المساعد الشخصي الرقمي

مشاهدة النسخة كاملة : إزالة الشعر بالليزر..((نساعد بعض على الخير))



نونـــا الدلوعه
03-27-2008, 12:52 AM
السلام عليكم
طيب انا مشكلتي ان يطلع لي شعر في وجهي:059:
وحتى لو حفيت احس اضايق اشيل الحجاب في اي مكان
وبعد الحين كا ما اروح مكان اضايق العالم كلهم مستشورين الشعر وفالينها ومكياج وانا بحجابي:0144:
قررت وبعد 3 سنوات معاناة من المشكله وبعد ماصرت في سن حرج (19 سنه عمري) ان لازم اشوف حل:0148:
رحت المستشفى وقال لي الدكتور يبغى لك تسوين ليزر وقال روحي اي مستشفى خاص يسونه
انا الحين اريدكم تساعدوني للي مجربين او ناس من اهلهم مجربين
اي مستشفى اروح غير سعد لانه غالي وماقدر عليه علما اني من الشرقيه
وكم يكلف الوجه تقريبا للحد الاعلى للجلسه
ومشكورين وماتقصرون
ويارب يجعلها في ميزان حسناتكم

العـمر•:*`*:•لحـظه
03-27-2008, 01:25 AM
انا جربته بس فترة روح الشعر ويرجع وانصحك ماتسووينه اذا تبين سوويه برا السعووديه

نونـــا الدلوعه
03-27-2008, 02:05 AM
حاليا ماقدر اطلع بره السعوديه لاني ادرس والصراحه مليت من شكلي وتعبت من الم الحف في وجهي
يعطيكي العافيه بس تعرفين انتي مكان كويس بره

لمسة حنان
03-27-2008, 02:28 AM
شوفي حبيبتي نونا
انا وجهي كااااااااااان ملياااااااااااااااااان شعر غزير ...تخيلي
أكثر شي في منطقة الذقن والشنب والخدود يعني
بإختصااااااااااااااااااار وجهي كله وأزيدك من الشعر بيت
والرقبه بعد شعر كثيييييييييييييييف ومقرررررف للغايه وتعبت من الشيل
هذا من غير الأحرااااااااج اماااااااااااام الناس
يعني انا نفس مشكلتك بالضبط
وأخيييييييييييييييييييييييييييراً سويت ليزر
وإرتحت ونفسيتي صااااااااااااااارت أحسن بكثير
انا دحين صااااااااار لي سته شهور سويت الوجه والرقبه
أربع جلسات الجلسه الوحده ب500 ريال
والحمد الله خف الشعر بدرجة كبيييييييييره جدا صااااار مره خفييييييييييف مو واااااااااااااااااااضح حتي لما رحت للجلسه الرابعه على نفس الموعد ماكااااااااااان في شعر
وقالت مارااااااااااااح اقدر اعملك مافي شعر
مرة كانت النتيجه كويسه للغايه وقالتلي تعالي بعد اسبوعين يكون الشعر طالع خفيف علشان تقدر تسويلي ليزر والحمد الله سويت الجلسه الرابعه
وتقول باقي لي جلستين واخلص الحمد الله ارتحت راااااااااااااااااااااحه ماااااااااااااابعدها راحه وصاااااااااااااار عندي ثقه بنفسي قدام الناااااس
اقولك الشعر صاااااااااااااااار مرة إيش بس اصلا مافي شعر نعووووووووووووومه وجمااااااااااااااااال وراااااااااحه
وراح اعمل الجلستين الجايه ان شاء الله
والله هذه تجربتي مع الليزر وانا انصحك فيه ولا تترددي وحتي لو طلع الشعر يطلع ناااااااعم وخفيف حتى انتي ماتقدري تشوفيه
توكلي على الله وسوي علشان راحتك
والله حاسه فيك ياعمري
اذا سويتي قوليلي
اتمنى لك التوفيق
تقبلي مروري

صمتي جرحني 333
03-27-2008, 03:13 AM
وانا زيك محتارة اسوي ولالا وانا زواجي في الصيف وماادري اسوي ولالا

نونـــا الدلوعه
03-27-2008, 07:21 PM
لمسة حنان وقسم بايات الله دموعي على خدودي
مشكوووره حبيبتي الف شكر ريحتيني ريحتيني كثير ماتتصورين شكثر
الله يوفقك يارب ويجعلها في ميزان حسناتك
احس انك حاسه بشعوري بقوه
ومشكوره الف الف الف شكر وماقصرتي
___________________________
اختي صمتي جرحني اصلا انتي لازم تسوينه تقولين زواجك قريب

