المساعد الشخصي الرقمي

مشاهدة النسخة كاملة : وينكم يالنحيفات......رجاءا اي نحيفة عندها إرادة تدخل



الصفحات : [1] 2

بنت نورة
03-30-2007, 06:19 PM
بدون مقدمات انا بصرااااااحة واصلة حدي إالى متى وحنا كذا نحيفات
جمالنا مختفي او يضيع مع النحف
والملابس مالها ملح علينا حتى لو كانت غالية
والناس طايحين تحطيم فينا
كل من شافنا قال واااااو نحفتوا زيادة وقام يتفلسف علينا بالنصايح والإرشادات
هذا إذا ماحسبونا مرضانين < فقر دم> وحنا صحتنا تمام الحمدلله
وفوق هذا كله عاجزين نزيد كم كيلو.......ليييييه؟؟؟؟
والمواضيع كلها رجيمات انواع واشكال حتى مليت ادخل صفحة النحافة والسمنة رحت قسم الحلويات
صح فيه موضوع مثبت للنحيفات لكن مايفتح بسرعة واصلا مايكفي موضوع واحد نبي الصفحة الأولى كلها لنا
المهم انا الحين معصبة لازم ازيد على الأقل 3كيلو في اسبوعين وناوية انشاءالله من الليلة آخذ فاتح شهية وازيد أكلي بس ابي احد يبدأ معي وينافسني لأني بكذا اتشجع
اللي تحب تشاركني في المنافسة هذي ترد علي او ترسل على الخاص وانا مستعدة اتواصل معها بأي طريقة ونمشي على نظام واحد او نتفق ونشجع بعض
واذا مافيه احد فأنا بتحدى نفسي واحط لي عقاب لو اخالف النظام او انساه وبإذن واحد احد لأزيد الثلاثة كيلوا خلال اسبوعين لأنه حرام يضيع جمالي في النحف والعمر يمضي وانا اتفرج على البنات مستمتعين بأنوثتهم ماشاءالله الإ انا انتظر السمنة تجيني من غير تعب

اعذروني عصبت عليكم بس مالي غيركم وابي تشجيعكم ومساعدتكم اذا تعرفون أي شي يسمن بسرعة
الله الله يالنحيفات شاركوني بالمنافسة

ام القمورة
03-30-2007, 06:45 PM
ياعمري شوفي ردي
اول وحدة راح تلاقيني
من كثر ماطفشت ونحفت زيادة من البحث عالمواضيع انا اشجعك
لكني ماقدر اقولك اني راح اكون معاك في النظام الغذائي تعرفين البيت والحاله النفسيه لها جزء كبير
لكن راح اكون اول المارات واللي يطالعون الموضوع
انا الان ماشيه عالماش مطحون مع عدس الكشري 3ملاعق في اليوم مع ثلاث كاسات حليب وبعد كل كاسه ملعقة عسل
لكن هاليومين تعبانه شوي نفسي مسدودة عن الاكل لكن الحمدللله مستمرة عليها
وبعد باخذ حبوب الخميرة وان شاء الله تفيدني لاني اول اشتريتها بس مافادتني الا في بشرتي ماشاءالله
ويمكن في صحتي من جوة بس زيدة وزن ماشفت عاد قلت يمكن من حبوب منع الحمل والحمدلله سبتها وحالتي النفسيه تحسنت ماصرت اعصب
وان شاءالله ارجع لها بس خايفة استخدمها ويحصل حمل مفاجئ
وياااااااااااارب تزيدين واانا ازيد12كيلوا يااااااااااااااارب

بنت نورة
03-30-2007, 06:53 PM
تسلمينياام الاموره لكن حبوب الخميره مانفعتنيه

نجمة الجبيل2007
03-30-2007, 08:32 PM
http://jokeonlineworld.com/gift.html http://jokeonlineworld.com/gift.html هلا واللة فيك من جد مليت من الضعف وجسمي يحتاج اكل وفيتامينات بس أنا ماأهتم بنفسي

لان معي فقردم< أنيما حادة> وأنا ولا يهمني .. لان اللي عندي مايشجع بالعكس هو مستانس علي

كذا يقول خليك كذا ياويلك اذا متنتي زيادة وان بصراحة ضايعة بينه وبين أمي

أعذريني عن الاطالة بس أنا سمعت تشربين حلبة كوب واحد باليوم وعلى الريق.. بس مااتوقع أني أشربها
..

بنت نورة
03-31-2007, 05:03 AM
انا ماابغى اصير دبه ابغى شوي تطلع لي خدود الحلبه تنفع بعد الله

سديــــــم
03-31-2007, 08:30 AM
انا وزني 47

والكل يقول لي انتي نحييييفه مره

وطبعا الملابس مو حلوة علي

مثل ماتطلع حلوة على غيري

طولي امممم والله مادري بس مو مره طويله ولا قصيره

طولي بالستين بس مادري كم بالضبط

ودي اسمن شوي بس

لكن جسمي مايتحرك والله اني اكل كثييييير

بس وش اسوي بجسمي ..؟؟؟

بزنس وومن
03-31-2007, 10:03 AM
بنات أنا معاناتي مثلكم بالضبط وخصوصا الأخت سديم
لكن بفضل من الله رحت لدكتورة وعطتني حاجتين أستخدمها وبالفعل أستخدمتها لمدة شهر وبانت النتائج ماشاء الله وهي ياحبيباتي

روحوا للصيدلية وخذو حبوب فاتح الشهية (موسيجور ) معرووف وتاخذين حبه قبل الأكل بنصف ساعة

وبعد الأكل تاخذين فيتامينات معروفة أيضاً أسمها( إنرفيت)

ونصيحة برضوا جربتها تأكلين مع التمر سمسم

بنت نورة أنا بدخل معك بالبرنامج هذا متى حابة نبدأ ؟؟؟؟

وفي الأخير أتمنى تجربون وتدعون لي بالخير وأن الله يكفيني أشرار خلقة

نحلة عسل
03-31-2007, 12:46 PM
أول شي صحيح نحن ضعاف بس الحمدلله بصحة وعافية وعلينا نحدث أنفسنا بطريقة إيجابية ونقول الحمدلله على نعمة الصحة والعافية وإن شاء الله راح أحاول أكل شيئ صحي ويزيد وزني مع التوكل على الله ونستمر
أنا الحمدلله صحيح فيني ضعف لكن الجزء العلوي فقط ولكن السفلي معتدل وتمام

وشو رايج يا حبيبتي إنتي حطي نظام وأنا بحطي نظام وبنمشي عليه من 1/4/2007
وكل وحده توزن 1/5/2007

دار_الحي
03-31-2007, 01:36 PM
الصراحه انا بدخل معاكم فالسالفه وابا ازيد من وزني اللي مايتحرك عافان الله كانه صنم هههههه يالله يا اخت بنت نورة انا وياج والزمن طوييل هههههههههه بخصوص حبوب ماسيقور انا قبل استخدمتهن وفادني كثير بس ماعرف ليش خليتهن !!! يمكن كانوا يسببون النعاس وانا كنت ادرس فالمدرسه ....هذي الحبوب فيها نسبة منـــع حمـــــــــــــــــــل ... وعشان خاطر الخوات اللي متزوجات راح اتأكد بكرة منها اذا صدق فيها نسبة حمل وبرد عليكم بأسرع وقت وهالله هالله فينا عطونا اشياء تسمن شوي :)

بنت نورة
03-31-2007, 01:44 PM
انا قررت اروح للدكتوره انا وزني 45 ومتزوجه بعد وعند ولد بس اهم شي زوجي نحيف يقولي عادي جسمك يعجبني

لين أحلى الحلوين*
03-31-2007, 02:32 PM
وأنا كمان أبغى أكون معاك في المنافسة لكن متى نبدأ ؟
وياليت بدري لأن زواجي في بداية سبعة

