المساعد الشخصي الرقمي

مشاهدة النسخة كاملة : تجمع لعرائس الاردن



الصفحات : [1] 2 3

zara1979
01-15-2007, 02:21 PM
السلام عيكم ورحمة الله

عزيزاتي الفراشات (عرايس الاردن) حابه انا نحكي مع بعض بخصوص التجهيز للعرس وعن تجاربنا حتى نستفيد كلنا من تجارب بعضنا من ناحيه شو الاغراض اللي لازم تشتريها العروس احنا قرانا كتير في المنتدى كيف بجهزوا اخواتنا في دول الخليج الشقيقه وما في اي مشاركه منا خصوصا انه ممكن ننصح بعض بعناوين لمحلات معينه جربناها للشكولاه او فساتين الزفاف والقاعات ومحلات اللانجري والورد وبطاقات الافراح ومحلات التصوير للافراح وهكذا...كل ما يتعلق بالعروس والزفاف
ارجو منكم التفاعل,,, وبداية شو رايكم بفكره الموضوع ؟؟هل نبدأ وتحكيلنا كل وحده شو عملت لهلا؟؟ وانا كمان رح احكيلكم بعد ما اشوف اذا حبيتوا الفكره
:dfr3

دموع الشوووق
01-16-2007, 09:54 AM
معقووووووووووووووول ولا بنت من الاردن مشترررررررررررررررررركه
طيب ليششششششش؟

zara1979
01-16-2007, 03:17 PM
اختي دموع الشوووق بضم صوتي لصوتك معقول مافي ولا فراشه من الاردن تشاركنا؟؟
بشكرك كتير اختي لمرورك وردك وبتمنى نبدا انا وانتي لعله يشاركنا حدا
هل انتي مخطوبه؟ متى عرسك؟ وشو جهزتي لهلا ؟

zara1979
01-17-2007, 01:38 PM
عن جد شي بزعل ولا مشاركه من بنات الاردن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

zara1979
01-20-2007, 09:59 PM
ما في ولا عروس من الاردن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

heart beat
01-21-2007, 03:24 AM
مرحباااااااااااااااااا za****97 و دموع الشووق
انا من الاردن بس ما اجى ابن الحلال لسه :) بس راح اشارك معكم يمكن يكون عرسي مع واحدة فيكم بنفس اليوم ههههههه
ممممممم محلات الشوكولاته فيه باتشي بعبدون مول و فيه شاهيلدا بالصويفية
بالنسبة للتصوير فيه استديو بابل بام اذينة و فيه music box عند الدوار السابع تقريبا وفيه استديو روبينا تصويره حلو
المكياج ممكن عند صالون زبيدة
هذا اللي خاطر على بالي لهلأ واذا اتذكرت برجعلكم

يالله ادعولي بابن الحلال عشان نجهز مع بعض :) والف مبرووووووووووووووووووووووووووووووووووووووك

dodo83
01-21-2007, 11:11 AM
وانا كمان لسه ما اجى ابن الحلال ادعولي بس حبيت اشارك لانو عندي خبره بهيك موضوع

الشوكلاته ازا بدك اشي مرتب عن جد انسي كل المحلات اللي بتعرفيها في محل بالصويفية اسمه هارمونكا بس غالي هادا للعرايس اللي معهم مصاري (اختى عملت عنده بصراحه كل الناس حكت بالشوكلاته)

بالنسبة للجهاز المحلات المعروفه مش محتاجه حدا يعرف عنها احنا بندور على اللي مش معروف، ممكن اللي هلا بتجهز في تنزيلات في بـ center point لانجري حلو ومش غالي كمان بس قمصان النوم ما شفت اشي حلو عندهم ممكن من جبل الحسين تلاقي شغلات حلوه وكمان مش غالية، اما اللي بدو الغالي woman secert وعلى فكره عنده شغلات عن جد حلوه، انتيمو، وفي عن ستردي قطوم اللي بتيجي شورت مع بدي كمان ناعمة وارخص من غيرها

بالنسبة للورد انا من رايي انو ازا انت عندك الفكره الحلوه ممكن اي حدا يعملها وهادا الحكي مش بس للورد لكل اشي واهم اشي انك تطلبي بروفه يعني مش يوعدوك ويبلطولك البحر وتتفاجئي يوم العرس

المصور بصراحه عن تجربة صور عرس اختى اسمه الجبيهه واكيد عرفتو وين بدو يكون مكانه طبعا الجبيهه او فخري صور لكتير ناس بنعرفهم وفي لاك اند وايت بحكوا عنه شاطر

فساتين الاعراس اكيد يا بركات يا النفيس وهون العروس لازم ما تهتم للفلوس اهم اشي بالعرس فستان العروس

بالنسبة للصالونات للشعر لازم تعملي عند حدا بتعرفي عشان يكون عارف شو بلبئلك وشو لا اما الميك فالتوب عماد شاويش ممكن تاخدوا رقمه من صالون طارق بعبدون او الصقري لانه بعمل عندهم

اما فساتين الحفلات بصراحه السوق عنا بخزي بهادا الموضوع في محل عنده شغلات حلوه بس مش دايما اسمه سرافيا بس غالي كنت بدي اشتري صندل طلع حقه 175 :O حكيتلها خلي الك

ومش متزكره شو كمان ازا بدكم اي معلومه انا جاهزه انا عباره عن دليل متنقل للاسواق

بس نصيحه لاي عروس ما تكتر اواعي لانه كله حكي فاضي البنطلونات والبلايز بتنشرا دايما
انت اعملي جدول بالشغلات اللي ناقصتك يعني مثلا نظاره تقيله كم شنته سعرهم فيهم واشتري اللبس التقيل الغالي اللي ما بنشرا كل يوم كم قنينه عطر مرتبه وكريمات اهم اشي من عند ناشرل لوك الكريمات ريحتها ما تروح يعني كانها معطر وما تكتري مكياج لانه المكياج اله فتره صلاحيه حرام ينكب ويغبر وانت مش صايبتيه

والغلطه اللي بعملوها كل العرايس انهم بجمعوا قمصان نوم بلاوي صاحبتي عملت 3 شنط ولا لبست منه اشي لانها حملت على طول وكمان بنزهئوا اهم اشي لبس البيت تنوره او شورت او بجامه وكتري بروتلات

وازا في اشي تاني زكروني لاني طولت عليكم

asma taha
01-21-2007, 01:28 PM
انا من الأردن ومشتركة جديدة انا النصيحة الي بدي اعطيها انه مانكثر جهاز وثياب لأنو جسم البنت بتغير بعد الزواج والحمل والخلفة وكمان كل شوي بتنزل موضة جديدة

asma taha
01-21-2007, 01:36 PM
انا عم بدور علا بدلات مميزة وغريبة مش نفش لأنو طولي 150 وكل العرايس بلبسو نفش انا بدي اغير
عرسي بصيف واسعار البدلات المرتبة 400 و 600 دينار زي كأني لابسة بدلة من ذهب بس كل شي غالي حكولي روحي على سوريا الأسعار ارخص والبدلات احلى
شو رأيكم واذا بتعرفو محلات حلوة بسوريا انقذوني ودلوني عليها

dodo83
01-21-2007, 05:14 PM
شوفي هاي نصيحه انسي موضوع سوريا لانه سوريا مو زي ما انت متخيله رخيصه صح بالبدلات ارخص يعني حق الايجار عنا هو حق الشرا عندهم بس مو حلو وهادا الكلام من وحده سوريه هي اللي حكتلي صاحبتي جابت بدلتها من سوريا ب 250 تقريبا يعني رخيصه بس عادية كتير

بصراحه ادفعي ازا الشغله حلوه اهم اشي انك تعملي حساب البدله لما تاخدي مهرك لانو العروس اساس العرس

وعلى فكره في كتير محلات رخيصه الاسعار اللي انت حكيتي عنها اكيد عند النفيس اختى اخدت من عنده بس فستانها الناس لهلا بحكوا وكان اول لبسه عشان هيك غالي

وبظن انو النفش احلى لانك ما بتئدري تلبسي غير بهاليوم جيبي نفش ناعم مو شرط كبير

قمر 15^
01-21-2007, 06:36 PM
ياحلوكم بنات لأردن

موووووووووووووفقين

heart beat
01-21-2007, 09:49 PM
يا ريت dodo83 شكلك عندك خبرة .. الف مبروك لاختك اولا و يا ريت تقوليلي كيف اهتمت بجسمها و عند مين ؟؟ واذا بتعرفي دكتور\ة جلدي شاطر بيعمل تقشير للوجه .. اذا ما فيها غلبة يعني
خلينا نستفيد لبعدين :) :) :)

dodo83
01-22-2007, 10:40 AM
بصراحه ما رحت عند حدا معين عشان الجسم او الوجه بس احنا بنروح على الستيم على الاقل بالاسبوع مره بفتح المسامات وبعدين بنحط كريمات وفي ناس بتجيب الحمام المغربي بتدهن جسمها في

بس ازا انت بدك في شول بالجاردنز

بس انا شخصيا ما بفضله بستحي ..... يا عيني على الخجولة احسن اشي الوحده هي اللي تعمل السكر او حدا من البيت يساعدها ومجرد تحط كريم بعد الحمام ما بخليها محتاجة اي اشي تاني

zara1979
01-22-2007, 09:11 PM
حبيباتي الفراشات
heart beat شكرا كتير لمرورك ومشاركتك في الموضوع وان شاء الله يرزقك الزوج الصالح يارب
dodo83 شكرا كتيييير لمشاركتك في موضوعي
asma taha كمان شكرا لمشاركتك واهلا فيكي في المنتدى

عن جد مبسوطه لمشاركتكم موضوعي خصوصا الي من فتره حاطيته وما حدا كان يشارك وبانتظار تفاعلكم وعودتكم وبتمنى يشاركونا كمان فراشات .

zara1979
01-22-2007, 09:24 PM
حابه احكيلكم شو عملت لحد هلا:
بالنسبه للانجري وقمصان النوم شريتهم وما كترت لانو كتير صاحباتي نصحوني ما اكتر
ملابس البيت اشتريت شورتات اتنين من جينيفر وبنطلون جينز مرتب من مانجو وبروتيلات عده الوان وبلوزات عده الوان وموديلات من عده ماركات وكنت احاول استغل فتره التخفيضات

بالنسبه لمكياج العرس انا حابه اعمل عند زبيده لاني جربتها في الخطوبه وكان شغلها روعه وبنصح كل عروس تعمل عندها
انا محتاره بخصوص التصوير , في الخطوبه جربت استديو اورال في الجبيهه حلو بس حابه اغير لاحسن منه
اما فستان العرس قالولي عن بركات في الشميساني حلو ويمكن اشوف ديمتريوس و غزل الدوليه في الصويفيه خصوصا انو فستان خطبتي من عند غزل وكتير ناس حكولي عنه حلو
الشكولاته ماقررت لسه من وين اشتريها
والورد نفس الشي مو عارفه من وين

القاعات بصراحه ما بدي فندق خمس نجوم ولا قاعه عاديه انا حضرت في جبري عرس وخطبه بنت خالي ومو حابه اكرر المكان مع انه حلو كتير
شو بتقترحوا؟؟؟
انا شفت فندق باليميرا في شارع الجامعه وفندق الضواحي في ضاحيه الرشيد ولسه بدي ادور واشوف غيرهم!!

