المساعد الشخصي الرقمي

مشاهدة النسخة كاملة : من عندها أفكار جديده لسفرة العجم؟؟



*بيان*
11-07-2005, 06:58 PM
من عندها افكار جديده لسفرة العجم ..يعني حركات واشياء اسويها في السفرة..في ناس قالوا لي احط حوض سمك زينه..وفي ناس قالوا صندوق مبيت وناس قالوا حوض واحط فيه ماي واحط شموع تكون عايمه ..غير هالافكار من عنده بعد ..انا اعرف فراشات المنتدى مبدعاااااااااااااات في هالسوالف من جذي قلت بسألكم :gfdee44 وما خاب من استشااااار

elwlhanah
11-07-2005, 07:06 PM
الصراحه حبيبتي .. انا بعد كنت أفكر بالموضوع وخاطري بشي يديد بس ماعرف شوووو ؟؟ يا ريت لو انساعد بعض اذا يت أي فكره على بالي بخبرج ....

*بيان*
11-07-2005, 07:25 PM
أكيد افااااااااااا عليج من عيوووووووني تآمرين أمر
بس انا الحين افكاري واقفه نااشفه ههههههههههه عشان جذي نزلت الموضوع بالمنتدى وان شاءالله الفراشات يساعدونه
وانا أول ما اسمع فكره يديده بقولها لج

عقيق
11-08-2005, 05:03 PM
تقدرين تسوين السفرة و الحلاوة و الزينة و كل شي فيها بلون الفستان الي بتلبسينه مثلاً لو كان أحمر يكون كل شي في السفرة باللون الأحمر و فكرة الشموع العايمة تناسب اللون الأحمر و تاخذين القلوب الي تنباع في الأنوار الي فيها عمود و تحطينها في وسط الحلاوة و تغلفينها من تحت عند العمود و تستخدمين الورود الحمرا في التغليف هذا الي يحضرني بالنسبة للون الأحمر

و الحين طالعة موضة القاعدات الي تلمع الي لونها فضي


وتقدرين تسوين ستايلها قديم يعني تجيبين جرات فخار صغيرة و تحطين فيها الحلاوة و في أشكال على مباخر و تقدرين تلونينهم باللون الي يعجبج و تحطين حلاوة في سلال صغيرة من خوص و تحطين في الغرفة أشياء تراثية و تكون المنظرة تراثية


انتي حددي الفكرة أو اللون الي في بالج و انا احاول افكر في أشياء

عروس البحرين
11-09-2005, 09:35 AM
موضوع حلو جدا جدا
يالله طلعو افكاركم
و منكم نستفيد

*بيان*
11-09-2005, 01:10 PM
انا تقريبا لون فرش السفره احمر مايل للماروني وفيه شوي ذهبي ..وعندي قاعدة للسفرة بس تكون على الارض انا بخاطري تكون السفرة شوي مرتفعة بس مو عارفه شلون اخليها مرتفعه؟؟
وشفت بعد في لايف ستايل مخدات كباااااااااار تقريبا حجمهم مثل حجم المساند الي في الجلسات الشعبيه ولونهم بالضبط مثل لون فرشة السفرة ماروني وذهبي ..ابغي اخذهم بس ما اعرف شلون استفيد منهم ؟؟؟؟؟
بس اكثر شي محتارة فيه شكل الجلسة انا عندي جلسة اختي بس لونها اخضر وما كانت تساعد هههه في ملجتها كان المسند كل شوي ينزل ..ابي شكل غييير في حركه ...الحين طالعة حركات يديده مثل يسوون خيمة صغيره للمعرس والعروس بس وتكون مزينه بشكل تراثي ..او يسون مرجيحه من الخشب وتكون للموديل الحديث ..الي عندها افكااااااااار لهالشي لا تبخل علينه ولو كانت فكره بسيطه نقدر مع بعض ناخذ من كل فكرة شوي ونطلع بشي جديد وحلوووووو
ومشكووووووووووووووووورين وان شاء الله نخدمكم في افراحكم

