المساعد الشخصي الرقمي

مشاهدة النسخة كاملة : لعرض التجارب في التنحيييف الموضعي(الأخوات الراغبات في تنحيف جزء معين من الجسم)



^Soul^
02-20-2007, 05:10 AM
السلام عليكم

طبعا موضوعي واااضح من العنوان اللي بكبره صار موضوع

البعض منا عندهم مشاكل في أجزاء معينة من الجسم و يشتكون منها و البعض عنده الحل لهذي المشاكل

يا ريت خواتي نتشارك الخبرات مع بعض في سبيل الوصول للرشاااقة و كل وحدة تكون راضية عن شكل جسمها


أنا راح أبدأ

انا قبل كان خصري عاادي لكن الحين الحمدلله صار شكله حلو
اللي سويته هو كنت أوقف و أميل مرة لليسار و مرة لليمين و الحمدلله النتيجة واضحة
طبعا اللي توها بتبدأ تسوي على خفيف في أول يومين و بعدها تزيد أكثر و انا كنت أسوي التمرين أكثر من ساعة يعني وااااايد اللي تبي نتيجة تستمر على التمرين و تسووويه قد ما تقدر
و تدهن المنطقة بكريم مرطب عشان ما تشقق و تظهر الخطوط البيضاء و تشوه الشكل


الصدر نحفته بطريقة التصفيق على ورى
و هاي تمرررين حلو وسهل
توقفين مستقيمة الظهر و تمدين يدج للأمام و ترجعينها على ورى عشان تصفقين و تسوينه 50 الى 100 مرة
طبعا في البداية بيكون صعب شوي لأنج توج تسوينه و بتحسين بشد في الصدر و زيدي شوي شوي لحد ما توصلين 100 مرة
وانا ظهرت النتايج معاي من أول اسبوع من غير مبالغة
بس المشكلة اللي ظهرت معاي ان زنووودي ظهر فيها تشققات و طبعا تجنبا لهالشي دهني المنطقة بزيت او كريم مرطب



حياكم فراشات شاركوا في موضوعي خل نستفيييييييييد و نفييييييييييييييد

^Soul^
02-20-2007, 12:03 PM
يلا بنات همتكم

^Soul^
02-20-2007, 12:17 PM
اختي الفراشة المغتربة شي طبيعي اذا ما استمريتي ما راح يفيدج شي

جربي تستمرين فترة و ان شاءالله بتشوفين النتايج الحلوة

أم عبد الاله
02-20-2007, 12:23 PM
مشاء الله عليكي وانا راح اجرب التمرين

^Soul^
02-20-2007, 12:32 PM
اليوم انا بعد جربت شي
و هو استخدام القهوة في التنحيييف
و الخلطة عبارة عن قهوة تخلط مع خل و عصير ليمون
و اول شي تسوينها انج تغسلين جسمج بماي دافي و تقعدين في البنيو و تدلكين جسمج باستخدام الخلطة
في احد المنتديات يمدحوونها هالخلطة و صراحة انا متفائلة فيها لان مكوناتها طبيعية اولا و ثانيا القهورة معروفة انها مكون اساسي في كريمات التنحيف و المساج معروووف من القدم انه مهدئ للاعصاب و منححححففففففففففف
و الخل اكيد كلكم عارفين فوايده في الشد

يلا بنات همتكم خل نسعى في تحقيق الرشاقة

همسة الغلا
02-20-2007, 12:41 PM
مشكوره حبيبتي ويعطيج العافيه وعساج على القوه
بس سؤال اختي شكثر الكميه القهوه مع الخل والليمون؟

منى ام جود
02-20-2007, 12:48 PM
انا عندي منطقة الفخوذ والموخره والحمدالله مع المشي علي السير نزلت وانا باقي مستمره حتي اوصل الي المطلوب وراح ابد بالتمارين مخصص الي منطقة الفخذ واعطيكم الناتيج بعد كم اسبوع

ملكة جمال 2007
02-20-2007, 12:59 PM
soulطيب خل الطعام او خل التفاح

بتول البحرانية
02-20-2007, 01:20 PM
مرررحبا مشكووره حبوبه ع الموضوع

بس ابي اعرف طريقه لتنحيف اليد من اعلى ..والافضل تمارين ريااضيه افيدوني جزاكم الله خير

^Soul^
02-20-2007, 01:34 PM
مشاء الله عليكي وانا راح اجرب التمرين


حياج الله اختي جربي و ان شاءالله تستفيدي

^Soul^
02-20-2007, 01:42 PM
اختي همسة غلا انا ما حطيت بمقادير معينة بصراحة لكن أهم شي تخلين الخلطة غليظة ما تكون سائلة عرفتي شلون

منى أم جود واصلي موفقة ان شاءالله

ملكة جمال العالم خل تفاح

بتول البحرانية انا اعاني من هالمشكلة بصراحة و مستمرة في البحث عن وسيلة فتاكة تقضي عليها
فييه تمارين وايد انصحوني فيها بس انا للحين خايفة اسويها لاني قبل فترة سويتها و متنت عندي زيادة هالمنطقة
بس تبين الصج انا قدرت اخفف من المشكلة بشكل كبير عن طريق استخدام كريم تنحيييف اكتبوا عنه البنات هني بعد اعتقد بس انا شفت موضوع عنه في منتدى ثاني
الكريم اسمه بارتنر لاف و تحطينه على المكان المراد تنحيفه و تدلكين و انا بادية استخدم خلطة القهوة بعد فعالة يقولون عنها
و فيه تمارين مثل البوش اب اسويها و تدوير اليد و الرفرفة جربي و ان شاءالله تستفيدين

همسة الغلا
02-20-2007, 02:13 PM
مشكوره اختي وبجربها هالخلطه وان شاءالله نستفيد

pastdesire
02-20-2007, 04:33 PM
السلام عليكم ورحمه الله وبركاته
موضوعك حلــــــــو
على فكرة انا كنت عند اخصائيه تغذيه اعطتني طريقه تحرق الدهون اكثر وانا على السير
اخلطي بكميه متساويه من خل التفاح +وزيت الزيتون ولفي عليها بنايلون (حق تغليف الاطعمه)
بس انا قلت على كذا ماراح يكفيني كرتون
قمت اشتريت بدله التخسيس النايلون (وهي بدله كاملـــه للجسم)
وجربتها ..رائعــــــــــــه
الى الان انا نحفت 5كيلو خلال اسبوعين وكم يوم
على فكره اعطتنــــــــــي نظــــــــــــــام رائع
قالت اهم شئ الصباح بروتين عشان يحرق الدهون اكثر
يعني الفطوربيض وعيش وبرتقال
الغداء اي شي مشوي او مسلووووق(لحم،دجاج، سمك) مع سلطه بالكميه اللي تحبينها بس بدون صلصات
العشاء نفس الشئ + زبادي خالي الدسم