heart beat
01-23-2007, 01:11 AM
dodo83 الف شكر لردك بس اذا مافيها غلبة بتعرفي من وين بقدر اشتري الحمام المغربي ؟ لأني لفيت الدنيا عليه وما خليت صيدلية او عطار الا سألته بس مش موجود وانا كمان بستحي اروح عند حدا لجسمي بس الوجه اذا كان تعبان لازم نروح عند دكتور ..
za****97 الف مبروك والله يتمم لك على خير و صالون زبيدة اغلب صاحباتي عملوا عندها و طلعوا قمرررررررررررر زيك :) بس ياريت تقوليلي مكانها بالضبط و رقم تلفونها على الخاص اذا ما فيها غلبة ( بجمع معلومات عشان ما اتغلب بعدين :) ) و عند زبيدة نفسها عملتي والا حدا تاني بتشتغل عندها و شو كمان اه بتختاري معها اللي بدك اياه والا على ذوقها و بتعمل بروفة والا لأ .. :) :)

dodo83
01-23-2007, 10:34 AM
هاي

zara عنجد اهم اشي المكان خصوصا بعد الاسعار اللي طلعت زي النار الفنادق وحدت الاسعار اقل اشي 24 دينار على الشخص بس الهوليدي ان وعمره لسه اسعارهم مقبوله

في فندق الفنار كمان حلو انا حضرت في كم عرس بس ا نت وشطارتك كيف ترتبي الموضوع لازم تشددي عليهم انو كل اشي يكون تمام ازا ما بدك تعملي بفندق 5 نجوم في كمان فندق نسيت اسمه على الدوار الخامس ورا الشيراتون حلو بس ما بعرف اسعاره في دانة بلازا في دييز ان بس ما حضرت فيه اشي

اما ازا مو فارئ مع الفلوس المهم ما يكون فندق ففي كتير اماكن حلوه زي ديونز اختي عملت في وكان اشي بجنن في كمان نادي الغولف صاحبتي عملت في وكان عرسها نظام رسبشن

heart beat ازا بدك دكتور جلديه كتيييييييييير شاطر ما في بعد طارق السعدون عند المستشفى التخصصي شو ماكان عندك مشاكل بالبشره بعطيك علاج احسن من انك تشتري كريمات وتجربي ببشرتك

بالنسبة للحمام المغربي والله ما بعرف بس جربي عند ذي بودي شوب او ناشرل لوكس او بتقدري اي مقشر كمان رح يعطي نفس النتيجه جيبه بالمشمش ريحته بتكون حلوه ....هههههههههههه


وفي شغله نسيت احكيلكم اياها انكم تحاولوا تشتركوا بنادي قبل شهرين او شهر على الاقل من العرس تمارين ايروبكس عشان الجسم يشد حتى لو ما كنت محتاجه تنحفي بس لما يكون الجسم شادد حتى على الحمل بضل حملك مرتب وما بخرب جسمك انا ناوية هيك اعمل بس انتو ادعولي

لميس العزة
01-23-2007, 11:27 AM
انا من الاردن ولسا ما صرت عروس
وان شا ءالله عن قريب

zara1979
01-23-2007, 02:37 PM
مسا الخير جميعا

heart beat صالون زبيده موقعه بين الدوار الخامس والسادس يعني وانتي متجهة من السادس الى الخامس بيكون على يمينك بعد مخابز الطواحين (اعتقد اسمها هيك) ما بتعمل بروفات عالاقل بالنسبه الي ماعملتلي بروفا وانا وقتها ما سالتها اذا بتعمل بروفات ممكن تحكيها وتساليها,,,بالنسبه لتحضير الشعر والتسريحه للخطبة البنات اللي عندها بيعملوه وهيه زبيده بتعمل المكياج بايدها بس اختها بتساعدها في تحضير الوجه,,اما للعروس زبيده بتعمل التسريحه والمكياج ابيدها وهيه تعاملها حلو وانا ارتحت عندها وما بغير عنها ان شاء الله,,,ورح ابعتلك رقمها عالخاص,,,على فكره للخطبه تقريبا لكل العرايس بتعمل نفس التسريحه رفعه من الامام ونازل من ورا والجوانب (فير) والوان المكياج حسب لون الفستان وللعرس ما بعرف يمكن كله رفع بس ممكن انتي تحكيلها شو حابه بس عالاغلب هيه بتشتغل لوحدها.
(صالونها جاي عالشارع بالضبط وهو عباره عن بيت مستقل مع كراجه,,,هيك شكله وفي لافته كبيره فوقه عليها اسم الصالون بس بدك تمشي بالسياره شوي شوي بعد الطواحين حتى تشوفيه لانه من قبل مسافه ماببين)

dodo83 شكرا الك بس عندي سؤال بالنسبه لدانه بلازا سمعت انه حلو وكمان الفنار ..عندك فكره عن اسعارهم عالشخص الواحد كم؟؟

zara1979
01-23-2007, 02:39 PM
اخت لميس العزه
اهلا وسهلا فيكي وان شاء الله بنفرح فيكي وبنسمع عن الاخبار الحلوه
وان شاء الله تستفيدي من الموضوع واذا عندك اي معلومات بتحبي تشاركينا فيها عن تجارب صديقاتك او اخوات احنا بننتظرك

dodo83
01-23-2007, 03:37 PM
والله يا zara لا ما عندي فكره بس انت بتقدري تسائلي على التلفون قبل ما تروحي وتغلبي حالك

(عذاب الغربة)
01-23-2007, 04:19 PM
في بدلات كتير حلوة للعرايس في سورية ورخيصة بتلاقيها في سوق الحميدية وسوق القيشاني للعرايس يعني هذا في كل شي بيخص العروس وبالنسبة للقمصان نوم كمان بالحريقة في وبسعر الجملة وفي بالحمرا محل اسمه الرضائي بتلاقي من والى عنده وفي اسعار مناسبة وفي اسعار غالية مثل انت ما بدك على هوى فلوسك بتلاقي

abooraaaa
01-24-2007, 02:27 PM
مرحبا الموضوع كتير حلو يا ريت نكمل وانا رح ارجع واكتب فيه قريبا

zara1979
01-24-2007, 08:16 PM
احلى سلام للفراشات الحلوين اللي تفاعلوا مع الموضوع

اخت ](عذاب الغربه)[/COLOR] اهلا وسهلا فيكي ولمرورك ومشاركتك معنا

اخت abooraaaa هلا فيكي وبانتظار رجوعك ومشاركتك معنا

وبانتظار باقي الفراشات

zara1979
01-24-2007, 08:17 PM
dodo83 شكرا الك وبانتظار اي معلومات تانيه ممكن تفيدي فيها عرايسنا

abooraaaa
01-29-2007, 10:56 AM
هاي مجموعة من الفساتين شو رايكم ؟؟؟؟ :dfr3
انشالله تعجبكم شاركوني بالختيار صبايا
1 2

صوفيا*
01-29-2007, 02:01 PM
هاي لكل الفراشات وصبايا اللاردن بالتحديد.انا من اربد وما بعرف كتير بعمان بس شكرا عالمعلومات الحلوة.باربد احسن الصالونات روزيت وناديا و نجمة الاردن.وانا بوافقكم انه الفساتين مو حلوة وغالية.بس ايش نعمل.ممكن نحكي بالاسعار اكتر.يعني صالون زبيدة كم بوخد عالتسريحة والمكياج بالخطوبة.وانا شعري لعند كتفي ما بنعمل تسريحة فيها فرد شعر ايش اعمل؟

"حبيبة زوجي"
01-29-2007, 02:15 PM
مساء الخير
انا عروس وعرسي في 15/3
بس لسا لهلق مو عارفة شو بدي ولا حددت الأغراض الي بدي اشتريها
بس هلق شاغل تفكيري فستان العرس والميك اب
بدي وحدة شاطرة وتكون تعمل بس ميك اب لأنو شعري عند صالوني بس خسارة انو الي بتعمل عندو الميك اب مو شاطرة
يا ريب اذا في امكانية تدلوني على وحدة شاطرة للميك اب

&عطر السحاب&
01-29-2007, 07:34 PM
الف مبرووووك للجميع

zara1979
01-29-2007, 11:11 PM
مرحبا ياحلوين

aboraaaa الفساتين ما نزلوا ولا صورة نازله ,,؟؟؟

صوفيا,,,,اهلا فيكي ولمشاركتك,,انا عملت وقت خطبتي المكياج والتسريحه عند زبيده وكان في شهر 11 والسعر كان بحدود 120 دينار وللعرس السعر اكتر بيكون ورح اعمل عندها وبتاخد 250 دينار اظن

حبيبه زوجي,,,اهلا فيك ومبروك ,,ما ضل معك وقت لازم تبدي تشتري اغراضك ,,يعني معقول لهلا ماشريتي شي؟ استغلي فتره التخفيضات هلا في كل المحلات ,,,بالنسبه لوحده شاطره بالمكياج صراحه ما بعرف لاني عملت كل شي في صالون زبيده وكان حلو بس ما بعرف اذا ممكن تحجزي عندها بس مكياج بدون تسريحه ,,واكيد الفراشات بيفيدوكي

عطر السحاب ,,,,اهلا وسهلا فيكي والف شكرا لمرورك وردك الحلو ,,اللهر يبارك فيكي حبيبتي

"حبيبة زوجي"
01-30-2007, 01:00 PM
مرحبا يا حلوين .. كيفك يا زارا
انا لما طبعت تاريخ عرسي طبعتو غلط هو في 13/5 متأسفة على الخطأ
وحجزت في قاعات النعمان (في قاعة اسمها جرش) ما تتخيلو اديه حلوه ومرتبه
وبنصح العرايس الي بدهم يحجزوا للعرس ومش قدرتهم يعملو في فنادق خمس نجوم يروحو يشوفو القاعة، فعلاً كثير مرتبه وبتستاهل تروحي تعملي فيها.
وانشاء الله بدي ابلش اجهز عشان اكسب التنزيلات
اما بالنسبة للمكياج دلتني صاحبتي على وحدة اسمها هناء جمعة.

فعلاً انو موضوع جميل جداً وبشجع الكل لنضل على اتصال ومعرفة كل ما هو جديد ومفيد
:)

dodo83
01-30-2007, 01:51 PM
انا حضرت بهاي القاعة مش اللي نفسها الكوشه بترتفع

وعلى فكره انا ساكنه وراها

zara1979
01-31-2007, 04:58 AM
مرحبا كيف الجميع

الاخت(حبيبة زوجي) كيفك؟ ممكن تحكيلي عن الاسعار كم عالشخص ؟وكم شخص بتوسع القاعه؟واذا بيعملوا بوفيه عشا ولا بس سناك؟؟

asma taha
01-31-2007, 05:07 AM
مرحبا يفرشات الأردن يااحلى عرايس الف مبروك
انا حجزة بصالة فيرونا بالجاردنز 25/7 اذا شاء الله هيه اموره بس اكثر شي عجبني فيها عندهم ستاند اضاءه حلو زي الديسكو بضل مسلط على اللوج والبست وبشتغل على الحان الدي جي فكرة حلوة وما بتطري حتى تحطي ورد للوج هاي فكرة الاضاءة شوفتها بالبنان ومو غالية انا امكانياتي المادية على قدي بس الصالة بتستاهل اكثر من حقها والحلو كمان فيها انه اسم فيرونا هوه اسم المدينة الي عاش فيها روميو وجوليت يعني بتقدري تستغلي الموضوع بصيغة الكرت

وفي صالات النعمان بنعمان مول كثير مرتبه وقصر اليوسفي حلو وسدين حلو بس الي بدها تعمل بفندق سدين اتجيب التصوير منها لأنو تصويرهم مو كثير

بنسبه للجهاز انا مفكرة ابلش بشهر اربعة بس البدله راح ادور من شهر ثلاث لأنو لهلأ مش عارفه اذا بدي افصل ولا اشتري من الشام ولا استأجر
بس اذا استأجرت من عمان ايمتا بتنصحوني اروح استأجر لأنو بشهر ثلاث بكير احجز وبكونو لسه كثير غالين لأنهم لبسه اولى

واذا بتعرفو محلات ورد ظريفه دلوني عليها اذا سمحتو
والله يوفقكم ويساعدنا يرب

"حبيبة زوجي"
01-31-2007, 05:21 AM
كيفكم يا فراشات الأردن
كيفك يا زارا؟
بالنسبة لقاعات النعمان لازم تروحي عشان يعطوكي اسعار .. لأنو ممكن يعملو عشاء وممكن سناك؟ بالنسبة للتكاليف ما عندي فكرة لأنو خطيبي راح لحاله لما دفع بس اظن انو راح يختلف السعر بأشهر الصيف وإذا في عشاء اكيد راح يزيد واذا في سناك كمان اكيد غير ، حتى هما ممكن يعملو بس كيك وعصير على حسب الطلب. الي عجبني في هاي القاعة انو فوق الستيج في قبة وهاي القبة بتحصر كل الصوت فيها يعني المعازيم ما بنزعجو كثير فكرة عجبتني.
القاعة الي حجزناها اظن انها بتوسع لأكثر من 200 شخص يعني القاعة واسعة. ما بعرف اذا حكتولكم عن قاعتهم الكبيرة هاي القاعة فعلاً بتجنن، بتوسع تقريباً ل 1000 شخص والحلو انو ما فيها ولا عمود وكثير مرتبة. هاي بتكون بالطابق الرابع.

