المساعد الشخصي الرقمي

مشاهدة النسخة كاملة : ماهو أفضل مشروب لتخفيف الكرش ؟؟



كلاس
02-24-2007, 04:01 PM
أنا سمعت عن مشروبات متنوعة للتخفيف من الكرش منها :

- الشاي الأخضر + الميرامية + الينسون
- الزنجبيل الطازج + نعناع طازجة + قشر رمان
- كمون فقط وشرب كاس مويه دافى مع قليل من الليمون عند الإستيقاظ وعند النوم

ياليت اللي عندها فكرة تعلمنا أيش أكثر طريقة فعالة ونستفيد من تجربتها .

شكرا ...

طريق مكة
02-25-2007, 03:49 AM
الميــــراميـــــــــــــــــــــــــــــة وعن تجربة ولوحدها بس بعد الوجبات بساعتين

تخفف كثير من البطن مع المداومة على شريها ولها منافع كثيييييييرة .

مبسم
02-25-2007, 05:29 PM
عزيزتي كثرة شرب المرمية تسبب خلل فى الهرمونات والمبايض وهذا عن يقين 0 وصبري علي شوي حتى ألاقي خلطات من الأعشاب لتخفيف الكرش ماأعرف وين حطيت الورقة لكن الأهم من كل هذا ممارسة الرياضة والانقطاع عن المشروبات الغازية وشرب الماء قبل الأكل بنصف ساعة أو بعد الأكل وأخيرا الكرش وراثة 0

الرواله
02-25-2007, 06:23 PM
مرحبا
انا اعاني من نفس المشكله لانى نحفت حول 26 كيلو .... فبدات احس بالترهلات وانا اساسا قبل لا انحف كانت مشكلتى الاساسية البطن .... بس لى فتره امشي ع السير بس هروله احاول ابذل مجهود مضاعف وبعدها استخدم سونا للبطن بس وبالنسبة للاعشاب ( ملعقة شمر وملعقة يانسون ونعناع أخضر وزنجبيل أخضر ) اغليها مع بعض وبعدين اضيف لها الشاهي الاخضر وع فكره الشمر يشد الجسم ........ وبعد استخدمت خل التفاح وزيت الزيتون دهن حول المنطقة اللى تبيها تنشد ومفعولها سحري والله ........

المها2007
02-25-2007, 07:15 PM
أختي أحسن شي الكمون مع نصف ليمونه وعلى الريق
وبتعدي عن الرز والمكرونه

noura2329
02-26-2007, 12:37 PM
انا برضو مع الكمون والليمون

خلودجدة000
02-26-2007, 04:54 PM
طيب الي تشرب كمون وليمون وما تقدر تبعد عن الرز والمكرونه

الجــواهــر
02-26-2007, 05:43 PM
الزنجبيل .............،

الحـــ كله ـــلا
02-27-2007, 12:37 AM
بناات ابي خلطه فيها الشمر لان يقولون انه يشد

احلى منكم
02-27-2007, 03:20 AM
الله يعطيك العافية

فراشه المنتدى
02-27-2007, 10:35 AM
الشمر اشربيه لوحده
والليمون والكمون يمدحونه كثير
انا استخدمه لى اسبوعين وان شاء الله ابستمر عليه شهر

كلاس
02-28-2007, 11:52 AM
شكرا للمرور......

محبوبة حسن
02-28-2007, 12:04 PM
افضل شي الكمون والليمون على الريق

*.*عنوده*.*
02-28-2007, 12:40 PM
تسلمون حبيباتي على الافاده لأن عندي بروز خفيف في البطن وودي إنه يختفي ,, بس ما أبي أمشي ولا أسوي رياضه

بس سمعت انو الليمون على الريق يسبب القرحه ,, شرايكم؟؟

أتمنى إنكم تفيدوني

..................

