المساعد الشخصي الرقمي

مشاهدة النسخة كاملة : رأيكم بنات في لون دهان غرفتي



أنا ومن غيري أنا
09-15-2007, 11:04 PM
مرحبا أخواتي الفراشات :h45r4

انا عندي مسالة محتارة فيها وأبغا أرائكم

انا ناوية اجدد غرفتي بعد العيد انشالله
وأبغا رايكم في لون الدهان اللي ادهن فيه الغرفة
الغرفة وسعها جيد جدا 5,5م ×4,5م
والغرفة بس لسرير واحد يعني لي بروحي ,,,,,
بشباكين

أنا يعجبني اللون العنابي من زمان ونفسي فيه ,, وعجبني فكرة دهان باللون نفسه شفته ديكور في هوم بلازا
مقلم عريض مع سكري
وفكرت اسوي جدارين لون موحد وجدارين مقلم قالوا لي اعتق ومدري وشو بس ما يعجبني احب السادة اكثر ,,,

مشكلة اللون انه يربطني في اكسسوارات الغرفة يعني يلزمني بلون او لونين للمفرش والستائر والابجورات والاكسسورات الصغيرة ,,,


أو ببالي بعد اسوي ا لون الاخضر تفاحي لأنه يساعدني اذا جيت ابدل بالاكسسورات يعني يلبق معاه الأزرق
والوردي واقدر اغير بالاكسسورات تتغير شكل الغرفة كليا ,,,,

شرايكم انتوا ,,,,,,,,,

عطوني رايكم بليز قبل ابدا واتورط في اللون ,,,,


واللي عندها افكار او الوان ثانية تقولي عليها ,,,,

انا عمري 25 سنة يعني مابي لون لغرفة مراهقات:fhgfdhagi وبعد مابي لون غرفة يكون حق وحده متزوجة :fhgfreagi,,,,,,,,


ومشكورين سلف

بس هاه لا تحطموني ابغا ردودكم ورأيكم بليز:fragghagi

أمورة القمورة
09-16-2007, 03:03 AM
بصراحة شئ صعب

انا عني احب البيج <<<<< تقليدية مررررة
لانه يلاءم كل الألوان للاثاث

و بالنسبة لاختيارك اعتقد ان العنابي داكن

بس ايش رايك بدرجات البرتقالي معتق

البرتقالي او الذهبي

الافضل تختاري لون يفتح نفسيتك لان هذي الغرفة هي اللي بتجلسي فيها اغلب وقتك

فلازم تكون بلون فاتح يشرح الصدر مو داكن يضيق على صدرك

و الله يوفقك

LAMAR2006
09-16-2007, 06:23 AM
طيب وش رايك باليلكي .؟ ومعاه اكسسوار زيتي او اورنج

أنا ومن غيري أنا
09-20-2007, 12:14 AM
تسلمون عزيزاتي عالردود
عن اللون البرتقالي ما احبه بس يصير اضيفه كاكسسوار يعني ابلعه بس صباغ ما يروق لي
اللون الليلكي عجبني ويمكن اطبقه بفكر :frxxagir

دمعتك غالية ياأمي
09-20-2007, 02:40 AM
عزيزتي انا داهنة غرفة المعيشة بلون ليلكي بس بعد فترة حسيت بإكتئاب شديد والله لدرجة ماني طايقة اجلس فيها وبعد فترة جى في الام بي سي بالأخبار عن الالوان وعرفت ان هاللون يسبب الإكتئاب وفعلا هذا اللي كنت حاسته بس ماكنت اعرف السبب والله مابالغت وحبيت اعطيك رأيي قبل ماتوقع الساس بالراس هههههههههههههه والله ماامزح اختي وانتي براحتك

فراشه حاطه شباصه
09-20-2007, 02:47 AM
تفاحي مرة حلو....

