المساعد الشخصي الرقمي

مشاهدة النسخة كاملة : شسالفة ياجماعة مدة الحمل 36 أسبوع أو 40 أسبوع



حليب فراولة
08-16-2007, 08:01 AM
السلام عليكم ورحمة الله وبركاته

خواتي عندي سؤال وايد محرني ومالاقيه له اي اجابه ،، امس رحت عند الدكتورة اسالهم كم اسبوع لي وفي اي شهر اللحين ،، الي تفاجاة منها بعد الاخذ والعطاء تقولي ان الحمل لازم يتم 40 أسبوع :frxxagir !!!!!!!!!
وانا في اعتقادي انه لازم يكون 36 اسبوع ،، تدرون ليش حسبو معاي
الشهر الواحد فيها 4 أسابيع ، لو ضربنا 4 أسابيع في 9 أشهر لصارت النتيجة 36 اسبوع ،، يعني الحمل مدته 36 اسبوع مو 40 اسبوع
بس اللي عندها راي ثاني اطلبها تفهمني ،،، لاني صادني احباط كل مره اتوقع تاريخ اولد فيه يطلع لا بعد للحين ،، وشي ثاني مهم اعرف لان الفرق مو بسيط حتى الوحدة تعرف موعد ولاتها

بس ذي كل اللي عندي :frasha11 ويعطيكم العافية

ميم الهلا
08-16-2007, 09:24 AM
أهلين حليب فراولة

حسب علمي انه 40 اسبوع بس فيه ناس يقدمون وفيه ناس يتاخرون بعد يعني أزيد من 40 اسبوع

واذا بتحسبينها الشهر 4 اسابيع ويومين << يعني ضربي يومين في 9 شهور بصير 18 يوم يعني 4 اسابيع ويومين زود على الـ36 يصير 40 اسبوع و2 يوم

سوري على الإطالة ودورة الراس خخخخ

حليب فراولة
08-16-2007, 09:37 AM
اختي سامحيني ،، ادري بتقولين لي اشلون نجحتي في المدرسة ،، بس عندي استفسار بسيط على حسب كلامك انتي قلتي ان الشهر فيه 4 اسابيع ويومين ، لما ضربت اليومين في 9 اشهر صح صار 18 يوم بس 18 يوم تساوي اقل من 3 اسابيع لان الاسبوع فيه 7 ايام ضربي 7 ايام في 3 اسابيع بصير 21 يوم معناه اهو اقل من 18 ،، فبتالي بتكون المده اقل من 39 اسبوع حتى
هههههههههههه دخلنا في الرياضيات والحساب بس سمحيلي لانني للحين مافهمت عدل،،، واشكرك في الاول والاخير على مشاركتك يالغلا

ميم الهلا
08-16-2007, 09:41 AM
خخخخخخخخ

سوري بس انا اللي فهيت ههههههه <<< حسبت على أساس الإسبوع 4 أيام بس خخخخخ

صح بصير اسبوعين و4 ايام يعني اقل من 40 اسبوع << 38 اسبوع و4 ايام

ان شاء الله البنات يفيدونا

وسوري مرة ثانية خخخخخ

بنت زايد الخير 2006
08-16-2007, 09:59 AM
انا اللي اعرفه انه مده الحمل 40 اسبوع :)

بحــرينية
08-16-2007, 11:26 AM
مدة الحمل 40 اسبوع

حليب فراولة
08-16-2007, 12:46 PM
اشكرك الجميع على مشاكرته لي
بس للحين ماحصلت الجواب المقنع
يعطيها العافيةاللي ترد علينا ،، واللي تقول 40 اسبوع خلها تفهمنا اشلون صارة 40 اسبوع

لكم مني احلى شكر
:)

*غرشة عطر*
08-16-2007, 01:47 PM
بحاول افهمكم حبيباتي بس من راسي يعني ماهو من مصدر موثوق
الشهر فيه 4 أسابيع ويومين يعني بعد تسعة يصير
4ضرب 9 =36 أسيوع
2ضرب 9 =18 يوم == 2أسبوع ونصف
ولو جمعنا المحصلة تجدي أن
36+2ونصف =38 ونصف أسبوع
أضيفي عليها أسبوع الدورة الشهرية وهي الحلقة المفقودة
38ونصف + 1= 39 ونصف الأسبوع
يعني بالمعنى التقريبي 40 أسبوع باذن الله بزيادة أيام أو نقصانها
هذي هي حسبتي وماني متأكدة بس مجرد مشاركة رأي
عسى بس ما أتفشل ويطلع غلط

سهام النور
08-16-2007, 03:08 PM
انا افهمك هم يحسبون الاسابيع من اخر دوره

لذلك يزودون 14يوم لانه مايصير فيها حمل اللي هي الاسبوعين

SOORY
08-16-2007, 06:01 PM
ايــــــــــوه عشان كذا 40 اسبوع مدة الحمل توني افهمها الله يجزاكم خير ..

