المساعد الشخصي الرقمي

مشاهدة النسخة كاملة : هنا تجارب الي ملو من الخلطات واتجهوللاكل الصحي والفيتامينات وأبيضو وورد وزانت بشراتهم



حصوص 5555
10-13-2008, 01:01 AM
السلام عليكم يالفراشات الحلوات :072:
كيف حالكم ؟؟؟
بعرض لكم تجربتي من أكثر من 10 سنوات
((((_ بس ما اسمح احد يقرى تجربتي ومايقول تجربته ويفيد البنات _ ماأسمح )))):0130::0130::0130:


تجربتي الله يسلمكم ويسعدكم وسبق اني عرضت مشكلتي في هالقسم
لي 12 سنه وأنا ما اسمع عن خلطه الا واستخدمها ما اسمع عن برابيس الا واحوس فيها كل شي جربته ليمون خل تفاح لوزمر وحلو عكرفاسي.... كل شي
اتحداكم تقولون خلطه واقول ما جربتها ............
طولت عليكم
المهم جا ذاك اليوم السعيد وقريت في هالقسم موضوع
تقول صاحبته انها تاخذ كاس عصيربرتقال مع الفطور
وعلبة زبادي مع الغداء
ومع العشاء كاس عصير جزر
وسويت هالطريقه يومين بس
والنتايج رهيبه كاني صفت بشرتي وورد شي ما يوصف
تخيلو لي 12 سنه ولا نتيجه ويومين ونتايج مذهله


عاد يالحلوات كل وحده جربت زي هالاشياء تقولينا تجربتها يالله
انا قد سمعت عن الجريفوت
واذا شفتكم متفاعلين بقولكم عن تجربه فنبله قضيعه
يالله تجاربكم يالحلوات :090::090:



(((ولا تنسون بنات لعل فيكم وحده مستجابت الدعوه ادعولي بـ :202[1]: عاجلآ غير آجل )))

المتفائله بالخير
10-13-2008, 01:09 AM
الله يعطيك العافيه والله مقصرتى

ورودالكادي
10-13-2008, 01:10 AM
مشكورة بس للاسف ماعندي تجارب

أبعاد حلم
10-13-2008, 01:11 AM
يعطيك العافيه حبيبتي
اذا عندك للنمش كريم تراي والله قرفانه منه

اتعبني غـــلاك
10-13-2008, 01:22 AM
الله يتمم عليم انا سمعت عن خلطتك بس ماجربتها طيب انت تاكلين معاهم ولا بس باوقاتهم لاني انا ماافتر ولا اتغدى بس اتعشى

وصراحه انا ماعمري جربت خلطة وحصلت على نتيجة تذكر ان شاء الله قريبا الله يغير الحال

حصوص 5555
10-13-2008, 01:38 AM
لايا حبيبتي تاكلنهم مع العشاء والغداء والفطور عادي

عمري ماتمنيت شيء
10-13-2008, 01:58 AM
مشكووورة غاليتي

بجربها قرييب ان شاااء الله

حصوص 5555
10-13-2008, 02:21 AM
نريد المزيد من التجارب

gmr al agmar
10-13-2008, 02:55 AM
صباح الجوري

شوفي انا ممكن اقولك مليت ومامليت من الخلطات والكريمات ونفسي اجرب شي داخلي فعلا يفيدني بس المشكله لازم تصير لك روتين مو فتره ونفطع
الموهيم بقولك تجربه رااائعه ومازلت فيها
اللي هي حبوب زيت زهرة الربيع المسائيه
اللي علبتها خضرا وفي بنات كثير كاتبين عنها
حتى فوائدها تشجعك

ذا شي والشي الثاني
الجرجير والشمندر قعدت اشربهم يوم ايه ويوم لا طبعا مخلوطه مع بعض صراحه حسيت بشرتي وردت
بس انا مشكلتي البقع الحبوب تطلع وبيوم تختفي بس اثراها يطول وايضا جفاف بشرتي
وسمعت البوم خبير يقول لجفاف البشره شرب الزنجبيل بكثره لآنه يخلي الجسم يعرق ولما يعرق الجسم يصير فيه رطوبه من الداخل
فاانا بجرب واشوف مع اني من فتره لفتره اشرب بس هالمره بدقق ههههههه وبطيح فيه الله يعين
عالعموم انا ببدء معك ذي البرتقال والزبادي من اليوم
بكون صايمه وافطر عليها او اتسحر عاد مدري والآربعاء بشتري جريب فروت وادهر فيه ههههههه قلبت ورع خخخ
دعواتي لك بتحقق امنياتك
واللي تدخلون بعدي واللي تدخل على موضوع حصوص الرائعه تدعي لها ولي ان ربي يتمم خطبتي واملك هالشهر يااااااااااااارب

لي عوده

دق البخت بابي
10-13-2008, 03:14 AM
شوفوا حبيباتي انا مثل اغلب البنات اعاني من حب الشبااااااب وماخليت دكتور يعطيني حبوب وتروق بشرتي مجرد ماتخلص ترجع .......وتعبت من هالمواد الكيماويه ......واستعملت......
الشمندر والبرتقال العصير الموجود في جدول حور الجنان الله يسعدها وربي يابنات بشرتي تغيرت والكل لاحظ ......
تكفون بنات دعواتكم لي بالسعاده والتوفيق في الدنيا والاخره واني اتوظف وربي يتم علي شفااااااااااائي..........

البندري بنت سلطان
10-13-2008, 03:17 AM
الله يوفقك وييتمم خطبتك ويسسسعدك انتي وحصوص ويشفي دق البخت بابي ويوظفهااا

وبنات المسسسسسلمين اجمعين

اسلوبي قهر غيري
10-13-2008, 05:31 AM
حبيباتي انا جربت الجريب فروت وربي ما ينبلع مرررره في لذوعه ولا الليمون ولا قدرت ابلعه
وشكرا لصاحبة الموضوع

شغب طفله
10-13-2008, 07:22 AM
شوفوا حبيباتي انا مثل اغلب البنات اعاني من حب الشبااااااب وماخليت دكتور يعطيني حبوب وتروق بشرتي مجرد ماتخلص ترجع .......وتعبت من هالمواد الكيماويه ......واستعملت......
الشمندر والبرتقال العصير الموجود في جدول حور الجنان الله يسعدها وربي يابنات بشرتي تغيرت والكل لاحظ ......
تكفون بنات دعواتكم لي بالسعاده والتوفيق في الدنيا والاخره واني اتوظف وربي يتم علي شفااااااااااائي..........

