المساعد الشخصي الرقمي

مشاهدة النسخة كاملة : منتجات هيمالايا أعشاب



أميرة البجع
06-28-2005, 09:51 AM
السلام عليكم
كيف حالكم ..
حبيت أسأل عن منتجات هيمالايا أعشاب.. للي جربتها.. وهي عبارة عن منتجات متكاملة(غسول+كريم وجه+مرطب+أقنعة ومقشرات+غسول استحمام+شامبو وبلسم....)

لأن حسب ماعرف انها منتجات عشبية 100% وأنا حابة أشتري المجموعة بس مترددة..
وتدرون ان السوق مليان منتجات تحير العقل من كثرتها ..

أتمنى من اللي جربت هالمنتجات تقولي عنها عشان باقي الفراشات بعد يستفيدوا .. وان كانت بالفعل استفادت منها .. وان كانت في مجموعة متكاملة أفضل منها ..

أتمنى ردودكم الغالية..

جدتي فاطمة
06-28-2005, 10:30 AM
هلا بأميرتنا .. أميرة البجع ...
بالنسبة لي استخدمت .. صابون للأطفال .. وشامبو همالايا أعشاب .. للأطفال ..
لعيالي الحلوين .. ريحتهم حلوه ... والشامبو ينعم الشعر وريحته حلوه ...
*
*
للكبار لم أستخدم ... يمكن نجرب ليش لأ ...
أعشاب وطبيعي وريحة تجنن ..
ومفعول .. باين عليه .. زين :salpiglos

:aq34

سهورر
06-28-2005, 10:59 AM
شنو نوع بشرتك اختى الغالية علشان اوضح لك وش تستعملى من منتجاتهم

جدتي فاطمة
06-28-2005, 11:33 AM
هذي صديقتي تكلمني عن ولدها فيه الأكزيما ...
واستخدمت صابون الهملايا ...
وخف .. سبحان الله
طبيعي ومفيد ...
وبعد حددي نوع البشرة ...
ما شاء الله عليها سهووور ...
سمع كلامها ما بتندمين ...:salpiglos

:aq34

شمووووخ*
06-28-2005, 11:58 AM
السلام عليكم
عيوني انا استخذمت شامبو حقها مع البلسم بس من زمان واستخذمت الماسك حقها بس يمكن 3 مرات ووقفته <<<<<<<<<<<<<<<< كسوولة وسلامتك.

أميرة البجع
06-28-2005, 01:23 PM
شكرا اخواتي العزيزات على ردودكم اللي احتاجها فعلا..
اختي سهورر..
أنا بشرتي دهنية.. وعندي شوية آثار بثور
وشعري توني فاردته وصابغته وهو طويل وكثيف وصاير متقصف مليان قشرة
دليني شاستخدم من منتجات طبيعية متواجدة باسوق البحرين وأنا اكون لك شاكرة..

باربي حلوة
06-28-2005, 06:31 PM
بصراحة ازفت منتجات استخدمتها
و انا طبيعة بشرتي حساسة و جافة
و في مستحضرات احسن بكثير من همالايا ( و الله ماني عارفة كيف اسمها ) هههههههههها
اذا تحبي تعتني ببشرتك اشتري ( نيتروجينا او منتجات دوف مرة ممتازة و خصوصا انهم دائما يجددو من منتجاتهم و في كل مرة تظهر مجموعة جديدة للعناية
اما الشعر احسن شامبوهات جربتها و بكل صراحة ( سلفكرين _ جارنية و هوة شامبوة لون علبتة اخضر و هذي الشركة متخصصة بمنتجات العناية بالشعر فقط ) و تحصلينهم بالسوبر ماركت
و ياريت اذا اشتريتي تشتري الموجموعة بالكامل يعني ( الشامبو والبلسم و حمام الكريم )

أميرة البجع
06-28-2005, 07:17 PM
شكرا باربي على المرور وعلى النصيحة..

سهورر
06-28-2005, 11:03 PM
تحياتى لج،،

سعيدة فيج كثير وبثقتك فينى راح اوضح لك ماسك من منتجات الهملايا كثير ممتاز لبشرة الدهنية وانشاء الله موفقة فية وهذى صورتة

http://www.himalayaherbals.com/products/images/nfp_pic001.jpg


عبوة النيم اللي لما تستخدميها مره او مرتين في الأسبوع راح تشوفى فرق بجد
اول شي قدري الكمية اللي تحتاجينها لويهج ورقبتج

وبعدين مديها كل كامل الوجه ما عدا حول العيون والشفايف

وخليه من ربع ساعه الى 20 دقيقه

بتلاحظين ان لونه صار أخضر فاتح و جهك كله شد

بعد ما تحسين خلاص ان الماسك نشف وتغير لونه وشد

جيبي هذي الأسفنجه "" تلقينها في بدي شوب ،، محلات نزيه ،، دايسو ""

http://www.usa.thebodyshop.com/images/accessories/products/pd_smooth_and_renew_loofah_pads.jpg


هي مثل الليفه بس ناعمه على الوجه ولين رطبتيها بالماي تلاقينها وايد ناعمه

المهم رطبيها بالماي وابتدي امسحي الماسك عن وجهج

لين ينظف من الماسك وبعدين امسحيه بماي ورد بارد

جربي وبشريني بالنتايج الحلوه

وعندك بعد اختى هذا الكريم فى اليليل تستعملية
http://www.himalayaherbals.com/products/images/rnc_pic001.jpg
كريم للعنايه الليليه وشوي عليه كلمة رائع

