المساعد الشخصي الرقمي

مشاهدة النسخة كاملة : بنات جدة ساعدوني الله يسعدكم



جوري000
08-22-2008, 04:37 PM
السلام عليكم ورحمة الله وبركاته

الله يسعد كل وحدة تساعدني ويفرج همها

انا مو من جدة لكن بروح لها بعد العيد اشتري منها لزواجي وحابه اعرف ايش المحلات الحلوة عشان ما اتشتت
ياليت تقولوا لي ايش المحلات اللي تبيع ملابس داخليه وقمصان النوم غالي ورخيص ووين موقع المحل
ومحل اكسسوارات غالي ورخيص وموقعه
وبجايم حلوه كمان غالي ورخيص وموقعه
ومفارش سرير فخمة
وملابس بيت
وملابس خروج
وجزم وشنط
وياليت تقولو لي كيف محل الهرم وتوب تن وتاج توج
اسمع عنهم كثير
وبسأل مجمع الشرق فيه بجايم ولانجري حلوه والا لا
وايكيا ممكن احصل فيها الانوار(اللمبات )اللي تجي سلك طويل
وروب الدخلة فين ممكن الاقي اشكال حلوة
والله يسعد كل من ردت علي وفرجت همي

بنت-مكة
08-22-2008, 05:26 PM
شوفي حبيبتي
الهرم وتوب10وتاج توج حلوين مايحتاج اقول وكل شيء ب10
وايكيا حلومرةوالسلك الطويل عندهم وباشكال مختلفة
اقمصة النوم نعومي لاسنزافي التحلية
واولالا في ريدسي مول روعة وغالي
والمفارش الحلوة في سوق الجوهرة جنب النجار
واكسسوارات فخمة في سوق الحفني عندعمادرزق
وملابس البيت في شارع صاري جنب تاج توج

الملاك الحنون H
08-22-2008, 05:32 PM
مشكورة واللة افدتي وانتظر جديدك

أنا--النعوومه
08-22-2008, 06:55 PM
بالنسبه للاسواق الحلوه بجده طبعا حلى سوق عزيز مول واسعاره بين المتوسط والغالي..فيها محلات لانجري زي نعومي ولاسنزا ولافي اند روز وغيرهم..وفيه محل اسمه نيو لوك بعزيز مول ملابسه رووووعه واسعاره حلوه وفيه ملابس خروج ولانجري واكسسوارات وجزم وكل شي بنيو لوك..وفيه محلات مفارش السرير راقيه وامريكيه..
وبالنسبه لملابس البيت لاتشترين من الغالي كثير انا اشتريت اغلبها من المحلات اللي بشارع صاري اللي قالتلك عليه الاخت بنت مكه كلها ب10 وتجنننننن
ومجمع الشرق الاوسط بشارع لمكرونه فيه اقمصه حلوه بالذات محل النجمه عندهم ارواب اول ليله وعنده بدل رقص روووووووعه..والاكسسوارت الغاليه والحلوه في سوق الحفني بالتحليه او عند الدو فيه حراء الدولي..والاحذيه عند خطوات وبرضه في محلات بمجمع الشرق عندهم احذيه وشنط تهببببل..واذا تبي شنط غاليه وفخمه في حراء الدولي وفي ردسي مول..وبالنسبه لشنط السفر الكبيره من عند قزاز..
والاكسسوارات الرخيصه والحلوه تلاقيها بسوق البوادي بجنب سوق الحجاز بشارع الستين..وكمان بسوق الشاطئ بحي الشاطئ..واشتري برضه شباشب البيت من سوق الشاطئ حلوه ودلع..
وطبعا لاتنسي تروحي للهرم وشبرا عندهم اشياء حلوه للبيت ورخيصه..
اسفه على الأطاله اتمنى اني افدتك..وانشاءالله ربي يفرج همك وهمي..ودعواتك لي ان ربي يتمم زواجي على خير ويوفقني مع زوجي..