عقيق
11-09-2005, 05:56 PM
عجبتني سالفة المرجيحة شكلها حلوة لو تاخذينها

و المخدات تقدرين تاخذين صندوق كبير و تحطين فيه قماش من داخل و طالع لبرى الصندوق و الصندوق مفتوح شوي و ترمين المخدات على جنبه بهاذي الطريقة تقريباً

http://alfrasha.com/up/4997122691021364727.jpg

و تقدرين تحطين الصندوق مفتوح و القماش مغطي فتحة الصندوق بالكامل و تحطين القرآن داخله

و بالنسبة للمرتفع فيه في السوق الشعبي مرتفعات في محل عنده أغراض لسفر العجم و لو حبيتي تسويه بنفسج خدي كم طابوقه 4 يعني و حطي عليهم قطعة (بليوت) خشب و غطيه بالقماش الي تبع السفرة و حطي عليه الأغراض


وإن شاء الله استفدتي من أفكاري و إذا تحبين أي مساعدة بعد قولي تراني تفاعلت مع الموضوع و صار خاطري في سفرة بس للأسف ما بسوي لن زواج مو خطوبة




باااااااااي

*بيان*
11-10-2005, 11:21 AM
هههههههههه طابوقات تبين امي تروحني في خبر كااااااااااااان ..احط لها طابوق على الارض بس مو مشكله نقدر نسوي في الطابوق حركه.. بس انا الي خايفه منه انه القاعدة ما تستحمل وتنكسسر اذا صارت ثقيله لانه القاعده الي عندي (فلين) بس متييين وقووووي ومغطي بنايلوووووون صاير مثل البلاستك بس بعد خايفه في نص الملجه تنكسر هههههه بس مو مشكله نتدبرها..
على سالفه الصندوق احنه عندنه في البيت صندوق مبيت ويصلح لهالفكره الي قلتيها بس ما بقدر احط القران داخله لأن القرآن الي خذيته محطوط في صندوق بعد ..بس اقدر احط داخله اشياء غير او مثل الي حاطته انتي بالصورة .
انا سمعت انه العجم في السفرة يسوون اشياء يعني مثلا (كل واحد من الزوجين ياكل الثاني عسل بيده <---عشان يضل الحب خالد بينهم) ..هذا الي اعرفه بس اذا في وحده تعرف شنو يسووون من حركات تعلمنه

عقيق
11-10-2005, 06:46 PM
هلا بيان ليش مستغربة من سالفة الطابوق أنا شفتها بنفسي في ملجة حماة اختي بس عموماً على راحتج

و بالنسبة للحركات الي يسوونها في سفرة العجم في أثناء إجراء العقد توقف بنتين و كل وحدة عندها قندون سكر و يحكونه مع بعض على راس العروس طبعاً في خلق أو شي يعني مو على راسها مباشرة و تكون هي في هاذي الأثناء حاطة رجلينها في وعاء فيه ماي ورد و ورد


وسلامتج

*بيان*
11-11-2005, 10:34 AM
تسلميييييييين حبيبتي عقيق
وللفراشات اللي ما يعرفووووووووووووووووون يعني شنو سفرة عجم انا بحاول اوضحها مثل ما اعرف والفراشات ان شاءالله بعد يوضحونها لكم اكثر
سفرة العجم هاذي تقليد من تقاليد العجم وهي تكون في ليلة العقد يحطوووووووون سفرة ويحطوون فيها اشيااااااااااااء وايد يعني مثل الحلويات والمكسرات مثل الجوز واللوز والبندق المصبوغ باللون الذهبي او الفضي والبعض يسوي بألوان ثانيه ويحطون فيه اناناس بعد مصبوغ وبعض الهدايا والتحف للمعازيم ويحطون فيها قرآن ومنظره <---مقابل وجه العروس والعريس
وفي بعض البنات يحطون اطار وداخله صورهم <----هاذي حركه جديده
وبعدين يقعدون العروس والعريس قبال السفرة ويواصلون احتفالهم بليلة الملكه
ان شاء الله قدرت اوصل لكم المعلومه واذا عندكم أي استفسار بعد حاظرين وان شاء الله الاخوات الي يعرفون معنى سفرة العجم يوضحون الاشياء الي ما وضحتها انا

