيره الشباب يارب ...ويرزقك بحمل قريب غير بعيد يارب ...وتجيبين حق خلودي اخوان وخوات يملون عليكم البيت ...وان شاء الله يارب ادعيلك بالذريه الصالحه اثناءالولاده

غربه زمن ...مشكوره ياحبيبتي ...والله ييسر لك عمليتك ويردك بالسلامه يارب

أم فهود
12-19-2006, 02:01 PM
والله يابنات شجعتوني على الولادة بالإهلي شكلي بستخير وبشوف
أنا كنت خايفة بما أنهم مستشفى خاص يكون كل همهم الفلوس ويولدون الوحدة بعملية وهي ما تحتاج
بس عقب كلامكم أحس أن الوحدة صج في هالوقت تبي الراحة بس لوبربي هناك مابي أبرة الظهر
والله يسهل ولادتنا يارب

تيماء*
12-19-2006, 03:00 PM
ام فهود ....نصيحتي لك روحي حق الدكتوره روزفي وسأليها عن كل الاشياء اللي تقلقك في الولاده عندهم وتكلمي معاها وشوفي نفسك اذا ارتحتي لها استخيري وافضل انك تاخذين زوجك معاك عشان يعطيك رايه هو بعد

بالنسبه حق ابره الظهر ...انا تكلمت معاها عنها وهي انصحتني فيها بس انا زيك خايفه منها ...قلت لها انا حابه تكون الابره اخر الحلول ...فشنهي الاشياء الثانيه اللي ممكن تعطوني اياها تريحني ..قالت ممكن نعطيك مهدئ في العضل (مستشفى حمد يعطونه بس للبكر) وممكن تاخذين الاكسجين اذا حابه ( في ولادتي الاولى ريحني بس حاليا مش موجود في حمد)

والله يهون عليك

سارونة قطر
12-19-2006, 03:29 PM
انا انصحج في الاهلي بصراحة اهتمام وراحة بنت عمتي ولدت اهناك وتقول اهتمام ورعاية حلووة

وجابنت توام عندهم ونفاسها كان قصير اتقول نظفوها عدل

تيماء*
12-19-2006, 05:51 PM
سارونه قطر ....مشكوره ياقلبي ....والفال لك ان شاء الله

وجم
12-19-2006, 06:24 PM
انصحك يا حوااااااااااامل تاخذون ابرة الظهر خاصة البكرياااااااات ..

أم فهود
12-20-2006, 02:11 PM
تيماء حبيبتي أنا خذت موعد عند رزفي وبروح وبشوف،وبالنسبة لولادتي تخيلي ماكان في أكسجين في حمد وخلوني أعتمد على النفس،بس كانوا مهتمين فيني يمكن لأني كنت بكرية
وبغيت أسألج رحتي شفتي الحضانات اللي عندهم وشلون يعتنون بالبيبي والله أني خايفة
وبخصوص أبرة الظهر نصيحة تحملي الألم ولاتسوينها لان أخطارها تظهر عقب وأسمعي نصيحتي،والأم ماتكون أم إلا من تعبها بالولادة والله يسهلها علينا يارب
ولاتنسين عقب ماتربين على طول تقولين شنو صار معاج وشلون كانوا من أهتمام وغيرة بالتفصيل
أدري بنتعبج معانا بس الله يعينج أن شاء الله

تيماء*
12-20-2006, 02:21 PM
الله يسهلها علي ان شاء الله ...وارد واقول لكم تجربتي بالتفصيل وافيدكم ...واحنا حاضرين للحلوين :) ....وانا بصراحه ماشفت الحضانه عندهم بس هم يمدحونها ..ويارب ان شاء الله اقدر اتحمل الالم ومااطلب الابره

وجم...ياقلب قولي لنا تجربتك مع ابره الظهر ومنكم نستفيد

وجم
01-25-2007, 02:39 PM
الله يسهلها علي ان شاء الله ...وارد واقول لكم تجربتي بالتفصيل وافيدكم ...واحنا حاضرين للحلوين :) ....وانا بصراحه ماشفت الحضانه عندهم بس هم يمدحونها ..ويارب ان شاء الله اقدر اتحمل الالم ومااطلب الابره

