المساعد الشخصي الرقمي

مشاهدة النسخة كاملة : * أفضل مطاعم جدة الرومنسية والهادئة للعرسان الجدد *



وردة الحب
06-27-2008, 05:19 AM
السلام عليكم


:0108:


صباح الخير


اخواتي المتزوجات وإلي لها خبرهـ بالمطاعم



ياليت تدلوني على مطاعم هادئة ورومنسية بجدهـ وكمان كافيهات فيها بارتشن


بعيدهـ عن الأزعاج وعن المسخرهـ تعرفوون جدة الله المستعان بس


لأن هذي اختي الكبيرة ومالي غيرها


زواجها مرره قرريب


الله يتمم لها على خير يااارب ويوفقها بحياتهاا



والله يسخر كل وحدة ترد علي من في السموات والأرض ويسهل امورها ويسترها وين ماكانت



اختي بأنتظار ردودكم


:071:

وردة الحب
06-27-2008, 05:22 AM
للرفع

وردة الحب
06-27-2008, 05:51 AM
للرفع

أم جوجو ومجود
06-27-2008, 07:00 AM
حبيبتي الله يهني اختك وفيه عندكم مرسى الأحلام الي في ابحر يجنن خاصة في الساعات الأخيره في الليل ومفتوح 24ساعه انالمااتزوجت بس كان ايام دراسه نروح اناوزوجي ايام الأسبوع ونركب يخت و الجلسه مجاني بس خميس وجمعه والإجازات الجلسه الصغيره لازم تطلبي من المطعم اقل شي ب150 حتى لوشخص واحد
ومشكلة المسخره والله في كل مكان تقعدي فيه بس اهم شي تستمتعي

شقاااوة
06-27-2008, 10:40 AM
قي مطعم صيني محترم والبارتشن حقهم ممتز واكلهم حلو
اسمه خليج الصين ..... امشي على شارع الروضه خلف كوبري المربع بعد اول اشاره راح تلقي لوحه مكتوب عليها مطعم خليج الصين تلفي يمين بعد المطعم الياباني

مطعم الشموع الحمارء هذا فيه كافيه بعد بس ماعمري رحته هذا بالتحليه

في غيرهم بس اغلب المطاعم مافيها بارتشن

روز الشام
06-27-2008, 11:11 AM
مطعم الودعة بمنتجع موفنبيك
النورس جنب دوار النورس ررررررررروعة وهادى

وردة الحب
06-27-2008, 11:59 PM
يعطيكم الف عافية

وردة الحب
06-28-2008, 12:01 AM
للرفع

زهرة الفانيلا
06-28-2008, 12:01 AM
الهليتون والشيرتون
ووووااااااااااااااااااااااااااااااالف الللللللف مبروك

ام دانه****21
06-28-2008, 12:05 AM
عندك صن رايز انا كنت احبه ومرسى الاحلام ونكهة زمان فطور او عشى جدا رائع قريب من شامي وابو شقره اللي عالبحر وكافيه رانديفو مفتوح 24 ساعه هدا ايام زواجي مره رائع

روح الغالي (:
06-28-2008, 12:16 AM
للرفع افيدونااا

روح الغالي (:
06-28-2008, 12:17 AM
ياليت تذكرون اسم المطعم مع الموقع

مغرورة بس معزورة
06-28-2008, 12:35 AM
الف مبروك
الشموع الحمراء فى التحلية
جافا شارع الاندلس
توران شارع الاندلس جدا رائع بس غالى
تشليز وروبى توديز شارع الاندلس هادين وماحد لة فى الثانى
الجونة التحلية
ابو شقرة والسرايا جنب بعض فى البحر
المطعم الايراني اسعارة معقولة ومقفل وجدا نظيف اول البحر:01:

راجيه رحمه ربها
06-28-2008, 01:21 AM
حبيبتي ألف مبروك لاختك وعقبالك ,بس ترى هاذي الايام جده مره زحمه والله يعينها ,في اماكن كثير حلوة في جده بس ماتخلى من الزحمه والمسخره والله المستعاننننننننننن لكن اكثر الاماكن الحلوه الي رحتها هي المطعم الخليج الصيني,مطعم شيزان الهندي,مطعم اليلدزلار,المطعم الايراني في البحر,اما الكافيهات ماأنصحك كلها مرقعه والله المستعان والله يسعدنا جميعا