الله يحقق اللي ببالك ويرزقك الجنه هذا اهم شي

بس حبيبتي وين ممكن احصل الشمندر دورت عليه مالقيته ابداً
الله يسعدك ردي علي
تعبت وانا ادور عليه:042:
إذا فيه محل معروف يبيعه دليني عليه

ليـااان
10-13-2008, 09:16 AM
للرفع

حصوص 5555
10-13-2008, 06:28 PM
صباح الجوري

شوفي انا ممكن اقولك مليت ومامليت من الخلطات والكريمات ونفسي اجرب شي داخلي فعلا يفيدني بس المشكله لازم تصير لك روتين مو فتره ونفطع
الموهيم بقولك تجربه رااائعه ومازلت فيها
اللي هي حبوب زيت زهرة الربيع المسائيه
اللي علبتها خضرا وفي بنات كثير كاتبين عنها
حتى فوائدها تشجعك

ذا شي والشي الثاني
الجرجير والشمندر قعدت اشربهم يوم ايه ويوم لا طبعا مخلوطه مع بعض صراحه حسيت بشرتي وردت
بس انا مشكلتي البقع الحبوب تطلع وبيوم تختفي بس اثراها يطول وايضا جفاف بشرتي
وسمعت البوم خبير يقول لجفاف البشره شرب الزنجبيل بكثره لآنه يخلي الجسم يعرق ولما يعرق الجسم يصير فيه رطوبه من الداخل
فاانا بجرب واشوف مع اني من فتره لفتره اشرب بس هالمره بدقق ههههههه وبطيح فيه الله يعين
عالعموم انا ببدء معك ذي البرتقال والزبادي من اليوم
بكون صايمه وافطر عليها او اتسحر عاد مدري والآربعاء بشتري جريب فروت وادهر فيه ههههههه قلبت ورع خخخ
دعواتي لك بتحقق امنياتك
واللي تدخلون بعدي واللي تدخل على موضوع حصوص الرائعه تدعي لها ولي ان ربي يتمم خطبتي واملك هالشهر يااااااااااااارب

لي عوده



مساء الفل والكادي :0154:
حبيبتي صح احنا ملينا من الخلطات بس الشي الداخلي مايحتاج روتين واستمرار يعني مثلا البرتقال والجزر والزبادي اذا كان عندي مناسبه فبلها بيومين بس اكلهم بسيطه


وبالنسبه لحبوب زهرة الربيع كيف طريقتها تنوكل تنشرب كيف؟؟؟


والجرجير والشمندر كيف طرقتهم ؟؟



والله يحقق أمنياتك ويرزقني ويرزقك


تحياتي :02:

نجمي عالي
10-13-2008, 06:29 PM
مشكووووره

حصوص 5555
10-13-2008, 06:35 PM
شوفوا حبيباتي انا مثل اغلب البنات اعاني من حب الشبااااااب وماخليت دكتور يعطيني حبوب وتروق بشرتي مجرد ماتخلص ترجع .......وتعبت من هالمواد الكيماويه ......واستعملت......
الشمندر والبرتقال العصير الموجود في جدول حور الجنان الله يسعدها وربي يابنات بشرتي تغيرت والكل لاحظ ......
تكفون بنات دعواتكم لي بالسعاده والتوفيق في الدنيا والاخره واني اتوظف وربي يتم علي شفااااااااااائي..........


هلا فيك
ممكن تعطيني جدول حور الجنان
وكيف طريقة الشمندر والبرتقال؟؟
تحياتي :02:

حصوص 5555
10-14-2008, 01:53 AM
معقوله مافيه تجارب غير هذي
يالله شدو حيلكم وفيدو واستفيدو

ايلين
10-14-2008, 02:20 AM
انا كل تجاربي للاسف فااااااااااشلة
بس بنت عمو ماشاء الله صفت بشرتها

تقول انها تحط عسل طبيعي وزبادي

وانا قلت بجربها

الله يوفقاكم جميعا ويحقق اللي تبون

Aljamilah
10-14-2008, 03:04 AM
والله مايغير بشرتكم وشعوركم الا اكلكم
مره اوبرا الخايسه جابت في برنامجها حلقه عن نظام الاكل الصحي لمدة شهر مطلعها خبير غذاء مدري ايش قصته المهم ان المره تغير شكلها وبشرتها 100 درجه وهذا بس من الاكل فقط
بس احنا حمدالله والشكر نبي الجاهز وكريم ندهر فيه وبس
لو نعتمد وجبه وحده في اليوم صحيه كان تغير الحال
وانا عني مااحب الفواكه والسلطات وهذا اكبر عييييييب فيني واللي مضيع جمالي\\\\واثقه من نفسي كش علي
وسلامتكم

Aljamilah
10-14-2008, 03:05 AM
ياليت تخلون الموضوع لتجارب الاكل وبس

كسرني قلبي بطيبته
10-14-2008, 03:51 AM
بالنسبه لي جربت عصير الجزر شهر او اكثر لان ابوي كان يخلي امي تسوي له يوميا وتشجعت وصرت اشرب مثله من جد بشرتي صارت صافيه ورويانه وكنت بعد اذا بقى شئ من عصير الجزر امسح منه على وجهي ويديني والله انه فتح بها بس انقطعت عنه الحين وتعالي شوفي البشره الباهته اما عصير البرتقال مو انا اللي مجربته بقولك عن تجربة جارتنا ام لتسعه اولاد ووالله لو تشوفين بشرتها تعطينها بالعشرين مورده وصافيه وطريقتها تشرب كل يوم على الريق هي وزوجها كوب عصير برتقال وماينقطعون عنه ابد اما الزبادي جربته فتره وزاد وزني عليه عشان كذا تركته وماعاد تشجعت اكله الا بين فتره وفتره بس

