المساعد الشخصي الرقمي

مشاهدة النسخة كاملة : ملف بنات العراق الحبيب...كل فراشات العراق هنا نجتمع..



الصفحات : 1 [2] 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70

Lolita22
02-10-2006, 01:35 AM
حبي سوان و الله ما اختفيت بس و الله مريضه و الكحه راح تذبحني خخخخخخخخخخخخخخخخخ :(

بس اكيد اول ما ادخل الموقع اجي افتح ملفنا و اشوف اخباركم يا عمري...

و بالنسبه لسؤال مسك القموره...و الله اتمنى ارجع ل بغداد و اتمنى هالشي بس عجبى نقدر نعيش ويه الوضع الي هناك؟؟؟ لا امان و لا شي مستحيل الواحد يقدر يعيش هنا ننام و باب البيت ما مقفول للصبح و الله و لا نخاف و عندي اصدقائي ببغداد من يخابرون يقولولي على اخبارهم و الله بهذله الله يساعدهم!

بالنسبه الي اتمنىىىىىىىىىىىىىىىىىى الوضع يتحسن بس الواحد يكون واقعي لحد حتى اكثر من 5 سنين هيظل الوضع هيج او ما يتحسن هوايه !!

الله يحفظ العراق و العراقيين يارب


لوليتا

فراشةحنونة
02-10-2006, 02:34 AM
اشتاقيتلكممممممممممممممممممممممممممممممممم غاليات البيت...
والله ما تتصورون شكد..
اسفة على تاخيري بس والله ظروف اولها اني تمرضت اسم الله عليكم نشلة وانفلونزا ذبحتني ...وبعدين استلمت الراية مني بدور حبيبتي تعالو شوفوا حالها سخونة ونشلة دمرتها واني وياها وابوها المسكين عايش بنص الفايروسات<<<على اساس و شلون ما عندة لا جيوب انفية ولا نشلة<<<هو اضرب من عدنة<<<<ههههههههههه
شعدد ؟؟؟ما اريد اسمي...اسامي ما اريد اذكر اسامي سلامي....حتى محد يزعل..
الكل غاليات والكل وردات وكل وحدة بيكم شمعة منورة البيت...
بس الصراحة اريد ارحب من كل كلبي برجعة سفيرتنا الغالية واكللها الف مليون الحمد لله على سلامة الوالدة...

سوانا حبيبتي مشكورة عمري اني اعرف انتي ما تقصرين بالردود على الكل..
سندريلا اخبار الدولمة؟؟؟ترة اني محترفة دولمة<<<اخذت الصنعة من الوالدة الله يحفظها...

اما نداوي يا نداوييييييييييييييي فشنو اني لا اراديا من ابدي اقرة سوالفج امووووووووت من الضحك..
خصوصا سالفة خليج مرابطة ويانة على الخط <<<هههههههههههههههههههههههههههههههههه
هذي المحطة صدك يعجبني اتفرج عليها <<<<كبدي انتي نداوي...

اما سالفة اللغز المصلاوي تدرين اني هسة يلة لكفت كلمة البغنيي<<<<يعني البرنية..
اتكندغت البغنيي عالمحفوغة يعني اعتقد>>انطشت البرنية على الزولية<<هااااااااااااااااااااااااا؟؟؟صح؟؟؟
والبرنية شايفتها اني عيني ام حمودي ويوسف...<<<اللي مدري شلون يطلع السنون بالجملة وسايدين<<ههههههههههه

يعني ميخالف انتي حامل وتتشهين بس شذكرج بشربت الزبيب <<<اللللللللللللللللله لا وبي بطنج وبارد يبووووووووووو...
يا نداوي اطيب شربت زبيب اني اشربة هو مال اهل الموصل<<<يا سلاااااااااااااااام...

لا وسالفة انه حمودي انزف زفة وديسوي الواجب مثل اليويو يعني ما اكلج غير انتي شنو من عسل<<هههههههههه
بالله عليج تبوسيلي حودة وسوفة بس يمعودة انتبهي لا تجي الدلوعة مالتنا عدها 3 سراوات سنوووون<<هههههههه

والله يا بنات اشتقتلكم وفعلا فراككم صعبببببب...

وهذي اليوم جبتهم الكم وعوافيييييييييييي..
بس نريد مواضيييييييييييع...


http://up.alfrasha.com/u/167/2549/23941.jpg

http://up.alfrasha.com/u/167/2549/23939.jpg

وهذا المخروووط العراقي

http://up.alfrasha.com/u/167/2533/23953.jpg

http://up.alfrasha.com/u/167/2533/23954.jpg

وسلامي

http://up.alfrasha.com/u/167/2530/23935.jpg

دبيه ام خدود ورديه
02-10-2006, 11:52 AM
ياحلووو لهجتكمممممممم يالعراقيات

وخصوصا لما تقولون هسه وهسه انا اول كنت افكرها هسع

<<من كثر ماهي فاضيه جالسه تقرا في ملفكم

عاشقة العراق
02-10-2006, 09:24 PM
السلالالالالالالالالالالالام عليكم
شلونكم فراشات الحلوات

والله موضوع كلش حلووووووووو وأشكر فراشة الحنونة عليه
لآن لمتنة وجمعتنة

وأشكر الوردة سندريلا بغداد لأن هي الي دلتني على هاي الجمعة الحلوة

هسة أعرفكم بنفسي
أني بنية عراقية أتغربت عن بلدي صارلي أربع سنين
وكلي شوق أرجع الة
عمري 17 سنة وهسة أدرس صف خامس علمي بالمدرسة العراقية بالمغرب
أتمنى تعبروني أختكم الصغيرة لأن ما شاء الله عليكم كلكم متزوجات وعدكم أطفال الله يخليهم ألكم
و بصراحة سوالفكم كلها حلوة يعني أني قريت كلشي وحسيت بيكم حبوبات وطيوبات وعجبني أشارك وياكم من بعد أذنكم

نداوى
02-10-2006, 09:44 PM
مرحبا حبيباتي ..... تدرون كل مرة اجلس حتى اكتب الكم الله يسلط عليّة احد يخليني اقوم من دون حتى ما اكمل قراءة , حتى هسة اول ما بدأت اكتب رن التليفون وزوجي اتصل وخبرني راح يجي بعد شوي , يعني اكيد ما راح اقدر اطول .

اول شئ راح احللكم لغز ( اتكندغت البغنيي على المحفوغة )
معناها ( اتدحرجت البستوكة على الزولية ) وان شاء الله تقولولي ماتعرفون شنهي البستوكة :ghj: , ترى امنعكم من دخول العراق بعد عمر طويل عقوبة الكم خخخخخخخخ ( على اساس انا اقدر اروح )

شنو قصتكم كلكم مرضى بعدوا عني :14_6_ss1 ما اريد تعدوني انا ماناقصة يكفيني اللي بيّ


وايت سوان تدللي الاقيلك اسم ..... اشرايك باسم ( ام مريش ) خخخخخخخ حلو محد مسمي مثله احلى من زعبولة ههههههه....اذا تردين اغيره شنو رأيج ب ممممممممم حنفوشة ههههههه


هلا بيك اختنا سفيرة الغد والحمد لله على سلامة الوالدة الله يديمها الكم ويخليها على راسكم , ماكو اغلى من الام .
حتى اسألي سعدون جابر ههههههههه .

لوليتا شلونج تدخلين كلمتين وتهربين منو وراج .... لاتكوني مفكرة عدنا سيارات مفخخة او عبوات ناسفة ... لااااع
ابشرج بعد ماوصلتنا , من تصل انتي اول المدعوات ههههههههه

مسك شكرا حبيبتي على السؤال والله مشكلتي مشكلة تشوفيني احوص لااعرف شلون اكعد ولا اشلون انام حتى مشي مقللة لأن اتعب بسرعة والله يفوت الي بقالي على خير واخلص , ولو شني يخلصني باجر تجي الفلعوصة وواق وويق لانوم ولاراحة :cry: :15_5_12[1
.

يالله ما كلتلكم اجازوجي اروح وارجع اكمل بعدين .... راجعتلج ام بدور لاتروحين خخخخخخخ .

White_Swan
02-10-2006, 09:48 PM
مرحبا يالفراشات.......

شلونك جميعا,,ان شاءالله بخير وبصحة

هلا بحنونة الفراشة ,,شلونك عيوني,,سلامات انتي وبدور ماتشوفون شر
طهور ومأجورين ان شاءالله.......
شنو الاكل الي يجنن ,,لا وايس كريم بعد
يم يم يميييييييييي
تسلم الايادي حنونة ...


هلا بديبة ام خدود ورديه,,شلونك عيوني ان شاءالله بخير وبصحة,,
على فكرة اسمك كثير حلو وغريب
اني همين احب كلامكم كثير عندي ولع بيه
دايما تلاقيني ابحلق بكل كلمة تقولها
يلا ننتضر زيارتك دايما لاتقطعين عنا...


هلا عيوني عاشقة العراق,,شلونك انتي
نورتينا,,اكيد البيت بيتك وسعداء بوجودك هنا,,
اريد اصحح الك غلطة قلتيها
خخخخ
اني مو متزوجة ......
اي قولي الي شنو تحبين تتخصي بعد
السادس ان شاءالله؟
سلامي لعائلتك عزيزتي...


وين البنات ؟؟؟؟؟؟
نداوي,,مسك,,سندريلا بغداد,,سندي بيل,,قمريه,,اوراق القمـــــر
ان شاءالله الكل بخير وصحة....


طيب اترككم الان,,
في امان الله...

White_Swan
02-10-2006, 09:57 PM
هلا نداوي,,,شلونك قلبي ,,,
شنو هذا اني وانتي كتبنا بنفس الوقت,,
شلونك ان شاءالله بخير
وشلون العائله ,,

خخخخخخ
حنفوشة....ام مريش,,

الاثنين حلوييييييين
قلبي اني اثق بذوقك ..
لاتغيبين عنا بس ..
ان شاءالله تقومين بالسلامه امين وتجيبين احلى بنوتة..

يالله اتركك الان..في امان الله

عاشقة العراق
02-10-2006, 09:59 PM
الله يخليج عيوني وايت سوان
البيت منور بوجودج
والله يرزقج بالزوج الصالح يا رب

أن شاء الله بس أخلص سادس وأذا جايبة معدل زين أدخل طب وأذا الله راد ناوية ارجع للعراق أكمل دراستي أدعولي
ويوصل سلامج

White_Swan
02-10-2006, 10:03 PM
عاشقــــــــه العــــراق,,
الله يوفقك عيوني,,
ان شاءالله تصبحين اروع طبيبه
قولي امين...


تحياتي,,ولاتفطعين عنا اخبارك..

Lolita22
02-10-2006, 10:31 PM
عاشقة العراق حبيبتي موفقه باذن الله و يارب تجيبين معدل حلووووووووووووووووووووووو و تدخلين طب يارب

أنا اني ناويه أدرس هندسه معماريه أو ديكور بأذن الله على نهاية السنه او السنه الجايه!!

طبعا تخصصي هو الترجمه بس حابه ادرس هندسه من زماااااااااااااان و يارب اقدر أحقق الحلم هذا

نداووووووووووووووووووووي...اكوللج تره خوفي من علج بوبي يطك بوجي اكثر من خوفي من السيارات المفخخه خخخخخخخخخخخخ

سلام يا قمورات


لوليتا

المهندسة*
02-10-2006, 10:51 PM
شكرا" يا عزيزاتي فراشات العراق على ترحيبكم الحار وسأكون مراسلتكم في العراق لنقل كل الاخبار الي حابين تعرفوها والبيت منور بوجودكم طبعا" :frashagir

عاشقة العراق
02-10-2006, 11:07 PM
أمين يارب
تسلمين وايت سوان على الدعوة الحلوة

ومشكورة حياتي لوليتا والله يسمع منج وأجيب المعدل الحلو والي من هسة خايفة من عندة
والله يوفقج وأن شاء الله تحقيقين حلمج وتصيرين أحلى مهندسة
ذكرتيني بعلج بوبي شكد أحبه

المهندسة*
02-10-2006, 11:24 PM
احب اعرفكم بنفسي عمري 27 سنة ومتزوجة ولدي ولد وبنت واعمل مهندسةمدنيةوالان اتمتع باجازة امومة واقيم في مدينة بعقوبة(مدينة البرتقال)سامعين بيها طبعا؟واحب اتعرف عليكم اكثر وعلى احوالكم وخصوصا المتغربات شلونها الغربة وياكم ولو انتو خلصتوالحمد لله الويل علينا احنا بنص النار بس بقت رحمة الله ان شاء الله نلحقكم ونجرب الغربة بس مو هسة بالمستقبل

نداوى
02-11-2006, 12:28 AM
مرحبا فراشات رجعتلكم :fdse:

عاشقة العراق مرحبا بيك بيننا وان شاء الله تنجحين وتحققين كل امانيك , على فكرة يقولون المغاربة يموتون على العراقيين, قبل فترة خالي زار المغرب وشوقنا نزورها من كثر ما كلمنا عن طيبة اهلها .

دبية ام خدود وردية , هلا بيك بيننا ويسعدنا تواجدك معانا , واذا عندك اي سؤال او استفسار اتدللي .

المهندسة مرحبا بيك وباخبار العراق ... انا دائما اتصل باهلي ويخبروني اخر الاحداث , وعندي اخي واخت ينقلون الاخبار حتى المؤلمة بيها نوع من السخرية بدرجة اني اضحك .
بس الي ضحكني عليهم باخر مكالمة هو خوفهم من انفلونزا الطيور وقلقهم , لدرجة ان نفسهم بعد ماتحب لحم الدجاج , ضحكت وقلت والله غريبيين انتو ماتقلقون من السيارات المفخخة والعبوات الناسفة , وشر الامريكان , وسفالة الشرطة والجيش العراقي الجديد بكل الموت الي يسببوه وتخافون من مرض الى الان موت اثنين بس .
والظاهر حتى هذولا الاثنين شافوا بطة على البحيرة دا تموت( وكان بيها المرض ) قالوا نلحق نذبحها وناكلها , وماتوا هم وراها

ام بدور ... اشلونج سلامتج وسلامة بدور .... يعني حسب ما فهمت من كلامج زوجك مثل زوجي مركبله ستريو من ينام يعزف احلى سمفونيات الشخير خخخخخخخخ
شوفوا السعادة الي انا بيها الساعة تسعة ونص بالليل وحمودي ويوسف نزلت عليهم الشطارة ودا يتعاركون يريدون ينظفون الاض بالمكنسة الكهربائية :3_13_1[1] , والله لو ساكنة يمنة عجوز لتصلت بالشرطة , هذا اذا ما انرن الجرس بعد شوية من جارتنا المقابيلنا , لا وصارلي من الظهر اكللهم عزالوا غرفتكم ولا يردون حمودي يكول خلي يوسف ويوسف يقول خلي حمودي :10_9_134[ .
شفتي فراشة حنونة الظاهر دلوعة راح تجي وسنونها كامله واول كلمة راح تقولها فرشولي سناني خخخخخخ
هذا حمودي يريد يشوف صديقة بالانترنيت قبل ما ينام , والله راح يجننوني .

يالله تصبحون على خير

وايت سوان ..... شفتي شلون اسماء حلوة ههههههههه .... تسلميلي حبيبتي على كلامك الحلو

فراشةحنونة
02-11-2006, 12:59 AM
مساء الخيرات...وصباح العسل للغاليات...
ما شاء الله اليوم نشاط عدكم يخبل.. :fhgfdhagi

حبايبي بالبداية خلوني ارحب بالعزيزة الغالية واختنا الحلوة واللي شايلة احلى اسم (عاشقة العراق)
واكلج مليوووووووووووون اهلا وسهلا نورتي البيت وزاد بيتنا شمعة..
وان شاء الله نكون خواتج واتمنالج التوفيق واعلى المعدلات وتصيرين اكبر دكتورة بالعراق... :shock:

المهندسة عزيزتي الله يوفقج ويخليلج اطفالج وعلى فكرة اني هم عمري 27 وهم مهندسة مدني بس حاليا ما اشتغل ومقيمة بدبي..وعندي بنوتة اسمها بدور.. :|

سوانا حبيبتي ما شاء الله منورة دوم البيت وقايمة بالواجب وعساج عالقوة...
والله ما مقصرة وية البنات...

نداويييييييي يا نداوي اوف اوف نداوي...
حبيبتي ام حودة وسوفة مشتاقين ومشتاقين اكثر ودنترقب جية الدلوعة<<<غير لو تجي عااااااااااااد.. :-|
يبين حودة وسوفة متعاونين حييييييييل وياج بحيث الا التنضيف بالمكنسة الكهربائية...
شفايتلي لو انتي يمي جان داريتج الى ان تجي دلوعة<<<يبين وكحةةة من هسة.

اني اخر اخباري بديت الدايت الكيميائي واليوم كملت اول اسبوع منه وباجر السبت يبدي الاسبوع الثاني الصراحة هذا الدايت يخبل رهيييييييييييييب واني كلش متونسة عليه..

انتو بعد شكو ماكو اخباركم سولفونا...
اخبار ج سندريلا(سونة)؟واخبارج ساندي بيل ..ترت.؟واخبارج مسك الحلوة الطيبة؟ولوليتا؟وسفيرتنا العزيزة ؟؟وويييييييينج يا اوراق كمرنا الحلوة عسا ما شر ؟؟؟
كمر اين انتي؟؟
وكل البنات العزيزات؟؟...

يلة ننتظر السوالف الحلوة...

