المساعد الشخصي الرقمي

مشاهدة النسخة كاملة : التجديد بعد النفاس...........



ام سارونة
10-20-2008, 01:49 AM
السلام عليكم
كيفكم حبوبات :0126:
عساكم بخير واخبار كروشتكم
مثل ماهو مكتوب بالموضوع يعني ماشاء الله الأخوات ماقصروا من ناحية
((( التغذية للنفاس والراحة الجسدية والنفسية لأنها من اهم شئ)))
اتفقنا:0149:
اللى ابغي نتبادل فيه المعلومات هو الناحية التجميلية يعني تعرفون التغيير اللى صار بهالفترة من سواد الرقبة والتشققات والجفاف ..............الخ
يعنى وش جهزت برنامج ومتى راح تبدين فيه
وش رايكم نقسمه:
الشعر:047:
البشرة "الجسم والوجة"":068:


مع العلم ان هذا نفاسي الثاني الأول ماسويت شئ يذكرشعري زيوت صانسيلك السبعة والجسم جلسرين مع اللوز
ودي اسوي نيولوك هالمرة شي يشد جسم ويفتحه خلال هالفترة لأن من نطلع من النفاس صعبة تاخذين راحتك لأن عندك طفل ويبغي له اهتمام يعني بتحتارين بين زوجك وبين طفلك وانتى


وش رايكم
فيه احد راح يتفاعل معي
انتظركم:070:

لمسة إحساسـ
10-20-2008, 01:59 AM
التجديد بعد النفاس ضرووووووووووووورة :0135: واهم شي للنيو لوكـ هو الشعر يعني قصة جديدة وصبغة رايقة وحيلوة وتغير شكلك :0149: والبشرة يبيلها تنضيفات وسنفرة وحمامات سونا للجسم :0149:

والله ودي اولد بسرعه واغير شكلي لاكن المشوار توه بالبدايه

:072: والعطر شي ضروري ان النفاس تشتري عطر جديد ما سبق وجربته :02: وكمان ازياء حييييييلوة على الموضه ولو ان البطن ( الكرش ) ماراح يساعد لاكن شويت رياضة واجتهاد :076: وترجع عروسة

looooool
10-20-2008, 02:22 AM
اي والله صدقتي انا لي اسبوع والده ومررررررررررره متعقده من التغيرات اللي صارت لي

اول شي سواد الرقبه والبطن هذا حله هين لاني بديت فيه وبانت النتيجه وهي حنه ومره وليمون وزيت زيتون وشوي مويه يعني يصير شوي خفيف مو مرره يغلى مع بعض وتدخلين الحمام الله يكرمكم وتفحسه في جسمك عشر دقائق وتتحممين يوم اي ويوم لا طول الاربعين وشوفي جسمك كيف يرجعلونه ويصفى اكثر من اول بعد انا بديت الين الحين مرتين وشايفه النتيجه شي
وهذي وصفه امي الله يخليها لي
اما الكرش الله يخلي الربط
والارداف هو اللي معقدني ابي ارجعه مثل اول قبل لا احمل مو عارفه ودي ارجع خلال فتره النفاس زي ماكنت بالله اللي تعرف اي طريقه لنزول الجسم زترجيعه زيما كان ما تبخل علينا بليزززززززز ضرورررررررري لانو نفسيتي بدت تعب لانه اول حمل لي وما ابي جسمي يخرب من بدايتها

ام سارونة
10-20-2008, 02:36 AM
لمسة احساس
معك باللى قلتيه
looooool
على البركة المولود ويتربي بعزكم بالنسة للأرداف سالت مدربة رياضة بالنادي تكونين واقفة على رجولك وتلفين يمين ويسار من دو ماتدورين كنك تفركين الأرض
بس بسالك بالنسة لخطة حنه ومره وليمون وزيت زيتون و مويه المقادير بالضبط
وتقومين بالسلامة

لمعةألماس
10-20-2008, 03:15 AM
حلو التجديد باللوك من صبغه وقصه
وصنفره للوجه وحمام مغربي....
ومن هالشغلات..