اتعبني غـــلاك
10-14-2008, 04:49 AM
لازم علبة كاملة زبادي لاني مااحبه اتغصبه الحمد لله ؟؟؟
وكم استمر على هالنظام

prim rose
10-14-2008, 05:07 AM
ماشاء الله عليك ..
بصراحه هذا افضل موضوع على الاطلاق ..
لان مشكلتنا نعالج البشره بهالخلطات وننسى ان النظاره والصحه والصفاء يجي من الداخل ..
ومع اكلنا هالمندمر .. انا بحاجه لتنظيم او فيتامينات ..
بالنسبه لي جربت اشرب على الريق كاس ماء محلى بملعقه عسل ..
انا كنت استخدمها للقولون اخذتها من كتاب الطب النبوي ... وبصراحه بشرتي تغيرت ..تفتحت وصفت والكل يقول صاغره مررررررررررره قولوا ماشاء الله...
سبحان الله هالطريقه تغسل الجسم وتنظفه من الداخل وتكثر الدم وتنظم الدوره الدمويه ولها فوائد كثيره جدا يكفي الرسول وصى فيها ..
وصرت كل ما اصحى ما اشرب على الريق الا كاس ماء محلى بعسل واحيانا احط معه ملعقه خل التفاح فيصير عصير تفاح :)
بالنسبه للفيتامينات .. انصحكم بنات بحبوب زيت كبد الحوت .. مره ببرنامج جابو طبيبه تقول فوائدها للشعر وللعظام وللبشره .. بصراحه لو سمعتوا كلامها قلتوا وينا من زمان عن هالكنز...
والمتزوجات اللي يعانون من برود جنسي ترى يقوي الشهوه عندهم لانه يعطيهم جسم سليم وصحيح ..
تاكلين منها 3 حبات باليوم متفرقه ..

وكمان حبوب الخميره انا جربتها الامريكيه حلوه كمان ...
عودوا انفسكم تاكلون من الخضار والفاكهة .. بالنسبه لي صرت اغسل كم حبه من الفواكهة واحطها على الطاوله بالصاله عشان اتشجع اكلها ..
والخضار مادري وش فيني معاها احس ما اتقبلها مدري ليه ...
الغازيات والبطاطسات وهالخرابيط اهي سبب مشاكلنا وربي ..
انسيها واتركيها .. مافي مشكله تحرمين نفسك منها واذا جات جمعه ووناسه مافي مشكله اكلي ووسعي صدرك معاهم .. يعني تاكلينها بالشهر بالشهرين مره ان شاء الله ماتضر ..

وياربي وش بعد وش بعد وش بعد خخخخخخخخ
خلاص اذا تذكرت بجيكم ..
بس من جد .. الحل الوحيد هو انا نهتم بانفسنا من الداخل .. هالخلطات اللي برا مؤقته بس وتنتهي ..

وبس :)

THE_QUEEN
10-14-2008, 05:16 AM
الله يجزاك الخير يارب

وقريت على ماما وصفتك ودعت لك بالعرس والبيضاء وهي بسجادتها

ام شروق***
10-14-2008, 05:29 AM
يسلمو والله جيتي على الوتر صرت فار تجارب من كثر الخلطات ولاشي جاب نتيجه معي بسوي طريقتك والله يوفقك الجميع

توتة الزغنطوطة
10-14-2008, 07:50 AM
انا شوفت موضوع في المنتدى قبل فترة في نفس القسم
فيه اشياء كثيرة اكل للتنظيف الجسم وتصليح البشره

بس كلها صعبه..
بس عجبني ملعقة زيت زيتون مع عصرة ليمون ع الريق
وبعده ملعقة عسل في ماء دافي

الشمندر والزنجبيل امي استخدمتوا كويس بس انا ما استخدمتو

دورت الموضوع ما ادري فينو..بس الحمدلله كنت ناسخه في الورد على جهازي
وهذا هو...وتسامحني صاحبة الموضوع


السلام عليكم ورحمه الله وبركاته


حبيت اشارك بموضوع مهم جدا الكثير غافلين عنه
وبليز يابنات اقروا الموضوع كله لان كل كلمه اكتبها راح تستفيدين منها بإذن الله
تقريبا معظم المواضيع الي بقسم البشره تهتم بالعلاجات الخارجيه
وعشان تعطي العلاجات مفعولها لازم نعالج الجسم من الداخل اولا بعدين نعالجها من الخارج
من اهم المشاكل الي نعاني منها جميعا التصبغات الجلديه بالجسم
تلاقي جسمك ملون بعشرين لون اليد لون والرجل لون والبطن لون
والهالات السودا تحت العيون و الجروح القديمه مو راضيه تختفي
والجسم صايره حالته صعبه ومهما تعملي حمام مغربي او خلطه صابونيه ومقشرات مافي فايده
لازم تعرفوا انو الكبد يابنات هو المسؤل الرئيسي عن التصبغات بالجسم
ولمن يكون الكبد تعبان ومايشتغل تمام يفرز صبغات قاتمه بالجسم (هذا الكلام علمي وسمعته من دكتور )
وهذا السبب الرئيسي لهذي المشكله ونلاقي معظم النساء يعانون من مشكله التصبغات
وعدم توحد لون الجسم بسبب النظام الغذائي السيء والذي يعمل على ارهاق الكبد
وتكون دهون حول الكبد مما يعرقل وظائف الكبد
الحين اتوقع عرفتم شنو المشكله
غذاء سيئ ونوم بعد الاكل = دهون حول الكبد + ارهاق للكبد = افراز صبغات قاتمه بالجسم= هالات سوداء + عدم توحد لون الجسم + بقع ملونه بالجسم

العلاج
اول شي لازم نعرف انو الغذاء الصحي اهم شي بالموضوع
يعني اثناء فتره العلاج لازم نقلل من الدهون خصوصا الغير صحيه والمقليات
والاكل الدسم عموما ونكثر من الفواكه والسلطات
عدم النوم بعد الاكل
الحين بعطيكم عده طرق لتنظيف الكبد وانتوا اختارو اسهل شي بالنسبه لكم واستمروا عليه