وبين الوجبات فاكهه وماء خاصه الكمثرى لانها تساعد على فرز مواد تحرق الدهووون

يابناااااااااات اهم شئ قالت لي هو اشرب الشاي الاخضر بالزنجبيل...وبصراحه بطني نزل مقاساته من96 الى 85 في اسبوعين

يعني اهم شئ منعتني من كثرة العيش(الخبز ) والغازيات والشوكولاته والرزززز طبعاااا
على فكره اذا انتهيتي من اسبوعين خبصي يوم وارجعي لباقي الرجيم
(يعني اضحكي على الهرمونات على اساس انك رجعتي للدهون والحلويات عشان يخفف من امتناعه من نزول الوزن)

صحيح اني طولتها ...لكن انتوا تستاهلوا الخير

تحياتي لكم،،،

أم مياس
02-20-2007, 05:59 PM
حبيباتي اتمنى انك تساعدوني انا جسمي مره تعبني يدي مره نحيفه مو سيئ لا بالعكس حلوه وصدري وافخاذي مره صغيره يعني حلوه وكل مين يشوفني يقول نفس الكلام بس المشكله في وسطي فانا اعاني من العرض الحين قاعده اشرب الكمون مع الليمون واحط الخل مع زيت الزيتون بس احس وسطي مو مره نزل وذحين ابغى ابدا في المشي فياحبيباتي الي عندها شيئ ياليت تساعدني

^Soul^
02-21-2007, 01:54 AM
أم مياس حبيبتي انا ما فهمت العرضض عندج في منطقة الوسط ولا الكتفين
اذا منطقة الوسط تره والله سهلة و بسيطة لكن اذا الكتفين شوي صعبة

ردي علي بقول لج الحل

^Soul^
02-21-2007, 01:55 AM
pastdesire
واصلي ويارب توصلين لليل تبينه بصحة و عافية
انا عن نفسي ما سويت ريجيم معين بصراحة لأني ما ألتزم لكن اتبعت التخفيف و هم فادني الحمدلله
بس اهم شي الرياضة اهي اللي تنحف و ترتب الجسم

بنوته صغيره
02-21-2007, 07:23 AM
مشكوره حبيبتي على الموضوع وبنجرب ونشوف النتائج

^Soul^
02-21-2007, 08:51 AM
مشكوره حبيبتي على الموضوع وبنجرب ونشوف النتائج


هلا والله بنوتة شرفتييني بمرورج

بالووونه
02-21-2007, 09:23 AM
ياريت تحطون لنا طريقه تنحيف الايد من فووق الاكتاف يعني


واكون شاكره لكم ووموفقين

^Soul^
02-22-2007, 02:09 AM
باللولنة و باقي البنات اللي سالوا عن طرق لتنحييف اعلى الذراع

اا حبيباتي والله كنت اعاني جدا من هالمنطقة و الحين خفت المعاناة مو كليا لان يبي لها وقت هالمنطقة بس اتبعت عدة طرق
فيييه طرق مثل ما قلت لكم زودت لي الطين بلة و الحمدلله رجعت اتداركت نفسي و في طرق حسنت لي شكل الذراع الحمدلله

انا استخدمت كريم تنحييييف و تدلييك لهالمنطقة و فعلا حسيت بنتيجة ملحوووظة و ممتازة و تمارين بحاول احط لكم صور
بس حاولي طول ما انتي قاعدة تشوفين تلفزيون تحركين الأذرع على فوق و تشدينها فوووق الراس هذي تفيييد واااايد بعد

خادمه الاسلام
02-22-2007, 02:41 AM
مشكورة حبيبتى على الوصفه

^Soul^
02-22-2007, 07:33 AM
هلا والله خامة الاسلام تسلمين على المرور


بنات ويين الباقين وييين اصحاب التجارب ما تبون تفيدون غيركم؟؟؟؟؟!!!!!!!!!!!!!!!!!!

انستي الصغيرة
02-22-2007, 08:45 AM
بالتوفيق

أم مياس
02-22-2007, 06:51 PM
شكرا لاهتمامك حبيبت soulانا اقصد منطقة الوسط ارجوك لاتتاخري علي

قلبي.$
02-22-2007, 07:02 PM
مشكوره قلبي

^جوري2007^
02-22-2007, 07:19 PM
مرحبا ياأحلى فراشات ..
أنا بعد عندي نفس المشكلة يا أم مياس ..
جسمي من الأعلى نحيف حتى الخصر والحمدلله ماعندي كرش .. بس عندي مشكلة في الأرداف والأفخاذ عريضة بالنسبة لجسمي وودي تستفيدي من تجربتي لأن مقاس الأرداف عندي صار اصغر .. انا اشتريت جهاز زي الدراجة بس بشرط مايكون فيه مقعد للجلوس يعني كأنك تهرولين في الهوا ..( لان المقعد حسب ماسمعت يكبر الأرداف ) المهم استمريت عليه تقريبا شهر استخدمه كل صبح لمدة 20 دقيقة
ومعاها كنت اسوي رياضة مرة حلوة واعتقد انها هي اللي فادتني أكثر بس مدري شلون اشرحها ادري اني طولت عليكم بس سامحوني بأحاول اوضحها قد ماأقدر وهي .. انك توقفين خلف كرسي يعني من جهة ظهر الكرسي وتمسكين اعلى الكرسي بيدينك وتبدئين ترفعين ساقك اليمين لأعلى حد تقدرين عليه واقصى عدد من المرات المتواصلة وتسوين نفس الشي في اليسار ـ طبعا الرفع يكون جانبي يعني مو للأمام لأن الكرسي امامك اصلا ـ
صراحة استفدت كثير بس تركتها أول ماحملت .. جربيها وادعيلي لاني انتظر الولادة في اي لحظة : )

أم مياس
02-22-2007, 07:46 PM
ياحبيتي اللللللللللللللللللللللللللللله ييسرلك ويجعل ولادتك ميسره وخفيييييييييييييييييييييييييفه للغايه وانصحك نصيحه لوجه الله مادري انا احس اني حبيتك عليك بسورة الزلزله والله العظيم انا من النوع الي مره يتعب في الحمل والولاده لاني اخذ التسعه وزياده لا وبعد يحطولي طلق صناعي ماتتخيلي قد ايه تساعدك (بس حبيبتي هذه الطريقه ماتوقع تفيد للخصر)

سحايب حرب
02-22-2007, 07:56 PM
مشكوره حبيبتي

^جوري2007^
02-22-2007, 08:03 PM
مشكورة ياغالية على هالدعوة الحلوة .. خصوصا على هالفجرية .. ربي يحبك وملايكته
بس بغيت اقولك وصفة انا كنت استخدمها قبل مااتزوج بس انا سمعت انها مضرة بس صراحة صراحة استفدت منها بشكل ملحووووووووووووووووووظ وهي انك تشربين ملعقة خل تفاح مع كاس موية دافي على الريييييييييييييييييييييق ......