مجنونه اعشقه بجنون
10-20-2008, 03:43 AM
سلاااااااام
انا لي 25 يوم والده وبما انها اول ولاده لي كل بعد شوي اطالع بجسمي بالمرايا شوي وابكي
انا الحمدلله مو مره متغيره بس اللي يبكيني لون بطني مره تغير
ياليت اللي عندها حل تفيدني
وبالنسبه لشعري بقصه وبصبغه وطبعا على نهايه الاربعين 3جلسات حمام مغربي وتنظيف بشره
والله يوفق الجميع

أحلى جو*
10-20-2008, 03:53 AM
انا باقي حامل ادعوا لي ربي يهون علي واولد ..
بالنسبه للكرش يابنات كثير يمدحون قشر القهوه اليمني مع الزنجبيل تشرب مثل الشاي ........
الشعر مااتوقع بحط عليه شيء لاني مو فايقه له
فالتدليك كل يوم ثلاث مرات بيطول كثير افيد من الخلطات وكذا كنت بولادتي الاولى بس ادلكه وامشطه بضغط وكثر شعري الحمدلله
البشره ناويه استخدم زيت السمسم مع زيت جنين القمح منها تفتح البشره ومنها زينه للعظام

هذا اللي عندي وان شاء الله اللي تتغذا تمام بتطلع بشرتها وشعرها تماااااااام بدون خرابيط

ســــــــــدن
10-20-2008, 04:48 AM
انا الان نفاس لي 13يوم
اول شيء متضااااااااااااااايقه من لون الابط والرقبه وبين الفخوذ
طبعا سويت خلطه وهي عباره عن((جلسويد علبو كبيره-نص ليمونه-فنجال موية ورد -فنجال زيت الجلسرين-وبياله شبه مطخونه))
وكل يوم انظف الابط باسكينول الليمون مع الرقبه واحط من الخلطه واخليها لين بكره وارجع انظف المنطقه باسكينول الليمون
للوجه مداومه على البابايا 4*1وبالليل قبل النوم ادهن وجهي بفازلين
للجسم استخدم الصابونه السوداء وصابونه مبيضه للمناطق الداكنه من منتجات البحر الميت
وادهن جسمي عقب كل استحمام بجرجينز لشد البشره
وحاليا افكر في كريم العروسه من منتجات الحراز والصابون المغربي مع الحنا ابي استخدمهم
بالنسبه للكرش سويت خلطه زيوت ((جنين القمح-السمسم-الجلسرين-اللوزالحلو))واحط منها على بطني واربطه ((تركت الربط حاليا لان خياطتي الاولى انفكت وخيطت من جديد وصرت اوسوس لاتنفتح فتركت البطن الين يلتام جرح الخياط وبربطه بالمشد الاندنوسي ان شاء الله
واشرب قشر مع كمون مع زنجبيل يوخر البطن
وبس
وعساها ان شاء الله يارب تجيب نتايج
لان توني مالي الا 10 ايام استخدمهم
ادعوا لي بالتوفيق مع زوجي وان ربي يسخره لي
ويحفظ لي ولدي وبنتي
وربي يكتب لك بالمثل ان شاء الله

ام سارونة
10-20-2008, 05:00 AM
سلاااااااام
انا لي 25 يوم والده وبما انها اول ولاده لي كل بعد شوي اطالع بجسمي بالمرايا شوي وابكي
انا الحمدلله مو مره متغيره بس اللي يبكيني لون بطني مره تغير
ياليت اللي عندها حل تفيدني
وبالنسبه لشعري بقصه وبصبغه وطبعا على نهايه الاربعين 3جلسات حمام مغربي وتنظيف بشره
والله يوفق الجميع