جوري000
08-23-2008, 06:36 PM
بنت مكه
مشكوره ماقصرتي الله يعطيك العافيه ويجزاك الله خير
انا النعومه
الله يتمم لك على خير ويفرج همك ويسعدك مع زوجك

سحورة الامورة...
08-24-2008, 03:18 PM
ماشالله البنات ماقصرو لكن برضو راح ازيد
اول شي الف مبروك
شوفي ياحبيبتي طبعا نعومي ولاسنزا والمشاط معروفه في كل مكان
ولليله الدخله روحي محل لانجري في الحجاز تلاقي عندو الدانتيلات اشياء مرة تجنن
وروحي ايــتام حتلاقي اشياء مجنووووووونه وخامتها مره حلوه ولكي وللزمن برضو موجود في عزيز مول ودحين ترى تخفيضات يعني الحقي
والصنادل تنقايه مو من محل معين لكن شوفي محل ناين وست في عزيز مول عندو صنادل حلوه ومحل فيــس
وبرضو تلاقي في مجمع الشرق صنادل وشنط حلوه وكمان روحي صاري مول في شارع صاري الصنادل الدهبي والفضي والابيض اطقم مع الشنط يعني حتلاقي شغلات حلوه
ايش كمان ياسوسو ايش كماااااان.......
ممممم
ايوا المفارش ياحبيبتي واللحف والمناشف تلاقيها في محل اورنج في عزيز مول ودحين عاملين عرض اطقم مناشف لليد والوجه والجسم ب29 ريااااااااااااااال تخيلي والوانها تجنن الموف والابيض والبنكي والسماوي والفستقي واللولي لااااااااتفوتك
واطقم الخروج شوفي زارا بس لاتروحي اللي في عزيز مول لانو تخفيضات والارفف ممسوحه يعني ماراح تلاقي شي
شوفي محل بيرشكا عندو كم بدي اشكالها حلوه
وان شالله اكون افدتك شويتين ولو ان الفراشات ماقصرو ماشالله تبارك الله
والله يتمم لك على خير ياااااااااااااااارب

نرجسة
08-24-2008, 04:01 PM
موفقة ياقلبي انا اعرف قمصان النوم بالذات حقت اول يوم من واحة الجلابية وطقم المناشف كمان منه ....غير كده في جده مااعرف ....موفقة

لـمـسـة تـمـيـز
08-24-2008, 04:02 PM
موفقه

^rose^
08-24-2008, 04:23 PM
السلام عليكم ورحمة الله وبركاته

الله يسعد كل وحدة تساعدني ويفرج همها

انا مو من جدة لكن بروح لها بعد العيد اشتري منها لزواجي وحابه اعرف ايش المحلات الحلوة عشان ما اتشتت
حاولي تجي دحين افضل عشان تلحقي التخفيضات لأنها عالنهاية و ما حتنزل تخفيضات تانية الا بعد 3 او 4 شهور بالقليل
ياليت تقولوا لي ايش المحلات اللي تبيع ملابس داخليه وقمصان النوم غالي ورخيص ووين موقع المحل
"لافي ان روز" نص قمصان جهازي من عنده روووعة تلاقيه في عزيز مول و حراء افينيو و حراء الدولي و ما اعرف فين كمان اللي تعرف فروعهم الباقية تقولها
و كمان "لاسنزا "له فروع كتيييير حتلاقيه في كل مول تقريبا منها عزيز مول و حراء الدولي و الحجاز
و كمااان "ماركس & سبنسر" فروعهم في حراء الدولي و حراء افينيو و التحلية و ما افتكر فين كمان
و" نعومي" من فروعهم التحلية و عزيز مول و حراء الدولي
ومحل اكسسوارات غالي ورخيص وموقعه
احلى محلات الاكسسوارات بالنسبة لي...
"ماجد" و فروعه في حراء الدولي و سوق النجار و سوق الحجاز و روشانا مول و سلطان مول
"فور يو فوريفر" في روشانا مول و المساعدية و البساتين
اذا تبغي اكسسوارات فخمة لا تدوري غير دي المحلين
وبجايم حلوه كمان غالي ورخيص وموقعه
نفس محلات الانجري و القمصان اللي ذكرتها فوق
ومفارش سرير فخمة
احلى شي اورانج انا عن نفسي على قد ما لفيت ما شفت احلى من لحفهم و فروعهم في عزيز مول و الاندلس مول و الصيرفي ميجا مول و حراء الدولي و التحلية
وملابس بيت
عاد ملابس البيت محلات كتيير طول ما انتي ماشية في الاسواق حتلاقي كتير ما اقدر احددلك
وملابس خروج
برضو صعب احددلك بس اهم الاسواق اللي حتلاقي فيها كل شي الاندلس مول مرررة كبير و فيه كل شي و كمان فيه محلات اول مرة تفتح في جدة و حراء الدولي و عززيز مول
وجزم وشنط
جس حلوة شنطهم في حراء و الدولي و الاندلس مول و برضو تلاقيها في باريس قاليري
و باريس قاليري تلاقيه في سلطان مول و التحلية و عزيز مول و ناسية فين كمان
و الاحذية في الدو و ناين ويست و فينسي و غيرهم كثييييير و كلهم موجودين في عزيز مول و حراء الدولي
وياليت تقولو لي كيف محل الهرم وتوب تن وتاج توج
اسمع عنهم كثير
الهرم و تاج توج انتي و حظك احيانا تلاقي عندهم ملابس تنفع للبيت حلوة و مرتبة و مررررررة رخيص
وبسأل مجمع الشرق فيه بجايم ولانجري حلوه والا لا
مجمع الشرق عندهم كذا محل لا بأس حلوين ملابسهم من بينهم المشاط و محل اسمه جمانة ما اعرف اوصفه لك المهم هو في المجمع
وايكيا ممكن احصل فيها الانوار(اللمبات )اللي تجي سلك طويل
ما فهمت ايت انوار اللي تقصديها ان شالله الباقيين يفيدوكي
وروب الدخلة فين ممكن الاقي اشكال حلوة
تلاقي في نعومي و المشاط
والله يسعد كل من ردت علي وفرجت همي

