المساعد الشخصي الرقمي

مشاهدة النسخة كاملة : اللي تزوجت و صار لها فترة ما حملت تدخل و اللي حملت بصعوبه او بعلاج بعد تدخل



عروس البحرين
03-16-2008, 05:12 PM
السلام عليكم بنات

بحثت في القسم عن هالموضوع تفاجئت اني ما لقيته

فقلت افتح موضوع لنتناقش فيه و نفيد يعض


انا توني متزوجه بس الخوف يبتدي من البدايه
احسه شي فطري
صار لي 3 شهور متزوجه و حاليا فيني الدورة

ان شاء الله يارب اتكون اخر دورة ما اشوفها الا بعد 9 شهور

ادعوووووولي


يالله كل وحده تدخل و تقول اشكثر صار لها فتره و ما حملت و شنو الاسباب و شنو سوت
و حق اي دكتورة راحت و شنو قالت لها

عن نفسي طبعا للحين ما رحت المستشفى
لكن انا عارفه شنو فيني

انا عندي الدور متلخبطه حدها تجيني كل 3 او 4او 5 شهور على حسب
و ساعات ما تجي الا بالحبوب




اللي مثل حالتي شتسوي

و اللي صار لها فترة بالعلاج على اي دكتورة حملت ( خصوصا بنات البحرين )
او شنو سوت لها الدكتورة



يااااااااااااااااااارب هالموضوع يكون فاتحة خير و يييييااااااااااارب ترزق كل مؤمنه بالذرية الصالحه

**دقات قلوب**
03-16-2008, 05:26 PM
حبيبتى انا متزوجه بقالى 7 شهور والحين حامل
بس كانت الدوره تيجى مش منتظمه زيك كده ورحت كشفت الدكتور قالى تكيس
بس مش نسبه عاليه ومش ماثر على الحمل
وبعدين كتبلى علاج وحملت
بس مش من العلاج لانى كنت بروحله وانا كنت حامل ومكنتش اعرف لان كنت باول اسبوع
يعنى اصبرى شوى
انتى لسه عروسه وما تقلقى نفسك

عروس البحرين
03-16-2008, 05:30 PM
مبروك و اختي الحمل يبين من او اسبوع؟

binte_almagrib
03-16-2008, 05:30 PM
اختي انا ليه رجع لموضوعك
اقوم اريح وارجع

بحرينية طيبة
03-16-2008, 05:32 PM
حبيبتي بنت ديرتي
انة متزوجة والحين حامل وحملت بعلاج
في مستشفى شفاء الجزيرة عند الدكتورة سلفي جون
خووووووش دكتورة واذا تبين نصيحتي روحي لها بتنظم دورتج
وبتحملين مليون بالمئة
يوم الي كملت سنة بالضبط حملت يعني معاناة وكنت وايد خايفة
لدرجة اني اسال زوجي اذا ما فيني عيال بتتزوج علي :048:

الفراشة مايا
03-16-2008, 05:40 PM
عزيزتي انا متزوجة من اكتر من 5 سنين وما صار حمل خلال هالفترة وتعالجت كتير ما تركت دواء الا استعملته ولا سمعت عن طبيب شاطر الا ورحت لكن ما في شي بصير الا بأوانه وعملت طفل الانبوب اول مرة وما نجحت ولما ساويتها مرة تانية الحمد لله حملت وانا هلاء بالشهر الثامن ماشاء الله يعني لما رب العالمين اراد مو بايدي ولا بايدك
المهم انتي ما تفكري كتير بالموضوع بعدك عروس وبكير تشيلي هم توكلي على الله
وادعيلي الله يقمني بالسلامة انا وكل حامل وعقبالك يا رب

دلوعة ياسر
03-16-2008, 05:48 PM
مرحبا
انا متزوجه ليا 7 شهور ولين دحين ماحملت
مارحت مستشفى ولا كشفت
ادعولي اكون هالشهر حامل

Q8ya
03-16-2008, 05:55 PM
هااي حبيبتي انا متزوجه من سنه ونص وخذيت ثلاث كورسات كلوميد عقب كورس ابر وقفت ست شهور عقب رجعج للكلوميد ثلاث شهور وطبعا صار فيني تكيس خفيف بسبة الكلوميد هذي من اثاره الجانبي وصرت بطه :) تركت الكلوميد واتجهت الى العسل والقرأن وعلى طول حملت مشالله لا اله الا الله واليوم بانت نتيجة حملي ياربي يرزقكم اجمعين بجاه الحبيب

