المساعد الشخصي الرقمي

مشاهدة النسخة كاملة : للمخطوبات



غرور
12-03-2006, 11:33 PM
هلا والله وغلا

شلونكم وشخباركم عساكم بخير بس

المهم بدخل بالموضوع على طول

انا وحده مخطوبه وصار لي تقريبا ثلاث شهور وحبيت اني اغير روتين واسوي جو

ابي منكم تعطوني افكار حلوة اقدر اسويها لاني مخطوبه ومو كل شي بقدر اسويه ببيت اهلي

وكلام حلووو ورومنسي يعني انتو وشطارتكم

عسى ربي يوفق ويسعد كل من يشارك

ولكم مني جزيل الشكر والتقدير

سي يووووو

زهور الشام
12-04-2006, 12:39 AM
مافهمت عليك افكار حلوه لايش ماوضحتي

غرور
12-04-2006, 01:25 AM
افكار رومنسيه وحلوه

يعني حركات تعجب الزوج

.. * .. السنيورة ..* ..
12-04-2006, 01:34 AM
اممممممممم حبيبتي اممم

شرايك تكتبين له رساله فيه حب وشوق ولمن يجي تعطينه اياها وتطلبين منه يقراها

ووووووو ماادري انتي تعرفين طبيعة خطيبك

انا مخطوبة بس للحين ماملكة فماعندي خبره

بس لحظة بفكر لك بكم شي

تقدرين تشترين شموع حمره بالمجلس وكذا وتسوين له حلا وعصير غير عن كل مره مو نفس اللي دايما تقدميه

واول مايدخل بيتكم جيبي شريطه حمره واربطي فيها عيونه ودخليه لين المجلس وسلميه الرساله ولو تكون حمره او سكري والكتابه بالاحمر

وتحطيها في يده

وبعدين تفتحين له الشريط وراح ينبسط من المنظر

ووووو اش كمان اش كمان

جيبي كم لعبه اولعبيها معاه

جيبي معاكم اخوانك الصغار او اذا عنده اخوان صغار خليه يوم يجيبهم بيفرح انك تحنين عليهم


هذا كل اللي عندي الحين لو تذكرت شي بقولك

بس انتي قولي لي بصراحة رايك فالافكار

عادي حتى لو ماعجبتك

وربي يسعدك اختي

زهور الشام
12-04-2006, 12:06 PM
احس كلام اختي السنيوره صعب اني اسويه عند اهلي بنحرج الا اذا كنت جريئه لكنها افكار ممتازه بعد الزواج بس اتوقع احسن شي بيعجبه انك تجيبين اوتجراف وتكتبون فيه ذكرياتكم قبل الزواج وتجبين معاك هديه تذكار وتزينينه وتكتبين عليه كلام حلو لزوجك وتحتفظون فيه وبرضو ممكن تكتبين له رساله حلوه وتحطينها في كرت فخم وتعطينها له بشرط مايقراها الا بعد مايروح وممكن كم حركه حلوه تكون معاه وانتم جالسين خاصة اذا كنت جايبه معاك عصير وكعك ممكن تاكلينه وتخلينه ياكلك اتوقع انها حركات حلوه ومستوره مااحد يدري عنكم ولا ايش رايك

غرور
12-04-2006, 04:34 PM
افكارك حلللوة اختي السنيوره

واذا عندك افكار بعد امطرينا

لك كل الشكر


واختي زهور الشام مشكووووره كثير

ربي يعطيكم العافيه ويسعدكم

سلاااااااااام

<<اميرة الورد>>
12-04-2006, 05:01 PM
حبيبتي السنيوره بصرااحه احرااااااج انا اتكلم عن تجربه انا صار لي الحين ست شهور مخطوبه ولين اليوم ماقدرت حتى اسوي عيد ميلاد محترم لخطيبي والسبب >>>>>> استحي من اهلي وايد \

خصوصا اذا كان البيت شعبي يعني المجلس جنب الصاله جنب الحجر عشان جذي انا عندي لج خوووووووش افكار >> مجربتهم ههههه

شوفي في المكاتب يبيعون كتاب صغير بحجم الكف مرسوم عليه قلوب وحركاااااات ومكتوب فيه اسئله عن زوجج يعني ايش احلى لون احلى اغنيه ومقطع شعر افضل ماركة ازره >> هاذي انا زدتها من عندي في الصفحه الاخيره

وفيهاااااااااااا واااااااااااااااايد اسئله تسهل عليج اشياء وايد انا سويتها اول ماخطبني واستغليت الاجوبه في الهدايا اللي اهديته اياها كان يستغرب يقولي اشدراج اني احب كذا وكذا وكنت اتعمد اسوي اللي كان كاتبه

مثلا العصير كنت اجيب الشي اللي يحبه والالوان كنت البس الالوان اللي اختارها في الكتاب وفي الكتاب صفحات اخيره فاضيه استغليها واكتبي فيها كل شي تبين تعرفينه وعشان مايرفض يجاوبني شريت اثنين واحد لي وله وانا جاوبت عليه واعطيته >>> شطووووره