شعاع نجد
09-20-2007, 03:24 AM
حياتي الذهبي مره حلو

فراشه خليجيه
09-20-2007, 07:34 AM
انا قبل فتره كنت حاطه لون عنابي محروق على احمر بصراحه فتررره ومليت منه مرره احس بضيقه واكتئاب غيرته للون المووف نصيحه لاتصبغين غامق لانه ممل مره ويخلي الغرفه صغيره ومكتومه

اسيل ومالي مثيل
09-20-2007, 07:39 AM
ووووردي احلى

تعـ جراح ـبت
09-20-2007, 08:23 AM
انا ياحبيبتي حاطه اللون العنابي معتق بالاحمر ومعاه الديكور اصغر مثل الوان ايكيا

بس الحين مرررررررررره طفشانه موووت منه

المهم قبل ثلاث ايام رحت لبيت خالي وكانوا يصلحون ببيتهم وماتصدقين المفاجأه اللي شفتها؟؟؟

لون البيت كله ابيض صاير الجدار مصلحينه بمعجون الصبغات كأنه مسوى بالمشط (( طبعا هذي طريقه تعتيق بالمعجون على حسب اللون اللي تبينه))<<< صايره عندي خبره خالي عنده محل ديكور ومشاء الله دايم يغير بيته وانا دايم ملقوفه اسأل عن كل شي هههههههه

المهم

البيت مسوى بهالنوع من التعتيق بس باللون الابيض
والجبس اللي يفصل الجدار عن السقف باللون البني المحرق والابواب بني محروق والاثاث مبدعين بالالوان

تركواز على اورنج على فوشي كل غرفه ودك ماتطلعين منها من الذوق كل هذا بسبب الابيض

انا من بعدها نويت اغير بيتي للون الابيض
لانه لون متجدد
عاد انتي سوي انواع من التعتيق اللي بالمعجون يعني يعطي مثل التأثير على الجدار واللون ابيض

والناس اذواق
وعلى فكره انا متخرجه من كليه التربيه الفنيه يعني عندي خبره باللوان والتعتيقات والخرابيط حقتنا

واذا حابه اي مساعده انا حاظره حبيبتي

تحياتي

زيونة المزيونه
09-20-2007, 01:16 PM
حبيبتي انا بقولك شي وعن تجربه الالوان الغامقه حطي عليها(x) والله متعبه وجيب الكأبه وتعطي حجم صغير للغرفه اصبغي الوان فاتحه وانصحك بالاخضر التفاحي والله روعه ولا راح تحتارين مع الاكسسوارت ولون الاثاث تقدرين دخلين عليه كل الالوان واذا تبغين الوان ثانيه كل الالوان الفاتحه روووعه خصوصا اذا عرفتي تستخدمينها ولاتغريك الكتلوجات خذي منها افكار بس اما الوان الاصباغ لالا. وبالتوفيق ياحلوة

soso...
09-20-2007, 01:31 PM
التفاااااااااااااااااااحي حلووووووووووووووو

أروى
09-20-2007, 06:52 PM
حبيبتي انصحك باللون السماوي البحري يجننننن مع الاكسسوارت بااللون الزهر
ومعروف اللون السماوي لون الاسترخاء

أنا ومن غيري أنا
09-23-2007, 05:06 PM
مشكورين خواتي على آرائكم الطيبه
اعجبتني افكاركم كلها بس فيه الوان ماتناسب غرفة نوم مثل الذهبي
وانا شكلي ماراح اسوي لون غامق لن انا نص حياتي عايشتها بغرفتي ونادرا ما اطلع منها
فمابي يجيلي اكتئاب مثل ما قالت الاخت
واختي اروى اللي قالت اللون الازرق البحري حلو انا معاك اختي بس هاللون موجود من قبل بغرفتي
لن لون غرفتي الحين ازرق مع اخضر واصفر ليموني
انا حابه اللون الوردي ونهائي مو مسويته من قبل بس ابغاه يكون اكسسوار موب لون دهان ولا ستاير
تسلمون انكم شاركتوني رايكم وانشالله اذا صبغت بوريكم الصور
بس ماتستغربون اذا جبت لون مو موجود ابدا ببالي لني كل يوم بشور فيمكن تطق براسي واخترع لون بدون ما افكر ,,,