** لبياض طبيعى صافي زي القشطه*.*
المقادير :
=حبه وحده صابون الغار
= كاس ماءورد
- علبتين جلوسليد الاحمر حجم صغير
قزازة جليسرين السائل
- فنجال قهوه لكل من
( زيت الزيتون + زيت الخروع + زيت اللوز المر )
- علبة فكس صغيره
- ملعقتين كبيره كركم للجسم مو للطبخ
(وهذا بتلقونه عند العطار قولو كركم طبيعي يجى على هيئة اعواد تدقينه وتطحنينه
او تلاقيه مطحون بس اهم شئ يكون طبيعى مو المعلب ) )
الطريقه :
تبشرون الصابونه برش ناعم
وبعدين تحطونها في كاس ماء ورد لمدة 4 او او5 ساعات
عشان يذوووووب الصابون في ماء الورد
وبعدين تضيفون الجلوسليد والجليسرين السائل والزيوت
وملعقتين كركم وعلبة الفكس الصغيره واخلطو المقادير جميعها واضربوها بالمضرب حق الكريمه الكهربائي
عشان تختلط زين بعدين تحفظونها في علبه زجاج او ممكن تعبيها فى زجاة ماء الورد والجلسرين السائل
والباقى تخزنيه فى الثلاجه لحين الحاجه اليه
عشان تبقى نظيفه وتستخدمونها اطول فتره ممكنه
وبعد كذا تحطونها على جميع مناطق الجسم (يعني الجسم كله )
وتخلونها ساعتين (( ممكن تلبسين بيجامه تخصصينها لهذى الخلطه))
ممكن تدهنين بطون رجلينك بالخلطه لانها تنعم مرررره(( تخلى جسمك نعومته مثل نعومة الاطفال
ممكن تشغلين نفسك خلال الساعتين بالاستغفار وقرائة الورد استفيدى من وقت جلوسك
وبعد كذا تجيبون ليفة الجسم حقة الحمام المغربي
اواللي من بودي شووووووووب صايره على شكل قفازات
ممكن تكون احسن من الليفه المغربيه
بعد انتهاء الساعتين ندخل تحت الدش ونتروش عادى بعدها
ناخذ الليفه
ونحط عليها ملح الخشن الطبيعى طبعا بعد مانطحنه
ونعصر ليمون فوق الملح ويالله تبدأون بالفرك
تفركين الجسم فرك جيد
والله يطلع لكم كل شي وتحسون بالنظااافه من اول استخدام وبعد كذا
يبدأ التفتيح يوم ورى يوم
وطبعا هذي الخلطه بشكل يومي واكيد اللي بيتزوجون (( احمم))مهتمين اكثر
ومع الاستمرار لمدة اقل شئ اسبوعين الى اكثر حسب البشره بيطلع لونك الاصلى وبتطلعين تلقين
بياضك الطبيعى بيطلع بلا عوده باذن الله للشوائب والاسمرار.
ملاحظة :
سوي نصف المقادير واستعمليها واذا خلصت سوي النص الثاني لأنك لو سويتيها كلها
بتطلع الكميه كبيره.
طبعا هذي الخلطة بعد ماتستحمي وتنشفي جسمك حطيها لأن المسام تكون مفتوحه وخليها مثل ما قلتلك
ساعتين.

ام سارونة
10-20-2008, 05:11 AM
أحلى جو
زيت جنين القمح يتفخ الوجه يعنى الخدود صح اولا

ام سارونة
10-20-2008, 05:13 AM
مجنونة اعشقه بجنون تذكرت زيت السمسم كل ماجيتي تتسبحين افركي بطنك بحركات دائرية إذا مالك خلق

مجنونه اعشقه بجنون
10-20-2008, 06:08 PM
مشكوووووووووووووووره يالغاليه
طيرااان ابشتري كل مقاضي الخلطه ان شاء الله تفيد
موفقه يالغلا

سوني اريكسون
10-20-2008, 07:40 PM
موضوع حلو كتيييييير

ام سارونة
10-20-2008, 10:05 PM
يارب يتمم لكل حاما على خير وييسهل ولادتها
يسلمو على مشاركتكم

الامووره
10-20-2008, 10:30 PM
والله حركات.. على طول بالمفضله..

جزاكم الله خير..

the-most-vip
10-20-2008, 10:32 PM
الغلط هو التجديد بعد النفاس:0148:
ليش لازم بعد النفاس !!! المفروض الوحدة تهتم بنفسها (شعرها وبشرتها وصحتها كمان) من فترة حملها عشان لما تصير نفاس خلاص تكون بشرتها نظيفة وجاهزة بس يبيلها شوية اهتمام ,,, واتوقع اهم شي في فترة النفاس الرياضة والرياضة ثم الرياضة ؟؟؟؟
طبعا هذا جدول اختي للعناية ببشرتها كتبته في ركن البشرة ونسخته هنا .....