خوخة طعمة
02-22-2007, 09:44 PM
أنا عندي اليد العلوية والكتف شوي اعرض من الجسم وابغي طريقة تنحفهم بس جسمي من تحت الخصر مرة عاجبني ماشاء الله بس المنطقة العلوية ساعدوني

ومشكورة soulعلى الموضوع الحلو على الاقل نستفيد من تجارب بعض

ملاك نجد2007
02-22-2007, 10:05 PM
طريقة التصفيق هي <<<<ماعرفتلها


تسلمين اختي العضد شو الطريق لتنحيفه

ولكم خالص تحياتي

منى ام جود
02-22-2007, 10:18 PM
اختي جوري الدراجه يوم كنت تستخدمينه يوميا وكنت تسوي معه رجيم ومشكوره

لوريتا
02-22-2007, 11:46 PM
ابي احد يساعدني وش اشتري سير ولا دراجه انا مشكلتي بالارداف

^Soul^
02-23-2007, 03:14 AM
اهلييين بنات حياكم الله و مشكورين لتفاعلكم في موضوعي

فيييه موقع بحطه لكم فييه تمارين واااايد تساعد خصوصا للمشاكل اللي انذكرت فوووق

اول شي تنحييف الجزء العلوي من الجسم

ركزوا على تمارين البوش آب اللي على الجدران و على الأرض لانها فعلا تشد أعلى الذراع
انا بديت أسويهم و الحمدلله نتيجة جيدة لحد الآن
و أحب أنبه على شي مهم جدا
هاي المنطقة ما تنشد بسهولة و تحتاج وقت لحد ما تتحسن و تنشد يعني اللي بتسوي التمارين لازم تستمر فترة و تواصل تسويها يوميا لأنها منطقة صعبة جدا و تنحيفها بطئ و الحركات تتم بصورة بطيئة مو بسرعة و عشوائية و كل وحدة تنتبه و تدهن المنطقة بكريم مرطب أو زيت زيتون عشان ما تعرضها للتشقق و ظهور الخطوط البيضاء

http://www.sparkpeople.com/myspark/ex/all_exercises.asp


بالنسبة للمنطقة السفلية من الجسم لها تمارين خاااصة بعد و هاي المنطقة أسهل من الذراع تره و تبان النتيجة بوقت أقصر

شوفوا هاي الرابط و حاولوا تطبقون التمارين اللي فيه

http://www.sparkpeople.com/myspark/ex/all_exercises.asp

و التمرين اللي ذكرته الأخت جوري 2007 فعلا ممتاز و انا جربته و فااادني كثيييرر
بس الفرق هو اني ما كنت أوقف ورا كرسي كنت اوقف عادي و ساعات أمشي وانا أحرك رجليني بنفس الطريقة و بعد فادني

^Soul^
02-23-2007, 03:16 AM
بنات هاي التمرين بالذااات مفيييد جدا طول ما انتي تشوفين التلفزيون سووويه و هو مو متعب
و اللي بتسويييه تسوييه اقل شي 50 مرة لكل رجل عشان تستفييييد

http://www.sparkpeople.com/myspark/ex/exercises.asp?ID=149

منى ام جود
02-23-2007, 05:40 AM
مشكوره اختي علي التمرين الحلوه الله يعطيك العافيه

خوخه*2005
02-23-2007, 05:57 AM
مشكورين بنات فعلا انا اعاني من المنطقه العلويه اعرض من المنطقه السفليه وان شاء الله ابجرب كريم التنحيف مع الرياضه وان شاء الله انحف والله يعطيكم العافيه

ملكة الليييل
02-23-2007, 05:59 PM
بنااااااااااااااااااااااااااااااااااااااااااااااات الله يرضى عليكم دنيا واخرة و يحققلكم كل امانيكم يااااااااااااااارب
قولوا امين... الله يرضى عليكم اعطوني حل فعااااااااااااااااااااااااااال
انا مشكلتي البطن يعني اردافي ويدي وصدري كله تمام ولله الحمد صحيح يبغالهم شويه بس مو مشكلة بعدين
اشتغل عليهم مشكلتي الكبيرة واللي جابتلي العقدة في حياتي بطني رايحة بالعرض وما عندي خصر راح ابكي
عشان ماعندي خصر نفسي احس جسمي زي البنات اللي عندهم خصر والبلايز تطلع عليهم ماشاء الله ماشاء الله روعة
انا احس شكلي بالبلايز والله ماادري ايش اقول بليييييييييييييييييز ساعدوني واللي تقولي على الطريقة وتنفع معايا راح
ادعيلها كل مااشوف نفسي بالمرايا ..الله يرضى عليكم كلكم ردوا عليا ولا تتاخروا لاني خلااااااااااااااااااااص
راح ابكي<<<<<<<<<لسه راح ابكي قيد بكيت وبكيت الين مادموعي نشفت.

أم مياس
02-23-2007, 06:21 PM
ياحبايبي انا نفس المشكله ممممممممممممممممممه نفسيتي تعبت مع اول حمل راح خصري الحمدالله بطني خفت كثثثثثثثثثثثثثير بس مشكلتي مازالت في الخصر الي عندها شى تقوله وكذلك الي عندها رياضه خاصه بالخصر تقول

^Soul^
02-24-2007, 04:11 AM
بنااات رياضة الخصر تره جدا سهلة
وانا الحمدلله خصري شكله أوووكيه لاني سويت هالرياضة و هي مو متعبة أبدا

اول شي توقفين بشكل مستقيم بعدها تبدين تميلين لليمين و بعدين توقفين مستقيمة مرة ثانية و عقبها تميلين لليسار و هكذا
حركة جدا سهلة و تكرر قدر المستطاع
يعني اذا قدرتي تسوينها 300 مرة سويها بس بالبداية سويها خمسين مرة و زيدي شوي شوي و موفقين يا بنات

^Soul^
02-24-2007, 04:15 AM
بنات اللي تشتكي من فخوذها و انتي قاعدة على الكمبيوتر ضمي و فتحي الارجل والله تفيييد عن تجربة

ملكة الليييل
02-24-2007, 04:44 AM
طيب والبطن اللي رايحه بالعرض ايش حلها

مابوه نيم
02-24-2007, 05:31 AM
السلام عليكم ورحمة الله وبركاته ،،

انا مشكلتي بالارداف والمؤخره وتجربتي كانت :
1- الاوربت ترك < -=-= افضل افضل جهاززز للارداف والحرق
2- مغلي الفجل الاحمر < -=-= بصررراحه رووووووووعه
3- الزنجبيل مع الشاهي الاخضر < هذا من عرفة الدنيا وانا اشربه
4-في رياضه اسويها سهله وماتتعب وممكن تسونها باي وقت ، مو بعارفه اشرحها (شد ورخي عضلات المؤخره )
بصراحه شفت لهن تاثير طيب وانقطعت عنهم لفتره ومن اليوم راجعه لهالنظام

أم مياس
02-24-2007, 10:53 AM
حبيبتي الي جربت الاوربت ترك ممكن تضعي صورته اذا امكن من الجوال صوريه وتتوقعي ينفع للخصر يعني انت شفتيه صغر وسطك ومن فين اشتريته وبكم لاني من المدينه وابغى اشوف