اولا
على الريق اول ماتصحين من النوم ملعقه زيت زيتون مع عصرة ليمون
بعدها تشربين كاس مويه دافيه مو حاره لمده شهر على الاقل و تقدرون تستمرون على طول

ثانيا

شرب مغلي (او اخذها كسفوف) احد الاعشاب التاليه
• الخرشف (الخرفيش).
• الهندباء.
• كنباث الحقول.
• بذور القريص.
• بذور الكعيب.
• الراوند.
• الأملج.
• اكليل الجبل (حصى البان)

ملعقه صغيره كل يوم تؤخذ مطحونه كسفوف او تغلى بمقدار كوب ماء
بنات انا جربت الاملج اخذته سفوف ملعقه يوميا بس ماقدرت استمر
لاني ماتحملت طعمه وانا خلقه عندي غثيان اذا اخذته تجيني لوعه كبد
وانا الحين افكر اجرب زيت الزيتون وان شاء الله اقدر اتحمل

ثالثا
ويستخدم فيها خليط من ( كسبرة 30% + قشر رمان 30% + قرفة 25% + مر البطارخ 15% )
يتم طحن الخليط ويوضع في زجاجات سوداء ثم تؤخذ معلقة على كوب ماء مغلي 3 مرات يوميا"
لمدة عشرة أيام متتالية.



رابعا

ملعقه عسل مع كاس مويه دافيه على الريق




وفي حاله كنتي تعانين من القولون لازم تبدين بتنظيف القولون اولا
بعدين تبدين بتنظيف الكبد وهذي طريقتين لتنظيف القولوناولا

السنامكي 50% + الكراوية 50% )
ويؤخذ 1/2 ملعقة من كل مكون وتوضع علي كوب ماء مغلي
وتشرب علي الريق يوميا" لمدة ثلاثة أيام.


ثانيا

اكل التفاح او البطيخ مع شرب الماء فقط لمده 3 ايام متتاليه

وعلى فكره تنظيف الكبد مارح يخلصكي من التصبغات فقط لا
بإذن الله راح يخلصكي من امراض كثيره ومن الام المفاصل
واشياء كثيره وطبعا ماراح نستغرب الشي هذا اذا عرفنا انو الكبد
مسؤول عن 500 وظيفه بالجسم واذا حصل مشكله فيه اكيد راح تصير
مشاكل كثيره وطبعا بعد ماتعملي تنظيف للكبد تقدرين تستخدمين العلاجات الخارجيه

واخر شي حابه اقوله انو في بنات جربو حبوب للتبيض
ويفكروا انها خاصه للتبيض لأ هذي الحبوب تعمل على تنظيف الكبد
وطبعا احنا عرفنا انو الكبد هو السبب الرئيسي للتصبغات
عشان كذا تفتح البشره بعد التنظيف وانا عطيتكم طرق طبيعيه لتنظيف الكبد

كمان ابحثوا في جوجل عن حمية الدتوكس
وايضا تناول تفاح وبطيخ وماء فقط لمده 3 ايام

وان شاء الله تستفيدو^_^

عاشقة منتصف الليل
10-14-2008, 07:55 AM
انا ماجربت شي...

الله يعيطك العافيه

غزاله فرنسيه
10-14-2008, 11:30 AM
سمعت انا عن حليب الصويا
يفتح البشره ويصفيها ويوردها
بشتريه واجرب

+ توفي +
10-14-2008, 12:44 PM
انا جربت شرب الحلبه. و الله روعه للبشره صفاء و توريد و نضاره بس للاسف تركتها لانها زودت وزني و أنا دبه مابي زياده وزن

Omah
10-14-2008, 01:48 PM
صراحة أنا جربت أكل حبوب زهرة الربيع بس ما فادتني

حصوص 5555
10-14-2008, 06:06 PM
بالنسبه لي جربت عصير الجزر شهر او اكثر لان ابوي كان يخلي امي تسوي له يوميا وتشجعت وصرت اشرب مثله من جد بشرتي صارت صافيه ورويانه وكنت بعد اذا بقى شئ من عصير الجزر امسح منه على وجهي ويديني والله انه فتح بها بس انقطعت عنه الحين وتعالي شوفي البشره الباهته

بارك الله فيك
واذا بقى عصير جزر لا تحطينه على وجهك ويديك لانه والله ما ينفع يوسخ وبس اذا بقى من العصير شي الحسيه (العقيه ) بلا تلطيط بلاهم

حصوص 5555
10-14-2008, 06:11 PM
لازم علبة كاملة زبادي لاني مااحبه اتغصبه الحمد لله ؟؟؟
وكم استمر على هالنظام

لازم علبة زبادي ....ما تحبينه اجلسي على حالك:061:
والا اتركي الدلع وتغصبيه والمساله مسالت تعود
وهذا النظام اذا تبين بشرتك حلوه دايم على طول تستمرين عليه تقطعينه يوم يومين عادي
واذا ما ودك تستمرين اذا كان عندك مناسبه استخدميه قبل يومين
تحياتي لك :0153:

حصوص 5555
10-14-2008, 06:19 PM
ماشاء الله عليك ..
بصراحه هذا افضل موضوع على الاطلاق ..
لان مشكلتنا نعالج البشره بهالخلطات وننسى ان النظاره والصحه والصفاء يجي من الداخل ..
ومع اكلنا هالمندمر .. انا بحاجه لتنظيم او فيتامينات ..
بالنسبه لي جربت اشرب على الريق كاس ماء محلى بملعقه عسل ..
انا كنت استخدمها للقولون اخذتها من كتاب الطب النبوي ... وبصراحه بشرتي تغيرت ..تفتحت وصفت والكل يقول صاغره مررررررررررره قولوا ماشاء الله...
سبحان الله هالطريقه تغسل الجسم وتنظفه من الداخل وتكثر الدم وتنظم الدوره الدمويه ولها فوائد كثيره جدا يكفي الرسول وصى فيها ..
وصرت كل ما اصحى ما اشرب على الريق الا كاس ماء محلى بعسل واحيانا احط معه ملعقه خل التفاح فيصير عصير تفاح :)
بالنسبه للفيتامينات .. انصحكم بنات بحبوب زيت كبد الحوت .. مره ببرنامج جابو طبيبه تقول فوائدها للشعر وللعظام وللبشره .. بصراحه لو سمعتوا كلامها قلتوا وينا من زمان عن هالكنز...
والمتزوجات اللي يعانون من برود جنسي ترى يقوي الشهوه عندهم لانه يعطيهم جسم سليم وصحيح ..
تاكلين منها 3 حبات باليوم متفرقه ..