العقل الجميل
09-24-2007, 12:06 AM
أنا ومن غيري أنا ... قبل ما أنصحك بلون معين حابة أسئلك
وش نوع اللإضاءة بغرفتك ...
وش لون الأرضيات عندك
كم فية شباك بغرفتك

أنا ومن غيري أنا
09-24-2007, 11:47 PM
أنا ومن غيري أنا ... قبل ما أنصحك بلون معين حابة أسئلك
وش نوع اللإضاءة بغرفتك ...

وش لون الأرضيات عندك
كم فية شباك بغرفتك
اختي انا الاضائة بغرفتي بيضاء وماحب غير الأبيض لن الصفراء تجيب لي اكتئاب واحب الغرفه حتى بالصبح بيضاااااااااء
وغرفتي شرقيه يعني الاضاءه فيها الصبح مرة قوية
وفيها دريشتين مترين × متر بالشمال وحده والشرق وحده
الفرش يعتمد عالصباغ يعني بغيرة لمن اصبغ بلون مناسب

****

فروحـه
09-25-2007, 02:14 AM
شووفي لون المــوف ودرجــاته ... ولون الســتاير بيـــــــج ... والاثاث لون خشــبي فاتــح ...

صاحبة المقام الرفيع
09-25-2007, 02:40 AM
عزيزتي مانصح بلون الغامق ابدا
شوفي الوالد اختارلي لون اخضر تفاحي وانا مرة ماكان عاجبني قالي شوفي وبعدين احكمي لما شفتها مرة عجبتني

عــــــــــروس2007
09-25-2007, 09:30 AM
انا بعد من رايي التفاحي
مررررررررررره مبهج هاللون ويشرح الخاطر
واي لون تركبينه معاه يطلع حلووووووو

أنا ومن غيري أنا
09-26-2007, 01:02 AM
انا شكلي بسوي الأخضر التفاحي لأنه بخاطري من زمان
موب هذا طبعا :frxxagir

العقل الجميل
09-27-2007, 02:17 AM
آسفة على تأخيري
بس من أوصاف الغرفة .... أنصحك بالتالي :
لون الجدران ... أخظر تفاحي ... زي لون التفاح الأخظر
لون السقف ... أبيض
لون الجبس .. أو البرواز اللي يوصل بين السقف و الجدار .... بني محروق
الأرضيات ... باركية خشبي فاتح .
لون الأثاث .... بني محروق
بالنسبة لستاير ... خليها أب داون .... لون كاكي
التحف ... المفرش ..... السجاجيد .......... زي ما تحبي
و حطي زراعة بالغرفة .... و إن شاء الله تعجبك

omnoda
09-27-2007, 11:27 AM
بصراحة مسئله الدهان دي صعبة اوي الواحد بيشوف الوان تحفة بس بيتخيل لو اللون دا موجود بصفة مستمرة اكيد هيتعب النظر والنفسية واحسن حاجة اللون الابيض لاه هيليق مع اي ديكورات وممكن تلعبي بالوان التبلوهات والاضائه اللي هتديكي احساس مختلف كمان البيج الفاتح وعموما الدرجات الفاتحة اوعي اوعي اوعي تدهني الوان غامقة لو غريبة عشان هتخليكي مش طايقة نفسك بعد شوية لي عم عندة دهان في غرفة المعيشة لونة موف بعد ربع ساعة تحسي انك مش شايفة حاجة خالص وانك عاوزة تمشي من المكان لانه لون مينفعش يدهن بي الغرفة
وفي اشكال بيعملوها في الدهان الموحد تديكي احساس بانة لونين مع بعض