وجم...ياقلب قولي لنا تجربتك مع ابره الظهر ومنكم نستفيد


السلام عليكم ..
خواااااااااااااااتي أبرة الظهر ما تخوف والله ... ولا تخلون نظرتكم لها نظره سلبية فقط ... صحيح لها آثار بس لفترة ما تتعدى ثلاث شهور ...
بالعكس ... أبرة الظهر أنا اعتبرها رحمة من رب العالمين مثلها مثل المخدرات الموضعية ... اللي تخدرك وما تحسين بألم ..
مثل ما للعضل أبره هم الظهر نفس الشي .. لكن للظهر أعصاب تتحكم بالجزء السفلي من جسمنا ... حنا وقت الولاده نخدره .. عشان الألم ... صحيح بيتابعه بعد كم من اسبوع دوخه بالراس وألم خفيف بالظهر ... لكن بيختفي ..
حتى اللي والده طبيعي في ذمتكم مو تكون في هالاشهر تعبانه ... والله نفس الشي ...

وما أوتيتم من العلم إلا قليلا ..... صدق الله العظيم ...
الحمد لله أنه إحنا لحقنا على هالابره ... ايه عليهم نسوان أول لو بيدهم كان ما تألموا ...
ومحد يعاف الأجر ... اللي تبي الاجر تصبر والله بيكتب لها إن شاء الله .. والله يسهل عليها ...
ولكن اللي ما تقدر على الالم ليه تحرم نفسها من رحمة رب العالمين على سبب أوهام مب حقيقة ...
هي آثار مؤقته وتروح ... مثلها مثل حبوب منع الحمل وغيره ...

وأنا انقل من هذا الكلام تجربتي مقارنةً مع تجربة رفيجتي ...
ولدنا بنفس الشهر بيني وبينها 15 يوم ... وأنا سابقتها ...
كنت متفقه معاها أنه بنولد طبيعي وبنبتعد عن ابرة الظهر لانه خايفين وما عندنا حد قد جربها ...
أنا ولدت قبلها ... وفعلا صبرررررررررررررررررررررررررررررررت وما خذيت ابرة الظهر ...مع رغم قمة الالم اللي كنت احس به ... وعاد شلون لو تخيلون انه حتى ابرة العضل ما خذيتها لأنه الدكاتره الله يسامحهم اعتمدوا على النيرسات الهنديات وهم نسوا وما قروا وشكاتبين بالملففف <<< سالفتي سالفه ما ابي اخرع حد ...:)
المهم ...
رفيقجتي ربت عقبي وخذت ابرة الظهر لكن واللللللللللللللللللللللللللله إنها حتى حزت الولاده تسولف معاي بالجوال ولا كأنها تحس بألم ...
والحمد لله الحين ما جاها الاكان يقولون عنه الناس الا الم وإلا صداع ... ابدااااااااااااااا ...
وبالعكس هذا هي الله يتمم عليها حااااااااااااااامل بالشهر الرابع وتها كانت والد بشهر 8 اللي راح ... وأنا من كثر ما تعذبت في الولاده عفت الحمال والولاده ... وما ابي احمل ...

وعهدت على نفسي إني إذا الله كتب لي الحمال إني ما اولد إلا بأبرة ظهر ...
من يعاف الراحه ....

ادري كلامي مخربط ... بس سامحوني توني جايه من الدوام ...خخخخخخخخخخخ
الله يسهل عليكم .,..
ولي عوده لانه في شي ثاني يحضرني الحين وودي اقوله بس بنتي تصييييييييح ههههههههههه
اشوففكم قريب ...

وبإذن الله

أم كريم
01-25-2007, 03:28 PM
أنا بعد جربتها بس قالولي أنك بعد الولادة بسيري مدمنة شاي قلتلهم أنا مدمنة شاي والله حكوني كلمتين عقب ماحسيت ألا وأنا والده ومخلصه أنا أول ولاده عطوني أبرة العضل والأكسجين لآني وايد بصرخ ثاني مره عرضو عليا ابرة الظهر وافقت ثالث مره قالو مافي أكسجين مستشفي كبيرة طويله عريضه مافيها ألا واحدة فقط عطوني الأكسجين اللي كمامه بيضاء ماأثرت فيني تميت أصارخ عليهم ماعبروني في الأخر طلبت أبر الظهر عشان ماشوف الوجوه القبيحه اللي أمامي
والله أني ضربت ممرضه وأنا دشه غرفة العمليات اللي حابه تعرف ليه بقولها