كيف يا أسماء.. بدك نصيحة اخت ما تشتري بدلة استأجريها لأنو اختي لما تجوزت راحت على الشام وشرت بدلة وهيها محطوطة عندها ومش عارفة شو تسوي فيها.

الله يسهل لكل الفراشات امرهم ويتمملهم على خير يا رب.

zara1979
01-31-2007, 05:47 AM
هاي فراشات

asma taha بدي اسالك عن قاعه فندق سدين فيها عواميد لاني مابحب القاعات اللي فيها عواميد مزعجه للناس
وبالنسبه لصلالة فيرونا اول مرة بسمع عنها منك وين بالضبط في الجاردنز يمكن اروح اشوفها
بالنسبه لفستان العرس زي ما قالت (حبيبة زوجي) بنصحك تستاجريه وما تشتريه وروحي لفي بالسوق وخدي فكره مو غلط,وجهازك ابدي فيه شوي هلا بفتره التخفيضات اشتري كم قطعه بتناسبك وبتكملي تريجيا انا هيك عملت ورح تلاقي لحد موعد العرس انو لسه في اشياء ناقصه بدك تشتريها فما تاجلي لاخر شي كله مع بعض اشتري الاشياء الصغيره اللي ممكن بعدين مع كتر الشغل تنسيها ولما تتذكري شي ومابدك تشتري هلا بنصحك تسجليه على مفكره صغيره خليها معك دايما وهاي نصيحه لكل العروسات
اما الورد انا زيك حابه اعرف شو بينصحونا الفراشات الحلوين

(حبيبة زوجي) شكرا عالمعلومات والله يتمملك خير ياعسل

asma taha
02-01-2007, 06:15 AM
اختي زارا فندق سدين في اعمدة بس لوجو حلو والصالة امورة اما صالة فيرونا فهي بعد الطازج في ارض فاضيه وبعديها الكلحة هي بنفس مبنى الكلحة من ورا و اذا روحت على الطازج بتشوفيها والحلو فيها انها بتعمل خدمات اكسترا باسعار ارخص بكتير من سدين مثل البالون الي جواته الدبل والنوافير الناريه ارخص من سدين لنص تخيلي اذا حبيتي فكرة الاضاءة متلي احكيلي بس على فكرة فيرونا ديكورها عادي امور بس مو متل الفنادق بس فكرة الاضاءة جديدة وانا بحب الأفكار الي جديدة انت روحي وشوفي وما تطلعي منها الا لما يشغلك الاضاءة مع الميوزيك

اما البدلة اكيد الاجار اضمن والاجار اول شي راح ادور عليه بس اذا ما لقيت اشي زي مبدي لأنو فساتين السنه كثير نافشه وفيها ميت وردة وميت لفه انا البدله الي عجبتني حاطيتها بموضوع بدله ناعمة شو رايكم[U] ادخلي عليه وحكيلي رايك

zara1979
02-04-2007, 03:58 AM
اهلا اختي asma يسلمو عالرد ,,,,,اذا سدين فيها اعمده مابدي اشوفها لاني بصراحه اكتر شي ما بحبه في القاعات انه يكون فيها اعمده وبالنسبه لفيرونا انا كمان حبيت كتير فكره الاضاءه لانها بتلعب دور كبير في جمال العرس والجو وبتدخل في التصوير وهاي نقطه كتير مهمه بشجعك عليها
واكيد رح ادخل عالموضوع اللي حكيتي عنه
شكرا

***زهرة البنفسج***
02-04-2007, 03:58 PM
مرحبا صبايا
انا مشتركه جديده وبتمنى انضم معكم

انا اردنيه و عايشه بالسعوديه وعرسي بشهر سبعه ومش عارفه من وين اجيب بدلتي العرس ............

صحباتي بحكولي من السعوديه احلا بس غلبه كتير احملها من بلد لبلد فحابه اعرف شو المحلات اللي فيها بدل حلوه عندكم
وبالنسبه للمسكه كمان مش عارفه شو الموديل اللي اجيبه لانه كل اللي بالاردن تقريبا متشابه

asma taha
02-05-2007, 01:56 AM
اهلا يازهرة البنفسج بنسبه لبدلات العرس اول متيجي على الأردن بوشك على الصويفية فيها كثير محلات بدلات حلوة واحلاها دومتريوز الي عند السابع قبال السي تاون احلى من الفرع الي جوا الصويفية وفي كاشيه وغلوري، النفيس ،بركات ،رامز يعني ما تخلي محل بالصويفيه واظني بركات بالشميساني مو متاكده

بنسبة للمسكه اذا كنت طويله جيبي مسكه طويله او شلال اما اذا كنت متلي قصيرة جيبي مسكه مدورة او صغيره واذا ما عجبك الموديلات هون بتقدري تجيبيلهم انت الموديل الي بدك ياه واحكيلهم بدي هاد الموديل قبل بوقت عشان اذا ما عندهم الورد الي انت بدك ياه يحاولو يوفرولك ياه

والطرحه اذا كنت طويله جبيها قصيره اما اذا كنت قصيرة جبيها طويله لأنها بتعطي طول واذا كنت قصيره اعملي رفعه بشعرك وخلي عالي واذا رقبتك قصيره البسي حلق طويل ناعم لأنو بيعطي طول لرقبه وبالذات اذا عريسك طويل متل عريسي

هاي اهم نصائح تعلمتها وبهديكي ياها انت وزارا وكل عرايس الأردن

***زهرة البنفسج***
02-05-2007, 03:58 AM
شكرا حبيبتي على ردك الحلو وان شاءالله لما اجي عندكم راح اروح على المحلات اللي حكيتي عنهم واشوف مع اني ما بعرف ولا واحد فيهم بس راح اسأل بنات خالي
مع انه في بدله عنا بالسعوديه كتييييييييييييييير حلوه ماشفت متلها وحابه استأجرها بس المشكله كيف لازم ارجهعا
لاني مابقدر اشتريها
تقريبا حقها بيع 1500 دينار كتير غاليه
اما ايجار 500 دينار

asma taha
02-05-2007, 04:05 AM
ممكن تفصلي زيها هون بالأردن بس خذي موديلها ودوري على خياط شاطر اذا انا اندليت على خياط شاطر بحكيلك وسألي عن السعر لأنو كل موديل الو سعر

asma taha
02-05-2007, 04:08 AM
يعرايس يحلوين في حدا سمع عن استوديو اماسي بالجاردنز الصالة الي بدي اعمل فيها عرسي بتتعامل معا وبدي اعرف كيف شغله امانة امانة الي بتعرف عنو شي تحكيلي

zara1979
02-05-2007, 05:25 AM
هااااااااااااااااااااااااي
كيفكم اليوم؟

asma ميرسي كتييييييييير عالنصايح الحلوه حبيبتي دايما منورة هالملف بمشاركاتك
انا رديت عموضوعك بخصوص الورد والتصوير قبل ما ادخل هون وفكرتك ما حطيتي السؤال هون ..اسفه حبيبتي
وبانتظارك تشرفينا بردودك في الملف واذا عرفتي محل ورد شغله حلو احكيلنا واكيد اذا عرفت شي انا كمان بحكيلك

اخت زهرة البنفسج اهلا فيكي معنا في الملف نورتينا والاخت asma ماشاء الله عليها كفت ووفت بالاجابه عسؤالك واحكيلنا شو بيصير معك[B]

asma taha
02-05-2007, 05:55 AM
زارا انا سمعت عن فندق ارواد انه حلو ومش كثير غالي بس ما شوفتو واذا ما خاب ظني هوه قبال الريجنسي قريب من دوار الداخليه وانا حطيت سؤال هون وحطيت موضوع برا عشان تيجيني ردود اكتر وانا دايما بستنى ردك وبعرف موعدك من الوحدة لتنتين يعني وقت بريك الغدا

dodo83
02-05-2007, 09:25 AM
ازا بدكم بدلكم على خياطه ممتازه بس بدك تدفعي انا من راي انو حرام تدفعي فلوس ويضل مرمي بالخزانه بس ازا بدكم انا حاضره

وعلى العموم انت لما تروحي تشتري قماش اسالي صاحب المحل رح يعطيك اسماء خياطين

انا جربت محلين قماش بطشون و واحد نسيت اسمه بس هو بنفس شارع اللي في muda club والتنين هم اللي دلوني على الخياطين

asma taha
02-06-2007, 04:20 AM
شكرا دودو انا لسه مش عارفه شو الي بدي اسوي ولسه مادورت لفيت مع صاحبتي كان عرسها بشهر واحد ولفيت معها بشهر واحد وما لقيت شي مميز انا راح ابلش الف على بدلات بشهر تلات اذا لقيت شي اجار مميز ما راح اتردد واذا ما لقيت ماراح يكون قدامي حل غير التفصيل

dodo83
02-06-2007, 06:33 AM
بس دير بالك التفصيل باخد وقت مش زي فستان سهره عادي ولازم تحطي فتره احتياط ما حدا بعرف شو بصير

*كونتيسة*
02-06-2007, 07:15 AM
اهلا حبيباتي انا من الاردن بس مو عروس يعني تزوجت في 2004 بس ممكن افيدكم

هل ترحبون بي؟ :de11 :fhgfdhagi

zara1979
02-06-2007, 07:44 AM
هااااااااااااااااااي

كونتيسه,,,, اهلا وسهلا فيكي معنا في الملف واكيد نورتينا
ياريت لو تفيدينا وبانتظار اي نصايح او معلومات بتقديمها النا
وابدأ انا اسالك اذا ممكن:

وين عملت عرسك؟
ومن وين فستانك؟
واذا بتحكيلنا شو احسن محل تصوير واسعاره معقوله؟
والورد كمان؟؟

zara1979
02-06-2007, 07:47 AM
اسما,,, شكرا ,صح الموقع اللي حكيتيه لفندق ارواد وان شاء الله بشوفه

asma taha
02-06-2007, 09:10 AM
يعرايس الأردن عندي فكرة
انا ملاحظه انو معظمنا اعراسنا بالصيف ليش منلتقي بمكان مطعم مثلا ونجتمع كلنا بشهر سته نتعرف على بعض وكل وحدة تحكي شو عملت ولي بتكون تجوزت تيجي تحكيلنا كيف كان عرسها وهيك كل وحدة بتستفيد

ونعتبرها تجمع عرايس لوداع العزوبيه

dodo83
02-06-2007, 09:32 AM
هيك يا اسمى طيب انا لسى ما خطبت يعني ما اجي :(((

*كونتيسة*
02-07-2007, 12:48 AM
صباح الخير صبايا .. انا عملت عرسي في القناطر في اربد ..