ألارسول الله
02-24-2007, 11:36 AM
يعطيك العافيه ياقلبي .. ان شاءالله ببدأ اسوي رياضة الخصر مع ان عندي خصر بس مومره واضح ..الله يقوي هممنا

^Soul^
02-24-2007, 03:36 PM
ملكة الليل اختي سوي التمرين اللي قلنا عليه حق الخصر


مابوه نيم تسلمين والله على مشاركتنا بتجرتج والله يتمم علييج

^Soul^
02-25-2007, 06:56 AM
أحسكم مو متحمسين للموضوع

والبنات اللي اضعفوا ليش هالأنانية
و البنات اللي يبون يضعفون
براحتكم خل نضعععععععععععععف و نصير رشيقات و انتو خلككم

مابوه نيم
02-25-2007, 10:47 AM
صورت لكم الاوربت ترك

انا شريته من الفالح وكان سعره اذا ماخنتني ذاكرتي 500 ريال .. وهو موجود عند يو مارك

7
7

http://www.graaam.com/up/p3ic/62b3e63bb0.jpg



واسفه على كبر الصوره ...

أم مياس
02-25-2007, 01:47 PM
الله يسعدك ياعمري ماتتخيلي قد ايه فرحت لما رديت علي بس ماقلتيلي صغر خصرك

zanouba2001
02-25-2007, 02:12 PM
السالم عليكم و رحمة الله و بركاته
يا بنات انا مشكلتى هى بطنى .جسمى كاه متناسق الا بطنى .جربت وصفة مشروب الليمون لكن اكمله لانى لدى حساسية
اتجاه الليمون .ثم جربت وصفة شاى اعشاب سكنجبير طرى و نعناع و قشور رمان فلم اكمله و دلك لمداقه المر .
ارجوكم من لديها وصفة لازالة البطن لله لا تبخل عنى بها و لها منى الف الف شكر .

^Soul^
02-25-2007, 11:06 PM
مابوه نيم تسلميييييييين حبيبتي على المشاركة و الافادة
انا كنت استخدم هاي الجهاز في النادي و أخوي و زوجته شارينه و يمدحون فييه و تراه فعلا يحرك الجسم

أم مياس جربي وأكيييييييييييييد بتلقين نتيجة 100%

^Soul^
02-25-2007, 11:08 PM
السالم عليكم و رحمة الله و بركاته
يا بنات انا مشكلتى هى بطنى .جسمى كاه متناسق الا بطنى .جربت وصفة مشروب الليمون لكن اكمله لانى لدى حساسية
اتجاه الليمون .ثم جربت وصفة شاى اعشاب سكنجبير طرى و نعناع و قشور رمان فلم اكمله و دلك لمداقه المر .
ارجوكم من لديها وصفة لازالة البطن لله لا تبخل عنى بها و لها منى الف الف شكر .


حبيبتي زنوبة تره البطن اذا كان صغير ما لج الا الرياضة و تمارين البطن واااااااااااايد تساعد
وفييييه تمرين كنت أسويه و خفف لي بطني بشط كبير

توقفين بصورة مستقيمة و تمدين رجلك اليمين للأمام و ترفعينها لأقصاها و بعدييييييييييين ترجعينها لورى لأقصاها

هايا لتمرين مفيييد للمؤخرة بعد يشدها و يرفعها و حاولي وانتي تسوينها تضغطين على البطن عشان تستفيدين

مابوه نيم
02-26-2007, 03:03 AM
الله يسعدك ياعمري ماتتخيلي قد ايه فرحت لما رديت علي بس ماقلتيلي صغر خصرك

اختي انا اخصري تمام عشان كذا مالاحظ اذ صغر او لا ...

بس هو الجهاز لاستخدمتيه طبعا بدون ماتجلسين على المقعد بيكون مثل الهروله ،، ومعروف ان الهروله تاثر على كامل الجسم

قبل كذا رحت لنادي وكانت المدربه تخلينا ناقف على جهاز حليو دائره صغيره على الارض وتلفين يمين ويسارر
بصراحه حسيتها اثرت بالعضله :de43r

والله يوفقك :fragghagi

أم مياس
02-26-2007, 07:25 AM
عرفتها شكلي بشتريها وشككككككككككرا ياعسل

مابوه نيم
02-26-2007, 01:34 PM
عرفتها شكلي بشتريها وشككككككككككرا ياعسل

لا شكر على واجب خيتوو ،،

وانا في الخدمه اي سؤال انا حاظره

عاشقة البحر 2006
02-26-2007, 02:03 PM
مشاء الله عليكي وانا راح اجرب التمرين

^Soul^
02-26-2007, 03:08 PM
مابوه نيم أشكر لج تواصلج مع البنات و مساعدتج

بس عندي سؤال فضولي شنو يعني مابوه نيم؟؟؟؟؟؟؟؟؟

اختي من وين أشتري هاي القرص الدوار و في حدود جم أسعاره ؟؟؟؟؟؟ انا استخدمته في النادي و حلو و سهل

فراشة الرومنسية
02-26-2007, 03:58 PM
شكرا للموضوع الرائع انا مشكلتي عندي بطن صغيره وارداف ومؤخره شويه كبيره اتمنى القه حل لها وبنسبهللقرص عندي وليه اسبوع استخدمه وهو موجود عند محلات الرياضه وقيمته 25 او 35

مابوه نيم
02-27-2007, 09:29 AM
مابوه نيم أشكر لج تواصلج مع البنات و مساعدتج

بس عندي سؤال فضولي شنو يعني مابوه نيم؟؟؟؟؟؟؟؟؟

انا بالخدمه حبيبتي وحنا هنا لمساعدة بعضنا

مابوه < هذي كلمه باللهجه القصيميه يعني( مافي )
نيم < يعني اسم بالانقلش

طبعاً سبب هالاسم اني يوم جيت اسجل بالمنتدى كل ماحطيت اسم قالي مسجل مسجل مالقيت حل غيره هههههههههه

hobzoaa
02-28-2007, 08:58 AM
افكار رائعه
تسلمييييييييييين حبيبتي الغاليه

سحر50
02-28-2007, 10:32 AM
اذا تبغو البطن تروح بلاش الرز والعيش الابيض والمشروبات الغازيه وشرب السوائل مع الاكل او بعدها او قبلها لازم ساعتين بعد الاكل او ساعه قبل الاكل وطيحو بالعيش الاسمر واشفطوا البطن لجوا وكثرو من شرب الشاي الاخضر مع نعناع وكمان اشربوا شاي فيه اكليل الجبل مع الزعتر وكمان اشربو القرفه مع الجنزبيل لذيذ ومفيد والمشي نصف ساعه وبلاش الاكل لين الشبع تراه هو اللي يكبر المعده ويخلينا مانشبع وبكذا تكبر الكرش ويزيد الوزن وتمرين المعده صح يصغر المعده بس اللي مو ناويه انه على طول تسويها بلاش لانه ممكن ترهل عضلات المعده لما تبطل تمارين

