المساعد الشخصي الرقمي

مشاهدة النسخة كاملة : ملف بنات العراق الحبيب...كل فراشات العراق هنا نجتمع..



الصفحات : 1 2 3 4 [5] 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70

أم حموود
05-06-2006, 09:41 PM
الله يعطيكم العافيه حبيت اذكركم مابقى شي على اغلاق المسابقه شدوا حيلكم


:)

sarah_s
05-07-2006, 06:02 AM
هلو فراشات هيتش مااحد يسال عني طيب والله زعلت وماعاد اسال على ولا وحده بس الله يخليها مسك 212اللي ذكرتني وان شاءالله من اجي عمان اقولك بس ترى اني قد جهالك خخخخخخخ احنا نسكن بخلدا ( ام السماق ) وانت وين تسكنين؟؟؟

منى البصراويه
05-07-2006, 12:23 PM
صباح الخير للجميع حبيت اصبح عليكم واتمنى الكم يوم حلو وجميل يا رب
ومشكورات حبايبي على الترحيب وثانكيوووووووو للي سال عني
بس انا مستغربه من شي واحد بهذا المنتدى هو ان اعضاء وفرشات هذا المنتدى دخولهم جدا قليل يعني يكاد المنتدى يخلوو من الفرشات شنو السبب يعني انا مشاركه بمنتديات هوايه والله من الصبح لليل موجودين حتى ما ينامون حابه اعرف ليش يالله باي

زهرة الربيعين
05-07-2006, 02:03 PM
مساء الخير حبيباتي الفراشات ام حموود وsarah_s و منى البصراوية ...والله اني دائما اجي ولمن ما اشوف احد اطلع من الملف بس مستغربة ليش ما يجون بالملف...حبيباتي اريد اسالكم سؤال ..اني وصديقتي سجلنا بالمنتدى وهى انقبلت بالنتدى لكن البارحة تالفنتلها وكتلها ها اشو ماكو بالمنتدى كالتلي اخاف يكون بفلوس ..وكتلها حبيبتي كل البنات يحلمون يكونون وية الفراشات وبالمنتدى ..بس عاد ما الومها ..الحالة الاقتصادية تحكم ...............خخخخ..دوختكم بسالفة صديقتي...اتمنالكم الخير يافراشات
زهرة الربيعين

Lolita22
05-07-2006, 04:15 PM
مرحبااااااااااااااااااااااا بنوتات


سارا مين الي ما يسأل عنك حبيبتي؟؟ انتي مكانك بالقلب و الله مثل باقي البنات اكيد...


منى حبيبتي اكيد كل وحده عندها شغل خاص بيها و غير هذا اغلبنا بالغربه يعني كل وحده وراها مليون شغله و شغله !!! يعني اني حاليا ما عندي شي تشوفيني 24 ساعه مشغوله ب ايش ما اعرف خخخخخخخخخخخخخخخخخ...

زهره حبيبتي يا بفلوس؟؟ اكيد مو بفلوس و خليها تشارك ويانه و الف هلا بيها اخت جديده....و بيج طبعاااااااا

شأخبار الجو عندكم؟؟

احنا يوم مطر يوم شمس و شلون شمس الحمد لله احر ما عندها 20 هههههههههههههههههههههههههههه و تشوفون الناس كلها طالعه تتمشى و تتشمس و اني منهم طبعا لان جسمي راح منه الفيتامين سي من كثر البرد و الثلج بس يالله ان شاء الله خلاص هالشهر يبدي الجو يتغير باذ الله....


لوليتا

نداوى
05-07-2006, 05:24 PM
مرحبا فراشات شلونكم ... ان شاء الله بخير

راح اكتبلكم بسرعة قبل ما تصحى دلع وتبلش تغرد وتقومني من امام الكمبيوتر ... لا ومكملها يوسف مريض وممنوع يجي قرب دلع وصاير يتحجج علينا , لما يضايقني كثير اخلص منه وخليه يجلس على الانترنيت .

شفتو الملف العراقي ( اضواء وطني الحبيب ) ان شاء الله دبرتها , والله لما كنت اكتب كان منظري يخرب ضحك , مرة دا ارضع دلوعة واكتب بيد وحدة ومرة دا اهزها برجلي بالمهد واكتب بايدي , ومرة ممغوصة ومخليتها على صدري وافرك ضهرها بيد واكتب بأيد واغلط واخربط ييييييييييييييه , احوليت , بس الي هون علي انه زوجي كان مشغول والاّ كانت صارت هوسة خخخخخخخخخخخخخ .
ما علينا انتو اخباركم شني

عزيزتي منى اشلونج ان شاء الله بخير , واشلون الجو عدكم , احنا صارلنا كم يوم الجو كلش حلو بس شكلي احد داعي علي , قبل كم يوم كنت مشغولة بموضوع العراق بعدها تمرض يوسف وما اقدر اطلع لأن عنده حرارة ( يوسف ابني عمره سبع سنوات ونص ) .
ما ناويين تسوولكم جية على برلين , هي حلوة وخاصة بالصيف ,
ماخبرتينا اخبار الاهل بالبصرة شني , صحيح جماعة ايران مسيطرين عليها , يقولون التومان الايراني صاير مثل الدينار العراقي باليع والشراء . انا لما اتصل باهلي بالموصل يشتغل التنكيت والضحك على الاوضاع وخاصة على زوج اختي لأنه يشتغل على طريق موصل بغداد وشوفي انت الخطورة مكل ما اخبر اختي اقللها زوجك بعد ما فلسع تكول الى هسة شفتي القهر ( طبعا كدامه هذا الكلام ) وهون يقول اموتكم وما اموت ولما هو يجي على التليفون اقول له الى هسة عايش خخخخخ , لا والمصيبة اهلي ساكنين بمنطقة تكثر بيها عمليات التفجير ومسمين شارعهم بشارع الموت , اخر مرة خلو عبوة ناسفة للأمريكان وانفجرت المصيبة كانت هناك كيبلات التليفونات مالت منطقتهم طبعا الامريكان بعد ماشالو خسائرهم اجو وخلوا سمنت على الحفرة وردموها , وانقطعت الاتصالات التليفونات للمنطقة راحوا للمصلحة قالوا لهم مانقدر نحفر حفرة ردموها الامريكان .... طبعا غيروا رأيهم بجم فلس خخخخخخ . حقيقي شر البلية مايضحك , تعرفين احنا هاي الشركات الجديدة مالت التليفونات اهنا بالمانيا رحمتنا كنّا نتصل بيورو ونص حسة بسبعة سنت وكل يومين ثلاثة متصلة واخذ اخر الاخبار .

بديل القمر .... انا بصراحة معلوماتي محدودة عن البصرة انا حدي للنجف وكربلا هاي اقصى مكان بجنوب العراق زرتها خخخخخخخ زين مني زرت المحافظات الشمالية باستثناء السليمانية . بس والله عفية عليكم يعني انتو كنتوا من الصامدين , والله مساكين اهل البصرة بكل الحروب هم بوجه المدفع .الله يكون بعون اهلها الطيبين ويرحم من كل من يريد بيهم الاذى .

لوبي عزيزتي اشلونج واشلون سيدرا ان شاء الله بخير , اكلج اكو قطرات خلي الطبيبة تكتبها لسيدرا تعطيها الها عشر قطرات اما تخليها بحلكها رأسا او تخلطيها بالحليب قبل الرضاعة تخففها المغص , تصوري طبيبة الاطفال عدنا هي ضد الادوية وماتقبل تكتب ادوية وكتبتها لدلوعة . تخليها تطلع الهوا الزايد من فوك ومن جوة خخخخخ

زهرة الربيعين ... اشونكي عيوني , واشون حالكي , غوحي اقري ردي عليكي بالترحيب بالغة المصلاوية الفصحة خخخخخخ , يعني انت بعدكي بالموصل ما تمام باي منطقة تغيدين اعددلكهمة خخخخخ اخبار السرجخانة اشوني , الله اشقد مشتاقتله هي وباب الصراي .... يبقى احكيلنا عن الموصل بس لابالمصلاوي بعدين يحسبون جيي من المريخ ههههههههههههه .

لوليتا اشلونج ان شاء الله بخير .... مبوك عليج الشمس بس سوي مثلهم وامشي بس لاتسويين غير شي خخخخخ
اقصد يعني لاتروحين على الشط وتضلين بلبوطة ( ال ايه تعقم جسمها ) خخخخخخ .

