المساعد الشخصي الرقمي

مشاهدة النسخة كاملة : يافراشات مصـــــر...كل مايهمك في الميك اب والبرفانات



ناني 29
03-14-2007, 06:38 AM
اهلا بكل الفراشات الحلوين

انا حبيت يكون لينا تجمع ننقاش فيه كل مايخص المكياج والعطور
ايه احسن ماركات الميك اب
ايه احسن العطور
والاسعار
وكمان اماكن المحلات

ياريت كلنا نتفاعل ونفيد بعض

واللى عايز يستفسر عن اي حاجة يتفضل
واللى عنده معلومات وخبرة في عالم الميك اب والعطور ياريت يفيدنا بمعلوماته

يارب الموضع او الفكرة دي تعجبكوا


منتظرة اجمل فراشات مصـــــــــــــر

لؤلؤة المصرية
03-14-2007, 01:12 PM
اهلا حبيبتي
ان شاء الله الموضوع يفيد ناس كتير
انا عارفة مكان بيبع ماركات وهوه سيتي ستار في المعادي
بس طبعا الاسعار
ناااااااااااااااااااار
وفيه اورفيليم وايفون
ودول اسعارهم حلوه
والعادي في المولات
ياريت لوحد يعرف اماكن كويسة يقولنا
وشكرا على الفكرة

Tweeety
03-14-2007, 01:23 PM
انا من مصر والموضوع حلو اوى
عشان اللى عندها اى فكرة ممكن نقلها لبعض
وخصوصا اللى داخلين على جواز
وانا ان شاء الله لو عرفت اماكن تبيع الميكياج هقول
وشكرا تانى على الموضوع

مصريه وافتخر
03-14-2007, 04:03 PM
هاااااااى يا مصريات يا قمرات انا عاوزه اسالكو عنا حلى انواع برفان انا بحب الروائح الهاديه يلا قولولى ايه احسن ريحه

شاعرة
03-14-2007, 04:16 PM
وانا بقول ايه النور ده ..........لاقيت اخواتى الحبيبات موجودين هنا ...........الاول يارب العالمين تكونوا فى احسن حال وسعاده ...وياريت فعلا نكتب عن احدث الوان مكياج وماركات تكون حلوه واللى اشترت لون مكياج معين حلو ياريت تعرفنا رقمه اما بخصوص البارفانات فعندكم ........جادور ..جوتشى رش...شانيل فايف5..هوجو اخر واحده خالص نزلت .....ليتل بلاك درس....اورجانزا.....اسكادا اخر واحده برده نزلت.......جفنشى ....ريد جينز ولما افتكر حاجه تانيه حقولكم بإذن الله تعالى ,,,,,,,,,,,,,,,,, مع خالص تحياتى

ناني 29
03-15-2007, 01:50 AM
اهلا حبيبتي
ان شاء الله الموضوع يفيد ناس كتير
انا عارفة مكان بيبع ماركات وهوه سيتي ستار في المعادي
بس طبعا الاسعار
ناااااااااااااااااااار
وفيه اورفيليم وايفون
ودول اسعارهم حلوه
والعادي في المولات
ياريت لوحد يعرف اماكن كويسة يقولنا
وشكرا على الفكرة

مرسي لمرورك يا لؤلؤة
واسمك جميل
طبعا الماركات المشهورة للميك اب هنلاقيها في مزايا وفيسيز

وعندك حق بالنسبه لماركة اوريفلام مهي هايله جدا واسعارها مناسبه للميك اب والبرفانات
عندها مجموعه برفانات انا مجربها حلوة اوي منهم

ايكلا - جورداني وايت - نوماديك - ميس او

بجد تتحفة جدا

والميك اب مجموعه جورداني تحفة جدا

ومن الماركات التانيه اللى بحبها واسعارها معقوله
اماندا
انا برشح كريم اساس اماندا لاصحاب البشرة الدهنيه
بجد هايل وكل اصحابي اللى رشحتهلم استخدموه ودعولي من قلوبهم الحمد لله
وسعره مناسب جدا ب 45 جنيه