شكرا عالدعوة الحلوة و يا رب يسعدك و يوفقك و يسهل امرك
و اي استفسار تاني حاضرين

ام عبدالله999
08-24-2008, 05:46 PM
للرفع لعيونك

جوري000
08-24-2008, 07:45 PM
الله يسعد كل من ردت علي
وياليت البقيه يفيدوني كمان

جوري000
10-22-2008, 08:36 PM
استغفر الله

جوري000
10-22-2008, 08:40 PM
استغفر الله ................

طيف الغروب0
10-23-2008, 01:10 AM
حبيبتي خذي ملابس البيت من الهرم وسيتي بلازا وسيتي ماكس وتاج توج وكلها بشارع التحليه ما عدا تاج توج بشارع صاري00
وبالنسبه للاكسسوار عندك الكندره مول والشعبي وبالعماره الزرقاء تحت الدور الارضي عندهم اكسسوارات حلوه ورخيصه وكمان كل مستلزمات العروسه تلاقينها 00وممكن يصمموا لك اي فكره ببالك00
لاتاخذي من الغالي والله الرجال ما يدروا هو غالي ولا لا اهم شي انك تنوعين له باللبس00
خذي غالي للزيارات واستقبال الضيوف
ولا تنسين تاخذين فستان او اثنين للسهره00
عندك لمسات مول بجنب الحجاز كله فساتين 00
وبالتوفيق

جوري000
10-23-2008, 01:48 AM
مشكوره طيف ماقصرتي
الله يوفقك

شــــــمــــــوخ
10-25-2008, 11:20 PM
انا جربت لمسة المخملى قص وصبغ روعه وشفت وحده عندهم سوو لها مكياج ورررررررربي روعه روعه
انا اقصد لمسة المخملى الى فى عماير السلكون

شــــــمــــــوخ
10-25-2008, 11:23 PM
اسفه رديت بالغلط بررررررررررررردون

هههههههههههههههههههههههه

روعة دنيتي
10-26-2008, 12:47 AM
حبيبتي ملابس البيت من ستي ماكس وستي بلازا
والصنادل من فنسي كلها ماليزيه وحاليا فيها تخفيضات فرعه بالاندلس مول- وله فرع بالتحليه جنب مانجو

ماانصحك بالملابس من مجمع الشرق مو حلوه
لبس الخرجات من زارا روعه له فروع بعزيز مول- حراء الدولي- التحليه

قميص اول ليله لاتاخذي من نعومي غالي مره خذي من واحة الجلابيه او من بيت الفخامه بالحجاز

بالتوفيق

نداءم
10-26-2008, 02:30 AM
اختصارهم كلهم روحي مجمع العرب الجديد قريب من المطار تلاقي كللل المحلات اللي قالولك عنها وزياده احلى
او عزيز مول

جوري000
10-26-2008, 08:34 PM
مشكوره حبيبتي ماقصرتي

الغـ حمتو ـلا
11-10-2009, 05:59 AM
اكسسوارات وشنط
روحي مكان اسمه الخاسكيه بالبلد
متخصصين بالاكسسوارات جمله وقطاعي تلاقي كل جديد عندهم
بس السوق شعبي
بس فضيع

كآدي /~
11-10-2009, 06:11 AM
ربي يسعدهمـ البنآت مآقصروآ

.,

موفقهـ يآرب

فرَح
11-10-2009, 06:36 AM
https://alfrasha.maktoob.com/alfrasha20/thread1124103/

تفضلي هنا حبيبتي وان شاء الله تلاقي كل شي تحتاجيه :)


Content Relevant URLs by vBSEO 3.6.0