المساعد الشخصي الرقمي

مشاهدة النسخة كاملة : انا وحدة تعقدت من السمنه تكفون ادخلو ولا تردوني



*مغرورة بكيفي*
06-22-2007, 09:19 PM
هلا بنااااااات

بصراحه مدري وش اقول

انا خلاص تعبت نفسيا

صراااااحه تقولون عني اني دبدوبة وهذا شي مرة ماثر فيني مرة


حتى اكرة اطلع مع أهلي اذا طلعت مع اهلي احس اني مجبورة ولازم اطلع مااقدر اقول لا مابغى اروح خصوصا

اذا طلعه اذا كانت عند اهلنا وكم مرة سويت رجيم ولا شي ما ستفدت شي تعب والله واذا طلعت مع اهلي وشافني يقول مشاءالله تهبل مزيونه ويمدحون فيني بس هم جد يتكلمون من قلبهم ما يجاملون انا عن نفسي اهبل بس شي الوحيد مضيق علي سمينه بس انا شوف نفسي لو كنت ضعيفه كان صرت احلى واحلى وكل محد يشوفني خواتي او احد من جمعتنا يقولي والله لو تضعفين صرين احلى انا جتني فترة ضعفت مرة حتى كل مومصدق اني انا بس للاسف مريت بظروف وهذا شي اثر علي في هذيك الفترة كنت اذا تضايقت رحت فتحت ثلاجه واكلت او دور اي شي عشان اكله حتى زدت على وزني اكثر من اول والله مدري وش اقول مشكله زواج بنت خالتي بعد كم شهر ولا نزلت من وزني ولا شي وانا مقدر صراحه احضر زواج وانا دبة خلاص تعقدت والله

اتمنى منكم تنصحوني وتقوللي وشرايكم في كلاام لي قلته

وانا اتوقع مراح الاقي بنات مثلكم راح ينصحوني

ادري اطولت ع ليكم

تحيااتي /مغرورة بكيفي

تفااااحه لزووزه
06-22-2007, 09:29 PM
اممممممممممممم بصراحه اقترح انك تفكري بشي اي شي في بالك وانو دا الشي ماتوصليه الا اذا نحفتي يعني مثلا موديل في راسك ودك تسويه وتلبسيه في فرح اي شي واهم شي الاراده

تقبلي مروري

نملة مصدومة
06-22-2007, 09:35 PM
صراحه تذكريني بصديقاتي
بس عادي وحده معنا كانت دوبا
يوم رجمت والله ان محد صدق انها هي
لان صار وزنها خمسين بعد الثمانين
يوم سالتها قالت انها بس تمشي كل يوم ثمان ساعات

ladywoman
06-22-2007, 10:25 PM
والله آني هم بحاجة للنصيحة بهالموضوع

أمورة الفراشات
06-22-2007, 11:21 PM
هلا ياعمري مغرورة بكيفك((مغيرة الإسم ههه)) والله شوفي قبل لاتسوي رجيم خلي عندك ثقة بنفسك اني انتي تسوي رجيم مو عشان اللي يشوفك يعجبه شكلك لا والله مو بكيفهم عجبهم ماشي مو عجبهم بالطقاق انا ما اخرب مزاجي واصير مكتئبة عشان ناس ماهمها لاسعادتي ولا تدري بيا اساسا، فخلي عندك هذا المبدا قبل لاتبداي اي شيء وبعد كده تصلحي من نفسك سواء رجيم رياضة او اي شيء على اساس انه كل هذا لنفسك وما يهمك الناس اببببد((والله دايم احاول اقنع نفسي بكده انشالله تستفيدي ياحلوة)) سلام

فراشه عيناويه 2006
06-22-2007, 11:35 PM
بصراحه اختي مغروره بكيفي انا كنت نفس معاناتج..صابني اكتئاب بسبب المتن وكنت ما احب اطلع مع اهلي ولا اروح اعراس.. وان كنت مجبوره اروح لعرس ارد متضاايقه وابكي بسبة اشوف البنات ما احلااهم والفساتين ..اتجنن قلت الاا اضعف فأبدا اسوي رجيم كم يوم بالكثير لو استمريت شهر وارجع نفس اول وطبعا الوزن يرجع بالدبل..والكل كان يقولي نفس الكلاام ماشالله عليج حليوه بس لو تضعفين.. وفعلا من كثر ما كان هالموضوع مضاقني..سمعت عن وحده سوت عمليه ربط معده والحمدالله ضعفاااااانه كثير..قلت الاا اسويها وتشجعت.بس اضعف .والحمدالله انا احسن الحين ضعفت 30 كيلو في السنه وتغيرت كثييروالكل ينصعق مني لما يشوفوني ..لا وبعد انخطبت..(انفكت عقدتي الحمدالله) بس بعد يبغيلي شوي واصير مثل باربي..:)<تحلم ....بس اهم شي اختي ومثل ما قالت تفااااحه لزووزه حطي شي في بالج وتتمنن تحصلينه مثل سالفه الفستان وانشالله انه ارادتج تكون قويه وتضعفين وتلقين اللي تبينه ..تصدقين اختي حتا نفسيتج تكون غير..انا الحمدالله نفسيتي تغيرت عن اول..بس اهم شي( الارااااااااااده)