وعندج افكار ثانيه >>> استحي << بس تحملي تسوينها اول الخطوبه سويها على اخر ايام استحي اقولج بس اللي ابي اوصلج اياه لاتتجراين وايد ولا تستحين وايد عطيه بوسه على خده مثلا او اذا كان ماسك ايدج بوسي ايده وقولي له الله لايحرمني منك
صدقيني يتعلق فيج اكثر واكثر >> استحي
وعلى طاري الحيا انصحج لاتراوينه انج تستحين وايد ترى يتملل الريال وانا اتكلم عن تجربه ولا تتجراين وايد بيفكر انج متعوده على هالحركات وانتي عارفه الرجاجييل يشكون بسرررعه في البنت

وبانصحج حبيبتي حاولي تطبخين له كل مايجي طبخه وشكلي ونوعي فيها انا خطيبي اول ماخطبني كان يقول انا ماحب اكل ويووم بديت اطبخ له صار يااااااااكل كل شي حتى المعكرونه اللي مايحبها صار يحبها بجنون (( كل شي من يد الزوجه يحبه الزوج بس الوحده وشطارتها )

وعندج لعبة الليغو اللي هي صور ومقطعه وانتوا تركبونها انا خطيبي ضحك علي بدايه وبعدين صار هو اللي يشتري كل مره ويجيب ههههههههههههههه

والله يهنيج ويسعدج ويرزقج بالذريه الصالحه ويسخر قلب خطيبج ويبعده عن بنات هالزمن بنات الحرام اللي مايصدقون يشوفون واحد خاطب يمووووتووون من القهر والا ويخربون عليه الله يبعده عنهم ويعلق قلبه فيج اااااااااااااااامين

<<اميرة الورد>>
12-05-2006, 08:12 AM
؟؟ وينكم بنات

درب الزهور
12-05-2006, 08:33 AM
والله افكاركم حلوه وانا مخطوبه بس استحي اسويها مدري ليه ما في غيرها

حبوبة 2005
12-05-2006, 09:53 AM
هلا حبيبتي
فيه موضوع للفراشه (موج الليل)
من زماااااااان كنا نكتب فيه وفيه حركات حلوه
وانا باقولك شئ اقتراح ما جربته :)
اذا جاء سوي العاب والعبي انتي وياه
احسها حلوه فيه العاب كثيره بزل و السلم والثعبان والشطرنج وبعد العابنا القديمه مثل انسان حيوان جماد:) مره احبها وتعجبني تطلع جو وتغيير
وشئ ثاني هذا انا مجربته يوم زارنا خطيبي الاسبوع الماضي بحكم اني في الامارات و اهو بالسعوديه ما يجينا كثير الاسبوع الماضي جاء وجلس5ايام عشيته مرتين وكل شئ انا اللي صلحته حتى امي ما ساعدتني انا كنت مرتبه كل شئ من قبل اسبوع فيه اشياء جهزتها وحطيتها بالفريزر و كل ماجاء يطلع مع الوالد و اخوي اعطيهم منها حلا قهوه وموالح مع الشاهي:)
والعشاء كل مره اسوي7اصناف بس كل شئ شوي شوي ماكثرت والله والله اني وانا اصف السفره مررررررررررره استحيت من ابوي لانه قال وش كل هالدنيا وشذا الزييييييييييييييييييييييييين
ايه الحين تسنعت البنت:):)
المهم اهو انبسط مررررررررررررررررررررررررررررررررره بالاكل ويوم رجع السعوديه يقول اتمنى اجلس على هذيك السفره مره ثانيه والا مشتهي هالحلا والا ذاك المهم انه رسخ في باله اشياء و سرت فيه باله اكثر من اول:):):)
وبسسسسسسسسسسسسسسسس
ايه ذكرت ترى الحياء الزايد يطفش الرجال يعني شدي معه وارخي مره تجراي عليه مررررررررررررررررره وفجاه اقلبي ولا ترمين نفسك عليه بزياده انا احيانا ارمي نفسي عليه مرررررررررررررررره مكالمات ومسجات وحركات وبعدين اطننننننننننننننننننننننننننننننننننننننننننشه كذا احسن
واهم شئ اسلوبك بالكلام معه ترى حبيبي وقلبي وروحي وحياتي وعمري وعيوني ومااقدر استغني عنك والله لايحرمني منك والله يخليك لي وهالكلمات كلها لها سحر ماهو طبيعي على الرجال
لو قدرت اجيب لك رابط الموضوع باحطه لك ولو ماعرفت العذر والسموحه
الله يوفقك ويوفقني والمسلمات اجمعين
اي خدمه انا حاظره يا قليبي

يقين19
12-09-2006, 08:32 AM
انا أستخدم رسايل المكتوبة باليد((ياعيني عليها جايبة نتيجه))واستخدم المسجات ((بجوال امي ))هع

غرور
12-10-2006, 01:33 AM
اشكر مروركم بس مااشوف تفاعل كثير

نبي الافاده يااخواتي...

عروس-2006
12-10-2006, 02:36 AM
ايه والله نبي ازوود

انا مخطوبه الحين وقريب زواجي في اخر محرم استحيي عند اهلي
لكن بالرسايل والمسجات الجوال مسويه شوية شغل


Content Relevant URLs by vBSEO 3.6.0