ناني 29
03-15-2007, 01:51 AM
انا من مصر والموضوع حلو اوى
عشان اللى عندها اى فكرة ممكن نقلها لبعض
وخصوصا اللى داخلين على جواز
وانا ان شاء الله لو عرفت اماكن تبيع الميكياج هقول
وشكرا تانى على الموضوع

نورتي الموضوع يا حبيبتي
وياريت كل فراشه محتاجة تسأل عن الميك اب تحدد نوع بشرتها

لان طبعا الميك اب الخاص بالبشرة الدهنيه مش هيناسب اصحاب البشرة الجافة والعكس

ناني 29
03-15-2007, 01:53 AM
هاااااااى يا مصريات يا قمرات انا عاوزه اسالكو عنا حلى انواع برفان انا بحب الروائح الهاديه يلا قولولى ايه احسن ريحه

هاي ياقمر
طيب انتي عايزة ماركات ولا عادي ؟

بالنسبه للماركات
جادور - انسولانس
حلوين جدا هتلاقيهم في مزايا

بالنسبه لماركة سعرها عادي ومستوردة عندك طبعا اوريفلام
مشهورة ببرفانتها الرقيقة والهاديه

منهم جورداني وايت - ايكلا - سيرين - ميس او - نوماديك
وفي برفان جديد نزل اسمه امبريس بجد فظيععععععععع جداااااااااا

ناني 29
03-15-2007, 01:55 AM
وانا بقول ايه النور ده ..........لاقيت اخواتى الحبيبات موجودين هنا ...........الاول يارب العالمين تكونوا فى احسن حال وسعاده ...وياريت فعلا نكتب عن احدث الوان مكياج وماركات تكون حلوه واللى اشترت لون مكياج معين حلو ياريت تعرفنا رقمه اما بخصوص البارفانات فعندكم ........جادور ..جوتشى رش...شانيل فايف5..هوجو اخر واحده خالص نزلت .....ليتل بلاك درس....اورجانزا.....اسكادا اخر واحده برده نزلت.......جفنشى ....ريد جينز ولما افتكر حاجه تانيه حقولكم بإذن الله تعالى ,,,,,,,,,,,,,,,,, مع خالص تحياتى

مرسي يا قمر على المعلومات المفيدة جدا
بس ياريت لو تقدري تقولي الاسعار تبقى هايله

مها صبرى
03-15-2007, 10:31 AM
شكرا ياقمر على الموضوع
متجمعين عند البنى ان شاء الله هههههههههههههههههه

انا بستخدم ماسكرا XXLلابيض و الاسود بجد تحفففففففففففففففففففففة جدا بتخلى الرموش واااااااو بجد
كمان من اكتر البرفيوم اللى عجبنى ليتل بلاك درس

missdaizy
03-15-2007, 04:12 PM
السلام عليكم يا فراشات يا حلوين
اماكن الكياجات زى ما الاخت قالت فى mazaya,,,faces,,,sephora وفكل المولات والماركات زى max factor ,,,maybelline ,,,,lureal,,,channelيين شويه اما اللى اسعارعهم معقولة زى amanda,,,,,ciao,,,,,luna,,,oriflame اما بالنسبة للبارفانات زى cinema من ايف سان لوران touch of pink من لاكوست ودى تتجنن انا شجصيا بستخدمها وفى Gucci الجديدة حلوة اوى
يارب اكون فيدتكم

كوكب الشرق 2005
03-15-2007, 04:33 PM
يااحلى البنات فى بلادى منورين ومتجمعين عند النبى عليه الصلاه والسلام

تسلمى ايدك يانانى على الفكره الروعه ده
ولازم كلنا نفيد بعض واللى يجيب حاجه جديده وتكون كويسه لازم يقولنا عليها وده اتفاق بينا كلنا

