المساعد الشخصي الرقمي

مشاهدة النسخة كاملة : ما هي علامات الولادة؟؟



النجمهـ المتألقهـ
05-08-2007, 01:16 PM
انا بكرة بدخل الشهر التاسع... وهذي اول حمل لي وما اعرف شي!!!!

فممكن تقولولي كيف علامات الولادة؟؟؟

يعني فيه علامات قبل بداية الطلق ( الوجع)؟؟ ام لا ؟؟

ومتى ابادر المستشفى على طول من يوم يبدا الطلق؟؟ والا كيف؟؟

فهموني انا محتاجه مساعده منكم الله يجزاكم خير

ومضت**
05-08-2007, 01:23 PM
هلا حبوبه

اول شي الله يقومك بالسلامة ,,
بالنسبه لعلامات الولاده ..

رح تحسي بوجع اسفل بطنك .. (مغص شديد)

انا ولدت قبل 8 ايام احكيلك شو صار معي

الفجر حسيت بمغص ورحت الحمام .. سويت مرتين
بعدين حسيت المغص متتابع ورا بعض يعني كل 3/4 دقايق
على طول رحت المستشفى وولدت بعد ساعتين تقريبا

وانتي لو حسيتي المغص كل شوي ومتتابع .. على طول روحي المستشفى..

ونسيت اقولك مو شرط تكملي شهرك للاخر .. انا كان باقيلي 8 ايام عليه
وربنا يسهل عليكي

^أم إلياس^
05-08-2007, 01:40 PM
سلام عليكم

انا بالنسبة لي باقي لي 8 اسابيع على موعد الولادة بس سبق وولدت بطفلي الاول لكن علامات الولادة عندي ماكانت مغص ولا ألم ولا حاجة واتمنى ياااااااااااااااارب باذن الله هالمرة اولد مثل اول مرة واتمنى للكل الله يسهل عليكم ويقومكم بالسلامة.

انا يا اختي الغالية ولادتي الاولى نزل علي ماي الرحم فجأة وماكنت عارفة ان هذا من علامات الولادة بس زوجي خاف وعلى طول اتصل على امي ورحت المستشفى وكنت مو مقتنعة اببببد اني راح اولد في هاليوم لاني ما كنت اتألم بالمرة وعلى طول نوموني عالسرير وجات الدكتورة قالت لي انتي في حالة ولادة والرحم متوسع عندك 3 سم وانا مو مقتنعة اببببببببببببببد وهم قامو بكل التجهيزات ركبو علي الاجهزة لنبض القلب وقياس الطلق وكل شي وانا ماكنت احس بأي شي بعدين اهم عطوني ابرة مادري شنو اهي بالضبط بس الي فهمته عشان تجيب الطلق بعدها تألمت نص ساعة بسسسسس وولدت بالسلامة

الله يسهل عليش ان شاء الله وتقومين بالسلامة ان شاء الله

النجمهـ المتألقهـ
05-08-2007, 01:55 PM
بس انا اليوم بطني يعورني احيانا مثل المغص واحيانا مثل الم الدورة....... هذا وش يصير طيب؟

الهتوووون
05-08-2007, 02:08 PM
مرحبا اختي ولا يهون الحاضرين
بالنسبه لتجربتي
الم الولاده كأنه بدايه وخز الحيض مثل الم الدوره
وهو تفتح عنق الرحم وألم باسفل الظهرهذا
هو الطلق
يبدأ يخف ويرجع بوقت زمني مضبوط بين الطلقتين تقريبا عشر دقايق
ثم تتقارب الطلقات
لكن نصيحه
حاولي ماتتخرين عن المستشفى
لأني سمعت كلام الناس ((يقولون لاتروحين بدري )) قصدهم عشان ماتقوم الدكتوره
((بالخش عليك من جوا))يعني تقيس كم سم انفتح الرحم
ولكن تخيلي :: وصلت المستشفى في اخر لحظاتي ستر الله
فيه ناس تولد بالسياره
نصيحتي لك اطمأني اولا -وحاولي تمشين ولو جوار المستشفى
ولاتشربين قرفه (دارسين)اشوف الدكاتره ينهون عنها
انا بالنسبه لي شربت كمون ورشاد

بالتوفيق

ام يارا ولارا
05-08-2007, 02:11 PM
السلام عليكم 000اختي الفراشه هذاممكن يكون طلق اذا تكرر الالم كل عشر دقائق
والله يقومك بالسلامه

mooon
05-08-2007, 02:56 PM
علاماتها ياقلبي مغص يبدا تدريجي مثل الم الدوه كل ساعه اوساعتين وربما في البدايه بالايام يجي