مريومة .... اشلونج حبيبتي , تعرفين انت تقدرين تروحي لسوريا وتأجرون شقة مفروشة وتبعثين على اهلج يجوج ,الاسعار كلش مناسبة خاصة بحلب يعني ارخص من الاردن بكثير واطيب بعد ( لايزعلوا بنات الاردن ) , احنا السنة الي راحت رحنا واجرنا شقة كبيرة واجو امي وابوي واخي ,واهل زوجي بقينا ثلاث اسابيع اتونسنا بيها قضيتها كلها بالاسواق خخخخخخخ .


البقيات ارجعلكم بعدين دلوعة صحيت .... صوتها واآآآآآآآآآآ

لوبي1
05-07-2006, 07:02 PM
مرحبا فراشات شلونكم ... ان شاء الله بخير

راح اكتبلكم بسرعة قبل ما تصحى دلع وتبلش تغرد وتقومني من امام الكمبيوتر ... لا ومكملها يوسف مريض وممنوع يجي قرب دلع وصاير يتحجج علينا , لما يضايقني كثير اخلص منه وخليه يجلس على الانترنيت .

شفتو الملف العراقي ( اضواء وطني الحبيب ) ان شاء الله دبرتها , والله لما كنت اكتب كان منظري يخرب ضحك , مرة دا ارضع دلوعة واكتب بيد وحدة ومرة دا اهزها برجلي بالمهد واكتب بايدي , ومرة ممغوصة ومخليتها على صدري وافرك ضهرها بيد واكتب بأيد واغلط واخربط ييييييييييييييه , احوليت , بس الي هون علي انه زوجي كان مشغول والاّ كانت صارت هوسة خخخخخخخخخخخخخ .
ما علينا انتو اخباركم شني

عزيزتي منى اشلونج ان شاء الله بخير , واشلون الجو عدكم , احنا صارلنا كم يوم الجو كلش حلو بس شكلي احد داعي علي , قبل كم يوم كنت مشغولة بموضوع العراق بعدها تمرض يوسف وما اقدر اطلع لأن عنده حرارة ( يوسف ابني عمره سبع سنوات ونص ) .
ما ناويين تسوولكم جية على برلين , هي حلوة وخاصة بالصيف ,
ماخبرتينا اخبار الاهل بالبصرة شني , صحيح جماعة ايران مسيطرين عليها , يقولون التومان الايراني صاير مثل الدينار العراقي باليع والشراء . انا لما اتصل باهلي بالموصل يشتغل التنكيت والضحك على الاوضاع وخاصة على زوج اختي لأنه يشتغل على طريق موصل بغداد وشوفي انت الخطورة مكل ما اخبر اختي اقللها زوجك بعد ما فلسع تكول الى هسة شفتي القهر ( طبعا كدامه هذا الكلام ) وهون يقول اموتكم وما اموت ولما هو يجي على التليفون اقول له الى هسة عايش خخخخخ , لا والمصيبة اهلي ساكنين بمنطقة تكثر بيها عمليات التفجير ومسمين شارعهم بشارع الموت , اخر مرة خلو عبوة ناسفة للأمريكان وانفجرت المصيبة كانت هناك كيبلات التليفونات مالت منطقتهم طبعا الامريكان بعد ماشالو خسائرهم اجو وخلوا سمنت على الحفرة وردموها , وانقطعت الاتصالات التليفونات للمنطقة راحوا للمصلحة قالوا لهم مانقدر نحفر حفرة ردموها الامريكان .... طبعا غيروا رأيهم بجم فلس خخخخخخ . حقيقي شر البلية مايضحك , تعرفين احنا هاي الشركات الجديدة مالت التليفونات اهنا بالمانيا رحمتنا كنّا نتصل بيورو ونص حسة بسبعة سنت وكل يومين ثلاثة متصلة واخذ اخر الاخبار .

بديل القمر .... انا بصراحة معلوماتي محدودة عن البصرة انا حدي للنجف وكربلا هاي اقصى مكان بجنوب العراق زرتها خخخخخخخ زين مني زرت المحافظات الشمالية باستثناء السليمانية . بس والله عفية عليكم يعني انتو كنتوا من الصامدين , والله مساكين اهل البصرة بكل الحروب هم بوجه المدفع .الله يكون بعون اهلها الطيبين ويرحم من كل من يريد بيهم الاذى .

لوبي عزيزتي اشلونج واشلون سيدرا ان شاء الله بخير , اكلج اكو قطرات خلي الطبيبة تكتبها لسيدرا تعطيها الها عشر قطرات اما تخليها بحلكها رأسا او تخلطيها بالحليب قبل الرضاعة تخففها المغص , تصوري طبيبة الاطفال عدنا هي ضد الادوية وماتقبل تكتب ادوية وكتبتها لدلوعة . تخليها تطلع الهوا الزايد من فوك ومن جوة خخخخخ
زهرة الربيعين ... اشونكي عيوني , واشون حالكي , غوحي اقري ردي عليكي بالترحيب بالغة المصلاوية الفصحة خخخخخخ , يعني انت بعدكي بالموصل ما تمام باي منطقة تغيدين اعددلكهمة خخخخخ اخبار السرجخانة اشوني , الله اشقد مشتاقتله هي وباب الصراي .... يبقى احكيلنا عن الموصل بس لابالمصلاوي بعدين يحسبون جيي من المريخ ههههههههههههه .

لوليتا اشلونج ان شاء الله بخير .... مبوك عليج الشمس بس سوي مثلهم وامشي بس لاتسويين غير شي خخخخخ
اقصد يعني لاتروحين على الشط وتضلين بلبوطة ( ال ايه تعقم جسمها ) خخخخخخ .

مريومة .... اشلونج حبيبتي , تعرفين انت تقدرين تروحي لسوريا وتأجرون شقة مفروشة وتبعثين على اهلج يجوج ,الاسعار كلش مناسبة خاصة بحلب يعني ارخص من الاردن بكثير واطيب بعد ( لايزعلوا بنات الاردن ) , احنا السنة الي راحت رحنا واجرنا شقة كبيرة واجو امي وابوي واخي ,واهل زوجي بقينا ثلاث اسابيع اتونسنا بيها قضيتها كلها بالاسواق خخخخخخخ .


البقيات ارجعلكم بعدين دلوعة صحيت .... صوتها واآآآآآآآآآآ


ههههههههههههههههههههههههه
هلا وغلا نداوي حبيبتي شلونك وشلون دلوعه خانم الله يعينك عليها لان سيدرا خانم نفس الشي مراويتني نجوم الضحى هههههههههه وحبيبتي هذا الدوا كتبوه لي واسمه MINIFOM بس مايسوي شي عند سيدرا خانم ههههه
شخباركم بنات بلدي مسك 212 ومياوي ومريومه 58 ولوليتا ومنى البصراويه وبهار وشهوده وام الربيعين وفراشه حنونه ربي يعطيكم الف عافيه وبعد سلامي لجميع الخوات العربيات الي مشاركينه :frashagir

منى البصراويه
05-07-2006, 07:04 PM
هلوووووو بيج اخت نداوي انا بخير دام انتي بخير
والف سلامه على يوسف ما يشوف شر ان شاء الله والله يخليهم الج وعلى فكره اسم دلع يخبل اني بعد شهرين راح اخذ الجنسيه الالمانيه وناويه اسمي روحي دلع بالجنسيه طبعا :fragghagi
والجو عدنا يخبل شمس وحر عبالك كاعدين بالبصره هههههههههههههههههه
واني والله بالاتنخابات كنت برلين لو اعرفج كان اجيت عندج والله بس ان شاء الله خيرها بغيرها
وانتم شتسويون برلين كلش بعيده ما تجون يمنا والله يمنا هوايه عراقين واصدقاء بابا كلهم من الموصل
والله الوضع بالبصره كان زين بس انتي اكيد شفتي البارحه شنو سوو البصراوين بالبريطانين
وصحيح مثل ما كالو الج اهلج باليل القوات الايرانيه تمسك البصره ومحد يطلع ويدخل الا ابذن منهم
شفتي شصار بينا اخر وكت ايران تصيطر علينا والله حاله بس هو كان هذا الي يردوه من زمان كانو يردون البصره وشط العرب واجت الهم الفرصه على طبق من ذهب مثل ما يقولون بس ما اقول غير الله يجازي الي كان السبب
وبالاخير احب اكولج اتمنى تجون النا لبوخوم اتزورونا لان والله لو ايجيتو ما راح اتحسون انكم عايشين بالغربه لان كلها عرب ما تشوفين الا السعودين واهل الخليج كلهم يجون من شهر 6 ويبقون للشهر 8 وهذا غير العرب المقيمين
واسفه على الاطاله مع تحياتي باي