صواغه الخير
08-16-2007, 08:50 PM
سلام انه مره رحت حق دكتور في مستشفى الهلال اتقول ان الحمل 38 اسبوع بس احنه نعطيكم اسبوعين زود احتياط للولاده
انه كذه اولد في 38 اسبوع من الموعد
يعني في النهايه الحمل يصيير مدته 38 اسبوع
ولان الشهر في اربع اسابيع وكل اربع اسابيع شهر
ويتم الحساب من اول يوم دوره
ان شالله استفدتوا من الي قلته
وعلى فكره تره الكلام وايد في هاذي الموضوع كل واحد يالف من عنده وفي النهايه هاي كله باراده الله امته يصيير الولاده

كلي أمل أن أكون ..
08-16-2007, 11:46 PM
مدة الحمل 40 اسبوع

هذا اللي اعرفه

زهرة اليقين
08-16-2007, 11:56 PM
أختى اني أمس رحت الوزن أو سألت الدكتورة قالت حقي أن الحمل ما يصير إلا بعد أسبوعين من تاريخ الدورة والأشهر تكون بعضها أربعة أسابيع أو يومين أو بعضها أربعة أسابيع أو ثلاثة أيام
علشان جدي يا حليب فراولة الحمل يكون 40 أسبوع لأن أول أسبوعين مو محسوبين من الحمل بالإضافة إلى اليومين أو ثلاثة الأيام إلي بتكون ويا أربعة الأسابيع حتى تكمل الشهر

زهرة اليقين
08-16-2007, 11:57 PM
إن شاء الله فهمتيني يا حليب فراولة

تلميذة الابداع
08-17-2007, 02:39 AM
حبيبتي اصلا
كل شهر حمل عبارة عن 4 اسابيع و3 ايام
وعلييييييييييييك الحساب

خوخةقلبي
08-17-2007, 03:36 AM
الله يهون علينا.......

عطرومحبه
08-17-2007, 11:29 AM
حبيبتي الحمل مدته 40 اسبوع والولاده تكون متوقعه من 38 اسبوع يعني ياتولدي ب38 اسبوع او بعدها بأسبوعين
يعني انا قايلين لي اني ولادتي بتاريخ 31 اغسطس هذا حسابهم وحسابي انا من غسلت الدوره اني كل 23من شهر اتم شهر يعني بتاريخ 23 اغسطس اتم تسعة شهور يعني الفرق بين حسابي وحسابهم 8 أيام فقط

الزبده زيدي 8 أيام على تاريخ إلي غسلتي فيه من الدوره يعني غسلتي بتاريخ واحد مثلاً نوفمبر ولادتك راح تكون أب8أغسطس

سارا 3004
08-17-2007, 03:08 PM
والله اكره الحساب بس انا عندي نفس المشكلة اشوفة 36 بس ماتفرق 36 او 40 الحمدالله


<----------------ادبي بقوووووووووووووة

حليب فراولة
08-19-2007, 09:34 AM
اهاااااااااااااااااااا

أشكر الجميع على تفاعلهم معاي ،، اللحين فهمت السالفة عدل
يعطكيم الف عافية ،،
:)

النفس البريئة
08-19-2007, 03:22 PM
:)

بنت أصول
08-19-2007, 04:20 PM
اللي أعرفه
وقريت كذا مرة عنه
أنهم يحسبون من أول يوم للدورة مدة 9شهور ويضيفون عليها 15 يوم
وبكذا يكون موعد الولادة

دلوعة علاوي
08-19-2007, 04:24 PM
هو يعطونج 40 اسبوع

لمنم سالت الدكتوره قالت لي اسبوعين احتياط يمكن الولاده تكون قبلهم او بعدهم

وما يندرى لانه انا افتر راسي مثلج على الحسابات كل واحد يقول لي شي

حليب فراولة
08-21-2007, 08:20 AM
دلوعة علاوي (https://alfrasha.maktoob.com/member.php?u=230140) vbmenu_register("postmenu_6610949", true); -> غاليتي خلاص انسي السالفه لان عني عورني راسي،، وقت مابينا الطلق وبنولد بنعرف هههههههههههههههههههههه،، الله يتمم عليج حملج وولدج بسلامة

دلوعة علاوي
08-21-2007, 09:11 AM
انا بعد نفس الحاله انتفخ راسي من التفكير

كل واحده تقول لي كلام واخر شي كلهم نفس موعد الولاده هههههههههههه


Content Relevant URLs by vBSEO 3.6.0