سلامي للغاليات... :11_1_207[

http://up.alfrasha.com/u/167/2530/21657.jpg

دبيه ام خدود ورديه
02-11-2006, 02:49 AM
تسلموووووون والله يابنات العراق


نداوي و وايت سوان ربي يخليييكم ومره شكرا ع الترحيب

اتشرف بمعرفتكم من جد

<<لها قريبه في بغدااد متزوجه عراقي من زمان طبعا وللاسف مانعرف عنها شي

مسك212
02-11-2006, 03:22 AM
هلوووووووووووووووو شلووووووووووووونكم كلش مشتاقة تعذروني على الغيبة بس الخميس والجمعة اكون ملتهية وية الرجال والجهال وتدرون الخميس ثلجت الدنيا عدنا والجهال ماكودوام ومن الستة الصبح كاعدين وعلى هاي الكعدة جننوني المهم شلونكم{ الدمعة الساكبة} مشكورة على الدعاء حبيبتي والله يسمع منك ووجودك معنا منورنا ننتضرك لاتغيبين عنا.........................{فراشة حنونة}شلونك عمري بشرينا اشلون صرتو انتي وبدور ان شاء الله دومكم بصحة وعافية وشكرا على الاكلات والحلويات من وراج رح يصير وزني 200 هههههههههههه {وايت سوان} حبيبتي شلونك رح نعطيج وسام العراقيات لان انتي الوحيدة الي متواصلة بأجتهاد وبدون انقطاع وصح كلامج صدك بعد العسر يسر ان شاء الله ومكانج خالي على الثلج ضلت تثلج يمكن ساعتين اني نمت وكعدت كلشي ماكو الثلج كلة ذاب ...........ننتضر اخر اخبارج وان شاء الله يوم تبشرينة بخطبتج امين...................{..لوليتا 22 }شلونج عيني طمنينا شلون صارت الكحة والله اني وصفولي وصفة للكحة كالو كلش ممتازة ليش مجربيها باعي حبيبتي تفورين شوية زنجبيل بالمي وبعدين تحطين خاشوكة عسا وقطرتين ليمون يكلج رأسن تفتح الصدر .......................{عاشة العراق} هلة وكل الهلةبيج ملف بنات العراق منور بوجودج يا احلى عاشقة ويارب يوفقج بدراستج وينطيج كل الي بالج ...................... ويابقية الفراشات الحلوات اشو ماكو سندرلا وسندرلا بغداد وكمر واوراق القمر وكل الفراشات الحلوات ..................زصدك اذكرت كبل ما اروح اريد اسأل نداوي بصفتها خبيرة في الشؤون المصلاوية هههههههههه اريد اعرف عروك الموصل شلون يسوو والي تعرف عفية خلي تكتبلي الوصفة يلة باااااااااااااي اشوفكم بخير

سندريلا بغداد
02-11-2006, 03:38 AM
هلــــــــــووووو بنـــــــــااااات شــــــلونكـــم

بالبـــــداية ارحب بفراشتنا الوردة عاشقــة العــــ :11_1_209[ ــراق منورتنــــا حياتــــي
http://www.aldorr.com/vb/photos/378.gif


شلـــــونكم يا حبايــــــب
شخباررررررركم انشالله بالف خيـــر ماشاء الله الحماس ديزيـــد يوم ورا يووووم

الله ليحرمنا
:cool:
7
7
7
7
7
7
طلتكم الحلـــــوووووووة

سندريلا بغداد
02-11-2006, 03:43 AM
دبيه ام خدود ورديه

هلوووو بيج حبيبتي اخت عزيـــــــزة بيناتنــــا منـــورتنا بمشاركاتج وطلتج الغاليــــــة
http://parentsofbpkids.freeservers.com/Words/welcome99.gif

و
7
7
7
7
7
7
7
7
7
7
تحيـاتــــــوووو

سندريلا بغداد
02-11-2006, 04:10 AM
شـــــلونج يا ام بــــدور تدرين هاي اليوم سمعت ببنتج بـــــدور ... صارت عنـــدج بنوتــــة !!!!
الله يخليلجياها حنــــــونـــــة ويديم عليهة الصحـــة اكيــــد مالية عليج حياتج مووووو :cool:
جنتي متعذبة اول ايام بسبب غربتج عن اهلج ,, صدوك شخبار الاهل هسة مناوية تروحين للعراق؟؟؟؟
الله يعينج على بــــدور بس الامومة حلوة ديربالج عليهه وعلى نفسج حياتي
والف مبرووووووك مع انو جايـــة متأخرة ههههههههههه

لوليـــــتا شلونج حبيبتي شلونج بالدراســـــة ؟؟؟ طبعـــاً الحال مثل بعضه << اقصد نفسي
اني هم والله كولش حابة هالاختصاص وخصوصا الهندسة المعمارية وهندسة الديكور لانه تعتمــد عالتصميم والافكار واحنة البنات شاطرااااااات بهالسوالف بس ادعيلي اجيب هالسنة معــدل يبيض الوجه... الله يوفقج حبيبتي حابة اسمع اخبارج عن جديد وعاشقةالعراق هماتيـــن خلينا على تواصل حبيبتي وانشالله الله ينطي الجميع على كــد نياتهم الطيبـــة


بطتنــــــا البيـــضة white swan وينج حبيبتي وين هالغيبـــة<<<<<< كولي النفسج يلة تجين عليه خخخخخخخ
مو تطوليـــن علينـــة اني عن نفسي منتظرتج
وانشالله نسمع اخبارج الطيبة يا وردة

نداوي ومسك والمهندســة شخباركـــم بنـــــات انشالله بخيـــر ســـانـدي بيل وينج
اتمنالك يوم حلو و ويكانــد سعيــــد حبايبــــي وانشالله نشوفكم بألف خيــــــر


7
7
7

تحيــاتـــــــــــــــــووووو

نداوى
02-11-2006, 10:28 PM
السلام عليكم يا اهل الدار .... هاي وينكم , ماكو احد , ترى اروح .... لا حرام ما اريدكم تتعقدون بسببي خخخخخ

اشلونكم انشاء الله مرتاحين ... شفتوا عمايل زوجي الي ترفع الضغط !! :sdfsg: ... من جنب يقول لي ريحي نفسك ولاتتعبين ومن جنب , رايح موصيلي ومشتري مكونات ( الباجة ) ويريد ياكل باجة لا ويعزم عائلة عراقية على هذه الاكلة ولما قلتله ماتعرفني تعبانة والطبيبة قالت لازم ارتاح يقول لاما عليك انت بس سويلنا البمبار وانا اسوية , ناسي انه التحضير والتنضيف يتعب اكثر من عملها , ويعرف ما اقدر اشوفه بالمطبخ وانا جالسة ما اتحرك , والله هذولا الرجال عليهم طلعات قليل بيهم ال :14wq1 :frasha19: .

ام بدور اشلونج ان شاء الله صرتي زينة

Lolita22
02-11-2006, 10:38 PM
ههههههههههههههههههههههههه يا عيني عليج يا نداوي باجه حته وحده!!! على قولة المصريين!!

باجه؟؟ باجه؟؟>>>>هتنكفخين اي باجه :10_9_134[ :10_9_134[ ههههههههههههههههههههههه

و الله صعبه!! الله يعينج بس ماكو وحده تساعدج او شي بعدين اقنعيه يغير رايه و يعزمهم على غير شي المهم صحتج يمعوده!

قوليله هالمره خليها غير شي بس أصير أحسن الك عندي باجه ولا اكو منها>>سوي دعايه لنفسج هههههههههههههههههههه يا حظي اخاف وره هالحجي يكعد يطلب منج باجه كل يوم و تكولين هاي ليش سمعت حجي لوليتا :15_4_125[ :15_4_125[


الله يقومج بالسلامه حبي و يارب زوجج يغير رايه عن الباجه و يريحج!

اذا زوجي طلب مني باجه اعوفله البيت و اطلع>>>انتي الكيه بالاول خخخخخخخخخخ الحمد لله بعدني مو متزوجه راسي بااااااااااااااااااااااااااارد :sfsf: :sfsf:


لوليتا

أوراق القمر
02-11-2006, 10:40 PM
السلام عليكم

نسيتوني.........؟؟؟


اعتذر عن الغيياب لكن كنت بظروف منعتني من اتصالي بالنت والحمد الله الحين كل شي تمام

اشكر كل الى سألو عني وانتم بالقلب والروح ...

ولي عوده بإذن الله

في وداعه الله

والسموحه عالمغثه...

نداوى
02-12-2006, 12:53 AM
ههههههههههههه ... شفتي يا لوليتا حكم زوجي , المشكلة انا ما عندي عذر لأن اصلا هنا يجيبها من محل الاتراك نظيفة يعني ما تحتاج تنظيف بس غسل بسيط وبس افتح حلكي يقول ماالج دخل انا اسويها , بس يمكن راح اقنعه اسويها واحظرها وياخذها لبيت صديقه الي عازمه هناك ياكلوها وتبتلي زوجة صديقه , ان شاء الله يقتنع , لأن اصلا ما عزيمة هي شهوة باجة والسلام , المشكلة عدنا بالموصل حتى الكرشة نحشيها ما مثل بغداد يقطعوها ويخلوها بالجدر , الله يعيني عليه .

على فكرة انا قبل شوي تركت الموضوع لأن راد الكمبيوتر وهسة طلع قلت اكمل رغي وياكم قبل ما اقوم انام هههههههه لاحكتكم لأخر لحظه خخخخخخخخ .

ام بدور هي اذا على دلوعة وكاحتها من هسة مبينة ما يحلالها الحركة الاّ لما اريد انام ومرات حركتها تكون مزعجة زيادة عن اللزوم حتى اخاف عليها , اصدق تجي واخلص . والله اخوتها ما كانوا مثلها

عزيزتي مسك اي عروق تريدين عروق الطاوة والاّ الفرن , الاثنين اني شاطرة بيهم , اتدللي ان شاء الله اكتبها لج عن قريب , بس اهم شي يكون عندج جريش وبرغل ناعم . اذا ردتي تسوين عروق الفرن .

سندريلابغداد ليش ما غيرتي توقيعج بالصورة الاصغر الي نزلتها لج ..... اخبارج ان شاء الله تكوني بخير .

اوراق القمر كيفك ان شاء الله تكوني بخير ..... ما عاش الي ينساكي , والله لايجيب مغثة ... وهاي نكتة من العراق انصالحك بيها
مرة واحد خبيث تعارك معه ابوه وطرده من البيت ...طلع كتب على الباب بخط عريض يعيش الزرقاوي خخخخخ

يالله عاد مع السلامة .

فراشةحنونة
02-12-2006, 01:11 AM
هلو بنات حبيباتي شلونكم مشتاقين...
صدك شنو بس لا عقدتكم نداوي الحلوة<<<<ترة حبابة ما تعقد..

نداوي حبيبتي شنو القصة يعني ابو حمودي حبكت اله هسة الباجة..وانتي بهالظرف هذا ..
يمعودة لا تعبين نفسج اكثر واستري علينة هالفترة بس تعدي على خير وتكومين بالسلامة..
لا وفوكاها لازم الممبار وكل مكونات الباجة السعيدة ...
نداوي عندي اقتراح....خلي حودة وسوفة يسووها وابوهم وياهم مو خوش اقتراح<<ههههههههه
حراااااااااااام راح تتعقد دلوعتنا وهية ابطنج..ههههههه

اني الحمد لله احسن بس بدور خطية بعدها وولتا شوية احسن هسة..مشكورة نداوي عمري..

لوليتا منورة البيت بوجودج حبيبتي..بس شكلج راح تورطين نداوي بنصيحة الباجة..
تالي راح تتزوجين واحد يحب الباجة...ههههههههه
اني زوجي ما يحبها ابدددددددددددددددددددددد....

لوليتا ان شاء الله ربي يرزقج باحسن قسمة ونفرح بيج ونسويلج اكبر حفلة<<<<ااااااااااااااامين ربي..
ويكتبلج السعادة وتتحقق كل الاماني..

اوراق كمرنا العزيزة هلةةةةةةةةةة نور البيت يا حلوة هاي ويييييييييييين هالغيبة<<<بس عاذريج ميخالف.
المهم رجعتيلنا بالسلامة يا الغالية..

ويييييييييييييين الباقيييييييييييين؟؟؟
سوانا العسل وينج حبيبة اليوم؟؟خو مو اكو شي؟؟ان شاء الله خير..

والكل سندريلا وساندي ومسك وعاشقة العراق والمهندسة وسفيرتنا الغالية وكمرررررررررررررر ودبية ام خدود وردية ووووووووكل الغاليات..

http://up.alfrasha.com/u/167/2530/21656.gif

Lolita22
02-12-2006, 06:10 PM
حنونه الله الله عالدعااااااااااااااااء زيدي منه خخخخخخخخخخخخخخ هو موجود بس مع وقف التنفيذ >>>لغز

الله يسهل و يارب تسمعون مني أخبار حلوه قريبا بس أدعولي

و الله ضوجه اليوم أحد و ماكو شي أسويه حتى طلعه ما بيه حيل أطلع ألجو برررررررررررررررررررررررررد و الثلج مدا يوكف ضجت و الله!!

وحدي بالبيت ويه بزازيني عالاقل هم موجودين يونسوني خخخخخخخخخخخخخ

على سيرة الباجه و لااااااااااااااااااااااااا أطيق ريحتها و الله و هخلي شرط من شروط ألزواج نو باجه ههههههههههههههههه

و اذا راح يا كثر المحلات بره يروح ياكل او يشوفله جاره بس بالبيت ممنوع دخول الباجه


يالله التلفون يدك اروح اشوف منوووووووووو


لولو

أوراق القمر
02-12-2006, 08:42 PM
السلام عليكم..

ماشاء الله البنات مجتمعين .. هلا فيكم والله..

نداوي بصراحه اشكرك ونكتتك لا يفوتك شي ضحكتني وانا مالى خلق اضحك..

فراشه حنونه عن جد انت حنونه واشكرك عالسؤال عني وتسلمين ..

لو لو.. لو سمحتي ممكن تعطيني شوى ثلج بصراحه انا اموت بالثلج بس عمري ماعشته حقيقه .. احس احساسه حلو ورومانسي.. ع العموم يمكن في يوم من الايام ازور اوربا واشوفه عالطبيعه

هلا بالجميع وشكرا انكم مانسيتوني ... بس تعالو وين الباقين.. نفرا .. نفرا...

وحشونا والله ... ننتظرهم على احر من الجمر ...

في وداعه الله ..

مسك212
02-12-2006, 08:49 PM
:frashagir :frashagir :frashagir هلو حبيباتي شلونكم مشتاقتلكم طبعا اظحكم علىحالي البارحة فتحت النت وظليت يجي ربع ساعة اكتب الكم وبعدين خلصت الكتابة وغير المفروض ادوز اعتماد الرد اني المطفية مدزتة وزوجي دك عليةعلى المبايل كلي افتحي الباب واني من ثولتي طفيت النت ورحت ركض افتح الباب بعدين اذكرت الي كتبتة كلة راح ههههههههههههه والله زين باقي عندي عقل من ورة الجهال وابو الجهال ههههههههههههه يلة المهم شخباركم مشتاقتلكم كلكم نداوي حبيبتي بشري شسويتي من موظوع الباجة والله شلتلج قهر الله يعينج يراد زوجج يعلكلج وسام الرافدين من الدرجة الاولىعلى هل الشطارة فدوة نداوي اريد مقادير عروك الموصل الي بالفرن ولو اسوي زحمةعليج حبيباتي اني رح اروح وبعدين ارجعلكم بنتي الصغيرة كاعدة بحظني ملختني بعد مدا اعرف اكتب انتضر اخباركم>>>>>>>>>>>>>>>. حبيبتي اوراق القمر خليتي بالي عليج عسى ما شر ليش مالك خلق تضحكين والله نصيحة مني لاديرين بال على كلشي وان شاء الله الضحكة متفارق وجهك الحلو (لاديرين بال) يعني لا تهتمين لشئ طمنينا عليج

White_Swan
02-13-2006, 12:46 AM
سلام عليكم فراشاتي الحلوات

شلونكم عيوني ان شاءالله بخير,,

مهندســـــــــة ,,شلونك شخبارك الله يحفض الك الاولاد يارب
ويحميكم امين,,


لوليتـــــــــا,,سنيوريتا,,شلونك ان شاءالله بخير,,

نــــــــــــــداوي,,شلونك ياام المقالب,,
ان شاءالله بخير,,متى تولدين ان شاءالله؟؟


حنونـــــــــــــة,,شلونك قلبي عساك بخير
انا بخير وعافيه لاتشيلين هم,,يسلملي قلبك


سندريــــــــــلا بغداد,,شلونك قلبي ان شاءالله بخير
هاي شنو غبت لقيتكم كلكم مجموعين,
شنو اخبارك,,طمنيني

مســـــــــــــك,,شلونك قلبي
وشلون الاولاد ان شاءالله بخير وبصحة يارب..

اروراااااااااااااااااااق القمــــــــر,,
منو ينساكي,,انتي ببالي دائما
وثم طول فترة غيابك
كل يوم اقول وين اوراق القمر وينها وينها !!!!؟؟!!!؟؟!!!

ليش مالك خلق تضحكين عسى ماشر؟؟
طمنيني عنك قلبي.....



اترككم على خير وعافيه

أوراق القمر
02-13-2006, 07:53 PM
السلام على الجميع...

هلا فيكم شلونكم شخباركم .. ان شاء الله تمام.. هلا فيكم وحشتوني وحشتني سوالفكم...

شكرا مسك على سؤالك واكيد راح اسمع بنصيحتك الله لا يحرمني منك ومن قلبك الطيب..

يسلمووو وايت سوان عمري مانسيتيني ..؟؟ انا الحمد الله بخير وعافيه واسال عنك واشكرك على سؤالك عني ..

الله يسمح دربك غاليتي..

اممممممم افكر وش اكتب... ماادري بخاطري كم كلمه بكتبها يمكن تعجبكم..!!


تعزف القلوب على لحن اللقـــاء.. وتتدفق كل المشاعر في سويعات الانتظار..

تتأمل بلهفه .. تبحث عن ثغره تفيض منها احاسيس باتت ثقيله في النفس تريد البوح ..والبوح يكون كثيراً في لحظه الانكسار..

لعلها عبقات تؤنس الاحداق بكل دقه قلب في عمق اللقــاء تكون هناك الاف الكلمات..

وقفه مع امل منتظر.. قد يكون حقيقه وقد يكون فقط خيال نسج على مغزل الامنيات..

وتستمر القلوب تعزف .. وتتراقص على عزفها همسه شوق من احساس صادق..
وتترنح على عزف القلب الطروب ..

وتعود الاشياء كما كانت .. بلا تغيير.. لكن بعدما حفر لها بالفؤاد نقوشا وصورا من الصعب ان تزول من مرآه الذكريات...

فهي دائما هكذا لحظات اللقاء.. تمضي مسرعه وكأنها حلم لكن تبقى وطأتها تلح على شريان الروح دائمـاً


هذه كلمات بسيطه كتبتها الان تعبيرا بسيطا عن لقائي بكم ..

فانتم بالقلب دائــــــــماً

اختكم أوراق القمــــر

White_Swan
02-13-2006, 08:09 PM
مرحبا فراشاتي العزيزات ويييييييييييينكم؟؟؟؟

هلا وغلا باوراق القمــــــــــــــــر شلونك قلبي ا نشاءالله بخير
ايش الكلام الحلو والعذب هذا,,
يسلملي قلبك والله.......بس ماقلتي يصير اشارك بمرفأ الاقلام خخخخخ
امزح لاتعصبيييييييييييييييييييييييييييين خخخخ

هذي الصورة هديه الك...http://up.alfrasha.com/u/1933/2813/27159.gif



يلا فراشاتي وين الباقيين حتى احضر لكم هدايا ايش رايكم !!!
انتضركم...


في امان الله

سفيرة الغد
02-13-2006, 10:59 PM
هلو بنات العراق
مرحبا بالجميع فراشة فراشة
حبيت اطمن واسلم عليكم
فراشة حنونة ...نداوي ...لوليتا اللي بزيوريخ ... مسك ...ساندريلا ... ساندريلا بغداد ...اوراق القمر ..ودبية ام خدود وردية ..
وكل الفراشات يارب ما نسيت احد ...

وايت سوان انا اللي اريد اقدم لك احلى هدية على نشاطك الدائم وعشان انتي اكثر تواجدا هنا بملف بنات العراق ...
وهم اهدي الجميع على نشاطهم المستمر ...