حلم وسط السراب
02-28-2007, 02:48 PM
افضل مشروب لتخفيف الكرش القشراليماني وطريقته تاخذين مقدارثلاث ملاعق طعام على كاستين مويه ويغلى لمدة عشر دقائق وطبعا القشر مو مطحون وغير محلى ومع الاستمرار يخليك كذا

مصممة كوش
02-28-2007, 03:07 PM
يسلموووووووووووووووو

سحاب الرياض
02-28-2007, 04:17 PM
هلاا فيكم خواتي
بنسبه لمراميه مره كويسه وبالعكس ياختي منشط المبايض
وانا تجربه شحصيه استخدم الكمون وليمووون والحمدلله خف شوي
اما الاخت الي تبي تشد الجسم انا سمعت عن الشمر تحطين ملعقتين على كوب ماء وتخلينه تغلى خمس دقايق وبعدين تشربينها مره في اليوم

maiooona
03-01-2007, 01:57 PM
مرحبا
و الله انا دايما اشرب 2\1 ليمونه على ماء دافي على الريق و مفعولها طيب
و كذلك جربت من فترة اكل الروب قليل الدسم مع ملعقه كبيرة نخاله(شوفان) و ملعقه حبة حلوه كل يوم قبل الغدا مباشره
و مفعولها عجيب الكل يسألني لابسه كورسيه؟
بالتوفيق انشالله
:)

ملاكـ فلسطين
03-01-2007, 03:39 PM
مرحبا
انا اعاني من نفس المشكله لانى نحفت حول 26 كيلو .... فبدات احس بالترهلات وانا اساسا قبل لا انحف كانت مشكلتى الاساسية البطن .... بس لى فتره امشي ع السير بس هروله احاول ابذل مجهود مضاعف وبعدها استخدم سونا للبطن بس وبالنسبة للاعشاب ( ملعقة شمر وملعقة يانسون ونعناع أخضر وزنجبيل أخضر ) اغليها مع بعض وبعدين اضيف لها الشاهي الاخضر وع فكره الشمر يشد الجسم ........ وبعد استخدمت خل التفاح وزيت الزيتون دهن حول المنطقة اللى تبيها تنشد ومفعولها سحري والله ........
كلامها صح وفي كمان شفت في منتدى اخر وصفه لشد البطن والقضاء على الترهل هي انك تخلطي 3 ملاعق حناء مع 3 ملاعق شبه مطحونه وتعجنيهم بماء دافي وتحطيهم على منطقة الترهل ربع ساعه ونغسليه بعدها بقولو من 3 ايام بتظهر النتيجه :frxxagir

كلاس
03-02-2007, 08:01 AM
شكرا على المرور ......

reemal
03-02-2007, 12:35 PM
يابنات فيه فرق بين الكرش وبين شد البطن المترهل
يعني انا ماعندي كرش ولكن بطني مترهل يعني فااااااااااااضي وطري مثل الجلي بسبب الحمل
هل المشروبات اللي ذكرتوها للشد ام للكرش؟
انا سمعت بمشروب مجرب وهو ميرامية واكليل الجبل والبابونج بس مابعرف لشو للشد ام البطن

كلاس
03-02-2007, 03:00 PM
لا يا أخت reemal هي لبروز الكرش وليس للترهل الشديد زي ما وصفتي .
على حسب ما أسمع أن مشكلتك سببها أنكي لم تلبسي مشد بداية من أول أسبوع في الولادة إذا كانت ولادة طبيعية .
والحل هو رياضة كثيفة لشد المنطقة وهذا إذا استبعدنا حل الجراحة طبعا .