بنت نورة
03-31-2007, 03:19 PM
من الان الي ممتازه تزيد كل اسبوع 2 كيلو

بنت نورة
03-31-2007, 03:20 PM
بس نبغى وحده عندها خبره

عازفة اوتار الامل
04-01-2007, 12:23 AM
:fhgfreagi انا كمان عجبني هاالموضوع وحابة ان اكون معكن ولنبدا
اما باالنسبة لحبوب الموسقور فان كنت اخذهم وكانوا يفتحون الشهية بشكل مو طبيعي ولكن بمجرد ان تركتهم قلت رغبتي في الاكل جدا...وهذا يدل انكي طول ماتاكلين من هاالحبوب وانتي مفتوحة شهيتكي واذا تركتيةقلت الشهية وماادري هل فيها ضرر ولا لا.......ردو علي ارجوكم

dima
04-01-2007, 01:16 AM
انا كمان معاكي بالبرنامج لازم انصح 10 كيلو اقل شي وزني الان 43 وطولي 164 يعني شبح ماشي خخخخخخخ

ام ابرار الالمعية
04-01-2007, 03:03 AM
شكرا يا بنت نورة على الموضوع اللي فعلا محتاجين له وانا معاكم بس نبغى نظام نمشي عليه والله مليت من جد بس ما باليد حيلة

بوكا
04-01-2007, 03:26 AM
وانا كمان يا بنات معاكم فعلا تعبت من كتر النحافه بس نبدا امتي ونشوف وفعلا انا لمل سالت عن الحبوب كلها فاتح للشهيه بس انا عاوزه حاجه تسمن علي طول وفكرتك حلوه قوي يا بنت نوره

قطوة سودا
04-01-2007, 03:51 AM
انا خلاص يأست مابي اسمن ولاشي

تعبت و انا احاول و جربت الخميرة شهيتي انفتحت و صرت افة بس على الفاظي>> مادري الاكل اللي كنت اكله وين يروح مازاد وزني ولا كيلو

و الناس كل يفكروني ما اكل و مريظة و انا بلعكس اكل وااايد بس جسمي بسرعة يحرق الاكل مايخزن شي

و بصراحة انا احس مرتاحة بس ابي صدري يكبر لئني متعقدة منه

صح الفساتين و الثياب ماتطلع حلوة علي>> بس بعد في موديلات تعجبني و ماتناسب الا جسمي ماتناسب الدبب

و خطيبي الحمدلله مرتاح لئنه مثلي ظعيف قال لي لاتمتنين جذي حلوة و خفيفة>> بس الصدر مستحي يقول انا حاسة انه مو عاجبه>د و يمكن مسكين راظي بحاله لئن ماجرب غيره

الله يوفقكم يابنات و يزيد وزنكم

فوووق السحاب
04-01-2007, 05:07 AM
لفتح الشهية كبسولات(أالفا ألفا)تلاقينها عند مركز أرمال للمنتجات الطبيعية فيه فرع في العثيم ونصح بها جابر القحطاني وبالنسبة لميسيجور مضرة للمفاصل .

2 _ماش مسلوق وتقطعين معه اي نوع من خضار السلطة اللي تحبينهامع بقدونس وليمون .
3-حليب انشور موجود جاهزفي الصيدلية تفتحينه وتشربينه على طول وفيه مسحوق تحطين معه ماء.

بنت مامتها
04-01-2007, 11:29 AM
انصحكم اخواتي بعصير التمر لانه فيه سعرات حراريه عالية والحلبة بعد مفيدة

دار_الحي
04-01-2007, 11:21 PM
حطيت موضوع جديد عن وصفة تمتن وهذا الرابط عشان الكل يستفيد


http://www.alfrasha.com/showthread.php?t=244646

ابا تفاعل منكم عشان نشجع بعضنا

rahaf-2005
04-02-2007, 02:05 AM
يا حبيباتي تعالوا أقولكم سر متني ....
اول: اتركي اي حبوب لفتح الشهية .... كل الحبوب لفتح الشهية جربتهم ولما اتركهم ارجع اضعف من اول

انا جربت .... 7 تمرات على الريق لمدة شهر متنت متن حلو زيدت مابين 8و9 كيلو كان وزني 45 كيلو صار مابين 55و56 ....

جروبها يا فراشات عجيبة انتظموا وشوفوا النتيجة ..

والطريقة الثانية : فول +ذرة + حليب كامل الدسم ... تخلطينهم بالخلاط ثم تشربين الحليب 3 مرات باليوم بالاسبوع 7 كيلو ...

يا الله يا بنات شدو الهمه ..... طبقوا وصفاتي وراح تعجبكم النتيجة ....
الي تسوي الطريقة ولم تستفيد من الخلطات ....

تروح تسوي تحليل ... الغدة الدرقية + وتحليل خروج ... عشان يشوفون في دود ببطنك .... ثم تابعي طريقتي

واتمني لكم المتن بالصحة والعافية

دار_الحي
04-02-2007, 02:16 AM
مشكووورة الغاليه وراح اجربها :)
يعطيج العافيه

شاطئ الغروب
04-02-2007, 05:34 PM
بنات انا حاسه فيكم لاني كنت مثلكم بس نصيحتي على الريق يوميا لمدة اربعين يوم تين ويانسون اوتين وحليب
وللتفاصيل راسلوني

؛ٌ؛ٌ؛ٌ دلوعة أمها ؛ٌ؛ٌ؛ٌ
04-03-2007, 02:51 AM
الراحهالنفسبه لها الدور الاكبر في زيادة الوزن
انا نحيفه وعجزت يزيد وزني مع اي متزوجه وعندي بنتين
التين مع اليانسون مفيد جداااااااااااااااا في زيادة الوزن قبل الفطور بساعتين
اكل كوب سمسم محمص يوميا
حبوب المسيجور مع حبوب الخميره ممتازه
اكل الزبادي 03 مرات يوميا
الحلبه والحلبه والحلبه لاغنى عنها لزيادة الوزن
واؤاكد الراحه النفسيه لها الدور الكبير في ذللك
ولهذا السبب احس انه مايزيد وزني
ادعولي ان وزني يزيد لانه مو عاجب زوووووووووجي بالمره
خصوصا ان اخواته مبرومات الجسم ماشاء الله
وشكررررررررررررا

بنت نورة
04-03-2007, 06:13 PM
http://*********/2/uploads1/a04e99f4c2.gif (http://*********/2)

areeam
04-04-2007, 12:15 AM
ياأخوات انا متزوجه وعنيدي طفلين ووزني 47 وطولي 150 وودي اسمن اشوي على قول زوجي يصير جسمك مكسي وودي صدريي يكبرواتمنى للاخصائيه تساعدنا

بنت نورة
04-04-2007, 08:18 AM
http://www.q8boy.com/uploads/a2f1c2316d.gif (http://www.q8boy.com)

w a ! a a
04-04-2007, 08:34 AM
واناااااااااااا


اااخ بس ماادري وش العله ف بنات الجبيل!!

وش فينااا بسم الله علينا


انا فتحت موضوع بكبره.. وجربت كل خلطه كتبوها احلى الفراشات ومااالت على ابليس انا زي ماانا


اللي زاد وزني تقريا كيلوين بس مااستمريت عله اللي هو حليب انشور بلس


المووووهم بدخل معاكم.. ويااااارب على يدكم امتن

بنت نورة
04-04-2007, 08:38 AM
نبغى اخصائيه

ام القمورة
04-04-2007, 12:10 PM
خلطة الاخت رهف حلوة ماشاءالله
بس معقول في اسبوع نزيد7كيلو يعني كل يوم كيلو!!!!!!!!!

بس حبيت اسال ايش تقصدين بالفول والذرة يعني مجففه ولا نيه وحب ؟

ام ابرار الالمعية
04-05-2007, 05:10 AM
مين تحط لنا جدول غذائي نمشي عليه تقول انا

w a ! a a
04-09-2007, 10:30 AM
اممممم 7 تمرات ع الريق ماهي صعبه بس احس لازم نبها قهوه عربيه وااااو اكل 20 تمره لو تبين بس ماحد فاضي يسويلي قهوه ع الصبح


بحاول اكل التمر باذن الله

بنت نورة
04-09-2007, 01:12 PM
http://*********/2/uploads1/e46094ce38.gif (http://*********/2)

"الرمش الحزين"
04-09-2007, 04:28 PM
أنا الحمدالله جسمي متوازي منفوق وتحت..
وأنا راح أقول لك على طريقة..
تاخذين أي نوع من المكسرات وطحنينه..
ثم تاخذين كاس حليب سائل وتاخذين ملعقة وحدة من المكسرات المطحونة وتخلطينة وتشربينة..
انا ماخذة الطريقة من صديقتي تقول طعمة موحلو بس تحملت علشان بس تمتن..