زهرة الربيعين
05-07-2006, 08:27 PM
مرحبا حبيباتي شلونكم..منى وسارة ولوبي 1 وشلونهة سيدرا الحلوة ولوليتا اشكرج حبيبتى والله يفرحج مثل ما فرحت صديقتي..اني كتلها وهي طارت من الفرح...والجو بالموصل يوم شمس ويوم مطر ويوم غيمة بس شنو لاحكين على الحر والشوي والحرارة تصل 45_50 ...واشونكي حبيبتي نداوي والبنوتي الحلوي دلع ويوسف سلامتو ان شاء الله يتحسن وحبيبتي انا قغيتو الغد مالتكي وانا اتشكركي ....حكيتو معاكي بالمصلاوي مع انو انا ما مصلاوية بس امي مصلاوية واذا عل الموصل ومناطقها فما شاء الله ..طلع العريش وهاليوم كن مسوين دولمة او وية ما صبينة الدولمة بدت التفريحات خخخ ياتفريحات يابطيخ اول ما صبينة بدت الطلقات ومن الخوف محد ما اكل وبردت الدولة .....واذا على الطلعة اتصدقين انو انا ما كن شفت السوق ولا المناطق من يوم الخلصت الجامعة يعني سنتين ...الوحدة تخاف تطلع والله ..متاسفة دوختكم بسوالفي ....
زهرة الربيعين

White_Swan
05-07-2006, 10:13 PM
سلام عليكم ورحمة الله وبركاته

شلونك احلى فراشات ,,ان شاءالله بخير وعافيه يارب امين!!!
طبعا مااقدر اذكر كل الاسامي اخاف انسى وحدة وتسووها علي فصل:)
كنت مشغولة الفترة الي فاتت اعذروني من التقصير
وتسلم يدكم ع الملف الرائع وخاصة العزيزة نداوي ماقصرتي والله
الي رجعه ان شاءالله
سلامي وقبلاتي لجميع الفراشات العراقيات وغير العراقيات,,

زهرة الربيعين
05-08-2006, 12:16 AM
مرحبااا حبيباتي شلونكم ..ترة اني هاليوم دخلط الملف مرتين بس عاد دخلط لان عندي سؤال ...حبيباتي اني جديدة وما اعرف كلشي يعني مطفية...هههههه..وسؤالي هو اريد ان احصل على توقيع او اضيفلى صورة لكن كيف:dfrf: ؟؟ ما اعرف كلشي ارجو ان اتساعدوني ووووو تصبحون على خير

فراشةحنونة
05-08-2006, 12:34 AM
http://up.alfrasha.com/u/167/2530/48286.jpg
سلامي على اللي حاظر معانا
سلامي على اللي خالي مكانا
سلامي ان شاالله يوصل سلامي
اسامي ما اريد اكتب اسامييييييي سلاااااااااااااامي...

كل العبارات الحلوة صدكوني ما تنطيكم حقكم ولا توفي يا ارقى بنات ونسااااااااء وامهات بهالبيت هذا...
اني يمكن تركتكم او الحقيقة مو تركتكم متابعتكم بس كنت افكر بالملف الخاص باضواء وطني وكنت متابعة كل الجهد والتعب والمجهود الفوق طبيعي للغالية نداوي الله يحميها..
الصراحة ما قصرتي واحنة يمكن قصرنا لضيق الوقت والله دموعي نزلت من قريت خاتمة الموضوع لان فعلا نابعة من داخل انسانة صادقة واني على ثقة كل وحدة بينا تحمل من الصدق اللي تستحق ان يقال عليها بنت العراق الغالي...
ونتمنى ان ياخذ مرتبة حلوة بين باقي الملفات...

http://up.alfrasha.com/u/167/3291/30417.gif

هسة خلي ارجع للسوالف وخلوني اسولفلكم رحلتي الى بغداد العزيزة الجريحة...
طبعا سافرت من دبي يوم 31-3 الصبح ساعة بال12 الظهر وهذي 3 سفرة الي خلال سنتين وشوية..
والله يا بنات الاحساس اللي حسيتة واحنة طايرين فوك العراق بالطيارة واشوفلكم دجلة من جهة والفرات من جهة والاراضي المزروعة منظر يخبل والله كلبي صار شكبرةةةةة وبدت كل صور العراق الحلوة قبل الاحتلا تجي ابالي بس كل اللي حجيتة وية نفسي هو الدعاء الدعاء انه يا ربي رجع بلدنا بخير انطي الامن والامان والباقي هو يجي...
المهم وصلنا للمطار بعد ال2 الظهر وكان ينتظرنة سايق كملنة الاجراءات وطلعنةةةةةةةةةةةةةة....
اوووووووف يا بنات بغداد تقهر المكانات مغبرة الشوارع كلها مكسرة ولا شارع بيها صاحي ابداااااااااا...
حتى الاشجار الامريكان الكلاب قطعوها من الخوف..الجسور كلها محاطة بسياجات عالية حتى محد يضرب على الامريكان اذا فاتوا من جوة الجسور...
الطرق اكثرها مسدودة ونقاط تفتيش للونسة بس واكفين يتفرجون عالسيارات والازدحام بالنهار موووووووو طبيعي كتل كتل من الزحمة بحيث من نفق الشرطة للمنصور يحتاج فد ساعة ...
خطية اهل بغداد اتعودوا على الوضعية وبكل اللي بي وعدهم اصرار على انه الحياة لازم تستمر طلاب الجامعات كلهم بالجامعات واصحاب المصالح لمصالحهم وكلمن يركض لشغلة بلا امن ولا امان الا رعاية الخالق سبحانه وتعالى وعلى كولتهم نطلع والله اللي يستر مندري شوكت تطك مفخخة لو عبوة لو رمي من اللي يسمون نفسهم حرس وطني ومغاوير المصايب..
المهم الحياة تبدي هناك من الساعة بال6 الصبح الى الساعة بال6 العصر او اقصى شي الى ساعة 8 وهذا يكون قمة البطولة لان من تظلم الدنيا كلها ترجع وتستر على اهلها وعلى نفسها..
مع العلم حظر التجوال بال11 بالليل..
اللي شفتة انه المطاعم مقبطة بالبشر والمحلات التجارية كل انواع البضائع موجودة ومحلات الملابس والاقمشة كلشي موجود والناس عادي تشتري ومونسين نفسهم..لان لازم والا يتخبلون ..
اما الكهرباء يااااااااااا عينييييييييييييي على الكهرباء كل 6 او 5 ساعات تجي ساعة او اقل والعالم كلها على المولدات وهم هسة يكولون مدا يشغلون هواية لان الكاز غالي وماكو والبنزين صاير نار والازمة مستمرة محد يفول من البنزين كلها تاخذ سوق سودة من الشوارع..
والارصفة متحولة الى معارض سيارات ومطاعم واشكاااااااااااااااااااااااال...
بس كلتلكم الكل اتداوم عايشين الوضع مثل ما هو النوادي مقبطة بالحفلات من الساعة 12 الى ال3 الظهر..صالونات الحلاقة كتل محلات الحلويات الا توصون وحجز اذا مناسبة..
على فكرة وية وجودي هناك صادف زواج اختي يوم للي ما متزوجات ونفرح بيكم...
اما الاكل ياااااا عيني بحيث دخنة من العزايم والانواع وبعد احنة العراقيين اكلنة يخبل...
نداوي التمر يخبل...
والسمك الكارب والبحري والنهري بكل الانواع المسكوف والمطبك والمشوي والمقلي ووووووو
وكيمر بغداد الرهيب والدبس والكاهي وووالخبز والصمون العراقي والخضروات تخبل..
والله يا بنات ب فاكهتنا وخضرتنا العراقية طيبة وبيها طعم ..واكيد انتو مجربين..
اما بالليل فعالم ثاني تتحول بغداد الى مكان مهجور ونسمع بين فترة وفترة لو رمي لو انفجارات بس نعرف وين من خلال الاخبار يعني حالهم حالنة يشوفوها بالتلفزيون ..
والامريكان يصولون ويجولون بسياراتهم وطياراتهم ولو بالسيارات اقل بس الطيارات طول الليل رايحة راجعة...
وخلوني اضحكم سالفة بدور ما شايفة طفية كهرباء فمو تنطفي الكهرباء بالليل يعني بوقت متاخر ورة ال2 بالليل محد يشغل مولدات يشعلون شموع ولالات بنتي كامت تشوف الخيالات على الحياطين واتخبلت عبالها شياطين لو اشباح بحيث 3 ايام الاولى خبلتني هههههههههههههه...واني ارزلها اكللها والله هذا بلدج وترضين غصبا عنج تاليها رجعتنا لوطنا واهلي خربانين ضحك علية...
المهم الحمد لله جانت سفرة مريحة والحمد لله غيرت نفسيتي تصدكون رغم الوضع التعبان كلش بس يا بنات لمة الاهل والكرايب والحبايب ما تتعوض والله...
يوم اللي دنرجع للامارات بدور صبحت نااااااااااااااااااار الحرارة فوك ال40 وفقدت واني اتخبلت ونركض للمستشفى وابر وتحاميل وطلعت بلاعيمها ملتهبة واجلنة سفرتنا 5 ايام بس بيني وبينكم اني كيفت من اجلنة سفرتنا...