ويلا بنات اشوفكم على خير ...
تحياتي للجميع

White_Swan
02-13-2006, 11:11 PM
ياهـــــــــــــــــــلا بسفيرة حبيبتي
شلووونك انتي قلبيييييي
هاي شنو اليوم طليتي علينا,,
اهم شي لاتغيبين ,,
وهذي احلى هديه لاروع اخت وصديقةhttp://up.alfrasha.com/u/1933/2813/27199.gif



يلا بنات انتضركم,,,
في امان الله

Lolita22
02-14-2006, 01:17 AM
مرحبااااااااااااااااااااااااااا يا احلى بنوتات

شنووووووووووووووووووونكم؟؟>> شلونكم بس خشمي مسدود لاني مريضه شوي

مشتاقتلكم و الله يارب تكونو بخير ...شأخباركم؟؟؟

سفيره هاي شنو انتي هم بسويسرا؟؟ لا لا لازم نتشاوف و لازم تجينا على زيورخ..لاااااااااااااااااااااااازم لاني اصلا ما اعرف لا عرب و لا عراقيين هونااااااااااااااااااا من 7 سنين !!خخخخخخخخخخخخخ

يالله بنات اني اروح


أختكم لوليتا

مسك212
02-14-2006, 01:27 AM
:asd321 :asd321
[/B] هلو حيباتي شلونك مشتاقين .................شنو اخبارك اوراق القمر عزيزتنا ترة انت غالية علينا .....ان شاء الله تكونين بخير وعافية وننتضر المزيد من ابداعاتك[move=up]...............>وايت س.>>>>وان<<<<< شكرا حبيبتي على السؤال اني الحمد الله زينة واولادي هم زينين انتي شنو اخبارج شنو هل الصور الحلوة اني بعدي متخلفة بالكومبيوتر ما اعرف انزل كلشي بس اكتب والسلام يراد ادخل دورة عندج ههههههههه::::::::::>>>>>سفيرتنا الغالية<<<<<<< :11_1_207[ :11_1_207[ شنو اخبارج احنى الحمد لله الكل بخير ونسأل عنج انت طمنينا عليج.................<<<<<<<<<نداوي ..............حنونة..............سندرلا.........سن درلا بغداد.............المهندسة..............لوليتا 22 ............ديبة ام خدود وردية............... وينكم اشو دتختفون شنو اكيد ملتهين بتحضيرات الفلنتاين..............نداوي ظل بالي اخاف سويتي الباجة وتعبتي يلة الله يكومج بالف سلامة انتضركم

White_Swan
02-14-2006, 01:56 AM
هلا لــــــــــوليتا سنيوريتا,,عسىماشر طهور ان شاءالله,,
طمنينا عنك,,, استلمي هديتك,,http://up.alfrasha.com/u/1933/2813/27249.gif



هلا بمســــــــــك,,شلونك عيوني ان شاءالله بخير وبصحة,,اي اعلمك من عيوني بس
ترى مو محترفه ولاشي اعرف اموربسيطة..وهذي
هديه مني بمناسبة غزو الثلج بالاردن,,http://up.alfrasha.com/u/1933/2813/27250.gif



في امان الله

Lolita22
02-15-2006, 11:26 PM
مساااااااااااااااااااااااااااء الخير لاحلى بنوتات

شلووووووووووووووووووونكم؟؟؟هاي وين مختفيييييييييييييين؟؟؟

و الله اشتاقيتلكم و صارلي ساعه ادور بالصفحات علما لقيت الموضوع!!

اشو نايمين عسى المانع خير يارب؟؟

حبيت اتطمن عليكم لا اكثر و لا اقل



لوليتا

White_Swan
02-15-2006, 11:31 PM
هلا والله بلوليتا سنيوريتا,,شلونك عيوني
انتو الي اختفيتو فجأة,,
حتى البنات ماكو
نداوي ....وفراشه.حنونة.... وسندريلا بغداد ...قمرية
ساندي بيل.... المهندسة......ان شاءالله مانسيت احد
اها ديبة ام خدود ورديه ويييييييييييينك
اوراق القمر قلبي ,,ولانــــــــــــــــا


يلا اترككم على خير

فراشةحنونة
02-15-2006, 11:57 PM
مساء الانوار والخيرات والعافية لعيون الحلوات
والله تعذروني غبت عنكم بس شوية التهيت وية بدور وجماعة اصدقائنا وتعرفون الحياة ركض ركض...
اخباركم يا عزيزاتي وحدة وحدة شنو شسويتوا شماسويتو؟؟؟
شنو الجديد اللي راح نشوفة بالبيت؟؟؟؟
يا بنات اقترحولنة شغلات حلوة نكسر بيها الروتين .....
سوانا حبيبتي الله ينطيج العافية على التواصل وية الفراشات...

الي رجعة الكم بس بشرط كل وحدة تنطينة فكرة جديدة انسويها حتى لو العاب...
لاتبخلون على البيت بالاشياء الحلوة...

http://up.alfrasha.com/u/167/2530/21656.gif

http://up.alfrasha.com/u/167/2530/21657.jpg

لوبي1
02-16-2006, 01:49 AM
هلا بالعراقيات شلونكم انا لوبي1 عراقيه من بغداد وحاليا ساكنه في السويد واسلم على الحبايب الي هنا موجودين واكوللهم الله يعينكم عل الغربه وخاصه للي اهلها بعاد عنها مثل حالتي والله يلم الشمل ويجعل ايامكم
ايام كلها هناء وسعاده وهذا اقل شي بضيفه لكم عاد العراقيين معروفين اهل الكرم والضيافه

http://up.alfrasha.com/u/2937/3050/27689.jpg
http://up.alfrasha.com/u/2937/3050/27690.jpg
http://up.alfrasha.com/u/2937/3050/27692.jpg

مسك212
02-16-2006, 02:30 AM
:

:sddhgh: هلووووووووووو حبيباتي شلونكم اخباركم اشو ماكو مختفيات والله اني الدنيا ثلج عدنا بعمان ماكو هجي برد ومطر وانتو شنو الوضع يمكم {وايت سوان } حبيبتي شلونج شخبارج والله عفية عليج انتي متواصلة ويانة{حنونة}شلونج شلونها بدور ان شاء الله احسن؟ {لوبي 1} نتشرف مبعرفتج يلة ان شاء الله اويا :sdgsdgh: متحسين بالغربة {نداوي} حبيبتي اخاف انت جبتي واحنة مندري :-| يلة لن شاء الله تكومين بالف سلامة دننتضر البنوتة الحلوة{اوراق القمر ،كمر ، سندرلا، سندرلا بغداد، لوليتا} شنو يعني بعد منشوفكم الله يخليكم لاتحرمونة منكم ولو بكلمة حتى نطمئن ،،،،،،،،،،،،،،،

فراشة في مهب الريح *
02-16-2006, 12:07 PM
السلام عليكم
جيت من الكويت اسلم على بنات العراق الشقيق الذي ادعو الله عز وجل ان يخلصهم من كل شر يحيط بهم والله المستعان ..

لوبي1
02-16-2006, 01:53 PM
السلام عليكم
جيت من الكويت اسلم على بنات العراق الشقيق الذي ادعو الله عز وجل ان يخلصهم من كل شر يحيط بهم والله المستعان ..


وعليكم السلام
اهلا بك معنا
صباح الخير على خواتنا العراقيات ان شاء الله بخير حبيت اصبح عليكم
ولا تنسونا بالدعاء تراني حامل وبالشهر السابع وماعندي غير بس الله سبحانه وتعالى صح الاصدقاء موجودين
لكن هذا مايسد مكان الوالده والخوات الله يخليلكم اهلكم :dfr3

Lolita22
02-16-2006, 09:20 PM
مساء الخير بنااااااااااااااااااااااااااات

الله يعيين و الله الكل مشغول بشي و الحياة ما تخلي الواحد يظل متواصل ويه الناس الي يحبهم و أمور الحياة تتعقد و تزيد يوم بعد يوم>>> شهالتفاؤل خخخخخخخخخخخخخخخخخخخخخخخخ لا و الله هذا الواقع


بس و الله مكانكم خالي يا بنات و ألله يسهللكم اموركم و ترجعو مثل قيب و تكولولنه على اخباركم...

أني تعباااااااااااااااانه اليوم لاني كل يوم خميس اروح أسبح احسن من الGym لأني اكره الخنقه و مو مالت ركض بالغابه او شي لان ما شاء الله ثلج و مطر لأبو لوزه هههههههههههههههههه و ماكو شي جديد...

فراشة في مهب الريح *....الف هلا و مرحبا فيكي مع اخواتك العراقيات و الله يسلمك عالدعاء و يوفقك يااااااااااااااارب

لوبي1 بأذن الله تقومين بالسلامه أنتي و البيبي و لا تاكلين هم دام اهلج بخير هذا اهم شي و بأذن الله تشوفيهم عن قريب و احنا هنا اخواتج و اني من يمي من كللللللللللللللل قلبي ادعيلج انو الله يحفظج و يقومج بالسلامه...كوليلي انتي من وين من بغداد لاني هم من بغداد :fkjuiyhag :fkjuiyhag


سلام يا حلوات


لوليتا

نداوى
02-17-2006, 11:57 AM
صباح الخير ياغاليات
اعذروني صارلي كم يوم ما دخلت , ابو محمد الله يسلمه خرب الكمبيوتر وعاد برمجته من اول وجديد
ابشركم سويت الباجة والحمد لله عبرت القصة سلامات الكل ساعدني حتى الضيوف هههههههه , كانت طيبة هواية تمنيتكم معانا , ولو مارحتوا عن بالي اتذكرتكم لما حزرتهم حزورة ما معنى ( تكندغت البغنيي على المحفوغة وطبعا ما احد عرفها كانت عائلتين من بغداد وشخص من احد محافظات الجنوب بس الضحك كان تفسيرهم لمعاني الكلمات , خخخخخخخ , ارجعلكم بعدين , لأني استغليت خروج ابو محمد يوصل يوسف للمدرسة قلت اسلم واطلع , شكرا لكل من سألت عني والف هلا وسهلا بالاخوات الي دخلوا بهاي اليومين
يالله كع السلامة مؤقتا

أوراق القمر
02-17-2006, 10:47 PM
السلام عليكم...

كيفكم والله وحشتوي ... ادري انشغلت بس تعرفون ظروف وبعدين موضوع مرفا الاقلام اخد من وقتي الكثير ...

لكن مازلت معكم قلبا وقالباا ومتابعه جيده لكل كلمه تنكتب في هذا الملف الرائع...

اشكر كل من سأل عني...

بس ماادري احس ان الملف صار شبه مهجور...

وينكم يابنات العراق ليه كل هذا السكوت طمونونا عنكم..؟؟؟

يالله اتركم في وداعه الله ..

مسك212
02-18-2006, 12:24 AM
مرحبا بك معنا فراشة في مهب الريح البيت بيتك ويشرفناوجودك معنا وكل الهلة فيك ..................... لوبي 1 الله يكومج بالف سلامة ويجمعج وية اهلج واحبابج باسرع وكت ترة احنا كلنا خواتج ولشيلين هم كلنا وياج وان شاء الله منخليج تحسين بالغربة ........................نداوي هم زين طمنتينا عليج والله كلش ضل بالنا عليج يلة هانت ان شاء الله تكومين بالف سلامة ترة لا شيلين هم اني اجي وياج للمستشفى ههههههههههههههه...........اورا ق القمر كل الهلة بيج ان شاء الله دموج سعيدة وفرحانة.................... حنونة عن جد كللللللللللللللللللللش ظل بالي عليج هاي موعوايدج وين مختفية اكيد كاعدة وية ابو بدور وناسيتنا مو بلة ,,,,,,,,,,,,,,,,,,,,,,والباقيات هاي ويييييييييييييييييينكم مرح اذكر اسماء كل وحدة مختفية تعرف نفسها { ادعولي الله يريح بالي ويعطيني كل الي بالي}

فراشةحنونة
02-18-2006, 12:44 AM
مساء الخيرات...مساء العسل لاغلى الفراشات....
بناااااااااااااااااااااااااااات وييييييييييييييييينكم؟؟؟؟
لالالا ما مقبول اي وحدة تترك البيت فترة طويلة <<<<الكل لازم يباتون بالبيت...
اختكم اوراق كمرنا كالت احس البيت مهجوووووور ليييييييييييش يا بنات<<<يلة خلو بيتنا ينور....

فراشة في مهب الريح اهلا وسهلا عزيزتي نورتينا ومراحب...والبيت بيتج.
واسمحولي ارحب واكول مليووووووووووووون مرحبا بالفراشة لوبي1 زاد بيتنا شمعة...
وان شاء الله ولادة سهلة وتكومين بالسلامة انتي والبيبي وكلنا خواتج وبالخدمة..بس انتي لا تغيبين عنا.

اني اسفة على الانقطاع بس كنت مشغولة وية بدور ومرضها ذبحتني بهالنشلة والانفلونزا..
وانشغلت وية جماعة اصدقاء عراقيين من الاردن جوي لان بنتهم راح تسكن بنفس عمارتي وهم اروح واجي وياهم..
ووالدي جا من بغداد بشغل صار يومين..
وابو بدور مشغول بالدوام ....واني اركض منا ومنا...
بس الصراحة حيل اشتاقلكم وادخل بس اقرة عالسريع واطمن عليكم...

نداوي طمنتيني عليج لان بقى بالي اختفيتي والحمد لله عدت العزومة على خير وعافياااااااااات..
بس كوليلي اخبار دلوعتنا شنو؟؟؟وحودة وسوفة؟؟

اوراق كمرنا عزيزتي نورتي من جديد البيت والله يساعدج وعساج عالقوة.
سندريلا يا سونة وينج وشاخبارج وشكو ماكو؟؟؟

ساندي بيل ترت...وينج يا حبيبة كلبنة الحلوة اشو مختفية ؟؟؟
لوليبتا منورة حبيبتي دائما بيتنا يحلى بوجودج..

سوانا العسل وييييييينج؟؟؟مو عوايدج الغيبة؟؟ان شاء الله المانع خير؟؟انتي لهلوبتنا..
مسك يا عيوني منورة دائما بس لا تغيبين هواية حتى لو الاردن ثلج بيتنا دافي ترة...

المهندسة يا مهندستنا وينج كلبي<<اكيد الوضع والكهرباء دتعيق التواصل الله يكون بعونج حبيبتي..والله يسلم اهلنا اللي بالعراق كلهم ويبعد عنهم كل مكروه كولو اااامين...

كمرنا الحلوة العزيزة اشو وجودج بالبيت قليييييييل ليييييييييش؟؟؟
انتي بنت البيت وما نقبل تاخير..

سفيرتنا العزيزة الغالية منتظريج ومنتظرين كل سوالفج الحلوة...
وان شا الله الوالدة تكون تعافت نهائيا من كل مكروه...

وكلللللللللللللللل الغاليات يلة بعد كافي سبات ونريد حركااااااااااات...

وتقبلوا سلامي وحبي واشواقي

http://up.alfrasha.com/u/167/2530/21656.gif
وترة سويتلكم ريوك حاظر بالمطبخ كل وحدة تكعد من النوم تدخل للمطبخ وتاكل <<<اخدم نفسك بنفسك.

http://up.alfrasha.com/u/167/2549/23944.jpg
http://up.alfrasha.com/u/167/2549/23937.jpg
http://up.alfrasha.com/u/167/2516/21579.jpg
http://up.alfrasha.com/u/167/2516/21588.jpg
http://up.alfrasha.com/u/167/2516/21863.jpg
http://up.alfrasha.com/u/167/2516/21862.jpg

وهذي السلة مال النستلة كل وحدة بيكم تاخذ منها ورة ما تتريكون...
http://up.alfrasha.com/u/167/2516/21561.jpg

http://up.alfrasha.com/u/167/453/3213.gif

مسك212
02-18-2006, 02:06 AM
هلو حنونة اشتاقينالج اخبار جارتج العراقية استقرت اريد اسالج حنونة جارتج الجديدة اسمها ميديا لان عندي صديقة راحت لدبي بنفس المواصفات فاريد اعرف هية لولا ؟

نداوى
02-18-2006, 02:32 AM
مساء الخير صارلي ساعة اكتبلكم وبالاخير غلطت وراح كل الي كتبته تعقددت وخلي اطلع احسن ما اكسر الكمبيوتر


فراشة في مهب الريح اهلا وسهلا بيك وبكل الشرفاء الذين قلبهم علة العراق واهله , اسعدنا وجدك معنا وشكرا على مشاعرك الطيبة

لوبي اهلا وسهلا بيك وتقومين بالسلامة , انا سابقتج بشهر , ولاتشيلين هم مستشفيات الخارج مو مثل مستشفيات العراق وجشع موضفيها ,
البقية كلكم ان شاء الله احاول باجر اكتب ما الي خلق هسة بعد عملتي السودة ومسحي كل الي كتبته اهئ اهئ اهئ

Lolita22
02-18-2006, 06:53 PM
يمي يمي عالريووووووووووووك يا حنونه و الله خوش ريوك تسلم ايديج يا رب

بنوتات؟؟؟ وينكمممممممممممممممممممم؟؟؟

و الله اشتاقينا...

اكوول خلونا نسولف عن اي شي ...و الله ما اعرف شنو بس المهم نسولف خخخخخخخخخخخخخ

شوفو اي موضوع يهمكم و خلونا نتناقش بيه


لوليتا

فراشةحنونة
02-19-2006, 12:11 AM
هلو بنات غاليات العراق وكل ضيفة واخت...
مشتاقين حبايب وينكم؟؟؟
اني رايي من راي لوليتا انريد موضوع ونبدي نقاش <<<خلونا نحرك الاجواء الحلوة..
لوليتا عزيزتي الف عافية الريوك...
بنات اني اسال عليكم فردا فردا...
بس سوانا محد شافها مو عوايدها تختفي ابد<<<ان شاء الله خير
ورجاا كل وحدة تدخل تقترح علينا اقتراح..

ويلة منتظرتكم كلكم وماكو اعذاااااااااااار..
وحلو شويةةةةةة بلكي المواضيع تحلةةةةةةة...

http://up.alfrasha.com/u/167/2516/21574.jpg

http://up.alfrasha.com/u/167/453/3213.gif

نداوى
02-19-2006, 12:39 AM
الى عزيزتي مسك وكل الي تحب الاكلات المصلاوية راح اكتب طريقة عمل عروق الفرن

بصراحة المقادير تعتمد على كمية الناس الي ياكلون لذلك راح اكتب مقادير عامة لك

المقادير لنفرض الكمية قليلة
2 كوب جريش و2كوب برغل ناعم
خميرة
ملح وبهارات
الحشوة :
لحم مفروم وبصل مفروم وكرافس او بقدونس مثروم ناعم ملح وبهارات
الوجه :
لحم دهين قليل من الطحين وفليفلة ( حسب الرغبة ) وحبة طماطة ومعجون طماطة .