دنيا الحرمان
04-09-2007, 05:05 PM
الله يعافيكم نبي جدول خلطات وتكون مجربه


وبندعي لكم

دنيا الحرمان
04-10-2007, 07:30 PM
صراحه وحده قالت لي عن حبوب كبد الحوت وصحتها ماشاء الله باقل من شهر سمنت

تبغى استمرار وصرراحه ماجبرتهم

حبراحمر
04-11-2007, 03:16 AM
اختي رهف واللي يسلمك اشرحي لنا اكثر عن خلطة الفول والذره هل المقصود الفول السوداني وللا الفول العادي ومطبوخ وللاشلون والذره تقصدين المعلبه وللا ايش بالضبط؟بليز نبي تفاصيل اكثروهل فعلا تزيد بالاسبوع 7كيلو؟

زي السكر
04-11-2007, 03:41 AM
انا بعد ابي أسمن .... بديت الحين باالسبع تمرات هذي اسهل شئ .... نجرب واذا شفت نتيجه:sgr:
بقولكم .... بس 7 تمرات ليش با الضبط التحديد هذا ودي أعرف بلييييييييييييييييييييز ؟؟!

والف الف شكر ع الموضوع الرائع ... ودعواتي الخالصه لكل العصاقيل أمثالي بالسمنه ... لاعاد مهوب

سمنه اللي انتم خابرين لا كم كيلو زياده بس .... وسلامتكم <<<<<<<<<<<< حشا قصيده

باااااااااااااااااااااااااااااااااااااااااي

عنود الفراشة
04-11-2007, 04:30 AM
الله يسمن اللي تبغي السمنه واحسن شي الراحه النفسيه مهمه

زي السكر
04-12-2007, 04:15 AM
للرفع

نور العيوووووون
04-12-2007, 06:17 PM
يالله وانا معكم استنووووووووووووووووو انا بجر ب هالمنتج وان زبط معي اقولكم لاني شوي نحيفه وابي ازيد 6 كيلو بس وازين فيه انه طبيعي 100 بال100 بس بجر به واقولكم النتئج وانشالله ماني خسر انه شيء لانه صحي ومفيد

زي السكر
04-20-2007, 10:57 AM
هاه ... وينكم .... احد سمن منكم ؟؟ بشروني !!!!! اما انا لي خمسطعشر يوم اكل في السبع تمرات

بس ما فيه نتيجه !!!! اهئ اهئ اهئ :cry:

بنت نورة
04-20-2007, 12:03 PM
انا نحفت والله مشكله ههههههههههههههههههههه

غيوووم المدينة
04-20-2007, 03:29 PM
والله حبيباتي مفية فايدة انانحيفة ومخليت شي ما جربتة ولانفع.......
بس انا قريت في منتدى انه فية دواء عبارة عن حلبة مع فيتامينات وكثييييييييير يمدحونها
وانا ودي اجربها بس مادري في المدينة المنورة فية او لا ,,,والله يكتبلنا اللي فية خييييييييييير.

بالووونه
04-20-2007, 04:55 PM
رفعتو ضغطي
حسب تجربتي انصحكم بالاكلات التاليه(المعكرونه الدسمه(بالباشميل)-حليب الشوكلاته-الحلويات-الزبده-وتناول الاجبان بأنواعها-الاكثار من الارز-تناول الحم البقري)
وانصحكم بالاكل وعدم الحركه يعني الاسترخاااااااء بعد الاكل

وابشروو بالسمنه مجرررررب من قبلي والله تخليكم سمان والله يوفقكم حبايبي
وشكرا

روبـي
04-20-2007, 09:17 PM
وينكـــــــــــم يالنحيفات؟
وش رايكم نسوي جدول؟

سراب2006
04-21-2007, 07:47 AM
الاكل والراحة النفسية

المرأة الخجوله
04-21-2007, 08:21 AM
أنا أنضم اليكم وزني 40 متزوجه لي طفله مثلي نحيفه

دنيا الحرمان
04-21-2007, 05:58 PM
نحفت زيااااااااااااااااااااااااااده

روبـي
04-22-2007, 06:44 AM
ليش دائما النحيفات ماعندهم همه وحماس لزيادة وزنهم مثل حماس السمينات ماشاءالله؟

زي السكر
04-22-2007, 07:44 AM
ليش دائما النحيفات ماعندهم همه وحماس لزيادة وزنهم مثل حماس السمينات ماشاءالله؟


لاوالله انا عندي همه ... بس ماعندي احد يشجعني ..:frasha5:..

نجوده 1
04-22-2007, 08:41 AM
عزيزتي صديقتي نحيفه حيل يعني مافيها الاعظم ادور شي اعضه منه مالقاه
المهم حاولت تسمن حتى تعبت وبعدها راحت الطبيب صار معدتها مقلوبه عشان كذا ماتسمن
نصيحه خذيها مني اذا بتسمنين زيدي جرعاتك وكليها بسرعه مو بطء
ولا تنتظرين تجوعين
اكثري من اكل المكسرات
بالتوفيق حبيبتي

بوكا
04-22-2007, 11:47 PM
هلا حبيبي كيفكو انشا الله يكون في زياده في الوزن
بالنسبه للي يستفسرو عن خلطه الاخت رهف الفو والذره والحليب انا سالتهت علي الخاص وجاوبتني
يكون الفول المعلب امريكا نا او اي نو من الانواع دي والذره يكون معلب قودي او اي ماركه ويكون فنجان ذره وفنجان فول وعلبه حليب لتر بس دول يطلعو اكتر من تلات اكواب وعشان ما يبات الخليط انا حطيت تلات معالق كبيره فول وتلاته ذره واتنين ونص كوب حليب انا لسه بداه بالخلطه النهارده وطعمها عادي وبصراحه الاخت رهف ما قصرت وتمني اكون افدتكم واسفه علي الاطاله

روبـي
04-23-2007, 04:41 AM
عزيزتي زي السكر000

اذا كان عندك همه يالله نبدأ انا وانتي وش رايك مستعدة؟

ام بندوووري
04-23-2007, 06:26 AM
العنبريه انا جربتها شريتها من العطاروزاد وزني حللللوه انا نحيفه مرررررررره لكن سمنت شي بسيط لاني استعملتها بس اسبوعين

عنود الفراشة
04-23-2007, 06:55 AM
لو سمحتي عزيزتي ام بدوووري ممكن اعرف وش العنبريه وكيف استخدمها

عنود الفراشة
04-23-2007, 07:14 AM
عندي وصفه منقوله من منتدي وهي عباره عن التين المجفف مع الحليب التين المجفف من عند الرفاعي

زي السكر
04-23-2007, 09:06 AM
عزيزتي زي السكر000

اذا كان عندك همه يالله نبدأ انا وانتي وش رايك مستعدة؟



:sfsfsf: ياهلا بيتس ياروبي ..... ايه بيله مستعده ... انا اللحين لي يمكن 17 يوم .... اكل 7 تمرات ع الريق

بس وزني هوهو ما تغير ,,,ابد تقولين بجدار ... يادافع البلاء بس:frasha14: هاه تبدين معي !!!

فوح الورد
04-23-2007, 10:16 AM
بنااااااااااااااااااات


وش تبون بالسمنه ! ! ! ! ! !