ادري حجيت هواية بس وعدتكم اسولفلكم واي سؤال احنة بالخدمة...
ومن رجعت ليهسة حايصة ولايصة بشغل البيت وبدور ووكاحاتها وحملي اللي متعبني بعد اسبوع وادخل بشهر الرابع...
والوكت ركض ركض اليوم يفوت ويطلع ما اعرف شلون....

يلة انتظروني بسوالف وحكايات ويلة رجعوا نشاطاتكم وسوالفكم الحلوة...
بوساتي لكل فراشة جديدة ومو جديدة ولكل بنوتة ودلوعة وسدورة وكل بيبي بالمنتدى وطبعا بدورة ..ههههههههه

منتظرتكم ومنتظرة سوالفكم...
في امان الله..

http://up.alfrasha.com/u/167/2530/48285.jpg

نداوى
05-08-2006, 05:00 PM
مرحبا فراشات شلونكم ان شاء الله بخير ....
البارحة ماقدرت ارجعلكم نزلت شوي تخطيط الجو كان حلو , وشفت جاراتي لبنانيات وعزمتنا وحدة منهم على الشاي والقهوة , طبعا يوسف افندي ما تعجبوا هيج زيارات ما قبل شوية واشوف ابوه راجع قلت زين والله اخذته لأبوه وخبرته رايح ببيت جارتي اشرب شاي واذا يريد شي يتصل على الخلوي ... جلست شوية الى ان صار الشاي دوبني شربت شوي وخبرني ابو محمد جاية جارتي العراقية عندي , طبعا سلمت على الجماعة وماتهنيت بكعتي رجعت وشوي شوي صاروا ثلاث جارات ضلوا لل11 وراحوا طبعا زوجي اتصل بازواجهم قبلها وجلسوا الرجال بالبالكون واحنا مقابيل التلفزيون . ( دلوعة توصوص اروح اشوفها خخخخخخ )
سكتها حمودي , نرجع مرة ثانية

مسك عزيزتي شلونج .... اموت واعرف غطساتج هاي كل كم يوم وين تروحين ههههههههه طبعا ببلد عربي ومامقصرة ويى الجارات والصديقات , شفتي القر على اصوله خخخخخخخ , خبرينا عنك .

شهد حبيبتي سلامته الوالد , الله يشفيه يارب ... اجر وثواب ان شاء الله , توكلي على الله .... طمنينا عنه .

سارا عزيزتي اشلونج ان شاء الله بخير , ولاتزعلي علينا حبيبتي ..... احنا خوات يعني كافي انه نطمن ان الكل موجود , والله يرزقج بالزوج الصالح والذرية الصالحة وراح تشوفين اشلون راح ينسوج اسمج مابس صديقاتج ههههههههه . منتظرات اخبارج .

منى عزيزتي مبروك مقدما الجنسية البارحة جارتي اخذت الجنسية , انا زوجي واطفالي ماخذين الجنسية بس انا ما ماخذتها عدنا امل ترجع الاوضاع عدلة بالعراق ونرجع ..... حتى ياخذون الاقامة علي الى ان يرجع زوجي جنسيته العراقية .
وبخصوص الجية على برلين طول ما السفارة هنا اكو امل تجين مرة ثانية .... بس تعرفين اول مرة اسمع باسم مدينتكم سألت زوجي عنها اكو هيج مدينه بالمانيا ضحك زوج وكال اي ياعايشة بالمريخ خخخخخخخخخ .

زهرة الربيعين ..... الله عليكي ذكرتيني بالعريش وشجر العنب , تعرفين انا لما كنت بالعراق انا كنت اقلنها مرة جبنا بستاني علمني اش اعمل , بعدين كنت اقلب برميل الماي واطلع علينو واضبط بيها , والاّ الدولمة الله خاصة لما تنكل بالحديقة او اذا ماكان اكو حديقة بالحوش بعد مانشطفوا ونبرده ( ببيت اهلي القديم ) والله كنت احبه اكثر من البيت الغربي .

حمودي يريد يشيل دلوعة اروح الحق عليهم باي ارجعلكم بعدين . وااااااااااااااااا مصيبتاه

الـ ملاك ــروح
05-08-2006, 06:40 PM
ههههههههههههههههههههه
نداوي حبيبتي روحي الحقي على جهالج احنا لاتخافي علينا وما نمل من السوالف ابد وننتظرج نشوف حمودي ايش سوى لدلوعة خخخخخخخخخخخخخخخ
واحنا الممنونين يالغالية على تعبج ومجهودج في الملف وان شاء الله مايروح هدر
حبيباتي البنات اشلونكم مسك 212 اتمنى كل يوم تعاتبيني والله ده اتذكر كل غالية على قلبي لما كانوا يعاتبوني وانا احسكم مثل اخواتي واكثر سارة حبيبتي اشلونج يا عمري والله انا دائما اسأل عنكم واقرا سوالفكم بس اتجنب اكتب اسامي وحدة وحدة لاني اخاف انسى اكتب اسم ويزعلون مني
منى البصراوية كيفك حبيبتي اعذرينا لان ندخل المنتدى قليل لان اغلبنا متزوجات و عدهم اطفال وبالنسبة الي والله مشغولة الى درجة الصبح اروح كورس لغة المانية وبعد الظهر اروح فتنس يعني مركز للرياضة وايام الجمع عندي مؤتمر لنساء المغتربات في المانيا وما الحق اسوي اكل لو انام خخخخخخخخخخخخخخخخخخخ والله يعينني
زهرة الربيعين هلا بيج حبيبتي وهلا بصديقتج معنا انت كل يوم ادخلي الملف واحنا نسولف ونتذكر ايامنا الحلوى
وايت سوان توه ما نورت الملف وينج ووين سوالفج مشتاقين لج حبيبتي
فراشة حنونة الف حمدلله على السلامة وهنيالج رحت وشفت اهلج اتمنى تكونين قضيتي اسعد الاوقات
وسلامي الحار اللى توني طلعتها من الفرن خخخخخخخ الى مياوي ومريومه 58 ولوليتا وشهوده ربي يعطيكم الف عافيه
وادري طولت عليكم بس هاي كان سوالف لاسبوع خخخخخخخخخخخ لاني من زمان ما داخلة الملف
تحياتي

منى البصراويه
05-08-2006, 06:40 PM
منى عزيزتي مبروك مقدما الجنسية البارحة جارتي اخذت الجنسية , انا زوجي واطفالي ماخذين الجنسية بس انا ما ماخذتها عدنا امل ترجع الاوضاع عدلة بالعراق ونرجع ..... حتى ياخذون الاقامة علي الى ان يرجع زوجي جنسيته العراقية . وبخصوص الجية على برلين طول ما السفارة هنا اكو امل تجين مرة ثانية .... بس تعرفين اول مرة اسمع باسم مدينتكم سألت زوجي عنها اكو هيج مدينه بالمانيا ضحك زوج وكال اي ياعايشة بالمريخ خخخخخخخخخ .


