المساعد الشخصي الرقمي

مشاهدة النسخة كاملة : تعليم الاطفال أقل من سنتين ( اللي عندها فكره تدخل)



سما دبي2007
10-22-2007, 10:25 AM
السلام عليكم ورحمة الله وبركاته
هلا والله بالفراشات :fragghagi نورتوا
حبيباتي أنا الله رزقني بنت عمرها الحين سنه ونص ،، ما شاء الله تبارك الرحمن ذكيه وفهيمه وتحب تتعلم ... قولوا ماشاء الله وصلوا على النبي:de43r
المهم أريد أستغل هذي النقطه فيها وأنميها
ياريت تساعدوني بأفكاركم .. أنا عندي بعض الافكار مثلا
أعطيها دفتر وقلم وأخليها تشخبط اي شي على راحتها .... الحين تعلمت مسكة القلم بشكل صحيح
كل أسبوع ندرس عن حيوان واحد بس مثلا البطه هذا الاسبوع ... ارويها صورها واعلمها صوتها
اعلمها العد .. مثلا واحنا راكبين او نازلين من السلم وهذا اصعب شي للحين بس رقم واحد


يلا عاد أريد أفكاركم واذا عندكم أناشيد تناسب عمرها أو أي شي
Im waiting for you...

ام وليدويوسف
10-22-2007, 11:05 AM
حبيبتي احرصي ان تكون الاقلام اللي انت تستخدميها لها تكون كبيره وعريضه لان الاقلام العاديه مسكتها مضره للطفل دون سن الثلاث وترى ما اشجعك بتعليمها دون سن السنتين اتركيها تنمو نمو طبيعي لا ن الضغط عليها الان يولد لديها مشاكل نفسيه لما تكبر
علميها الاشكال والحيوانات عن طريق الالعاب والمكعبات الكبيره والالعاب اللي تساعد على نمو الدماغ عند الطفل والذكاء بشكل طبيعي

سما دبي2007
10-22-2007, 11:28 AM
أم وليد مشكوره على النصيحه
بس أنا ما أضغط عليها هي اللي تحب تتعلم وهي لوحدها تجيب لي كتاب الحيوانات وتقعد جنبي
ونحن نعلمها ونضحك ونلعب مش ضغط وصراخ

وشكرا مره ثانيه على مرورك الطيب

عصفورة الشرق
10-22-2007, 03:03 PM
حلوة الفكرة يا اختي ..
و ربي يحفظ لج بنوتتج ..

و عن الحيوانات .. تقدرين تاخذينها حديقة الحيوان بين فترة و الثانية .. عشان تشوف الحيوانات و اصواتها على الطبيعة ..

تقدرين تدخلينها حضانة .. و في من الحضانات يعلمون القران و هذا احسن شي لها ...

طريقة الدري اطبقها مع ولدي ... و متعلم اثنين و اربعة بس :) ... و ينطقها ماشاء الله عليه تنين و ابة ..
روحي بيبي شوب عندهم اشياء و العاب تقدر تنمي مهارات بنتج .. او حتى مركز التعليم المبكر ..

و ربي يحفظ بنتج يا رب

ام رحمة-2
10-22-2007, 03:04 PM
سما دبى مشكور موضوعك جميل وجديد وان بقول فى محلات لعب الاطفال هتلاقى طلبك موجود العاب كتيرة جدا لنمو ذكاء الطفل

فلامنجو
10-22-2007, 03:06 PM
انا بعد سرت كذا مكتبة فيها كتب حق اليهال خذي لهاا وانتي برووحج بعد قلتي تعلمينها الحيوانات من الكتب .. وهاذه شيء حلووووووووو .. وااول انشوزده سمعيها اياها انشوده يا طيبه كل اليهال يحبونها ههههههههههههههه

وبعد بعد ...ممممممممممممممم ما اذكر شو بعد ههههههههههههههه

واذا تذكرت برد اكتب لج

سما دبي2007
10-22-2007, 06:30 PM
مشكورات جميعا على مروركن الطيب
انتظر الباقيات

s روحي تحبك s
10-22-2007, 09:55 PM
الله يعطيكم العافية

انا كمان عندي ولد بنفس العمر سنة ونص ويحب يسمع الاناشيد

ويحاول انه يرددها

سما دبي2007
10-24-2007, 08:54 AM
وين الباقيات

شهوده2
10-24-2007, 03:46 PM
يعطيك العافيه

فروحـه
10-25-2007, 02:40 AM
رووحـي مركـز التعلــيم المبــكر ... عــندهم ألعــاب مميــزة وتنــمي مهارات الطـفل المختــلفة ,,,,

