المساعد الشخصي الرقمي

مشاهدة النسخة كاملة : البنج النصفي أم الكامل ؟؟



عطري إستغفاري
07-24-2007, 08:20 AM
السلام عليكم ورحمة الله وبركاته

أخواتي الغاليات عندي سؤال محيرني ياليت ألقى له إجابه عندكم

في العمليه القيصريه أيهما أفضل طلب البنج النصفي أم الكامل ؟

عيون الليل
07-24-2007, 10:38 AM
أنا مثلج حامل ومحترة لأنة ولادتي بتكون قيصرية

ام نورس
07-24-2007, 10:53 AM
انصحكم بالبنج النصفي

لاني ولدت بالبنج الكامل قيصري وتعبت جدا لانك اول ما تقومي من الولادة تكون عندك كحة قوية نتيجة الاكسجين الي يكون في فمك طول وقت العملية لذلك تعبت جدا بعد العملية .

والافضل هو البنج النصفي .

اكسترا
07-24-2007, 12:41 PM
انا ولدت قيصري بنج نصفي
بس مشكلته الابره تسبب صداع يستمر لمده طويله
الا اذا ما استخدمتي وساده ولا ترفعين راسك ولا تنامين على جنب بعد العمليه يوم كامل على الاقل
وتنتبهي وما تتحركي وقت ضرب الابره
والله يعينك على الالم بعد ما يروح البنج
صح البنج الكامل مثل ما قالت الاخت يسبب كحه وانتي عارفه الغرز وبطنك وشلون مشدود وتتألمين يعني افضل الموضعي بالنسبة لي واطلبي المسكن اول ما تحسينن بالالم لا تستحملين وتضغطين على نفسك

والحمدلله ما شفت اي ضرر للابره بالعكس عادي لكن الالم الي بغيت اموت منه

والله يعينك ويهون عليك يارب
توكلي على الله واستخيري

حرم عبدالعزيز
07-24-2007, 05:18 PM
بنات متى الدكتوره تقولك اذا ولادتك قيصريه او طبيعي
وبصراحه ماعندي علم بالابره هذي بس حبيت استفسر عن كيفيه الولاده ومتى تخبرك الدكتوره هل طبيعي او قيصري

سدرة المنتهى
07-24-2007, 07:53 PM
طبعا البنج النصفي تكوني صاحيه وتشوفي البيبي وتسمعي صوته والابره الي بالظهر تحسي بس بوخزه بسيييييييييطه انا جربت البنج النصفي

*semsema*
07-24-2007, 08:55 PM
يعنى يابنات الى اخدوا البنج النصفى بيحسوا بالم وقت العملية اصل بصراحة لسة شايفة فى المنتدى فيلم ولادة قيصرية ربنا يهون عليكم يارب وتقوموا بالسلامة ادعولى يابنات انا محتاجة دعائكم ربى يرزقنى انا وكل محرومة بالذرية الصالحة وكمان عندى سوال تانى انتى ازاى بتستحملى انك تكونى فايقة وتشوفى الولادة بنفسك حاجة بجد صعبة جدا ربنا معاكم

الريحانه111
07-24-2007, 10:49 PM
بصراحة انا مع البنج النصفي لاني جربته باخر ولاده قيصريه كانت وجبت بنوته الحمدلله وبجد ماتحسي وقت التخدير غير بوخزه بسيطه جدا وبعد كده خلاص مره ما تحسي بحاجة وبعد مايروح مفعول التخدير الله يعين على الألم محل العمليه وشوية الم في الظهربس كلها 10 ايام وتهون انشالله بس هالله هالله بلمسكنااااااااااااات

ونصيحتي من غير ماتفكري اطلبي النصفي احسن

سدرة المنتهى
07-25-2007, 12:24 AM
حابه اضيف شي ثاني انك ماتشوفين العمليه لانهم يغطون نصفك بستاره

اماااني
07-25-2007, 03:31 AM
بصراحة اناجربت البنج الكامل ثلاثة مرات وهو متعب بصدر بعد العملية الله يهون على كل من يجر به