الأنفاس الصامتة
02-28-2007, 11:15 AM
ألف شكر للأخت اللي طرحت الموضوع ويارب الكل يستفيد
بالنسبة لي دخلت نادي بعد الولادةومع الحمية نزل وزني بس اتمنى ينزل أكثر
لأني لمن بطلت رياضة ورجعت آكل اشوفه يبي يرجع وان شاء الله انتبه لنفسي

انا مثلي مثلكم كل مااسمع وصفة اطبقها بس احاول مااطول لأن الشي لازاد عن حده انقلب ضده
بدون ذكر اسماء لأني مااذكر بصراحة استفسار كل وحدة مع اسمها


وإليكم مافي جعبتي

* السير أفضل من الدراجة لأنه يحرق اكثر ويشد الجسم كله مو المؤخرة بس

* الخصر ماله الا الطريقة اللي ذكروها الاخوات وهوه انك توقفي وتلفي مره يمين مره يسار رهيب ويعطي نتايج انا شفتهم بالنادي بس عجبتني فكرة انك تحطي كريم علشان التشققات بالنسبة لي ماعندي مشكلة بالخصر الحمد لله.

*انا قريت ان مغلي البقدونس على الريق ينحف المنطقة العلوية من الجسم والله اعلم جربته انا بس انا اعمل كل التجارب الي ممكنه ومشكلتي بالمنطقة السفلية علشان كذا كنت اشرب مغلي بقدونس دافي واحاول يكون كوبين بالإضافة للحمية وخلطة الزنجبيل والشاي الاخضر والنعناع والليمون والكمون طول اليوم وانا اشغل نفسي بهـ المشروبات


* الماء الدافي على الريق مهم جدا ويعطي نتايج لإخفاء البطن لكن احذري شربه أثناء الوجبة او قبلها او بعدها مباشرة

* الارداف يقولك اثناء التمارين اشربي ماء لكن احرصي على عدم شربه لا قبلها ولابعدها على الاقل بساعة.

* فية خلطة للبطن قريتها جهزتها بس لساعي ماجربتها وهي كأس لسان البحر مطحون+كأس خل تفاح تخلط وتترك لفترة اسبوع ثم تستخدم (( أول ماتحطينهم على بعض راح يفوروا بعدين يرجعوا يخفوا اتركيهم وبعدين استعمليهم لدهن منطقة البطن يقولون تخلي البطن لازق بالظهر والله اعلم))


* سمعت انو يمنع دهن الجسم بخل التفاح والنوم يسبب ترهل في هذة الحالة .

أتمنى تستفيدوا مع إن كل اللي ذكرته موجود بالمنتدى لكن عملت له تلخيص بالموضوع

ودمتم سالميــــــــــــــــــــــــــــن

أحب بناتي
02-28-2007, 07:07 PM
جزاك الله خييييييييييييييييييييييييير

zanouba2001
03-04-2007, 12:52 PM
السلام عليكم و رحمة الله و بركاته .
اختى العزيزة soul
انا بطنى كبييييييييييييييييييييييير .
انا طولى 154
ووزنى 67.
جسمى متناسق .الا ان بطنى كبير .فمن يرانى يظن انى حامل فى شهرى
الخامس او السادس.لان كل الدهون متركزة فى بطنى .
لدا ارجو منك و من الجميع ان يفيدونى بوصفة اعشاب .لان الرياضة وحدها لا تكفى .
الف الف شكر

**مذهله**
03-04-2007, 04:16 PM
مشكووورين ياالغااااليات

نصلئح رائعه

^Soul^
03-06-2007, 08:51 AM
انا بالخدمه حبيبتي وحنا هنا لمساعدة بعضنا

مابوه < هذي كلمه باللهجه القصيميه يعني( مافي )
نيم < يعني اسم بالانقلش

طبعاً سبب هالاسم اني يوم جيت اسجل بالمنتدى كل ماحطيت اسم قالي مسجل مسجل مالقيت حل غيره هههههههههه


مابوه نيم ههههههههههههههههه حلو والله

مشكوورة حبيبتي على نقل تجربتج و أوجه دعوة لباقي البنات انهم يشاركونا في عرض تجاربهم



بنات انا صار لي تقريبا اسبوعين اسوي هالتمارين و الوصفات اللي كتبتها في موضوعي والحمدلله نتيجة واااضحة و مواصلة بإذن الله لحد ما أوصل للي أبيه ان شاءالله

^Soul^
03-06-2007, 08:53 AM
رياضه المشي المشي يا بنات المشي ثم المشي ثم المشي انا كنت امشي وبعدين قلت لماما اني ابغى امشي رفضة لانه طلع عندنا في تركيا ناس يختطفون العرب وامي خايفه علي انخطف والله والله انا اتمنى امشي علشان كذا اذا كان عندك سرير دورين حطي يدك على الدور الثاني واجري مكانك والله كنك تمشين على سير والدرج اطلعي عليه بستمرار وانا عندي صدري كبير شوي والمصيبه انا باقي بنت مو متزوجه ابغى شي مضمون يصغره الله يخليكم .........


الفراشة المغتربة يارب تردين لبلادج سالمة و نحيييييييييييييييفة

جربي التمرين اللي قلته انج تصفقين على ورى تمدين يدينج لورى و تصفقين بهم فعلا تمرين ممتاز و ينحف الصدر

وريف اليامي
03-06-2007, 06:04 PM
ألاراده والتصميم مفتاح نجاح أي عمل مهما كان.

بحرينيه عسوووله
03-07-2007, 05:50 PM
انا ابي تمرين يخفف الزند يااريت بسرعه الي يعرفون

^Soul^
03-08-2007, 11:38 PM
hobzoaa
يا هلا فيييج اختي حياج الله معانا

سحر50
تسلمين حبيبتي على مشاركتج و فعلا الاكل باعتدال ما يؤدي للسمنة و خصوصا هالسوالف عيوش و غيرها

الأنفاس الصامتة
أشكرج حبيبتي على المشاركة و مغلي البقدونس كل من يمدحه انا جربته مرتين بس طبعي ما اتحمل الأعشاب وايد بس هو مفيد حتى للبشرة


أحب بناتي
تسلمين حبيبتي

zanouba2001
البطن يطلع يا من خلل في الهرمونات و الدورة او غازات يا من الاكل اللي مو عدل فاست فود و بيبسي و غيره
و الرياضة فعالة في هالحالة حاولي تسوين رياضة البطن يوميا لمدة ربع ساعة لحد ما توصلينها لساعة يوميا و شوفي بطنج شلون



مذهلة

حياج الله يالغالية
وريف اليامي

شكرا لمرورج عزيزتي

بحرينية عسولة
انا صار لي سنة ابي انحف هالزنود
تدرين شسويت؟؟؟؟؟؟؟؟؟
شريت لي أثقال وزنهم 1 كيلو جرام و شريت لي كريم تنحيف
صرت اسوي تدليك للمنطقة و فادني بشكل كبير و تمارين بالاثقال و الحمدلله فرررق ملحوووظ باقي لي شوي على شدهم و يصيرون بيرفكت
و استخدمت خلطة القهوة و الخل و اسوي مساج لهم
تمارين+ تدليك=يجيب نتيجة
التدليك لازم يكون بطريقة معينة
اشتري كريم لوريال للتنحيف و مكتوبة عليه الطريقة و انا هاي الطريقة اللي فادتني بصراحة لان قبل كنت ادلك بطريقة غير فعالة