اوووووووووووووك

انا لسه امبارح جايبه مجموعه مكياج لانى قررت خلاص استعمل المكياج
اشتريتهم من كايرو مول .. مليان محلات حلوه اوى والاحلى انك بتلاقى بنات مخصوص علشان يساعدوكى فى اختيار المناسب ليكى
اشتريت بودره اماندا جميله اوى وصحبتى بتستعملها من غير اساس او اى حاجه وبتخلى وشها منور ما شاء الله
ب20 ج
وعلبه شادو من xxxl ب 15 ج
علبه 24 لون والوانها كلها شبابى وجديده وسعرها حلو ولما اجربها هقولكم عليها
وكونسلر من دوف ب5 ج
وواحده صحبتى هتجيب لى كريم اساس من ايفون هيا بتستعمله والصراحه بيخلى وشها جميل ومش باين فيه حاجه
هيا قالت لى ب 6 ج :frxxagir
وبالنسبه للبرفان..جوتشى رش .. خيالى
بس ياريت مش يكون ظاهرعلشان البرفن حررررررام
يدوبك عطرى لبسك

ووووووووووووووبس
لما اجرب الحاجه ده كلها باذن الله هقول لكم على النتيجه
واللى تعرف انواع احسن ياريت تقولنا عليها وعلى مكانها

يارب اكون ضفت جديد للموضوع

((عيون المها))
03-18-2007, 11:00 AM
السلام عليكم و رحمه الله و بركاته
فرااااااشااااااااااااات مصرياااااااااااااااااات
الموضوع تحفه طبعا
و اكيد ان شاء الله فيه فايده لينا كلنا
بنوتات انا سمراء بستعمل البودره المائيه الاورنج بلش
و دي مخصصه للسمر غير الروزتا بس مضايقاني مش عارفه مش مرتاحه
بس بستعملها علشان انا بحب البودره اللي مش بتبيض الوش قوي
عايزه البودره اللي مجرد تظبط اللوش بس و تنوره بسيط
يا ريت الاقي اي اقتراحات
مشكورررين

معة حزينة
03-18-2007, 11:35 AM
مساء الخير على اجمل فراشات الموضوع بصراحة هايل انا بشرتى حساسة هل من افادة ايه الكريم المناسب مع خالص تحياتي

زينه2020
03-18-2007, 01:43 PM
السلام عليكم يا بنات مصر :frut5ragi
أنا من اسكندريه:h45r4
بجد موضوع حلو قوى
وفعلا كل منتجات اورفيلام جامد ه اوى
وأنا عايزه أعرف اى نوع كريم تفتيح
او اى كريم يروق الوجه من العلامات
بليييييييييييييييييييييييز ارجو الرد
ومشكوره أختى صاحبة الموضوع:fhgfreagi

maro_camba
03-18-2007, 02:03 PM
حلو اوىىىىىىىىىىىىىىىىىىىىىىىىىىىى
الموضوع بجد كنت هموت على اى موضوع للمصريين
بس انا اول مرة اعرف ان عندنا فى مصر سيفورا sephora هوة فين و اسعارة اخبارها ايه و هي دى ماركة لوحدها و لا زى فيسيز

ناني 29
03-19-2007, 02:53 AM
السلام عليكم و رحمه الله و بركاته
فرااااااشااااااااااااات مصرياااااااااااااااااات
الموضوع تحفه طبعا
و اكيد ان شاء الله فيه فايده لينا كلنا
بنوتات انا سمراء بستعمل البودره المائيه الاورنج بلش
و دي مخصصه للسمر غير الروزتا بس مضايقاني مش عارفه مش مرتاحه
بس بستعملها علشان انا بحب البودره اللي مش بتبيض الوش قوي
عايزه البودره اللي مجرد تظبط اللوش بس و تنوره بسيط
يا ريت الاقي اي اقتراحات
مشكورررين