dima
02-07-2007, 01:54 AM
سلام صبايا كيفكم انتو هون وانا بفكر اني المشتركة الوحيدة اللي من الاردن
بصراحة انا كمان معجوقه متلكم عرسي بشهر 7 ان شاءالله و هلا بلشت ادور على صالات مبارح شفت كم من صالة حلوين
بس بصراحة الاسعار مو رخيصة - مو عارفه وين اعمل عرسي بدي شي مرتب و مو غالي
عجبتني فكرة انو نلتقي مو غلط بنتعرف على بعض وبنساعد بعض كمان
بالنسبة للجهاز انا جهزت كزة شغلة (من بيبي دول وهيك اشياء) بس اشترتيهم من وحده بتجيبهم من برة كتيييير حلوين بس لما شفت السوق انصدمت اخدتهم كتير غاليين
بدي اعرف شغلة مين بتقدر تحكيلي كم الواحد يحط ميزانية للجهاز بس بصراحة لو الواحد بدو يجيب كل شي راح يدفع كتير بحدا يقلنا كم تقريبا نحدد للجهاز من المهر مشان ما نتمقلب بالاخر

asma taha
02-07-2007, 03:26 AM
حبيبي دودو انت طبعا معزومه عشان لما يجي نصيبك تستفيدي من تجاربنا
بتنورينا حبيبتي انت وكل الي مشاركين بالمنتدى المتزوجات ولي لسه ما اجى نصيبهم والعرايس
ديما شوفي صالة فيرونا ب1350 انا اخذتها وفي قصر الضيافه اول الجادنز عند بن العميد صاحبتي اخدتها ب700
اذا بدك ارخص من هيك لازم ماتركزي كثير على الديكور وحلاوة الصاله بدك تتنازلي شوي يعني ضلك نازله من الجامعه للصويلح بتلاقي كثير صالات رخيصه متل النخبه و العيون انا عملت فيها خطبتي وبنصح كل وحدة بتستأجرها تجيب مصورة من عندها لأنو شغل التصوير عندهم زباله صالات عمان
كمان على اتوستراد عمان الزرقا ممكن تلاقي صالت مليحه ومو غاليه

صحيح في صاله حلوة واظن انها 800 بصويلح صالات الرشاد ابن عمي عمل فيها عرسه وكانت مليحه وفي صالة البنفسج اظني عند دوار المدينه حلوة بس ما بعرف كيف سعرها وفي وانت رايحه من دوار المدينة للزرقا في فندق الأرز اظني سعره1000 او اقل

اذا معزيمك قلال يعني 150 شخص في فندق مرايا ورا مجدي مول جنب فندق بليميرا في صاله صغيره بس ما فوتتها يعني ما بعرف كيف شكلها او سعرها

asma taha
02-07-2007, 03:34 AM
بنسنه للجهاز كل شي غالي وعم ناكل هوا كثير نصحوني اطلع على الشام اجهز من هناك لأنو ارخص وطبعا ماراح اكثر
بس بجيب الي ناقصني انا راح احاول 500 تكفيني جهاز رغم اني اتوقع انهم ما راح يكفو بالغلا الي عم نعيش فيه يدوب يجيبو نص الأغراض بذات انو مكياجي راح اجيبو من ابو شقره لأنو بشرتي حساسه وبدي شي اصلي ولسه الذهب الي مثل النار
ما بتجيبي قطعتين ولا انت دافعه الف وانت بتضحكي من الصدمه الله يكون بعونا وعون العرسان المسكين الي ما بعرف كيف راح يدفعو كل هاي التكاليف..... ولا احكيلك شكلو انضل خاطبين احسن

dima
02-07-2007, 04:03 AM
اسماء كيفك انا شفت الصالات مبارح اوكي غاليين بس انا بدي شي مرتب ما بدي اي صالة بعدين معروف ما في اقل من 2500 لانه انا عملت خطبتي بصالة برادايس اللي بالرابية كتير مرتبة ومستحيل يكون العرس بصالة اقل
انا بدور على شي مرتب بس جد الله يعني الشباب على الدفع
صالة فيرونا وين موقعها وبتوسع كم شخص؟ انت ايمتى حجزتي فيها لانه اسعار الصيف غير اسعار الشتاء
شو في كمان تحضيرات للعرس نحكي فيها؟ الفستان مششششششششششكلة كبيييييييرة لانه انا مقاسي xs
ما راح الاقي مقاسي جاهز وبصراحه حرام افصل و لبسة وبعدين بالخزانة مو عارفه شو اعمل

dodo83
02-07-2007, 04:08 AM
يا جماعة في فندق النجوم كتير كتير حلوه قاعته ومرتب

asma taha
02-07-2007, 04:25 AM
ديما انا حجزت ب25/7 وصالة فيرونا مش غاليه لأنها مش كثير ناس بعرفوها الي زباين معينين انا بصدفه اعرفت عنها وقصتها معي انا وخطيبي نهفه
انا اخذت خطيبي عن حب خمس سنين ومرة كنت عم ببكي وزعلانه من اهلي اول مخطبنا وكان خطيبي بواسيني وكنا بمطعم الطازج فهو مش عارف شو يحكي قام حكى هاي الصالة الي قبالنا كثير حلو بدي اعملك عرس فيها وهو ما كان يعرفها ولا عومرو شافها بس بدو يواسيني بأي طريقه

لما كنا اندور على صالات مرأنا من عندها فبحكيلو مش كنت بدك تعملي بهاي الصاله يله نشوفها
وشوفناها وعجبتنا وفعلن حلوة لما تطلعن خطيبي اعترفلي بالحقيقه : )

واذا عملت خطبتك بالبردايس اكيد لازم تلاقي شي احلا انا بعرف البردايس عن جد حلوة
طب اسمعي في فندق ارواد شوفي

dima
02-07-2007, 04:38 AM
هلا خطيبي في :)
هوي ماخد اجازة وبدور انا بحكيلو اسامي قاعات وهو بروح
طيب هاي فيرونا بالجاردنز؟ قدام الطازج يعني؟

asma taha
02-07-2007, 04:49 AM
اه الصالة في الجاردنز قبال الطازج ورا الكلحة وما بعرف اذا قرأت كل الي كتبنا بالمنتدى فيرونا اسم المدينه الي عاش فيها روميو وجوليت وفيها استاند اضاءة كثير حلو خلي خطيبك يطلب يشوفو وهو شغال مع الموسيقى زي الديسكو

*كونتيسة*
02-07-2007, 06:25 AM
اهلا صبايا .. بقولوا صالة اليةسفس حلوة..
مبرووووك الكن جميعا.. 500 دينا يا دوب تكفي للجهاز..

*كونتيسة*
02-07-2007, 06:27 AM
اهلا صبايا .. بقولوا صالة اليوسفي حلوة..
مبرووووك الكن جميعا.. 500 دينار يا دوب تكفي للجهاز..

asma taha
02-07-2007, 07:38 AM
اه صالة اليوسفي حلوة بس بياخدو 2000 دينار

zara1979
02-07-2007, 11:36 AM
هاااااااااااااااااااااااي

كيفكم يا حلوووووووووووووين

ياعيني عالتفاعل كتيييير مبسوطه منكم حبيباتي الفراشات

قرأت كل الردود اللي فاتتني وخصوصا كلامكم عن اسعار الصلات لاني ما عندي ابدا فكره عنها ولسه ما بدأت رحلة البحث عن الصاله ,,,,

بنات بصراحه احلى قاعه حضرت فيها هيه جبري ,,,مدخلها مرتب والرسبشن مرتب والقاعه حلوه مثل قاعات الفنادق كتيييييييييييير حابه اعمل عرسي فيها والبوفيه العشا طيب كتير....شو رايكم؟؟؟؟

dodo83
02-08-2007, 01:35 AM
جبري احلى قاعه بصراحه بدك تيجي للحقيقه الواحد يا بعمل اشي مرتب يا انه يستفيد من فلوس حفله العرس لشهر العسل

حكيتلك في قاعه فندق النجوم انا حضرت خطبه في وكان كتير مرتب

وعلى فكره فندق الفنار كمان كتييييييييييييير حلو المدخل والقاعه ما فيها اعمده بس المشكله المصف السيارات يله الناس بدبر حالها

dima
02-08-2007, 01:36 AM
جبري كتيير حلو اخت عملت في مرتب و هو تصنيف 5 نجوم يعني ما في كلام
كونتيسة 500 دينار ما راح يكفو جهاز لانه انا مبارح كتبت شو بدي اشتري وهيك حسبتهم طلعو 1000 وانا كنت اصلا شارية ب250 انصددددددددددمت ما عجبني الموضوع بطلت اتزوج خخخخخخخخخخ
المشكلة انه الخصم هلا كله للشتوي يعني ما راح نستفيد

عاشقة سر العيون
02-08-2007, 02:06 AM
حابه احكيلكم شو عملت لحد هلا:
بالنسبه للانجري وقمصان النوم شريتهم وما كترت لانو كتير صاحباتي نصحوني ما اكتر
ملابس البيت اشتريت شورتات اتنين من جينيفر وبنطلون جينز مرتب من مانجو وبروتيلات عده الوان وبلوزات عده الوان وموديلات من عده ماركات وكنت احاول استغل فتره التخفيضات

بالنسبه لمكياج العرس انا حابه اعمل عند زبيده لاني جربتها في الخطوبه وكان شغلها روعه وبنصح كل عروس تعمل عندها
انا محتاره بخصوص التصوير , في الخطوبه جربت استديو اورال في الجبيهه حلو بس حابه اغير لاحسن منه
اما فستان العرس قالولي عن بركات في الشميساني حلو ويمكن اشوف ديمتريوس و غزل الدوليه في الصويفيه خصوصا انو فستان خطبتي من عند غزل وكتير ناس حكولي عنه حلو
الشكولاته ماقررت لسه من وين اشتريها
والورد نفس الشي مو عارفه من وين

القاعات بصراحه ما بدي فندق خمس نجوم ولا قاعه عاديه انا حضرت في جبري عرس وخطبه بنت خالي ومو حابه اكرر المكان مع انه حلو كتير
شو بتقترحوا؟؟؟
انا شفت فندق باليميرا في شارع الجامعه وفندق الضواحي في ضاحيه الرشيد ولسه بدي ادور واشوف غيرهم!!
هاي زارا مبروك مقدما بس بدي انصحك ما تعملي في اوتيل باليميرا لأنو مو حلو ابن عمي عمل فيه اضاءه كتير خافته يعني بتيني انك مطفيه لو شو ما كنتي منوره و تصوير الاوتيل نفسه بطلع الناس اشباح

asma taha
02-08-2007, 02:26 AM
يا بنات شو الأغنيه الي بدكو تفوتو عليها لأني مو عارفه شو اختار في اغنية لفيروز الف ليله زي ستايل شهرزاد وفي كل القصايد لقصي خوري الشعر الي اول الأغنيه عن الحب والعيون الحلوة شي رومنسي وطبعا طلي بالأبيض لماجدة ماعم بفكر فيها نهائيا لأنو كل العرايس بفوتو عليها وانا مبدأي خالف تعرف ما بحب اعمل شي الكل عملو

شو اقترحاتكو بالأغنيه الي بدكو تفوتو عليها؟؟

على فكرة انا قرأت فكرة من بنات السعودية انه تفوت اول بنت صغيرة لابسه عروس وتوقف على البست وبعديها بتفوت العروس

فبدي اعمل مقلب بالناس لأنه بالأردن مو متعودين على هيك شغله بس يفتح الباب بكونو يستنو العروس بس راح يشوفو بنت صغيرة بطرحه كبيره بدل العروس وبس توصل للبست تنطفي الموسيقى والضواو دقيقه وبعديها برجع كل شي بشتغل وبتفوت العروس والعريس

لهلأ هاد المقلب الي خطر ببالي اذا عندكم افكار لمقالب اعملها بالمعزيم احكولي عشان انا شريرة كثير