قلعاوية
03-16-2008, 05:57 PM
حبيبتي بنت ديرتي
انة متزوجة والحين حامل وحملت بعلاج
في مستشفى شفاء الجزيرة عند الدكتورة سلفي جون
خووووووش دكتورة واذا تبين نصيحتي روحي لها بتنظم دورتج
وبتحملين مليون بالمئة
يوم الي كملت سنة بالضبط حملت يعني معاناة وكنت وايد خايفة
لدرجة اني اسال زوجي اذا ما فيني عيال بتتزوج علي :048:


هلا حبيبتي عروس البحرين توي ادري انج تزوجتين اتذكر موضوعج اللي في قسم عروس الفراشة

المهم انتي بعدج عروس 3 اشهر شي طبيعي ولو كنتي خايفة بحكم دورتج مو منتظمة انا أأيد بحرينية طيبة ان الدكتورة سلفي جون ممتازة بشهادة ناس واجد

انا صحيح الحمد لله حملت طبيعي يعني سليمة ولله الحمد

بس مرة اتذكر صابتني التهابات قبل لااحمل باسبوعين ورحت لها والحمد لله من اول ليلة صار فيه تحسن

وهم رحت لها لما حملت عشان اتطمن على البيبي ..

فلو بغيتين تروحين لها وانتي مغمضة لانها جد جد ممتازة

وانشالله ماتحتاجين لشي وتحملين قريب ان شالله

ومسامحة ع الاطالة.:044:

السيده المحظوظه
03-16-2008, 08:25 PM
انا تزوجت وجلست 3 شهور وبعدين حملت
ان شاء الله تصيرين مثلي

توتي الصغيره
03-16-2008, 09:08 PM
الله يرزقك الله يفرحك
لاتضيقين صدرك والله توك عروس
ترا النفسية مهمة للحمل

ام_مرام
03-16-2008, 09:59 PM
الله يرزقج و يرزقني و يرزق كل المسلمين
انا صارلي 4سنين و نص
للحين ما حملت
سويت التلقيح المجهري مره وما نجح
اتمنى اكرره عن قريب
الف مبروك للفراشات اللي حملوا

زي الفراشه
03-16-2008, 10:05 PM
انا قعدت 5 شهور وحملت الحمدلله بدون علاج مع اني خايفه اني مااحمل لما قعدت هالفتره وفي الشهر اللي حملت فيه وانا ماكنت عارفه اني حامل رحت عند دكتور وقلت ابي اعرف سبب تاخر الحمل وسوى لي تحليل بول الله يكرمكم ومابان الحمل ورحت عند دكتوره ثانيه وقلت لها نفس الشيء وقالت ان شاء الله خير وقطعت عنها شهر ورجعت لها وقلتلها ابي اسوي سونار لاني حامل والدكتوره استغربت يوم جيتها قبل فتره ابي احمل وجيتها بعدين وانا حامل
وبرضوا في نفس الشهر اللي حملت فيه رحت الحرم وطفت على الكعبه ودعيت ربي اني احمل هذا الشهر وربي استجاب دعائي
وانا انصحك يااختي بالدعاء والاستغفار وقراة القران

ll نبع الخير ll
03-17-2008, 12:28 AM
انا صار لي ثلاث سنوات و نص و انا مش حامل ,,,

و الحمدلله انا الحين حامل بالشهر الثالث ,,,
فحصت في الفترة اللي راحت و قالو لي سليمة ,, داومت على قراءة سورة البقرة بنية الرزق ,,, و الحمدلله بعد ايام من قراءتها اكتشفت اني حامل ,,,

يعني انتي لسة عرووووسة وسعي صدرك بعدين فكري بالحمل و كل شي بيد رب العالمين ,,,,:)

$حياتي مثل رماد$
03-17-2008, 01:40 AM
انا صارلي 4 سنوات من تزوجه للحين مافي حمل بسبب الهرمونات الحليب وعندي لاخبطه بالدوره وان شاءالله اكون بالشهر حامل يارب

لوليتا 2007
03-17-2008, 03:05 AM
مبروووووووووووووووووووووووووووك انت لسه عروس اول شي
وتاني شي لاتفكري بالحمل كتتتتتتتتتير لان التفكير بياخر الحمل
وعيشي هالفترة وشهر العسل لان بكرى بالبيبي مستحييييييييل تعرفي تنامي ولا تقعدي مع زوجك هههههههههه