حبيبتي انا عايزة اقولك ان البودرة المائيه مضرة جدا للبشرة لانها بتسد المسام وكمان بيكون مظهرها مش طبيعي وملفت جدا
لو بشرتك دهنيه وعايزة وش منور ولوك طبيعي
انا برشحلك كريم اساس اماندا مع اللوس بودر اوريفلام

بجد هتدعيلي لو استخدمتيهم وكل اصحابك هيلحظوا الفرق

ناني 29
03-19-2007, 02:55 AM
مساء الخير على اجمل فراشات الموضوع بصراحة هايل انا بشرتى حساسة هل من افادة ايه الكريم المناسب مع خالص تحياتي

حبيبتي تقصدي كريم مرطب ولا كريم اساس؟

ناني 29
03-19-2007, 02:57 AM
السلام عليكم يا بنات مصر :frut5ragi
أنا من اسكندريه:h45r4
بجد موضوع حلو قوى
وفعلا كل منتجات اورفيلام جامد ه اوى
وأنا عايزه أعرف اى نوع كريم تفتيح
او اى كريم يروق الوجه من العلامات
بليييييييييييييييييييييييز ارجو الرد
ومشكوره أختى صاحبة الموضوع:fhgfreagi

حبيبتي جربي كريم اسبوتلس ايفا
جميل جدا بيزيل اي علامات في البشرة وبيصفيها وينورها
وكمان كريم اولاي حلو اوي
وفي مجموعه تبيض جديدة من اوريفلام جميله جدا
جربي اللى يناسب بشرتك

بس ابدائي بكريم اسبوتلس نتايجه هتعجبك ان شاء الله موجود في الصيدليه ورخيص

maro_camba
03-19-2007, 08:37 AM
يا جماعة محدش رد عليا هوة فين سيفورا؟؟؟؟؟؟؟؟؟؟؟؟؟؟؟

sahar66
03-19-2007, 11:02 AM
منتجات ماكس فاكتر روعة ومنتجات XXL اروع

لؤلؤة المصرية
03-19-2007, 12:34 PM
حبيبتي اللي بتسال على سيفورا حتلاقيه في العزبي او سيف
هما غاليين شوية لا شويتين بس حاجتهم حلوة ومضمونة طبعا

maro_camba
03-20-2007, 07:40 AM
شكراااااااااااا يا لؤلؤة
ده اسمك اصل كنت واحدة صاحبتى اسمها لؤلؤ

زينه2020
03-20-2007, 11:29 AM
شكر خاص:dfr3
ل نانى 29
بجد مشكوره جدا على الاهتمام والرد يافراشة الفرشات:h45r4
وربنا يعطيكى العافيه على كل ردودك وكل اهتماماتك

((عيون المها))
03-23-2007, 03:34 AM
ناني ليكي جزيل الشكر حبيبتي
بس انا بشرتي جافه مش دهنيه
و في انتظار ردك
بنات انا جبت زيت الحيه من عند حراز تحفه
بجد بقالي تقريبا اسبوعين بستعمله خطير
و جبت من عنده كريم سيوليت من يومين
بجربه و هقولكو علي النتيجه

لؤلؤة المصرية
03-23-2007, 08:32 AM
لؤلؤة اسم بنتي اللي عندها سنة وشهر
الموضوع بدء يبقى مفيد لينا كلنا
بس حبيت اسال هوه فين حراز
اصلي سمعت عنه ومش عارفة مكانه
بس ياريت بالتفصيل علشان اقدر اوصله

أم فراولة
03-23-2007, 08:49 AM
حقا جميله منتجات اوريفلام انا اتصل عليهم و احصل على برموشن الشهر و فيه تخفيضات كبيره

*&*maha*&*
03-23-2007, 09:03 AM
×××الموضوع حلو جداااااااااااااا يا نانى أن شاء الله بالتوفيق ×××