حرام عليكم اجسامنا كذا حلللللللللللللللللوه الناس يتمنونها والله


رشااااااااااقه كل اللبس ضابط علينا


ماتشوفون عارضات الازياء والممثلات ............الخ


بالله قد شفتو احد مشتهر ب تي في ويكون حلو بس سميييييييييين ؟؟؟


اتحدى كلهم رشاقه وملح وقبلا


وع فكره الشباب الحين يبغون كذا


ودمتم ع فكره انا زيكم تقريبا احمدوا ربكم ع نعمه الي احنا فيها

روبـي
04-23-2007, 12:54 PM
:frashagir ياهلا وغلا زي السكر00
اببدأ معاك بس انتي اللي سوي الجدول وانا اعدله>>ههههه امزح طرارة وتتشرط00
صراحة اول مرة ادري منك ان التمر على الريق يسمن00


يالله نبغى نشاط متى تكتبين الجدول لاني بصراحة لو اعرف كان نفعت نفسي0؟

بنت نورة
04-23-2007, 12:57 PM
ايه ياحياتي بس وزني 45 وعندي ولد

رهف عايد
04-23-2007, 01:01 PM
الله يساعدكم انا اسمن وبسرعه اخسر اللي سمنته

روبـي
04-23-2007, 01:02 PM
يابنت نورة كم طولك؟

روبـي
04-23-2007, 01:08 PM
يارهف انتي مثلي ماافرح اذا زاد وزني لوكيلو لانه بسهوله ينقص0

بنت نورة
04-23-2007, 02:02 PM
طولي 160

روبـي
04-24-2007, 01:08 AM
يابنت نورة وش رايك تبدين معانا لانك تحتاجين كثير0

بنت نورة
04-24-2007, 04:02 AM
طيب معاكم

زي السكر
04-24-2007, 04:14 AM
:frashagir ياهلا وغلا زي السكر00
اببدأ معاك بس انتي اللي سوي الجدول وانا اعدله>>ههههه امزح طرارة وتتشرط00
صراحة اول مرة ادري منك ان التمر على الريق يسمن00


يالله نبغى نشاط متى تكتبين الجدول لاني بصراحة لو اعرف كان نفعت نفسي0؟


هلا وين .... شوفي ياروبي يا الله ابدي معي في السبع تمرات ع الريق اللي قلتلك اني باديه فيهم

لعل وعسى يبانون فيني بس ما اعتقد والله شين يثمر معي ... المشكله وان اختيس ان شهيتي عدم

واكلي قليل ..... ولا يصلح العطار ما افسده الدهر <<<<<<<<<<<<<<<حشا انواع التحطيم

هههههههههههههههههههههههههههههههههههههههههههههههههه ههههههههههههه

لا عا د جربي مثل ما قلتليس وبشريني با النتائج .... وسلامتيس يا قلبي

غزال قطر
04-24-2007, 04:38 AM
هلا وغلا بكل الفراشات


والسموحه من البعض ليني ماقدرت اللحق ع كل الردود



انا متزوجه وعندي اولدين وكان وزني اول ماتزوجت تقريبن 38 < مقاس جوتي كرمتو هههههههه


المهم انا ابدعت من عندي خلطات لين ماوصل وزني 61 والحين وقت دراسه نحفت اشوي بس اخدودي مالتس امل تنحف


والحمد لله فضل من الله



ياصبايا اللي عنده اي رد رساله خاصه ليني كسووحه اقرى الردود هههههههه


والعفو لو قصرت

وبنت نوره لو حبيتي انا اقدر امشي معاتس وانتحدى

<< واثقه ههههههههههه



مشاء الله علي:frxxagir

زي السكر
04-24-2007, 05:05 AM
ما شاء الله عليتس يا غزال قطر ... صدق زاد وزنك الى الستين ... بصراحه شجعتيني والله

تكفين طالبيتس ياالغلا ماتدرديني ... وشهي خلطاتيس اللي استخدمتيها !!!!!!!!!!!!!!!!!!

وسلامتيس

العجمية2005
04-24-2007, 05:46 AM
,,,وانا معكم يابنت نوره على الدرب ودي اسسسسسسسسسسسسسسسمن تعبت والله من شكلي وكل شوي اروح لامي اقولها سمنت تقول لي لا ودايما تحطمني والناس يحطموني ويقولون ياربي وش هاالعظام تعبت خلاص ابي اسمن معليش طولت عليكم بس لو بتكلم من الحين لين بكره ماخلصت,,,

بنت نورة
04-24-2007, 05:48 AM
طيب يالله الله يسعدك ياغزالة قطر افيدينا

**القلب الطيب**
04-24-2007, 06:21 AM
ياحلوات والله الموضوع عجبني تدرون ليه؟؟؟؟؟؟
لان فيه كلمة **نحيفات**وهاذي الكلمه جذبتني ادخل<<<مغناطيس>>>
المهم انا النحف هلكني وانا عمري 22 ووزني 39 وتمر ايام ويطلع 40 بس في فتره قصيره وانزل39
صح الكل يتمنى النحف والرشاقه بس مو مره زي الهيكل يعني على الاقل تتغطى العظام
وطبعا انا ما استسلمت والله اني مجاهده والحين استخدم حبوب الخميره والحلبه مع الحليب والتمر وكنت استخدم الموسيجر بس قلت الخميره احسن والاحظ في تحسن والحمدلله

روبـي
04-24-2007, 06:29 AM
وش رايكم كل وحده تكتب طولها ووزنها00

زي السكر000انا شهيتي عدم وجربت موسيجور وصرت نايمة 24 ساعة وبطلته والحين اببدا معاكم وياويلكم لوماسمنت00

**القلب الطيب**
04-24-2007, 07:05 AM
والله انك صادقه ياروبي الموسيجر تجيب النوم وترى مو دايما بس الاسبوع الاول

**القلب الطيب**
04-24-2007, 07:10 AM
بنات تصدقون صار لي قصه بسبب نحفي وان شاء الله اقولها لكم بعدين
وقصتي لو وحده مكاني كان تعقدت وبقوه من جسمها

روبـي
04-24-2007, 07:18 AM
القلب الطيب منتظرين قصتك00

ابسألك كم طولك؟

شامخه بعزها ومحد يهزها
04-24-2007, 09:47 AM
والله هالبنات مساكين اللي سمينه تبي تنحف واللي نحيفه تبي تسمن
انا ياحلوات كنت نحيفه بالمره والله كاني هيكل عظمي كان وزني 40 وماكنت اخلي وصفه الا اخذها عشان اسمن والحين ابكي واتحسر على جسمي زمان والله العظيم محتفظه بتنوره عندي عشان تديني حافز انحف لأن وصل وزني 70 والحين نزل صار 64 وانا احاول انزل وزني وماني قادره ابي اوصل 50 بس لي سته شهور وفشلت واللي تبي يزيد وزنها تتزوج وتحمل مرتين او ثلاث مرات بشرط الحمل ورى بعض خخخخخخخخخخخ


http://cards.funnystories.ru/288100 ;)

http://cards.funnystories.ru/288100 ;)

شامخه بعزها ومحد يهزها
04-24-2007, 09:48 AM
اش هذي الهدايا اللي طلعت معي والله يابنات مادري من فين جت بس شكلها فيرووووووووووووس لا تفتحونها

http://cards.funnystories.ru/288100 ;)

http://cards.funnystories.ru/288100 ;)

**القلب الطيب**
04-24-2007, 10:58 AM
والله مدري كم طولي لان اهم شي عندي وزني ما افكر في طولي لان طولي حلو وان شاء الله اقيس واعطيك خبر

روبـي
04-24-2007, 11:11 AM
حبيبتي القلب الطيب انا اسالك علشان اعرف وزنك المثالي يعني لازم تعرفين طولك حتي تعرفي وزنك المثالي00

زي السكر
04-24-2007, 11:31 AM
بنات بقولكم تجربتي مع حبوب الخميره <<<<<<<< حشا زوج مب حبوب خخخخخخخخخخ

لان فيه وحده من البنات هنا قالت انها نفعت فيها لكن انا نووووووووووووو الانحفتني زياده ,,,,

ويوم قلت لصديقاتي قاموا يضحكون علي وقالو لي معقول نحفتك المعروف انها تسمن وشلون نحفتي ؟؟!!