والله يا قلبي حتى اختي على وشك ولادة ( الله يسهل لها ولك ولكل حامل) وراح اكتب لك ايش الاشياء اللي تسويها وطبعا بدت فيها بشهرها التاسع بس هي كسولة ما تداوم عليها فعشان كذا ما بانت النتايج ,,,
اول شي تستخدم الاسكينول الكلاسيكي وتنظف فيه رقبتها ويدها واكواعها وركبها ,,, وبعدين تدهن جسمها بكريم من دوف بالخيار والليمون ,,, هذة تسويها مرتين باليوم,,,
وقبل ما تتسبح تحط على جسمها سدر مطحون (تخلطه مع حليب وتخليه شبه سائل) وتخليه ربع ساعة وبعدين تنظفة بالليفة المغربية ,,, بعدين تقشر جسمها بملح يوكو (وتركز على الركب والاكواع والرقبة ,,, و المقشر ما تستخدمه كل يوم ) وبعدين تغسله زين بالموية ,,,
ولما تخلص من الحمام تدهن جسمها كله بزيت اللوز الحلو عشان يفتح لها بشرتها ,,,
طبعا وجهها تقشرة بمقشر جونسون ,,, وبعدين تدهنه بزيت اللوز الحلو بالذات من تحت عيونها ,,,
اما شعرها يوم تدهنه بزيت زيتون مركز ويوم لا ,,, وسلامتك ان شاء الله تستفيدين
هذا بالنسبة للبشرة اما اللوك الجديد بالنسبة لشعرك حاولي تصبغينه بلون صبغة عمرك ما جربتيه
بس اكيد يكون مناسب لبشرتك عشان يعطيك طلة حلوة واشتري عودة شعر او سبري شعر جديد حلوة ريحته ,,, وجسمك حاولي تستخدمين مشدات الجسم
عشان تخفي الكرش وتبين تناسق الجسم ولو مؤقت واكشخي باللبس والعطورات والميك اب بعد فترة الاربعين نسي زوجك ايام الحمل ,,,
وســــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــلامتك يالغالية

ام سارونة
10-20-2008, 11:20 PM
حبيبتي ماقلنا الوحده تهمل نفسها بس تعرفين التغيرات اللى مرات عليها البشرة من تعب وارهاق والبعض مايكون له خلق يطول فى الخلطات يعني سريع سريع
وحلو برنامج العناية مرة بسيط احس
مشكورة

رماانه
10-20-2008, 11:53 PM
انا لحد الان ماولد لاكن من الان استخدم خلطات تفتيح واستخدمت خلطه الاخت سعوديه وقلبي اماراتي جدااااارائعه لاكن انا ماحطيت فكس لانهم مايمدحونه للبشره
بصراحه نتائجها مرررره خطيره وبعد مااخلص من الحمام ادهن جسمي بزيت اللوز الحو لانو يفتح البشره
وقبل مانام ادهن جسمي بزيت الخروع بعد يفتح وينعم

looooool
10-21-2008, 12:00 AM
looooool
على البركة المولود ويتربي بعزكم بالنسة للأرداف سالت مدربة رياضة بالنادي تكونين واقفة على رجولك وتلفين يمين ويسار من دو ماتدورين كنك تفركين الأرض
بس بسالك بالنسة لخطة حنه ومره وليمون وزيت زيتون و مويه المقادير بالضبط
وتقومين بالسلامة

الله يبارك فيكي اختي ..:044:
المقادير : كاس حنه - فنجان زيت زيتون - ليمونه صغيره تعصريها وتحطين القشر بعد في القدر وهو يغلي - ونسيت اقولك كمان ملح خشن تاخذين بيدك كبشه وتحطينها - ومره جيبي حجرتين وسط ودقيهم وحطيه بالقدر - وماء حطي لين تشوفينه شوي خفيف مو مررره وتخلينه تغلي على النار
وتدخلي الحمام الله يكرمك ومعاك القدر وهو دافي تفركي كل جسمك بذمه عشر دقائق وتستحمي عادي
ترى تشوفي نتيجه من اول مره تحسي لونك شوي خف ومع التكرار تلقي لق اخر النفاس
انا لي مرتين استخدمه ولوني تقريبا رجع ..

ابي اسألك الرياضه في كم يوم ترجع الارداف زي ما كانت وقد ايش اعملها في اليوم الله يوفقك ان شاء الله ..

وتكفون اللي عندها اي طريقه ترجع الارداف تقولي لانو بطني شوي بدا يرجع مع القهوه قشر بس الارداف اللي معقدي ابي ارجع زي ما كنت وخلال الاربعين عشان النيو لوك يطلع تمام :020::020:
الله يوفقكم ان شاء الله ويخليلكم عيالكم وازواجكم يارب :087:

انين الجراح
10-21-2008, 01:24 AM
والله سالفتكم سالفة
انا صار لي والد 6 شهور والبيبي تبعي مات
الله يرحمنا بة
المهم اني لما طلعت من 40 صرت كني عروس روووووووووووووعه نيو لوك حقيقي من والى
تغيرت على زوجي تغير جذري ماشاء الله
الله يتمم علينا ويعوضنا مافقدنا ياااااااااااااااااااارب