و موفقة يالغالية

حلوه &دبدوووبه
03-09-2007, 01:59 AM
مشكوره حبيبتي عالموضوع

^Soul^
03-10-2007, 12:23 AM
حياج الله حلوة و دبدوبة

●صدى الحروف●
03-10-2007, 02:00 AM
مشكورة حبيبتي على الموضوع المفيد
واشكر كل من شارك في الموضوع00

بالنسبة لي خفيت كثير
لاني صرت ما انام الا بعد ما اتعشى بساعتين او اكثر
واحيانا كثيرة ما اتعشى
اهم شيء ما انام وانا توي آكلة00

تقبلوا أعذب تحيتي

^Soul^
03-10-2007, 06:18 AM
كلي حيرة انا بعد جربت هالطريقة و فعلا ممتازة اتقعدين خفيفة و الوزن يقل بالتدريج


تسلمين حبيبتي على مشاركتج

&&ام شيرين&&
03-12-2007, 07:57 PM
مشاء الله عليكي وانا راح اجرب التمرين

سحر المشاعر
03-12-2007, 09:23 PM
ياختي طيب يقولوا التمارين اذا تركتيها العضلات تترهل وتتعب ويزيد الامر سوء
وهذا الذي خايفة منه بعكس رياضة المشي مافيها ضرر
والف شكر

العنود10
03-12-2007, 09:37 PM
انا مع الاخت بان التصفيق على ورى شي عجيب يخليكي لبسه سترج وضيق بعد بدون تضاريس ومرتفعات من عند الكتف من وراء

اليمونة الحلوة
04-11-2007, 12:43 AM
للرفع

حنونة حيل
07-22-2007, 05:19 AM
السلام عليكم جميعا ورحمة الله وبركاته
انا امس اشتريت اثقال لشد الذراعين وراح استمر ان شاء الله واعطيكم النتيجه

شفايف سكر
07-22-2007, 06:18 AM
هاااااااااااااااي :frxxagirبنات انا كانت عندي بطن الله وكيلك تفجع وحتى اذا بغيت امشي تمشي قبلي<<< شوف المبالغة:dfrf: المهم كانت عندي كرش ومين يبي كرش:sgsgse: محد المهم اني قررت انحف واتبع رجيم وكان الرجيم مكتوب فيه لازم رياضة :28_1_3[1]نص ساعة يوم شفت الكلام حسيت الارض تدور فيني :sdfsg:قمت رحت اشتريت الة السير ومع الرجيم:7_5_120[1 في اقل من شهر بطني قربت تختفي وهذا كلو مع الصبر ام اللي تبي تنحف في يوم:10_8_9[1] ولا تبي تبلع حبوب اقول انتظري لين البقرة تحج على قرونها<<<:dfdf:احس ان المثل غلط <<<ترى سهرانه:sfsf: <<<<اقول متى الفلم الهندي حقي يخلص ويالله سي يو:11_1_209[

اخت فى الاسلام
07-22-2007, 07:58 AM
مشكورة

عبيرو الدلوعه
07-22-2007, 11:24 AM
مشكوووره على الموضوع الجميل

ranodah
07-22-2007, 05:10 PM
أخواتي انا قرأت عن الزنجبيل الأخضر تأخذي قطعة على قد كف اليد وتضعيها في الخلاط الكهربائي مع قليل
من الماء وتضعيه على الأماكن المراد تنحيفها وتلف بنايلون
وان ان شاء الله راح اجربها من بكرة

بينسال
08-03-2007, 10:13 PM
يابنات والله يمكن ماتصدقون
كل اللي قلتوه مايحل مشكلتي وهي إن أقدامي وسيقاني مليانة
يعني ماأبغى رياضة شد أنا أبغاها تنحف حتى والله شكل أقدامي
لمن ألبس صنادل مرة مو حلو خاصة منطقة الكعب

الله يسعد قلب اللي تساعدني

Beautiful Girl
08-04-2007, 12:38 AM
وواااوو وناااسة حلووو المووضوووع ..

أنا بادية رياضة من يوم السبت مو الي طاف الي قبله ...

أحس جسمي يعورني بس لحد الحيــن ما شد مع العلم مــو كــل مرة أسوي رياضة ..!!...

و أذا لقيت نتيجة علي جسمي بحطها هني :)

و شكرا ...

نهر العطا
08-04-2007, 12:59 AM
موضوع مفيد جدا صراحه استفدت كثير

يعطيكم الف عافيه

وماعندي شي اقوله زياده على كلامكم :)

عنود السعودية
08-05-2007, 12:24 AM
هههههههههههه والله التمرين هذا اني اسويه كل يوم بس هههه طبعا العب انا واختي الضغيرة تو ادري انه تمرين هههههه الله يعطيك العافية وترى يابنات التمرين والله حلو اسالو مجرب

بلبل 2011
08-05-2007, 06:41 AM
يعطيكم العافية بنات

dalolo0o3a15
09-20-2007, 02:51 PM
حبايبي يعطيكم الف عااااااااااااااااااااااااااااااااااااااااااااافيه ماقصرتوا الله يسعدكم يارب

محارالبحر
11-10-2007, 12:46 AM
يسلمووووووووووووووووووووووووووووووووو

سومــــــــــــــــــــا
11-10-2007, 10:44 AM
مشكوره اختي على موضوعك بصراحه استفدت منه وايد وانشاء الله راح اطبق التمارين الي فيه

مـ الـجـروح ـلاك
12-01-2007, 01:55 AM
اقوووول ابي اعرف فؤاد خل التفاح اذا دهنت فيه الجسم وهل بالفعل يزيل الشحوم

ريماس كلها ألماس
12-11-2007, 11:22 PM
شكرا لصاحبة الموضوع لانة مرة مفيد
ويستااااااااااااااااااااااااااااها




الرفـــــــــــــــــــــــــــــــع

nona el sha3nona
12-12-2007, 12:08 AM
موضوع جميل ما شاء الله عايزه اجرب زيت الزيتون وخل التفاح
بس عايزه أسأل خل التفاح ده اللى فى السوبرماركت عادى ولا لازم اللى عند العطار

درة 2007
03-12-2008, 04:57 AM
موضوع رائع

أتمنى تعطوني حل لتصغير الصدر

* وجه القمر*
03-12-2008, 11:00 PM
موووووووضوعك مرررررررررره روعه موفقه اختي والله ينحفك وجميع البنات وانتن بصحه وعااااااااافيه

المهم بناااااااات بعد ما ولدة وزني 69 وخلال 10 شهور إلى سنه صاااار وزني 59 كيلو.طبعا ترهل جسمي شوي مو شوي إلى واااجد
تجاربي سويت رياضة التصفيق ع ورى مررررره روعه صغرة الصدر عندي وكنت احط خل تفااااح ( الشهاابي ) احسه احسن نوع ومكتوب عليه عضوي
وكمان اشربه ملي الغطى ع كاسة ماء بارد مرره روعه يحرق الدهوون ، بنات لا تشربونه ع معده فاااااارغه احسن تاكلين وجبتك حقة الرجيم او خيار او اي شي بعدين تشربينه ، عشااااااان ماتألمكم المعدة ، كمان سويت رياااضة الخصر ررررروعه وتتووصل لمنااطق كثيره وتشدها روعه لا تفووتكم .