انا اول ما تزوجت كنت متلك وافكر بالحمل واشيل هم الدورة وما اعرف افر ح باول ايامي الزوجية الا وافكر بالبيبي
وبعد 6 شهووووووووور من الزواج الحمدلله حملت وطبيعي
بس والله الشهر اللي حملت فيه ابدا ما فكرت بالحمل ولا دققت على الدورة ولا الاعراض ووقت حللت كنت ما متفائلة كتييييييييييييييييييييييير

وطلعت النتجة ايجابية وطرنا من الفرح لاني ما كنت حاسبة للحمل اي حساب
وعقبااااااااااااااااالك

فراشة البلاد
03-17-2008, 11:07 AM
خيو عروس البحرين انتي توش متزوجة.. اني اذكر اختي راحت للدكتورة بعد كم شهر عن هالسالفة قالت لا اذا صار لش 6 شهور و ما حملتي تعالي .. فصبري ولا تفكرين في الحمل.. بعدين تقدرين تروحين لدكتورة زينة (اختي وربعي راحوا لفكرية) وتراجعينها يمكن هرمون الحليب فتعدله لش و ان شاء الله ما تحتاجينها و تنورينا مع حوامل البحرين

والله دنيا
03-17-2008, 12:20 PM
بسمه من صغت له القلوب تعبدا

لا تحاتين أختي آنا كنت مثلج قبل الزواج كانت ما تجيني الدورة إلا عقب كم شهر بس عقب الزواج تحسنت شوي صارت تجيني كل شهر وبعد ما تزوجت بكم شهر صار لي لخبطة وجتني الدورة 15 يوم فقررت أروح للدكتورة ورحت للدكتورة منى الشرقي الصراحة دكتورة ممتازة ولما كشفت قالت لي اني اعاني من تكيس ولكن سبب التأخير كان في التبويض فظلت تعطيني كلوميد وعقب اربعة أشهر من العلاج حملت ببركة رب العباد وببركة الدكتورة لا تخافين أختي ترى كل شي بيد الله سبحانه وتعالى ولا تفكرين في الحمل واجد لأن التفكير يأخر الحمل

بحرينية طيبة
03-17-2008, 01:51 PM
الله يرزقكم كلكم ان شاء الله
بس حبيبتي مثل ماقلت لج
اذا دورتج مو منتظمة روحي اللحين عالجيها عند مستشفى الشفاء الدكتورة سلفي
والتجربة شخصية وواجد ناس استفادووو
وان شاء الله بتحملين
مو تسوين مثلي يوم تعبت نفسيتي واجد رحت اتعالج:062:

ساحرة الوجود
03-18-2008, 02:54 AM
مبروك ياعروسه
علي فكره انا عروسه مثلك لي 4 شهور متزوجه ولسه ما حملت
على فكره كثرة التفكير خطأ جدا (بس انا بصراحه بفكر كتيييييييييير) الكل قالولي استمتعي بحياتك مع زوجك اولا ثم فكرى في الانجاب
لكن انا عارفه ان كل واحده بتفكر في الموضوع هذا عشان تطمئن علي نفسها هى وزوجها انهم سالمين ومافي شئ يمنعهم من الانجاب
لان كل واحد بيخاف يصدم بحاله او بزوجه
انا ذهبت لطبيبه الشهر الماضى لان الدوره تأخرت اسبوع ونزلت وكنت يومها هاسوى التحليل وانصدمت لما جت وقررت الذهاب للطبيبه لاعرف هل هى دوره ام حمل ونزل
المهم حتى لا اطول عليكى الدكتوره لما علمت ان زوجى بيسافر احيانا بالاسبوعين والثلاثه اعطتني كلوميد وابر فوستيمون حتى تستغل فتره وجود زوجى يمكن يحصل حمل وانا منتظره انى اراجعها الغد حتى اعلم النتيجه
بالله عليكن ادعولي انى مانصدم اذا رحت للدكتوره وادعولي اجى افرحكم بحملي لانى خايفه وااااااااااااايد وهاموت من القلق ونفسي افرح زوجى ونور عينى
اسفه للاطاله بس حبيت افضفض معاكم شوى عشان ارتاح