وكمان حبوب الخميره انا جربتها الامريكيه حلوه كمان ...
عودوا انفسكم تاكلون من الخضار والفاكهة .. بالنسبه لي صرت اغسل كم حبه من الفواكهة واحطها على الطاوله بالصاله عشان اتشجع اكلها ..
والخضار مادري وش فيني معاها احس ما اتقبلها مدري ليه ...
الغازيات والبطاطسات وهالخرابيط اهي سبب مشاكلنا وربي ..
انسيها واتركيها .. مافي مشكله تحرمين نفسك منها واذا جات جمعه ووناسه مافي مشكله اكلي ووسعي صدرك معاهم .. يعني تاكلينها بالشهر بالشهرين مره ان شاء الله ماتضر ..

وياربي وش بعد وش بعد وش بعد خخخخخخخخ
خلاص اذا تذكرت بجيكم ..
بس من جد .. الحل الوحيد هو انا نهتم بانفسنا من الداخل .. هالخلطات اللي برا مؤقته بس وتنتهي ..

وبس :)

بعدي والله
قولي آمين
الله يحقق امنياتك ويجماعنا بك في الجنه ويكثرالناصحات امثالك آمييييييييين يارب
وبالنسبه لحبوب الخميره انا جربتها ..... تفخت عيوني بتستغربون صح انا من عادتي اول ما اصحى من النوم عادي ما يبان اني نايمه بعد حبوب الخميره صرت بالقوه افتح عيوني واجلس بعد ما اصحى 3 ساعات ويالله يروح الانتفاخ

حصوص 5555
10-14-2008, 06:27 PM
الله يجزاك الخير يارب

وقريت على ماما وصفتك ودعت لك بالعرس والبيضاء وهي بسجادتها



الله يقبل منها يارب امين
وكل الي كتبو تجاربهم شكرا لهم ثم شكرآ:02:


وبنتظار المزيد عن تجارب الاكل :0153::0153::0153:

gmr al agmar
10-14-2008, 06:42 PM
حصوص

الشمندر والجرجير كنت اسويها بالخلاط حق العصير حق الجزر بالذات بس طعمه مرررررره شربت اسبوع بغت تطلع روحي بس شفت الحبوب خفت كثيرررر وفتحت
وقعد يومين اشرب الشمندر وحده احطه بعصاره الجزر بعد مااقشره وانظفه لآن يكون فيه تراب شوي بس انتبهي لا تقشرينه مره عشان الفائده
واشربه وبصراحه لما شربته لوحده جاتني دوخه وبعد فتره قريت ان اللي ضغطه مرتفعه ينزله واللي نازل يرفعه سبحاااااااان الله وله فوائد كثيررر
وبالنسبه لزهرة الربيع المسائيه مااقول شفت ذيك النتيجه لان بنت خالتي شهرين تستعملها ماشافت نتيجتها الا بالشهر الثاني وانا احس فيه شوية نضاره
وترى فوائدها كثير راح اصورها لك واكتب فوائدها اللي بورشيته
وترى سعرها 50 ريال وفيها 60 حبه والباقي راح اكتبه قريب

تحياتوووو

سنيوره نعومه
10-14-2008, 07:19 PM
بصراحه موضوعك يافراشه شدني وحبيت أكتب تجربتي

أنا من فتره طويله وانا اعاني من النحافه
ماخليت ولابقيت حبوب .. حلبه ... الخ والا استخدمته <<< والنتيجه كليتي عورتني

لين مافرج الله علي وقريت بالنت عن مرض فقر الدم << وهو السبب الرئيسي والمهم في حالتنا مع الدوره الشهريه اعزكم الله
وشفت بالنت وصفات كثيره له ومن ضمنها عصير الزبيب والتفاح

وربي يابنات شفت العافيه معه وتختخت شوي وطلعت خدودي والكل لاحظ صحتي والبشره صارة تمام << ماشاء الله

>>>> وهذا وانا قبل أسبوع بس بديت أستخدمه <<<<<

وحمدت ربي .... وأخيرا لقيت حل للنحف وبشكل صحي

والله على ما اقول شهيد

سنيوره نعومه
10-14-2008, 07:20 PM
للرفع

حصوص 5555
10-14-2008, 10:26 PM
لك الف شكر اختي قمر الاقمار
والله تيمم عليك اختي سنيوره نعومه
أفدتونا

اتعبني غـــلاك
10-15-2008, 01:50 AM
مشاء الله سنيوره كيف طريقتك وكيف مواعيد شرب هالعصير

قاتلة مأجورة
10-15-2008, 03:56 AM
كوب حلبة كل يوم بس الله يعينكم ع الريحة

سنيوره نعومه
10-15-2008, 08:29 PM
أاسفه على التـأخر بالرد >> والله ضيعت الموضوع


أنقع الزبيب لمدة 4ساعات تقريبا وبعدين أخلطها مع تفاحه وشوية سكر
واجلس اشرب العصير طوال اليوم كل شوي كاسه

الله يتمم لي بخير

بعيد الهقاوي
10-15-2008, 08:58 PM
ي


س


ل


م


و



على الموضوع
وانا قصتي مع البشرة قصة طويلةما خليت طبيبة جلدية الا ولي معها تجربة وكلها شغل تجاري بعيد عنكم يعني بصراحة يستفيدون منك ما يفيدونك مافية الا سحب فلوسسسسسسسسسسس
واخر طبيبة رحت لها هي الدكتوره (غاده اللي في مستوصف الحرمين) عشان تعالجني من الكلف والنمش طلعت حبوب في وجهي الله لا يوريكم زي الدمامل وعدمة لي وجهي حسبي الله عليها وصرت اللحين استخدم علاج للحبوب الركوتان بدل ما استخدم علاج للنمش واكيد انتم تعرفون هذا الدوا انة لة مخاطر تخوف بس ما عندي حل اخر
واخيرا اكتشفت ان الماء والورقيات هي اللي تزين البشره صدق