مضيعه اختها
06-28-2008, 02:57 AM
احم احم بما اني فتاه عاطله ماعندي لاشغله ولامشغله
بس فرفره في هالمطاعم والكافيهات مع البنات اللي زيي عاطلات :061:
احب افيدك باللي اعرفه بس مالي صلاح لو ازواجكم شدووكم من شوشتكم
لاتراعو وحده عاطله :061:



عندك الاندلس في مطااعم وكافيهاات كثييييره منها ...
سينسيز ..
مره اكله فضيييع والمكان حلو ومرتب واكله مو مره رخيص يعني غالي شويا
بس مافي بارتشين وتقريبا الدنيا هناك هيصه وزنبليطه
يعني مو رجه لا فساد مرره اتوقع اللي زوجها فله وماعندو مانع هي
اللي تنبسط فييه اما اللي مشدد عز الله بيشدها من شوشتها


تشيليز ..
اكله حلوو ويجنن ومااتتذكر اسعاره كيف بس المكان رجه ومافي بارتيشن بس
طبعا كل واحد ففي حاله ومافي قله ادب ومسخره لان اغلبهم
اجانب اللي هونييك :066:


روبي ..
جنب تشيليز بس مرره مو على قد سمعته اكله مو هذاك الزود يعني ماانصحكم فيه
بس اللي عندها حب استطلاع تروح وتجرب الاذواق تختلف


توارن ...
اكله لزيييز مرره واسعاره حلوه بس برضوو تحسييه موو مره مستر يعني مايحطوولك
بارتشين بس اصلا المكان كله اغصان وحركات يعني مو مره حتكوونو باينين
الا لو جو ملاقيف زينا انا والبنات اللي عندي وطلو فيكم لانكم عرسان :061:


فرايديز...
مرره يعجبنــي واكله خطيييييييييير واحبه حب من كل اعماق قلبي :0151:


كاسبر اند غامبنيز ...
مممممم يعني مش ولابد انا ماعجبني بس برضوو روحو واكتشفو زي ماقلت الناس ازواق


نجي للتحليه ..
الشموع الحمرا ..
مرره مستـر محد يقدر يشووف ظلك كمان واكله مرره لزيز واسعاره جيده
بس حسيت المكان مكتووم حبتين مافي هوا ونفس :043:


هارلي جنب بارنيز ..
مرره خطييييييير ويعجبني بس الدنيا هناك هيصه ومافي بارتشينات
وفي قسم خاص للي يعسلو وقسم خاص للمؤدبين واكله مرره
جيييييد بس حسيته غالي شويا وديكووره مره فضيييع :032:


ومتشوووز <- اذا ماخاب ضني كذا اسمه ورا التحليه
مافي بارتشين بس اكله حلوو ورخيص ماهو غالي والناس حالهم حال
نفسهم محد يطل فيكي


وكمان في سووق كورال موول اللي في التحليه في
مطعم اسمه قووديز اتعب اقوول اكله يجنن
ورخيييييييص اكله مرره مرره مافي بارتيشن لان هناك كلهم لبنانيين وحالهم حال نفسهم
محد يطل في الثاني :0149:



في لووست ستــي ..
قدام فندق الانتر اللي ع البحر
مرره يعجبني بس مافي بارتيشن اكله لزيز اسعاره ماافتكر كيف والله


اروما كافيه ورا لوست ستي ..
فيه بارتيشن واكله لزييييييييز واسعااره حلووه
ورخييييييص . ويعجبني جدا:087:


ومطعم بيبلووس وبيبلس مرره مرره خطييير
بس اغلى مطعم في جده لانه قائمه اكله من قاعه
ليلتــي مافي بارتيشن وفي قسمين قسم للاكل اللبناني والاكل الايطالي
ومرره مرتب المطعم وفخم وحلوو بس ناااااااار :(


شارع فلسطين ؟
جافا ..
مافي بارتيشن اكله مو مرره رخيص بس لزيز اكله يعني اسعاره معقووله بس ماهي رخيصه
المكان كديكوور رووعه بس الناس هنااك بايعه الدنيا هههههههههه
وقدامه على
طوول فيه فيرتقو
برضوو حلو كديكوور اسعاره مو مره رخيصه اكله يعني اقدر اقول جيد نوعا ماا
مافي بارتيشيين