أحلى جو*
10-21-2008, 01:25 AM
سعوديه انا ماجربته لكن وي بحث في قوقل وشوفي مدح البنات فيه
وكثير كاتبين نفخ خدودهم وحسن بشرتهم

ام ليون
10-21-2008, 02:28 AM
يعطيكم العافية بس ممكن اسأل عن المشد البطن فين يتباع
وكيف اعرف الافضل؟؟؟

أم دانــه
10-21-2008, 03:26 AM
والله موضوع مفيد .. أنا أول حمل لي ومتوهقه مع التغييرات اللي صايره بجسمي :059:


ان شاءالله الكل يستفيد ومشكووووووورات يالغاليات

ام سارونة
10-21-2008, 06:40 PM
ابي اسألك الرياضه في كم يوم ترجع الارداف زي ما كانت وقد ايش اعملها في اليوم الله يوفقك ان شاء الله ..

وتكفون اللي عندها اي طريقه ترجع الارداف تقولي لانو بطني شوي بدا يرجع مع القهوه قشر بس الارداف اللي معقدي ابي ارجع زي ما كنت وخلال الاربعين عشان النيو لوك يطلع تمام :020::020:
الله يوفقكم ان شاء الله ويخليلكم عيالكم وازواجكم يارب :087:
شوفى انا جربتها ابوع حسيت بتغيير بسيط واختى استمرت عليها شهر وضح عليها
بس مافهمت بطنك وقشر القهوة وشلون؟؟

ام سارونة
10-21-2008, 06:49 PM
يعطيكم العافية بس ممكن اسأل عن المشد البطن فين يتباع
وكيف اعرف الافضل؟؟؟
انا من كثرت ما ادور عن شي يشد البطن يقولون ان المشد الطبي بعد ماتتركينه يرجع زي اول والأغلب يستخدمون طريقة لف البطن بقماش وهذ ي طريقة لفه وانتى براحتك
1- لف البطن
وهو كالاتي تاخذين قماش زبده لانه بارد على الجسم يكون طوله 12 او 11 متر خلاص
وبعدين تثنينه بالنص على طوله
وبعد كذا تثنينه مره ثانيه ويتخيط علشان ماينفك القماش يعني يسير 4 طبقات في القماش
خلاص فهمته علي يعني الطول مايتغير نفسه والعرض صار صخيف
وبعد كذا تنامي على ظهرك وتمرخي بطنك بزيت دافي او فكس الجاوه وحده جاويه اعطتنيه هو زي الزيت لونه اخضر امسح بطني فيه بحيث انك ترفعي الارحام على فوق
وبعد كذا تجيبي القماش من تحت ويكون جهه طويله وجه قصيره بس مو مره قصيره
المهم بعد كذا تربطي القماش من اسفل البطن او من عند الارداف وبعد كذا تبداي بشفط البطن وتلفي الجه الثانيه الطويله
الين توصلي عند العقده وتعقدي عقده ثانيه وهكذا الين اسفل الصدر بضبط
وللمعلوميه امي معودتنا اننا بعد الولاده يعني لما اخرج من المستشفى على طول ابدا بربط
وهذه الطريقه ماخذينه من وحده جاويه
وفعلا يابنات الطريقه روعه روعه تحسي جسمك ملموم
2-((طريقة الشماغ))جيبي شماغ وقصية نصيين وخيطية باالطول يعني حطي القطع جنب بعض وخيطيهم بحيث ان الشماغ يصير طويل مرة واربطي بطنك من تحت الصدر لين اسفل بطنك طربقة ممتازة ومجربة لان الشماغ يشد من قلب ..
واختاري اللى يريحك
انا بجرب قماش الزبدة جربت المشد من الصيدلية بنفاسي الأول ماحسيت تغيير

ام سارونة
10-21-2008, 06:50 PM
انين الجراح
الله يعوضك يارب بإذنه
بس وش برنامجك اللى سويته

looooool
10-22-2008, 01:03 AM
قصدي اشرب القهوه قشر ( قشر البن ) والبس ملابس الداخليه بالمشد واربط فوقه بالمشد الاندونسي الطويل ذا ولاحظت من اول ما ولدت الا الان يعني اسبوعين انو بطني بدت ترجع زي اول

looooool
10-22-2008, 01:04 AM
سؤال صحيح انو بعد الولاده الشعر يتساقط ويرجع زي ماكان لانو فتره الحمل مرره يتحسن ويغزر ؟

واذا صحيح طيب كيف احافظ عليه واخليه زي ما هو

ام سارونة
10-26-2008, 01:59 AM
من يعرف احسن مستشفي او مستوصف دكتورة نساء ولادة تسوي عملية تجميلية ..