السلام عليكم كيف الحال ان شاء الله يكونون جميع الفراشات بخير وصحه يا رب
نداوي عزيزتي الله يبارك بيج وعقبال الجميع يا رب
واحب اكولج نيالكم لانكم تفكرون بالعوده للعراق بيوم من الايام بس انا اهلي شايلين هايه الفكره من بالهم اصلا
حتى لو بعد ميه سنه
وبالنسبه للمنطقتي فهيه صايره بالجنوب قريبه على هولندا يعني اني ما اكدر لازم وين ما اروح اعيش بالجنوب هههههههههههههههههه جنوبيه مثل ما يقولون اللبنانين
مع تحياتي بااااااااااااااااااي :fragghagi

sarah_s
05-08-2006, 07:51 PM
هلو فراشات نداوي حبيبتي المشوار طويل للزواج بعدني صغيره وانا امي تظل تقولي متى تتزوجين ونخلص منكي اقوللها مارح اتزوج رح ابقى قاعده فوق قلبكم ..... خللي خواتي اللي اكبر مني اول مره يتزوجون احنا نعاني من مشكله انو ماكو عراقيين كثير مع ان خواتي في الاردن والعراقيين بيها بكل مكان بس تعرفين عقليتهم كثييييير رجعيه ماتناسب عقليتنا واكيد انتوا تلاحظون هالشي على اهلكم بالعراق ( لاتزعلون بس هذه الحقيقه) الحروب دمرت نفسياتهم ... ولا اني اخذ واحد مو من بلدي .... يالله الله كريم...... والنصيب مايعرف عراقي او غيبره...
منى عيني لاتفوتين الجنسيه عليك وخذيها ..... تعرفين اهلي عاشوا في فرنسا مده طويله ومااخذوا الجنسيه ابوي قال ترجع الاوضاع وماتشوفين غير دخلنا بحرب الكويت وقتها ..... وابوي هسه يعض اصابعه من الندم ....... بس من حسن الحظ اني مواليد فرنسا فان شاءالله راح اخذها .....
اعذروني على الاطالة وسلامي الى كل فراشه جديده نورتونا

مسك212
05-09-2006, 12:56 AM
اوييييييييييييييلي حنونة والله من قرية تفاصيل روحتج لبغداد شعر راسي كلة وكف وجسمي نمل على التفاصيل من انتي بالطيارة حسيت عبالك اني رحت ورجعت واني صارلي من سنة 2002 مشايفة بغداد يلة الله كريم......................سارة ياعمري من واجبي اسأل عليجاحنى خوات وماكو فرق بيناتنا بس ها ترة اني مو بكد امج مثل مدكولين ترة والله اني صغيرونة عمري 27 سنة واني ساكنة بعبدون يم عبدون مول...............................بهار حبيبتي شنو تونستي على العتب لعد زين يومية اعتب عليج اذا متسألين علية حبيبتي ان شاء الله دائما بخير.........................................نداوي عمري شنو لاحكتني والله لوتعرفين وين مختفية عمتي اخت ابوية جاية من بغداد ومريضة اسم الله عليكم سوت قسطرة وملتهية وياها وزوجي مسافر راح لدبي صارلة عشرة ايام وابني انفشخ فشخة الله لا يرويكم وركض وياية بالمستشفى وطبعا وراها اربعة ايام مخليتة يداوم اخاف علي لا يوكع مرة ثانية والله سكتوا الله سترة الفشخة فوك خشمة بين حواجبة يعني الا شوية جان صارت بعينة بس الله قدر ولطف وهاي كل اخباري .................اكلكم اشو شهودة مختفية شهودة اين انتي دزيتلج كبة حلب وادك بالباب وماكو جواب ورجعتها ...............................مرحبا بك من جديد يا وايت سوان وين هال غيبة كل عذر ماكو منسامحج لان اشوفج بالمنتدى وبغير اقسام مو صح؟.....................................منى البصراوية الف مبروك الجنسية.......................مياوي حبيبتي مشتاقبن............لوبي بشري شلونها سيدرا بعدها على الغازات انتي غير مسمعتي كلامي موكتلج انطيها ببسي خخخخخخخخخخوخلصي .............................لوليتا اشو انت طلين وتختفين مشتاقين لسوالفج الحلوة ..................اكلكم يلة باي دغت من الكتابة وانتو هم اكيد دختو مو بالله تصبحون على خير

زهرة الربيعين
05-09-2006, 01:38 AM
مرحبا ياحبيباتي ا شلونكم ان شاء الله بخير واني مستعجلة لان اتاخر الوكت ولازم انام ....بس ردت اعاتب الاخت مسك212 ليش ما سائلة عني ليش اني مو فراشة وياكم ..او عراقية...هههه يالله تصبحون على خير وتشوفون احلام سعيدة

زهرة الربيعين

نداوى
05-09-2006, 03:54 PM
مرحبا عراقيات ونص عراقيات وغير العراقيات ههههههههههههه

اشلونكم اليوم ان شاء الله بخير


هلا والله ببهار واخيرا ظهرتي خخخخخخخ , تعرفي حمودي لئيم لما اكول له روح اختك ويكون يتفرج كارتون او دا يلعب ويه اخو ويشوفني تأخرت عليه , يقول لي اشيلها لدلع يعرف هذا الشئ ممنوع وراح اركض لايشيلها وبهذا يتخلص من هذه المهمة الصعبة ههههههههه حيال على ابوه خخخخخخخ .
اكول نسيت انت باي مدينة بالمانيا ... ذكرتيني بالغة كنت اروح كورس اسبوعين اشتري الكتب وادفع اشتراك وكل شئ وابطل اتكاسل اروح لدرجة ابو محمد حلف بعد ما يوديني اي كورس , وحدة تنبل خخخخخخخ

ام بدور كان الله بعونج ... ديري بالج على نفسج وعلى بدور و اخو بدور والاّ اذا كانت اخت بدور ياويلج من بدور وغيرتها خخخخخخخ , بخصوص روحتج للعراق الي رجعة عليها لأني دا اكتب بسرعة الى هسة ما سويت غدا ابو محمد خخخخخخخ ضحكت على الاطفال ببطاطا اصابع والسجق ( النقانق ) يعني بالماني فورست هههههه


مسك سلانته ابنج يالله لاتهتمنين كل كبة وراها شبة ياما ضكت انا خاصة من يوسف حرك كثير ووكعاته بعد كثيرة , اول اسبوع دخل الروضة وكع انكسرت رجله , وبالبيت ياكثر وكعاته مرة مثل ابنج وكع على حاجبه وطلع الدم ولو تشوفي وجهي من الخوف كلشي ولا الدم , وكتها زوجي عصب علي وكالي كحد راح يرعبو غيرج واخذه للطبيبة وماخلاني اروح معاهم كلي خليني بواحد ما الي حيل اثنين خخخخخخ .
سلامتها بعد عمتج , والله يرجعلج زوجج بالسلامة وترجعيلنا انت بعد .

هلا والله بسارة , هي الجنسية بفرنسا شوية صعبة لكن هنا بالمانيا سهلة بعد ثلاث سنةات اذا كان الزوج الماني وبعد 8 سنوات اذا كان غير الماني المهم تجيد اللغة وما ياخذون مساعدات من الحكومة وهذه مطبقة علي بس مثل ما قلت يمكن بيوم ربج قادر على كل شئ يطفي نار العراق بين ليلة وضحاها , ونرجع ... يارب . وبخصوص الزواج صدكيني لما تجي قسمتج توافقين غصب عنج , انا خطبتي سويتها لعبة ومغامرة لأني كنت رافظة الزواج قطعيا لدرجة كنت اتعارك معاهم لما يجيبولي طاري خطبة , بس لما اراد الله خلال شهرين كنت متزوجة والشهر الثالث حامل بحمودي هههههههه .


منى انت جنوبية وانا شمالية بالعراق كنا هيج واتغربنا بنفس التقسيم هههههههههه , ولو المانيا بعكس العراق الجنوب بارد والشمال يكون احمى , واذا على الرجعة صدقي اذا ربج هدا نار العراق ورجع مثل ماكان ايام زمان والله الكل راح يرجع عاجبنا اقفاص الدجاج الي مسميها شقق الي عايشين بيها والاّ الجو التعيس والبرد !!