بلاك رووز في الخالديه
روووووووعه ومكان رومنسي وهادي بس اكله مررره مو شي وماعجبني
اسعااره نار على غير فايده المنيوو غريب باللهجه الصينيه شكلو هههههه < امزح :061:


واللي عند البحــر...
الودعه ..
فضيييييييع×فضييييييييع روحيه بدوون تردد مو مره رخيص ومافي بارتيشين
بس مكان مره حلو واكله لزيز
مرسى الاحلام ...
مايعجبني انا ابدا ابدا بس حلو لما تطلعي ع اليخت فقط لاغير
شاطيء لاكوستا ..
حلوو في بارتيشن اكله رخيص ولزيز والمكان ع البحر يعني حلوو مرره
بس في هذا الحر يقرف طبعاا


صن ست ..
فيه جلستين وحده برا في الهوا وحده جوا عند التكيف اللي برا ماهي
مستره ومافيها بارتيشن بس اللي جوا فيها بارتيشن اكله تقريبا لزيز
ورخييص ماهو غالي
وعندك شيزان <- اكل هندي
الخليج الصيني
الفطووور عندك ..
ابو شقره
الثمرات
كان ياماكان
مممممممممممممممم افتكر كمان
في كمان ستيك هاوس على مااظن في التحليه
وفيه في فندق الهيلتوون بس اسعاره نااار
وفيه قدووره للسمك
واذا تذكرت كمان حرجع ههههههههههه

مضيعه اختها
06-28-2008, 03:11 AM
تذكرت
بااااااك
مقهى راندفو ..
في التحليه بس جداا جداا سيء هذا المطعم نصيحه
لوجه الله لاتروحيلو حتى لو وحده مدحتلك هوا
اوحش مطعم على وجه الكره الارضيه
انا قلتلك علييه عشان احذرك منه هههههههه

كوفي اندر ذا سي ..
في الكورنيش بعد ففندق الانتر حلوو مرره ورووعه
بس بصراحه انا دخلت تفرجت عليه وطلعت يعني
مااكلت فييه فمااقدر افيدك
كوفي دريم لاند
في التحليه برضوو حلووو

ناندوز عبارة عن مقهى ومطعم وله فرعين بالتحلية
وشارع صاري


واذا تذكرت كمان حرجعلك
هههههههههه
<- شكلي بنشب هنا

حجازيه
06-28-2008, 04:34 AM
في عندك الودعه

ومرسى الأحلام الجلسه فيه جداا رائعه

هدى888
06-28-2008, 04:56 AM
رومانس جنب دهانات الجزيره
فدر كرز اكلهم حلو بس مافي بارتشن ومسخره احنا نشتري الاكل ونطلع
الذواقه فضيع
شامي مشويات وكانون اعتقد بشارع الروضه

روح الغالي (:
06-28-2008, 05:35 AM
مررره افدتونااا

روح الغالي (:
06-28-2008, 05:36 AM
اب

ام كيان وكنان
06-28-2008, 06:53 AM
تشيليز>> اكلهم طعم بالذات الفاهيتا جنااااااااااان

توارن>>> كوفي ومطعم كمان اكلهم لزيز

فرايديز>>> ما حبيته

جافا+هارلي+فيرتيقو+سينسيز+دريم لاند >>>>>كلهم ينفعو لطلعة بنات وهيصه وفله مو للمتزوجين(من وجهة نظري)

كنز ابحر>> نايس

الشموع الحمراء>>> كئيييييييب ومشروباته مو طعمه
وبأمانه ما اعرف كيف اكلهم لأننا ما طلبنا اكل

درة الصين
الاستكوزا>>شارع الروضة

الخليج الصيني<<<الروضة

شيزان

سيزلي(مطعم صيني)<<<<في السليمانيه

sea cave كهف البحر>>>في البحر فوق بيتزا هت
(رااااااااائع ورومنسي بالذات انه يطل عالبحر على طووول)