عطري إستغفاري
07-25-2007, 05:39 AM
أشكركم يابنات من كل قلبي

ماقصرتوا معي والله يسهل يارب

أنا خاااااااايفه من العمليه بشكل فضيع

ومافيه حل ثاني لأن عندي ضيق في الحوض

الله يهون علينا ويسهل أمورنا0

الفرشه الحمراء
07-25-2007, 05:26 PM
انا جربت البنج الكامل ماتحسي بشى الا بعد ماتفوقي من البنج وصح تجيكي كحه بس ماتطول اما البنجالنصفي الابره مره خطيرهلان البره كبيره مي صغيره يعني تحسي بالابره الم قوي وتحسي بالمحلول لمن يمشيفي جسمك ويخليكي تتحركي لا ارادي من كتر الم الابره وتحسي بكتمه وهما يولدوكي في صدرك واناواله ماشفت البيبي بس سمعت صوته وتعالي شوفي الصداع بعد يوم من العمليه ماتقدري ترضعي ولدك ولاتشيليه ولا تاكلي الاوانتي مسدوحه يقعد معاكي اسبوع بس اذا تبغي نصيحة اخت خذي البنج الكامل والله معاكي لان المخاطر وحده بس الصداع ماحتتحمليه في البنج النصفي لانه يعتبر صداع نصفي الله يقومك بالسلامه

الفرشه الحمراء
07-25-2007, 05:29 PM
اذا عندك اي استفسار راسليني على الخاص انا مجربه البنجين

ام زيدوون
07-25-2007, 06:00 PM
انا انصحك بالبنج النصفي والله يهون علكي

عطري إستغفاري
07-26-2007, 06:11 AM
الله يسعدكم يارب ماقصرتوا غالياتي

كلامكم مفيد لأبعد حد بالنسبه لي00

تـــوتـــة
08-15-2007, 07:57 PM
الله يعين على قد ماتمنى اني احمل لكن انتوا خوفتوني
الله يرزق الجميع

ام ذياب
08-15-2007, 09:33 PM
اكيد بنج نصفي افضل والله اعلم لأن سبحان الله قد يزيد كمية البنج والله يسهل عليج

الاميرة نودي
08-16-2007, 02:20 AM
والله انا جربت البنج الكامل وبصراحة جدا متعب
ولمن صحيت من البنج حسيت اني مو قادرة اتنفس وطلبت منهم يحطون لي اكسجين
وغير الكحة الرهيبة والله جلست الكحة معي اسبوع
والحين انشالله بسأل الدكتورة عن البنج النصفي اذا يصلح لي
والله يقدم الخير للجميع

أم يوسف العسل
08-16-2007, 04:36 AM
النصفي

النصفي


النصفي


و ربي لا ألم

و لا خوف من شي

و لا تعب بعد الولاده

و صدقوني انا يجيني صداع نصفي لكن و الله ما جاني شي بعد الولاده ( عكس ماقالت احد الأخوات )

و لا ألم بعد انتهاء البنج لأن الدكتور الله يسعده كان اذا حسيت باقل الم يعطيني مهدئ

و تعرفوا ليش اخترت البنج النصفي



قلت لو صار في شيء وقت العمليه يصير قبل لا أموت أكون قدرت اتشهد على عكس البنج الكامل

ههههههههههههههههه هذا تفكير الخوافات مثلي

الاميرة نودي
08-16-2007, 02:03 PM
الغالية ام يوسف
قريت كلامك ضحكت كثير
والله انها برضها فكرتي
اما اخاف من البنج الكامل
وقلت زيك بعمل بنج نصفي علشان اكون معاهم على الخط
لكن البنج الكامل ماتدري وش يسون فيكي ويمكن يزيدون نسبته والواحد يروح فيها واعياذ بالله
غير الكتمة والام الصدر والكحة الي الواحد يحس فيها يوم يصحى
على فكرة انا عندي صداع نصفي
وطمنيني اني انشالله ما يجيني صداع
بس خوفتني الفراشة الحمراء يوم قالت الصداع يقعد اسبوع ؟؟؟؟ يمكن دكتور البنج كان مو قد كذا الى عملها البنج ؟؟ الله يقومها بالسلامة