عاشقة سر العيون
02-08-2007, 03:35 AM
انا حابه احكيلكم عن شغله بمكن تستفبدو منها طبعا انا مو متزوجه و ادعولي . في شي اسمه حمام تركي بجنن

( جاكوزي بعدين ستيمبعدين تكييس بشلولك كل الخلايا الميته بعدين تقشيربعدين ساونا ) حتؤولي وين في

شارع الجامعه طلوع نفين سكن الثقه للطالبات اسم النادي سبير ليدي وفيكي تعملي بدكير و مناكير روحو وما

تترددو بس انتو بتحكو عن البدلات و عن الصاله طيب ما بتحكو عن العناية بالجسم و البشره التفاصيل نتشارك


نعمل برنامج تمشي عليه العروس من اكل من عناية في كل شي :frut5ragi ادعولي الله يزقني في ابن الحلال

asma taha
02-08-2007, 03:47 AM
الله يرزقك ابن حلال ويوفقك معو ونساعدك متل مبتساعدينا انا طبعا فكرة بالحمام التركي اما الوجه مش قبل مارجع للدكتورة واخصائية التجميل تبعتي لأنو ما في نوع تحسس الاجربتو فبخاف يصير معي تحسسات

لميس العزة
02-08-2007, 03:54 AM
انا عروس من الاردن وان شاء الله فرحي في شهر 7
وانا ما رح اشتري جهاز لان خواتي في السعودية رح يجيبولي جهازي كله هدية منهم
وانا بعرف ذوقهم بجنن كتير عشان هيك ما رح اشتري الا قميص النوم الابيض وفستان الصباحية

asma taha
02-08-2007, 04:18 AM
نيالك ماشاء الله لاقوة الا بالله
الله يخليلك ياهم ويسعدك انا كمان عرسي بشهر سبعه

لميس العزة
02-08-2007, 04:31 AM
الله يخليك يا اسما ويسعدك
والف الف مبروك

*كونتيسة*
02-08-2007, 05:21 AM
اهلا صبايا كيفكم اليوم اشتقتولي؟؟؟؟
عرفونا على حالكم اكثر طالبات ولا بتشتغلوا ؟وين ساكنين. اعماركم

asma taha
02-08-2007, 05:54 AM
طبعا اشتقنالك اختي كونتيسه
انا بنسبه الي انا بشتغل مصممة جرافيك وعمري 21 واسمي أسماء وخريجت كلية الأنلس تصميم جرافيكي طولي 150 وزني 53 خطيبي عمره 27 ومصمم مواقع انترنت ايش كمان حابه تعرفي؟ وانت ماحكتيلنا عنك؟

abooraaaa
02-08-2007, 06:33 AM
مرحبا صبايا كيفكم و الف مبروك وعقبال عند الكل
وانا كثير مبسوطة من التفاعل بالموضوع وحابة اطرح موضوع بطاقات الدعوة شو الموضة ووين ممكن
محل عنده افكار حلوة و غريبة والي عندها فكرة عن الاسعار يا ريت تفيدنا

asma taha
02-08-2007, 06:41 AM
اهلن عبورة في محل حلو في الجادنز اسمو طارق بن زياد قبال مطعم جبري بطاقاته حلوة واسعاره حسب البطاقه يعني في بطاقات حلوة الواحد ب75 قرش وفي اغلى بكون اتقل طبعا وفي ارخص حسب الكرت الي بتختاري

zara1979
02-09-2007, 04:15 PM
اهلا وسهلا فيكي اخت (عاشقة سر العيون) انا شفت صالة باليميرا وما عجبني بعض تفاصيل كتيرة وسالتهم مع اي استديو بيتعاملوا بس نسيت اسمه وسالتهم اذا ممكن اجيب انا تصوير متل مابدي ما عندهم مانع,,شكرا لنصيحتك ما اظن اعمل فيها وبشكر مرورك وبانتظار مشاركاتك

شكرا يا صبايا يا حلوين عتفاعلكم والمعلومات اللي قدمتوها

مهندسه ميكانيك
02-09-2007, 05:31 PM
اختي انا من الاردن و ممكن اساعدك طبعا لافه عمان شبر شبر و بعرف اشيا بتخوف شوفي بدك بدلات عرس تركيه بتجنن حتستغربي في سوق اسمه الوحدات فيه محل معروف اسمه ابو دقه عنده اشيا جنان انا بصراحه ما اخدت من عنده بس لما شفت اللي عنده انصعقت واندمت دلتني عليه رفيئه الي.و ازا مابدك فيه صالون بالصويفيه اسمه حرملك بيجنن طبعا لازم تروحي أبل فتره طويله من عرسك لانهم بيجيبو البدل من بره بس انتي بتوصي عليها من الكتالوج. بالنسبه للمصور فيه واحد اسمه بلاك اند وايت بالغاردنز هادا جنان صوره و ازا بتحبي ممكن اعطيكي رقمه.بالنسبه للفندق ازا كانو مصرياتك مناح اكيد الفور سيزون. هلا الصالون فيه محل اسمه اليغنس اند كاريزما بصويفيه في منطقه النفيس هدا كتير حلو و مجرب و متل ما سبء و أولتو انه زبيده كل عرايسها شبه بعض.ممكن تعملي عند مروان خير الميك اب و الشعر عنده بس كايد يعمله و انشالله كنت افدتك.

مهندسه ميكانيك
02-09-2007, 05:40 PM
صبايا انا حابه اطلب طلب انه ياريت نبقى كلنا بهالسيكشن لانه كتير حلو انه نلائي بعض و نحنا من بلد وحده و ممكن نساعد بعض و حابه اتعرف عليكن كلكن و اي استفسار انا جاهزه على فكره عندي 21 سنه خريجه انشالله من الهاشميهههههههههههههههههههههه بئى كلكن بدي اعرفكن لنصير رفئات

dima
02-10-2007, 04:26 AM
انا عرسي بشهر 7 بس حابه اخد فكرة عن محلات الفساتين لاني ضعيفة و ما رح الاقي فستان بسرعة بدي اخد فكرة مشن ازا ما لقيت الحق افصل تفصيل
شو بتعرفي محلات فساتين اعراس

dodo83
02-10-2007, 09:47 AM
ازا كنت ضعيفه مو مشكله انا اختي بتلبس xs وما عندها صدر ولقت عند النفيس

ماتخافي بزغروا الفستان على قياسك

zara1979
02-10-2007, 10:38 AM
هااااااااااااااااااي صبايا

اخت (مهندسة ميكانيك) اهلا وسهلا فيكي معنا في الملف , محل فساتين العرس اللي حكيتي عنه كيف اسعاره؟ مع اني مابعرف سوق الوحدات . بطاقات الدعوة شو بتعرفي محلات منيحه ؟ وكمان بالنسبه لمحلات الورد؟
احكيلنا وين حضرت اعراس يعني شو شفتي اماكن مرتبه غير فنادق 5 نجوم لانو مش الكل مقدرته يعمل فيهم؟؟

zara1979
02-10-2007, 10:42 AM
صبايا بدي اسألكم حدا فيكم راحت شافت فساتين محل ( غزل الدوليه) بالصويفيه؟؟؟انا اخدت فستان خطبتي من عندها وكان كتير ناعم وحلو والكل سألني عنه ولاني بصراحه لقيت مقاسي عندهم انا اكتافي صغيره ونحيفه بس ما شفت لسه فساتين العرس عندهم.

مهندسه ميكانيك
02-10-2007, 11:57 AM
اهلا يا حلوين اسعاره كتير رخيصه و ازا بدك ايجار فيه .هلا بطاقات دعوه ما بعرف والله و حضرت حفلات بكل فنادق عمان و صالاتها في قاعات نعمان كتير حلوه مافيها اعمده و كانك بفندء و فيه الفنار كتير ناعم بس اوعي تئربي على القدس او ارواد او دانا بلازا لانهم غلط بي غلط و مو حلوو في الهوليدي ان اسعاره منيحه يعني تقريبا 16 على الشخص لكن فيكي تكوني شاطره انتي و خطيبك و فاصلو انا كنت رح اعمل بالفنار كانو طالبين 10 على الشخص اسمعي فيه فيرونا كمان كتير حلوه و ناعمه. بس محل للورد اي في الرابيه مو متزكره اسمه بس كلهن مناح و بيعملو الشي اللي بدك ياه كتير حلو و عندي اقتراح للمسكه الموضه هلا الورد الاحمر مع عروء القمح الاصفر اكيد عرفتيه والله جنان وأد ما كنتي جريئه باختيارك كان عرسك وااااااااااااو.بس لبطاقات الحفلات بدك شي حلو رح بسالك و ما بطول عليكي موفئه حبيبتي

و بالنسبه للبطه الضعيفه كتير وا في شي اسمه ضعيف هلا ممكن تلبسي اي شي و بعملو على أياسك و عشان الصدر فيه كبس سيليكون هلا يعني ما في مشكله انشالله

zara1979
02-10-2007, 12:17 PM
اخت (مهندسه ميكانيك)وين حجزتي او عملتي ما بعرف حضرتك متزوجه ولا لسه عروس ؟؟
غريب انا سمعت انو دانا و ارواد والقدس حلوين انا ماحضرت فيهم بس سمعت من ناس معقوووول؟؟؟؟
طيب حضرتي في سدين او فندق الضواحي؟؟انا شفت قاعة فندق الضواحي في الرشيد مش بطاله ما فيها اعمده وواسعه وجاي اللوج بالصدر لانو القاعه مربعه تماما يعني الكل بشوف
الهوليداي ان بصراحه بحسه نصاب لانو بعد الحفله بيطلعولك اسباب عشان يدفعوكي كمان زياده هيك صار مع اقارب الي عملوا فيها مع انه والله ما في شي زياده

مهندسه ميكانيك
02-10-2007, 12:26 PM
هلا ازا اجى ناس اكتر من عدد الكراسي اكيد حيدفعوكي بس ازا التزمو بعدد الافراد اللي البطاقات فما في مشاكل و بعدين انتي حطي الشروط اللي بدك ياها يعني انا مثلا الفنار كانو حياخدو منا 3000 دينار مع انه البوفيه ملوكي و الديجيه عليهم والياره عليهم و المصور انا كنت بدي جيبه مع انه كمان عليهم بس انا لاني بحب بلاك اند وايت كتير شغله بخليكي متل النجوم.انا كنت خاطبه بس للاسف ما كملت بس تئريبا كنت مخلصه كل شي.و صدقيني ازا فندق الضواحي حلو اتوكلي على الله بس والله دانه مو حلى لانه جاي حرف ال يعني اللي أاعدين بجهه ما بيشوفي الجهه التانيه يعني معاناه بس الفنار جد حلو حتى المدير تبعو لبناني رح يفهم عليكي و يعملك اشياء واو من الزفه وطريقه تقديم كيك شو والسلو وعندهن افكار حلوه بوريكي ياهن لمل تزوريه و كمان شدو عليه بالاسعار ما تستحو

zara1979
02-10-2007, 12:49 PM
يسلمو عالمعلومات والله يرزقك الزوج اللي يستاهلك الله يوفقك