ريم دبي
03-23-2007, 01:08 PM
اسمحولى اقول رايي

عطر نينا ريشى الوردى

وعطر لفلى

وعطرفانتاسيا من فندى

وعطرجيفنشى الوردى

وسورى على أقتحام مجلسكم :fhgfreagi

real_love906
03-23-2007, 04:05 PM
والله كلكم ذكرتو كل شيء بس حبيت ان يكون لي رد معاكم بنات بلدي ذكرتو منتجات افون وارفليم وانواع البرفات اللي فيها والميك اب
اما حبيبتي مها صبري انا معاها في نوع الماسكرا هي بتقول علي ليتل بلاك وانا بقول لها جربتي سوريال ناعمه جدا وهاديه وكمان شيري روز تجنن

((عيون المها))
03-24-2007, 03:41 PM
السلام عليكم و رحمه الله و بركاته
لؤلؤه حراز دا في ضهر مديريه الامن اللي بعد ميدان
العتبه بشويه يعني انتي اركبي اي حاجه رايحه العتبه
بس في شارع بورسعيد مش من ناحيه شارع الجيش
مديريه الامن في شارع بورسعيد هو وراها علي طول
انتي بس روحي و أسألي و الف مين يدلك
بس لما تروحي هناك بجد حاجاته تحفه
و الزيوت بتاعته روعه اولا بتبقي صافيه لانه هو اللي بيعصر
يعني مش بيخلط حاجه و الصابون المغربي و الليفه بتاعته
و الاعشاب و كل حاجه عنده ملهاش حل بس اساسي لما
تروحي هناك تيجيبي زيت الحيه لبنوتك علشان تطلع شعرها تقيل
و اسفه للرغي>>>>>>>>>>>>> رغايه شويتين
سلاموز فراشاااااااااااااااااااات

ناني 29
03-26-2007, 04:57 AM
ناني ليكي جزيل الشكر حبيبتي
بس انا بشرتي جافه مش دهنيه
و في انتظار ردك
بنات انا جبت زيت الحيه من عند حراز تحفه
بجد بقالي تقريبا اسبوعين بستعمله خطير
و جبت من عنده كريم سيوليت من يومين
بجربه و هقولكو علي النتيجه

العفو حبيبتي

بشرتك جافة يبقى مفيش مشكله
كل انواع كريم الاساس مناسبه ليكي جداااااااااااااااااااااا
لان مشكله البشرة الدهنيه ان كريم الاساس بيسيح ويدهنن

لكن معاكي مفيش قلق

ناني 29
03-26-2007, 04:58 AM
×××الموضوع حلو جداااااااااااااا يا نانى أن شاء الله بالتوفيق ×××

نورتي يا قمر

ناني 29
03-26-2007, 04:59 AM
لؤلؤة اسم بنتي اللي عندها سنة وشهر
الموضوع بدء يبقى مفيد لينا كلنا
بس حبيت اسال هوه فين حراز
اصلي سمعت عنه ومش عارفة مكانه
بس ياريت بالتفصيل علشان اقدر اوصله

حراز ليه 3 فروع
الفرع الرئيسي عند مديريه امن القاهرة في باب الخلق
الفرع التاني داخل سوبر ماركت رويال هاوس مصر الجديدة امام المريلاند
الفرع التالت داخل سوبر ماركت المحمل في الهرم المريوطيه امام مستشفى الهرم

اي خدمه يا حبيبتي

ناني 29
03-26-2007, 04:59 AM
اسمحولى اقول رايي

عطر نينا ريشى الوردى

وعطر لفلى

وعطرفانتاسيا من فندى

وعطرجيفنشى الوردى

وسورى على أقتحام مجلسكم :fhgfreagi

نورتي يا قمر والموضع بقى اخلى بوجودك

معة حزينة
04-10-2007, 04:09 PM
مساء الخير على فراشات مصر الحلوين و شكرانانى على الرد اناقصدى كريم اساس و يا ريت اعرف فين بالضبط مزايا و فيسيز لانى مش من القاهرة مع الشكررررررررررررر لكل فراشةشاركت فى هذا الموضوع الجميل