حبيت اقولج عن تجربتي والله يوفقج ويساعدج
تحياتي لج

حبوبة البحرين الحلوة
06-22-2007, 11:48 PM
اولا المتن مو عيب شفتوا انتصار الشراح ومريم الغضبان الكل يحبهم ويستانس عليهم ومنى شداد جان اقعدوا في البيت وقالوا الناس راح يكرهونه علشان المتن

وكل واحد واثقة في نفسها ويمثلون مسلسلات ومسرحيات لو كل واحدة متينة قالت هالكلام عزت الله الكل تعقدوا وقعدوا في بيوتها وانا متينة وافتخر اني متينة

واذا ما تحبين شكلك ضغطي على روحك لا تاكلين وسوي ريجيم ولا تستسلمين بس لازم تكون عندك ثقة في نفسك علشانك انتي مش علشان الناس ووايد شباب تزوجوا بنات متان ومستانسين معاهم

والجمال بالملامح يا ما متينة احلى من رشيقة وطبعا الاخلاق اهم والقرار بيدج اذا حبتي تضعفي حاربي السمنة لكن مو يومين وتستسلمين

ღالأميرهღ
06-22-2007, 11:55 PM
اختي فراشة عيناويه ربط المعدة انا كد سمعت انه مو زييين لأنه يأثر اذا حملت الوحده

هذا الكلااام سمعته من وحده اختها لما جت تبي تسوي ربط معده قالها الدكتور بس ما راح تحملين مررره ثانيه و بس


بس حاااولي اختي انك تروحين للدكتور يعطيك رجييم ينفع لك و ما اكذب عليييك لو قلت لك انه انااا احياانا و الله اني اجلس اصيييح بس علشااان السمنه لكن وش تبينا نسوي اهم شي يكون عندنا ارااده و عزيمه قويه الى اننا ننحف
المشكله اذا جتك وحده قصيييرة وسمينه هذي الي يبي يضيق صدره من جد

عاشقه حبيبها
06-22-2007, 11:58 PM
اختي حاولي تحطيين نظام لنفسك ولاتطاوعين نفسك باللاكل عشاان تقدرين توصلين للي تبينه والمشي الله الله بالمشي تراه احسن ريااضه حاولي تشغلين وقتك كثيييييييييييييير ولاتطاوعين احد اذا جاء وقال لك ليش ماتاكليين ههههههههههههههههه لانها تصير لي المواقف ذي كثيييييييير وبالتوفيق انشاء الله

وين الوفا؟
06-23-2007, 12:17 AM
ادخلي ع دايت شوب مرررررررررررررره الي فيه خطيرين وحطي يدك بيدهم وإن شاء الله مع الارادة بتنحفييييييييييييييييييييييين


بالتوفيق

*مغرورة بكيفي*
06-23-2007, 12:28 AM
مشكورين أخواااااااتي على المرور

صرااااحه ما قصرتوا عطتوني ثقه والعزيمه وانا توقعت منكم رد لي راح يريحني منكم

وانشاءالله تكون عندي العزيمه القوية لي تخليني اضعف

بس بنات ادعولي تكفوووون

تحيااااااااااااتي/مغرورة بكيفي*

YaMeL7e
06-23-2007, 12:39 AM
اختي ليش احنا دائما اهم شئ عندنا كلاااام النااس الناس ماراح يفيدونا بشئ وكمان ماراح يرضيهم شئ انا عكسك تماما نحيفه مرة انا عند نفسي عادي بس لما اروح لاحد ياربي انتي ماتاكلين شئ وانتي وانتي وشكلك مادري كيف واللبس عليك مو كويس وكمان عندي بنت خالتي سمينة ونفس الشئ لازم يسبوون استغرب يعني ايش يعجبهم ؟ لما يقولون وسط مافيه احد وسط قليل جدا جدا عشان كدا خلي عندك شعار ( ماعلي من احد ) شعاري طبعا
بس هدا مااقولك يعني لاتنحفين بس لاتضيقين صدرك ابدا على كلاااام الناس
ليه ماتروحين مثلا نادي رياضي تسوين عندهم رياضة مررة احسهم حلوين يشجعونك مرة احسن من نفسك حاولي تجربي تسجلين والله يوفقك ان ئاء الله <<< احس اني طولت الكلااام خخخخخخخخخ