مهندسه ميكانيك
02-10-2007, 12:54 PM
شكرا و ازا بدك اي شيء نحنا خوات اطلبي و تمني يا عروستنا الحلوه

dima
02-11-2007, 01:16 AM
سلام صبايا كيفكم اول شي شكرا اخت (مهندسة ميكانيك) والله يرزقك ابن الحلال اللي يستاهلك
تاني شي انا كنت مبارح رايحة احجز بفندق ارواد ووصلت مع الزفة كان في عرس لانه طبعا الزفة مو حلوة كانت بالمرة هيي كانت فلسطينية بس ما كانت حلوة - وطلعت اتفرج على الصالة كانت حلوة و مرتبة لانهم عاملين صيانه الها قاعة جديدة وكل شي فيها حلو - بس المشكلة لما قعدنا مع مدير الحفلات انه حكينالو ما بدنا يكون التصوير و الزفه وهاي الاشيا من عنده لانهم بصراحة مو حلوين حكالنا ما بصير لازم من عنا وكنا بدنا نويد اشيا انا وخطيبي مشان ما يطلع العرس كلاسيك متل اي عرس بدنا شي غريب حكالنا عندي وعندي واللي بدكم اياه و احكيلكم مو مش عارف الله من حاطه
المهم حلقنالو - ورحنا فندق ارينا سبيس بالجاردنز قاعته حلوة حتى المسؤول فهمان وان شاءالله رح نحجز في

asma taha
02-11-2007, 02:05 AM
اهلا وسهلا اخت مهندسة ميكانيك وانشا الله نفرح فيكي مع الي بستاهلك وانا بدي اسألك بتعرفي شي عن مركز اماسي للتصوير بالجاردنز كيف شغلهم
انا الجمعة رحت على الصالة الي حجزة فيها فيرونا وحضرة خطبه بعد مستأذنت من صاحب الصاله وكانو حاطين لوج كثييييييييير حلو وكل شي تمام ما عدا الكيك ما عجبني طعمو والبروجكت تبعتو كانت بتهز فبدي اتأكد من البروجكت ولا من التصوير وشكلو تبع الورد شغلو حلو اسمو يونيفرسال بالجبيه لأنو كمان عامل مسكه حلوة للعروس

والجمعة الجاي بدي احضر عرس مو خطبه وتحججت اني بدي اشوف الاضاءة مع الأبيض والطرحه بس انا بدي اروح اشوف خدمات العرس لأنه بهتمه فيها اكثر من الخطبه

اختي ديما انا فرحانه انو لقيتي شي عجبك ويارب تتوفقي انا لفيت لفيت وما رتحت الا لفيرونا ورجعتلها ونشا الله الباقيين الله يريح بالهم

وزارا فيرونا فيها اعمدة بس كبيرة انا بنسبه الي ماعندي مشكلة بالأعمدة اذا الصالة كبيرة لأنو بكل الأحوال الناس بوقفو حولين العرسان وما بخلو الناس القاعدين يشوفو فبصيرو يتفرجو من الشاشات يعني اذا مافي بالصالة اعمدة فشو بدك تسوي بالأعمدة البشريه الي بوقفو حوليكي

لميس العزة
02-11-2007, 02:22 AM
والله صالة جراند في جبل الحسين حلوة كتير وبتعمل العراضة السورية ودخلة العرسان في عربة حلوة
بس انا ما بدي اعمل فيها لانها بنت عمي عملت فيها وما بدي اكرر نفس الصالة

asma taha
02-11-2007, 02:46 AM
مهندسة ميكانيك وين موقع صالون حرمكلك بالصويفية ووين موقع استوديو وايت اند بلاك واذا بتعرفي شي عن مركز اماسي بالجاردنز امانه تحكيلي وتريحي بالي

***زهرة البنفسج***
02-11-2007, 04:51 AM
مرحبا صبايا كيفكم
انا عمري 21 سنه بشتغل بالتجميل وعرسي بشهر 7
ومش عارفه اي صالون احجز ومن وين الفستان
على فكره انا من اربد وياليت تحكولي على الصوالين اللي بإربد
انا عملت مكياجي بصالون روزيت بس حابه اغير لانه ماعجبني وحكولي صاحباتي عن صالون ميران بس حابه اعرف مين جربته

بصراحه بنات احلى منتدى دخلته وحاسه فيه ترابط كبير

***زهرة البنفسج***
02-11-2007, 05:08 AM
في خلطات طبيعيه تعمليها بالبيت لتفتيح الجسم
متل الطحينيه تدهني الجسم فيها ولما تنشف افركي جسمك بالليمون بعدين اغسلي جسمك بالماء الدافيء

وادعولي

asma taha
02-11-2007, 05:38 AM
اهلن يازهرت البنفسج انا من عمان وما بعرف شي عن اربد بس اذا بدك انا حجزة عند مس ايمان بتجيكي على البيت بس ما بعرف اذا بتجيكي على اربد شغلها كتير حلو وناعم وبتحب الروقان كتير وما بتحب تشتغل بالجو المعجوء انا اخدت مني 180 على الليلتين الوداع والعرس وشعر المرافقة ليوم واحد بدون مكياج انا راح اروح عندها على البيت عشان تكون رايقه كثير وتتفنن بمكياجي وشعري اذا بدك رقم تلفونها بعطيكي ياه على الخاص وحكيلها انك من طرف اسماء طه عشان تتوصى فيكي

أم الــخــيــر
02-11-2007, 12:36 PM
السلام عليكم

مرحبا يا بنات الاردن
اسفه اني دخلت وراح اغير موضوعكم
بس اتوقع هذا تجمع لكل بنات الاردن صح مو بس العرايس
واقدر استفسر على اي شي ابغيه او لا؟؟؟؟

بس بصراحه مطره اسال
بنوتات انا ناويه ادرس بالاردن
بس والله مو عارفه شي عن الدراسه هناك ولا الجامعات ولاعن تكلفه الدراسه ولا عن اذا في سكن خاص للطالبات ولا شي ولاشييييييي

ودخلت استعين فيكم وادري ماراح تخيبون املي
عندي اسال واجد واجد
بس ابي اسال بالبدايه شنو افضل الجامعات في الاردن؟؟

لي رجعه بعد ماتجابون على سؤالي

مشكورات مقدما
موفقات

مهندسه ميكانيك
02-11-2007, 02:02 PM
اهلا يا كل الحلوين منورين ديما حبيبتي الف مبروك تتهننننننننننننننننننني هلا بدك زفه حلوه حتى لو من عند الفندق جربي المصريه بتجنن ويا احلى اسما بالكون محل حرملك بنفس منطقه النفيس و اليغنس بس كلها محلات في نفس النطقه و قريب من شهريار بس مو متزكره بالضبط كيف اوصفه لاني لما لفيت ما كنت اطلع على اللي جنبه اللا الي كان يعجبني اتزكر اسمه و بلاك اند وايت موجود بالغاردنز وازا بتحبي ممكن اجيبلك رقم تليفونو بس شوي بياخد غالي على حفلات الاعراس.و عفكره فيرونا كتير حلوه مدخلها حلو والاهم من الاضاءه اتاكدي من التصوير لانه انا بعرف انه الصالات ما بتقبل انك تجيبي حدا من برا. بس كمان جربي الزفه السوريه و اطلبي منهم بما انك دافعه دافعه خدمات فندقيه بدون ما يضحكوا عليكي و يزيدو السعر احكيلهم انه هي هديه العرس. انا نشفت ريئو لا تبع الفندء أد ما خليت كتير اشيا على حسابه واختارو انتو الاغاني احلا من هنه ما يحطولكن شي مو حلو وازا بدكن زياده قولولي عندي افكار بتخوف.
ويا ام الخير نحنا عنا بالارن جامعات بتناسب كل المستويات وكل الميزانيات و سكن الطالبات في كل مكان ازا حبيتي جامعات حكومه خبريني وممكن اساعدك بكل التفاصيل.
واسما بالنسبه للي أؤلتي عنه مركز اماسي انا بسمع فيه بس والله ما بقدر اخدمك وبالنسبه ليونيفرسال اه جد حلو و زارا شو صار معك؟

مهندسه ميكانيك
02-11-2007, 02:13 PM
اه على فكره بالنسبه للكيك صدئوني بطل موديل الالف طابئ اللي بيعملو بالقاعات في محل اسمه ديفان بالحسين اطيب كيك دؤتو بحياتي بيعمل كيكات عرس واو كانك بتاكي بوزه مو كيك وهلا كتير طالع موديل الكيك الاربع طبئات بس يكون ناعم او فخم ما بتشوفو الحفلات الامريكيه و بيكون اللعبه المحطوطه عليه مو شرط عروس وعريس وائفين في بيكون العريس بيهرب والعروس ماسكته انا وصيت اعمل اشياء كتير جريئه. كل ما كان العرس جريء كل ما كان احلى طلبت يرمولي على الباث اللي كنت رح امشي عليه ورد احمر ناشف يكون كتير مغطي الارض ممكن تطلبوه من اي محل ورد وبيكون رخيص يمكن الكيس الكبير حئو دينار او اتنين مو اكتر.او فيكي اللوج يكون ورده أليل بس كله شمع.واااااااااااااو

أم الــخــيــر
02-11-2007, 03:26 PM
بغيت اعرف عن افضل الجامعات
يعني الشهاده جدا قويه

حكوميه بتقبل غير اردنين عندكم؟؟

واذا جامعه خاصه كم الاسعار عندكم؟

موفقه

مهندسه ميكانيك
02-11-2007, 03:32 PM
الحمد لله اسالي مين ما بدك احنا عنا بالاردن اقى الجامعات بالوطن العربي حسب التصنيف البريطاني بكل المجالات و نحنا نعتبر من اقل الدول العربيه نسبه من الشباب الغير متعلم .هلا الاسعار حسب التخصص اللي بدك اياه احكيلي التخصص وانا بقلك.

asma taha
02-12-2007, 02:03 AM
اهلا يا ام الخير بتشرفينا بالأردن احسن جامعه عنا هيه الجامعه الأردنية بس اذا بدك نساعدك اكثر احكيلنا ايش بدك تدرسي

مهندسة ميكانيك كثير حلوة الأفكار الي حكتيها فكرة الكيك عجبتني بجوز هيك اعمل بس فكرة الورد الناشف كثير رومنسيه بس مو عملية يعني ما بتنفع الا اذا كانت العروس راح تدخل من باب مستقل عن المعازيم لأنو المعازيم رايحين وجاين وصغار راح يتفعفلو بالوردات وينطحنو بالأرض حتى قبل متيجي العروس هاد اذا ما وقهت العروس وزحلقه بالذات اذ متلي هتلبس كعب 20 سم فمش على كل مكان بتزبط هاي الفكرة اما فكرة الكيك انا راح ازين كيكتي بالورد الطبيعي نفس ورد المسكة وبدي تكون مربعه مو دائرية وانا كمان ما بحب التسع طبقات لأني راح ابين كتير قصيرة جنبهم وانا اصلن قصيرة

"حبيبة زوجي"
02-12-2007, 02:14 AM
كيفكم يا فراشات
بدي تعطوني اقتراحات
بدي اعمل فيديو كليب لصوري انا وخطيبي قبل ما افوت وبدي اغنية حلوة احطها (بدي شي جديد) غير اغنية اليسا في اول الحكايات لأنو كثير عم يحطوها.
ثاني شي في موسيقى كثير حلوة هي بس موسيقى لدخلة العرسان (بحطو الموسيقى باعلانات مكيفات ) عرفتوها بكون الي قاعد على الكنباي كأنو طاير وكل شي طاير من حوليه
الي بتقدر تعرفلي ايش هي الموسيقى بتكون عملت معي معروف.
ويعطيكو الف عافية حبيباتي

asma taha
02-12-2007, 02:21 AM
صحيح كهندسة مكانيك انا مرة رحت على الوحدات وفعلا احلى شي ابو دقه وبركات قمصان النوم عندهم بتاخد العقل ونظيفه بس الكل بنصحني اروح على الشام لأنو ارخص لأنو كل بالوحدات اسعارهم قميص النوم القصير 12-15 الطويل 25-50 وبركات
بضاعته شكلها نضيفه وتركيه انتي شو رايك

وعلى فكره عندهم بالوحدات بشارع الوكاله محلات بدلات عرايس مش بطاله بس 35 دينار مع الجفون والكفات والتاج تخيلو بس مو متل بدلات الصويفية يعني بس مش بطاله يعني بالصويفية اذا بتلاقي زي بدلاتهم بيعطوكي ياها 200 وعندهم الأواعي والكنادر حلوة وارخص من الحسين ومجدي مول وغيرو ....