يزاداد الالم مع قرب خروج الجنين ويصير المغص اضعاف اضعاف المغص الي بالبدايه لدرجه عدم التحمل

رغبه كل 10 دقائق ان تروحي للحمام ولو ان ما فيك شي بس هو ضغط الجنين لانه صاير تحت

والالام تجي مع بعض يعني في بطنك وظهرك ويمكن تنزل برجولك لو راس الجنين نازل

نزول الماء عليكي وهي لزجه شفافه ونزولها قديكون مره واحده بكميه او تدريجي وتسقط بقوه من الرحم يعني لازم تميزها عن الافرازات او انها تنزل مع خروج الجنين

اسهال

خروج دم وهنا خلاص اخر مرحله دليل على خروج الجنين

ويارب تمر عليكي الولاده بكل يسر وسهوله وادعي لي معك

سدرة المنتهى
05-08-2007, 05:49 PM
اللهم يامسهل الامور سهل علينا الحمل والولاده وارزقنا الذريه الصالحه

إحساس ألماس
05-08-2007, 07:55 PM
بنات .........

أنا في نهاية التاسع - يعني باقي لي أسبوع - والدكتوره قالت لي : الأسبوع الجاي في المراجعه لازم تكشف من تحت وأختكم بتمووووت من الرعب ومستحيه أسال أحد ؟؟؟

كيف تكشف ؟؟ وايش الفائده من هذا الكشف ... ؟؟؟؟

ام عبدالوهاب
05-08-2007, 08:08 PM
الكشف حياتي يكون ب اخذ مقياس توسع المهبل ويكون باستخدام اليد والله يسهل عليك

~♥Łмᶓt άŁмάšα
05-08-2007, 08:08 PM
الكشف من تحت حبيبتي بسيط ولا هو يالم زي مانتي فاكره وانا والله نفس حكايتك ببنتي يوم جبتها
لاتفكري والله مايبلها والفايده منه علشان يشوفون الرحم كم سانتي مفتوح وياااااااارب تولدين بالسلامه

النجمهـ المتألقهـ
05-09-2007, 03:05 AM
الله يجزاكم خير اخواتي ما قصرتو الله يسهل علينا وعليكم ويرزقنا الذرية الصالحة آآآآآآآمين يارب

بس في سؤال ثاني ..

انا يجيني وخز في منطقة المثلث.... هذا ايش يصير مع العلم انه بداني من الشهر السابع!!

منة الله76
05-09-2007, 07:03 AM
علمات الولادة تكون يا اختي بالالم اسفل الظهر والبطن كل عشر دقائق او بنزول ماء المشيمة التي تكون لزجة او بنزول الدم والله يسهل لك ولادتك وتقومين بالسلامة ان شاء الله

mooon
05-09-2007, 10:12 AM
فرلشه شفافه الام من ضغط البيبي

انا مثلك لا وبعد ينزل الم بالساق

^ام الأيهم^
05-09-2007, 01:09 PM
اللهم يا مسهل الامور سهل علينا الحمل والولاده
وارزقنا الذريه الصالحه
اللهم آمين

maryaa
12-29-2007, 08:57 AM
انا احس بالم بظهررري وبعدها يجيني الم بلاسفل مررره قوي ثواني ويروووح والطلق يجي كل 4 دقائق
بس مدري ماحس انه طلق حقيقي لانه اذا راح عادي ماحس بالم

mrs_pilot
01-13-2008, 07:42 PM
انا اول ما دخلت الشهر التاسع
بس من عقب الفحص اللي سوتلي ياه الدكتوره .. نزل علي نقط دم مصحوبه بألم يشبه الطلق ماني قادره اتحمله \ بعد يومين تقريبا
وراح .. كأني كذابه
مع العلم ان الدكتوره تقول الرحم كان مفتوح 2 سم

والحين بآخر اسبوع من الشهر التاسع .. هم نزل علي نقطه دم مع افرازات
بس مافي الم ولا شي ولا طلق..