رائعة وبس
09-27-2007, 07:02 PM
مشكور

أنا ومن غيري أنا
10-08-2007, 02:01 AM
آسفة على تأخيري
بس من أوصاف الغرفة .... أنصحك بالتالي :
لون الجدران ... أخظر تفاحي ... زي لون التفاح الأخظر
لون السقف ... أبيض
لون الجبس .. أو البرواز اللي يوصل بين السقف و الجدار .... بني محروق
الأرضيات ... باركية خشبي فاتح .
لون الأثاث .... بني محروق
بالنسبة لستاير ... خليها أب داون .... لون كاكي
التحف ... المفرش ..... السجاجيد .......... زي ما تحبي
و حطي زراعة بالغرفة .... و إن شاء الله تعجبك
مشكورة اختي العقل الجميل وانا راح اعمل بنصيحة اخواتي ماراح احط لون غامق
وراح اسوي زي ماقلتي أخضر تفاحي وانا بديت اطلب كتالوجات الألوان والأقمشة
بس عندي شوي استفسارات منك اختي ,,, (العقل الجميل )

اولا شمعنى الستاير لون كاكي وشو الكاكي !!!
السؤال الثاني للأسف عندنا مايسوون باركيه وماعندي اوصي من منطقة ثانية
شتقولين لون فرش يناسب !!!؟
ومشكورين خواتي عالمشاركات الروعة وآرائكم عسى ما انحرم ,,,

~~لولو حايل~~~
10-08-2007, 02:04 AM
سماوي
خيـــــــــــــــــــــال
موفقــــــــــــــــــــــــــــــه

أنا ومن غيري أنا
10-08-2007, 02:10 AM
بصراحة مسئله الدهان دي صعبة اوي الواحد بيشوف الوان تحفة بس بيتخيل لو اللون دا موجود بصفة مستمرة اكيد هيتعب النظر والنفسية واحسن حاجة اللون الابيض لاه هيليق مع اي ديكورات وممكن تلعبي بالوان التبلوهات والاضائه اللي هتديكي احساس مختلف كمان البيج الفاتح وعموما الدرجات الفاتحة اوعي اوعي اوعي تدهني الوان غامقة لو غريبة عشان هتخليكي مش طايقة نفسك بعد شوية لي عم عندة دهان في غرفة المعيشة لونة موف بعد ربع ساعة تحسي انك مش شايفة حاجة خالص وانك عاوزة تمشي من المكان لانه لون مينفعش يدهن بي الغرفة
وفي اشكال بيعملوها في الدهان الموحد تديكي احساس بانة لونين مع بعض
نسيت اقول شي بعد ,,,
بس اول حبيت اشكر Om Noda وحبيت اقولك اختي انو انا غرفتي الحين بيضاء هو مش ابيض ابيض هوا اخظر فاااااااتح مرة ومايبين الفرق الا برواز الجبس الابيض ...
وانا اساسا حابه اجرب لون جديد.. والاشكال اللي بيعملوها مثل التعتيق وغيره ما احبذها,,,,,,,,,


وكنت ابي رايكم بنات في نوع الدهان هل اخليه مائي او زيتي بلمعه
انا اموت بالمائي ومو مسوينه ابد من قبل ببيتنا كله
لأن امي تقول اذا توسخ مافي مجال ينضف
فهل هذا صحيح يعني الحين لو اخلي الدهان مائي اي بقعه ماراح تروح لي ؟
عاد انا عندي عيال اختي اشقيا وعشقهم غرفتي وجدرانها
وبس :fragghagi هذا اللي بغيت اضيفه بعد
باي

noon*
10-08-2007, 02:17 AM
احسن شي تخلين الدهان يعملك بروفا على الجدار وانتي تختارين اللون الي يعجبك

سكر على شفايف
10-08-2007, 11:24 AM
حلو اللون العنابي وانا عندي صورة للون دهان مره عاجبني اتمنا انه يكون الي في بالكبس انا ماخذته من بعض المواقع ولا عرفت ارفقه للرد ارسللي ايميلك على ايميلي وارسلها لك اوكيه حبيبتي


Content Relevant URLs by vBSEO 3.6.0