المساعد الشخصي الرقمي

مشاهدة النسخة كاملة : خلفه البنات اولها شماته واخرها حسد!!!!!!!!!!!!



هند استراليا
04-01-2007, 10:06 PM
بنات زي ماانتم عارفين ان عندي بنتين وسويت تصوير رباعي وطلع بنت!

المهم لما قلت لأهل زوجي قالو اني اكذب عليهم وابي اسويها لهم مفاجأه!! قررت اخذهم معي للدكتوره,وقالت بنت!!

بس امي الله يصلحها قالت قدامهم زهقنا من البنات! ومن بعدها بديت اسمع كلام زي السم!
وحتى امي لما شافت زوجي تقوله بمزح الله يعينكم على تربيه البنات!

بصراحه انا قلت اناديهم يتأكدون عشان نخلص من الموضوع البايخ! بس احس ان المشكله زادت وكل ماشافوني قالولي بعد الولاده ب3شهور احملي يمكن تجيبين ولد بصراحه انا تعبت من الولادات كل بناتي ورا بعض!
واحيانا اقول لو اني جايبه ولد من البدايه كان مريحه راسي 4سنين مثل قريباتي,لا وزاد علي زوجي فلان عنده 3 اولاد وفلان عنده 4 وانتي مو عارفه تجيبين واحد قولولي ياناس وش اسوي؟

قلعاوية
04-01-2007, 11:10 PM
لما احد يقولك نفس هالكلام قولي لهم انو فيه ناس محرومة من ريحة الضنا ..
وقولي لهم نك مالك دخل هذي عطايا رب العالمين
وان المرأة مثل الوعاء مالها دخل باللي شايلته بأحشاءها لانها موش مسؤولة انه يكون بنت او ولد

وبعدين زوجك المفروض يعرف انه هو المسبب الرئيسي لها الشي
وانا سمعت انو قبل يوم التبويض لما يحدث جماع فيه قابلية للحمل بأنثى اما لما يكون من يوم التبويض الى ثلاث ايام بعده احتمالية الحمل بذكر ..

متى بس الناس بتبطل عن هالعادة اللي كلش موب حلوة ..

وبالتوفيق ياقمر..

ام قمر
04-01-2007, 11:33 PM
ياعمري بس ثلاث بنات حماتي جابت خمس بنات وبعدين جابت ولد وبعده بنت وحماتي الثانيه نفس الشي

اشفيهم البنات ياقلبي ليكبرو راح يصيرولج عون والبنت احن من الولد الولد بس يزوج راح يلها عنج

وعن ابوه بس البنت ياعمري عليهاتضل طول عمرها ادور رضاج انا اشوف هالشي فيني وبخواتي

لما تزوجنا نبي نعطي امنا كل شي وبس نبي نرضيها اما خواني فا كلهم حق حريمهم اهم شي عندهم

حريمهم


قولي لزوجج ان الله راضي عليه اللي معطيه ثلاث بنات صح الولد عزوه وراح يشيل اسم ابوه بس البنت

احن وارحم واطيب وخل يستغفر ربه

والله علي بالي بتقولي لي سة او سبع بنات ثلاثه بسيطه وحلوين


وياقلبي نبهي امج انا مادري اشلون اتقول جذي جدام زوجج واهله بدال ماتقنعهم وذكرهم

ان هالشي بيد الله وبطن اجيب البنت اجيب الولد بس يمكن اتكون خايفه عليج وتبي تكسب لج اهل ريلج



وبعدين تعالي تري مومجبوره تاخذينهم معاج عمرهم ماصدقو بينيلهم انج سعيده وانه مو هامج

وخلي عندج قوة ايمان ونقديهم علي حالهم ونتي صح وهم غلط لان هالشي بيد الله وحده


وربي يرزقج بتوم عيال يارب

واسفه طولت بس بطو جبدي اهل زوجج الله يعينج عليهم

..ونة خفوق ..
04-01-2007, 11:44 PM
شوفي حبيبتي ..بعض الناس ماعندهم سالفه ..لكن من تفهميين نقول هذا رزق من الله والمرأه مالها دخل
مايفهمون والله ..الله يعينك ياربي

بنت زايد الخير 2006
04-02-2007, 01:47 AM
استغفر الله العظيم احيانا يقولون كلام ما يعرفون يثمنونه الله يهديهم ان شاء الله :)

أم أموله
04-02-2007, 01:57 AM
غاليتي أنا عندي عمه ...الله يهدي زوجها ...جابت خمس بنات ورا بعض والسادس ولد ...بس المسكينه صحتها وايد تراجعت من تعب الحمل والتربيه ...حاولي تتفاهمين مع زوجك بطرقه تحسين أنه ممكن يتقبلها منك , وهو أنك ترتاحي كم سنه بعد الولاده ...علشان تربي البنات وكمان ما يشغلوكي عنه وبعدين تحاولين الأنجاب مره ثانيه ...والله يا اختي عمتي عمرها 37 سنه بس لو تشوفيها تعطيها أكبر من عمرها بكثير ...