نوف 2007
03-27-2008, 10:41 PM
حبيبتي اختي سوت ليزر ثلاث جلسات للحين والنتيجه اكثر من رائعه ومو مكلف كثيييييييير وهي مرررررررررره مرتاحه.. وهي عملته في عيادات ايما في الرياض

عشيقة فارس
03-27-2008, 11:33 PM
انا سويتع للذقن والشنب جلستين والنتيجة مرضية جدا ولله كل الحمد والمننننننننننننننننننة..صحيح الى الان يرجع يطلع بس باخف وبعد شهر ونص تقريبا فالحمد لله..
في شعر بوجهي..بس نصحتني الدكتورة..وانا من كثر مقرأت وبحثت بالموضوع ..التجارب تقول: ان الشعر الوبري الخفيف يحتاج لجلسات اكثر من اي شعر اخر واحيانا قد يزيد الشعر ويكثر..فبصراحة لان زواجي بالصيف برضو خفت اغامر بشعر الوجه الباقي..والحمدلله رضيت باللي سوته..وانشالله ناوية اكمل كمان جلسه..
اختي بالنسبة للشرقيه في عيادات الدكتورة غسانه بالدمام زميلتي تعمل عندها ونتايجها مرة ممتازة بس زحممممممممممممممممة جدا يقولوا..واسعارها رخيييصة وكل جلسه معها جلسه ثانيه مجانا فاتوكلي على الله..

هدية ربنا
03-28-2008, 12:22 AM
طيب ايش رايكم يا بنات جدة ؟
مين سوت ليزر وعند مين ؟
وبكم الله يوفقكم جميعا

لمسة حنان
03-28-2008, 02:25 AM
[QUOTE=نونـــا الدلوعه;12293519]لمسة حنان وقسم بايات الله دموعي على خدودي
مشكوووره حبيبتي الف شكر ريحتيني ريحتيني كثير ماتتصورين شكثر
الله يوفقك يارب ويجعلها في ميزان حسناتك
احس انك حاسه بشعوري بقوه
ومشكوره الف الف الف شكر وماقصرتي


لا شكر على واجب حبيبتي
وانا فعلا حاسه فيك والله
اتمنى لك التوفيق والرااااااااااااااااااااااااااااااااحه الدائمه:072:
:090:

نونـــا الدلوعه
03-28-2008, 04:44 AM
ايوووووووووه سمعة عن عيادات الدكتورة غسانه بالدمام كثير بس انا ماحب الزحمه احراج احس
طيب غير هذي العياده مافي
طيب ممكن رقم تلفون العياده

رجائي جنة ربي
03-28-2008, 05:49 AM
وعليكم السلام ورحمة الله وبركاته
انا ماسويت بس ناويه بإذن الله بس اههم شي تلاقين طبيب ممتاز
وبالتوفيق

بنت امها ومحد يهمها
03-28-2008, 10:21 AM
اهلين اختي صراحه انا ما جربت بس يمدحون مستوصف مستشفي الدوسري بالخبر مدري الدمام عند دكتورة بس نا سيه اسمها بسالك وردلك خبر

نونـــا الدلوعه
03-28-2008, 11:20 PM
اوكي بنت امها ومحد يهمها انتظر ردك

الفراشه رهام 2006
03-29-2008, 12:46 AM
ايوووووووووه سمعة عن عيادات الدكتورة غسانه بالدمام كثير بس انا ماحب الزحمه احراج احس
طيب غير هذي العياده مافي
طيب ممكن رقم تلفون العياده


اهليين ياقلبي الله يريحك ويشيل عقدتك مثل ما ارتحت وانفكت عقدتي والمشكله اني متزوجه يعني الاحراج على كيفك مع اني كنت حريصه اني ازيله شبه يومي لان الشعر عندي ما يطول اكثر من 3 ايام اما الحين ياااااااي راااااااااااااااااااااااحه نفسيه حتى اذا طلع يطلع خفيف وناااااااااااعم وانا سويه بالجبيل الصناعيه في مستشفى المانع عند الدكتوره امل واول جلسه للرقبه والوجه كامل تقريبا 400 ريال يابلاش عند النتيجه وكل جلسه تقل التكلفه لان الشعر يخف بس ضرووووري قبل كل جلسه تحلقين بموس فبلها باسبوع عشان تكون النتيجه افضل

وارجو اني اكون افدتك بتجربتي

eyeshadow1
03-29-2008, 01:12 AM
لمسة حنان ممكن تعطيني اسم المستشفى اللي سويتي فيها الليزر؟؟

يعطيكِ الف عافية..