ينفع لكل انواع البشره

مكوناته:: الليمون التفاح ،، White Lily ،، والمكون الأساسي له هو الطماطم و هو غني بفيتامين E

زهار
06-29-2005, 12:12 AM
أنا أشتريتها لكن يعدني ماأجربها كلها
جربت منها الشامبو وغسول الوجه ونيم الوجه
حلوين لقيت نتيجه حلوه منهم

بنت ولا ثمانين رجال
06-29-2005, 12:21 AM
اما بالنسبه لي بصراحه جربت الميلك يعني المنظف وجربت كريم الليل والنهار بصراحه روعه وماعليهم كلام وخاصه كريم الليل وبشرتي مختلطه وناسبني كثير يعني مايزيت على طول تشفطه البشره

ملسونا
06-29-2005, 12:24 AM
اممممممممم

انا جربت الزيت
وكان وايد زين لشعري والكل قالي هالشي


بس للاسف ماداومت عليه

هناي
06-29-2005, 12:53 AM
الصراحه ماجربت منهم الا كريم القديمين وااايد حلو ينعم بشكل رهيييب يعني بعد ماتسوين المنكير والبدكير دهني ريولج فيه وشوفي النتيجه

وسلامتج

شيخه الزين
06-29-2005, 01:43 AM
من زماااااان وانا ادور على هالمنتجااات
ياليت اللي تعرف مكانهم بالرياض تقول

ولكم كل الشكر

أميرة البجع
06-29-2005, 09:01 AM
مشكورة جدا اختي العزيزة سهورر..
إنشالله بجرب وبقولك النتيجة
تحياتي لك
أميرة البجع

سهورر
06-29-2005, 09:10 AM
هلا ومرحبا لج واتمنى تستفيدى يا اختى الغالية

عذاب الحب
06-29-2005, 02:24 PM
انا استخدم الشامبو مع البلسم

وبصراحة حلوووووووووو


كنت قبل استخدم هيد اند شولدرز بس كان شعري يتساقط




لكن يوم غيرت.. واستخدمت هملايا اعشاب خف التساقط وصار شعري اثقل شوي من قبل
والشامبو ريحته وايد حلوة واحس مكوناته طبيعية 100%( الحلبه مع حصى اللبان للشعر الدهني )
وفيه بعد انواع على حسب نوع الشعر



وينعم الشعر بعد


أما الكريمات ... انا ما جربتها ... اسمحيلي

أميرة البجع
06-29-2005, 02:27 PM
اهدي شكري إلى كل الفراشات اللواتي قدمن النصح بخصوص منتجات هيمالايا اعشاب.. وأتمنى باقي الفراشات استفادوا.. وانشالله راح اتوكل على الله واشتري مجموعة متكاملة منها..

**سحر الشرق**
07-05-2005, 03:20 PM
أنا استخدمت كريم تفتيح البشرة بالأوفيرا -وردة فارسية ، روعة تفتح البشرة وتعمل على توحيدها .

"الصغيرونة"
07-05-2005, 03:50 PM
تسلمون يااخوات
ع وضع تجاربكم هنا
ودمتم سالمين

NHWLA
07-05-2005, 07:10 PM
بنات وين احصل منتجات هيمالايا بالرياض بصراحة شجعتوني اني استخدمها

فتاة من أرض العطر
11-11-2005, 01:31 AM
NHWALA : بصراحة ما أدري ... بس راح أدورها بالصيدليات والسوبرماركات .. وإن شاء الله نلقاها ..

أميرة البجع : مشكورة على الموضوع .. أنا أول مرة أسمع عن هالمنتجات .. بس حمستوني أجربها ..

حنين أنثى
11-11-2005, 02:25 AM
انا وصيت على كريم الليل خالتي لما كانت رايحه دبي ..

والحين اوشك على االانتهاااء وماني لاقيته في الرياض : (

بالله يا بنااااااااات اللي تلاقيه تعلمني والله لا يحرمها الاجر ان شاء الله

الوردة99
11-11-2005, 02:37 AM
انا جربت مقشر هيملايا بالمشمش

بصراحه رووووووووووووووووووووعه

جدتي فاطمة
11-11-2005, 09:20 AM
السلام عليكم ورحمة الله وبركاته
منتجات هيمالايا متوفرة عند كارفور
يارب تحصلونه ...
حياكم الله :fkjuiyhag

زهرة الربيع2005
03-31-2008, 11:24 PM
الله يعطيك العافية على هذا الموضوع الشيق
بصراحه أنا استخدم منتجات مختلفه مثل نونو وجنسون ومنتجات شركات ايطاليه

وردة تحت الثلج
04-01-2008, 11:01 PM
كم سعر كريم الليل ؟؟؟؟؟؟؟؟
اللة يسعد ويوفق الي كتبت الموضوع وخلتنا نستفيد من هالمنتجات

زينة يوسف
12-13-2008, 08:42 PM
انا استخدم الطين وصورتhttps://alfrasha.maktoob.com/C:Documents and Settings\Dr. Othman\My Documents\My Pictures
والغسول وصورتhttps://alfrasha.maktoob.com/C:Documents and Settings\Dr. Othman\My Documents\My Pictures
وكريم حب الشباب وصورتhttps://alfrasha.maktoob.com/C:Documents and Settings\Dr. Othman\My Documents\My Pictures

الحلووة1417
03-20-2009, 11:03 AM
بنات انا من الدمام وين الاقيها
وبكم كريم الليل؟


Content Relevant URLs by vBSEO 3.6.0