روبـــــي
06-23-2007, 01:15 AM
حبيبتي

بغيت بالبدايه اقولك

اننا ناس تعودنا ناكل وهالعاده ابدا موصحيه
يعني انتي تقولين لما ازعل اكل

جربي بالبدايه انك تلاقين شي ثاني تعبرين فيه عن مشاعرك
مثلا اذاعندك السير الكهربائي امشي عليه
وكانك تهربين من الدنيا ومن مشاكلك
او الكتابه خواطر او شعر اذا عندك موهبه
او انك تفضفضين وتكتبن همومك
او الرسم او السباحه او اي نشاط ثاني

هذا كبدايه

وبعد كذا
حاولي تقيمين نفسك
انتي كمية اكلك كبيره او لا
وعدد وجباتك كثيره او لا

لان ممكن تكونين تاكلين كميه بسيطه جدا
لكنك تعتمدين ع الوجبات الخفيفه والشبسات والحلويات

برضه اذا اقنعتي الوالده
ان نظام البيت الغذائي
يتغير ويكون صحي اكثر
بحيث تتخلصون تدريجيا من الوجبات الخفيفه
والحلويات والمكسرات وغيرها
وتعتمدون ع الطبخ قليل السعرات

برضه من اهم النقاط التشجيع
اذا كان معك احد فالدايت او النظام الجديد
يساعدك كثير على الاستمرار
ولو تشتركين في نادي صحي رياضي
راح تلاقين تشجيع كبير

وعموما حاولي تكثرين الحركه وتقللين الاكل

لكن في شي مهم

وهو انك لما تتركين الاكل
لازم تكونين مقتنعه ان هذا اختيارك
مو لانك بتنحفين
لا لانك تختارين انك تستغنين عن هالوجبه لانكمو محتاجتها

واتمنى لك من كل قلبي توصلين للصوره اللي انتي حابتها
ربي يوفقك دنيا واخره
تقبلي تحياتي
روبي

فراشه عيناويه 2006
06-23-2007, 01:33 AM
اختي الاميره

انا سويت العمليه وصارلي سنه وكم شهر..بس انا سالت الدكتور قبل العمليه عن الحمل
قالي انه عادي مافي اي مضره بالنسبه للجنين.. هذاك ربط شي غير اللي ما تقدر تحمل منه (فهمتي)

خوااطر
06-23-2007, 01:50 AM
اقوووووووووول ياااااااااااااااادببببببببببه قوليهاا بكلللللل فخخخخخخخخخخر انا تعبت وماابقلا شيء بالدنياااااااااااااااااااااااااا مااجربته عشاااااااااااااااااااااااااااااان اصيييييييييييير دببببببه اموووووووت عالسمه وتخيلي طوللي 147ووزني 58 تخيلي الشكككل انا حاالاتي نفسسسك اتفششل اروووووووح لاحد عشاان جسمي تخيلي

واله ماابقىى مصيبه مااجربتهااا بجسمي وطبعا وحده صاابت وهي اخسسها من حيث ان كل انوااع السرطااناات فيها وطبعا انا عاادي عن نفسي كل شيء يهوون في سبيل الجماال// وحده هببلله ادرري



والله ياامجنوونه حخللي جسمك زيي مااهوو دبدوووووووبه وتختووخه

كاان بتسلفيني شوويه منك مابقووول لا ههههههههه

فراشه عيناويه 2006
06-23-2007, 02:15 AM
خواااطر
تبين بس منها تتبرع لج

انا كريمه بعطيج من اللي عندي (دولي) بتصيرين مخلطه سعودي اماراتي ههههههههه

ღالأميرهღ
06-23-2007, 07:28 AM
خوااطر حلو وزنك ليش تبي تسمنين احسه مرررره حلو انا وزني مثلك بس اقصر و مع كذا الكل يقول دبدوووبة عني


Content Relevant URLs by vBSEO 3.6.0