بالله عليكي انتي وين عملتي العملية في اي مستشفى
ردي تكفين علي
وفي امكانية يدخلون زوجك معك في القيصرية يعني اجلس اتكلم معاه ويهديني شوي على بال ما يخلصو شغل

الاميرة نودي
08-16-2007, 02:07 PM
ام يوسف
معليش احكي لنا عن عمليتك بالضبط
وش صار لك وكيف وكل شي من يوم ما قررو لك عملية واسبابها
ومتى يحطون الابرة
وامانة تعور ولا لا
ومتى يشيلوها
يعني لاتقصري معانا علشان البنات يستفيدوووون

امانة
ومنكم نستفيد
ردي لاتنسينااااااااااااااااااااااااااااااااااااا
ومشالله عليكي تبارك الله والله يحفظك من كل سوء
والله ان الخوف ذابحني
كل ليلة وساويس واحلام واكتئاب وخوف
خليها على الله
طمنينا الله يرضى عليكي

أم يوسف العسل
08-17-2007, 03:48 AM
الأميرة نودي

هلا يا قلبي معليش مارديت بسرعه جاتني ظروف و دخلت المستشفى

أنا يجيني الصداع النصفي مع كل دورة شهريه بس مو كل شهر و مع البنج النصفي ماجاني صداع و لا شي أبدا و إذا حسيت بألم مكان الخياطه كان الدكتور موصي الممرضات يعطوني إبرة مهدئة

و صح زي ما قلتي إنك و انتي في العمليه تكوني فاهمه إيش راح يسوو فيكي و صدقيني كنت قاعده أراقبهم بس و الله الدتور أول ما دخل غرفه العمليات جا يطنمني و يهديني بكل أخلاق و كانت موجوده دكتورة مصريه أظنها الدكتورة هدى ( أنا ولدت في عرفان و الدكتور اللي ولدني كان د. أحمد وردة الله يسعده ) و كانوا قاعدين في البدايه يتكلموا و أنا كنت متوترة لدرجة إنه الممرضه لما جابت يوسف عندي قلتلها روحي ما أبغى أشوفه مو وقته بعدين راح أتفضى له و الدكتور حاول يكلمني عشان يطمني بس أنا طنشته ورديت عليه بصوت واطي و بعد كذا من كثر التوتر اتحركت بشكل لاإرادي و أعطوني مهدئ و صرت زي السكرانه بس أسوء شي صار إني بعد العمليه في غرفه الإفاقه صرت انتفض و قموا الممرضات و حطو عليه مفرش زي القصدير و حطوا جهاز زي الاستشوار و مع كذا ما حسيت بحرارته لأنه كنت مبنجه و الدكتور لما خرج من غرفه العمليات قال للمرضات خلوا أمها أو زوجها يدخلوا عندها في غرفه الإفاقه مع إنه ممنوع منعا باتا أحد يدخل حتى لو كان اللي مسوي العمليه طفل لأنه كان في طفل مسوي عمليه صغير و ماخلوا أمه تدخل عنده صح إن الممرضات حاولوا يخرجوا أمي بس أنا زعقت في الممرضه و طردتها لأني كنت بموت من الخوف لأنه أول ولاده و كانت قيصريه و ما كنت اعرف احد سوا عمليه قيصريه عشان استفيد منه

و على فكره ترى إبره الظهر يخلي الدكتور حق البنج جالسه و تحني ظهرك كأنك بتركعي بس على السرير و بعد كذا يدخل الإبره و يخلي داخل العمود الفقري حاجه زي الإبه بس بلاستيك و بعدين يخلي البنج يمشي في جسمك و يكون معاه بالونه بس فيها مويه بارده و يمررها على رجلك عشان يعرف إذا البنج مشي في جسمك و لا لأ و عادي و لا تحسي فيها و لا تحسي بأي ألم بقولكم شيء