وفي كمان سمعت انو في بدلات حلوة ورخيصه بحي نزال بس برضو مو متل بدلات الصويفية يعني الا بدها بدلات مرتبه وما بتفرق معها السعر تنزل على الصويفية اما الي امكانياتها ما بتسمح ببدلة غالية تنزل على الوحدات وحي نزال اغلى بدله عندهم 180-200 الله يوفقنا تنلاقي بدلات زي مبدنا لأنو انا كثير عاكله هم البدله مو فارق معي الجهاز قد مفارقه معي البدله الله يعيني
وانت متلي او لأ؟؟؟؟

dodo83
02-12-2007, 04:04 AM
[QUOTE=asma taha] اسعارهم قميص النوم القصير 12-15 الطويل 25-50 وبركات
بضاعته شكلها نضيفه وتركيه انتي شو رايك



وال على شو هي وكلات بالحسين احلى قميص نوم 10 وممكن تلاقي حتى 5

وعلى فكره اللي بحكيلك الشام ارخص بضحك عليك انا نازله على الشام كتير ونفس الاسعار بزبط والبضاعه السوريه المرتبه بصدروها يعني عندهم مافي اشي محرز كتير وخصوصا انك غريبه بضحكوا عليك وحتى لو فاصلتي ( يعني زي معلمة مفاصله) ما بتطلعي بنتيجه

اما ازا بدك تتدفعي هيك اسعار لا روحي جيبي اشي ماركه احسنلك

asma taha
02-12-2007, 05:18 AM
دودو هاي السنه متل النار والقمصان الي عم بحكي عنها كثير حلوة يعني مو عادية الأسعار خلال سنه غلية الضعف انت متخيله
اه في قمصان نوم بخمسه بس موديلات ما بتفش القلب وفي بالوحدات اشياء رخيصه بخمسه وبسبعه بس مو متل الي حكيت عنهم كل شي حقه فيه انا ما راح اقدر اجيب كله غالي راح اجيب هيك وهيك

asma taha
02-12-2007, 05:20 AM
حبيبت زوجي حلوة فكرة الفيديو كليب بس ما بعرف شو الموسيقى تبعت الدعاية انشا الله الي بعرف يساعدك

zara1979
02-12-2007, 09:19 AM
هاي صبايا كيفكم؟؟؟؟

مهندسه ميكانيك كيفك؟؟ انا هلا معجوئه بالبيت والاثاث لسه ما لفيت عالفنادق والقاعات ,,ولا حتى الفساتين ,,
على فكره انا جربت كيك ديفان بالحسين اكتر من مره كتير طيب ابو الشب اللي كان يشتغل في الكيك بيشتغل معنا في امانة عمان وهو كان يوصيه علي وعلى طلبات الدائرة ,, وكتييييييييير طيب


بدي اسالكم بنات مين شافت غزل الدوليه بالصويفيه؟؟؟

dima بدي اسالك كيف اسعار الارينا سبيس انا سمعت انو حلو ومرتب بس قاعته تحت الارض صح؟؟؟؟

كيفك اسما ؟؟شو صار معك بالنسبه للفستان قررتي ؟؟

zara1979
02-12-2007, 09:23 AM
ام الخير كيفك؟

في عنا جامعة َال البيت في محافظة المفرق جامعه ممتازه انا درست فيها هي جامعه حكوميه وفي طلاب من جنسيات مختلفه وحتى من دول الخليج وخاصه من سلطنه عمان انا كنت اعرف زميلات عمانيات جامعه قويه والرسوم واسعار التخصصات مختلفه شو التخصص اللي بدك تدرسيه؟؟

أم الــخــيــر
02-12-2007, 02:03 PM
مشكورات بنوتات الاردن

حبيت اسال عن كليتين
كليه البزنز<<هل كل الجامعات تدرس بالانجلش؟؟
وكم الاسعار؟؟ مومشكله بالاردني وانا بنفسي بحول الاسعار اوكي
وكم النسبه اللي يقبلونها؟؟

وعن كليه التربيه البدنيه(الرياضيه)
عن الاسعار؟؟
والنسبه؟؟
والمواد؟؟يعني هل فيها مواد علميه مثل الكيمياء والاحياء وغيرها؟؟ولا كلها مواد تخص التخصص؟؟
وهل يدرس بالانجلش ولا بالعربي؟؟


وحبيت اسال عن السكن؟؟
سكن طالبات لحاله؟؟
ولا شقق نستاجر؟؟
والاسعار؟

ومشكورات تعبتكم

dodo83
02-13-2007, 01:13 AM
اسما عن تجربه اختي جهزت كل جهازها ماركات شو بخطر على بالك جابت من انتيمو ،لاسينزا، ومن سيكرت، حتى فكتوريا سيكرت وصت من بره وجابولها ،كوباناناز

بس قميص اول يوم جابته من الحسين لانها ما لقت اللي بدها اياه ما كانت بدها ابيض جابته ليموني فاتح كتير حلو وكان حقه 12 عن جد اشي بجنن

وعندي صاحبه تجوزت جهزت من مرج الحمام بصراحه ما رضيت تدلني بس الاسعار اشي مش طبيعي ببلاششششششششش واشياء بتجنن عملت 3 شنط !!!!!

بس النصيحة الاهم انك ما تكتري قمصان نوم خليه بجامات تكون شورتات وفي بتيجي تنانير كتير احلى اختي كل اللي عندها رح تعطيني اياه بس اتجوز :))))))))

asma taha
02-13-2007, 01:45 AM
مرحبا بنات كيفك زارا انا لسه ما قررت بدي الف بشهر ثلاث لأنو كمان هلأ مبلوشه بعملية الليزيك لعيوني يوم السبت بدي افحص وحدد موعد للعمليه

دودو شكرا على المعلومات بس ياريت ادليني على هاي الأماكن الي بتحكي عنها وكتير مليح انه اختك راح نعطيكي جهازها لأنها راح تريحيك كثيييييييييييييييير

dodo83
02-13-2007, 01:52 AM
شرته من مجمع جاليريا في محل على اليمين اول ما تدخلي وفي واحد على الشمال هي شرت من اللي على الشمال القميص واللي على اليمين كمان عنده شغلات كتير حلوه

*كونتيسة*
02-13-2007, 03:48 AM
مرحبا صبايا كيفكم
انا عمري 21 سنه بشتغل بالتجميل وعرسي بشهر 7
ومش عارفه اي صالون احجز ومن وين الفستان
على فكره انا من اربد وياليت تحكولي على الصوالين اللي بإربد
انا عملت مكياجي بصالون روزيت بس حابه اغير لانه ماعجبني وحكولي صاحباتي عن صالون ميران بس حابه اعرف مين جربته

بصراحه بنات احلى منتدى دخلته وحاسه فيه ترابط كبير
اهلا احني زهرة البنفسج.. انصحك بصالون نادية افضل شي.. انا عملت في ميران بس التسريحة عند عماد والمكياج عند وحدة نسيت اسمها بس مو بزيادة نادية احسن والعرس في القناطر ولا في الاحلام\...وين عرسك؟؟؟

angel girl 2006
02-13-2007, 04:03 AM
هااااااااااااااي انا من الاردن وخاطبة ورح اتجوز ان شاء الله بالصيف يني شهر 6 او 7 ولهلا لسا ما جهزت ولا شي وحابة بدلة عرسي تكون من الاخر والكل يحكي عنها




Angel Girl

***زهرة البنفسج***
02-13-2007, 04:04 AM
أهلين كونتيسه
بالنسبه لناديه بنت خالي عملت عندها وشفت مكياجها مو كتير انا ما بتهمني التسريحه
اكتر شي بيهمني المكياج لانه هو اللي ببين ملامح الوجه وحابه يكون مكياجي شوي مميز وما بدي اياه ناعم حابه يكون شوي ضخم
لاني حابه ادخل الشدو الاسود ومش اي وحده بتعرف دخله مع رسمه العين
وشكرا على ردك

*كونتيسة*
02-13-2007, 04:20 AM
والله زهرة البنفسج ميران مكياجها مو زيادة حتى خليتها تعيده مرتين..روحي تمكيجي بعمان.. وين رح تعملي عرسك ؟؟؟؟

***زهرة البنفسج***
02-13-2007, 04:50 AM
راح اعمل عرسي بحياة اربد
ان شالله لما اروح للاردن راح اروح على ناديه واشوف عرايس عندها قبل ما احجز
والله يوفق الجميع
وبالنسبه لعمان انا كنت مفكره فيها بس بصراحه غلبه

asma taha
02-13-2007, 05:12 AM
مرحبا بنات بالأول بدي ارحب بangel girl اقرأ المنتدى من اوله في اكثير شغلات راح تفيدك
وعندي الكو خبر حلو في مصنع سوري اسمو مصنع المودة للملابس الداخلية النسائيه راسلتو بالاميل مرة عشان اعرف مكانه بالشام المهم اليوم بعتولي دعوة على الايميل اروح على ارض المعارض على طريق المطار عاملين معرض هناك

شركة المودة –برلنت

ألبسة داخلية نسائية –لانجري-



تتشرف شركة المودة برلنت أن تدعوكم لحضور-معرضها الصيفي



على أرض المعارض طريق المطار


في فترة مابين /28 /2/ولغاية /4/3/2007/


الإفتتاح الرسمي /الأربعاءالساعة /السادسه



مواعيد الزياره

الأربعاء من/6/الى/10/ مساء



الخميس/ الجمعة/ السبت/ الأحد



من الساعة/ 11/الى الساعة /22

انا حابه اروح اتفرج مين حابه تيجي عشان نلتقي هناك اذا شاء الله

dima
02-13-2007, 05:18 AM
سلام صبايا كيفكم بالنسبة للارينا سبيس كتير حلوة القاعة هيي بتنزليلها طابق بس بصراحة انا كنت هيك بدي لانه اسهل وانا لابسه فستان عرس انزل درج من اني اطلعه وانا تاجرت بس القاعه من عنده واتفقت مع منظمي الحفلات على تنظيمها من تصوير و DJ يعني كان السعر بس شامل القاعه و كيك وعصير والباقي انا رح اجيبه

و البنسبة للفيديو كليب جمعوا صوركم من وانتو صغار و التخريج و هيك اشياء بس الاغاني بكير عليها لا تحددي من هلا لانه راح ينزل اغاني جديده من هون للصيف، ازا عرسك بالصيف طبعا.