وجم
01-25-2007, 03:32 PM
أنا بعد جربتها بس قالولي أنك بعد الولادة بسيري مدمنة شاي قلتلهم أنا مدمنة شاي والله حكوني كلمتين عقب ماحسيت ألا وأنا والده ومخلصه أنا أول ولاده عطوني أبرة العضل والأكسجين لآني وايد بصرخ ثاني مره عرضو عليا ابرة الظهر وافقت ثالث مره قالو مافي أكسجين مستشفي كبيرة طويله عريضه مافيها ألا واحدة فقط عطوني الأكسجين اللي كمامه بيضاء ماأثرت فيني تميت أصارخ عليهم ماعبروني في الأخر طلبت أبر الظهر عشان ماشوف الوجوه القبيحه اللي أمامي
والله أني ضربت ممرضه وأنا دشه غرفة العمليات اللي حابه تعرف ليه بقولها


ففديت قلبج يا أم كريم ..
حبيبتي حدثوا ولا حرج ...

أما عن الكمامة والله إنج صادقه ..
وحده بس ولاااااااااااااااااا الحين كنسلوها ......هههههههههههه

تيماء*
01-25-2007, 03:34 PM
مشكوره اختي وجم ماقصرتي ...وكان مبين انه كلام طالع من القلب

وانا الحمدالله ولدت والله ييسر لي وجبت بنوته ...وولدت في الاهلي ..واخذت ابره الظهر ...والحمدالله ان احنا جينا في زمن ابره الظهر لانها نعمه والله نعمه لاني مجربه ولاده بدون ابره وولاده بابره الظهر ...بصراحه اقول ليش الوحده منا تقعد تتحمل الالم والتعب وتشوف الموت وماتاخذها ....هذا كله من الناس اللي يروجون عنها سمعه سيئه وفلانه صار لها وفلانه حل عليها وكله ماله اساس من الصحه ...اخذت الابره وولدت طبيعي وكنت احس بالام احيانا ويجي الدكتور يزيد الجرعه وبعد الولاده طلبت ان الابره تظل علي لثاني يوم عشان انام مرتاحه بدون مااحس بالام الولاده والخياطه ...
وثاني يوم كنت احس وحده من رجولي منمله لين في الليل راح التنميل ورجعت طبيعيه ...وجاتني لوعه خفيفه عقب الولاده خذت عنها حبه اللوعه وراحت ...وماحسيت بصداع ولا الام ظهر ولا حاجه ولله الحمد
واي استفسار انا حاضره

وجم
01-25-2007, 03:38 PM
مشكوره اختي وجم ماقصرتي ...وكان مبين انه كلام طالع من القلب

وانا الحمدالله ولدت والله ييسر لي وجبت بنوته ...وولدت في الاهلي ..واخذت ابره الظهر ...والحمدالله ان احنا جينا في زمن ابره الظهر لانها نعمه والله نعمه لاني مجربه ولاده بدون ابره وولاده بابره الظهر ...بصراحه اقول ليش الوحده منا تقعد تتحمل الالم والتعب وتشوف الموت وماتاخذها ....هذا كله من الناس اللي يروجون عنها سمعه سيئه وفلانه صار لها وفلانه حل عليها وكله ماله اساس من الصحه ...اخذت الابره وولدت طبيعي وكنت احس بالام احيانا ويجي الدكتور يزيد الجرعه وبعد الولاده طلبت ان الابره تظل علي لثاني يوم عشان انام مرتاحه بدون مااحس بالام الولاده والخياطه ...
وثاني يوم كنت احس وحده من رجولي منمله لين في الليل راح التنميل ورجعت طبيعيه ...وجاتني لوعه خفيفه عقب الولاده خذت عنها حبه اللوعه وراحت ...وماحسيت بصداع ولا الام ظهر ولا حاجه ولله الحمد
واي استفسار انا حاضره



يااااااااا لبي عليها توته ....... ثلاث اسابيع ... ربي يحفظها لج إن شاء الله ..
والحمد لله على السلامة يا أختي ..
وأنت خير من يمثل تجربته .... ألفف سلامه عليج ..

دانه11
01-25-2007, 03:48 PM
السلام عليكم،، انا جديده معاكم ارجو انكم تقبلوني صديقه وأخت لكم.