وردة الحب
06-28-2008, 02:30 PM
يعطيكم الف عااااااااااااااااافية

وردة الحب
06-28-2008, 02:30 PM
اب

وردة الحب
06-29-2008, 12:27 AM
up

دوعنية
06-29-2008, 04:30 AM
للرفع

*دلوعة جوجو*
06-29-2008, 07:33 AM
فيه مطعم جديد وأكله مره طعم وأهل الرياض بالذات حاسدينا عليه مطعم ( ا ل ب ي ك)هههههههن ههههه
الحيين بأكلمك من جد أفضل مطاعم جدة
(شيزان الهندي, الودعة, السرايا, رومانس, ابو شقرة, شامي, الشموع الحمراء, أشواق
وأفضل شئ فيها المشاوي وبعضها في أكلات طعمه لو تبي قائمئة بأفضل الوجبات خذيني معاك واختار لك
هعههعهعهعهعهعهع

لحظة مجد
06-29-2008, 09:07 AM
مشكورين حبيباتي
افدتونا
لكن اشوف ان أكثر المطاعم اللي قلتوا عليها ما فيها بارتشن
وانا ما اعرف أجلس بدونها فما بالك بزوجي
الله يسترنا
ومشكورين مره ثانيه

لحظة مجد
06-29-2008, 09:09 AM
طيب بنات مين جرب
مطعم ( إلشاليه السويسري ) اللي في الكبري المربع
كيفه حلو وكيف أكلهم ؟؟

ام عبوودى1
06-29-2008, 01:40 PM
1111

@سرابي الدمع@
06-29-2008, 02:50 PM
ماشاء الله تبارك الله......

فراشة استرالية
06-29-2008, 06:18 PM
يعطيكم العافيه حبايب قلبي
انا استفدت كمانا من الموضوع

وردة الحب
06-30-2008, 12:26 PM
up

(ليالي)
06-30-2008, 01:47 PM
أنا من جدة ياقمر و فنانة في هالشياء
1/ عندك كنز أبحر في أبحر على نفس إتجاه مرسى الأحلام بصرااااااحة يجنن على البحر و خياااال بس بالليل أحلى و خليها تطلب ( هامور بسلطة الكنز ) أكله ولا أحلى منها مع سلطة سيزر.
2/ مرسى الأحلام بعد جنان و خليها تاخذ يخت.
3/ مطعم ( بامبو ) للأكلات البحرية في الروضة قمة في الرومنسية .
4/ مطعم أسعاره حلوة و أكله حلو ( مطعم عصيرات لبنان ) بشارع التحلية
5/ الكوفي كوفي الهيلتون يااااااااااااه وش الرومنسية
..... الله يوفقها و يوفقني و يرزقنا السعادة الزوجية

امـ سارونه
06-30-2008, 03:55 PM
مطاعم الهيلتون مستره؟؟؟ والفطور كم اذا كان بوفيه مفتوح ؟؟

..غموووض..
07-01-2008, 03:36 PM
يابنات انا ما انصحكم ابدا بالهيلتون بكل مطاعمه صدقوني انه مرة قذر ومطابخه ماتندخل ..
وياما صارت مشاكل بسبب هالشيء وغير ان أكله مو طعم ابدا وغالي على لا شيء ..
تخيلوا في مطعم منهاتن اللي بالجراوند فلور مر من جنبي فار غير انه وحدة من صاحباتي لقيت بالكبة صرصور ..
عنجد انتبهوا منه ..

سكون
07-01-2008, 08:14 PM
معقولة نسيتوا أفخم مطعم وأطعم مطعم ؟؟؟؟؟؟؟؟؟؟؟؟؟؟

مطعم الجبيانو الايطالي .. قريب من فندق الهيلتون ..

أميرة المكية
07-01-2008, 08:41 PM
كروان بلازا
وكمان
الجزيرة الخضرا
والله يوفقهم يارب والف مبرووووك