بس بيني و بينكم أنا الدكتور لما جا يدخل الإبره في ظهري خلاني كأني جالسه على طرف السرير اليمين و هو كان على اليسار و خلاني أحط راسي على طاوله و حط على الطاوله مخده عشان ارتح و قال لي لا تتكلمي و لما جا يدل الإبره قعد يسألني و يكلمني بس أنا طبعا مارديت عليه عشان لا اتحرك و كان وجهي مفطوس في المخده و الدكتور من كثر الخوف إنو يكون صار في شيء وجهه أنقلب ألوان و وقف شغله و صار حركني و بعدها خاصمني يقولي لما أسألك ليش ما تردي عليه ؟؟؟ قلتله مو انت قلتلي لا تتحركي قال ايش دخل لسان في جسمك قتلتله ما أعرف بس لا تتوقع إني أكلمك و انت تدخل إبره في عمودي الفقري ههههههههههه فقعت قلبه و ربي

أنا سوا لي عمليه قيصريه عشان الولد كان حجم لراسه ماشالله عليه أكبر من حجم الحوض و انتظروا عليه و ماكانت فيه فائده و خالتي دكتورة أطفال و كلمت وحده تعرفها دكتورة نساء وولاده في مستشفى الولاده اللي بالمساعديه و رحت عندها عشان أخذ رأيها و اذا ممكن انتظر و تكون الولاده طبيعيه ماقصرت وفصلت المشيمه عن عنق الرحم و ما مرت ثلاث ساعات إلا و أنفك الكيس و خرجت المويه و طبعا على المستشفى و انتظروا عليه 10 ساعات و هذا وانا حاطين ليه المضاد الحيوي بس مافيه أمل

أما متى يحطوها ما أعرف بس قبل العمليه بشي بسيط و أصلا لازم تروحي المستشفى قبل العمليه بليله و طبعا ماتاكلي و لا تشربي شي طول الليل حتى المويه بس أنا شربت مويه شي بسيط جدا جدا



الله يقومكم بالسلامه بس على فكره لا تفكروا بعد العمليه القيصريه إنك تلبسي المشد الإنودنسي أبدا و لا إنك تسوي رياضه لبطنك لمده 6 شهور بس أعتقد ممكن تلبسي مشد عادي الطبي اللي ينباع في الصيدليات بس بعد الأربعين

و أما بالنسبه للخوف و الاإكتئاب عادي أا قعدت أسبوع ما أنام لما عرفت إنو يمكن أولد قيصري و قاعده طول الوقت أبكي و أوصي زوجي إنو إذا لا سمح الله مت ينتبه للولد وووووو الخخخخخخخخخ و حتى زوجي من كثر ما خوفته قعد يبكي و حتى وقت العمليه قعد يبكي و ربي قطعت قلبه أحسن عشان يحس فيه بس يوم شاف ولده نسيني مرررره وحده

يا قلبي أقرأي على نفسك الفاتحه 7 مرات أو خلي زوجك يقرأعليكي و ليله العمليه أقرأي سورة يس 7 مرات و أدعي و مني فاكره ايش كمان بس فس صور معينه و آيات و أدعيه تسهل الولاده لأنك في كل الأحوال ليله العمليه راح يبعد عنك النوم راح أدور لك على الأدعيه