ملاكـ فلسطين
03-02-2007, 05:17 PM
كاس ماء ساخن قليلا مع عصير نصف ليمونه على الريق

اووووووووو
كاس ماء بارد مع ملعقه خل بعد كل وجبه الخل معروف انه اكبر مذيب للشحوووووووم

جنه الدنيا
03-03-2007, 03:24 AM
السلام عليكم
انا ولادتي كانت قيصريه من شهرين
هل ينفع استعمل خل التفاح وزيت الزيتون في دهن البطن ؟
لان بطني ترهلت جا بع الولاده
ارجو الرد

كلاس
03-09-2007, 11:02 AM
والله ماأعرف عن القيصرية ...بس الظاهر يصلح تلبيسين مشد الأن وإلا الأمور سوف تزيد سوء

monytomy
03-14-2007, 02:59 AM
اليمون والكمون وعن تجربة مفيد جدا ويخفف الكرشة كثيرا

فراشه المنتدى
03-14-2007, 10:41 AM
حلم وسط السراب
حبيبتى القشر محمص والا لااا
وقفت الليمون والكمون مانقصت عليه الاواحد انش
مع انه كثير يمدحونه وبجرب الحين القشر

قطرية ذوق
08-12-2008, 04:02 PM
انا اعاني من نفس المشكله .. وبجرب كلام الاخوات الليمون والكمون.. وكذلك فيه ناس قالوا لي عصير الليمون في ماي دافي معاه زنجبيل وينشرب على الريق.. وانا اخاف انو يجب لي قرحه فالمعده والا حموضــه... شرايكــم بنـــات؟؟؟

واذا على الشاي انا اداوم على المراميه والزعتر واليانسون .. وبحط الشاي الاخضــر.. مع انه حار شوي بس ممتااز وانا مجربته كذلك انوو يمشي البطن وينضفه من الغازات ..

ممتاز الصراحه كل العجايز ينصحون فيه..

تشربونه بشكل يومي بس الاهم انكم تبتعدون اكثر من المشروبات الغازيه مهما كانت..

وتلتزمون بالتمارين والمشي... وشرب الماء بعد الاكل على الاقل بنص ساعه وكذلك مع الالتزام بالتمارين الرياضيه وشرب الماء اثناءها بكثره..

والاا شرايكـــم يابنــات..؟!!!


تقبلوا مروري

ولكم مني احلا وارق تحيه

اختكم فالله
قطريــة ذوق..

نـــــــــــــــــــور
08-26-2008, 07:21 AM
الله يجزاكم خير
أنا بديت من قبل يومين وأنا أشرب ماء دافئ
على الريق وحدة أنصحتني فية في المواقع
ميمو

دلـــــــــــــع
08-28-2008, 01:37 AM
الزنجبيل مرررره كويس
والمرميه كماااان وعن تجررربه

كرار2009
11-05-2008, 12:57 PM
معليش بنات بس ياريت احد فيكم يقولي

بارد ولا حار شرب الكمون..الخ

الغلا26
11-08-2008, 02:29 AM
سبحان الله وبحمده

حلوة الأخلاق
04-25-2010, 07:19 PM
والله جارتي زرتها بعد الولاده كانت عندها كرش ووزنها زايد كثير

ووقتها تكلمنا انا واياها عن كيف تخفف كرشها فمدحت لها المشد الاندونيسي رغم اني ما استعملته ولا جربته

وبعدين جبته لها وهي بالنفاس لانها ما عرفت وين ينباع

وشفتها بعد شهرين عند الوالده وكان بطنها خاف وكانت تقول لي انها لابسه المشد الاندونيسي

واستمرت لابسه المشد 3 شهور وما تفكه الا عند النوم فقط وكانت تشرب الشمر والكمون طول هالمده

ويوم شفتها بعد الثلاث الشهور هذي كان جسمها ياخذ العقل ما شاء الله عليها

ادعوا لها بان الله يهدي زوجها ويرده لها لانه طلقها وهي حامل المسكينه وعندها منه الحين 4 بنتين وولدين

والله يديم عليكم الصحه والعافيه والسعاده الدائمه آمين يارب العالمين

نونة النوانة
05-07-2010, 05:27 PM
الله يعطيكم العااااافيهـ

النونو لين
05-08-2010, 01:16 AM
الزنجبيل مع الشاي الاخضر

النونو لين
05-08-2010, 01:17 AM
الزنجبيل والشاهي الاخضر


Content Relevant URLs by vBSEO 3.6.0