والبنات يا أختي نعمه من الله زي الصبيان ...عساهم بكره يقرو عينك وتفرحي بيهم يا رب ...الله يسعدك

no0ora_dxb
04-02-2007, 02:00 AM
وكل ماشافوني قالولي بعد الولاده ب3شهور احملي يمكن تجيبين ولد بصراحه انا تعبت من الولادات كل بناتي ورا بعض!
واحيانا اقول لو اني جايبه ولد من البدايه كان مريحه راسي 4سنين مثل قريباتي,لا وزاد علي زوجي فلان عنده 3 اولاد وفلان عنده 4 وانتي مو عارفه تجيبين واحد قولولي ياناس وش اسوي؟

__________________________________________________ ___

حبيبتي خلي عنج هالكلام اللي يجيب عوار الراس.. أصلا كل شي وله حكمة عند رب العالمين.. واذا الله كاتب لج ولد ترا أكيد بيي في الدرب .. المهم انج انتي و زوجج متفاهمين وعارفين ان الرجل هو اللي يجي منة الولد أو البنت.. شي مو بإيدنا حبيبتي...

و حالتج والله مثل أمي!! أول شي يابت 3 بنات و عقبها صفت 4 أولاد :)... هذي كتبة الله سبحانة و تعالى و أهلج يؤثمون إذا يلسوا يتكلمون بهذه الطريقة و هم مو حاسين...
نصيحتي لج حبيبتي أسمعي من صوب و طلعي من صوب.... و مالج في هالحالة غير الدعاء و انشالله يتحقق مناكم...

السمووووووحة :)

Om LeeeeN
04-02-2007, 02:04 AM
الرسول اللهم صلي وسلم عليه قاااال خيركم من بكر باانثى

وبعدين ياقلبي بقولك مافيه احسن من التطنيييييييييييييييييييش ومافيه احسن من البناااااااااااااااااااااااات

هم اللي بيكونو معااااااااك وجنبك لاخر العمر ان شاء الله

وانا سمعت كثير زي حالتك وجربو الجدول الصيني بعد البنات جابو ولد اسالي عنه الدكتوره قبل لاتحملين عشان

تقولك كيف الطريقه والله يوفقك دنيا واخره

sawsan82
04-02-2007, 02:20 AM
شبهم البنات والله حلوين وبعدين يقول المثل جيبو بنات ولاتقعدو بطالات يعني من دون أولاد أنا بنت عمتي صرلها متزوجة 13 سنة وعم تتمنى على شقفة ولد
البنات رزقة من رب العالمين

مها الجزيرة
04-02-2007, 02:23 AM
الله يهديهم تفكيرهم يضحك
حبيبتي اللي جابت البنات بتجيب ان شاء الله الاولاد واللي جابت الاولاد باذن الله بيعطيها البنت
احسن حل التطنيييييش عشان ماتتعبين لان تدخلات الناس في الاشيا الخاصة ماتخلص
الله المستعان

بيلسان2009
04-02-2007, 04:47 AM
الله يهديهم تفكيرهم يضحك
حبيبتي اللي جابت البنات بتجيب ان شاء الله الاولاد واللي جابت الاولاد باذن الله بيعطيها البنت
احسن حل التطنيييييش عشان ماتتعبين لان تدخلات الناس في الاشيا الخاصة ماتخلص
الله المستعان

الله يرزقك الذريه الصالحه ويرزقك ولد ويرزقني بنت
اعجبني كلام مها الجزيره

رمانه الصيف
04-02-2007, 06:12 AM
الله يهديهم
قوليلهم الرسول اللهم صلي وسلم علية ابو البنات
رزق بابراهيم ولكنه توفي وهو صغير
وسكتيهم وقولي اللي يجي من ربنا الله يحيه كلهم نعمه
البنت نعمه والولد نعمه ورضاء الناس غاية لاتدرك حطي تحتها خطووط
يعني طنشي ولا كأنك سامعه شي عشان لو شلتي هم انتي اللي نفسيتك حتتعب
وفي شي مالك اي يد فيه قال تعالى(يهب لمن يشاء اناثا ويهب لمن يشاء الذكور ويجعل من يشاء عقيما)
لاحظي انه قدم الإناث انشالله ماأكون طولت بس بصراحة انا هادا الموضوع مرررره ينرفزني

ريم الفلا***
04-02-2007, 12:30 PM
اصلا لاتسمعين لهم والولد و البنت لك انت ..وزوجك اللة يهدية مايدرى انة هو اللى يحدد الجنس .........