زهرة الربيعين .... اشونكي عيوني , اقللكي بخصوص التوقيع خبريني اشلون تريدين الصورة واش اكتبلك عليها وانا ان شاء الله اعمللها لك بالفوتوشوب او روحي قسم التصميم بموضوع التواقيع والبنات هناك يعملوها لك , واكو موضوع ثاني يعلموك اشلون تنزلين الصورة بالتوقيع الخاص بيك واي سؤال انا حاظرة
بخصوص التوقيع انا عاجبني توقيع منى البصراوية حلو كثير بمعناه والفن الي بيه .

يالله ... حرام حمودي كل شوي يجي يقول خلصتي خخخخخخ .

مع السلامة

Lolita22
05-09-2006, 10:55 PM
مرحبا بنات شلونكمممممممممممممممممممم..حنونه الف الحمد لله على سلامتج و سلامة الاهل ان شاء الله تكوني استمتعتي بوقتك ببغداد و الله اني هم اختي عايشه بالسليمانيه و مره او مرتين نزلت على بغداد و حجتلي و اني قلبي يحترق كلما اسمع هالحجي على بغداد الله يسهل و تتحسن الاوضاع ولو هالشي بعيييييييييييييد بس ربنا كبير...

اكوول منى وين عايشه انتي بالمانيا؟؟

و سلامي للكللللللللللللللللللللللل بدون استثناء حبيباتي...

تسلمولي


اختكم


لوليتا

منى البصراويه
05-10-2006, 06:05 PM
مرحبااااااااااااااااا
شلونكم يا احلى فرشات بالعالم وما اريد اذكر اسامي لان انا جديده واخاف انسى وحده وتزعل مني
نداوي شلونج وشلون الجهال ان شاء الله بخير ويوسف شلون صار ان شاء الله احسن
وصح كلامج احنا بالجنوب عدنا كلش برد كرهت المانيا من ورا البرد بس اني الحمد لله ما معلقه بشقه احنا قاعدين بيت يعني هاوس بالالماني كلش جبير وبيه حوش وحديقه يعني مثل بيوتنا بالعراق
وان شاء الله يجي اليوم الي نرجع بيه للعراق
واحب اكولج تستاهلينا التوقيع ما يغلى عليج يالغاليه
مسك عزيزتي الله يبارك بيج حبي وعقبال الجميع يا رب
lolita اني عايشه بمنطقه اسمها بوخوم

ساره عيوني اكيد ما افوتها لان جنسيت المانيا كلش قويه يعني بالقوه يالله اتحصل واني صارلي اسنين منتضره بس علمود اروح اعيش بالامارات
يالله حبايبي انا اترخص هسه والله ما ودي اطلع بس ماكو احد هنا مع الاسف صدك حبيت اسالكم شعجب ماكو شات بهذا المنتدى علمود نتعرف على بعض اكثر ونحجي مع بعض دائما
يالله باااااااااااااااااااااااااااااااااااااااااااااااي

shehd
05-10-2006, 11:18 PM
وها قد عدنا اليكم من جديد :fragghagi
مشتااااااااقتلكم مووووووت موووووت والله
شلونكم عيوني انشاء الله الكل بخير وسلامة
يا الله نبدي ....:de11
اول شئ طبعا اريد اشكر اختي نداوي على المجهود الي بذلته والله الملف رائع والف شكر حبيبتي على تعبج وانشاء الله ميضيع تعبنا كولواااا امين
اشو مسمعت وحدة كالت امين :frxxagir
حنونه عيوني شنو هاي والله عيوني دمعت من قيرت الي كاتبته شنو احد موصيج علينا تبجينه ليش هيج مو احنا خواتج ... المهم حبيبتي غيرتي جو وشفتي الاهل ونفسيتج ارتاحت والاهم من هذا كله رجعتيلنه بالسلامة لان من رحتي والله اشتاقينالج هواي
مسك شنو هاي سلامته للزغير عمري انشاء الله هسه احسن ديري بالج عليه ادري بيج كعدتي تلفين بالكبه ونسيتي وبعدين موصلتني الكبه شنو هاي ناويه تموتيني من الجوع ..
ساره شلونج انشاء الله بخير واريد اوصيج من ترحين للاردن روحي يم مسك واخذي حصتي مال الكبه ههههههه مو تنسين حبيبتي اوكي
بهار لوليتا شلونكم عيوني انشاء الله بخير

منى عيوني الف مبروك على الجنسية اني هم اخذتها قبل فترة بس اني بالسويد مو يمكم وهنا عادي بس تمر فترة 5 سنوات من حق الشخص ايقدم واذا مجان عنده مشاكل ويه البوليس عادي ياخذها وزوجي هم ماخذها من زمان واطفالي عادي اول منولودا اخذوها لان الاب عنده والحمد لله على كل حال .. تعرفين عندي صديقة من البصرة اعتبرها مثل اختي واكثر والله شاهد لان قلبها طيب هما اهل البصرة كلهم هيج قلوبهم طيبة وينحبون عيوني ...

زهرة الربيعين , لوليتا شلونكم انشاء الله بخير

وانشاء الله يارب الكل بخير وعذروني بنات من التقصير اخاف نسيت وحدة بس ماشاء الله فراشاتنا ديزيدون من دون حسد دكيت الخشب ويا رب تكبر لمتنا الحلوة هاي والله يجمعنا على الخير يا ربي
يله تصبحون على خير يا احلى واطيب خوات
حجيت هواي مو بالله بس شسوي مشتاقتلكم

زهرة الربيعين
05-11-2006, 12:40 AM
مرحبا يافراشاتنا الغاليات ..الجميع من دون استثناء شلونكم ....نداوي حبيبتي اشكرج على اهتمامج لكن اني ما اريد اتعبج وياية وخصوصا انت صاحبة اطفال وما اريد اسويلج زحمة ما تكفى تتعبين هواااية بالملف وبالجهال الله يساعدج.......منى عزيزتي مبروك الجنسية يارب.تدرين انو صعب الواحد يحصل على جنسية لان عمي ذاب على ما حصل عليهة وهوة جان اعزب بس هسة كدر يتزوج ويستقر هو همينة بالمانيا .....بهار حياتي اشلونج اشوماكو ....حنونة حياتي سفرة سعيدة والحمد لله على سلامتج وانشاء الله الاوضاع تستقر بالعراقنا الغالي... لوليتا شلونج عزيزتي...بصراحة اني اريد اذكر اسامي كل الاخوات بس اخاف الكهرب ينكطع او ماالحك اكتب كلشي .....وبالنسبة لاخباري فااحنة مشغولين كثير والبيت صاير هوسة وكلهم فرحانين لان عمتي وولادها راح يجون على العراق بعد كم يوم ...ومع السلامة ياغاليات

Lolita22
05-11-2006, 01:40 AM
مساء الخير يا بنوتات و متزوجات و ضايجات مثلي خخخخخخخخخخخخخخخخخ

و الله ضوجه بس اول شي اسلم عليكم كلكم...منى عرفت المنطقه سامعه بيها بس بعيده تقريبا يم ايسن و دورت موند صح؟؟على ما اتذكر يعني !! أني جياتي كلها على ميونيخ بس صارلي فتره ما اروح لاني انشغلت بالدراسه و هسه ما اقدر اسافر علمود شغلات ثانيه!!

المهم شأخباركم يا بنات ؟؟

زهرة الربيعين ان شاء الله يوصلون بيت عمتج بالسلامه و تفرحون بوجودهم...

ما اريد انسى اي وحده منكم ..سلامي للكل و يارب يظل الملف نشيط بوجودكم....

لوليتا

مجنونة قطر
05-11-2006, 04:16 AM
http://www.awda-dawa.com/sounds/ahaaaamslmn.ram

اللهم اني استغفرك عن كل ذنب خطوت اليه بقدمي او مددت اليه يدي او تاملته ببصري او اصغيت اليه باذني.واستغفرك عن كل سنه من سنن رسولنا صلى الله عليه وسلم تركتها غفله او نسيان او سهو او تهاون او جهل او قلة مبالاة.
(ربي لاتذرني فردا وانت خير الوارثين)

نداوى
05-11-2006, 12:36 PM
مرحبا وصباح الخير والسلام عليكم ههههههه ... اشلونكم ان شاء الله بخير

لوليتا اشلونج ان شاء الله بخير ..... اخبرج شي بس بلا زعل .... عفية غيري توقيعج الصورة ابد ماحبيتها تذكرني بافلام الرعب خخخخخخخخخخخخخ . اشلون حب هذا .