أنا لولو أنا
03-29-2008, 01:31 AM
اذا انتي في الشرقيه مافي زي عياده الدكتوره غسانه روووووووووووووووووووعه ورخيص مقارنه بكل العيادات وشاااااااااااااااطره الدكتوره انا شايله عندها بس رجولي ويدي
انصحك تروحين لها هي في الدمام في الشارع الاول

سراب2006
03-29-2008, 07:18 AM
ابغى اسوية بس محتارة وين

نونـــا الدلوعه
03-29-2008, 10:11 PM
الفراشة رهام هو في فرع الى مستشفى المانع في الدمام صح؟؟

نونـــا الدلوعه
03-29-2008, 10:13 PM
الفراشة رهام هو في مستشفى المانع كمان في الدمام صح؟؟
لان عادي ترى اجي الجبيل بس ممكن تقولين كم جلسه سويتي
للحين؟؟؟

نونـــا الدلوعه
03-29-2008, 10:26 PM
لمسة حنان الله يسلمك ياربي ويوفقك

نونـــا الدلوعه
04-03-2008, 03:36 PM
رحت اليوم الى الدكتورة غسانه والصراحة اخلاقها وانتو بكرامة ((زفت))
من دخلت لين طلعت وانا على راسي علامة استفهام ولمن ركبة السيارة جلست ابكي على المهزله الا صارت داخل العياده
من اول مادخلت العياده لين طلعت وعلى فكره الا تقولون اسعارها كويسه ترى اسعارها مو اقل من غيرها يعني المواساه قالو لي الجلسه حق الوجه بـ700 هي بـ600 شنو فرقت 100 ريال الواحد بعد يشتري راحت باله
انا بروح الموعد الجاي بس عشان انه مجاني وبعدها بسحب سيفووووووون مو ناقصه يضيق خلقي على الفاضي من ناس مادرت عنك

لمسة حنان
04-03-2008, 05:47 PM
السلام عليكم اختي نونا
يعني انتي رحتي للمواساه؟؟؟؟؟؟؟؟
طيب في المدينه الطبي عند الدكتورة حاتمه كل مين يمدح فيها بنت خالتي راحت عندها وسوت ليزر للوجه والجسم كله
بس انا رحت عند الدكتوره ضحى في مركز وفاء
بس احسن شئ حاتمه

نونـــا الدلوعه
04-04-2008, 03:54 AM
لمسة حنان ليش هو في فرع في الشرقية

دندونه الأموره
04-04-2008, 05:37 AM
نفسي اسيل شعري بالليزر بس الماما رافضه تماما كيف اقنعها

يااارب اتوظف
04-13-2008, 04:19 AM
up

نجلاء...
04-13-2008, 02:46 PM
مرحبا ياعسل......
والله عندي مدرسة ارحلها تحكيني عن صديقتها عملت الليزر عند مستشفى والله مو فاكرة ايش اسمه وانحرق وشها وجالسين يداوونوا لها بس ايش يرجع نظارت الوجه هو مركز الجمال نصيحة ياعيوني لاتخطي خطوة الابعد ماتستخيري لانها والله مجازفة صعبة الله يوفقك...
معليش عندي لك شئ قريته في المنتى هدا من وحدة من البنات كان موضوعها عن تخفيف الشعر في المنطقة الحساسة حاولي تجربيها قبل لاتخطيها اول ماتشيلي شعر وجهك بالحلاوة افضل من الموس لانة يزيد من الشعر نقعي ترمس في موية كم ساعة وبعد كدا خدي قطنة ومسحي بيها وجهك وانتبهي تقربيها من حواجبك عشان ترى تطيح كل يوم مسحيبها وشك بعد شيلة ولاتقطعيها يعني لازم بعدكل شيل حلاوة تستخدميها حيبدا يخف الشعر شهر بعد شهر والله يفك ضيقك ويساعدك ربنا...ودمتي سالمة

حيرانة2008
04-14-2008, 01:40 AM
وين احسن مكان لنزع الشعر بالليزر بالاحساء وهل هناك نتاتج سلبية
وما رايكم في مستوصف المشافي