قلت لهم هذا والله اللي صار لي .... الله لايوريكم انواع التحطيم:x بس بعدين عرفت السر قريت

في منتدي ان حبوب الخميره تنحف ناس وتسمن ناس يعني ع حسب الجسم .... الله من القراده بس

**القلب الطيب**
04-24-2007, 12:00 PM
لالالالالالالالالا لتحطيم يا سكر
احب انبهك ان حبوب الخميره نوعين :النوع الاول الي يمتن ويفتح الشهيه وكرتونها لونه احمر
والنوع الثاني:الي ينحف ويقفل الشهيه وكرتونها ابيض
وشكلك والله اعلم انك تستخدمين الي كرتونها ابيض وان استخدمتيها فهذا انما يدل على ذكائك<<اتغشمر وياك>>
والله شكل النحف له دور في الهستره

norfa
04-25-2007, 07:59 AM
أنا بصراحه كان وزني قبل الزواج حول ال 56 وبعد الزواج صار 47 يعني نحفت بشكل رهيب و ملحوظ ’
كل من شافني قال إيش هذا ؟؟ لا يكون تعبانه ولا مو مرتاحه مع زوجك ؟؟ وأمي تقولي كلي فشلتينا من الناس!!!!!!!!! وزوجي يقول كذا جسمك عاجبني وإذا تبغين تمتنين زيدي سنتيمتر واحد بس
يس مشكلتي إذا متنت أمتن من تحت ,,,, و أنا نفسي يقعد جسمي من تحت زي ماهو بس يمتلي وجهي
وأياديي,,,,,, آخذ حاليا حبوب زيت السمك يقولون إنها تنفخ الوجه هي وحبوب الخميره,,
نستمر عليها وإنشاالله تجيب نتيجه

زي السكر
04-25-2007, 12:53 PM
لالالالالالالالالا لتحطيم يا سكر
احب انبهك ان حبوب الخميره نوعين :النوع الاول الي يمتن ويفتح الشهيه وكرتونها لونه احمر
والنوع الثاني:الي ينحف ويقفل الشهيه وكرتونها ابيض
وشكلك والله اعلم انك تستخدمين الي كرتونها ابيض وان استخدمتيها فهذا انما يدل على ذكائك<<اتغشمر وياك>>
والله شكل النحف له دور في الهستره


ههههههههههههه ... تصدقين شكلي يا القلب الطيب خذيت اللي تنحف مااتذكر لون العلبه .... :frxxagir


لاني ماخذتها منذو مبطي ...... <<<<<<<<<<< انواع الدلاخه خخخخخخخخخخخخخخخخخخ

مشكوررره يا قلبي ع التنبيه ... ما قصرتي

رهينہ عيونــہ™
04-25-2007, 02:57 PM
اننننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن نننننا معاكم
ماصدقت اللاقي احد يعاني مثلي احسب بس انا في هالحياه عندي هالمشكلة لاني ماشوف غير وصفات الرجيم الللي ماليه الدنيا المهم انا وزني 36 يزيد الى 39 وينزل فجئه خلال اسبوعين بسبب ضغوط الجامعه ولاجت الاجازه حر وزهق اخذت ميسجور ولافادت تنوم بس وشرايكم بحبوب ألفاألفا من الاغذية التكميلية مع الخميرة وحليب زيادة الوزن شكلي بمشي عليهم ولازاد وزني خبرتكم تراني متعقده من ملابسي اللي كل يوم اضوق فيها وماالقى مقاسي الاعند محلالت الاطفال تخيلوا صايرة زيتونة صديقة باباي احسن مني
اللهم لك الحمد والشكر الامهم العافيه والصحة

دار_الحي
04-27-2007, 10:43 AM
الله يعيناااااا ..

كاتمة الشوق
04-27-2007, 11:33 AM
بنت نوره تبادليني جسم
ترى انا مو سمينه مره
بس الكل يقول جسمك روعه الا انا موعاجبني ابغى انحف اليوم قبل بكره
اللهم لاحسد

*معشوقةزوجها*
04-27-2007, 11:59 AM
انا طولي 65 وزني 48 الحمدلله تحسنت كثيييييييييييييييييييير
كان 42 بس السرررررررررررر
الاكل كلو 5وجبات باليوم

دوسريه جنان
04-27-2007, 12:43 PM
البطاطس وماادراك مالبطاطس

والله كنت نحيفه مررررررررررة واشتغلت بالبطاطس المقلي ومع الكليه

شئ مو طبيعي


رجه كل يوووم بطاطس


حتى خطيبي


انبهر بزيادة وزني

بس والله ماابالغ الزياده يمكن3 كيلو بس



الهه شكر وموفقين يالربع

الـغـلا مـنال
04-27-2007, 04:01 PM
ماشالله لا الله الا الله


قولو امين عساي اصير مثلكم نحيفه وادخل اشكي هنا من غير مرض يعني

الحين وش مخليكم تستعجلون على السمنه كلها امراااض

اكيد تقولون نبي نزيد شوي

ولو اذا تزوجتو وحملتو وولدتو راح تزيدون لا تستعجلون والخف رحمه

الـغـلا مـنال
04-27-2007, 04:01 PM
ماشالله لا الله الا الله


قولو امين عساي اصير مثلكم نحيفه وادخل اشكي هنا من غير مرض يعني

الحين وش مخليكم تستعجلون على السمنه كلها امراااض

اكيد تقولون نبي نزيد شوي

ولو اذا تزوجتو وحملتو وولدتو راح تزيدون لا تستعجلون والخف رحمه

بنت نورة
04-28-2007, 10:30 PM
انا تزوجت وحملت وولدت نحفت زياده

بنت نورة
04-28-2007, 10:33 PM
بنت نوره تبادليني جسم
ترى انا مو سمينه مره
بس الكل يقول جسمك روعه الا انا موعاجبني ابغى انحف اليوم قبل بكره
اللهم لاحسد

-----------------------------------------------------------------------------------------------------
الله يسعدك وانا انشاء الله بصير جسمي روعه اهاهاهاهاهاه

جميلة مطلقة
04-28-2007, 11:15 PM
بنت نوره جعلك تصيرين فيل
تراني امزح

sarab2007
04-29-2007, 12:42 AM
محبا حبيت اشاركم في الموضوع ياخواتي انصحكم تحللون وتكدون من المستشفى نه مافيكم ديدان وبعدين فيه 3اشياء وهي الحلبة مع حليب مع فطور الصباح بدل اشاهي \و1بطاطس مس:fragghagi لوقة مع علبة زبادي ينخطو مع بمض ويوكل على اريق وبعد ساعة تفطرون \حبوب زيت كبد الحوت وانشاءلله ينفعكم بعد الله جربوه كثير ونفع معهم ماشاءلله كلها طبيعية ولكم تحياتي\\\\\\\

MonaLisaa
04-29-2007, 01:05 AM
بنات ذبحتوني من الضحك .. والله أحسب أني لحالي أتعذب من الضعف

والأخت اللي قالت فيه حبوب خميرة تضعف والله هذي اللي اخذتها وايام كنت مخطوبة ودرى زوجي اني اخذها قال لااااااااااااااا بتسمنين لا تاخذنيها وما عاد اخذتها !!!

بس اتعذب ولا تقولون الحمل والولادة انا عندي ولدين وكل مالي في ضعف زايد !!!

بس مثل ما قلتو النفسية .. انا مع الشغل وحوسته وبعدين حوسة البيت ما ألاقي وقت آكل !! عاد انا لازم الأكل بهدوء وروقان واكون مرتاحة ما وراي شي والا ما أعرف آكل .. عشان كذا أذبح نفسي واذا تعبت انسدت نفسي ع الآخر !!!!!!!!!!

قريت مرة وصفه حلوة بس مشكلتها الحلبة .. تاخذين حبوب حلبة وتحمصينها شويه بس على النار وتحطينها بعلبة لبن .. وتخضينها تخضينها وتخلينها يوم بالثلاجة وثاني يوم تبدين تشوربين منها طول الوقت .. والله يمدحون طعمها وانها تسمن الوجه وتزين الشعر والبشرة وتصيرين تهبلين بس والله ما أقدر ع الحلبة أتعذب من ريحتها تذكرني بالنفاس .. أكرهها !!!!!!!!! مع ان طعمها مو شين والله لكن الريحة بعدين تذبح ..