وبالمناسبه انا افضل الولاده في الولاده بس اذا اضطريت للخاص اكيد بختار الأهلي لان الدكاتره الي هناك كلهم من الولاده.

وبعد ابي اشتري الكريم بس ماقدر اطرش لج خاص لاني جديده ومشاركاتي ماوصلت الـ15 شنهو الحل؟؟


اختكم دانه

وجم
01-25-2007, 03:53 PM
السلام عليكم،، انا جديده معاكم ارجو انكم تقبلوني صديقه وأخت لكم.

وبالمناسبه انا افضل الولاده في الولاده بس اذا اضطريت للخاص اكيد بختار الأهلي لان الدكاتره الي هناك كلهم من الولاده.

وبعد ابي اشتري الكريم بس ماقدر اطرش لج خاص لاني جديده ومشاركاتي ماوصلت الـ15 شنهو الحل؟؟


اختكم دانه

ما شاء الله أختي دانه ... أنت الظاهر قاريه كذا موضوع بالمنتدى ... وبتردين عليهم كلهم في رد واحد ...هههههههه
طبعًا أولا : يا هلا ومرحبا فيج ..
الدار دارج وحنا ضيوف خخخخخخخخ
ثانيًا ... الولاده قالوها شر لابد منه ...
ثالثًا ..اي كريم ؟
رابعًا ... انتظرج ردي علي .. عشان مشاركاتج تزيد ... ومنها استفسر لج عن الكريم حبيبتي ...

خامسًا ... اسمحيلي ثقيلة دم ادري ! :frxxagir

دانه11
01-25-2007, 04:00 PM
إي تدرين انا من عقب صلاة الظهر قاعده اقرأ مواضيعكم المميزه وهالموقع الحلو فجذبني الكريم المبيض الي تكلمت عنه الأخت فحبيت اشتريه لاني والده جديد وعندي منطقة الأبد غامجه من عقب الولاده.

وتسلمين أختي على ردج ومساعدتج لي.

وجم
01-25-2007, 04:14 PM
إي تدرين انا من عقب صلاة الظهر قاعده اقرأ مواضيعكم المميزه وهالموقع الحلو فجذبني الكريم المبيض الي تكلمت عنه الأخت فحبيت اشتريه لاني والده جديد وعندي منطقة الأبد غامجه من عقب الولاده.

وتسلمين أختي على ردج ومساعدتج لي.


هلا أختي دانه ..11

طيب أنتِ وين قريت موضوع الكريم بأي قسم أكيد بقسم الفراشة مول ..
وشسم الأخت اللي تبيعه ...

بعدين بقولج حتى أنا توني والده ... يعني ممكن اعتبر نفسي جذيه ...
وبعد الولاده تدرين تطلع الفضايح ... السمااااااااااار والخرايط على قولة أختي أم كريم ههههههههه ..
وهذا يسمونه ضرايب الحمااااااااال ...
لكن تروح ... بالعناية ...
وصدقيني ما في شي اسمه تبيض ... أنتِ بشرتج لها لون واحد ما يمكن يفتح إلا بعملية ..
لكن سهل جدًا إنه يسمر .. وتتراكم عليه الطبقات الميته وتطلع بجذيه بشرتج سمره ..
انصحج تستعملين كريم مرطب ... يوميًا بدل كريمات التبيض اللي مففعولها مؤقت ..
وإذا تبين اسماء كريمات للأيد مثلاً ... عندج بدي شوب فيه كريم الترطيب زبدة الزيتون ... جربيه مره وحده بس .. وشوفي شلون بشرتج ...وشلون مع الممارسه ...

وطبعًا تسمحلي البنت الي عارضه منتج التبيض .. كلامي هذا ما يعني إني اقطع رزقها لا والله ..
بس هذا رآي ...

دانه11
01-25-2007, 04:29 PM
تسلمين اختي وجم..

ادري سندرتج بكلامي بس انا جربت وايد فأكمل التجربه مره أخيره :frashagir والاخت هي (غرام الشوق) وانشاء الله أحصل على نتيجه :frcvbhagi :frcvbhagi

مشكوره اختي وجم تعبتج معاي بس شكلج انتي من زمان في الموقع.