منى اشلونج ان شاء الله زينة .... حبيبتي احنا نقدر نستأجر بيت بس لازم يكون باطراف المدينة وداعيج اكبر جبانة ... بس شاطرة بالحجي خخخخخخ.
منى اضحكج علي ... البارحة قريتسؤالج عن الشات اليوم حلمت عدنا شات ودا احاول ادخل عليه هههههههه لهذا ابو محمد مايخليني اتفرج افلام رعب , يتبهذل والله خخخخخخخخخخ.

هلا والله بشهد ,, حبيبتي تعبكم راحة , بس ما شاء الله باقي الملفات متعوب عليها هواية , المهم ان شاء الله اكون قدمت الملف بصورة جيدة . انت اخبارج اشلزن الجو عدكم هذه الايام ان شاء الله مثل جونا ولو اليوم بلشت اتغيم .

هلا بزهرة الربيعين الله يوصل عمتج واولادها بالسلامة .... ديرو بالكم عليهم , سمعت بالموصل السرقة بفلس هههههه , وخلي احد يطلع ينتظرم على الحدود .... انا بصراحة جبانة مستحيل اجي للموصل طول ما ماكو امان .
وبخصوص التوقيع اتدللي تعبكي راحة .

عزيزتي مجنونة قطر ...... مرحبا فيك معانا وشكرا على النشيد , بارك الله بيك .

يالله تهسترت دلوعة ..... باي

زهرة الربيعين
05-11-2006, 01:43 PM
مساء الخير حبيباتي وشلونكم ان شاء الله زينين.......حبيبتي ام دلوعة يسعدني ان تسويلي التوقيع واشكرج حبيبتي....انا اريد يكون خارطة العراق وبطنها قلب وبطن القلب عين ..واكتبي اسفل هالشي في القلب ياعراق...وبس والله ينطيج العافية ولو دا ا حس اني راح اثكل عليج حبيبتي......مع السلامة ياغاليات

Lolita22
05-11-2006, 08:59 PM
مرحبااااااااااااااااااا يا احلى بنااااااااااااااااااااااااااااات.....


نداوي تريدينها حرباً!! فليكن :14_6_ss1 :14_6_ss1 :15_4_125[ خخخخخخخخخخخخخخخخخخخخخخخخخ <<<<ما صدقت!! لا يمعوده دنتشاقه و لا يهمج كلامج عالعين و الراس بس هالتوقيع غالي على قلبي هواااااااااااااايه لأنه من رسم أخويه الصغير ( 17 ) سنه و أني احبه مووووووووووت و اشجعه و لذا مستحيل أغير التوقيع :dfre: لا تزعلين مني اكوللج شي..اول ما تجين على توقيعي غمضي عيونج<<<<لا بالله :sgsgf:


شلونكم بنات و شأخباركم؟؟ يارب تكونو بخير كلكم انتو و اهلكم و ازواجكم و الجهال<<<طوختيها لا و الله بس مشتاقتلكم


هاي وينكم؟؟؟

لوليتا

منى البصراويه
05-12-2006, 09:04 AM
صباح الخير على احلى فرشات بالعالم كله
شلونكم وشخباركم وشكو ماكو
لويتا عزيزتياي صح احنا يم ايسن ودورتموند ايسن تبعد عنا 10 دقائق وبس وانتي اي منطقه هسه
نداوي حبي اني الحمد لله وانتي شلونج وشلون الجهال
وليش الخوف والله الواحد بالمانيا نسى كلمه خوف لان ماكو شي يخوف حتى الشرطه من يجولج تكومين اضحكين عليهم دوله دمقراطيه هههههههههههههه
وهاي انتي صرتي مثلي كل ما اشوف شي بالنهار او اسمعه اتحلم بيه باليل بس انا ما اتوب دائما اشوف افلام رعب
وبالحلم اصير اني البطله هههههههههههههههههههههههه والشرير يركض وراي وتعالي شوفي شيصير بيه

يالله حبايبي اودعكم بالله بااااااااااااااااااااااااااي

نداوى
05-12-2006, 05:40 PM
عزيزتي زهرة الربيعين

هذا توقيع انا صممته ان شاء الله يعجبكي

http://www.alfrasha.com/up/16996769061837032773.jpg

وهذا الرابط للتوقيع


MG]http://www.alfrasha.com/up/16996769061837032773.jpg[/IMG]

وهذا توقيع ثاني لطشتونو من موقع عراقي خخخخخخخخخخخخ اذا ماعجبكي توقيعي ومابيها زعل اذا ما اقتنعتي بتوقيعي خذي الثاني

http://www.alfrasha.com/up/2849756121685788879.jpg

وهذا رابط التوقيع

IMG]http://www.alfrasha.com/up/2849756121685788879.jpg[/IMG]

اما طريقة تنزيله عندك

اول شئ تضغطين بالماوس بجهة اليسار على رابط الصور وتضلليها وبعدها تضغطين بجهة اليمين تطلعلك لسته دوسي نسخ او كوبي بالانكليزي
تروحين الى لوحة التحكم وتضغطين بالماوس عليها تطلعلك صفحة
على اليمين تجدين لستة اضغطي على تعديل التوقيع
تطلعلك صفحة مثل الي تكتبين بيها بالردود
تروحين فوق قليل تشوفي مربع صغير مرسوم بيه جبلين وشمس تضغطين عليها تنفتح عندك نافذة (مستطيل )
تضغطين على المستطيل بالماوس باليمين تظهر عندك لسته تضغطين لصق
بعدها تنزلين تحت وتضغطين على حفظ التوقيع ..... وبس ينزل التوقيع بصفحتكي دائما
واي سؤال انا حاظرة

يالله باي بهدلتوها لدلع نايمة بحظني ..... اغشعتي شلون ام انا ههههههههههههههههه

زهرة الربيعين
05-12-2006, 08:06 PM
مرحبا يافراشات اشلونكم ....مشكورة حبيبتي نداوي على التوقيع الرائع ويسلم اديج...كيف استطيع ان انزلو هل عن طريق الرد السريع ام كيف وتعذريني حبيبتي يبدو انج ابتليتي بوحدة مطفية والبطاريات ما لتها مو مشحونة..هههههه ينرادلي شحن بس شلون والكهرب قليل هههههه واشكرج مرة اخرة على التوقيع..

زهرة الربيعين

زهرة الربيعين
05-12-2006, 08:24 PM
زهرة الربيعين

Lolita22
05-12-2006, 11:17 PM
مرحبا بنات شلونكم....شأخباركمممممممممممممم و شأخبار الجو عندكم<<<شنو قصتها ويه الجو :28_1_3[1] لا و الله مو شي بس لان الحممممممممممممممممممد لله الجو عدنا متحسن ف فرحانه بيه شويه يارب لا تقلب مطر باجر على حظي!!

المهم حبيبتي زهرة الربيعين أعتقد انج حاطه التوقيع بشكل غلط لان ما باين غير الرابط و ماكو صوره ما اعرف هيج مبين عندي :frasha5: !!

هو طبيعي انو التوقيع ما يطلع لما تستعملين خاصية الرد السريع هذا عادي مو بس انتي عندج بس لما تستعملين خاصية الرد يالله يطلع التوقيع و سلامتج :11_2_104[


منى حبيبتي اني مو بالمانيا اني بسويسرا ب مدينة زيورخ....بس قبل فتره جنت كل شهرين تلاقيني واقعه بميونيخ هههههههههههههههههه بس هسه خلاس خلاس ما عندي وكت ...


على فكره يا بنات الصيف قرب و اجازته هم ف وين ناويين تروحون تسافرون او تظلون بالبيت او شنو برنامجكم؟؟ يعني مفكرين بهالشي لو بعد؟؟اني بعدني ممفكره بس عالاغلب ما هسافر لان أنتظر اصدقائي من مصر او السعوديه يجون يزوروني ادعولي يا بنااااااااااااااااااااااااااات بليز انهم يجون....


لوليتا :frasha 1: <<<<توها قاعده من النوم

توحه2005
05-13-2006, 12:54 AM
اني عضوه جديده ممكن ترحبون بيه

اني عراقيه وعايشه بالسويد واحب اشارك


مع اجمل تحياتي

زهرة الربيعين
05-13-2006, 01:15 AM
مرحبا يافراشات اشلونكم ان شاء الله زينين......حبيبتي لوليتا اني سويت مثل ما كلتلي نداوي بس الظاهر التوقيع هو الي مايريدني ..وان شاء الله حبيبتي صديقاتج يجون وتتونسين وياهم وتكظون وقت ممتع.....