والله ودي أروح دكتورة تغذية ( مدري اذا فيه شي كذا ) واخليها تحط لي برنامج عذائي وسمعت ان دايت سنتر عندهم قسم للي يبون يسمنون مو كله تخفيف وزن .. ودكم تشاركون ؟؟

بنت نورة
04-29-2007, 01:09 AM
بنت نوره جعلك تصيرين فيل
تراني امزح

حــــــــــــــــــــــــــــــرام عليك ماابغى الا وزني يوصل 50 بس

توليان
04-29-2007, 02:35 AM
يلا يا شله النحيفات انا معاكم

من جد تعقدنا من العصاقيل الله يفرج علينا

يسلمووووووو بنت نوره على الموضوع الرائع بس يلا متى حابه نبدا

بنت نورة
04-29-2007, 04:06 AM
مافي ولا دكتوره حقت التغذيه
هلا توليان شكلنا بنبقي نحافنين اهاهاهاهاها

حور*
04-29-2007, 01:58 PM
ماوصلتوا لحل :)


انا وزني 41

وطولي 160


واتمنى اسمن شووووووي بس

ابي خدود بس :)

بنت نورة
04-30-2007, 02:31 AM
نفسي الحاله ابي خدود

توليان
04-30-2007, 07:46 AM
بنت نوره جربتي( الموسيقور) لاني افكر اخذها اش رايك تبدين معاي والله كثير جربوها ونصحوني فيها

بنت نورة
04-30-2007, 08:04 AM
لا والله بعد ماارجع من المدينه باجربها واشوف مشكوره توليان

توليان
04-30-2007, 08:12 AM
الله يرجعك بالسلامه.... خلاص انا ببدا واقولك كيف
تراني مرررررررررره متحمسه

روبـي
04-30-2007, 02:51 PM
توليان000انا ببدأمعاك بس بتاخذين الموسيقور ولا تسوين برنامج؟

بنت نورة000انا مثلك تزوجت وحملت وولدت ونحفت زيادة الله يعيننا00

kamilla
04-30-2007, 03:42 PM
تعرفوا أنا كنت تخينة أنا والله تعبت حتى أنحف انل عاجبني حالي هيك لكن تعليقات الناس والله مرة بيقولوا انت مريضة ليش نحفتي

والله حتى لما تكوني تخينة بيعلقوا


المهم شو انت تحبي

حبراحمر
04-30-2007, 05:57 PM
يابنوتات اولا السلام عليكم ورحمة الله وبركاته ثانيا بقولكم لاتشكي لي ابكي لك ثالثا في اخت غاليه الاخت رهف2005 اظن في نفس الموضوع الصفحه 3 قالت عن خلطه الفول والذره مع الحليب وقالت انها تزيد 7 كيلو بالاسبوع انا عاد ماصدقت خبر من يومي سويتها وبصراحه الخلطه حلوه وزادت وزني 2كيلو تقريبا في اسبوع والحين صار لي اسبوعين بس من غير انتضام بس تمام كنت 45 والحين بين 47 و48 وناويه اكمل انشاءالله بانتضام واالي تسويها ترد لي خبر وتبشرنا ملاحظه لاتخافون من الطعم كنت شايله هم بس بصراحه معقول جدا

حبراحمر
04-30-2007, 06:03 PM
وحبيت اعلق على الموسيقور ترى كلها كلام فاضي تفتح شهيتك وقت الاستعمال وبس ولما توقفينها ترجع شهيتك مثل اول اسال مجرب ولاتسال طبيب حتى البركتين جربتها ومافي فايده

ملح الطعام
05-01-2007, 03:40 AM
يافراشات ياحلوات لا تتعبوا نفسكم في حل اسرع للسمنة انا عن نفسي كان وزني 48 وبعد ماشربت حبوب الاعشاب اللي من تايلند يالللللللللللللللللللللللللللللللللللللللللللللللل للللللله صار وزني 60 وروووووووووعة جسمي الحين ولله الحمد غاية في الجمال ومغري حتى زوجي قال الحين احسن عن اول

زي السكر
05-01-2007, 04:13 AM
وحبيت اعلق على الموسيقور ترى كلها كلام فاضي تفتح شهيتك وقت الاستعمال وبس ولما توقفينها ترجع شهيتك مثل اول اسال مجرب ولاتسال طبيب حتى البركتين جربتها ومافي فايده


كلام حبر احمر مظبوط ,,,,, الموسيقور حل مؤقت ,,,,, وبعدين يرجع الجسم زي أول ,,, وتتوهقين

باالترهلات بس ...... انا خلاص بجرب الخلطه اللي قالت عنها الاخت اللله يعافيها في صفحه ثلاثه

هاه بنات فيه احد يبدا معي ,,,, والله اني متعيجزه شكلي ببدا فيها بعد سنه هههههههههههه

روبـي
05-01-2007, 07:00 AM
زي السكر000اببدأ معاك>>>>>>>>>>>ياعمري انرحم000

dima
05-01-2007, 07:14 AM
شو هيي الحبوب اللي من تايلند
وانا رح ابدأ مع الاخت زي السكر و الاخت روبي بس بدي اروح اقرا الخلطة بالاول
هيي صفحة 3؟

dima
05-01-2007, 07:16 AM
فول و ذرة وحليب؟
طيب فول و ذرة يكونو حبوب يعني ناشفين زي القمح ؟

توليان
05-01-2007, 08:44 AM
يا بنات قولوا لنا اش صار فيكم جربتوا خلطه الفول والذره والا باقي؟
انا مرررررررررره محتاره ناس ينصحوني بالموسيقور وناس يقولوا مالها فايده ! طيب اش اسوي؟؟؟؟

بعدين خلطه الاخت رهف حقت الفول والذره ماني فاهمتها كيييييييييييييييييف؟؟؟؟؟
بليز بسرعه قبل الصيفيه اهي اهي اهي

ملح الطعام
05-01-2007, 10:31 AM
:h45r4 بنااااااااااااااااااااااااااااااات صدقوووووني ماشي غير الحبوب الاعشاب اللي من تايلند انا مجربة والللللللللللللللللللله:fhgfdhagi

حبراحمر
05-01-2007, 03:24 PM
ياحبيباتي انا ارسلت للاخت رهف على الخاص وسالتها وقالت لي ان الفول هو الفول المدمس العادي اللي في العلب والذره المستويه وانا سويت اللي قالته وجربت الذره المعلبه تقول مقدار فنجان من كل شي وسلامتكم

حبراحمر
05-01-2007, 03:29 PM
اختي ملح الطعام بس حابه اسال عن الحبوب التايلنديه وش سالفتها ومن وين ؟وكم تاخذ وقت عشان تبين النتيجه؟ وهل يرجع وزنك بعد ماتوقفين؟وطمنيني هي آمنه ولا زي الحبوب الصينيه؟والف شكر

زي السكر
05-02-2007, 04:13 AM
ابشروا يابنات اليوم كملت شهر وانا استخدم السبع تمرات الطريقه الاولى اللي قالت عنها الاخت رهف

في صفحه ثلاثه عرفتوها والله يابنات انا مقاطعه الميزان لي اسبوع ووزنت امس ولقيت وزني زايد

شوي يعني 2كيلو ونصف ياسلااااااااااااااااااااااااااااااااام خلاص ,,,,,, بس محتاره ما ادري اكمل ها الطريقه

لان الاخت رهف قالت سبع تمرات ع الريق لمدة شهر وانا خلاص كملت شهر ,,, والاابدأ بطريقتها الثانيه

اللي هي الفول مع الذره هاه وش رايكم يا بنات تكفون ردوا علي والله اني محتاره ؟؟؟!!!

زي السكر
05-02-2007, 04:19 AM
[quote=rahaf-2005;4024441]يا حبيباتي تعالوا أقولكم سر متني ....
اول: اتركي اي حبوب لفتح الشهية .... كل الحبوب لفتح الشهية جربتهم ولما اتركهم ارجع اضعف من اول

انا جربت .... 7 تمرات على الريق لمدة شهر متنت متن حلو زيدت مابين 8و9 كيلو كان وزني 45 كيلو صار مابين 55و56 ....

جروبها يا فراشات عجيبة انتظموا وشوفوا النتيجة ..

والطريقة الثانية : فول +ذرة + حليب كامل الدسم ... تخلطينهم بالخلاط ثم تشربين الحليب 3 مرات باليوم بالاسبوع 7 كيلو ...