ملسونا
11-11-2005, 12:24 PM
اول مره اسمع عن هالشي

اصلا مافهمت اللي تقصدينه عدل

ان شاء الله اللي تعرف وعندها فكره عن هالموضوع تساعدج

ريحانة عمرها
11-13-2005, 01:06 PM
صراحة الموضوع حلو و يستاهل لان انا بعد فترة عقد قراني و من الان احضر الاشياء اللازمة.
اختي سفرة العجم تقليد ايرني صحيح لكن عراقي ايضا, الغاية من هذه السفرة حسب معتقدات البعض, جلب السعادة للعريسين و الحب الابدي. بالنسبة لنه نحن العراقيين و الايرانين ايضا تكون السفرة ساعة عقد القران, يكون الشاب جالس خلف ستار مع الشيخ و البنت جالسة جانب السفرة متجهه على القبلة. تكون جالسة على مرتفع و رجلها في وعاء كبير من الماء و في هذا الوعاء ماء ورد مثل ما قالت الاخت مع نوع من انواع النباتات اسمة الياس له رائحة جدا طيبة, ام العروس تجيب حبات هيل و تبدأ بوضعهم بين اصابع رجول بنتها داخل الماء. العروس تكون جالسة و لابسة ثوب نوم ابيض طويل وعلى راسها شال ابيض, و تقرأ القرأن, سورة الفتح,تجي الام وتوضع حبات الهيل بين اصابع ايد العروس. عادات ايران ان يجيبون بنت و تبدأ بحك السكر فوق راس العروس و بعد ماينتهي العقد و قبل الزواج يصنعون من الهيل و السكر مع بعض الطحين حلاوة يأكل مها العريس, طبعا هناك عادات كثيرة يسوها الايرانين بهذا المجال.

ورقة
12-08-2005, 08:44 PM
أختي بيان واختي عقيق ممكن تأجروني سفرتكم
والى كل الاخوات
بليز ساعدوني أبي أستأجر سفرة عجم راقية وبسعر مناسب
ممكن تدلوني؟

وأبي استأجر فستان خطوبة من بنت مسويته بمحل راقي
راسلوني على ايميلي hanoonn@hotmail.com
لاني ماأقدر استخدم الرسائل الخاصة

نمووله
12-08-2005, 11:01 PM
عندج محل ليالي فرح في سوق واقف
السفرات مالهم رووووووعه ..

ba6ah
12-09-2005, 03:46 PM
مرحبا اختي
نحنا سوينا في سفرة بنت خالتي سلال صغيره من المارينا مول اللي في المنامه فوق عاد ما اذكر شو اسمه
السلال الصغيره اللي تنحمل ولزقنا دار مدارها ورد على لون فستانها (الفستان كان لونه أصفر فاستخدمنا ورد عباد الشمس)وحطينا جوز ولوز طبعاً بالقشر وصبغناه بالبخاخ الملون (استخدمنا الذهبي والاخضر) واشترينا مثل المله كريستال كبيره شوي من المارينا بعد كان لونها اخضر وحطينا فيها ماي والشموع على شكل ورد عباد الشمس وأوراق شجر ومنظره في النص كبيره قماش السفره خلطنا الاصفر والاخضر (الاصفر كان شيفون بس الاخضر ما اذعرف شو اسمه بس اذكر انه كان ثقيل يعني هو اللي كان الارضيه والاصفر فوقه) ينحط بشكل عشوائي (يعني يكون معفس) والشمعدانات ثنتين كبار على حسب الفستان يا امه فضي او ذهبي
وانشالله ما اكون نسيت شي واذا عندج اي استفسار طرشي لي على الخاص

فلونة20
01-05-2006, 12:50 AM
عندي فكره عجيمه انج تحطين في السفره خيمه صغيره يبيعونها في الانوار واتخلين بداخلها او جوانبها مصابيح ما ل اول ما ادري شسمونهم والباقي يكون ترتيب عادي وفكره لشموع وايد حلوه واتمنى اني افدتج :dfr3

*بيان*
01-13-2006, 01:06 AM
افكاركم حلووووووة انا قاعده واسجل في دفتر وكل مااروح محل ويعجبني شي اشتريه مع ان ملجتي باقي عليها تقريبا 3 اشهر عشان احاول اسوي كل شي وان شاء الله ما انسى شي لانه حزة الحزة الواحد ينسى شكثر اشيااااء


Content Relevant URLs by vBSEO 3.6.0