المساعد الشخصي الرقمي

مشاهدة النسخة كاملة : تخفيضات مذركير و سيتي بلازا على ملابس المواليد



بنت دلوعة
10-25-2008, 03:33 PM
السلام عليكم ورحمة الله وبركاته

كيف حالكم جميعا يا أحلى فرشات

حبيت اسالكم عن التخفيضات في مذركير وسيتي بلازا على ملابس المواليد لاني حامل وحابة اجهز للبيبي من هناك لاني سالت كثير من وين اجهز والاغلبية رشحوا لي هالمحلين بس خبري فيهم غالين وانا ابي اسعار معقولة فقلت مالي الا اني اروح في وقت تخفيضات بس ماعندي خلفية عن وقت التخفيضات قلت اسالكم ومرة وحدة اللي تعرف محلات ثانية لتجهيز المواليد تعطيني اسماء المحلات مع العلم اني بالاحساء والسرير والدولاب خلاص خلصت منهم بس باقي الاشياء الثانية في انتظار ردكم ياحلوين واللي ماعندها خلفية يكفيني منها انها تدعو لي بتسهيل ولادتي وجزاكم الله خير

تـرف ..
10-25-2008, 03:59 PM
والله مدري
ربي يسهل لك ولادتك وتشوفين النونو يارب

بنت دلوعة
10-25-2008, 05:23 PM
مشكورة اختي على مرورك العطر في انتظار باقي الفراشات

لجين الدعجاني
10-25-2008, 05:25 PM
ماعندي خلفيه
الله يسهل ولادتك وتقر عينك بشوفت مولودك

أمـيــ الذكريات ـــرة
10-25-2008, 05:28 PM
حبوووبه للاسف ماعندي فكره ..

بس ولايهمك بشوف لك ولي رجعه :)

الله يرفعك بالسلامه ويسهل لك ولادتك يااارب ويحفظك والبيبي من كل شر ..

تقبلي مروري

>> لاحرمني الله منكم <<

بنت دلوعة
10-25-2008, 05:47 PM
مشكورين على دعواتكم الحلوة ربي يجزاكم خير إن شاء الله وفي انتظار باقي الردود

رينادة
10-25-2008, 05:54 PM
هلا حبيبتي
الله يسهل ولادتك ياااااااااااارب
سيتي ماكس رووووووووووووووووعة للمواليد واسعارة جدا معقولة .
اما التخفيضات كانت شهر 5اضن في ستي بلازا ومذر كير شهر8

غلاة العمر
10-25-2008, 06:10 PM
الله يسهل عليك وعلي ان شاءالله...
انا تقريبا قبل اسبوع رايحه للسوق قالولي على بدايه ذي الحجه تبدا التخفيضات ومثل ماقالولك البنات فيه سيتي ماكس ,الهرم,مرجان,في الرياض عندهم لبس مواليد واسعارهم معقوله

بنت دلوعة
10-25-2008, 08:16 PM
مشكورين حبايبي انا فكرت اروح سيتي ماكس بس قلت يمكن سيتي بلازا ومذركيراحسن نشوف الوضع على كذا بانتظر الى شهر ذي الحجة علشان نشوف التخفيضات وفي انتظار باقي الاراء

اسيل26
10-26-2008, 01:30 AM
ايه قلبي اتوقع في نهايه ذي الحجه لانه العام رحت جهزت له زي هالوقت وكان السوق مليان تخفيض على اغلب الماركات

* أم رنيم *
10-26-2008, 01:31 AM
هلا دلوعه
سيتي بلازا حاليا تخفيضات روحي واستغلي الفرصه ومذركير بعد تخفيضات روحي اللي في الجبر مذكير واللي في العثيم
سيتي ماكس روووووعه
مبارك اللي في المبرز روووعه للمواليد والاطفال ..
عندك شارع النجاح فيه محلات حلووووه لتجهيز البيبي مثل يوم بيوم وغيره..
مملكة الطفل اللي في البستان ..
هذي تقريبا احسسن المحلات لاتفوتينها خصوصا سيتي بلازا ومذركير ومبارك ..
الله يسهل عليييك..

ام حصه 2007
10-26-2008, 01:58 AM
الله يسهل عليك وعلي ان شاء الله....