شو كمان في ممممم اه بدلة العرس هاي مشكلة بالنسبة الي لاني انا محجبة وعرسي مختلط ومو عارفه شو راح اعمل فستاني ومقاسي صغير يعني قصة كبيرة
والتجهيز انا ما تغلبت في اشتريت من وحده بتجيب بضاعه من برة طبعا اخدته غالي عن السوق بس ماركات كلها (امريكا، بريطانيا_ في سوري كمان) اه بالنسبة للي بدها تجهز من سوريا تنسى الموضوع انا كنت بسوريا بشهر 1 طبعا اسعار نااااااار اكتر من هون وفعلا متل ما قالت انو السوري النظيف بصدروا يعني السوري اللي هون احلى من اللي هناك و هناك اغلى
وهينا على اتصال

*كونتيسة*
02-13-2007, 06:13 AM
راح اعمل عرسي بحياة اربد
ان شالله لما اروح للاردن راح اروح على ناديه واشوف عرايس عندها قبل ما احجز
والله يوفق الجميع
وبالنسبه لعمان انا كنت مفكره فيها بس بصراحه غلبه
ان شاء الله الف مبرووووك... شفتيها حياة اربد؟ حضرتي اعراس فيها؟

asma taha
02-13-2007, 06:18 AM
انا كمان كتير عاكله هم البدله ومو عاكله هم الجهاز بالمرة رغم انو كتير غالي بس بيومين تلات بتقدري تجهزي كل شي
انا شغلي قريب من مجدي مول في محلات جهاز عرايس حلوة بس ارخص شي ممكن تلاقي عندهم 15 دينار ولسه بتحكيلي يادودو انو في رخيص بعد استثمارات العراقين بالبلد الأسعار زادة النص خلال سنه

dodo83
02-13-2007, 07:40 AM
بتعرفي اليوم سمعت شغله وياريت تجربيها انت وكل العرايس لو كل وحده طلعت زكاه من المهر تاعها ربنا رح بارك فيه (ما نقص مال من صدقه) توكلي على الله

وبعدين حرام عليك شو خص العراقيين بقمصان النوم!!!!!

asma taha
02-13-2007, 07:56 AM
ايش مالك دودو كل شي غلي الأكل الأواعي التعليم وكل شي حتى الورد غلي ايش بدك اكثر من هيك على العموم اختي بتحكيلي في بمخيم البقعه اذا بتعرفو في قمصان نوم بسبعه وبسته بس لسه ما شفت شو همه وانا ساكنه بعين الباشا يعني قريب من مخيم البقعه وبعرف السوق تبعو مليح بس ما حتجت اسأل عن قمصان نوم قبل هالمرة

ودودو فكرة الزكاة عن جد رائعه وانا خلص نويت ازكي عن مهري عشان رب العالمين يباركلي فيه اذا شاء الله

asma taha
02-13-2007, 08:16 AM
يارب يا دودو يجيكي ابن الحلال عشان تجربي بنفسك وتصيري تسألينا وصحيح بتعرفي خياط مليح وما بياخد كثير غالي

مهندسه ميكانيك
02-13-2007, 02:34 PM
طيب يا صبايا والله اشتئتلكن انا انعجئت شوي لانو الجامعه بلشت؟
عندي حكي كتيييييييييييييير الكن يا دودو كيفك انشالله توفقئتي . اسما حبيبتي انا جهزت جهازي من عند بركات البدله لا.بس جهازي شفت جهاز عرايس كتير ما وحده جابت جهازي و شرطك نزلت عالصويفيه ما خليت ومرت خالي شاميه عندها بوتيك الاسعار متل عنا ومو حلوين اسمعي بدك شي حلو و نظيف انا الي 3 سنين تاركه و لهلا مو راضيه افرط بجهازي مع انه عرض علي انه ارجعه بسعره واعطاني اسعار سبيشل. لاني بعرفه منيح.و انتو بالاخر اللي بيريحكن.

وبالنسبه للصالون زهره البنفسج حبيبتي ناديا مو حلو شغلها في صالون نعمه بالصويفيه سعره منيح و شغلها ممتاز و مجرب يعني كتير ناعم.واهلا بكل الزوار.

مهندسه ميكانيك
02-13-2007, 02:47 PM
صبايا وحابه احكيلكن شي الجهاز ما بدك لكتر من 6 قمصان نوم اختاريهم ما بين طويل و قصير و كل الالوان يكونو ما بين ال 18 و هيك شي كتير منيح انا اشتريت قطعه كانت قميص نوم طويل ساتان بيجنن و معه قميص نوم شرت مع البدي تبعه كمان ساتان و قميص نوم قصير كمان ساتان كلهن نفس النئشه بيجو طئم و معه بيجاما ساتان بتعئد هادا كله بخمسين دينار اخدته متخيله كان لونه كله فستئي.صدئوني حرام تشتروا اكتر من هيك 6 كفايه لانه انتو ما بتعرفو انشالله نصير خالات؟؟؟؟. هلا بالنسبه للفيديو كليب انا برأي غير صورك واني زغيره تروحي تتصوري كم صوره بكزا من لبسه عند واحد شاطر او وحده فيهن حركات مو بس جامد المنضر و يدمجوهم مع صور زوجك و يدخلو مقاطع من تصوير الخطبه مع اغنيه اجنبي when you tell me that u love me هاي جنان الاغنيه و في كمان i will always love you كتير بتتطلع احلا. و يا دودو والله انتي واو.

asma taha
02-14-2007, 01:29 AM
اه انا كمان شفت احلى قمصان نوم لهلأ عند بركات بالوحدات بس عن جد بضاعته تركيه ولا تخويت وابو دقه والعروس عندهم شغلات حلوة بس انا ماراح اقدر اجيب كله غالي راح اشكل هيك وهيك
مهندسة ميكانيك ما بتعرفي خياطين شاطرين ما بياخدو غالي

asma taha
02-14-2007, 01:47 AM
بنات ما بدكم تروحو على معرض شركة المودة هي سوريا اجت لعندكم يعني ماراح ينضحك عليكم
وشو الأغاني الي راح تفوتو عليها وبنسبه للفيديو كليب انا خطيبي رسم بيتنا 3d وبدو يعمل كتاب بفتح وفي الصور بس انا فكرة الكتاب الي بفتح مش عجبيتني عملوها كتير

asma taha
02-14-2007, 02:10 AM
صحيح انا بدي عصير العرسان غير عن المعازيم يعني شفاف مو منجا وجوافه بس المشكله خطيبي ما بحب عصير التفاح ففكرة بعصيرات الكادي بس مو عارفه اي لون وفكرة بشي تاني بجوز تضحكو علي هوه رد بول بس خايفه العريس يطلعلو جوانح ويطير او ياخد طاقه زيادة وانا اكل هوه فاهمين علي طبعا ( :

dodo83
02-14-2007, 03:05 AM
اسما بالرد بول ولا من غيره انت ماكله هوا ماكله اعتمدي الريد بول عشان تئدري تهربي :)
بالنسبة للخياط حكيتلك قبل هيك انو المحلات القماش بكونوا بعرفوا خياطين ممكن يدلوكي وكل واحد حسب منطقته رح يكون سعر يعني لو شريتي من الصويفيه رح يدلك على خياط بالصويفية وسعره رح يكون غالي اما ازا سالتي بمنطقه اقل رح يكون السعر اقل انا الخياطه اللي بعرفها غاليه شوي بس بتطلع اشي مرتب

مهندسه يسلمو كتير كبرتيلي راسي

عشق الصمت
02-14-2007, 03:14 AM
بصراحة موضوعكم كثير حلو وخصوصا اني مقيمة في الأردن

*كونتيسة*
02-14-2007, 04:06 AM
اهلا صبايا وعروسات كيفكم اليوم؟

asma taha
02-14-2007, 04:13 AM
اهلا عشق الصمت انشا الله تكوني مبسوطه باقامتك بالأردن كونتسه احنا عرفناكي على حالنا بس ما عرفتينا على حالك

zara1979
02-14-2007, 04:30 AM
هااااااااااااااااااي صبايا كيفكم؟؟

طبعا انا قرات كل الردود اللي فاتتني بحب اولا ارحب ب:

angel girl

عاشقة الصمت
اهلا فيكم معنا في ملف عرايس الاردن

صبايا بدي اسالكم حجزتوا لشهر العسل؟؟ وين مسافرين؟؟؟

اللي حجزت مكان عرسها تحكيلي شو حابين تعملوا للناس بوفيه ولاseated ولا سناك؟؟

asma taha
02-14-2007, 04:50 AM
انا بجوز اروح على اللاذقيه بسوريا بس لسه ما حجزت اذا ما زبطت راح اطلع على الجنوب العقبه وادي رم و البترا اذا شاء الله
بالعرس ما راح اعمل بوفيه اطلع بالمصاري شهر عسل احسنلي كيك وعصير وخلص

dima
02-14-2007, 05:25 AM
انا حجزت كمان بس كيك وعصير كنت بدي اعمل سناك بعدين قلت ما حد بستاهل هيك هيك رح يطلعو من العرس يحكو علينا :)

zara1979
02-14-2007, 06:31 AM
asma و dima
الله يتمملكم على خير

asma taha
02-14-2007, 06:42 AM
ويتمملك على خير يزارا ويتمم لكل العرايس ويرزق كل بنت لسه ما اجاها نصيبها بهاد التجمع ابن حلال يستاهلها ولكل وحدة متزوجه الله يحبب جوزها فيها اكثر

al7ourya
02-14-2007, 06:46 AM
مشكورات بنوتات الاردن

حبيت اسال عن كليتين
كليه البزنز<<هل كل الجامعات تدرس بالانجلش؟؟
وكم الاسعار؟؟ مومشكله بالاردني وانا بنفسي بحول الاسعار اوكي
وكم النسبه اللي يقبلونها؟؟

وعن كليه التربيه البدنيه(الرياضيه)
عن الاسعار؟؟
والنسبه؟؟
والمواد؟؟يعني هل فيها مواد علميه مثل الكيمياء والاحياء وغيرها؟؟ولا كلها مواد تخص التخصص؟؟
وهل يدرس بالانجلش ولا بالعربي؟؟


وحبيت اسال عن السكن؟؟
سكن طالبات لحاله؟؟
ولا شقق نستاجر؟؟
والاسعار؟

ومشكورات تعبتكم

مرحبا حبيبتي انا تخرجت من جامعة العلوم والتكنولوجيا وهي كتير مميزة وكتير كان عنا مغتربين من الخليج

وكل جامعة في الاردن الها موقع على الانترنت بتئدري تفتحي وتاخدي كل المعلومات اللي بدك اياها

وبالنسبة للسكنات

ففي سكنات خاصة في البنات عند كل جامعة


وجامعة العلوم والتكنولوجيا فيها سكن جوا الجامعة للبنات

وهاد موقع الجامعة
*********************************

al7ourya
02-14-2007, 06:48 AM
السلام عليكم

انا عروسة من الاردن عمري 23 سنة وعرسي اريب بس لسة مو محدد متى وهلء عم بجهز

وشكرا الكم على هاد الموضوع المميز وان شاء الله بفيدكم باللي عندي

zara1979
02-14-2007, 07:32 AM
al7ourya اهلا وسهلا فيكي معنا في الملف وبيسعدنا انضمامك النا والله يتمملك على خير

asma taha
02-14-2007, 07:48 AM
اهلن حورية ونشا الله احنا كمان نفيدك على فكرة انا هاي الجمعة اذا شاء الله راح احضر عرس بفيرونا طبعا انا مش معزومه ولا بعرف مين العريس والعروس بس رايحة سلبطه بعد ماخذت اذن من صاحب الصاله عشان اشوف الزفه وخدمات العرس

*كونتيسة*
02-14-2007, 07:58 AM
اهلا صبايا انا من اربد اعمل في عمان عمري 28 متزوجة من سنتين ونصف ولدي طفلة عمرها سنة ونصف .. رحت شهر عسل تركيا وعرسي كان في القناطر باربد لانه اهلي واهل زوجي من هناك وكان العرس بوفيه مفتوووح

*كونتيسة*
02-14-2007, 08:02 AM
ههههه والله حلوة يا اسماء انه رايحة سلبطة

asma taha
02-14-2007, 08:03 AM
كونتيسه شو اسم بنوتك وكيف الزواج احلى من العزوبيه ولا بتنصحينا نبطل

مهندسه ميكانيك
02-14-2007, 08:07 AM
صبايا اسمعو بلا سناك بلا هم متل ما قالت ديما ما حد بستاهل وفري فلوسك لا شهر العسل وبضاعه ابو دقه تركي لاني كنت اوصي على الكتالوج وكان يجبلي لما يسافر على الاكيد. زارا كيف امورك هلا جربي روحي شرم الشيخ بتضل ارخص شي و حلوه. هلا اسما انتي وين وصلتي و دودو هلا فيكي باي وئت و حوريه نورتي

asma taha
02-14-2007, 08:33 AM
انا ضايعه طول مانا مش لاقيه بدله متل مبدي انا بدي بدله بحري وبكمام جبير يعني شفافين


Content Relevant URLs by vBSEO 3.6.0