طريقة العمل

نعجن الجريش مع البرغل الناعم بعد نقعهم ونضيف الهم الخميرة والملح وقليل من البهار , نقدر نعجنهم بست البيت ونقدر باليد سهل ماتحتاج جهد كبير .
بهذه الاثناء نكون قد قلينا الحشوة الداخلية وتركناها لتبرد

لعمل وجه العروق نخلط اللحم الدهين مع الطماطة المفرومة ناعم والفليفلة والطحين ومعجون الطماطة مع اضافة قليل من الماء والملح بحيث تصبح لينة جدا نستطيع توزيعها على سطح العروق

نبدأ بعمل العروق بعد ان تتكون العجينة نجلب قطعة نايلون ونقطع قطعة عجينة كبيرة نقسمها بالنص للوجهين نبدأ بالاولى نضعها على قطعة النايلون ونضع قطعة نايلون ثانية فوقها وبالشوبك نعمل منها قرص واذا اردنا القرص يكون مدور وحجمه واحد الوجهين نستعمل غطاء قدر او صحن حسب حجم العرق الذي نريده ونقطع العجينةبه على شكل دائري .
ندهن شرح الفرن ونحمل اول قرصمع النايلونة السفلى بهدوء ونضعه بالشرح على وجهه ونسحب النايلونة بهدوء
نضع الحشوة فوق القرص الاول ثم نعمل القرص الثاني بنفس الطريقة ونضعه فوق الحشوة ونبدأ نضغط على الجوانب بهدوء بحيث يصبح مثل الكبة الكبيرة .
نجلب مكونات الوجه ونضعه فوق قرص العرق الجاهز والمحشو ثم ندخله الفرن بدرجة حرارة معتدلة
بالنسبة لي طباخي كهربائي اضع العرق بالوسط واشغل الحرارة فوق وتحت سوية .
اذا كان طباخك عادي اولا تشعلين العين التحت وتضعين الشرح ( القالب ) الذي فيه العرق على اول سلمة وليس على النار مباشرة وتراقبيه , بعد ان ينضج التحت تشعلين العين العليا وترفعين الشرح للوسط حتى ينضج الوجه .... بعد ان ينضج تخرجيه وتكوني خلال الشوي جهزي التالي وهكذا تكررين البقية
وبالهناء والشفاء واي سؤال انا جاهزة

لوبي1
02-19-2006, 02:33 AM
مساء الخير بنااااااااااااااااااااااااااات

الله يعيين و الله الكل مشغول بشي و الحياة ما تخلي الواحد يظل متواصل ويه الناس الي يحبهم و أمور الحياة تتعقد و تزيد يوم بعد يوم>>> شهالتفاؤل خخخخخخخخخخخخخخخخخخخخخخخخ لا و الله هذا الواقع


بس و الله مكانكم خالي يا بنات و ألله يسهللكم اموركم و ترجعو مثل قيب و تكولولنه على اخباركم...

أني تعباااااااااااااااانه اليوم لاني كل يوم خميس اروح أسبح احسن من الGym لأني اكره الخنقه و مو مالت ركض بالغابه او شي لان ما شاء الله ثلج و مطر لأبو لوزه هههههههههههههههههه و ماكو شي جديد...

فراشة في مهب الريح *....الف هلا و مرحبا فيكي مع اخواتك العراقيات و الله يسلمك عالدعاء و يوفقك يااااااااااااااارب

لوبي1 بأذن الله تقومين بالسلامه أنتي و البيبي و لا تاكلين هم دام اهلج بخير هذا اهم شي و بأذن الله تشوفيهم عن قريب و احنا هنا اخواتج و اني من يمي من كللللللللللللللل قلبي ادعيلج انو الله يحفظج و يقومج بالسلامه...كوليلي انتي من وين من بغداد لاني هم من بغداد :fkjuiyhag :fkjuiyhag


سلام يا حلوات


لوليتا


الله يخليج انا من بغداد من حي العدل تحديدا وتسلمين على هذه الدعوه الحلوه ربي يحفظج :fhgfreagi

لوبي1
02-19-2006, 02:40 AM
نداوي ومسك وفراشه حنونه الله يخليكم ويطول بعمركم تسلمولي على هذه الدعوه الي حسيتها من قلبكم طالعه
وان شاءالله يانداوي الله يقومج بالسلامه انت والمولود ويعطيج ربي الي تتمنيه
والله يعطيكم الف عافيه وما يحرمنا من لمتكم الطيبه الفواحه بالورد والياسمين

White_Swan
02-19-2006, 03:31 AM
مرحبا بكل الفراشات .............

شلونكم عيوني ان شاءالله بخير وبصحة وعافيه يارب...
مســــــــــــــــــــــــــــــك,,,شلونك وشلون صحتك وشلون البرد بالاردن يقولون
كلش باردة الايام هذي,,,,

فراشه في مهــــــــــب الريــــــــــــح,,,ياهلا بالكويت واهلها ,,شلونك اختي ان شاءالله بخير,,
دايما نتمنى نشوفك هنا عيوني,,


فراشـــــــــــــه حنونــــــــــــــــــــة,,,شلونك عيوني ان شاءالله بخير وصحة
اشكرك على سؤالك عني,,,اني بخير وبصحة لاتشيلين هم,,,
بس حنونة اريد اقولك شي,,,يعني اني حاولت اسال واغير الموضوع
واذا افتح موضوع او اسال سؤال مو الكل يشارك يعني لو 2 او 3
ياريت تلاقين حل للمشكلة هذي ,,لان اذا نضل هيك راح يكون ملل
صح لو اني غلطانه؟؟؟ يلا اذا عندك راي او حل للروتين هذا
اني جاهزة..............

نــــــــــــــــــداوي ام المقالب,,,شلونك قلبي خخخخ
صارت الي قبلك اكتب ويعلق كل شي وينمسح الكلام,,
ان شاءالله تقومين بالسلامة يارب,,وتجيبين احلا دلوعه

اوراق القمــــــــــــــــر,,,,يامرحبا يامرحبا,,,شلونك عيوني
ان شاءالله بخير,,,اي صح سبات لان الفراشات هنا خاملات
يدخلون مرة بالاسبوع خخخخ بس راح يتوبو ويرجع لهم الحماس
والنشاط المعهود,,,,
تدرين كل يوم ادخل بمرفأ الاقلام,,,الى الان ماشفت مشاركة من الفراشات
بس شفت تسجيلهم بيه,,باين عليه كثير حلوو,,بس لاتخافين مااشارك
خخخخخ


لوليتــــــــــــــــــــــــا,,,شلونك عيوني ان شاءالله بخير
اي يلا انتي افتحي موضوع ونتناقش بيه يلا ننتضرك,,,



لوبـــــــــــــــــــي,,,شلونك عيوني ان شاءالله بخير وصحة
وان شاءالله تقومين بالسلامه يارب,,,ويحفضكم انتي واهلك امين


يلا وين باقي الفراشات,,,,,,

اترككم على خير وعافيه
في امان الله...........

فراشةحنونة
02-19-2006, 07:29 PM
مساء الخيرات للغاليات فراشات العراق
حبيباتي حبيت امسي عليكم واكلكم شي...
سوانا العسل كلامها صحيح مية بالمية..يعني ميصير نطرح موضوع ومحد يناقش لو 2 لو 3...!!!!
احنة نريد تجديد وتفاعل وسوالف ومناهج...كلة حتى نرتقي بالبيت لاعلى مكانه...
واكيد كلكم اروع فراشات وما شاء الله دمكم عسل وسوالفكم حلوة...
من هذا اليوم اي موضوع ينطرح رجاااااااااااااااااااااءا الكل تتفاعل وتتجاوب وتسولف وترد بطريقتها الحلوة...
معقولة احنةةةةةةةة بنات العراق ما عدنة سواااااااااالف؟؟؟؟؟<<<مستحيل طبعا...

يلة منو راح تفتح الجلسة لان من اليوم لاااااااازم التغيير يكون بينا ....
تقبلوا تحياتي واشواقي ومحبتي...

http://up.alfrasha.com/u/167/2530/21661.jpg

فراشةحنونة
02-20-2006, 12:56 AM
معقوووووووووولةةةةةةةةةةةةةةةة؟؟؟؟؟؟
وييييييييييييييييينكم؟؟؟
وين اللمة والجمعة الحلوة؟؟؟

فراشةحنونة
02-20-2006, 01:03 PM
صباح الخيرات ومساء الانوار يا غاليات..
ويييييييييييييييييييينكم؟؟؟؟
معقولةةةةةةةةةةةةةة كل هذا الكسل والخمول ليييييييييييييييش؟؟؟
لا يا حبيباتي لا ترة ما يصير ولا تعودنا هيج...؟؟؟!!!!!!
http://up.alfrasha.com/u/167/453/3213.gif

White_Swan
02-21-2006, 07:03 PM
صباح الانوار حنونـــــــــــــة الفراشه
شلونك عيوني ان ساءالله بخير وبصحة,,

شلون كل الفراشات العزيزات
ان شاءالله الجميع بخير وبصحة,,,


ممممم شكلكم نيام خخخخ

يالله,,في امان الله

مسك212
02-21-2006, 11:24 PM
[[frame="3 60"]frame="1 70"]كيف الحال :frashagir شلونكم شخباركم طبعا اول شي اريد اشكر نداوي كلش هواية بس اريد اسالج نداوي يعني عجينة الوجه نخبط البرغل والجريش الي عجنا وية اللحم والطماطو والفلفل والمعجون :7_13_16[1 لان مفتهمت عليج ........................وايت سوان حبي والله كلامج صح لازم موضوع والكل يشارك يلة خلي احد ينطينا فد موضوع فد شئ حتى الكل تلتزم :de43r ...........................هلو حنونة شلونج اخبارج اشو ماكو مسجات يلة المهم دنتلاكة هنا وية بنات العراق شلونها بدور :15_5_11[1 .................لوبي 1 اخبارج..............لوليتة ..............اني بانتضاركم

فراشةحنونة
02-22-2006, 01:01 AM
هلو حبايب كلبي الغاليات... :fkjuiyhag
اني ااااااااااااسفةةةةةةةةةةةة كلش على الغيبة بس والله خط الدي اس ال مالتنا مدري شبي جان عاطل وطلع الخلل فايروس ضارب المكرودة الحاسبة واحنة عبالنة الخط وكلبنة الدنيا عالاتصالات المساكين..
لعبناهم على الحبلين :fhgfdhagi
وفرمتنا الحاسبة وووووو الى ان رجعت الامور زينة...

انتو اخباركم اني كلت ترة صايرين سبات وميصير هالخمول وكلت منتظرين مواضيع تنفتح للنقاش واطلب من سوانا ونداوي ومسك الوردة وسندريلا وساندي والمهندسة واوراق كمرنا وسفيرتنا الحلوة ولوبي 1 ووووووكل اللي ما يحظروني المشاركة القوية يمعودين.... :frashagir

نداوي مشكورة على المقادير يا حبيبتي واني دا اتحظر لحفلة ولادتج بالسلامة لان راح انسويلج حفلة تخبل انتي والدلوعة مالتنة... :|

سوانا عزيزتي ومسك والله انتو ما مقصرين ونداوي بالردود وانتو اكثر البنات اللي نشاطكم ما شاء الله... :h45r4

يلة حبايب منتظرين المواضيع الحلوة وخلونة نسوي احلى بيت للعراقيات... :fkjuiyhag

لوبي1
02-22-2006, 01:24 AM
مرحبا بنات شلونكم والله يعطيكم العافيه راح انضحكم بنكته توها اجتني من بغداد ههههههههههههه
مدري شبية يا ربي لمة اكلت الفلافل حسيت بطني انكلبت حسيت وكف قلبي....
مدري شبية فهموني مو هواية اكلت صدكوني بيتنة وين دلوني رجعوني لفراشي.... احس ريحة العمبة على ثيابي
واحس بطني تصيح كافي انا الغلطان يا احبابي اكلت فلافل بايدي
فد واحد مؤمن كطع الصلاةوكت الأمتحانات سألوه ليش؟!! كال أريد أعتمد على نفسي ههههههههههههههههههه
الله بنات تذكرون لفات الفلافل ويا العمبه والصمون الحجري يالله اشكد مشتاقه هل الاكله البسيطه الطيبه
على فكره هنا بالسويد عندنه الصمون الحجري المحلات العربيه تخبزه

ظما الوجدان
02-22-2006, 02:38 PM
هلا بااهل العراق الحبيبة احبكم والله انا ملقووووفة شوي بس حبيت اسلم عليكم والله يوفقكم

مسك212
02-22-2006, 09:57 PM
هلو بنات شلونكماخباركم طبعا اول شئ حبيت ارحب بالاخت ضمأ الوجدان واكول لها مليون مرحبة بيج بيت العراقيات :dfr3 ويزيد لنا الشرف بالتعرف عليج...............شكرا لوبي 1 على النكات الحلوة طبعا بنتي هاي الاغنية مال مدري شبية ياربي ليل ونهار تغنيها كتلتني بيها بس صدك هي حلوة لوبي اكلج صدك اشتهيت لفة فلافل دا اذكر ايام الكلية يتكاتلون عليهة وهية متروسة ذبان ايع :frasha19: .............حنونة حبيبتي سلامتة للكومبيوتر شلون صارهههههههههههههههشخبارج :de43r ان شاء الله تمام .........بنات دا احجيلكم نست اكللكم ذاك اليوم زوجي كلي بدلي اتحظري عازمج على حفلة طبعا اني استغربت لان زوجي يكره الحفلات العامة وصدك اني بدلت وكشختوتحظرت :frut5ragi :frafgagir ووداني زوجي حفلة خاصة ومختصرة وشحجيلكم طلع من المغني الله عليكم حزرو :frashagir تدرون منو طلع عادل عكلة طبعا اني اموت علي والله كلش تونست ذكرني بايام بغداد وهاي الاغاني مالتة صدك بيها معنا وخصوصا اني احب اغنية صبرني صبرني المايدري بقصتي ويكلي تهون ..........تذكرون اغاني والله يذكرني بايام المتوسطة والثانوية يعني ايام المراهقة خخخخخخخخخ يلة هاي كل اخباري انتو كتبولنا شنو اخباركم

نداوى
02-22-2006, 10:11 PM
مرحبا فراشات ... اعذروني على غيبتي , من بلاوي ابو محمد الجديدة راح اشترالنا اثاث جديدة لغرفة الجلوس
وطبعا الغرفة تحتاج صبغ وهاي صارلنا يومين مشغولين وبعد يومين ثانيين والله الساتر وكل شوي ايكول روحي ارتاحي انت , بالله شلون ارتاح والله لوتشوفون غرفة النوم مرعبة من الاغراض الي بيها يادوب السرير بس الي ماعليه غراض , لاوالاثاث الى الجمعة توصل ..... والله شنو بعد ماتجي دلوعة مازين عليها ريحة الصبغ والغبرة , بس امها تتحمل أهئ أهئ أهئ

ام بدور الله يسلمج ويخليج , رحنا سوينا موعد بالمستشفى واتفقت على قيصرية وعندي موعد 13 بالشهر لتحديد الموعد وراح نشوف والله الستار

مسك بالعافية حبيبتي , الوجه حبيبتي ماتخلي لاجريش ولابرغل بس الخلطة الذاكرتها , يعني بس المذكورة بالمقادير الخاصة بالوجه

لوبي تسلميلي حبيبتي والله يقومك بالسلامة

يالله مع السلامة

sarah_s
02-22-2006, 10:25 PM
انا عرتقيه مقيمه بالسعوديه من الموصل طالبه

sarah_s
02-22-2006, 10:28 PM
العفو عراقيه من الموصل مقيمه بالسعوديه طالبه بس ماعمري شفت العراق ماولدت بيها

لوبي1
02-23-2006, 02:55 AM
هلو بنات شلونكماخباركم طبعا اول شئ حبيت ارحب بالاخت ضمأ الوجدان واكول لها مليون مرحبة بيج بيت العراقيات :dfr3 ويزيد لنا الشرف بالتعرف عليج...............شكرا لوبي 1 على النكات الحلوة طبعا بنتي هاي الاغنية مال مدري شبية ياربي ليل ونهار تغنيها كتلتني بيها بس صدك هي حلوة لوبي اكلج صدك اشتهيت لفة فلافل دا اذكر ايام الكلية يتكاتلون عليهة وهية متروسة ذبان ايع :frasha19: .............حنونة حبيبتي سلامتة للكومبيوتر شلون صارهههههههههههههههشخبارج :de43r ان شاء الله تمام .........بنات دا احجيلكم نست اكللكم ذاك اليوم زوجي كلي بدلي اتحظري عازمج على حفلة طبعا اني استغربت لان زوجي يكره الحفلات العامة وصدك اني بدلت وكشختوتحظرت :frut5ragi :frafgagir ووداني زوجي حفلة خاصة ومختصرة وشحجيلكم طلع من المغني الله عليكم حزرو :frashagir تدرون منو طلع عادل عكلة طبعا اني اموت علي والله كلش تونست ذكرني بايام بغداد وهاي الاغاني مالتة صدك بيها معنا وخصوصا اني احب اغنية صبرني صبرني المايدري بقصتي ويكلي تهون ..........تذكرون اغاني والله يذكرني بايام المتوسطة والثانوية يعني ايام المراهقة خخخخخخخخخ يلة هاي كل اخباري انتو كتبولنا شنو اخباركم


ههههههههههههههههههههههههه
والله كانت ايام حلوه وعادل عكله حضر في زواجي سنه 88 ايام فرقه دانا اذا تذكرون واسماعيل الفروجي كان ايضا بالفرقه وبوقتها لي هسه اذكر اخذو 500 دينار والحفله كانت بالمهندسين الي بالمنصور
اه على ذيج الايام حلوه بمرها وبعسلها الله يعود علينا الايام الحلوه اكيد هي ماترجع بس يعوضنه بايام حلوه
علينا وعليكم :fragghagi

shehd
02-23-2006, 11:04 PM
السلام عليكم ورحمة الله وبركاته
شلونكم بنات وشخباركم انشاء الله الكل بخير يا ربي
اسمحولي عزيزاتي بنات بلدي العزيز ان انضم الهذه الاسرة العراقية الجميلة
من شفت هذا التجمع الجميل بهذا المنتدى قررت ان انضم الكم لكن قبل يومين يله اجاني تفعيل الاشتراك
حبت سوالفكم الحلوة الي اذكرنه بالعراق واهله الطيبين
وحبيت روح الاخوة الي تعم بيناتكم ويا رب ايديم هذا الشي بينا امين رب العالمين
طبعا شهيتوني فلافل ههههههههه
بس شنسوي ماكو هنا فلافل عراقية
صحيح اني من بغداد وحاليا اسكن في السويد وانشاء الله اجد لي مكان بينكم

فراشةحنونة
02-24-2006, 02:45 AM
هلو بنات حبيبات كلبي وغاليات العراق...
مشتاقةةةةةةةةةةةةةة كللللللللش الكم ولاخباركم الحلوة :fkjuiyhag
اول شي خلوني ارحب واكول مليوووووون مراحب بسارة وبالاخت ضما الوجدان..
ومليووووون مراحب بفراشتنا الجديدة شهد... :h45r4
حبايب نورتوا البيت...
مسسسسسسسسسسك الله ذكرتيني بعادل عكلة وحفلاتة اللي تخبل واسماعيل الفروجي جان صديقنة لان جان جيران بيت خالتي ومن انكصت رجلة جان يجي يطلب السايق يودي للمستشفى...
اما عادل عكلة ونذير بشير الاسود الي جان وياه...
هسة نذير ابغداد عندة محل بحي الجامعة اسمة نذير بشير...بس مو السمين الضعيف..
لوبي 1 حييييييييييل 500 دينار شكبرها بذاك الوكت...