سمر 2007
01-25-2007, 04:48 PM
مبرووووووووك اختي والحمد للة علي السلامة وتتربي في عزكم ان شاء اللة

تيماء*
01-25-2007, 05:44 PM
ياحليلكم قلبتوا الموضوع بيع وشرا ههههههه خذوا راحتكم المهم انكم تستفيدون

مشكوره اختي وجم والله يخلي لك مريوم وتراها بعدها صغيره لاتفكرين في حمال ولا غيره خليها تدلع :)

اختي دانه ...هلا والله والحمدالله على السلامه بالنسبه للمناطق السمرا انصحك تسوين حمام مغربي مرتين او ثلاث وبتشوفين الفرق ...واذا كنت ترضعين ما انصحك تستخدمين كريمات تبييض لانها مضره للطفل

هلا اختي سمر ومشكوره على هالدعوه

أم كريم
01-25-2007, 11:08 PM
أختي تيماء حمدلله علي السلامه

أقولكم ليش طجيتها ذهبت الفجر فيني طلق خفيف قالو الرحم مافتح بس نبض البيبي بينزل لام تدشي ولادة طلع النهار قالو لازم قيصري قلت لا جابو ورقه فيها البيانات أنتي مركبة أسنان قلت لآ عدسه لآ ووقعت وشيكت حاولو طبيعي الي الساعه 3عصرا مافي فايدة أنا قولتلهم خلاص قيصري البيبي تعب جاتني نفسه الممرضه وأنا علي السرير المتحرك بدش غرفة العمليلت وأنا جاتني رعشه من الخوف وحسيت ببروده وأسناني تكتيك وتقوم الأخت تفتح في عيني وفي حلجي تاني وأقوم أعطيها كف علي وجها وأصارخ أنتي ماشيكتي قبل كم ساعه تعالو شوفو أش سويت فيني لما قمت من البنج أسأل عن البيبي ماعطتني وجه وحرقت دمي البيبي 2كيلو

أم فهود
01-26-2007, 12:10 PM
تيماء حبيبتي أخبارج عقب ماكنت مرتاحة خفت مرة 2 تذكرين رفيجتي اللي قلتلج توها مربيه في الأهلي قريب ربت بعملية وكانت عند رزفي تخيلي كانت 9 سم مفتوح عندها وبعد مانطرتها تقول كل اللي معاها حولتهم عملية وناس بعد من أهلها ربوا عند رزفي بعملية يقولون ماتصبر على الوحدة تقعد تخوفهم عشان تحولهم عملية حتى ملفها بحمد كله قيصري عشان جذي فنشوها والله مادري شسوي صج محتارة ،لا وسألت ممرضة هناك قالتلها معروف رزفي ماتنطر والأحسن سميرة!!!وطبعا رفيجتيقصت على الممرضة وقالتلها قوليلي الصج لأن أختي بتربي هني وعقب طلعت روح قالتلها مادري يختج شسوي

تيماء*
01-26-2007, 12:29 PM
والله يا ام فهود ....مااعرف شاقولك انا نقلت لك تجربتي كااااااااااااااااااامله ... وانت تحكمين ...وزي ماقلت لك انت استخيري وشوفي وين مرتاحه ... ولايخفى عليك ان مستشفى حمد بعد اخطاءهم وايد وياكثرهم اللي مانطروا عليهم وحولوهم قيصري ...يعني انا كان عندي ايمان ان اللي الله كاتبه لي بيصير ...والتيسير بيد رب العالمين ....انا كنت مرتاحه للدكتوره ونفسيا كان ودي اربي عندها ...وانا دخلت عندهم الساعه 1ونص الظهر وماربيت الا الساعه 6 ونص يعني طولت وكان راس البيبي مفتر زي ماقلتلك يعني كان ممكن وبكل بساطه تحولني قيصري اذا كان هذا هدفها !!!!!!!!!!!!!! مع اني استغرب ان في دكتوره تفضل تولد قيصري على طبيعي !!!!!
وبيني وبينك يا ام فهد اعتمدي على رايك وراي زوجك بس واستخيري ولاتسألين حد لان احنا عندنا سوالف الناس ماتخلص

مجنونة قطر
01-27-2007, 08:36 AM
الف مبروك تيماء
اسمحيلي توني ادري عن ولادتج
تتربى في عزكم انشالله ...