(الرمـــانه)
10-25-2007, 04:14 AM
مشكوره

حرمه عن مية رجال
10-25-2007, 07:27 AM
حبيبتي انا لسا رايحه لمكتبه الطفل وقلتلهم نفس الشي انه ودي اخلي ابني يتعلم من الأن ، ،، لأنه ادخل مواقع اجنبيه فالقا الكتب والفلاشات بس بالأجنبي لعمر 18 شهر ،،، لاني كنت حابه اسجل ابني في نادي الكتاب وهو من عمر سنتين ،،،، يرسلون لي كتب تناسب عمره كل شهر كتابين ،،،،
فقالت لي الموظفه انا بنتي بديت تعليمها من عمر سبعه شهور لأنه عند الأجانب يبدون قراءه القصص لهم من سبعه شهور والطفل فقط يستمع واخليه يناضر الصور وبعدها تبدا تتعلم هي ماتعرف ايش اقول بس تتعود على الصوت والكلام والصور وتبدا عندها الاستيعاب وبعدها تبدا تركز وعليها والان بنتي ما تكفيها قصتين في الشهر نطلع للمكتبه واشتريلها كمان ،،،،
وقالت لي فكره انا اصلا اخذتها من مدرسه مصريه كانت معنا بنتها عمره سنتين وتعرف انجليزي ،،، الطريقه اللي هي انه ابدا اعلمها الكلمه بالعربي زي مثلا كتاب ولما تعرفه موشرط تقوله ابدا اقوله لها بالانجليزيbook مره راح تعرفين انه بدا مره يتعلم .... حتى قالت لي معلومه انه لعمر اربع سنوات ذاكره الطفل ممكن يتعلم اربع لغات بدون....
والشي الثاني اللي ضروري تعلمينه بنتك وراح تدعين لي انك بنت اوولد من يومه صغير تامرينه باشياء علشان يتعود عليها مثلا ود ملابسك السله وعلميه اول مره وين يوديها وبعدين راح يعرف بس لازم دائما تكررين عليه الأمر ،،،،

أم فهود
10-25-2007, 12:42 PM
والله ماشاء الله افكار حلوه وصج التعليم المبكر عندهم اشياء وايد حلوه انا ماخذه لولدي العاب حق الحروف وفيها ارقام والوان واسماء حيوانات وميزتها بالعربي والانجليزي وتسأل الياهل بعد وايد حلوه وخذت له السبوره بس للحين مابديت معاه فيها لاني احس انه بيكسرها بس خاطري انه يقعد ويسمع يعني لو قعد مره في السنه زين خخخخخخخخخخخخخ
بس يعرف يقول واحد نين ههههههههههههههههههه
واسمي دمره بالمره خخخخخخخخخخخخخخخخخ بس يعرف اسم ابوه ماشاء الله عليه يقوله صح واسم وبعض الكلمات بس مادري سنتين احس المفروض نطقه يكون احسن

dodo2005*
10-25-2007, 04:15 PM
مشكورة

سما دبي2007
10-27-2007, 08:05 AM
مشكورين جميعا وخصوصا حرمه عن مية رجال أفدتيني كثير
جزاك الله خيرا

أم حسان**
10-27-2007, 07:39 PM
الله يحفظها لك ويجعلها من الصالحات العالمات
انا بقولك تجربتي مع ولدي -الآن عمره 4 سنوات- قبل النوم اقرأ معه الفاتحة وهو يقرأ بعدي مو مهم تكون القراءة صحيحة المهم يتعود على الاستماع والتكرار
راح تلاحظين بعد فترة انه يقرأ معاك -لا تستعجلين النتائج-
والحروف اشتريت بطاقات من المكتبة عليها الحرف وصورة تبدأ بنفس الحرف -بدأ يربط بين الحرف والصورة صار لما يشوف البرتقال يقول ب برتقال
اتمنى اكون افدتك

عاشقة B.M.W
10-28-2007, 06:20 AM
انا نفسي اعلم واربيه تربيه حلوه من الان ابني عمره سنه وشهرين وانا خايفه انه يخالط اطفال ويعدمون له البراءه والذكاء باشيا ثانيه انا خايفه عليه من اولاد اقاربنا واستحي قدام امهاتهم انه مايجلس معهم مادري كيف ياسما دبي اربي ابني بين هذي الاطفال ومتى اقدر ادخله الروضه وانتي بنتك احسن شي دخليها روضه وانتي روحي معاها وراح والله صدقيني تحفظ اشياء كثيره القران والاناشيد والارقام من الان وبالعكس انا معاكي بتعليم بنتك من الان لان التعليم في الصغر كالنقش على اللحجر وخطاء نستنى الى ان يكبروا بعدين نعلمهم بالعكس من الان يبداء التعلم واللي مايحب لازم نخليه يحب التعلم مو بالغصب لا بالترغيب بس وبالمدح وبالمكافأت يحبو كيذا ولكن اذا تركناهم كيذا يتعلموا عللى كيفهم رراح تصير ااشياءلاتحمد عقباها وانا ااكرر عليكم يامهات من الاطفال الاخرين الغيرمؤدبين انه يخربون عليكم كل شي سوويتوه اسفه على الاطاله وشكرا


:de11:fhgfdhagi

سما دبي2007
10-28-2007, 07:41 PM
جزاكم الله خير على مروركم الطيب


Content Relevant URLs by vBSEO 3.6.0