فريال خانو
04-02-2007, 12:45 PM
اختي الغاليه انا عندي لك حل اذا روحتي للدكتوره مره ثانيه خليها تقول لزوجك انه في احتمال ان الجنين يكون فيه شي لا قدر الله اناعارفه انو صعب تفائلي كذا بس ذا احس حل ان زوجك لما يشوف البنت يحمد الله على النعمه وطمنينا عليك ودعواتي لك 000

بريق آلماسة
04-02-2007, 01:09 PM
ياعمري بس ثلاث بنات حماتي جابت خمس بنات وبعدين جابت ولد وبعده بنت وحماتي الثانيه نفس الشي

اشفيهم البنات ياقلبي ليكبرو راح يصيرولج عون والبنت احن من الولد الولد بس يزوج راح يلها عنج

وعن ابوه بس البنت ياعمري عليهاتضل طول عمرها ادور رضاج انا اشوف هالشي فيني وبخواتي

لما تزوجنا نبي نعطي امنا كل شي وبس نبي نرضيها اما خواني فا كلهم حق حريمهم اهم شي عندهم

حريمهم


قولي لزوجج ان الله راضي عليه اللي معطيه ثلاث بنات صح الولد عزوه وراح يشيل اسم ابوه بس البنت

احن وارحم واطيب وخل يستغفر ربه

والله علي بالي بتقولي لي سة او سبع بنات ثلاثه بسيطه وحلوين


وياقلبي نبهي امج انا مادري اشلون اتقول جذي جدام زوجج واهله بدال ماتقنعهم وذكرهم

ان هالشي بيد الله وبطن اجيب البنت اجيب الولد بس يمكن اتكون خايفه عليج وتبي تكسب لج اهل ريلج



وبعدين تعالي تري مومجبوره تاخذينهم معاج عمرهم ماصدقو بينيلهم انج سعيده وانه مو هامج

وخلي عندج قوة ايمان ونقديهم علي حالهم ونتي صح وهم غلط لان هالشي بيد الله وحده


وربي يرزقج بتوم عيال يارب

واسفه طولت بس بطو جبدي اهل زوجج الله يعينج عليهم

.................................................. ......
صح لسانك ياأم قمر ؟؟؟؟؟؟؟؟؟؟؟؟

البنات هم الخير والبركة واللي ماجابت بنات سبحان الله ماكنها خلفت؟؟البنت عند امهاتكبر وتتزوج وترجع لأمها تدور رضااااااها اذا الله اصلحها وهداها أما الولد تربيه لغيرك الولد تبع حرمته وهذ من واقع تجربة قليل من الابناء اللي يجيوكي حنونين على امهم إلا أهم شي عنده حرمته وعياله بــــــــــــــــــــــــــــــــــــــــــــــــس ؟؟؟

وأتمنى عزيزتي تقرأي هذا الموضوووووووووووع لأخت كانت تبي الولد والله رزقها ببنت...ولكن...؟؟؟

http://forum.hawaaworld.com/showthread.php?p=12271446&posted=1#post12271446

همساااااااااات
04-02-2007, 02:25 PM
لاإله إلا الله البنت والولد هبه ونعمه من رب العالمين
فيه ناس محرومين من هانعمه...
الله يرزقك الولد الصالح

nonamm
04-02-2007, 02:41 PM
البنت احن من الولد فعلا
الولد انانى بطبعه
لكن البنت لا
عزيزتى
اشكرى الله على النعمة و قولى لهم انها نعمة من رب العالمين و لئن شكرتم لازيدنكم
و سيزيدك الله بركة فيهم
و يضع فى قلوبهم الرحمة و الرأفة بيكى
قولى لزوجك
انك قد تتمنى ولد و تكفر بنعمة الله
و يعطيك الولد و لكن ليس كعطية و لكن كبلاء
يكون فاسد او عاق لا قدر الله
لكن ان حمدت الله على النعمة
سيبارك الله لكم فيها
و قد تكون البنات سبب فخر لكم فيما بعد
لا تعلمون ما هو مقدر لكم
سبحان الخالق

صمت البوح!
04-02-2007, 03:57 PM
ماادري متى رح نتخلص من العقول الجاهله هذي الله يهديهم بس اللي تفكيرهم كده

هم جالسين يعترضوا على حكمة ربي لانه هذا كله بيد الله والبشر مالهم دخل

لاحول ولاقوة الا بالله

ام دلول
04-02-2007, 04:08 PM
السلام عليكم ورحمة الله وبركاتة
حبيبتي اول شي بدعيلج من كل قلبي ان الله يخيب ظنهم ويطلع اللي بطنج ولد يارب ويفرحج ويطمن قلبج
ويقر عينج وعين زوجج اهم شي انج تدعين الله ان اللي بطنج يطلع سالم معافى لامعوق ولامشوه ولاناقص
في خلقه ولازائد ويطلع من الصالحين هذا اهم شي
اما بالنسبة لاهل زوجج الله يعين في ناس متخلفة مع احترامي لج هذا شي بيد الله ثم السبب الرجال
ومااقول إلا الله يصبرج ويطمن قلبج ومالج إلا الصبر