الدلع منها وفيها
10-15-2008, 09:56 PM
فعلا الاكل الصحي له دور في نضاره البشره
الدليل اهل الشام عشان كل اكلهم خضار وفواكه شوفو شلون بشراتهم مثل القطن

يسلمو خيتو ع الموضوع

حصوص 5555
10-16-2008, 03:23 AM
بس هالتجارب
نريد المزيد من التجارب

الفراشة الرائعة
10-16-2008, 04:39 AM
الف مليون شكر لكم جميعا
كفيتم ووفيتم

لاخلا ولاعدم ان شاء الله

❀ неекѕ₡ ❀
10-16-2008, 06:10 AM
~,~

إنسانة..
10-16-2008, 06:33 AM
مشكورة حبيبتي
انا مره متحمسة اسوي زي كده
بس عندي سؤال شويه غبي
كيف تعصرو الجزر؟<<<<<ما عندها عصارة الجزر
ياريت تجاوبيني اختي
وجزاك الله خيرا

رينــــــــاد
10-16-2008, 06:38 AM
مشكوووووووووره
الله يجزاك خير على هالموضوع المفيد
الله يحقق لك كل مناك
اما تجربتي
قرات في احد المنتديات ان سر صفاء بشرة الايرانيات هو شرب الحليب مع الزعفران
ولاني خفت لايكون للزعفران اضرار من الشرب يوميا
صرت اشرب كل يوم 3 اكواب حليب متفرقه
وبعد مارحت لاهلي كل خواتي يقولون وش مسويه ببشرتك مفتحه وصافيه تخيلو بس اسبوع
ومره سمعت دكتوره بقناه سعوديه تقول شرب كوب حليب مع ملعقة زيت زيتون يومياً على الريق يفتح البشره ويصفيها هذي ماجربتها بس ان شاء الله راح ابدا فيها قريب
ومشكوووووووووووره مره ثانيه صاحبة الموضوع
بإنتظار تجارب اخرى

مغتربة2009
10-16-2008, 06:48 AM
جزاك الله الجنه انا جربت الزبادي مع العسل حلووووووه

شمر بعد حيي
10-16-2008, 07:15 AM
انا بقولكم تجاربي بصراحه الموضوع حلو وانتم

تستاهلون انا جلست فتره احط مع موية الشرب

شوية موية ورد وحطيت بعلبه بخاخ وصرت


ارش على وجهي كل ما صحيت واتفتحت

بشرتي الحمدلله و وردت بعد اذكروا الله


كلكم ... وشكلي برجع لها هالحين لان شكلها

يبيلها مداومه ذكرتوني فيها بصراحه

وبالنسبه لعصير الجزر امي تعبت

فتره طويله وانصحوها فيه وصارت تشربه

يوميا وبصراحه طلعت بشرتها صفرااااء

بشكل عجيب وتخوف وتركته بسببه وفعلا

تذكرت كلام الدكتور عادل عبدالعال ان البشره

تتاثر بالاكل والشرب ولونهم يقول اذا شربتي

جزر تطلع صفراء واذا شربتي شمندر تطلع

ورديه

شمر بعد حيي
10-16-2008, 07:21 AM
للرفع

فراشه كيوت2009
10-16-2008, 08:01 AM
الله يرزقك بولد الحلال اللي تتمنيه يااااااارب ويهنيك ويسعدك

rahanah
10-16-2008, 08:46 AM
كل صباح أكلي برتقاله مع تفاحه

وراح تدعي لي

اميرة حبيبي $
10-16-2008, 08:59 AM
يععطيكم العافيه على هذه الوصفات

سنيوره نعومه
10-17-2008, 08:41 PM
للرفع
للاهميه

نور لين
10-17-2008, 09:58 PM
ألف شكر الصراحه أناحسيت بشرتي تغيرت من بعد رمضان يعني مع الصيام لأني استمريت بعد رمضان بالصيام لنص شوال وطبعا لأن الصيام يخلص الجسم من السموم وتم اكتشاف أن الصيام لمدة ثلاثين يوم يجدد جميع خلايا الجسم خلونا نتفق صيام 3 أيام بالشهر وتكون عبادة وصحة

ايلين
10-17-2008, 11:04 PM
للرفع

~*¤ بسمه ¤*~
10-17-2008, 11:35 PM
ألف شكر الصراحه أناحسيت بشرتي تغيرت من بعد رمضان يعني مع الصيام لأني استمريت بعد رمضان بالصيام لنص شوال وطبعا لأن الصيام يخلص الجسم من السموم وتم اكتشاف أن الصيام لمدة ثلاثين يوم يجدد جميع خلايا الجسم خلونا نتفق صيام 3 أيام بالشهر وتكون عبادة وصحة

يسلموووووووووووووووووووووووووووو صراحه احلا رد شفته فعلا الصيام له فؤؤؤؤؤؤؤؤؤؤائد كثيره على الجسم جزاكي الله كل خير اختي نور لين

سكون الرياض
10-18-2008, 12:56 AM
يعطيك العافيه حبيبتي .. واالله ماعندي تجربه لاني كسوله ولا كان افدتك ...