يا الله يا بنات شدو الهمه ..... طبقوا وصفاتي وراح تعجبكم النتيجة ....
الي تسوي الطريقة ولم تستفيد من الخلطات ....

تروح تسوي تحليل ... الغدة الدرقية + وتحليل خروج ... عشان يشوفون في دود ببطنك .... ثم تابعي طريقتي

يابنات هذي هي وصفه الاخت رهف ,,,, ودمتم

توليان
05-02-2007, 05:03 AM
يا بنات انا ذحين اتبع برنامج وبشوف اذا ضبط معاي بقولكم عليه ياااارب يضبط
اما عن الموسيقور فما اشتريتها ما ادري احس الصيدلاني ما مدحها لي
دمتوا بود.......

[بنوته قـمـر]
05-02-2007, 05:26 AM
اي واللهـ حتى انااا نحيييييييييييييفهـ بشكلـ يعني وزنيـ 41 قولو ليـ
شنوو اسـوي كلـ مارحت مكان قالو لي انا ضعييييييييييفهـ
حيييييييل

الحسناء النائمه
05-03-2007, 02:46 AM
اخواتي العصاليك........... هذا الموضوع تعبني كثير واحس نفسي صررت خبره في هذا الموضوع
اولا بقولكم وزني عشان تحسون بمعاناتي وزني38 وطولي 162
ثانيا: اغلب الحاجات الي قايلين عنها جربتها ببداء من العنبريه وهي خلطه تباع عند العطارين استخدمتها فتره وزاد وزني وصااار ولا احلى ولكن تفاجئت بان الدكتور جابر القحطاني يقول انها مضررره بالجسم ومنشطه للخلايا السرطانيه عافانا الله واياكم وابتعت عنها مما ادي الى رجوع وزني
*** حبوب ميسقار هي فاتحه لشهيييه وزينه والله بس تطلع حبوب بلوجه على خفيف مومره والي مستخدمتها بتلاحظ
***التين والحليب انا جررربتها بعد مررره مفيده بس يبيلها طولت بال شوي اذا استخدمتيها 3اشهرر بالكثير <متواصله> لاحظي متواصله مويوم ايه وعشرره لا حتدعيلي بس انا افتقد طولت البال هذي بس قبل جرربتها وزاد وزني 8كليو وماكملت نظامي ومرت ب اختبارات الثانوي وهددددت حيلي وماعاد رجعت لها لكن ببدا معكم انشاء الله
غير كذا لازم تزيد الوجبات خلال اليوم تصلا الى6 وجبات بتقولو كيف؟؟؟؟ وراح اقولكم
من اول وجبه تاكلينها في اليوم مثال انا افطررت اليوم الساعه 9الصبااح<حاولي يكون فطورك حاجه مفيده موبس حليب لاعيوني شوي قشطه ولا عسل ولاجبن واذا مرره مالك نفس <كاس حليب +نص خبز فيه جبن> هذا اسواء الاحتمالات> نررجع للوجبات لازم تكون فيه وجبه اضافيه بين الفطور والغداء يعني احسبي ساعتين بعد الفطور تكون الوجبه الاضافيه الاولى< لازم تكون حاجه مفيده مثل 1تفاحه+1موزز او اذا فيه عندكم ايدامت في البيت > بعد الوجبه الاولى احسبي 2ساعه وابدي في وجبه الغداء وتكون حاجه مفيده بعد واحسبي ساعتين وابدي في الوجبه الاضافيه ال2 وهكذا لتصلي الى6 وجبات في اليوم
***ملاحظه مهمه: اذا كنتي من النوع الي نومه قليل وزعي الوجبات الاضافيه حسب وقتك واحرصي ان تكون بين الوجبات الاساسيه
وما تاكلي الا اذا حسيت انك جيعانه يعني اذا جعتي قبل الوقت المحدد لاتاكلي قبل الوقت واذا جاء الوقت المحدد وانت ماجعتي حولي تلعبي ريااااضه ونطنطي لين تجوعي وكلي في نفس الوقت المحدد لك
اتمنى اني افيدكم والي تبي تبدا معي ترسلي على الخاص عشان اكتب اسمائكم وحنبداء من1\5\1428 والي ماتتبع النظام بكل امانه وصدق ررراح اعلم عنه واقول انها عصلوكه واعلم بوزنها بعد
الي بتشارررك ترسلي وزنها وطولها وحالتها الاجتماعيه ومتى تصحى ومتى تنام وهل طالبه نظامها بلظبط
ام موظفه على الخاااص عشان نمشي على بينه وانشاء الله الفائده تعم الجميع وتصبح اجسامن حلووووووووه لانتسو قبل 1\5
الرجاء الصدق والي ترسل بيانته كامله راح ادرج اسمها والي ماتوضح ماراح ادخلها معنا يعني مراعات الدقه
راح انزل الاسماء الي حتشارك معنا بس على الخااااص الاسماء



































عنوان المسااااااابقه

<<<<<<<<<<< يدا بيد لضع للعصاليك حد>>>>>>>>>>>

~شبآبيـه~
05-03-2007, 05:33 PM
فول+ذره +حليب


ووتس وشذا يقررف


خذوو مغآت أصفر أهون لكم

شادن2
05-04-2007, 05:02 AM
اقول بشى حبوب بشى كلام فاضى

انا عندى حل من الدكتور عادل عبد العال

اكل التمر والخيار بعد كل وجبة مجربة
:fragghagi

ملح الطعام
05-04-2007, 06:44 AM
بنات جربتو كبسولات العشاب ginsingاللى من تايلند اللي جربت تخبرني انا عن نفسي الحمدللة طلعت من هالمشكلة لما اخدت الكبسولات بس لما خليتهم ماجع وزني مثل الاول الحمدللة لان الكبسولات فيها كبسوله صفرا تاخديها اخر شي للتثبيت الوزن المطلوب والنتيجة تشوفيها اقسم بالله في اسبوعين وان استمريتي يكون احسن حتى توصلي للوزن اللي تريديه وشكراااااااااااااااااااا

الحسناء النائمه
05-04-2007, 10:50 AM
بنات جربتو كبسولات العشاب ginsingاللى من تايلند اللي جربت تخبرني انا عن نفسي الحمدللة طلعت من هالمشكلة لما اخدت الكبسولات بس لما خليتهم ماجع وزني مثل الاول الحمدللة لان الكبسولات فيها كبسوله صفرا تاخديها اخر شي للتثبيت الوزن المطلوب والنتيجة تشوفيها اقسم بالله في اسبوعين وان استمريتي يكون احسن حتى توصلي للوزن اللي تريديه وشكراااااااااااااااااااا


من فين اشتررريها واذا تقدرييين حطي صورتها وبكم سعرررها

ملح الطعام
05-04-2007, 04:06 PM
هلاااااااا الحسناء :dfr3 العلبة حاليا مش معاي عشان اصورها وانا شريتها من عند وحده (هي تروح تايلند عشان تجيب كبسولات واشياء ثانية ) والعلبة سعرها200ريال . تبينها ؟ بعثيلي عنوانك وراح ارسلك اياها انشاء الله
:h45r4:h45r4

بوكا
05-04-2007, 11:38 PM
بنات في موضوع عن النحافه اسمه تجمع النحيفات قبل الصيف في مطبخ الفراشه الصحه الغذائيه والطب البديل حاولو تتعاون مع بعض هيكون مشجع اكتر

زي السكر
05-05-2007, 02:09 AM
يابنات وخصوصاً الللي مشو معي في برنا مجي <<<<<<<<<<<<<<< اخس يا البرنامج

انا خلاص كملت شهر ع اكل التمر اليوم السبت الموافق 18 / 4 للهجره هههههه حشا درس تاريخ

المهم اليوم يا طويلات العمر راح ابدأ بخلطه اخذتها من منتدى ثاني ويقولون انها تنفع لزياده الوزن

وهي خلطه للدكتور جابر القحطاني وبنات كثير استفادوا منها وهي خلطه التين مع الحليب

حبتين تين ننقعهم بكوب حليب دافئ وتشرب ع الريق لمدة اربعين يوم <<<<<< اللله يصبرني