و أنا ولدت زي ما قلت سابقا عند د أحمد وردة و هو مصري و تراه ولد بنت الملك عبدالله بن عبد العزيز قريب بعد ولادتي و هو كان في عرفان بس الحين صار في عياده خاصه في أبراج البدريه بس ممكن تروحي عنده زياره وحده و تتفقي معاه و هو يجي يولدك في أي مستشفى بس تراه ياخذ على الطبيعي 4 الاف و القيصري 6 آلاف غير سعر المستشفى بس اذا كان عندك تأمين صحي التأمين راح يتكفل بكل فواتير المستشفى بس فاتورة الدكتور عليكي و ترى صح عرفان زحمه و صجه بس و ربي خدمه ممتازة جدا و حتى دكاترة التخدير جدا ممتازين و إذا حابه تراجعي عن أحمد وردة اتصلي على عرفان و خليهم يعطوكي رقم العيادة اللي نقل عندهم الدكتور و هما راح يعطوكي الرقم و اتصلي على العيادة و احجزي بس طبعا سعر الكشف عند العياده عليكي 200ريال هذا اذا انتي حابه تراجعي عنده و ترى حتى دكاتره عرفان اللي في الولاده كلهم ممتازين بس دكتور ممدوح سليم مرررره مايلتزم في مواعيد و اذا كان موعدك الساعه7 تدخلي عنده الساعه 10 و انا كنت اراجعه عنده بس هو كان يميز اذا كنتي تتفشخري و يهتم فيكي بس مدري انا ما احب اتكلم معاه بس هو جدا ممتاز في حاله العقم و لخبطه الهرمونات فكثير ناس يجوا عنده يدفعوا الالاف عشان يحملوتا فماراح يهتم فيه لأنوا انا بس ولاده و ماراح ياخذ مني زي اللي ياخذه منهم

و الله يقومك بالسلامه

و كل الحوامل إنشاالله

و اذا محتاجه اي شيء ثاني كلميني أنا في الخدمه و راح أدور لك انتي و كل الحوامل عن الأدعيه اللي تسهل الولاده و أحطها في موضوع جديد عشان الكل يشوفها

حلاوه لبنيه
08-17-2007, 04:21 AM
اما انا ياقلبي صار لي حال مرعب مع ابرة الظهر لانو بعد ما الدكتوره الهبله شقت بطني بالمشرط حسيت بالالم في مخي لاني طلعت من 13 في الميه يحسو بالالم ومايحصل تخدير وعدم احساس طبعا الدكتوره انفجت مني بعد ما قعدت اصرخ والمستشفى كلها سمعت صوتي وقام دكتور التخدير خدرني بالكامل ولمن صحيت من البنج كان عندي مضاعفات بسبب كميه البنج خلي بالك اخدت بنج كامل مع ابرة الظهر فلمن صحيت صار عندي رعشه والرتجاف لا ارادي وتشنج في الجسم ورقبتي بغيت تنكسر من التشنج وبس المهم تكون دكتورتك شاطره مو زي دكتورتي الحلاقه الجزاره الله يسامحها

أم يوسف العسل
08-17-2007, 03:53 PM
أول مره أسمع انو في 13 في الميه يحسوا بالألم لأن البنج النصفي يا قلبي يكون بداخل العمود الفقري يعني بالحبل الشوكي بس شكلهم أعطوكي بنج خفيف لأنو أنا اعطوني بنج خفيف لأن أخذته من بدري قلت حتى لو اني راح اولدطبيعي برضوا راح آخذ ابرة ظهر بس لما قال الدكتور قيصري رجع دكتور التخدير و زاد الجرعه

بس شكل الدكتورة و دكتور التخدير كذبوا عليكي عشان لا تشتكيهم و تطلعيانتي الغلطانه مو هما

الله يقطعهم من دكاتره

الاميرة نودي
08-17-2007, 03:59 PM
اشكرك يالغالية ام يوسف
بصراحة كفيتي ووفيتي
والله انك ماقصرتي ابدا
واتمنى من الله انه يسهلها ويقومني بالسلامة
وجزاكي الله خير والله يريح بالك ياعمري ويسر امرك مع كل حبايبك ويخلي لك عيالك
وانشالله على تواصل معاكي

حبيبتي حلاوة لبنية
رعبتيني من جد ما مسك معك البنج غريبة
بس طمنيني ايش اسم المستشفى
المفروض قبل ما يدخلوكي العمليات يعملوا لكي اختبار ويشوفو تحسي ولا لا
على ما اعتقد مدري والله
الله ستر عليكي حبيبتي والحمد لله على السلامة