خلاص



انا حاجزتها حق خالد ولد شهد هههههه
تتهنون انشالله

تيماء*
01-27-2007, 01:31 PM
الله يبارك فيك ياقلبي ... ومشكوره ساعدتيني وايد لما كنت محتاره

يللا احنا مجهزين العروس وننطر الخطاطيب هههههه

sadaf_qa
02-07-2007, 08:53 AM
الحمدلله على سلامتج ياخت تيماء اي غرفة خذتي وكم تكلفت ولادتج؟

مجنونة قطر
02-23-2007, 08:16 PM
8
8

up

تيماء*
02-27-2007, 06:02 AM
هلا اختي صدف

انا اخذت غرفه VIP (االضيافه) وكلفتني الولاده كااااامله عشرة الاف وشوي

قطرية مغرورة
07-19-2007, 02:20 PM
الف مبروووووووك لكل ويتربى بعزكم ..

خواتي مثل ماقلتوا ترى الكلام كثير ومايخلص ..

وانا حاليا في الشهر الثامن والآن من كلامكم اتصلت بالأهلي وحجزت موعد عند رزفي .. شفتوا شلون متأخره ..

طاح حظ العدو مالقيت الا عماد عبود اللي بشهر 8 خلاص اخر يوم له ...

بصراحة دكتور جيد وليس ممتاز يعني مايسألج ولا يطمنك ولا ياخذ منك لا حق ولا باطل ..

انا ارتحت للاهلي وللدكتورة بالذات (( رزفي )) بس طق نعل عندها ..

وان شاء الله راح اولد بالأهلي لان ولادتي هذي بتكون 2 ..

وعن تجربة بمستشفى الولادة حدث ولا حرج ..!!!


ببنتي البكر كنت عند الدكتورة نجاح الله يجزاها عنا خير الجزاء .. ماقصرت ربي يوفقها نومتني بالمستشفى لاني كنت خلاص ماقدر امشي من ضغط البيبي مع اني توني باول اسبوع بالتاسع ...

كانت جدا حريصة ع سلامتي وطلبت لي ابره الظهر غصصصصصب من مونقا .. وهو بعد ماقصر ..


بس مشكلتي جات في اللي عمل لي الخياطه ماقول الا حسبي الله ونعم الوكيل .. الاخ يوم يخيط نسى فيني قطعه شاش شكبرها .. لان الاخ وهو يخيط انا كنت انزف وهو يسد النزيف بالشاش ..

وانا كانت وضعيتي ع السرير خطأ وكل مااصارخ من وجع السرير يقول لي انتي حاسه بحاقه ..

يعل بطنك يضربه اسهاااااااااااااااااااال اقول له دكتور ظهري لانه منزلني ع اخر طرف صوب الحديد وانا ماحس الا بوجع السرير ..

المهم بعدها باسبوع احس ان في شي راح ينزل من جسمي وبطني تم يعورني واصارخ واقول حق زوجي احس في ياهل راح ينزل .. يقول لالالالالالالا هذي اوهام ..

والله يابنات ماطلع مني زوجي الا وانا رايحه كرمكم الله الحمام الا واشوف شي نازل كأنه راس ياهل .. قمت اصارخ واطالع الا هو شنووووووووو :





أقول لكم شنو ولا عرفتوا .............



الا هي قطعه شاش شكبرها طالعه مني ................



وبكمل لكم القصه وش صار في الطوارئ وشنو سوى زوجي لهم : ...



واي استفسار انا حاضره ..

تـــوتـــة
08-17-2007, 09:29 PM
ماعندي فكرة

dandona_judy
04-09-2009, 10:55 AM
اختي العزيزة:02:
احب اقول لكي ان مستشفي العمادي في الهلال :0126:الغربي امام النادي الاهلى يوجد فيها دكتور استشاري مصري ممتازممتاز ممتاز شاطر جدا لانه استاذ جامعي في مصر ولادته سهلة جدا وبريح جدا وهادي واسمه :0150::0150:د----------- عصام عبد الظاهر ---استشاري امراض النساء والتوليد والعقم .بالاضافة الي خبرتة في مجال العقم .وعلاجه اسبابه بالمنظار مثل مرض تكيسات المبياض.انصحكم بالمتابعة معه في الحمل وغير الحمل كل مايخص امراض النساء والتوليد.


Content Relevant URLs by vBSEO 3.6.0