مصاصه حمره
10-18-2008, 01:31 AM
مرااااااااااااااحبكلوا حلو انا الايام الاخيره من رمضان صرت الهم في التمر يعني ما اقصر اكل سبع ثمان تمرات قبل لا اتربع على الفطور وصرت متينه لأن جسمي ضعيف الموهم بنات انصحكم مع الروب تنوعوا فيه يعني ممكن تاكلونه مع الشوفان ( كويكر) وعسل والشوفان مرررررررررره كويس حق الجسم والصحه بشكل عام يستعمل مع كل شي شوربات سلطات حلويات اي شي اي شي حتى لو هو مو مطبوخ ينوكل ني عااااادي الماي مع شوية عصير ليمون ينظف كمان والله حمستوني انا بعد بشرتي تلفانه بعتمد التمر ان شاء الله والخضار اهم شي والفواكه وجايتكم بالنتيجه بس بنات نصيحه لوجه الله انا كنت استخدم حبوب الخميره ورحت للدكتور منصف اللي في المانع وقال هذي الحبوب عاديه ما تسوي شي لأن اللي فيها خميره عادي زي اللي تا كلينها في الخبز واكيد كل يوم احنا ناكل خبز وبريد وصمون بس عندي بعد حبوب فيتامين E تحياتي ولي باك مع النتيجه الاكيد ه والله ينلك الزوج الصالح والذريه الصالحه عاحلا غير اجل امين يارب العالمين لك ولكل بنت وانا كمان

جلنار..,
10-18-2008, 02:34 AM
ألف شكر لصاحبة الموضوع ., موضوع مفيد وخطييييييير ., وهذا هو المفروض اللي نهتم فيه ., مو بس من برهـ ., المهم من جوهـ على قولة أمي ., الله يعافيهــا ., اللي عندي .,. الحلبه الحلبه الحلبه .,. صفاء وبياض وتورد ., هي صح تسمن بس حاولي تهتمين بغذاءك ., واستخدميها فترهـ وبعدين أتركيها .,. والله يعطيك العافيهـ .,. ويوفقك ويرزقك بولد الحلال اللي يحبك وتسعدينه يااااااااارب .,., *_*

علمتني الحياه
10-18-2008, 03:54 AM
انشاالله اجربه اله يرزق زووج صاالح

لمسة حنين...
10-18-2008, 02:49 PM
انا انشاء الله راح اجرب الزبادي وعصير البرتقال والجزر بس سؤال ياقلبي عصير الجزر لحاله كذا ولا تخلطين معه ماء وسكر لان انا عصرت الجزر لحاله يطلع قليل باالمره انتظر ردك

حصوص 5555
10-18-2008, 09:31 PM
لابس جزر لحاله عادي بعصارة الفواكهيالله بنات شدو حيلكم

روح الوطن
10-18-2008, 09:40 PM
والله أنا مليت من الخلطاات ومافي فايده مشكووورة

ايلين
10-18-2008, 10:13 PM
للرفع

مصاصه حمره
10-19-2008, 12:01 AM
بنااااااااااااااااااااات عليكم بعد بشراب الزنجبيل تراه ينقي ويفتح البشره وينظف الجلد وخصوصا الوجه ومفيد لحالات حب الشباب المعند وينظف الجسم من داخل وافضل وقت تشربونه فيه قبل دخلو اليل كذا على حسب ما قريت في الكتاب

nane166
10-19-2008, 12:22 AM
عندي كتاب الدكتور جابر القحطاني لطب الاعشااب وقريت ان الزنجبيل ينزل الضغط يعني اللي ضغطها ينخفض لاتكثر فيــهوالزعفران يابنات لاتاخذه الحـــامل لانه يجيب الطلق قبل ولادتي بيوم شربته والفجر ولدت يعني قوووي يابنات انتبهـــوحبيت اانبهكم والموضوع حلوووو مره يعطيكم العاافيـــه

(لبوة)
10-19-2008, 12:33 AM
سوف نعود عودا حميدا للطبيعه ونصيحه يابنات والله عن تجربه صفوا النيه وتصفى بشراتكم وحياتكم

حصوص 5555
10-19-2008, 10:41 PM
يالله تقولين صفو النيه
والله انك صادقه

غيــــــــــــــــــــداء
10-20-2008, 02:20 AM
شكرا
اسمحي لنا ماكو تجااااااااارب

magic queen,,
10-20-2008, 03:03 AM
up

بنت جنوبيه
10-20-2008, 03:43 AM
انا شربت عصير البرتقال (التانج)وبصراحه خلاني بيضه مرررررره واساسا بشرتي حنطيه مايله للبياض ووكتروووو من فيتامين سي

االمها2009
10-20-2008, 03:54 AM
الله يعطيك العافيه

مملكتي زوجي وبناتي
10-20-2008, 04:34 AM
يسلموووو صراحه ماعندي تجارب بس نستفيد بتوفيق

miss_r
10-20-2008, 06:46 AM
ممكن بعد تشربون قمر الدين لانه مشمش والمشمش مفيد
وشكرا عالموضوع الحلو

كراش
10-20-2008, 02:57 PM
فعلا اللي تبغى نضارة طبيعية وصحة للبشرة تركز على التغذية الصحية من الداخل من خلال تجربتي فعلا العصيرات الطازجة خصوصا البرتقال والجزر لأنه مطهر للجسم والتفاح الأخضر على الريق جدا رائع
الشيئ الثاني حبوب زيت كبد الحوت رائع - وزيت زهرة الربيع -وحبوب الخميرة
جربي والنتيجة رائعة وبتدعون لي لآن الكل يسألني عن سر نضارة بشرتي وشي ثاني مهم اللي هو الكريمات المغذية الليلية والنهارية وخلو عنكم الخلطات والخرابيط لأنها مؤقتة..
اشكرك اختي الغالية على موضوعك الرائع والمفيد

سفن آب
10-20-2008, 03:39 PM
مشكوره على الموضوووع الناايس وان شاااءالله ربي يرزقك بالزوج الصالح عاجلا غير آجل اللهم آميـــــــــــــن يارب العالمييييين


تقبلي مروري ياالغلا

كحله وروج
10-20-2008, 04:05 PM
يعطيك الف عافيه

حور الجنان 1
10-20-2008, 04:11 PM
بنات انا بقولكم برنامج سهل ونتائجة وواضحة الي تبي البياض والنضارة لبشرتها