دلوعةابونا
10-26-2008, 02:26 PM
رفع

بنت دلوعة
10-26-2008, 03:20 PM
مشكورين حبايبي على دعواتكم ومساعدتكم لي والله يسهل علي وعلى كل حامل
ام رنيم مشكورة حبيبتي كفيتي ووفيتي انا رحت شريت من محلات مبارك من قبل بس مو للمواليد إن شاء الله بروح اجهز منهم بس متاكدة في تخفيضات حاليا في سيتي بلازا ومذركير اللي في العثيم اللي عندنا في الاحساء ومتى تنتهي بالضبط والاغلبية قالوا التخفيضات في ذي الحجة هل في البداية او في نهاية ياليت جواب اكيد ومشكورين جميعا

* أم رنيم *
10-26-2008, 04:03 PM
هلا دلوعه
البنات قالو ان فيه تخفيضات على قسم المواليد في سيتي بلازا ومذركير واوكايدي

hulm
10-26-2008, 04:35 PM
محل السعر المنافس بالدمام عنده اشكال وانواع للمواليد
كل شي شنط بيجامات جوارب او شرابات كل شي تحتاجينه وبضاعتهم تعجبني
واغلى شي 30 ريال وفيه20 25

ام عذوري
10-26-2008, 04:51 PM
ايه حبوبه تخفيضاتهم بذي الحجه على الشتوي
انا من اهل الدمام
إذا تقدرين تنزلين الدمام عندش الهرم بلازا وطابا
بس هذول مو ماركات يعني عاديات بس والله روووووووووعه واسعارهم معقوله جدا
والله يسهل عليش ويهون عليش ولادتش

عطر الليل100
10-26-2008, 05:01 PM
حبيبتي اذا تبين ملابس حلوة و اسعار احلى

عندك محل الصقر اللي بالسوق عنده كل اللي تحتاجينه

مع ان محله صغير لكن مليان

بنت دلوعة
10-26-2008, 05:19 PM
مشكورين جميعا محل طابا اسمع عنه كثير بس مشكلتي زوجي مايحب المشاوير البعيد يعني عنده الدمام والخبر صعب نروحه بس بجرب اقول له

محل الصقر وين يصير بالضبط

anne
10-26-2008, 10:04 PM
هلا
الله يسهل ولادتك ياااااااااااارب
على ما اعتقد مذركير التنزيلات عندهم يوم الثلاثاء اي في 28 هذا الشهر

بنت دلوعة
10-27-2008, 02:10 PM
هلا بنات كيف حالكم البارحة رحت مذركير اللي في شارع الظهران مافيه تخفيضات وبصراحة انا اول مرة اروح فيه يعني بصراحة عندي بنتي بس مااشتري لها من الماركات من المحلات العادية بس سمعت بنات يقولون محلات الماركات حلوة وقت التخفيض قلت نروح نشوف طبعا زوجي انهبل من الاسعار مرة غالية صراحة بس البضاعة تجنن قلت إن شاء الله وقت التخفيض اجي واحصل لي كم قطعة بسعر معقول بشوف يوم 28 نروح نجرب

بنت دلوعة
10-28-2008, 02:25 PM
فووووووووووووووووق

* أم رنيم *
10-28-2008, 05:42 PM
الصقر في سوق الهفوف سكة الرياض ادتدخلينها الى النهاية تلقين يمين تمشين شوي تلقين لوحه مكتوب عليها الصقر يسار وساره يمين حلووو تجهيزهم للمواليد ..
اخر فرصه اللي في سوق الهفوف نهاية شارع الماجد على اليمين مرررررره رووووووعه للمواليد ومسوين تخفيضات حلوووه يعني تاخذين بطانيات الطفل 2ب20ريال وتشكيلة التيشرتات وبدلات النوم والبجامات رووووووعه وماتتعدى 50ريال..لاتفوتينه ..
انا رايحه من يومين وماخذه لبنتي كم بدله ..

damat_amal
10-28-2008, 07:19 PM
انا اليوم سمعت في الراديو انه في تخفيضات في مذركير في المنطقة الغربية بس ما رحت شفت

bmma
10-28-2008, 10:15 PM
صح بدأت التخفيضات في الإثنين مذركير وستي بلازا

بنت دلوعة
10-28-2008, 10:16 PM
مشكورة ام رنيم حبيبة قلبي إن شاء الله اروح اخر فرصة هاليومين على فكرة اسم رنيم حلو يمكن إذا جبت بنت اسميها رنيم انا بنتي اسمها روان

* أم رنيم *
10-28-2008, 11:08 PM
الله يخليها لك ان شاءالله ويقومك بالسلامه ...
تحلى ايامك والله ...
على فكره اليوم رحت سيتي بلازا عليه تخفيضات 50% على الملابس الصيفيه والمواليد ..
بس الشتوي توه جدييييييد ورووووعه ماعليه تخفيض..