فيه عندي مناطق ما قدرة اسوي لها رياااااضه زي الظهررررررر
وش سوووووووويت ؟؟؟؟؟؟؟
لجأت لل( ال بي جي ) رررروعه صراااااااحه ويغنيك عن الريااااضه طبعا البنااااااات الي مو سماااااان حيل والبناات الي ترهل جسمها بعد الرجيم رااااح تشوف مفعووله زي السحرررررر،
مميزاااااااته
طلع خصري عدل الدهون المترااكمه في الظهرررررر تحسنت بشكل كبير 70- 80 بالميه يعني بااقي حاجه بسيطه مقدوووور عليها إن شاء الله مع باااقي الجلسات ، وهذا الجهاز رااااح يفيدكم في منطقة الزنوووووووووووود والزوائد الي مع الجنوووب و المنطقه المتسفطه تحت البااااط عرفتووووها مع ال بي جي رااح تودعووووووونها( انفع اسوي دعاااايه هههههههه) لا عاد تراااني جاااااااده بتدعووون لي بجد راح تصيرون شي ثااني غير الثقه ، والملابس الي رااح تتوسع بعد ما كانت ضيقه .
كمااااااااان عندي المنطقة الي فوق الأردااف وتحت الخصرررررر مزعجتني سويت لها راااااضة وما نفعت معها هذا غير ان ريااضة حقتها مؤلمه جدا ، سويت عليهااااااا ال بي جي
تحسنت بشكل ملحووووظ ، باااقي شوي ويصير جسمي ما نكااااااااااااااااان ولله الحمد .
هذي نتااااائج تجااااربي
ودعواااتكم بنااااااااااات يا حلواااااااااااات
ان الله يفرج كربتي ويسهل امووور زوووجي
واي سؤاااااااال انا في الخدمه رااااح اشقر ع الموضوع واستفيد من تجارب البنااااااااااااات .

دمـ ع ـهـ
03-13-2008, 01:12 AM
مشكوره وجه القمر
بس ممكن اسألك انتي وين سويتي ال ال بي جي
وكم احتجتي جلسه وكم كلفك
وهل ينفع للفخوذ ؟؟

* وجه القمر*
03-17-2008, 04:52 PM
مشكوره وجه القمر
بس ممكن اسألك انتي وين سويتي ال ال بي جي
وكم احتجتي جلسه وكم كلفك
وهل ينفع للفخوذ ؟؟
تأخرت عليك بالأجابه سووري ( النت عندي متعطل ومبهذلني )
انا في الحساء وسويته في المستوصف النسائي وسويت اربع جلسات وبانت معي النتيجه والحين رجعة اكمل عشان ينشد الجسم تماما .
بالنسبه لتكلفة تختلف من مركز لثاني ( انا سويته ب80 للجلسة ) والحين رافعين السعر إلى 150 ريال تخيلي عسى يكفيني اخلص
بالنسبه للفخوذ تقدرين عااادي ، لكن احس الفخوذ خاصه من داخل تألم لكن من برى ما اتوقع عادي الألم فيها مو مره

دعواااااتك يا الحلوة :020:

جنة نور
03-17-2008, 11:23 PM
مشكورين على هالموضوع الطيب بس يريت الي جربو تمرين التصفيق يشرحولنا الريقة بالضبط لأني مو عارفة وأحس ليدين ما تروح لورى بشكل مستقيم تصير لي تحت مو فوق

* وجه القمر*
03-19-2008, 10:52 PM
مشكورين على هالموضوع الطيب بس يريت الي جربو تمرين التصفيق يشرحولنا الريقة بالضبط لأني مو عارفة وأحس ليدين ما تروح لورى بشكل مستقيم تصير لي تحت مو فوق
بعد اذن صاحبة المووووضوع
الطريقه توقفين بشكل مستقيم وتصفقين بدينك ع ورى واثناء التصفيق تشدين عضلات صدرك كأنك تاخذين شهيق ، بس سهله هي في البدايه متعبه شوي لكن لا تعوتي عليها صار عادي ، ولا تجهدين نفسك يعني اول مره سوي 50 بعدين 100 في الصباح 50 والليل 50 وزيدي كل الشوي ع حسب طااااقتك وفي غضون شهر رااح تبين معك انتايج ويمكن قبل ع حسب اجتهادك .
وموووفقه :11_1_209[

صوت العيون
03-19-2008, 11:51 PM
مشكورة

جــبــروت نــمــلــهـ
03-21-2008, 05:18 PM
الله يسلم دياتك على هيك موضوع


انا امشي على السير واتبع تمارين الخصر والزنود وانشاء الله استفيد عشان افيدكم

R O F I D A ~
03-21-2008, 06:32 PM
يعطيك الف الف الف عافيه

الله يوفقك يااارب من جد كنت محتاجه لشي يصغر ..

shahoodh
04-29-2008, 02:15 AM
يابنات يابنات ^_^
حبيباتي في جهـــاز تخسيس مزدوج يجنن
فيه سير للمشي وفيه دراجه بتحكم شخصي
وفيه مساج أمريكي كهربائي هذا لحاله جنان ماتخلصين منه إلا وجسمك أحمر ويقرصك ^_^ تحسين فعلاً إن الدوره الدمويه تحركت
وفيه الدائره الحلوه الخاصه بالخصر تمسكين القيضات وانتي واقفه وتدوري يمسن ويسار
وفيها بعد حامل يشتغل بالضغط وهذا خاص لشد الترهلات في الاكتاف ويمديك تتحكمي في الثقل انا من اول كنت أحطه خفيف لكن لما تعودت عليها ثقلت الدفع فيها
يعني الجهاز هذا يعم الجسم كله وفوق هذا يخدم اشتريته من ثلاث سنين تقريباً وكأنو لسه جديد ^_^
لي عوده ^_^

عزوووف الاماني
04-30-2008, 08:20 AM
يسلمووووووووووووو على النصائح
وننتظررررر الباقين

دلووووووووووعه *_*
05-16-2008, 09:02 PM
يلا يابنااااااااااااات فين الحماس ؟؟؟
اشكر صاحبة الموضوع على هذا الموضوع وان شاء الله اني معاكم بالتمارين ..
ودي ..