أضواء الرياض2006
04-02-2007, 07:17 PM
اختي الحمدلله على الخلفه
هذي عطيّة الرحمن محدّ يدري يمكن البنات إلي مو عاجبينهم يكونون اصلح وأحنّ عليهم من 100 ولد
اعرف عوائل عندهم بنات ويتحسّرون على خلفة الولد
ويوم جاهم الولد !!!!!!!
تندمو على اعتراضهم على خلفة البنات
ودائما يرددون (يقولون بنت وحده احسن من عشر اولاد)
والله سبحانه يقول في كتابه بما معناه منكم من نرزقه إناثا ومنكم من نرزقه ذكورا ومنكم من نجعله عقيما
فسبحان الله في خلقه

*فـــجـــر*
04-03-2007, 12:42 AM
واذا بنت خير يا طير

انا للحين ما حملت ,, بس نفسي اذا حملت اجيب بنت ويا حلوها والله

حتى زوجي نفسه ببنت .......

الحمد لله ما تدرون وش الصالح فيه ,,,,

قولي لرجلك العيال منك انت اللي تحدد جنسهم مو انا

و فيه اكل اذا بغيتي تحملين ان شاء الله حاول تاكلينه قبل بشهرين ( اللحوم , مرتديلا, ) وتبتعدين عن الاجبان والحليب و الخس ....

واذا قالوا لك اهل رجلك جيبي الولد قولي بدري ما ابي احمل بربي بناتي الله يخليهم لي ويكفيني شر الحساااد

نورما الدلوعة
04-03-2007, 03:06 AM
حبيبتي انا لي اقارب جاهم ولد وفرحوا فية كثير بس للاسف طلع هذا الولد سبب لشقائهم وتعبهم في كل شيى وقولي الحمد للة على الصحة والعافية لبناتك واهل زوجك لاتعطيهم مجال يتدخلوا في حياتك علشان ماتتعبي 00 والللة يوفقك

عذ به
04-03-2007, 04:06 AM
سالفتك مثل سالفه بنت خالتي بس اهي اللي ودها بولد وجابت خمسه ماشاء الله وكلهم بنات
المشكله زوجها عادي وراضي وقال خلاص يكفونا اللي عندها بس اهي كل ماسمعت شي من الحريم صدقت
اللي يقول السادس بيطل ولد واللي يقول الرابع:)
وكلها بيد الله عز وجل
والمتعلمين عارفين الولد والبنت من الرجل مو المراءه اهي تنبت مابذر فيها
تقبلي تحياتي :)

رقيه جاكسون
04-03-2007, 07:33 AM
انا سمعت نظام غذائي تتبعينة قبل الحمل ووقت التبويض واعملي بحث بها الموضوع راح تلقين الحل واللة يرزقنا حتا انا نفسي بوالد واللة كريم

التغلبيه
04-06-2007, 06:50 PM
البنت رحمه من الله وكثير للاسف يشوف البنت مشكله

انتي تجااهلي الموضووع ولاتشيلي هم لانه مالك يد بالموضووع ورااح تتعبي نفسك في شي مقدر ومكتوووب

يعني لو تقعدي من اليوم الى بكرة تبحثي عن حل ماراح تلاقي اقداار كتبت وصحف طويت قبل خلق الارض

ومن عليهاا اذا مكتوب تجيب ذكور رااح تجيبي واذاا مالله اراد فمابيدك حيله

اكثرري من الاستغفاار والدعاء ولاتنظرري لمن تفكيرهم دون المستووى

والله يكتب لك الولد البار الصالح

ام ريري*
04-06-2007, 09:00 PM
طنشييييييييييييييييييييييييييييييييييه على الاخر واستغفري ربك كل ما ضايقوك وادعي ان الله يرزقك بالولد في اوقات استجابه الدعااء...............ز
الناس ما صارت تفهم واللي يقهر في الموضوع زوجك ......... قوليله من راقب الناس مات هما
واقنعيه ان هاذا الشي انتي مالك علاقه فيه واذا ظل طول عمره ما يبغى بنات يمكن ربي يعاقبه بسبب عدم شكره للنعمه اللي هو فيها .............................

the_queen2007
04-06-2007, 09:38 PM
ماااااقول الا الله يعينك

والي رزقك بالبنت يرزقك ان شاء الله بالولد الصالح

ولاتفكرين في كلام الناس الي مايخلص خلي ايمانك باالله قوي


Content Relevant URLs by vBSEO 3.6.0