كوكب الشرق 2005
04-13-2007, 07:42 PM
السلام عليكم يافراشات بلدى

ده تانى مره ليا معاكم جايه اقوولكم نتيجه التجربه

انا استعملت بودره اماندا جميله جداا وبتكون حلوه على الوش واوقات بحطها لوحدها وبس

والشادو بتاع xxl هو حلو بس انا اللى مش عارفه احطه لانى لسه بتعلم

وكريم الاساس بتاع ايفون مش عجبنى لانه بيغمش بشرتى ومش مناسب ليا

مش فاكره انا قولت ايه تانى :frcvbhagi

بس الجديد انى هجرب كريم اساس اماندا انت بتقولو عليه حلو ؟؟
ياريت تنصحونى بالنوع الكويس
انا عاوز حاجه واحده على وشى كريم او بودره مش بحب الميك اب كتير
وكمان علشان الكليه والشمس يعنى حاجه خفيفه كده
اوك انا مستنيه

كسوف القمر
04-14-2007, 05:26 PM
هاىىىىىىىى ازيكم يافراشات مصر الحلوبن
ومصر ام الدنيا
انا عندى كام سوال ياريت تردو عليه عشان انا فرحى قرب وعايزه اعرف
1\ انا بشرتى مخطلته ومش عارفه اجيب اى نوع كرسم الاساس
2\ وكمان انا شفايفىكبيره شويه
فياريت حد يقولى الطريقه الصحيح لوضع الروج وتصغير الشايف
ولكم جزيل الشكر
مستنى ردودكم يا احلى فراشات الدنيا
كسوف القمر

كسوف القمر
04-15-2007, 05:05 PM
هاىىىىىىىى يااحلى فراشات بلدى ليه
مفيش حد رد عليه انا كده حزعلى يجماعه مع ان الموضوع جميل قوى انن نحنا المصر ين نبقى مع بعض
لو سمحتو عايزه اسمى برفان حلو ويسبت فى الملابس
ولو سمحتوا رد على اسالى ال ارسلته قبل كده
وانا فى انتظار ركم عليه
ولا تتخلو عليه
كسوف القمر

((عيون المها))
04-17-2007, 08:29 PM
up up up
up up
up

كوكب الشرق 2005
06-16-2007, 05:56 PM
حبيبه قلبى كسوف

بالنسبه للبرفان فى جوتشى راش ده تحفه

وفى برفانات تانى فى الصفحات الاولى البنات كتبه عليها

ارجعى للصفحات وشوفيها

بالنسبه للميك اب والله ما اعرف ولا ليا خبره

بس من كلام البنات بيقولو اماندا كويس

جربيه وان شاء الله بقيت البنات يدخلو ويفيدوكى

*ريموو*
06-16-2007, 06:35 PM
اهلين ياقمامير على فكره انا سعوووديه بس بمووووت في مصر وان شاء الله جايه في شهر 7

المهم انا حبيت افديكم شويتين في ماركة برجواز في فيسز حلووه الميك اب بتاعهم حلوو

وكمان حبيت استفسر الي قالت سيفوار في العزبي او سيف هما الأتنين صيدلايات صح ولا انا غلطانه

واذا صح في ايت فرع فيهم

ياسمين عسولة
11-07-2007, 02:42 AM
انا لاقيت الموضع عجبنى قولت ارفعه ويارب يرجع المشاركة فيه تانى

وعن تجربتى ماسكرا برجواه المكسفة حلوى اوى وxxlهايلة
وكريم اسا ماكس فاكتور
والشادو حلو او ماركة ads بصراحه الونهم حلوة واللمعة روعة والاسعار حلوة اوى
والبلاشر من برجواه برده وعلى طول بحب الاورنج
اما البودر مش عارفه مش بستخدمه كتير لانى جربت ماركات كتير
وياريت حد يقولوى على لوس باودر حلو
وكونسيلر كمان لان الهلاات دى مشكلة وميرسى يابنات