نداوي يا عمري الف مبروك الاثاث الجديد ان شاء الله بالخير عليكم...
يبين ابو حمودي منطلق على جية دلوعتنا ديتهيأ الله يخليلج ابو محمد وحمودي وسيوفي...
ولو لا عبين بيج طوبة بس اتحملي حبيبتي...والعملية ان شاء الله سهلة اني هم جبت بدور بقيصرية.. :frcvbhagi

احنة يا بنات صار يومين مطر بالامارات مو طبيعي والجو يخبل لان المطر نشتاقلة هنا...
والجو شوية برد صار يومين لان مطر...

باقي الحبايب وين ؟؟؟؟
سوانا شنو صايرة تختفي وتطلع...؟؟؟
اوراق كمرنا وسفيرتنا وسندريلا وساندي والمهندسة وووووووووووووالكل...
يلة شراح ندخل باي موضوع؟؟؟

صدك بنات عندي مشكلة بتحميل الصور المشكلة دا ادخل للمجلدات مالتي ومن ادوس على صورة استخدام كود المنتديات ما يطلع الكود شنو الحل صار يومين ومنزلة صور حلوة ومدا اعرف شاسوي؟؟؟

ساعدوني للي تعرف الحل...

منتظرين كل الغاليات يا غاليات
وسلامي.. :fkjuiyhag :frashagir

أوراق القمر
02-25-2006, 02:07 AM
هلا فيكم ...

السلام عليكم ورحمه الله وبركاته.. كيفكم ان شاء الله بخير .. وش مسوين تمام ..؟؟؟

هلا بكل فراشه انضمت لنا في ملف العراق الحبيب ..؟؟

صدق والله محتاجين موضوع حلو وممتع نتناقش فيه .. ونتشاور ونكتسب خبرات من الجميع

يالله حبوبات لا تقاطعون واسفه على الانقطاع لكن الله العالم عندي ضغط هاليومين ..

بالتوفيق للجميع واشوفكم على خير
في وداعه الله

مسك212
02-25-2006, 11:21 PM
هلو بنات شلونكم اخباركم اني اسم الله عليكم افلاونزة كلش قوية وحيلي مهدود بس عيني كوية ما اكدر ما اشوف اخباركم واسلم عليكم واطمأن شلونكم ان شاء الله الكل بخير وصحة وعافية يلة اني اروح ومن اصير زينة اكتبلكم اييييييييييييي راسي ديوجعني وزوجي يشاقة وياية يكلي اخاف بيج افلاونزة الطيور هههههههههههههه اشوفكم بعدين باي

White_Swan
02-26-2006, 03:38 AM
سلام عليكم يااحلى فراشات,,,
كيف حالكم جميعا,,,

هلا والله بكل فراشه انضمت الى الجمعه الطيبة هذي,,
شلونك قلبي حنونة ان شاءالله بخير
خخخخ
انا موجودة انتو الي تختفون
ها ابشري انحلت مشكلة الصور عندك؟؟

نداوي شلونك عيوني ان شاءالله بخير
ها ابشري ولدتي ولا بعدك
خير ان شاءالله وتقومين بالسلامه
وتجيبين احلى دلوعه يارب

اوراق القمر,,شلونك حبيبتي ان شاءالله بخير وبصحة وعافيه يارب
الك وحشة والله


مسك,,شلونك قلبي ان شاءالله بخير وبصحة وعافيه


ممممم طيب كيف حال الفراشات الباقيات
ان شاءالله الجميع بخير وصحة,,

اترككم ع خير
في امان الله وحفضه

um_shahad
02-26-2006, 08:50 AM
السلام عليكم

شنو هاي اللمة الحلوة من ريحة الوطن :de43r

والله كعدت قرأيت الـ 23 صفحة الموجودات هنا

تذكرت العراق وايامها الماتنسي

طبعا اني فراشة جديدة :h45r4 عراقية احب انضم للمجمع الحلو هذا

ياريت القى مكان بينكم؟؟؟ :asd321

اني عراقية متغربة من 1994 متزوجة واني من مواليد 79 من محافظة الكوت بالعراق

وايضا سكنت النجف

وعندي بنت واحدة واسمها شهد :fhgfreagi ادلعها بـ (نانوش) وهي راح تصير 3 سنوات بشهر الرابع :de11

زوجي سعودي تعرفت عليه بالكلية ها على فكرة اني مخلصة كلية االطب وصاري سنة
وحدة اشتغل

واني طبعا ساكنة استراليا في مدينة ملبورن

الله يعينا على الغربة والله حيل صعبة

وان شاءالله راح اتواصل بهذا االتجمع
:fragghagi

في امان الله

shehd
02-26-2006, 02:37 PM
شلونكم يا فراشات
مشتاقتلكم والله ومشتاقة لسوالفكم الحلوة مثلكم
بس شنو القصة اشو دخولكم هنا مو مثل قبل
ليش ؟؟؟؟؟؟
يله انشاء الله المانع خير
اهلا وسهلا اختي ام شهد ( اني هم عندي بنت اسمها شهد ) وبشهر الرابع ايصير عمرها 3 سنوات

lina2004
02-26-2006, 02:53 PM
habibati aliraqiat ani binit dubai
bess hebet almosarake maakom tikbelon bi :h45r4

White_Swan
02-28-2006, 04:04 AM
مرحبا بكل الفراشات,,,,

هاي شنو وينكم حبيباتي شو ماكو
ممممم
فــــــــراشة حنونة,,مســــــــك,,نـــــــداوي,,
الباقين وين,,,,اوراق القمــــــــر شلونك قلبي...


هلا وغلا ب ام شهـــــــــــــد نورتي عيوني
الله يحفض الك اولادك يارب


هلا وغلا بااختي shehd
انتي همين ام شهـــــد,,لعد اسميك ام شهـــد 2
خخخخخ لان صار عندنا اثنين ام شهد
الله يحفض الك شهودة يارب
ويجعلها من البارين الصاحين امين

اي قل الدخول مااعرف الفراشات كلهم اختفوا
الضاهر بفترة سبات :)

اهلا وسهلا باختي لينا وبكل اهل دبي
نورتينا والله.........

عموما ان شاءالله غيابهم خير خير

طيب اترككم الان
في امان الله وحفظه..........

um yasser
02-28-2006, 04:24 AM
مساء الخيرات والعافية
الظاهر اني كلش تأخرت عليكم بس يلة ان شاء الله اعوض الي فاتني
اني ام ياسر من بغداد - الكرخ - حي العدل
مدرسة لغة انكليزية (خريجة اداب لغة انكليزية)
متزوجة وعندي اربع اطفال
لحظة مواليد1973 ترة مو كلش جبيرة هههههههههههههههههههههه
اسعدت كثيرا بالانضمام الكم
واتمنى كل حبيباتي المغتربات يزورون العراق بس بعد متمر الازمة الي مارين بيهةهسة
الكم تحياتي جميعا

فراشةحنونة
02-28-2006, 01:44 PM
صباح الخيراااااااااااااااااااااااات
ومساء الياسمين الابيض اللي مثل قلوبكم لطيبةةةةةة... :fkjuiyhag

هلو حبايب كلبي مشتاقيييييييين كلش كلش كلللللللللللللللللش..
بنات اني اسفة على التاخير بس كلتلكم المشكلة مدا اكدر اسوي كوبي لاي صورة من الصور اللي منزلتها بمركز الصور...والله راح اتخبل لان مدا ادري شنو السبب؟؟؟...مع العلم كل الاشياء شغالة الا كود استخدام الصورة بالمنتدى من اضغط عليها ما تطلع السكرين اللي حاملة الكود؟؟؟..
الله يخليكم اللي تكدر تفيدني تنطيني الحل.... :frxxagir

طبعا كالعادة اسال على كل خواتي الغاليات وحدة وحدة بدون ذكر الاسماء لكن اريد اسال مسك الوردة اخبار صحتج وشلون الانفلونزا راحت لو بعد؟؟اني متاكدة راح تاخذ سرة البيت كلة يلة تطلع.. :de11
نداوي يا عمري طمنينة على صحتج وصحة الدلوعة خو مو حاسة تعب اكثر يلة هانت ما باقي غير ايام ان شاء الله وتكومين بالف سلامة...

ام شهد مليووووووون اهلا وسهلا ومراحب ونورتينا يا دكتورة وزاد بيتنا شمعة ونتمنى نلكي مواضيعج الحلوة هنا. :fkjuiyhag

وشهودة الحلوة ملييييون اهلا وسهلا ولو انتي هم ام شهد بس داخلة باسم شهودة الله يحفظها ويحفظ شهودة بنت الدكتورة ام شهد...ههههههه :fragghagi

ام ياسر مليييييييييييييييون مراحب نورتينا ومشكورة لتلبيتج الدعوة مالتي وفرحتينا بوجودج بيناتنا وزاد البيت شمعة غالية من وسط بغدادنا العزيزة...
اني بيتنا بشارع الكنيسة قرب شارع السفارات يم حي الجامعة ومقيمة بدبي من سنتين وشوية واهلي مستقرين في بغداد بس عدهم اقامة هنا ويروحون ويجون..بيني وبينكم امي من تجي اكثر من شهر تضووووج تبقى هية وابوية وحتى اختي فيرجعون لبغداد راسا...
ويا ربي الله يحفظ هالبلد هذا ويرجع بخير ونرجع الكل ونلتم وينجمع شملنا..
وننذر نذر نسوي اكبر تجمع من نرجع للعراق...
يا حبيبتي يا ام ياسر انتي ما شاء الله شبااااب والله يحفضلج الاطفال وكل احبابج...

لينا يا بنت دبي مليون مرحبا يا الطيبة نورتي بيتنا يا ذوق واهلا بيج البيت بيتج بكل وقت.. :fkjuiyhag

بنات اليوم اريد اطرح عليكم سؤال وكل وحدة تجاوب <<<عاد اللي ما تجاوب يا ويلها....

السؤال هو....زوجك يقربلك ولة غريب وشلون تزوجتوا وكيف تعارفتو؟؟؟قصة حب؟؟زواج تقليدي؟؟وكم سنة متزوجين؟؟وتويدون فكرة الحب قبل الزواج ام لا؟؟وهل وجدتي طباع زوجك قبل الزواج شكل وتغيرت بعده ام لا؟؟؟

واللي ما متزوجات المخطوبات والعاشقات هم يجاوبوووووووووووووووووون...

يلة بلييييييييز واريد تفاعل مو طبيعي..خلونا نسوي حركة بالبيت... :asd321

في امان الله.

فراشةحنونة
02-28-2006, 03:07 PM
http://up.alfrasha.com/u/167/453/30430.jpg
يا حبايب سوييييييييييييييت تحميل الصور وانحلت المشكلةةةة..
http://up.alfrasha.com/u/167/3291/30425.gif

وبطريقتي السنفورية رجعت الصور اللي راح اتحفكم بيها بكل مرةةةةhttp://up.alfrasha.com/u/167/3291/30423.gif

يلة الكل يجاااااااوب ويناقش بالسؤال اللي طرحتةةةةةةةةةةةةةة...

http://up.alfrasha.com/u/167/453/30428.gif

فراشة العراق 11
02-28-2006, 05:00 PM
السلام عليكم اني فتاة من العراق ساكنة في بغداد طالبة جامعية في جامعة بغداد كلية الاداب قسم الاثار عمري 22 غير متزوجة يشرفني ان اتعرف عليكم ونتناول اخبار البلد والمور العامة والخاصة

اوراق *
02-28-2006, 05:22 PM
انا بعد ماني عراقية بس احب العراقين
وارسل الى كل فراشات المنتدى العراقيات سلامي ودعائي لهم بجمع شملهم

نداوى
02-28-2006, 05:37 PM
مرحب حبيباتي ... شلونكم ان شاء الله بخير

اعذروني صارلي فترة ماكتبت , والله هالدلوعة مطلعة روحي انتظر تشريفها يوم يوم كثر ما متعبتني , ما اقدر اجلس طويل , تصوروا حتى لما اتعصب من موضوع اشعر نفسي راح اولد خخخخخخخخ وطبعا حمودي ويوسف مستغلين وضعيتي يعرفون ما اقدر اتعصب ماخذين راحتهم ولو البارحة حمودي اكله بهدلة من ابوه لأن مادايسمع كلامي , والا يوسف يخرب ضحك يتغدى بالواحد قبل مايتعشى بيه من يغلط ويعرف راح يترزل يبكي ويعترف بغلطه وبقول ماعرفتو واذا حاسبناه يعصب ويبكي ويقول مااقللكم ماعرفتو ,
منتظرة نهاية الشهر يوم يوم حتى اخلص وابو محمد البارد الى الان مااشترينا لاسرير ولا عربة للطفلة يقول ليش مستعجلين , الظتهر راح يشتري الاغراض بعد الولادة هو حظه ما الي خلق اتناقش معه . اروح اصلي العصر واغفيلي فرد ساعة يمكن اقدر ارتاح شوي .
تعرفون هسة دا اسمع قصيدة بغداد للشاعر ناصر القحطاني , قصيدة رائعة , شفتها بالتلفزيون , وطلعتها هسة عن طريق القوقل بموقع الضويحي , سمعوها راح تعجبكم .

ام بدرور اشلونج واشلونها بدور بوسيها الي امانة ,
البقيات عذروني ما الي حيل اعددكم وحدة وحدة بس انتو كلكم على البال

الجديدات معانا الف اهلا وسهلا بيكم وان شاء الله الي رجعة الكم ( بعد عمر طويل خخخخخخخخ )

يالله مع السلامة

فراشة العراق 11
02-28-2006, 06:09 PM
اني فتاة من العراق ساكنة في بغداد في حي الطباء اني طالبة في جامعة بغداد كلية الاداب قسم الاثار عمري 22 سنة سنة رابعة في الكلية ويشرفني ان اتعرف على العراقيات كلهم

بنت العراق
02-28-2006, 06:51 PM
صار زماننننننننننننننننننننننننننننننننن مشغوله عنكم وهاي انه اجيت شلونكم يا بنات العراق شخباركم ان شاء الله بخير حبيت اسلم وطبعا اشكر الغاليه التي ارسلت لي عن هذا التجمع ولولاها ما علمت بتجمعكم

يالله طولت مو ؟؟

lina2004
02-28-2006, 07:59 PM
marhaba bi koll aliraqit hebebati bint dubai
lina

سندريلا بغداد
02-28-2006, 10:00 PM
http://heartsoul2.jeeran.com/2e.gif
هلــــــووو بنـــــااات
عراااقيـــات وسعـــوديااات وكل الموجودات ياهلالالا ومرحبـــا
شلونكم اليــووم؟؟
http://www.alfrasha.com/up/1763964241958223603.gif

اما عن ســؤالج ياحنــونـــــة والي حيحلي الكعــدة فجوابــه طووووويل<< ههههههههه

اني عن رأيي ماكو اروع من الحب اذا كان نابع من كلب طيـب ونيــة صافيـة
بالنسبـة الي مخطوبـة يعني عن قريب حتخلصـوووون مني << خخخخخخ

بس الحفلـة حنسويها على شهـر الرابع
لان الولد بالسويـد واني بالدنمارك فحددنا موعـد يتناسب مع اجازتنا اثنيناتنـا
والدعــوة عامـــة ... http://home.earthlink.net/~tkdavis/gif/welcom.gif
واذا مشالتكم الكاع تشيلكم عيــوووني

اما شلوووون تعرفنـا على بعض << نكتـــة
اتعرفت عليه بعـــــرسسسسس
العروسة بت عمه للولـد والعريـس ابن ناس نعرفهم خطبني وكتهه ومصار نصيب <<وكتهه جان عاجبني اكمل دراستـي<<هههههههههههههههههه
وعزمونـة الناس العرس ابنهـم وصار النصيب وية ابن عم العروووس :de11 << بيني وبينكم هنـــا اجلت دراستي شويــة ههههههههههه

لأول مرة احـب ولأول مـــرة احس اني املك الدنيا كلها
كل انسان يشوف الحب من خلال الشخص الي ارتبط بيه
وهذا يعتمد على الشريك طبــعـا لان من خلاله راح نعرف اذا جان الحب يمثللنا الشئ الجيد او الشئ السيئ
http://alzezavon.jeeran.com/AlhamdoLlh.gif
شنووو رأيكم نسمــع باقي البنـــات
وياكم الكعـدة حلـــوووة بس نترك المجاال للبقيــة
و
تحياتـــــــوووووو

فراشةحنونة
03-01-2006, 12:06 AM
http://up.alfrasha.com/u/167/3291/30426.gif
مساااااااااء القمر والنجوم المتلألأة لعيون بنات العراق وكل العزيزات...
فرحتوووووووووووني بالدخول الغفير اليوم وبالتفاعل...
واسمحولي ارحب ترحيب بالغاليات الجديدات اخواتنا العزيزات اللي انظموا النا ودخلوا بيتهم...

مليوووووووووووووون مرحبا اكولها للعزيزة فراشة العراق 11 والف اهلا وسها حبيبتي نورتينا وزاد بيتنا شمعة غالية وان شاء الله نشوف مواضيعج وطروحاتج الحلوة وافكارج ويانة وموفقة ان شاء الله وربي يحميج ويحمي بلدنا...

ومليييييييييييون اهلا وسهلا بالغالية بنت العراق نورتينا وشرفتينا وزاد بيتنا شمعة غالية ونتمنى مشتركاتج الحلوة..واحنا بدورنا من مكانا وزمانا نهديك سلامنا وية اختنا بنت العراق يا اغلى واثمن عراق...

نداوي حبيبتي طمنتينا الحمد لله عنج ويلة هانت وطولي بالج وية ابو محمد كلشي سهل بس انتي ريحي اعصابج..

سندريلا يا الغالية والله الصراحة فرحتيني بردج على الاسئلة والله يسعدج وية خطيبج والف ملااااااااااييين مبروك وان شاء الله بالرفاه والبنين وراح نسويلج حفلة ما صايرة بس تنطينا خبر قبلها بكم يوم زييييييييين؟؟
الله يخليلج حبيبج وخطيبج ويسعدكم...

بناااااااااااااااااااات ما ينزل موضوع الا الكل يجاوبون على الاسئلة اللي انطرحت حتى يصير تفاعل بلييييز...
وسؤالي شمل المتزوجات والمخطوبات واللي يحبوووووووون هم واللي بطريق الزواج ....