شذى عطرك يذكرني
07-01-2008, 10:13 PM
والله ياوردة الحب مطاعم رومانسيه موجوده بس اللي نادرا ماتلقينه عندنا بجده وجود البارتيشنال تدورينه بشمعه في كوفي ومطعم تقاطع شارع فلسطين بطريق الملك خلف مطعم تشيلز اسمه توارن ديزاينه افريقي ومره روعه ومطعم الشموع الحمراء ومطعم السقاله في ابحر مره حلو وكمان في مطعم مره روعه اسمه لوتس سيتي جوار فندق الانتركونتيننتال ومطعم شهرزاد الهندي بطريق المدينه الخ................وسلامتك

jodi4ever
07-02-2008, 05:03 AM
أبل بيز في شارع الأمير سلطان رايق مررررررة,,,بدون بارتيشن ...
والمطعم الصيني نسيت اسمه عند الراية برضه شارع الأمير سلطان في بارتيشن والمطعم الايطالي اللي عند دوار النورس وفي كنز ابحر في جلسات مقفلة وفي مطعم قريب من شارع صاري المطعم عادي جدا لكن كله روووووعة خصوصا الماكولات البحرية اسمه الدار
مطعم شامي أكله يعني..بس في بارتشن
والمطعم الدوار لوسييل مارحته لكن اللي راحواله يقولوا احلى من مطاعم بره الدوارة لكن لازم حجز قبل ماتروحي
ونسيت الباقي لما أذكر ارجع لك

~~عاشقة زوجي~~
07-02-2008, 06:34 AM
يااااااااااااي روووعه يابنات استفدت منكم
انا بصراحه الودعه يعجبني
ومرسى الأحلام راااايق
وكمان السقاله حلووو اكله طعم مرررره بس المكان حلو بس مو فخم

مهمة جداااا
07-02-2008, 09:34 AM
موزوع رووووووووووعه مشكورين بس بسالكم بنات اللي تكتب المطعم تكتب وش الاكل المفضل فيه عشان نطلع برستيج ولانحوووووووووس واخرتها نطلب شي مانعرفه خاصة المطاعم الايطالية وكدا وتسلم ايادي اللي اتحفوناااا

بنت نت..
07-03-2008, 02:13 AM
عنك لوسييل المطعم الدوار في جده عن جد لايوصف في الجمال ومطعف وكافيه مشروم خطير وكافيه تي روز جنب تشليز قمه الرمنسيه 100 مره أروحلو ولا أشبع منه تحياتي

امـ سارونه
07-19-2008, 06:37 AM
حبايبي انتم كتبتو بدون ذكر وجود باتشن او لا
بليز انا يهم زوجي هالموضووووع

#شموخ إمرأه#
07-19-2008, 08:12 AM
يبنات الودعه كيف غالي او وسط او رخيص

زهور الربيع المتفتحه
07-19-2008, 08:16 AM
وااااااااااااااااااااااااااااااو( مطعم شيزان )
هندي رووووووووووووووعه وهادي واضائته خافته واكلهم جنااااااااااااان

الحبوبـــه
07-19-2008, 08:31 AM
الله يوفقها اتمنى لواعرف

لوليتا الفوشية
07-19-2008, 08:43 AM
مطعم بالم بيتش عند كوبري المربع...
ومطعم الشموع الحمرا رومانسي بس اكلو مو شي..
ومطعم يلدزلار في الحمرا القديمة...ومطعم سينسيز...في الاندلس قدام هارديز...وكافيه اسمو انواع القهوة قريب من ايس لاند...كانك رايحة ع محل سمارت...وكمان اروما كافية او نكهة القهوة ع البحر قدام النافورة....مطعم الذواقة بشارع صاري...

لوليتا الفوشية
07-19-2008, 08:52 AM
لا الودعة اسعارو نار..حتى يلدزلار

وردة الحب
11-21-2009, 10:33 AM
لاالـهـ الآ أنت سبحــانكـ انـي كنتـ منـ الظالميــن

حمامة الحرمين
11-21-2009, 11:20 AM
معقوولة ولا وحده اتكلمت عن كافي بابايا طبعا هوا مطعم وكافي في نفس الوقت عند دوار القبضه

والله جلساته دمااااااااااااااار مرة كلها اشجار ونخيل ولو تروحوا على العصريه احلى واحلى لأنه جزء من

السقف قزاز ونور الشمس يدخل ويعطي جووو حلووو واكلهمم لزيزز مرررررة واسعارهم مو مرة رخيصه طبعا

انا لما نزلت السعوديه قبل كم شهر رحتوا مع اهلي واختي جات مع خطيبها وقعدوا في الناحيه التانيه ومرة انبسطنا بس اتمنيت زوجي معايا :059:

ان شاء الله لما نرجع سوى اروح معاااااه بإذن الله


Content Relevant URLs by vBSEO 3.6.0