دفى فجري
05-17-2008, 01:08 AM
وااااااااااااااااااااااااااااااو

الله يسهل امرك ياصاحبة الموضوع

والله يوفقك دنيا واخره

وربي تعباانه نفسيتي صدري كبير وانا لسى بنت وخصري مو واااضح مره

انشاالله اجرب هالتماارين والله يوفقني

طيف الخواطر
05-18-2008, 01:35 AM
يابنات يابنات ^_^
حبيباتي في جهـــاز تخسيس مزدوج يجنن
فيه سير للمشي وفيه دراجه بتحكم شخصي
وفيه مساج أمريكي كهربائي هذا لحاله جنان ماتخلصين منه إلا وجسمك أحمر ويقرصك ^_^ تحسين فعلاً إن الدوره الدمويه تحركت
وفيه الدائره الحلوه الخاصه بالخصر تمسكين القيضات وانتي واقفه وتدوري يمسن ويسار
وفيها بعد حامل يشتغل بالضغط وهذا خاص لشد الترهلات في الاكتاف ويمديك تتحكمي في الثقل انا من اول كنت أحطه خفيف لكن لما تعودت عليها ثقلت الدفع فيها
يعني الجهاز هذا يعم الجسم كله وفوق هذا يخدم اشتريته من ثلاث سنين تقريباً وكأنو لسه جديد ^_^
لي عوده ^_^
يا ليت حبيبتي تقولي اسمه ....وكم سعره.... ومن فين اشتريتيه.... وهل له اضرار ؟؟؟اشتكي من ترهلات........:042:

ام#عبدالله
05-18-2008, 07:19 AM
يسلموووووووووووووووووو

انا روزة
05-18-2008, 11:42 AM
انا بشكر اوي صاحبة الموضع


لاني فعلا استفت منكم جميعااا


شكرا يافراشة


روزة

sweete hard
06-29-2008, 10:39 PM
الف شكررررررررر

فرح &
07-27-2008, 11:23 PM
مشكوووووووووووورة

فراشة واحب الوناسه
07-28-2008, 02:44 AM
شكر من اعمااااااااق قلبي لكل وحده ذكرت تجربتها او معلومة افادتني
جزاكن الله خير
والله يجزاها خير صاحبة الموضوع ,,,

نفسج
07-29-2008, 06:48 AM
شكرا يافراشاتي الرشيقات لكن ايش ال بي جي والاخت الي حطت زنجبيل مع زيت الزيتون تضيف كمان زيت القرنفل وان شاء الله تعم الفائدة

الوفاا
12-23-2008, 08:49 PM
مشكوره على موضوع الرائع :0150:
وان شاء الله نستفيد من اللي ذكر فيه..

ريتاج1996
01-13-2009, 12:18 AM
اخواتي شنو ال بي جي ارجوا الأفاده انا سمنت وتغيرت الا اختفت معالم جسمي

bentq8_1
01-14-2009, 10:56 PM
الصراحه
ببدايات رجيمي كنت اسوي اول تمريني
مال الخصر والصدر
والحمدلله الحين مختفييييييييييييييييييين
ولله الحمد
انصحكم فيها يا بنات
لا يطووووووووووووووووفكم

صعب مثلي تلاقون
10-25-2009, 09:03 PM
الزنود الحل معها ايش

فجوره وريوفه
03-02-2010, 12:22 AM
رفع

Banotah KAU
07-24-2010, 06:52 AM
upppppppp

ام كيمووو
10-30-2010, 07:57 PM
موووووووضوعك مرررررررررره روعه موفقه اختي والله ينحفك وجميع البنات وانتن بصحه وعااااااااافيه

المهم بناااااااات بعد ما ولدة وزني 69 وخلال 10 شهور إلى سنه صاااار وزني 59 كيلو.طبعا ترهل جسمي شوي مو شوي إلى واااجد
تجاربي سويت رياضة التصفيق ع ورى مررررره روعه صغرة الصدر عندي وكنت احط خل تفااااح ( الشهاابي ) احسه احسن نوع ومكتوب عليه عضوي
وكمان اشربه ملي الغطى ع كاسة ماء بارد مرره روعه يحرق الدهوون ، بنات لا تشربونه ع معده فاااااارغه احسن تاكلين وجبتك حقة الرجيم او خيار او اي شي بعدين تشربينه ، عشااااااان ماتألمكم المعدة ، كمان سويت رياااضة الخصر ررررروعه وتتووصل لمنااطق كثيره وتشدها روعه لا تفووتكم .

فيه عندي مناطق ما قدرة اسوي لها رياااااضه زي الظهررررررر
وش سوووووووويت ؟؟؟؟؟؟؟
لجأت لل( ال بي جي ) رررروعه صراااااااحه ويغنيك عن الريااااضه طبعا البنااااااات الي مو سماااااان حيل والبناات الي ترهل جسمها بعد الرجيم رااااح تشوف مفعووله زي السحرررررر،
مميزاااااااته
طلع خصري عدل الدهون المترااكمه في الظهرررررر تحسنت بشكل كبير 70- 80 بالميه يعني بااقي حاجه بسيطه مقدوووور عليها إن شاء الله مع باااقي الجلسات ، وهذا الجهاز رااااح يفيدكم في منطقة الزنوووووووووووود والزوائد الي مع الجنوووب و المنطقه المتسفطه تحت البااااط عرفتووووها مع ال بي جي رااح تودعووووووونها( انفع اسوي دعاااايه هههههههه) لا عاد تراااني جاااااااده بتدعووون لي بجد راح تصيرون شي ثااني غير الثقه ، والملابس الي رااح تتوسع بعد ما كانت ضيقه .
كمااااااااان عندي المنطقة الي فوق الأردااف وتحت الخصرررررر مزعجتني سويت لها راااااضة وما نفعت معها هذا غير ان ريااضة حقتها مؤلمه جدا ، سويت عليهااااااا ال بي جي
تحسنت بشكل ملحووووظ ، باااقي شوي ويصير جسمي ما نكااااااااااااااااان ولله الحمد .
هذي نتااااائج تجااااربي
ودعواااتكم بنااااااااااات يا حلواااااااااااات
ان الله يفرج كربتي ويسهل امووور زوووجي
واي سؤاااااااال انا في الخدمه رااااح اشقر ع الموضوع واستفيد من تجارب البنااااااااااااات .

صحيح كتير مدحوه
وانا ان شالله ناويه اجربه بس الاقي مكان احط البيبي تبعي فيه
وعلى فكره هو يفضل يكون مع رياضه

ستــعود الإبتــسآمة
01-22-2011, 04:59 AM
لي رجعه

angel sh
04-14-2011, 11:19 PM
مرررحبا مشكووره حبوبه ع الموضوع

بس ابي اعرف طريقه لتنحيف اليد من اعلى ..والافضل تمارين ريااضيه افيدوني جزاكم الله خير
مرحبا يا جماعه انا قاعد عم بدور طرق لتنحيف الوجه ومش لا قيه؟؟فيكم تحكولي كيف الطريقه؟؟


Content Relevant URLs by vBSEO 3.6.0