سلامي وقبلاتي للكل..
http://up.alfrasha.com/u/167/3291/30425.gif
http://up.alfrasha.com/u/167/453/3213.gif

فراشة العراق 11
03-01-2006, 04:07 PM
الف اهلا وسهلا بلعراقيات جميعا

وخاصة الفراشة الحنونة ونداوي ولؤلؤة والى كل العراقيات انشاء اللة ينجمع شملكم في العراق الحبيب تحت راية اللة واكبر في بلد محرر ومزدهر ومتطور ان شاء اللة ويشرفني ان اتعرف عليكم جميعا :fkjuiyhag

بديل القمر
03-01-2006, 09:08 PM
السلام عليكم يا شعب طيب الاعراقي انا سعودية عشت في البصرة احلا ايام ايام الطفولة والى الان طعم ذيك الايام ما نسيتةا ووووووووومن الزبير حبيت جمعتكم مررررة حلوه ومرتحت حتى كتبت هلكلمتين وشكر خاص لصاحبة فكرت التجمع

um yasser
03-01-2006, 10:56 PM
مساء الخيرات والعافية حبيباتي
اهلا وسهلا بالكل من عراقيات وعربيات البيت بيتكم
اتمنى ان يكون الجميع بخير
ياحنونة ميصير خاطرج الا طيب
اني زوجي اقاربي (ابن عمتي) بدا اهتمامة بية من كنت بالاعدادية وظل الولد وراية وراية الى ان دخلنة القفص الذهبي واني بالكلية بحيث اتخرجت وعندي بنية وولد والحمد لله اعيش حياة طيبة ومستقرة والحياة بدون الحب متسوة (مو بالله) شتكولون
تحياتي للجميع

فراشةحنونة
03-02-2006, 12:37 AM
http://up.alfrasha.com/u/167/3291/30417.gif
مساء الانوار مساء العسل للغاليات..
شلون الصحة حبايب كلبي كلكم وحدة وحدة بدووووووون ذكر الاسماء....؟؟
بديل القمر مليووووون مراحب عزيزتي ومشكورة على وجودج بيناتنا وهذا بيتج باي وقت ومشكورة على كلامج الطيب..

ام ياسر يا عمري تسلميلي ونورتي البيت بردج الحلوووو وطلع ابو الجهال ابن عمتج<<<عميييييييييي الحبيات مشتغلة من زماااااااان...الله يهنيج ويسعدكم دائما ويخلي الاولاد...
ويجعل ايامكم حلللللللللللللللللوةةةةةةةةةة...http://up.alfrasha.com/u/167/2516/21706.jpg

باقي البنااااااااااااات وينكم يلة منتظرين الردود...
حتى انطيكم قصتي...

تقبلوا تحياتي..
في امان الله..
http://up.alfrasha.com/u/167/453/30429.gif

فراشة العراق 11
03-02-2006, 07:26 PM
السلام عليكم كيف حالكم ان شاء اللة بخير شو ماكو احد ولاكو كتابات اليوم رجاءا اطرحو مواضيع نناقشها وحددوا الوقت التي تكونو متواجدين بها

sinaa20
03-02-2006, 09:58 PM
هاي يا بنات
شلونكم
وشنو اخر اخباركم
اني صارلي مدة مشغولة عنكم اتمنى تعذروني بس يلا مادام فتحتوا هذا القسم حتى نسولف على راحتنا
اكول
مشتاقة لكل عراقية تحمل اسم العراق
احبكم والله احبكم

فراشةحنونة
03-03-2006, 12:46 AM
هلا خواتي الغاليات..
حبايب كلبي يا اغلى خوات الي اتمنى دعواتكم الي لان محتاجتها ان الله يسهل عمليتي وتكون ناجحة يوم غد الجمعة..
عمليتي هي تصحيح البصر بالليزك...
ادعولي خواتي وراجعتلكم ان شاء الله بكرة بعد العملية..
تحياتي
فراشة حنونة
ام بدور..
http://up.alfrasha.com/u/167/453/30429.gif

White_Swan
03-03-2006, 03:21 PM
سلام عليكم ,,شلونكم جميعا ان شاءالله بخير,,

نداوي ومسك شلونكم قلبي عساكم بخير ان شاءالله
حنــــــــــــــــــــــونة توني عرفت راح تسوي عمليه خير خير
طمنيني عنك عسى ماشر
طهوور ان شاءالله ومأجورة يارب


لي عودة ان شاءالله
في امان الله

سندريلا بغداد
03-03-2006, 03:26 PM
سلامتــــج ياحنونــة الف سلامــة ياحبيبتي لتخافين انشالله تكون عمليتج ناجحـة بأذن الله
اني امـي سوتهـا قبل حوالي شهـر ونص وهسـة نظرهــا كولـششششش زيــن
تكومين منها سلامات بأذن الله

وتحياتـــووو

فراشة العراق 11
03-03-2006, 04:37 PM
سلامتج حبيبتي حنونة ان شاء اللة يسهلة عليج وتكومين بسلامة ان شاء اللة سهلة

shehd
03-03-2006, 10:26 PM
سلامتج عيوني حنونة انشاء الله ترجعلينه بالسلامة
شلونهم خواتي الغاليات بنات العراق انشاء الله الكل بخير يا رب
حبيبتي سندريلا مبروك زواجج مقدما وراح اصيرين قريبة عليه اكيد راح تنور السويد بيج عمري

فراشة العراق 11
03-05-2006, 12:39 AM
ايها العراقيات الشريفات ادعوا لنا الن احنا في كربة هسة اني داحجي وياكم وجماعة الرهابين الكفرة مغاوير الداخلية يحرقون المساجد في منطقتنة ويحرقون القران الكريم والمسلمين يحجون على الدنمارك ليش مايحجون على اليدعون بالسلام وعلنت قناة بغداد عن استشهاد ثلاثة ان شاء اللة يكونون مع الرسول (ص) في جنة الخلد لان المصلين كانوا يدافعون عن المسجد اللة واكبر اللة والكبر والعزة للسلام عراقية شريفة اريد الرد (ناقشوا الموضوع)

مسك212
03-05-2006, 04:28 AM
هلو بنات شلونكم اخبركم اني اعتذر على هاي الغيبة الطويلة بس جنت افلاونزة الله لا يكتبها لاحد المهمم احب ارحب بكل خواتي الجديدات الي انضموا النا ويشرفنا وجودكم ويانة كل من ,,,,,,,,,,,{ .شهد......... .ام شهد.......ام .. ياسر..........بنت العراق............فراشة العراق.}..........وكل الي شاركو ياننة ......[line]طبعاحبيبتي بنت العراق والله من قريت الموضوع الي كتبتي على الحال ببغداد والله متت من القهر ودا احس جسمي كلة ديرجف الله ينتقم من المجرمين الكفرة والله حرام الي ديصير بس يلة الله يعينكم ويصبركم ولا تنسين الله سبحانه وتعالى يمهل ولا يهمل الله يروينة بيهم يوم احنى صح خارج العراق بس قلوبنا كلها هناك وية اهلنا واحبابنا ودندعيلكم الله يفرج كربتكم وكربتنا وينصر عراقنا ويرجعنا الارض الوطن والله ينتقم من الي جان السبب............. :14_6_12[1 ....................حبيبتي حنونة والله كلش ضل بالي عليج بشري شلونها عيونج ان شاء الله كل شي تمام ................نداوي شلونها صحتج ولدتي لو بعد يلة الله يكومج بالف سلامة ويسهل امرج..................وايت سوان عزيزتي اشكرج على سؤالج عني اني الحمد الله صرت زينة وادعيلج بالزوج الصالح :8_8_18[1] ...............سندرلا حبيبتي الف مبروك زواجج ان شاء الله بالرفاه والبنين :11_3_2[1] ...............حنونة طبعا اريد اشارك بموضوعج الي كتبتي بس ولو متأخر اني زوجي هو من اقربائي وزواجنا صار خطبة اهل طبعا اني قبل لا يخطبني كنت اكرهة كره شديد العمى والااكدر اطيقة مع انه ممسويلي شي ولاحاجية وياة بس ما اعرف ليش جنت ما خذة فكرة علي بس بعد الزواج ما اكدر دقيقة من دونة وصار كل حياتي الله يحفظة الي ولا يحرمني منا :10_14_3[1 :df: انتي طرحتي الموضوع ومكتبيتيلنا شلون كان زواجج

نداوى
03-05-2006, 02:01 PM
مرحبا فراشات اشلونكم ان شاء الله بخير , اعذروني لقلت دخولي والله تعبانة كثير بسبب الايام الاخيرة للحمل , تصوروا البارحة رحت لمحل لأغراض الاطفال حتى اشتري النواقص او اعلم زوجي عليها , تصوروا الليل كله رجليي توجعني , وياريت كملت !!عربة الطفل الي عجبتني ما كان منها الاّ الي بالعرض قالولنا بعد كم يوم اتصلوا بينا نشوف عدنا منها بالمخزن او لا , ان شاء الله عدهم لأن عجبتني هواية وعملية كثير .


ام بدور سلامتج الف سلامة على عيونج ان شاء الله تكومين بخير وطمنينا عليك , اعتقد لازم تريحي عيونج شوي من شاشة الكمبيوتر حتى تشفين تمام , ومنتظريج .

حبيبتي سويني وايت تعرفي احسن شئ خليني اسميك ( فلة ) هو نفس الاسم بافلام كارتون بس بالعربي هههههههه .... شكرا عزيزتي على السؤال .


شلونج مسك ان شاء الله بخير لاحبيبتي بعد ما ولدت يوم 13 بالشهر رايحة المستشفى لتحديد موعد العملية , واعتقد راح تكون 28 بالشهر . الله يستر .

الاخوات الجديدات بالموضوع اهلا ومرحبا بيكم , والاخوات غير العراقيات شكرا لمروركم عدنا والف اهلا وسهلا بيكم معانا .

عزيزتي فراشة العراق , الله يكون بعونكم بالعراق , والله من يوم احداث سامراء والي مبين واضح انه الي سووها المجرمين الجو من ايران وبمباركة من امريكا , وحتى يكملون نار الفتنه راحوا لبسوا ملابس جيش المهدي ودخلوا حرقوا الجوامع ناسين انه هذه بيوت الله وقتلوا من كان فيها وهذا يدل ان المجوسي يبقى مجوسي وما اله من الاسلام غير الاسم وهو مجرد تمويه , وان شاء الله يجي يومهم , وحاشا لله ان يترك من تطاول على حرمة بيوته وقتلوا حموتها بطرق بشعة ان ينجون بالدنيا والاخرى , وراح تشوفون عقاب الله بيهم , وما عدنا حل مؤقتا غير الدعاء النابع من القلب ان يأتي نصر الله قريبا , ولو قرأنا القرأن الكريم وما جاء فيه سنكون متأكدين ان هؤلاء القاذورات التي هدفها قتل المسلمين هم الوجه الثاني لنفس العملة القذرة التي وجهها الاول اسرائيل .
ولا اقدر اقول الاّ كلام الرسول الكريم لصاحبه ( لاتحزن ان الله معنا ) واكيد سيكون الله مع الشرفاء من العراقيين المجاهدين .

راح اقوم هسة لأن بجد ظهري دا يوجعني بشكل فضيع , ارجعلكم ان شاء الله باقرب فرصة

فراشة العراق 11
03-05-2006, 05:38 PM
اشكركم عزيزاتي اتمنة ان تدعونة بان اللة يفرجة علينة اشكرج حبيبتي نداوي ان شاء اللة يكومج بالسلامة ان شاء اللة الولد الصالح

اشكرج حبيبتي مسك على شعورج اتجاهنة

اتمنة الشفاء العاجل لحنونة ان شاء اللة ادكوم بالسلامة

أوراق القمر
03-05-2006, 08:43 PM
السلام عليكم ...

سلام فراشه حنونه والف سلامه عليك وان شاء الله تقومين بالسلامه يارب ..
ولاتنسين تتطمنينا عليك غاليتي ...

وياهلا بكل فراشه انضمت لللمف العراق ...

وانا دخلت عشان اقولكم اني مازلت متابعه لكم ومانسيتكم ابدا ..
لكن شوي اشغال وان شاء الله اشوفكم على خير..

في وداعه الله حبيباتي ...

اختكم
أوراق القمر

ظما الوجدان
03-05-2006, 09:55 PM
الله يخليكم لبعض ولايحرمنا تواجدكم بالمنتدى انتم ماتعرفوون يااهل العراق غلاتكم عندي حبيت اسلم عليكم والله يوفقكم

فراشةحنونة
03-05-2006, 11:24 PM
http://up.alfrasha.com/u/167/2530/21656.gif
السلام عليكم حبايب كلبي الغاليات...
رجعتلكم والحمد لله اجريت العملية وكانت ناجحة لكن فعلا محتاجة الى فترة نقاهة وفترة من العلاجات والنصائح اللي لازم اتبعها حتى اكدر ارجع الى نشاطي وياكم...
اشكركم يا الغاليات واشكر سؤالكم عني ودعواتكم الحلوة يا اغلى خوات والله لا يحرمني منكم ابد...
لحظة العملية دعيت ربي ارجع اشوف بدور وارجعلكم والحمد لله الله استجاب...
حبيبتي بنت العراق الكل ندعي ليل نهار الله يحمي هالبلد خصوصا انه كل اهلنة بالعراق الحبيب..
على فكرة اني نازلة بغداد نهاية شهر 3 اللي عدها اي شي او توصي اي شغلة تدلل بس كولوا...
واتمنى اتعرف على كل فراشة ابغداد...
مسك حبيبتي لي عودة احجيلكم شلون صارت قسمتي ومشتاقتلج كلش ومشتاقة لسوالفج...
نداوي يا عمري هانت والله هية هذي اصعب ايام اني هم شفتها بحيث صدكي اخر ايام كمت ما اكدر اوكف على رجلي..
الله يسهل ويا رب تطلع العربانة موجودة بالمخازن...
اوراق القمر مشكورة يا عمري على سؤالج والحمد لله شفتج بالبيت والله فرحت بوجودكم...
سوانا يا عسل مشكورة يا حبيبتي...
وسندريلا الله يسلمج يا عيوني من كل مكروه...
ضما الوجدان حبيبتي بنات العراق بعد يحبوج واااااااااااااااااااجد...
بنات اشكررررررررررررررررركم من كل قلبي الله يحميكم من كل مكروه
تحياتي واشواقي للكل...
http://up.alfrasha.com/u/167/2530/21656.gif

فراشة العراق 11
03-06-2006, 05:38 PM
حبيبتي حنونة اشرفني ان اتعرف عليج نور العراق لنج راح تجين والف سلامة عليج عزيزتي واحب اتعرف عليج من تجين لبغداد وانتي من يامنطقة واحب اشوفج

shehd
03-06-2006, 11:13 PM
السلام عليكم ورحمة الله وبركاته
اختي العزيزة بنت العراق والله كلنه قلوبنا عدكم واكيد الي ديصير بالعراق مأثر علينه لان العراق عزيز علينه وكل اهلنه بي والله على الظالم حبيبتي ليل ونهار كل الي حارج العراق يدعون ان تنزاح هذي الغمه ويرجع الامن والامان للعراق واهله
حنونى حبيبتي الف حمد الله على سلامتج وانشاء الله عيونج هسه احسن بس حبيبتي ديري بالج وطبقي النصائح والتعليمات الي انطاج اياهم الطبيب واهم شئ ريحيهم اوكي عمري وانشاء الله ترحين البغداد وترجعين بالسلامة وسفرة سعيدة مقدما بس ما اوصيج جيبيلنه شويه هوى من بغداد مو شويه هوااااااااي
نداوي عمري انشاء الله تكومين بالسلامة واكيد من ايصير البيبي بحضنج ذاك الوكت راح تنسين كل التعب هذا
سلامي الي كل البنات الباقيات

White_Swan
03-06-2006, 11:32 PM
سلام عليكم ورحمه الله وبركاته

شلونكم يااحلى بنات ........ان شاءالله الجميع بخير وبصحة يارب

اول شي ..حمد لله على سلامتك يااحلى فراشه حنونــــــــــــــــــــــــــــه,,
طهوور ان شاءالله وماتشوفين شر.....
وهذي هدية بمناسبة قومتك بالسلامه........



http://www.alfrasha.com/up/4113929321881780039.gif







اختي العزيزة فراشه العـــــــــــــــراق,,الله يحفضكم وين ماكنتوا امين يارب..........وسلامي للعائله الكريمة....



اوراق القمــــــــــــــــــــر,,شلونك قلبي وشنو اخبارك ان شاءالله كل شي تمام
اريد اقولك سر ....دايما امر على مرفأ الاقلام حتى اشوف اخر التطورات ماشاءالله تبارك الفراشات كثروا هناك
احب المواضيع كثيرالي تكون مميزة وتجذب اهتمام الفراشات ...لاتخافين مااشارك بس متفرجه:)
شنو رايك بالفارة هذي ....



http://www.alfrasha.com/up/2070204952561024983.gif






نـــــــــــــــــــــــــــداوي,,شلونك عيوني ان شاءالله بخير ...خخخخخ
حلو اسم فله وكلش احب اللعبه هذي ,,لانها تذكرني بباربي
تعرفين عندي هوس بشراء اللعب وتجميعها خاصة باربي وفله الي لابسة زي العباءة:)
ان شاءالله تقومين بالسلامه يارب,,بس اتوكلي على الله ولاتشيلين هم...





http://www.alfrasha.com/up/15352838031795028551.gif




مســـــــــــــــــــــك .......شكرا للدعوه الي حسيتها طالعه من القلب...تسلمين ياورد...
شلونك انتي عيوني وشلون الاولاد اقولك اني مراقبة جيدة للنشرة الجوية
الان الاردن عندكم جوها اعتدل صح الايام هذي قالوا احسن من قبل كانت ابرد..



http://www.alfrasha.com/up/771537679639538892.gif


SHEHD
شلونك اختي العزيزة
ان شاءالله بخير ..دايما نورينا ....




سندريــــــــــــــــــلا, شلونك عيوني ان شاءالل بخير يارب , الف الف الف مبروك الزواج وحياه سعيدة يارب
ويرزقك الذريه الصالحه امين........



http://www.alfrasha.com/up/13658773971872980938.gif




حنونــــــــــــــــه شنو هذا مااقدر اشارك بسؤالك
يلا يلا خلصوا واطرحي سؤال اقدر اشارك بيه


يلا اترككم برعايه الله
ولي عودة ان شاءالله....