امرأه من زجاج
03-18-2008, 03:07 AM
انا عندي ولد عمره خمس سنوات حملت فيه بقدره رب العالمين ثم الطب الشعبي الي يسمونه اكواب هوى وهذا علم موجود بالطب النبوي

عنابه55
03-18-2008, 07:27 PM
الله يرزقك

متيمة الهدواء
03-18-2008, 11:31 PM
الله يرزقك يارب ويرزقني وكل محرومه يارب

i love my husband
03-18-2008, 11:38 PM
انا صار لي 6 شهور وما حملت للان..مارحت للدكتورة ولا اخذت اي علاج لانها قالت بكير لازم يمر اقل شي سنة

يا رب هالشهر احمل انا وكل الاخوات

شكرا اختي على الموضوع

($ليالي$)
03-19-2008, 01:43 AM
الله يرزق ويرزق كل محرومة

سعفه وليفه
03-19-2008, 02:44 AM
انا لي سنه وتسع شهور متزوجه وماصار لي حمل ولا مره واللحين اتعالج عند الدكتوره الشهر اللي فات عطتني كلوميد وابره عشان تنزل المبايض وماصار فيه حمل واللحين بديت بالكلوميد الثاني وعسى ان شاء الله ينفع معي واحمل

ربي لا تذرني فرداً وانت خير الوارثين

توته النوس
03-19-2008, 01:56 PM
عروس البحرين وساحرة الوجود أنا كمان عروسع زيكم ليه 4 شهور ولسه ما حملت روحت لدكتوره في مستوصف بعد زواجي بشهرين وقالتلي بدري ورحت لبرفسيور كمان قلي بدري وإذا تبغي اعملك تحاليل تكلفك كتير بس انا شايف انه بدري طبعاً ما أقتنعت بكلامه ورحت لدكتورة مره ممتازه وعمالت تحاليل ليه ولزوجي الحمد لله طلعت تحاليل زوجي كويسه بس انا طلع عند ارتفاع في هرمون الحليب وباتعالج منه مع لغبطه في هرمون البرجسترون منخفض وادتني علاج وادتني ابره تفجيرية للبويضه ويارب احمل ونحمل كلنا معليش طولت عليكم رغي

بحر الهدوء
03-19-2008, 06:04 PM
عروس البحرين وساحرة الوجود أنا كمان عروسع زيكم ليه 4 شهور
وانا بعد لي 7 شهور والكل يقولي لسه وبدري ومارحت كشفت ولا شي ونفسي هالشهر أفرح زوجي أدعولنا بالحمل ياااارب

عروس البحرين
04-07-2008, 12:07 AM
السلام عليكم

بنات

كأني حطيت الموضوع و نسيته ههههههههههه

لأن التفكير خف عندي شوي في هذي الفتره بعد ما نزلت الدورة
و كنت متفائلة ان بعد الدورة راح يصير حمل مادري ليش
سبحان الله لكن انصدددددددددمت صدمه كبيرة ان الدورة نزلت علي مرة ثانيه
و اليوم صار لها رابع
و الفرق بين الدورة اللي خلصت و هذي 16 يوم بس
و هذي يمكن حصلت لي من 6 سنوات اخر مرة و
الحين استغربت ان صار هالشي
و اهيا ما تزورني الا كل 3 شهور على الاقل

المهم عندي سؤال هل بعد الزواج من الممكن انها تنتظم الدورة؟

&فراشة الربيع&
04-08-2008, 12:21 AM
السلام عليكم خواتى

شخبارك عروس البحرين انا سارلى 3 سنوات متزوجة
وللحين الله ما رزقنى بعيال

وبكرة عندى موعد عند الدكتورة موزة حتى ابدء لتحضير لعملية اطفال الانابيب

والله كريم

لكن حدى خايفة مادري ليش مع العلم انى عملتها قبل

لكن خوفونى من الدكتورة مادري ليش

فراشة حبيبها
04-08-2008, 01:47 AM
الله يرزقك ويرزقني ويرزق الجميع يارب
أنا صار لي سنة من تزوجت
وتوني رايحة الدكتورة من نفسها سوت لي التحاليل
الحمد لله سليمة قالت لي لازم زوجي هو اللي يفحص
الله يكتب لنا الحمل
ادعوا لي انوا أحمل هالشهر ياااااااااااااااااارب

عروس البحرين
08-12-2008, 05:12 AM
هاي بنات
الحين صار لي 8 شهور بالضبط
و الحين انا فيني الدورة و اليوم لي السابع
تعبت و انا انتظر و افكر ادعولي يابنات الله يفرحني هالشهر