وددي اولد الحين قبل باجر .. وددي اشرب اعشاب او شي يجيب الطلق .. بس ماني عارفه اذا كانت تنفع والا ماكو فايده .؟

mrs_pilot
01-13-2008, 07:48 PM
اي وكنت بقولكم يا حبيباتي .. الدكتوره واهي تقحصني تقولي انتي فيج طلق الحين .. بس انا ما كنت حاسه بألم .. بس كنت حاسه انه بطني يشد حيييييل ويصير مثل الصخر .. ويرخى مره ثانيه .. هل هذي من كلامات الطلق ؟؟؟

umaboody
04-05-2008, 01:30 AM
وحده تسأل تقول من بعد الفحص اللي سوته الدكتوره .. نزل عليها نقط دم مع مخاط مصحوبه بألم يشبه الطلق شد في البطن فقط ووخز من تحت هل هذي علامة ولادة؟؟
مع العلم ان الدكتوره قالتلها الرحم كان مفتوح 1سم
والحين بآخر اسبوع من الشهر التاسع
وددها تولد دحين قبل بكرة .. وتشرب اعشاب او شي يجيب الطلق .. بس مو عارفه اذا كانت تنفعها والا تضر .؟

"عيون الملاك"
04-06-2008, 06:28 AM
.................................زز

saally
04-06-2008, 09:21 AM
بالنسبه لعلامات الولاده عندى كانت نزول السداده المخاطيه لونها احمر وبعدها بساعه نزل ميه الجنين كتير رحت على المستشفى وبعدها ب3 ساعات الحمدلله ولدت وربنا ييسرلك ولادتك باذن الله

بسكوته بالفراوله
04-06-2008, 12:21 PM
جزاكم الله خير وربي افدتوني كثييييييير
لاني مو عارفه اي شي
اللله يسهل علينا جميعا

فلوووووونة
05-14-2008, 06:02 PM
الله يسهل علي وعليك يارب بس انا لما يجني طلق اخذ قرفه والحمدلله تتسهل الولاده انا جربتها

نوسه انا
05-14-2008, 06:49 PM
احلى موضوع قريته في المنتدى

تسلمووووووووووون على المعلومات والله يسهل على الجميع

مهجة الغيم
08-03-2008, 02:11 AM
الله يهون عليكي وعلينا يارب
انا كل ولاداتي تنزل الموية قبل عاد هالمرة ايش يصير الله اعلم انا اليوم اول يوم لي بالتاسع وادعي الله يفرجها عليا وعليكم يارب
اهم شي نصيحة لاتتاخرى عن المستشفى فور اي مغص متتالي تخافي المفاجات والبيبي في ذمتك وامانة في رقبتك وحتى نفسك انتي اختي مسؤولة عنها ا
الله يوفقك

mahamaha
08-03-2008, 02:50 AM
موضوع جدا ممتاز واستفدت منه كثير يعطيكم العافيه

* Miracle *
06-13-2009, 07:17 AM
بنات انا من اليوم في نغزات بضهري تجي وتروح بس مو منتضمه

والم خفيف ببطني شنو معناه بداية طلق ولا الم بالشهر التاسع عادي

بنت العز ريميه
06-16-2009, 05:35 AM
انا لي يومين احس بمغص زي الدوره او اقوا شوي بس مو منتضم بس اليوم اقوا من امس يعني احسه يزيد هل هذا معناها ولادتي قريبه

النوري كوبيه
06-20-2009, 01:09 PM
حتى انا ياربي يا شين اللي ماعنده سالفه

فارمانا
07-27-2009, 06:01 AM
ربي يفرج همومنا
يارب ويولدنل بالسلامه

شموخي عذبهم
09-26-2009, 04:43 AM
يرفع للفائده

ٌranoosh
09-26-2009, 07:11 AM
انا نفس الشي احس بالم خفيف يجي ويروح وماني عارفه ايش هو ولاده والا ايش وحبيت اسئل هل المشي يعجل بالولاده

الفراشه سيلين
09-27-2009, 10:28 AM
موضووووووع مميز وبيهم كل الحوامل
بس شو علامات اته الرحم مفتوووووووووووح

chocolate1
09-27-2009, 01:09 PM
موضوع مفييييييييييييد

ام محمد الحارث
09-28-2009, 12:31 PM
اب

الله يعطيكي العافية

ملكة قلب سوسو
09-28-2009, 01:13 PM
ياسلام انا اول حمل لي ولا أحس بعلامات ولادة ابد ولا مغص خفيف
ولاثقيل ولا الم بظهري ولاشي !!!!!!
وخلاص الجمعة 14-10 اكون خلصت التاسع وبديت بالعاشر!!!!!

ويقولوا لي ان التاسع لازم تحصل فيه انقباضات والالام وهي تهيئه لفتح الرحم والولادة لكن انا كلها ثلاث ايام باقية ولا حاسة يشي ابد....

نفسي اولد وارتااااح الله يسهل على كل حامل يارب..

الوفاء امرأه
09-28-2009, 02:12 PM
قبل كم يوم كنت اقول لأمي ...

اول ماتجيني الام الولاده ولا احس ان الرحم انفتح ..بروح للدكتور

قالت .,.