حلاوه لبنيه
08-18-2007, 01:45 AM
:h45r4سلام كيفكم يابنات بالنسبه لموضوع ابرة الظهر شكلو كلامك صح انو خفيف لاني لمن قالتلي الدكتوره ارفعي رجلك رفعتها ولمستني في رجلي وحسيت بس الله يسامحها ما ادري كيف اداها ضميرها تفتح بطني وانا حاسه المهم الله يسامحها دنيا واخره وانا جاتني فوبيا من العمليات وكل ما امر من جنب المستشفى ارتجف وريقي ينشف وعلى فكره المستشفى هيه التخصصي في جده والدكتوره اسمها عفاف توفيق الله يسعدها ويسامحها

أم يوسف العسل
08-18-2007, 02:59 AM
غريبه لأنو مع البنج النصفي ما تحسي أبداً بشي في رجلك و لا حتى تقدري تحركيها إلا بالقوه حتى لما كنت في غرفه العمليات و خلصت و جو ينقلوني من سرير العمليات لسرير ثاني ما قدرت أحرك رجلي أبداً أبداً بس شكله الله ياخذه دكتور أو دكتورة التخدير نسي نفسه و حط البنج تقول من جيب أبوه و حسبي الله على الدكتورة حسبي الله عليها يعني عارفه إنك تحسي برجلك و برضو شقت بطنك جعل وجهها الشق بحادث آآآآآآآآآآمين و الله دكتوري مابدأ إلين أتأكد إنو أنا ما أحس بشي حتى سألني بغرفه العمليات

و الله الشغله صارت تخوف هذا و انتي والده بالتخصصي ياريتهم ما خلوه حكومي و لا تخافي الدكتورة بإذن الله ربي راح يآخذ حقك منها

و لا تخافي لا من مستشفى و لا شي مو كل أصابعك سوا بس و ربي طفلك مايسوى عندك الدنيا بما فيها هذا الشيء لحاله يخليكي تنسي كل شيء صح إنهم شياطين بس مشي حالك حالك يمشي هههههههههه

لبى قلبها
08-21-2007, 03:55 PM
اكيد الكامل احلى وانتم ابخص

عطري إستغفاري
08-26-2007, 02:32 AM
ماشاء الله على التواجد الرائع لكم يابنات


أشكركم على التجاوب معي 0وأشكر غاليتي


أم يوسف العسل

على مداخلاتها الجميله والله لايحرمني منكم0

أســــــــــــــــــــيل
11-15-2008, 03:52 AM
البنج الكلي أحسن مااتخيلي أحد يشق بطني ويشتغل فيه وانا صاحيه حتى لو ماشفت العمليه أتخيل :044:

بس الحكه كيف الوحده تتخلص منها الي عندها حل ياليتها تحطه لنا

gigi k81
05-19-2010, 09:19 AM
انا ولت مرتين بنج نصفي والحمدالله كان كله تمام
والحين قربت ولادتي وانشالله برضه بنج نصفي وحتكون ولادتي عند الدكتور احمد وردة آو مازن بشارة ادعولي

ام حسونه2005
05-19-2010, 02:12 PM
طيب يابنات الكل معقول يتحمل ابرة الظهر انا نحييييييفه مره تتوقعون بتسبب الم لي يستمر فتره
عشاني نحيفه

ام حسونه2005
05-20-2010, 02:07 PM
للرفع

نشميه 2005
07-08-2010, 09:09 AM
أنا عكسكم عقلي طاير من خوف الولاده الطبيعيه والطلق
وعشان كذا كنت مقرره اني أولد المره ذي بعمليه وخوفتوني :042:
ياربي احترت كيف أولد:0107:

*نسمة*
07-08-2010, 11:04 AM
جربت الكامل والنصفي
وصراحة هالمرة بدي اطلب البنج النصفي روووووووووووعة وفرق كبير بينه وبين الكامل
الكامل متعب كتيييييييييير