البرنامج هو يومي
الصباح
عصير الشمندر بالبرتقال فوائدة رهيبة لتوريد البشرة وتبيضها وهذا مشروبي المفضل لولا الحرام كان وريتكم بشرتي علشان تقولو حور ماتكذب قولو ماشاء الله تبارك الرحمن
بعد المشروب بساعه
جهزي علبة زبادي وعصري فوقها شوية ليمون كليها
بعدها جيبي نعناع طازج نظيف ومغسول قد الي تبي مع بقدونس طازج وكلية بورقة طازج بتقولي من الصبح بس قسم بالله فوائد للتبيض وطرد السمسوم رهيبة وكمان خس بعد
نجي الظهر ابتعدي عن ايشي مغلي بالزيت او غازيات كلي اشياء تحتوي على خضار وبقول وافضل تشربو شوربة تحتوي على الفطر والاكلات البحرية مثل الكالاماري والصدف فوائدة رهيبة وكمان الاسماك بعد
نجي بعد الغداء مشروب الصحة وهو شاي الاخضربالنعناع المغربي المهضم للاكل رروعه

وقت العصر نضع فواكهة مشكلة قومي باكلها مولازم حلى وكمان افضل اكل الفستق وعين الجمل واللوز والجوز والبندق بس بكمية قليلة جدا لانها مسمنة بس فوائدها للبشرة في اعطاها النضارة والرطوبة 100% غلاتي
نجي وقت المغرب بنات ابتعدو عن المنبهات مثل الشاي والقهوة لانها تدمر الدم على المدى البعيد وتسبب فقر دم
وفي الليل وافضل الساعه 7 افضل يكون بدري العشاء يكون من السلطة المتنوعه مثل الفتوش والتبولة وسلطات كثيرة متنوعه مع وجبة بسيطة لاتحتوي على دهون يابنات
وكمان قبل النوم افضل تشربي عصير الفراولة الطازجة مع اللبن مخلوط بالخلاط طعمة جنان ويخلي البشرة رروعه
بنات الي يمشي على النظام صدقوني بشرتكم بتكون لولو منور بياض على توريد ونضارة ورطوبة لاجفاف ولا سمنة صدقوني وباذن الله الي جرب جدولي يشوف صدقي في كلامي

ندى المطر&
10-20-2008, 06:59 PM
الله يجزاك الف خير ياحور الجنان وبسم الله عليكي والله يعطيك ع قد نيتك ويديم عليك الصحه يااارب

حور الجنان 1
10-20-2008, 07:23 PM
تسلمي غلاتي الله يسعدك بس اتحدى وحدة فيكم تطبق الكلام الي كتبته الكل بقول عجزان اوكسلان او مااقدر اتحمل ابتعد عن الاشياء الي احبها

مرام 17
10-20-2008, 07:27 PM
انا ماجربت شيء وجاب فايدة واضحه

& بنت المملكه &
10-20-2008, 09:44 PM
طيب شو فوائد حبوب زهره الربيع المسائيه وهل تمتن ؟؟؟
وايش احسن حبوب زهره الربيع المسائيه ولا حبوب كبد الحوت ؟؟
وحبوب كبد الحوت تمتن ولا لا ؟؟؟

اركا111ن
10-20-2008, 10:37 PM
جزاكم الله خير
انا لسى ماجربت لما اجرب اقولكم على النتيجه بأذن الله
موفقين

ملاك وبس
10-20-2008, 11:43 PM
حور بغيت اسالك انا نحيفه قبل وعقب متنت شوي يعني ارتويت واخاف امشي على النظام ارجع يابسه فابي شي اكله ويحافظ لي على هاللحمتين اللي طلعو اخاف يروحن

شرقاويه موت
10-21-2008, 12:10 AM
موضوع رائع بمعنئ الكلمه بجرب

أصيلة حائل
10-21-2008, 12:48 AM
الله يعافيكم على هذا الموضمع
وفيه فايده ودي الكل يستفيد منها وهي(((((الدبس حق التمر))))) فضضضضضضضضضضضضيع للبشرة يوردها ويصفيها وراح يسالونك وووووووش مسويه وانتي محلوة ومن هالكلام طريقته يوميا ملعقة منه
_2/وكذلك دبس الرمان بس انا ماجربت الثاني ادعو لي بالتوفيق في الدارين

حصوص 5555
10-26-2008, 01:50 AM
الف شكر لكل الي مرور وعطونا تجاربكهم
اختي حوررررررررررررررر
تجربه ترد الروح الف شكر لحماسك

زوجة الفهد
10-26-2008, 02:45 AM
يسلمو ياعسل

makkah_shop
04-22-2010, 04:00 AM
روووعه البرنامج لكن وش نسوي احنا النحيفات

لازم نضاعف الجرعات وناكل شي دسم عشان نربرب شوي

عمري ماتمنيت شيء
07-22-2010, 10:09 PM
انا سمعت عن فوائد الجزر والبرتقااال روووعة
وربي يرزقكم بالازواج الصالحييين يارب

غيــــوض..
07-22-2010, 10:35 PM
الله يوفقك ويرزقك الزوج التقي الغني االلي يستر عليك .......

إبتسامة رضى
08-27-2012, 06:04 AM
من أفيد المواضيع اللي قريتها في منتدى الفراشة

و مضاف عندي بالمفضلة https://s.yimg.com/qn/alfrasha/up/132562898723928891.gif

ام ريري*
08-28-2012, 03:25 AM
اللي تبي تفتح صدق وتصفى بشرتها تستخدم زيت كبد الحوت مع الاكل الصحي وابتعدوا عن الحلا والمقالي تطلح حبوب بالبشره وانا لي 3 شهور حسيت بفرق من غيرت نظام اكلي واستخدمت الحبوب
وكمان الرياضه حسيتها فتحت بشرتي لاني امشي عالسير اعرق منها في وجهي كثير وحسيت بفرق.
من الموبايل

Hanan Yousef
08-29-2012, 12:19 PM
الي بيهم نمش او كلف يبتعدو كل البعد عن اكل الجزر
لان بيزيد النمش

رريقي عسسل
08-29-2012, 04:58 PM
الله يتمم عليك مافي زي الاكل الصحي
الخلطات تعتبر مساعد له بس هو الاساس
انا صراحة نفسي استخدم حليب الصويا بس اخاف يسمني مترددة

توفي المنتوفي
08-30-2012, 06:30 AM
إرشيف


Content Relevant URLs by vBSEO 3.6.0