حيرانة2008
04-14-2008, 09:01 AM
بنات الاحساء ماهي تحاليل المطلوب الى التى عندها كثرة الشعر في الوجة
وهل مستشفي الملك فهد بالهفوف تقوم بالتحاليل لذلك وهل يكون فحص الهرمونات بالدم وهل عندهم ليزر وما رايكم

نونـــا الدلوعه
04-24-2008, 01:04 AM
حيرانة ايه تحاليل الهرمونات بالدم
واللي عندها شعر يعني مثلييعملون لها تحليل على الغدد منها الغده الدرقيه وتحاليل للهرمونات بس مو فاكره شنو وينظمون لك الدورة اذا مو منتظمه ولازم تنزلين وزنك اذا هو زايد واذا انتظمنة الدورة بعدها بسنة على الاكثر عقب تقدرين تشيلين بالليزر لان اذا سويتيها قبلها راح يزيد

يااارب اتوظف
04-24-2008, 05:42 AM
وين بنات المدينه

؟؟؟؟؟؟؟؟؟؟؟؟؟

beauty_culture
04-24-2008, 02:24 PM
حبيبت سوي ولاتخافي انا سويت في مستوصف الموعد في الرياض وله ميزة حلوى وهي ازالة المنطقة الحساسة بنفسك بعد اخذ الارشادات من الاخصائية غفران مرررررررررررررة ممتازة انصحكي بهم:087::087:

ريم عسل
04-24-2008, 02:57 PM
طيب الضوء احد سمعه عنه في المدينه :)

مها بنت ابوها
04-24-2008, 04:23 PM
وربي نفسي اسويه لكل جسمي بس خايفه

pinke moon
05-30-2009, 11:24 PM
بصراحه مقدر افيدك لاني ماجربت

معانقه الذكرى
05-31-2009, 01:08 AM
ياقلبي انتو الله معاكم يارب يقرب واجي علشان اسوي جنان زيكم هههههههههههههههه

سناء السماء
05-31-2009, 03:03 AM
انا كمان جربت غسانه بس مب لوجهي
للسيقان والذراعين
وعملت لحد الان 6 جلسات على مدى 3 سنوات
والنتيجه مرضيه جدا جدا :0149:
واسعارها معقوله

ROAZA
05-31-2009, 04:02 AM
اللي تبغى تعمل ليزر في جدة عندها عيادات ادمة في مركز بن حمران التحلية روووووعة

المستقيمة2
05-06-2010, 11:41 PM
عندك مركز دايموند بالرياض
عند د حنان شاطره وفاهمه
رقم مركز 8801001

رنا 2000
07-10-2011, 12:24 AM
بنات الاحساء عندكم مركز كيان الطبي رووووعة وارخص من المشافي والاحساء والموسى
سويت عندهم رجولي وايديني والابط ب ٩٧٥ ريال صراحة سعر خيال. طبعا هذا في فترة الخصم ٣٥٪
وجهازهم. افضل جهاز جنتل ليزر ...

ولو كان عندهم ليزر ذاتي للبكيني كان روعة بس للاسف ماعندهم حسافة فاضطريت اسوي في مستشفى محمد الدوسري بالخبر ب ٦٦٠ ريال صراحة غالي مقارنة بكيان ( عند كيان ليزر الكيني ب ٣٩٠ ريال )بكرة موعدي والله يسر للجميع ...

توفي المنتوفي
07-10-2011, 09:23 PM
http://i1.makcdn.com/m002/alfrasha/imagesNew382/misc/trashcan_small.gif http://i1.makcdn.com/m002/alfrasha/imagesNew382/misc/sticky.gif مثبت: ||~ فسحة ليزريّة لأي آستفسار أو تجربة في مجالات الليزر ][ يمنع فتح أي موضوع جانبي ][ (https://alfrasha.maktoob.com/alfrasha10/thread1631564/) (http://i1.makcdn.com/m002/alfrasha/imagesNew382/misc/multipage.gif 1 (https://alfrasha.maktoob.com/alfrasha10/thread1631564/) 2 (https://alfrasha.maktoob.com/alfrasha10/thread1631564-2/) 3 (https://alfrasha.maktoob.com/alfrasha10/thread1631564-3/) ... الصفحة الأخيرة (https://alfrasha.maktoob.com/alfrasha10/thread1631564-5/))


Content Relevant URLs by vBSEO 3.6.0