الله يهونها علينا ويقومنا بالسلامة

ام الغواااالي
08-22-2010, 03:17 AM
ااااااااااااااااااااب

عقلي فاصل
08-22-2010, 03:28 AM
بالنسبه لي انا ولادتي كانت بنج كامل بس احسن شي نمت وصحيت وانا مرتاحه بس الكحه شويه اتعبتني وتالمت اول يوم ثاني يوم لما بديت امشي الحمد لله الالم خف بشكل كبيييييييير

علولة عمر
10-06-2010, 06:12 AM
بنات البنج الموضعي موجود في المستشفيات الخاصه بس ولا حتى الحكوميه,,؟

عقلي فاصل
10-06-2010, 11:10 AM
انا بالنسبه لي البنج الكامل علشان مااشوفهم وهم يشتغلون فيني كأني سياره داخل كراج تصليح ههههههههههههه
وبعدين صح الشي الوحيد في الكامل الكحه وهاذي تزول ثاني يوم

كله إلا أنا
11-22-2011, 04:28 AM
انا جربت القيصرية بنج كامل وكانت عذاب من جد .. خاصه الكحة اليسببها البلغم من الاكسجين وقت العمليه .. وغير كدا تحسي نفسك تعبانه وثقيله وفتره طويله الين تفوقي من البنج وتقدر تشدي حيلك

الحين انا حامل بالشهر الخامس .. وان شاء الله ناوية اولد بنج نصفي .. والله يهون علينا يارب

على طاري البنج والولادة .. كل ما اسوي شريط الحمل الي بالتوقيع مايضبط اقصد مايطلع بالتوقيع ليش <<<<< دخله غلط

الاميرة نودي
11-22-2011, 06:48 AM
انا جربت الكامل وكان سيئ جدا
تصحين بكحة بالص\ر وتعب واعصابك جدا سيئة

وجربت مرتين البنج النصفي بصراااااحة ممتازة مشالله

انصحك بنج نصفي تقدرين تدعي وتسمعي صوت النونو وكمان يجيبوه تشوفيه يوم تولدينه على طول

وبالنسبة لألم الابرة وخزه جدا بسيطة مثل ماقالوا الاخوات

انشالله ربي يسهلها لكي

ويسهلها لي وللجميع

ويرزق كل محرومة الذرية الصالحة

همسه وفا
11-22-2011, 07:10 AM
انا جربت مرتين البنج الكااامل والله تعب وكحه ودوووووخه يلا تشدي حيلك علشان تمشي والبلغم والله عذاااااب ماينوصف اذا ماطلع والبعض بعد البنج الكامل يطرشو يعني والله عذاااب ان شاء الله ربي يهونها علي واولد هالمره نصفي على الاقل البنج النصفي مايلعب بمخك وتكوني صاااااااحيه

ياليت المشرفااات يثبتو الموضوووع والله اني ادور مواضيع البنج دوااااااااااااااره ياليت يكون مرجع لنا وياليت البناااااااات مايبخلووووو علينا بارائهم

اموت بالمكياج
12-30-2011, 04:51 AM
انا ودي بالتخدير النصفي بس مشكلتي خواااافه مرررره
اخاف اسمع اصواتهم وهم يشتغلون واخاف من الابره واخاف ما احرك رجولي اصير زي المشلول

الله يكتب لنا اللي فيه الخير

fatoom_4ever
12-30-2011, 06:56 AM
انا جربت النصفي وهو مريح بس بعد العمليه تاخدي مسكنات وابره الظهر ماهي مؤلمه ياادوب ألم خفيييييف زي اي ابره

والحلو بلنصفي تشوفي النونو وتسمعي صوته واعطوني هوا ابوسه ,,لحظات حلووه

mada_al7ob
01-03-2012, 11:31 AM
طبعا النصفي
تشوفي نونتك ويحطوه على صدرك

ااااه يارب ارزقني الذرية الصالحة

ميوسه1
01-03-2012, 01:23 PM
البنج النصفي افضل من البنج الكامل ..
وهادا من كلام الدكتور فواز ادريس وهوا اللي ماسك قسم النساء والولاده في المركز الطبي الدولي .. ^_^


Content Relevant URLs by vBSEO 3.6.0