أم منة الله
12-14-2007, 09:42 PM
اهلا بيكم يا فراشات مصر
انا سعيدة جدا بيكم

nessren2007
12-16-2007, 04:09 AM
موضوع رائع فعلا بس فين الهمه والنشاط يا احلى بنوتات

غزل الحجاز
12-16-2007, 07:06 AM
السلام عليكم انا سعوديه بس اعشق مصر وحبيت افيدكم شويه انا اروح فيسزر اللي بكارفورد عن جد الاقي كل شيء ورووووووووعه اخذت عطور من عندهم ومجموعة مكياجات واتمنى تفيدونا اكثر بالامكان عشان لما اجي بالصيف اعرف اماكن اكثر والله يعطيكم العافيه

أم منة الله
01-17-2008, 09:47 PM
ازيكم يا بنات

مشكورات عالموضوع التحفة ده
ياريت نشارك اكتي و نتفاعل

كوكب الشرق 2005
08-07-2008, 03:01 AM
انا لقيت الموضوع بالصدفه وحبيت ارفعه
علشان بنات مصر الحلوين
يلا بلاش كسل وقولو كل اللى عندكم
:038:
up
:038:
تحياتى

lialyyy
08-15-2008, 01:34 AM
هاااااااااااى يابنات مصر بجد الموضوع جامد جداااا انا بستعمل كريم جيوردانى
بس يابنات انا بيضه اوووووى وهوة بيسمرنى أوووى واستعملت اماندااا بس ماحبتهوش عايزة كريم اساس فاتح مش من البرونزيات وشركه اورفلايم كريمات الاساس فيهااا للبشرة البرونزيه بجد ياريت اعرف كريم اساس يخلنى على نفس درجه البياض

مرمر القمر
02-27-2009, 01:49 PM
ازيكم يابنات
انا كنت عاوزه اسال عن كريم اساس مناسب للبشره الجافه
وكمان عاوزه اعرف اعمل ايه قبل محط كريم الاساس والبودر علي وشي علشان ميجيرش
وعاوزه اعرف عن اماكن بيع كريم الاساس اماندا او
ديرماكول انا سمعت كتير بيشكروا فيه

شاكية القمر
02-27-2009, 02:52 PM
موفقين
رفع
//

الحمـدلله .. عدد خلقهـ ورضا نفســه وزنة عرشه ومداد كلمــآته

bosy2
06-23-2009, 02:30 AM
ازيكم يا بنات انا لاقيتكم فى سكتى كده قلت اسلم عليكم
بالنسبه للمكياج ماسكرا طبعا xxlوكريم الاساس ماكس فاكتور والبلاشر بصراحه اى نوع والروج نيفيا بموووووووووووووووت فيها بحس انى عاوزة اكلها هههههههههههه بصراحه بحب الوانها موت لانى بحب الالوان الهاديه وهوا دا مكياجى لانى مش بستخدم اىشادو خالص ولو رايحه فرح باخد حاجه بسيطه خالص من البلاشر وغالبا بيكون لونه روز واحط على عضمه الحاجب بحيث يدى ضى بس ونفسى حد يقولى على نوع كونسيلر كويس حتى لو غالى مش مشكله وانا بشرتى جافه اه بالنسبه للبرفان انا بستخدم JAIPUR BOUCHERONبصراحه هااادى وتحفه موووووووت بيجنن هوا ب450 غالى شويه بس بيقعد معايا كتييييييير لان رشه واحده بتكفى اوى وبتثبت انا لما بحط على الانجيرى بتاعى مثلا رشتين ولا حاجه واحطه فى الدولاب علطول بيخلى ريحه الانجيرى كلها حلوة اوى
انا طولت عليكم بس حبيت افيدكم وميرسى على الموضوع اللذيذ ده :0102:

بنت عويس
06-23-2009, 04:09 AM
استغفر الله العظيم الذي لااله الاهو الحي القيوم واتوب اليه


Content Relevant URLs by vBSEO 3.6.0