مسك212
03-07-2006, 02:15 AM
هلة بخواتي الغاليات شلونكم وشلون صحتكم ان شاء الله الكل بخير وصحة وعافية[CENTER]حبيبتي حنونة الف الحمد لله على السلامة وديري بالج على نفسج ولا تعبين هواية وان شاء الله تروحين وترجعين بالف سلامة وديري بالج لاطلعين هواية خصوصا منطقة اهلج خطرة حبيبتي اريد بس تدعيلي الله يستجاب دعائي واكثري من الدعاء هناك لان ان شاء الله الدعاء مستجاب لان اكو ضلمةبالبلد :15_4_116[ ...............حبيبتي وايت سوان شلونج عيوني صح صدك مبين اتي متابعة للانواء الجوية ههههههههههه الحمد لله الجو احسن بس شنو بالنهار كلش حارة وباليل بارد بس يلة كلشي على العافية حلو....................نداوي لا تعبين نفسج هواية وشكد مابيج نامي لان بس تجيبين بالسلامة تتحصرين على النومة اسأليني اني مجربة واي سؤال اي استفسار ترة لا تترددين اني بالخدمة واني هم ولاداتي كلها فتح بطن يلة هانت كلها ايام والله يكومج بالسلامة ..............فراشة العراق :h45r4 حبيبتي طمنينا على اخبارك ترة قلوبنا وياكم الله يفرج كربتكم ويزيل هاي الغمة امين يارب ..............شهد حبيبتي شلونك اخبارك ان شاء الله دوم بصحة وعافية :de43r ................ضما الوجدان شكرا على الكلام الحلو وانت هم غالية علينة الله يحفضك...................اوراق القمر كل الهلة بيكي ومية مرحبة منورتنا بوجودك ويانة

shehd
03-07-2006, 10:53 AM
صباح الخير على اجمل فراشات
شلونكم بنات شخباركم انشاء الله الكل بخير وصحة وسلامة

White_Swan
الحمد لله اختي اني بخير مدام انتو بخير وصدكيني اني سجلت هنا بس علمود هاي اللمة الحلوة الله يحفظكم يا رب وننجمع كلنه بالعراق انشاء الله


مسك212
شكرا حبيبتي على السؤال وانشاء الله الجميع بصحة وعافية
تحياتي الكم يا احلى فراشات

فراشة العراق 11
03-07-2006, 04:45 PM
اشكرج حبيبتي مسك هسة احنة بخير واشكر سؤالج عنة واحب اكون صديقتج ترضين بية كصديقة

مسك212
03-08-2006, 01:25 PM
فراشة العراق اتشرف بيج طبعا اتمنى اكون صديقتج والله يحفظكم من كل سوء ومكروه ان شاء الله

دلوعة عزوز
03-08-2006, 06:03 PM
:fhgfreagi هلا فراشات حبيت اسلم عليكم

بالنسبه لي انا اموت في العراق وكلا العراقي

ومرت خالي عراقيه استانس اسمع كلامها وهي تكلم عراقي

وحبيت اتعرف عليكم

اختكم دلوعة عزوز

um yasser
03-08-2006, 07:37 PM
مسائكم فل وياسمين حبيباتي
ياحنونة ياعيني الف سلامة والله صارلي فترة مداخلة على النت بسبب مشاغل الحياة والاطفال يارب مايكون عندج الا العافية
شكرا حبيباتي على الترحيب ولو ردي متأخر
اتمنى من ربي ان يحفظكم جميعا ويسر الامور للجميع
تحياتي للجميع

لوبي1
03-08-2006, 09:54 PM
مرحبا فراشات اشلونكم ان شاء الله بخير , اعذروني لقلت دخولي والله تعبانة كثير بسبب الايام الاخيرة للحمل , تصوروا البارحة رحت لمحل لأغراض الاطفال حتى اشتري النواقص او اعلم زوجي عليها , تصوروا الليل كله رجليي توجعني , وياريت كملت !!عربة الطفل الي عجبتني ما كان منها الاّ الي بالعرض قالولنا بعد كم يوم اتصلوا بينا نشوف عدنا منها بالمخزن او لا , ان شاء الله عدهم لأن عجبتني هواية وعملية كثير .


ام بدور سلامتج الف سلامة على عيونج ان شاء الله تكومين بخير وطمنينا عليك , اعتقد لازم تريحي عيونج شوي من شاشة الكمبيوتر حتى تشفين تمام , ومنتظريج .

حبيبتي سويني وايت تعرفي احسن شئ خليني اسميك ( فلة ) هو نفس الاسم بافلام كارتون بس بالعربي هههههههه .... شكرا عزيزتي على السؤال .


شلونج مسك ان شاء الله بخير لاحبيبتي بعد ما ولدت يوم 13 بالشهر رايحة المستشفى لتحديد موعد العملية , واعتقد راح تكون 28 بالشهر . الله يستر .

الاخوات الجديدات بالموضوع اهلا ومرحبا بيكم , والاخوات غير العراقيات شكرا لمروركم عدنا والف اهلا وسهلا بيكم معانا .

عزيزتي فراشة العراق , الله يكون بعونكم بالعراق , والله من يوم احداث سامراء والي مبين واضح انه الي سووها المجرمين الجو من ايران وبمباركة من امريكا , وحتى يكملون نار الفتنه راحوا لبسوا ملابس جيش المهدي ودخلوا حرقوا الجوامع ناسين انه هذه بيوت الله وقتلوا من كان فيها وهذا يدل ان المجوسي يبقى مجوسي وما اله من الاسلام غير الاسم وهو مجرد تمويه , وان شاء الله يجي يومهم , وحاشا لله ان يترك من تطاول على حرمة بيوته وقتلوا حموتها بطرق بشعة ان ينجون بالدنيا والاخرى , وراح تشوفون عقاب الله بيهم , وما عدنا حل مؤقتا غير الدعاء النابع من القلب ان يأتي نصر الله قريبا , ولو قرأنا القرأن الكريم وما جاء فيه سنكون متأكدين ان هؤلاء القاذورات التي هدفها قتل المسلمين هم الوجه الثاني لنفس العملة القذرة التي وجهها الاول اسرائيل .
ولا اقدر اقول الاّ كلام الرسول الكريم لصاحبه ( لاتحزن ان الله معنا ) واكيد سيكون الله مع الشرفاء من العراقيين المجاهدين .

راح اقوم هسة لأن بجد ظهري دا يوجعني بشكل فضيع , ارجعلكم ان شاء الله باقرب فرصة



نداوي عيوني سلامتج ما شوفين شر ان شاءالله وتكومين بالسلامه يارب
ومسك212 حبيبتي شلونك شخباركم اخبار كل العراقيات الطيبات وبعد العربيات خواتنا
نداوي عيني انا كمان تعبانه بسبب سكر الحمل وضرب ابر الانسولين وكمان اخر يوم بولادتي 26 الشهر الجاي بس يمكن اولد قبل وكمان نمت بالمستشفى
خواتي العراقيات انا البارحه يله دريت في السونار عندي بنوته ويحفظلكم اولادكم يارب
اذا ماعدكم شي تلتهون فيه فانا راح الهيكم هههههههههههههه بليززززززز الي عندها اسم بنوته حلو لا تبخل عليه الرجاء الرجاء انا بغربه ومالي غير الله و انتم اهلي فساعدوني بالاسماء البنوتات الحلوه الي عندها اسم حلو

ام بكر
03-09-2006, 12:42 AM
هللللللللللللللو يالحنونه انا اختك ام بكر من بغداد من منطقة زيونة عندي طفل واحد بكووووووووووووري واتمنى ان تقبليني صديقه واحنه عراقيات ونظل رافعين راسنه طول العمر ان شاء الله ومتهمنه الظروف مهما كانت قاسية ومستمرة وياج حتى لو تطفى الكهرباء على عنادهم وهذا التجمع حلو منج :fhgfdhagi

مسك212
03-09-2006, 01:26 AM
مساء الخير يا اجمل خوات ان شاء الله اموركم كلها تماما حبيت اطمئن عليكم قبل ما انام :frasha 1: خلوني ارحب بام بكر شلون عيني ام بكر ومليون مرحبا بيج وكل الهلة نورتينا بوجودج ويانة والله يحفظلج بكر وابو بكر .....................لوبي 1 سلمتج حبيبتي بقيتي بالي عليج يلة ان شاء الله تكومين بالف سلامة وجيبينة البنوتة الحلوة :15_5_13[1 :15_5_10[1 ا عن اسماء بنات غريبة اكومثلا{ جود....هيا....لمعة.........شمس......}ما ادري هسة بس هاي بالي اذا اذكرت عود اكتبلج.........................هلة بأم ياسر الله يمسيج بالخير عيوني...............مرحبا بيج دلوعة عزوز والله يخليج ويحفظج على الكلام الحلو واحنى هم نستانس بوجودج ويانة.................حنونة طمنيني شنو اخبارج ان شاء الله صرتي احسن :awqe21 {حبيباتي الغاليات ارجوكم ادعولي احس نفسي تعبانة}

أوراق القمر
03-09-2006, 11:30 PM
السلام عليكم

الف سلامه عليك حنونه .. والحمد الله ع السلامه غاليتي ...

وياهلا فيكم جميعا بنات العراق الحبيب

وايت سوان ... ههههههههههه الاخت متفرجه من خلف الكواليس تسلمين والله وياحياك بينا سواء متابعه او مشاركه..

الف هلا والله

يالله انا جيت اسلم عليكم ..

في وداعه الله

White_Swan
03-10-2006, 02:36 AM
مرحبا باخواتي الغاليات..........
شلونكم عيوني ان شاءالله بخير يارب........

خلي ابدي بالفراشات الجدد....اهلا وسهلا والله

شهووودة شلونك عيوني ان شاءالله بخير
وينك اتاخرتي علينا........


فراشه العراق.....شلونك عيوني يارب بخير
هذي بس مسك ...نحن هنااااااااااااااااا:)

ياهلا باهل السعودية....شلونك اختي دلوعه عزوز ان شاءالله بخير
احنا همين نحبكم كثيرررر


ام ياسر..........شلونك عيوني ان شاءالله بخير
انتي ببغداد ولا متغربه؟؟؟



لوبـــــــــــــــــــــي...شلونك قلبي ان شاءالله تقومين بالسلامه يارب....
اعطيك كم اسم للبنات .....

جـــــــــــود.........ديمـــــــا.........جلنــــ ــــار..........يــــــــارا.........
بس هذول الي ببالي....ان شاءالله عجبوك.....:)


ام بكر...........شلونك عيوني ان شاءالله بخير يارب
صح مااعرف اسم المنطقة بس هلا بيك من وين ماكنتي.........



مســــــــــك.....ويييييييييييينك حبيبتي مختفيه.....اي اقولك اخر اخبار الانواء الجويه
خخخخخ...عندكم اليوم صقيييييييييييييع صح ...شكلي نقيت عليكم :)


اوراق القمـــــــــــــــر...........شنو صارووووووخ...بسرعه بسرعه مستعجله
شلونك حبيبتي ان شاءالله كل شي تمام يارب..........اي من وراء الكواليس خخخ
ومتتبعه جيدة بعد اعجبك:)



حنونــــــــــــــــــــــــــــــه...وينك معذورة لانك توك طالعه من العمليه.....ان شاءالله تكونين بخير وصحة يارب
طمنينا عنك.............



اترككم على خير
في امان الله

shehd
03-10-2006, 01:40 PM
مية هلا باخواتي العزيزات
شلونكم انشاء الكل بخير يا رب
White_Swan حبيبتي شكرا الج على سؤالج
بنات تعرفون ما اعرف ليش صارلي يومين ضايجة احس نفسي مخنوكة .. مشتاقة الاهلي هواااي مع العلم بين يوم ويوم اشوفهم بالنت بس ما اعرف شبيه
حتى البارحة من شفتهم بقيت بس ابجي ومكدرت احجي وياهم ولا كلمة وظل بالهم عليه عبالهم صايرلي شئ او مريضة كتلهم ماكو شئ بس مشتاقتلكم
اسفة اذا طولت عليكم وضوجتكم بحجي بس حسيت نفسي مخنوكة اريد احجي واذا احجي الاهلي ايظل بالهم عليه فملكيت غيركم افرغ الي بصدري اله

نداوى
03-10-2006, 06:26 PM
مرحبا خواتي شلونكم ان شاء الله بخير ...
ما شاء الله عليكم كل يزم تنورنا كم فراشة .... يامليون مرحيا بالجميع .

اعذروني قربت ايامي ومشغولة بتحضير اغراض دلوعة ( ولو ابو محمد ماعاجبه هذا الاسم بس دا اجرب مرة وحدة امشي كلمتي مستغلة وضعيتي خخخخخخخخ ) . بقالي كم غرض راح اكتبهم لأبوها وهو يشتريها .
على فكرة بخصوص العربانة الحمد لله اتصل بيهم وكانت اخر وحدة بالمخزن طلب حجزها وراح جابها , بس منتظرة يركبها (بعد عمر طويل ) ههههههه. اتصوروا حتى السري اريد يركبه , دائما يقول حاظر واتدللي , ( وشيل ياهوى ) , تصدقون اكتشفت اني متزوجة ابرد رجل بالعالم من ناحية ضروريات البيت .

لوبي سلامتج حبيبتي والله يساعدج وتقومين بالسلامة , انا مشكلتي بالحمل هو فقر الدم الي متعبني تصوري اشتغل بالبيت شغلة واروح ارتاح وبعدين اشتغل واروح ارتاح مرة ثانية يعني اضل اشتغل الى ان انام . وحابسة نفسي بالبيت اذا مشيت مسافة قصيرة اتعب ورجللي ماتحملني وارجع البيت انهج .
وهسة طبعا مشكلة النوم اصحى مخنوكة بنص الليل اروح افتح الشباك بالبرد الي عدنا وانام بالصالون , لحسن الحظ عدنا سرير سفري افتحه وانام خخخخخخخ .

تعذروني حبيباتي انا دائما اتابع اخباركم بهذا الموضوع لأن مااقدر اطول بجلستي , والله هسة دا اكتب ودلوعة ماخذة راحتها بالدّفر والحركة , يالله نتحملها هاي السبوعين اشوف يوم الاثنين شراح تخبرنا الطبيبة
سلامي للكل وحدة وحدة وارجعلكم مرة ثانية ان شاء الله قبل الولادة الاّ اذا خبثت ورادت تجي على غفلة مثل يوسف اخوها الساعة ثمانية بالليل رحنا المستشفى وخلوني تحت الجهاز وقالوا ماكو ولادة الافندي الساعة وحدة نص الليل خلانا نروح المستشفى ( غير رأيه خخخخخخخ )

يالله في امان الله

لوبي1
03-11-2006, 01:07 AM
مية هلا باخواتي العزيزات
شلونكم انشاء الكل بخير يا رب
White_Swan حبيبتي شكرا الج على سؤالج
بنات تعرفون ما اعرف ليش صارلي يومين ضايجة احس نفسي مخنوكة .. مشتاقة الاهلي هواااي مع العلم بين يوم ويوم اشوفهم بالنت بس ما اعرف شبيه
حتى البارحة من شفتهم بقيت بس ابجي ومكدرت احجي وياهم ولا كلمة وظل بالهم عليه عبالهم صايرلي شئ او مريضة كتلهم ماكو شئ بس مشتاقتلكم
اسفة اذا طولت عليكم وضوجتكم بحجي بس حسيت نفسي مخنوكة اريد احجي واذا احجي الاهلي ايظل بالهم عليه فملكيت غيركم افرغ الي بصدري اله


شهد حبيبتي قلبنا معي واغلبيتنه صدرنا ضايق ومشتاقين الاهلنا بس شنسوي الله كريم

لوبي1
03-11-2006, 01:24 AM
مرحبا خواتي شلونكم ان شاء الله بخير ...
ما شاء الله عليكم كل يزم تنورنا كم فراشة .... يامليون مرحيا بالجميع .

اعذروني قربت ايامي ومشغولة بتحضير اغراض دلوعة ( ولو ابو محمد ماعاجبه هذا الاسم بس دا اجرب مرة وحدة امشي كلمتي مستغلة وضعيتي خخخخخخخخ ) . بقالي كم غرض راح اكتبهم لأبوها وهو يشتريها .
على فكرة بخصوص العربانة الحمد لله اتصل بيهم وكانت اخر وحدة بالمخزن طلب حجزها وراح جابها , بس منتظرة يركبها (بعد عمر طويل ) ههههههه. اتصوروا حتى السري اريد يركبه , دائما يقول حاظر واتدللي , ( وشيل ياهوى ) , تصدقون اكتشفت اني متزوجة ابرد رجل بالعالم من ناحية ضروريات البيت .

لوبي سلامتج حبيبتي والله يساعدج وتقومين بالسلامة , انا مشكلتي بالحمل هو فقر الدم الي متعبني تصوري اشتغل بالبيت شغلة واروح ارتاح وبعدين اشتغل واروح ارتاح مرة ثانية يعني اضل اشتغل الى ان انام . وحابسة نفسي بالبيت اذا مشيت مسافة قصيرة اتعب ورجللي ماتحملني وارجع البيت انهج .
وهسة طبعا مشكلة النوم اصحى مخنوكة بنص الليل اروح افتح الشباك بالبرد الي عدنا وانام بالصالون , لحسن الحظ عدنا سرير سفري افتحه وانام خخخخخخخ .




تعذروني حبيباتي انا دائما اتابع اخباركم بهذا الموضوع لأن مااقدر اطول بجلستي , والله هسة دا اكتب ودلوعة ماخذة راحتها بالدّفر والحركة , يالله نتحملها هاي السبوعين اشوف يوم الاثنين شراح تخبرنا الطبيبة
سلامي للكل وحدة وحدة وارجعلكم مرة ثانية ان شاء الله قبل الولادة الاّ اذا خبثت ورادت تجي على غفلة مثل يوسف اخوها الساعة ثمانية بالليل رحنا المستشفى وخلوني تحت الجهاز وقالوا ماكو ولادة الافندي الساعة وحدة نص الليل خلانا نروح المستشفى ( غير رأيه خخخخخخخ )

يالله في امان الله



مشوفين شر ان شاءالله نداوي وساعه خفيفه
وحمدلله على السلامه حنونه

جيكا
03-11-2006, 12:43 PM
اهلا باهل العراق الحبيب ان شاء الله تزول هذه الغمه وترجع العراق احسن من الاول باهلها الكرام حبيت بس اسلم عليكم

فراشةحنونة
03-11-2006, 05:03 PM
http://up.alfrasha.com/u/167/3291/30425.gif
هلااااااااااااااااااو حبايب قلبي الغاليات
مشتاقتلكم كوووووووووووووووووووووووووووووومةةةةةةةةةةةةةةة... .
خلوني اقدم شكري لكل وحدة منكم مرة ثانية..
اشكركم حبايبي من كل كلبي على سؤالكم ودعواتكم الحلوة اللي والله غمرتوني بحب حسستوني فعلا احنة شكد خوات قريبات وغاليات لبعضنا....
بس انتو تعرفون فترات الانقطاع بسبب العملية ولازم شوية فترة ترتاح العين بس اني متابعة وياكم ومتابعة اخباركم....