سموة الاميرة
10-26-2008, 02:51 AM
عندي سؤال لسعوديه وقلبي اماراتي متى ابداء استخدم الخلطه اللي كتبتيهامن ثاني يوم اواستنىء20يوم علشان انتي تقولي نجلس ساعتين مايضر النفاس البرادويدخل فيهاهواء ياررررررريت تردي محتاجه ردك :0150:ويعطيك العافيه:090:

ام سارونة
10-26-2008, 03:47 AM
عندي سؤال لسعوديه وقلبي اماراتي متى ابداء استخدم الخلطه اللي كتبتيهامن ثاني يوم اواستنىء20يوم علشان انتي تقولي نجلس ساعتين مايضر النفاس البرادويدخل فيهاهواء ياررررررريت تردي محتاجه ردك :0150:ويعطيك العافيه:090:
شوفي ياقلبي متى ماتبين استخدميها لأنك ماراح تجلسي بلا ملابس راح تكونين لابسه لو بجامة انا راح ابدا بعد 10 ايم تقريبا متى حسيت نفسي قوية
العفو

M!sS DLo3a
10-26-2008, 04:31 AM
ياحلو التجديد ..
انا لي الحين شهر ويوم نفاس..
استخدم مقشر للركب والاكواع وادهن جسمي بزيت اللوز المر بعدها اتدلك بليفه وصابونة البابايا..
اما وجهي الحمد الله مافيه شي بس برضو الاهتمام بكريم البابايا والصابونه بعدها

وشعري ازيته بزيت اللوز الحلو..

وووبش


تح ـيآتي//

ام سارونة
10-26-2008, 04:36 AM
تطلعين بالسلامة إن شاء الله

قطعة خبزه
10-26-2008, 07:43 AM
مشــــــــــــــــاااء الله تبارك الله
اقول احمدوا ربكم يالطبيعي انكم مو قيصري
والله احنا لانربط بطوننا ولاتمارينا ولايحزنون
هذا اذا نجحت العمليه اما اذا اتفتحت فتعلن حالة الطواري طن طن طن خخخخخخخخخخ الغاء جميع خلطات الجسم وعدم الاستحمام حتى يلتام الجرح واذا ماالتام لازم خياطه جديده عند المستشفى يالله عونك ورحمتك ,,,

ادعولي الله يخليكم يالتام جرحي ولااروح للمستشفى وارجع لخلطاتي والاستحمام اهئ اهئ اهئ

ام سارونة
10-26-2008, 06:41 PM
حلوة حالة الطورائ اذكر خالتي كذا لما انفتح الخياط وصارمعها التهاب الكل على اعصابه معك حق
وكل اللى سوته اخرعشر ايام زيت اللوز لجسمها وحمام مغربي

ام سارونة
10-26-2008, 06:44 PM
نسيت ادعى لك هههههههههه
يارب يلتئم خياط قطعه خبزه ويقومها بالسلامة وتصير مثل القمر

^ كرسبي ^
10-26-2008, 06:59 PM
انا والله في نفاسي الاول ماسويت ولاشيء
وحتى في نفاسي ان شاء الله الجاي مانب مخططه اسوي شيء لاخلطات ولاشيء ..,

نفس الروتين الي في حياتي العاديه ..
مقشر ومرطب ومعطر فقط
واذا مره بسوي حركات يمكن اسوي حمام بخار فقط

اهم شيء عندي شعري ووجهي بسوي نيو لك

مس نونه
10-28-2008, 12:09 AM
up

قووووت4
10-28-2008, 05:25 AM
آب

ام سارونة
10-30-2008, 01:25 AM
للرفع

LANO
10-30-2008, 02:37 AM
سلاااااااام عليكم
ذبحنا التفكيرررر بالبشره والولاده والكرش ولا البيبي مشتتين من جد
اهم شي يابنات لاتقطعون الفيتامينات خاصه الحديد والكالسيوووم
والاسكينول رهيب بصراحه ومايبغاله تعب يصلح للعجازات حلاتي
الاخت سعوديه ايش الخلطه لو سمحتي

ام سارونة
10-30-2008, 03:00 PM
الاخت سعوديه ايش الخلطه لو سمحتي
هلا اختى بس مافهمت اي خلطة ؟؟؟


Content Relevant URLs by vBSEO 3.6.0