*اخفي غلاك*o*
10-29-2008, 01:12 AM
عزيزتي انا امس رحت وكان مذركير عنده تخفيض 50% بس ماادري اذا عندكم كمان لان البنات يقولو بس في المطقه الغربيه وانا رحت الي في المدينه

بنت دلوعة
10-29-2008, 02:15 PM
مشكورة ام رنيم على المعلومات اليوم الصباح رحت اخر فرصة رااااايقة الاخت ههههههههههه لابس قلت احسن خفايف مافيه زحمة ومادام ابو شباب موافق فرصة فيه اشياء حلوة كثير وفيه تخفيض على بعض الاقسام وفيه ملابس واصلة جديد طبعا شتوية بس روووووووووعة اخذت لي كم لبسة حق البيبي وبعدين رحنا سمينا بنفسك ماعجبني كثير احس اشياء عادية باسعار مبالغ فيها وبعدها رحنا عيون الشرق يعني ماعجبني كثير اسعاره رخيصة بس مو مرتب كثير وانتي وحظك اخذت لي كم قطعة منه ورجعت البيت إن شاء الله اروح سيتي بلازا ونشوف شلون تخفيضاتهم هذي نشرتنا التسوقية لهذا اليوم انتظروني في جولة جديدة ههههههههه

بنت دلوعة
10-29-2008, 02:17 PM
ام سوسو انا رحت اللي عندنا في الشرقية مافيه تخفيض بس فيه فرع ثاني مارحت له يمكن فيه ويمكن مثل ماقلتي في المنطقة الغربية بس مشكورة على مرورك

Areeg 2007
10-29-2008, 02:20 PM
الله يسهل عليك ولادتك وعلى جميع المسلمات

بنت دلوعة
10-31-2008, 06:02 PM
الله يسمعك منك اختي ومشكورة على مرورك

<<مملكة الحب>>
05-23-2009, 07:32 PM
>>>>>>>>>>>>>>>>>>>>>>>>>>>

دلوووعة وكلمتي مسموووعة
05-24-2009, 03:07 AM
يالغلا اللآن ستي بلازا(سنتر بوينت) مسوي تخفيض من 20% إلى 50%

مذر كير مدري

بنت دلوعة
05-24-2009, 09:59 PM
مشكورة اختي

اه يالحنونه
05-25-2009, 03:46 PM
الله يتمملك على خير
فيه محل اسمه العسائي في اسواق العليا مول وحياة مول مره جنان بس اسعاره غاليه شوي

بنت دلوعة
05-27-2009, 08:44 PM
انا بالاحساء ماادري اذا عندنا العسائي

ضحاااوي
05-30-2009, 03:45 AM
صحيح حبيبتي روحي الهرم والسعر المنافس بالدمام اسعارهم رخيصه وعندك ستي ماكس رووووعه

•ρяỉŋсзѕѕ•~
05-30-2009, 01:25 PM
الله يسهل ولادتك

ويوفقك

بنت دلوعة
05-31-2009, 10:56 PM
مشكورات جميعا سيتي ماكس فعلا حلو اروح اخذ منه بس الهرم رحت مرة اللي في الرياض والا اللي في الدمام مارحت له ولا مرة والسعر المنافس سمعت فيه بس ما رحت له بس اختي تروح له وتمدحه

<<مملكة الحب>>
06-01-2009, 01:56 PM
ماعندي خلفيه
الله يسهل ولادتك وتقر عينك بشوفت مولودك

بنت دلوعة
06-05-2009, 01:05 AM
مشكورة حبيبتي

سعودية امورة
12-09-2009, 11:16 AM
up

umjumanah1400
12-10-2009, 10:42 PM
تكفون يابنات بدت تخفيضات سيتي بلازا ودي اجهز بوقت التخفيض للمواليد

فرااشه زوجي
12-11-2009, 12:24 AM
الله يسهل عليك حملك وولادتك

أم الولدين الحلوين
12-12-2009, 03:38 PM
اب

بنت دلوعة
12-13-2009, 12:05 AM
مشكورين ياحلوين بس ترى الموضوع قديم شوي خخخخخخخخ الحين ولدت وولدي صار عمره 10 شهور ربي يحفظه بس مو مشكلة نبي نعرف متى التخفيضات

ندوو8
12-13-2009, 12:24 AM
انا قرات الموضوع وحبيت افيدك ياقلبي
بالعاده تكون التخفيضات في شهر 1
وانا ارشحلك كمان سوق سيتي ماكس
بضاعتهم حلوه واسعارها جدا مناسبه
والله يسهل لك وويريك ماحملتي بخير وعافيه
وشكرا

بنت دلوعة
12-15-2009, 01:13 AM
مشكورة اختي على دعوتك الحلوة


Content Relevant URLs by vBSEO 3.6.0