وانتي اصلا تدرين وش علامات الولاده ,,فشلتني ..خخخخ

تقول بأول مولود تبي تصيرين كل شي ماتعرفينه ...

تطمنت وقلت ربي يسهل ولادتي وبس ..

جفا الليالي
09-28-2009, 03:40 PM
اذا نزلت عليك ( العلامة ) وهي ماده مخاطية عباره عن دم وسائل رخوي بيض على صفار
بعدها يزيد الطلق وانا افضل التبكر في الروحة للمستشفى

لحن الفراشات
09-28-2009, 04:53 PM
يارب يسهل علي وعلى الجميع ونولد قريب

بسلامه وعافيه ان شاء الله

عبير الشرقيه
09-28-2009, 05:34 PM
ربي يسهل على الجميع

بجد موضوووع رااائع

وانا استفدت منه كثييييرر

ربي يعطيكم العافيه يا الغاليات

أنا صار لي اسبوع من دخلت التاسع واحس بآلام تجي وتروح بظهري وببطني

ربي يعين

احساس جديد111
11-18-2009, 12:48 PM
أنا نفس الشي أدعولي أحس أني خايفه كثييييير ولا أدري وش أسوي
الله يسهل علينا جميعا

هايدي2012
11-18-2009, 02:21 PM
اب

اموله حنونه
01-17-2010, 10:36 PM
كيف اعرف كم سانتي منفتح الرحم والطلق كل نصف ساعه يعني ولاده

*غدوره*
01-18-2010, 03:09 PM
السلام عليكم
كيفكم يا فراشات انا بكرية الي اكثر من اسبوعين بالشهر التاسع وتعبانه والمشكله الكل بيخوفني انا ساكنه بعيد عن اهلي و هالشي موتر الوالده علي ومن توترها انتقل التوتر الي خايفه يصير الي وللبيبي اشي او يصير عندي اعرا وما افهم انها ولاده الله يستر خايفه من انه اتأخر على البيبي اكثر من خوفي من الولاده:042:

أشرب ببسي وأدلع نفسي
01-18-2010, 03:37 PM
الله يهون علينا ساعه الولاده يارب..:ق00:

ببلانا
01-18-2010, 05:06 PM
انا لي اسبوع داخلة التاسع واحس من يوم كنت بالسابع بمغص زي الدورة يجي ويروح
ويقولولي هذا طلق مبكر الله يعين ويسهل
مااعرف شئ انا بكرية

بحرينية كلي غلا
01-26-2010, 09:08 AM
سترك ياااااااااارب الله يهون علينا

ش و ق777
01-26-2010, 10:02 AM
انا اليوم دخلت العاشر

واحس بالام بسيطه في البطن والظهر

والدكتوره قالت لي تعالي اعطيك طلق صناعي


والحين حروح المستشفى



ادعوا للي

الخيانه صارت ميانه
10-06-2010, 10:45 AM
الله يهوون على الجميع ادعولي انا بالسابع وخايفه من الولاده

{ على قارعة قلب!
10-06-2010, 01:35 PM
بنات انا يجيني نفس المغص عند سرّتي ، شديد يستمر كم دقيقة بعدها يوقف ، ومو منتظم أبداً ، بس يعني بين فترة وفترة من ثلاث أيام هالكلام ، اليوم حسبته راح ، بس الحين أحس بألم في نص ظهري ونفس الألم يروح ويجي :/

طمنوني هاذي عادي >> في بداية الثامن .

الصمت أبلغ من الكلام
10-06-2010, 02:09 PM
السلام عليكم /
انا صار لي أسبوعين من التاسع ومن اسبوع وانا احس بطني صاير قاسي ومااقدر اتنفس وكله يجييني مغص والالم اسفل البطن
بس مارحت المستشفى هل هذا يعتبر من علامات قرب الولادة
او انه الرحم يكون مفتوح ؟؟؟!!!!!!

ملاك ابوسلطان
09-08-2011, 01:25 AM
بالنسبة لي باقي لي يومين وادخل التاسع وانا بكرية وحاسة بالم الدورة وضيق وغثيان والم بالظهر والدكتورة قالت لي امشي ربع ساعه كل يوم أش تتوقعون الولاده قريبه بدون ماكمل التاسع؟

الله رب الخلق
09-09-2011, 07:43 PM
الله يسهل على كل الحوامل
انا كلها اسبوع ان شاء الله وادخل التاسع والمشكله اني ادرس
وخايفه تنزل علي المويات وانا فالجامعه ماادري وش اسوي
ادعوا لي مايجيني الالم واكشن الولاده الا بعد مااطلع من الجامعه اللهم آمين


Content Relevant URLs by vBSEO 3.6.0