امحق تشجيع ما انفع ابد هههههههههه لاعاد اليوم راح ابدأ فيها احد بيبدأ معي ,,,,,,

بروح اسوي الخلطه ,,,,, ادعولي با التوفيق <<<<<<<<<<<< حشا اختبار خخخخخخخخخخخخ

باااااااااااااااااااااااااي ياعصاقيل

مي سون
05-05-2007, 05:49 AM
التين مجفف ولا عادي
ومدة النقع كم ومشكورة

روز المطيري
05-05-2007, 06:35 AM
يابنات بقول لكم سالفة صديقتي اللي اسمنت يمكن 15 كيلو خلال شهر بس..
هذي صديقتي المقربه لي حيييل.كان وزنه والله مايتعدى 40 كيلو وهي عمرها 28 سنه..
تخيلو..والله غبت عنها اسبوعين وشفتها...ماااااصدقت عيوني ابد ابد...والله مشاء الله طلع عليها جسم.. مسكت
المهم سئلتها شلي سوته..وقالت لي هذي اعشاب تبيعها وحده ومضمونه ميه ميه..
والله العظيم ماكذب عليكم..ان اختى من بعدها استخدمتها كانت نحيفه شوي لكن رجلها يبيها سمينه
واستخدمتها..وبعد طلبت منها لبنت خالي اللي كانت مسواك والحين شوفوها..
ومن بعدها..والله ماتلقون النحيفه عندنا..
حبيت افيدكم..بس
واي استفسار..انا تحت الامر..
تقبلو تحياتي

دلوعة الدنيا
05-05-2007, 11:47 AM
انا مثل معانتكم ابي اسمن ماخليت شي ماجربته بس رحت للاخصائيه غذاء وزدة كيلوين في 3 شهوووووووور

هذي الاخصايئه في طريق الملك عبدالله بعد صحاري على اليمين اسمه السعودي الصيني الطبي الكتوره رنده

ملح الطعام
05-05-2007, 01:51 PM
الى اختي الفراشة الحبر الاحمر اسفة على التاخير انا ماوصلت مشاركاتي الى 30 حتى استطيع مراسلتك على الخاص . اريد اجولك ان الحبوب عادية وماسمعت عنها شي (قل مايصيبنا الا ماكتبة الله لنا) وهم مثل ماقلت ب200 ريال سعودي وانا اشتريتهم من عند وحدة قريبتي من صلالة وادا تريدي علبة جولي لي وانشاللة راح اطرشلك . مع تحياتي الحارة لكى

ملح الطعام
05-05-2007, 01:54 PM
ارسلي لي الايميل بتاعك يكون احسن

زي السكر
05-06-2007, 02:23 AM
التين مجفف ولا عادي
ومدة النقع كم ومشكورة


هلا فيك .... التين يا قلبي مجفف وتحطينه في كوب حليب دافئ وتغطينه وتخلينه لحد ما يلين شوئ

وينتفخ ... وبعدين تشربين الحليب وتاكلين حبات التين ,,,, وان شاء اللله يفيد ك

زي السكر
05-06-2007, 10:14 AM
:frasha5: وينكم يابنات يا عصقولات اللي بدت معي في البرنامج روبي وبنت نوره الخ ..........

شكلكم محتارين وش تبدون فيه!!!! صح :10_9_134[هاه ما جاوبتوني !!!!!!!


راح تبدون معي في خلطه التين مع الحليب !!! روبي هاه وين الحماس !!!!!!

بنت نورة
05-06-2007, 01:59 PM
يالله لك الحمد تين عاد
لالالالالالالالالالالالالالالالالالالالالالالالالا لالالالالالالالالالالالالالالا

زي السكر
05-06-2007, 02:35 PM
بنت نوره ياقلبي والله طعم التين عادي ,,,, واللي مجربينه يمدحون الخلطه ويقولون انها نفعت معهم

صدقيني ,,,, شوفي سوي بحث اكتبي خلطه التين مع الحليب وشوفي الردود ,,,,,,,

بااااااااااااااااااااااااااااااااااااااااااااااااا اااااااااااااااااااااااااااااي

حبراحمر
05-06-2007, 03:43 PM
اختي ملح الطعام ارسلت الايميل لك وانا استانك اتمنى الرد

الحسناء النائمه
05-09-2007, 08:02 AM
ملح الطعام (https://alfrasha.maktoob.com/member.php?u=204333) vbmenu_register("postmenu_4466017", true); طيب ممكن اعررررررررررررررررف مكوناتها ارسليلي على الايميل

rawaan_2008
05-09-2007, 08:47 PM
انا كمان مرررره زهقت من النحف ومستعده اكون معاكي ونبدا مع بعض مع اني استخدمت حاجات مرره كتيره لكن بدون فائده والكل دايم يحطمني والله مره طفشت ايش اسوي؟

ام منوف
05-10-2007, 07:07 AM
ملح الطعام ممكن التفاصيل

فاتنة زمانها
05-10-2007, 02:39 PM
السلام عليكم ورحمة الله وبركاته

اااااااااااااااااااااااااااااااااااه حطيتي يدك على الجرح
تصدقين اني صرت ما احب اروح للمناسبات لان الناس اذا شافوني كنهم شايفين شي مرعب
واااااو ليش نحفتي زياده تصدقين اول احلى بصراحه مره شنتي
لا واللي زود علي زوجي كان مجننه جسمي في بداية زواجي اما الحين يقول اسمني والا تزوجت عليك وصديقاتي
بالجامعه كان جسمي محور حديثهم لاكن الان مافيه امل يصير جسمي محور حديث اي احد

نفسيتي صايره مره زفت ابي شي يتفخني مرررررره

سوزان..........
05-10-2007, 07:02 PM
والله معاكم حق
انا نحيفة والكل يقولي ليش انتي نحيفة كثير
ويصيرون يعلقون علي ويضحكون
والله نفسي اسمن لو بس حتى كيلو واحد
قبل ما اتزوج كان جسمي روعة
بس الحين
نحفت كثير
اعطوني اي شي مجرب
تكفون .......................

توليان
05-11-2007, 08:01 AM
زي السكر اش صار معاك انتي والتين اذا نفع بجررررررررررب

زي السكر
05-11-2007, 08:40 AM
اهلين توليان ,,,, ان شاء الله افيدك با النتيجه بعد شهر لان لي اسبوع واحد بس مستخدمه الخلطه

ولازم اكمل اربعين يوم علشان تبين النتيجه ,,,,,,,,,,,,, يعني بدري ع النتيجه ,,,,,,,,, دعواتك با البي :sdgdsg:

فله11
05-11-2007, 10:34 AM
انا برد لاني كنت اعاني من هذه المشكلة بس الحمدللة قدرت اتغلب عليها انا كنت زيكم جسمي حلو بس تزوجت وجبت ولدي الاول حتى بدا وزني ينزل الى ان وصل 45كيلو ماخليت طريقة ماجربتها لاني كنت احس بدوخة وتعب وارهاق وخمول وصار عندي فقر دم حتى الفيتامينات جربتها مع الدكتورة الى ان وجدت الحل وهو العسل بس لازم يكون طبيعي وهو غالي بس فائدتة عظيمة وطريقة استخدامة تاخذين ثلاث ملاعق منة على الريق وتبقين ساعتين بعدة من دون اكل بس اذا حبيتي تشربين موية واستمري علية مدة وتظهر لك النتائج بعد ثلاثة اشهر ويمكن قبل كذة انابالنسبة لي استمريت علية سنة كاملة والحين سرت اتابع وزني لاني خايفة افرط وميزة العسل انة يعالج المشكلة من الدم وتشعرين ان صحتك عادت لك وتحسين بالنشاط والحيوية
اتمنى من كل قلبي انكم تجربون طريقتي عشان تستفيدو زيي
فلة11
:fkjuiyhag :fkjuiyhag :7_4_3[1]: :sddhgh: :sddhgh: :sddhgh:

بنت نورة
05-11-2007, 04:59 PM
سلام يابنات وش صار لكم انا زدت كيلو واحد


Content Relevant URLs by vBSEO 3.6.0