عندي الكم سالفتين الاولى شلون تعرفت اني بابو بدور ...
ابو بدور مو كرايبي غريب لا يعرفني ولا اعرفة ولا شايفني ولا شايفتة...ههههههههههه
اخته صديقة اختي بالكلية وياها وهو بالامارات من 2001 ماجستير هندسة مدني بغداد..
اخته عااااادي تروح وتجي يمنة جانت وتبات عدنة ..على فكرة اختي اصغر مني ب3 سنوات...
واني صدكوا ما جنت اعرف عدهم ولد ...
الى ان فد يوم سالتني اخته تقبلين تتزوجين واحد بالخارج؟؟شنو المواصفات؟؟
اني الحقيقة استغربت...كلتلها ليييييييييش ؟؟
كالت اخوية ...كلتلها شنوووووووووووووو عندج اخخخخخخخ؟؟؟
كالت ايييييي والله وبدبي..
المهم ورة كم يوم جتي امه كالت يابة ابنة راح يجي اجازة فخلي تشوفه بنتكم وتحجي وياه واذا اقتنعوا بيها الخير...
طبعا هو الرفيق ماخذ ايميلي من اهلة ودزلي مسج..بس جانت عادية كلي اني فلان اخو فلانة..
وضايفني عالمسنجر يمه وحجينة سوة عالنت تعارف كم مرة وسبحان الله صارت القسمة...
لا والاقوى وين جا لبغداد واتصوروا...شفتة وشافني وخطوبتي ومهري وزواجي صارت ب 3 اسابيع فقط وسفريييييييي....
والحمد لله كلش مرتاحة وحنون الى درجة ويمكن لو جنت اعرفة قبل الزواج جان ما حبيته جان مليييييييييييييت...هههههههه

http://up.alfrasha.com/u/167/3291/30415.gif

الخبر الثااااااااااانييييييييييي تعالوووووووووووووووووا شوفوا المفاجأة .....
مو اني اختكم الحبابة...
طلعت حاااااااااااااااااااااااااااااااااامل.....هههههههه هههههههههه.....
سبحان الله سالفة لا باللبال ولا بالخاطر ولا متهيأتلها وفوكاها جنت كللللش ماخذين احتياطاتنا...
لعد لو ما ماخذين احتياط يمكن جان احسن...هههههههه
بس الحمد لله هية قسمة...
تاخرت دورتي عن يوم 7 بالشهر وسويت البارحة تيست وطلع بوزتف وكلبت الدنيا مناحة لان اكول بعد وكت بدور 10 اشهر..
وطبعا ابو بدور مكيف يكلي هذا رزق من رب العالمين...
واليوم رحت لطبيبتي واكدتلي وهم حجت نفس الحجي .....

وبعددددددددددد شعندي الكم اخبار ؟؟؟؟
هااااااااااا اني راح انزل لبغداد لو يوم 30 لو 31 اللي عدها اي طلب اي وصية اي رسالة لاي احد تدلل وتامر امر...
ادري طولت عليكم بس خوات غاليات غير كلشي احجيلكم حتى تشاركوني بكلشي...

تحياتي وقبلاتي ومنتظرة مواضيييييييييع حلوة يلة ادلول بدلوكم...
ام بدور

http://up.alfrasha.com/u/167/2530/21648.jpg

أوراق القمر
03-11-2006, 07:22 PM
السلام عليكم هلا حبيباتي .. بنات العراق..

اهلا بكل الى انضمو لنا ..

وايت سوان .. انا مستعجله حرام عليك .. انت دايما ظالمتني ..

وتبين الصراحه .. اانا متابعه دائما لاحوال الملف بس ماادري وش جاني مسويه ثقل ههههههههههههه مااكتب ردود

وفراشه حنونه ... طلعتي مب هينه .. حركات مسنجرات ودنيا.. يارب يسعدك اكثر واكثر والحمد الله طلع اختيارك سليم ..

والف الف الف مبرووووووووووك عالبيبي الجديد وان شاء الله ربي يتمم لك على خير وعافيه ويابنت الناس لاتقولين كذا

هذا رزق من رب العالمين والله يبارك لك فيما عطاك ... ويصلح لك ذريتك يارب...

اي وبعد وش عندكم من اخبار وعلوم اشوف الملف صار يحلى بالسوالف الحلوه ..

انا شكلي بفاجئكم يوم بخبر اني تزوجت عراقي ههههههههههه ههههههههههههههه ههههههههههههه

عشان اثبت وجودي معاكم بالملف ههههههههههههههه

امزح معاكم بس حبيت استخف دمي وادري انه ثقيل هههههههه لكن ماعليه استحملوني ابي اسولف ماعندي شي ..

وبصراحه اكثر وحشتوني واحس نفسي مقصره بهالملف الى احسه روعه واكثر من روعه

يالله اشوفكم على خير وانتم دائما بقلبي

في وداعه الله

ظما الوجدان
03-11-2006, 10:11 PM
هلا ببنات العراق اتمنى تشرفونا بملف بنات مكة بماانكم مسلمين لازم تشرفونا بمكة المكرمة

shehd
03-11-2006, 11:34 PM
شهد حبيبتي قلبنا معي واغلبيتنه صدرنا ضايق ومشتاقين الاهلنا بس شنسوي الله كريم

الله كريم اختي العزيزة الله ايفرج عن العراق ويرجع الوضع مثل ما جان ونرجع كلنه للعراق

shehd
03-11-2006, 11:44 PM
مرحبا حبيباتي فراشات
شلونكم اخباركم انشاء الله الكل بخير
حنونة حبيبتي انشاء الله هسه عمليتج احسن عمري
والله ايخليلج ابو بدور ويسعدكم بحياتكم يا ربي
والف الف مبروك البيبي الجديد وانشاء تكومين بالسلامة انتي والبيبي
اكولكم شئ اني هم خايفة موت خايفة لا اكون حامل بس بعد الله يستر
حنونة انشاء الله ترحين وترجعين بالسلامة عمري

مسك212
03-12-2006, 01:46 AM
مساء الخير يا احلى بنات شلونكم اخباركم صارلي يومين مسامعة اخباركم تعذروني والله جنت مشغولة
................المهم اول شئ اريد اسال على شهودة حبيبتي ليش ظايجة الله يريحج وان شاء الله تشوفين اهلج عن قريب اكثري من الاستغفار ةالصلاة على رسول الله وهسة تشوفين شلون الله يريحج حبيبتي طمنيني عليج نداويحبيبتي يلة مظل شئ كلها ايام ودكوميلنا بالسلامة وطولي بالج على ابو محمد هههههههههههههههه....................جيكا عمري نورتينا ولاتحرمينا من وجودك معنا دائما اكتبي لنا ولو بكلمة.............................لوبي 1 كيف الحال ان شاء الله كلشي تمام..............حنونة الف مبرووووووووووووك الحمل يلة الله يتمم عليج بالخير وان شاء الله الولد الصالح وان شاء الله تروحين لغداد سالمة وترجعيلنا غانمة بس شجا بالج هسة تروحين الوضعية مأساوية................................اوراق القمر تدرين ان دمج مثل العسل يلة ان شاء الله نزوجج عراقي ونجيبك لبغداد بس مو هسة من ترجع الوضعية تمام ان شاء الله ههههههه والله السعوديات على الراس والعين...............................ضما الوجدان كيف حالك والله مكة المكرمة على الراس والعين والي يروح لمكة اكيد محظوظ .وان شاء الله نجيكم...................................وايت سوان شلونج عيوني طبعا بس حجينا على الجو ثاني يوم ما احجيلج شصار طبعا اني جنت مواعدة الجهال اوديهم للسينما والخميس طلعت بعدني قريبة يم البيت واشتغل الثلج طبعا راسا على السريع رجعنا لان خفت اخاف تنسد الطرق ونعصى بالشارع والجهال يتباجون ههههههههههههههههههيلة كل مانع خير

White_Swan
03-12-2006, 03:30 AM
سلام عليكم ورحمة الله وبركاته

شلونكم احلى فراشات........

ياهلا ومرحبا بالحبيبه جيــــــــــــــــــــــــكا نورتينا والله

حنونــــــــــــــــــــه........شلونك قلبي والف الف مبرووووووووووووووووووك على البيبي الجديد
تقومين بالسلامة يارب وتقر عيونكم بيه امين يارب...........يلا شوفي بنت ولا ولد
حتى احضر الك اسامي حلووة:)


اوراق القمـــــــــــــر.......شفتي انتي همين طلعتي تراقبينا من وراء الكواليس خخخخخ
حبيبتي اذا اتزوجتي عراقي او غير انتي مثل ماانتي
ثابته بقلوبنا من غير شي......ولا شنو شرايك :)


نــــــــــــــــــــداوي ان شاءالله تقومين بالسلامة يارب
وطمنينا عنك ننتضر اخبارك........

مســـــــــــــــــــــــك........شلونك حبيبتي ان شاءالله بخير
خلاص بعد مااحكي بالانواء الجويه اطلاقاااااااا خخخخخ

شهـــــــــــــــــد.........شلونك عيوني يارب بخير


ضمـــــــــا الوجدان...........ميرسي على الدعوه الحلوة ونتشرف بزيارتكم والله بس اخاف امر عليكم وتقولون عني ملقوفه :)


لوبــــــــــــــي.........شلونك اختي العزيزة ماقلتي شنو رايك بالاسماء الي اعطيتك هيا لان مارديتي علي؟؟



طيب حبيباتي
طمنوني عنكم
في امان الله

فراشة العراق 11
03-13-2006, 05:55 PM
شونكم يافراشات العراق

شونج حنونة مبروك البيبي شون عمليتج شوكت شرفينة بالعراق

شونج حبيبتي مسك ان شاء اللة زينة اللة يصبركم على الجو البارد

نداوي شونج حبيبتي ان شاء اللة ادكومين بالسلامة ان شاء اللة الولد الصالح

وسلامي لكل الفراشات الموجودات ويشرفني اتعرف عليكم

البغدادية
03-13-2006, 07:18 PM
:de11 :de11 :de11 :de11 :de11 :de11 :de11 :de11 :de11 :de11

البغدادية
03-13-2006, 07:26 PM
السلام عليكم وهلا بيكم والله يساعدكم وشلونكم

ان شاء الله زينات حبيباتي اذا بالعراق الله يعينكم ويزيح هالغيمة السودة واذا بالخارج الله يساعدكم على الوحدة و تحمل المسوءولية


ومثل مكالت نداوي مشاغل متشوفون مسميني فراشة هادئة


وتسلمون على هذا التجمع وعلى هالفكرة الحلوة :fhgfdhagi :fkjuiyhag

البغدادية
03-13-2006, 07:43 PM
:fhgfdhagi :fhgfdhagi مرحبا مسك قريتلج بردود التجمع
واكتشفت انه اني وياج مخلصات كلية وحدة بس اني جواج بطابق قسم المحاسبة يعني اول
متصعدين الدرج يم النادي اذا تذكرين




سلامييييييييييييييييييييي :fhgfreagi

نداوى
03-14-2006, 02:55 PM
مرحبا حبيباتي اشلونكم ان شاء الله بخير كلكم

البارحة كنت بالمستشفى واتفقت مع الطبيبة على القيصرية , ان شاء الله راح تكون بعد اسبوعين يعني 27 بالشهر والله يستر .

ارجعلكم بعدين لازم اسوي غدا اجا يوسف من المدرسة

مع السلامة مؤقتا

البغدادية
03-14-2006, 03:41 PM
:h45r4 هلو فراشات شلونكم عزيزاتي



ترى اني ضيفة جديدة عليكم البارحة يلة دريت بالتجمع


وانتي يا نداوي الله يكومج بالسلامة وان شاء اللة سهلة




تحياتي :fkjuiyhag

فراشة العراق 11
03-14-2006, 04:56 PM
اهلا بيج حبيبتي بغدادية شخبارج

شونج نداوي ان شاء اللة ادكومين بلسلامة

تحياتي لكل العراقيات في خارج العراق واللة يصبركم على الغربة

تحياتي لحنونة ولمسك

مسك212
03-14-2006, 05:28 PM
مرحبا بيج بغدادية نورتينا بوجودج وزاد عدد الخوات ما شاء الله .................فراشة العراق 11 شلونج حبيبتي ان شاء الله بخير واشكرج هواية على السؤال .....................حنونة اشو ماكو .......................نداوي يلة الله يسهل عليج طمنينا على اخبارج اول باول................................وايت سوان حياتي دا اشاقة وياج استمري اعطيني الانواء الجوية بالمناسبة الجو عدنا ربيع والكو بديع ههههههههههههههه شنو اخبارج ................يلة اشوفكم بخير سلامي لكل عراقية مشاركة ويانة {بدون ذكر اسماء حتى لا انسى احد}

دلوعة عزوز
03-14-2006, 08:09 PM
هلا فراشات شلونكم شخباركم

انشاء الله زينييييييين..........

فراشه حنونه عادي اذا بتروحين العراق ماتخافون من الفوضى الي فيها

مو لو تخلين اهلج يجون لج سوريا احسن

نصيحه مني :de43r

لان زوجة خالي بتروح سوريا وتواعد اهلها ويجون هناك احسن لها

اختكم دلوعة عزوز :fhgfreagi

shehd
03-14-2006, 08:23 PM
مية هلا باحلى فراشات
شلونكم يا رب تكونون بخير
حنونة عيوني اشو ماكو اكيد تعبانة شويه من الحمل الله ايساعدج عمري بس اليوم وعدتينا اتكونين ويانه واني خلصت دوام واجيت وملكيتج

White_Swan حبيبتي اني الحمد لله انتي شلونج انشاء الله تمام

نداوي انشاء الله تكومين بالسلامة عمري


البغدادية الف هلا بيج وعلى فكرة اني هم جنت محاسبة اول مصعدين الدرج يم النادي ههههههههههه الله ذكرتيني بذيج الايام تذكرين العراصات ( البارك مال السيارت الي يم الاحصاء ومقابيل العمادة جانوا ايسموه العرصات ما اعرف لويش )ههههههههه
لا والشارع الي وره الكافتيريا مال الاحصاء الي مقايبل الممر الضيق تذكرين شنو جانوا ايسموه ههههههههه
يله انتي كولي مراح اكول اني انشاء الله نطلع عرف ياربي تطلعين وحدة من صديقاتي الي ما اعرف وين صاروا وحتى لو مطلعتي وحدة منهم فاني اتشرف اني اكون صديقة الج

فراشة العراق 11 شلونج حبيبتي شخبارج انشاء الله بخير

مسك212 هلو بيج عمري شلونج انشاء تمام

دلوعة عزوز اهلا بيج عيوني منورتنا

وسلامي الكل الفراشات

دلوعة عزوز
03-14-2006, 08:33 PM
هلا SHEHD
شخبارج حبيبتي مشكوره على الرد

فراشةحنونة
03-14-2006, 11:42 PM
http://up.alfrasha.com/u/167/2530/23934.jpg
مساء الخير حبايب وصباح الانوار لكل الغاليات..
مشتاقتلكم ومشتاقة لاخباركم وسوالفكم الحلوة...
اول شي اسمحولي ارحب بالبغدادية واكلج مليووووووووووووون مرحبا ويا اهلا وسهلا نورتي البيت وزاد بيتنا شمعة...

بنات عزيزاتي شاخباركم؟؟؟اشو ماكو مواضيع مطروحة جديييييييييد؟؟؟او نقاشات بالحياة اللي نعيشها وتجاربنا..
اللي عدها اي فكرة او موضوع او اي تجربة او اي شي تتفضل تسولفنة حتى ناخذ وننطي بالسوالف....

نداوي يا عمري هاااااااااااانت ان شاء الله وعملية سهلة يا ربي وتجي دلوعتنا وتفضها ....
اريد اشوف ردة فعل حمودي وسيوفي وابو محمد شراح تكون....
الله يكومج بالسلامة ولازم تطمنيني قبل روحتي لبغداد بليز...
ومحضريلج حفلة تخبللللللللللللللللللل...http://up.alfrasha.com/u/167/2530/23935.jpg

سوانتي العسل مشتاقين حبيبتي واشكر سؤالج المستمر عني...
وين مواضيعج الحلوة لو بس تسلمين علبنات وتطلعيييييييييييييييييييييييين؟؟؟...

مسك وشهد وفراشة العراق كللللش مشتاقتلكم واني للاسف مدا الكفكم عالمسنجر يمكن دا ادخل متاخر بس اكيد راح نلتقي...
سندريلا الحلوة وينج وساندي ...
اوراق كمرنا العزيزة اشكر سؤالج عني المستمر ياالحلوة...

كل وحدة ما ذكرتها مو معناه ناسيها بالعكس بس نتمنى نشوف سوالفهم الحلوة ....
وبما انه الملف ما شاء الله صاير بي نشاط احلى من قبل اني اليوم جايبتلكم كم شغلة حلوة...
اتفظلوا وعافيااااااااااااااااات....

http://up.alfrasha.com/u/167/2516/21582.jpg
http://up.alfrasha.com/u/167/2516/21584.jpg
http://up.alfrasha.com/u/167/2516/21585.jpg
http://up.alfrasha.com/u/167/2516/21700.jpg

http://up.alfrasha.com/u/167/453/33822.png

فراشةحنونة
03-14-2006, 11:45 PM
دلوعة عزوز حبيبتي..
مليوووووووووون مرحبا بيج وبيناتنا وهذا بيتج ويا ريت نشوف مشاركاتج باستمرار...
http://up.alfrasha.com/u/167/2530/21656.gif

البغدادية
03-15-2006, 02:51 PM
تسلمون عزيزاتي على هالترحيب

وان شاء الله نسوي هذا التجمع بيت يضم كل فراشة عراقية



وبالنسبة الج يا shhed طلعنا كلية وحدة والشارع اللي تكولين


عليه يم نادي الاحصاء كانوا يسموه شارع العشاق لانه فيه 0000كبلات0000 واحدهم يكذب على
اللاخ
ههههههههههههههههههههههههههههههههههههههه :de11

مسك212
03-15-2006, 09:48 PM
شلونكم حبيبات قلبي مشتاقة الكم وبس شوية ملتهية وية صديقتي الي هية مثل اختي واعز خطية عدها مشاكل عائلية والله كلش مقهورة عليها ادعو لها وادعوا هم الي وياها ههههههههه الله يخليكم يلة ارجعلكم مرة ثانية باييييييييييي

shehd
03-15-2006, 09:51 PM
هلو بنات
شلونكم انشاء الله الكل بخير
مشتاقتلكم هوااااااي هواااااي والله
يله بس اليوم واجيكم لان عندي باجر امتحان بس زاغلت شويه واجيت كعدت على النت لان تعبت من القرايه
حنونه انشاء الله من باجر راح افرغ بعد واكابل الماسنجر واكعد الى ان ادخلين هههههههههه
البغدادية حبيبتي عفيه عليج شارع العشاق هههههههههههههه تعرفين اني وصديقاني جنا شويه نحب الخباثة خخخخخ جنا من نشوف اثنين كاعدين ويسولفون انمر من يمهم ونسمعهم كلام مثلا لا اصدكين بابا كله كذب ... ها اكل بعقلج حلاوة .... شوف شلون ايقشمر عليها مو البارحة جنت كاعد ويه وحدة ثانية واكيد اتكولها نفس الكلام
بس الحمد لله مجنا نترزل ههههههههه عن الحلال والحرام مرة لو مرتين واحد من الولد كال وانتو شعليكم اتغارون ههههههههههههههههههههههه

دلوعه عزوز مية هلا بيج نورتينا وبعدين انتي مو بس دلوعه عزوز انتي دلوعتنا كلنه

shehd
03-15-2006, 09:57 PM
مسك212 احنا هم مشتاقيلج اكثر
الله ايفرج عنها وعنج ويبعدكم ويبعدنا عن المشاكل امين يا ربي
راح اكعد ادي منا للصبح حتى ترجعين ههههههههه
يله حبيبتي ننتظرج وانشاء الله تنحل كل مشاكل صديقتج


Content Relevant URLs by vBSEO 3.6.0