عاشقه زوجها 44
08-12-2008, 11:33 AM
للرفع

noor 26
08-12-2008, 01:04 PM
سلام عليكم بنات
اني صار لي سنتين ونص من تزوجت وماصارحمل ورحت شهر يناير مستشفي الامريكي عند دكتورة بانو واجد ممتازة سويت تحاليل وكليش اوكي بس عندي مشكلة في التبويض وعطتني كلوميد مدة3 اشهر والحمد الله شهر 4 صار حمل بس مع الاسف طرحت
والحين رجعت اتابع معاها وان شاء الله كلنا نحمل مع بعض يارب

عروس البحرين
08-12-2008, 02:40 PM
ان شاء الله ياربي نحمل و نفرح بعض هالشهر

بنات انا سمعت عن دكتورة على ما اظن اسمها منى في مركز الاستقلال
ابي اروح لها في حد يعرف شي عنها

بنت الخوالد
08-12-2008, 05:01 PM
انا من تزوجت صار لي 11 شهر وقرريب اوصل السنه
وربي ما ارزقني وتعالجت بالكلوميد 3 شهوره

وابر التفجيريه
وهالشهر
خذيت دفستون زيادة
ادعولي هالشهر احمل
واصووم رمضان كامل
وماشوف الدورة الا بعد 9 شهور
ربي يرزقني ويرزقكم

تالين22
08-12-2008, 05:28 PM
انا صار لي من تزوجت سنتين وشهرين وما حملت والحمد الله على كل حال وتعبت من الدوران بالمستشفيات ومن دكتوره لدكتوره وانا عندي لخبطه بالدوره والحمد الله قلت هذا الشهر مني رايحه للدكتوره وخلاص اخليها على الله سبحانه ..
ومبروووووووووووووووووووك لكل العرايس والله يرزقنا ويرزقكم وكل محرومه يارب العالمين بالحمل السليم المعافى يا ارحم الراحمين ..

sweeet_rahaf
08-12-2008, 10:22 PM
هلا بعروس البحرين والف مبروك

وهلا بكل الاخوات في المنتدى الرائع

انا حبيت اقولك عن دكتورة فرح النعيمي بالتخصصي وايد يمدحونها بس اتوكلي على الله عزوجل المصيبه ان نحنا البشر نتعلق بالاسباب ونترك مهيئ الاسباب توكلي على الله وربك يفرجها

الله يرزقك ويرزق الجميع ويفرح البنات الحلوات كلهم

شهدصلاله
08-13-2008, 12:00 AM
الله يرزق كل محرومه يارب
انا متزوجه من سنه بالضبط ولا خلييت دكتور الا ماتعالجت وياها وخذت كلوميد شهرين وعقب مليت وتركته وعقبه الدوره تلخبطت الله ير زقنا يارب

عسل الفراوولة
08-13-2008, 02:35 AM
لا تشيلي هم الله يرزقك من واااسع فضله

عروس البحرين
08-22-2008, 06:21 PM
بنات ابي اروح حق دكتورة نصحوني حق من اروح؟

عروس البحرين
08-24-2008, 08:28 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عروس البحرين
10-30-2008, 01:49 PM
up
up
up

عروس البحرين
11-10-2008, 02:38 AM
وييييييييينكم

حلم الأمومه
11-10-2008, 02:51 AM
أنا لي أكثر من أربع سنوات متزوجه وماحملت
ادعولي ياخواتي

عشقي جنوني
11-10-2008, 08:07 AM
متزوجه من سنه واربع شهور وماصار حمل ولا مره هالشهر استخدمت كلوميد وباذن الله احمل هالشهر انا وككككككككككككككلكم تحملون معاي :090: وبس.... على فكره باقي 9 ايام عالدوره واحس اني هالشهر افكر بزياده عشان متأمله في الكلوميد انه ينفعني بعد مشيئة الله .......................

أستــــــــــــــــــــــــغفر الله العظيم

امومة 22
02-24-2010, 12:46 AM
اني والله صار لي 5شهورمن تزوجت ولافي حمل

الاميرة الناعمه
02-26-2010, 04:28 PM
الله يرزقكم الذريه عاااجلا غير اجل ويرزقني معاااكم


Content Relevant URLs by vBSEO 3.6.0