هلا بيج حبيبتي توحة ومنورة الملف ....وترة باين انو اني اول وحدة ترحب بيج .ههههه باااااااي الوقت اتاخر ولازم اروح انام لان باجر بيت عمتي راح يكونون عدنا ولازم نستعد ..................تصبحون على خير

توحه2005
05-13-2006, 01:45 PM
اهلا بيج حببتي وشكرا على ترحيبج بيه والملف منور باصحابه

وان شاء الله يوم سعيد مع بيت عمتج هههه

نداوى
05-13-2006, 02:26 PM
مرحبا اختنا الجديدة توحة بيك معانا

زهرة الربيعين ادخلي هذا الموضوع بيه كل شئ عن خواص المنتدى وكيف تنزلين التوقيع بالصور


اضغطي هنا

http://www.alfrasha.com/showthread.php?t=83737

شعوله الدلوعه
05-13-2006, 05:30 PM
السلام عليكم
كيفكم بنات العراق
انا من السعوديه بس حبيت اسلم عليكم
اعجبني لهجتكم مررررررررره حلوه
بااااااااااااااااااااااي

توحه2005
05-14-2006, 01:04 AM
اهلا بيج حبيبتي وشكرا لكم

الملكة الحسناء
05-14-2006, 11:44 AM
السلام عليكم
اني فراشة جديدة معكم طبعا بحثت في كل المنتدى عن فراشة عراقية وكنت حابة اتعرف على فراشة عراقية والحمد لله وجدت تجمع للعراقيات
كيفكم اني من العراق الحبيب من ارض الرافدين
واني من العراق من البصرة عمري 25 سنة متزوجة حديثا وما عندي اطفال تحصيلي العلمي علوم حاسبات

shehd
05-14-2006, 01:15 PM
شلونكم يا احلى فراشات
اول شئ احب ارحب باختنا توحه واكولها نور المنتدى بوجودج ويانه والحمد لله زادو بنات السويد صرنه 3 :de11 توحه عمري حنبدي التحقيق وياج بس لضوجين يعني هي شويه اسئله منين من العراق وبأي منطقه تسكنين هسه وشكد عمرج ووالمهنه شنو طالبه ربه بيت موظفه يعني من هاي التشكيلة مال الاسئله هههههههه
ثاني شئ احي اسلم على كل البنات ويانه
وثالث شئ واهم شئ اكوووووول اشو حنونه ماكو صارلها فترة شنو القصه ؟؟؟؟
يله عيوني الكيكه حتحترك اليوم الجهال خبصوني يردون كيكه سويتلهم والله العظيم اعرف مراح ياكلوها بس يردون ايتعبوني ومكابلين الفرن هسه وكاعدين
باااااااااي

مسك212
05-14-2006, 01:28 PM
مشتتتتتتتتتتتتتتتتتتتاقة كومة وعذريني حبيبتي زهرة الربيعين مو قدصي انسى اسمج بس كتلج ما شاء الله من كثرة البنات .{الله يزيدهم ويبارك بيهم}كمت اتيه ههههههههههههههههه واسفة مرة ثانية وسلامي الى الكل بدون تحديد حتى لا احد يزعل وارحب بكل الخوات الجديدات هم بدون تحيد {وسلام خاص جدا جدا الى زهرة الربيعين }الى رجعة لان كلش مستعجلة

Lolita22
05-14-2006, 02:59 PM
يا مراحب و الله كلما تزيد صفحات التجمع افرررررررررررررررررررررررررح..الله يزيد و يبارك

شلونكم بنات و شأخباركم...

الف هلا و مرحبا بيج حبيبتي توحه و الحمد لله كسبنا أخت جديده ويانه...


شعووووووووووووله يا دلوعه يا قمر كلك ذوق و الله و شرفتينا بتجمع العراقيات...


الملكه حبيبتي و النعم باهل البصره و الف هلا و مرحبا بيج ويانا و الف مبروك يا عروسه...
بشري شهد اكلو الكيكه لو أجي و اكلها؟؟؟؟>>>>تمووووووووووووووووت عالكيك و المعجبنات عامة خخخخخخخخخ :sfsfsf:

مسك وين هالغيبه ان شاء الله المانع خير حبيبتي...


ها بنات ما قلتو شنو خططكم عالصيف ان شاء الله؟؟

طبعا أني الظاهر مو مسافره بره سويسرا و بهالحاله قررت>>>لا بالله خخخخخخخخخخخ لا و الله قررت اني استكشف المناطق عندنا و أسافر بس داخل سويسرا يعني جنيف..بيرن..انترلاكن...لوزان و..و..و بأذن الله ما هكون وحدي لاني ما احب اسافر وحدي...و بس يعني هيج مقرره بس الله اعلم شهيصير....


لوليتا :sdgdsg:

زهرة الربيعين
05-14-2006, 03:28 PM
مرحبا حبيباتي شلونكم ان شاء الله زينين ...مشكورة حبيبتي نداوي على كل شيء سوتيه والج بوسة جبيرة مني على ذالك ..بس عاد ضجد كلما اريد انزل وما ينزل وبالتالي خربت هيوني وكات ما يحوجلي بعد....هههههه
لوليتا عيوني ان شاء الله تكضين وكت حلووسعيد............مرحبابيج يافراشتنا الجديدة الملكة الحسناء ومنورة الملف...
شعولة الدلوعة هلابيج حبيبتي تعالي كل يوم واتعلميلج كلمة عراقية واذا تسويها 2 بعد احسن ومشكورة على حبج للهجة
شهودة حلوة هاي منج ..(راح نبدا التحقيق )................مسك حبيبتي اني دا اتشاقة وياج......توحة حبيبتياحنة دا ننتظر التحقيق
....وبالنسبة ليه اني فرحانة هواااية بوجود عمتي وولادها ياسبحان الله بنتهة تخبل الواحد عمرها 11 سنة بس ما شاء الله كلتها علوا اني جنت ولد.............رد ابن عمتي وكلي هم زين اني مو ولد كتلة ليش ؟ ضحححححححححك ؟
عندي الكم خبر حلو بس ماراح اكللكم هسة لان استحي عمتي فاتت الغرفة ...
ياالله باااي ياحلوات

shehd
05-14-2006, 04:25 PM
هلوووو بنات
يله تفضلو حبايبي الكيكه صارت جاهزه
لوليتا حبيبتي من عيوني شنو تشتهين بس كولي والله .. وسفرة سعيدة عيوني بالنسبة الي نفس الشئ السنه نسوي جوله هنا بالسويد
مسك شنو هاي ووووين مختفيه عيوني
زهرة الربيعين انشاء الله دوم فرحانه عيوني بوجود الاهل والاقارب .. بس تعالي بسرعه كوللينه الخبر الحلو خلي نفرح وياج حبيبتي
يله باااي

نداوى
05-14-2006, 05:06 PM
مرحبا ياحلوات اشلونكم ان شاء الله بخير

بنات وامهات المانيا اليوم عيد الام كل عام وانتو وامهاتكم بالف خير , انا اطفالي اشترولي البارحة باقة ورد وابوهم اشترى لي عطر وخلاهم يقدموه الي اليوم مع الورد.... يوسف رسملي صور وزينها وقدمها لي وحدة من الصور رسم ولد يقدم وردة لأمه وقال لي هذا انا وهذه انت وكتب على قميص الولد الي بالصورة I lave you .... انتو شسويتو >


البارحة كنت مستعجلة على السريع كتبت رد وطلعت لأن زوجي قال لي خلال اربع دقايق اذا ماكنت جاهزة راح اروح وما اوصلج السوق , لحسن الحظ كنت لابسة ومتحضرة بس الايشارب ناقص و فكتبت بدقيقة وثلاث دقائق تحظرت ( شفتو حكم الرجال ) .... المهم رحنا ل( تويز ار اص ) اشتريت اغراض لدلوعة ويوسف وحمودي كل واحداختارله لعبة حتى ما يضوجوني لأني رحت محل ثاني اشتريتلي ملابس .

شعلولة الدلوعة مرحبا بيك بيننا .... اذا على الكلام العراقي اتدللي , احنا بعد مثلكم بالسعودية عدنا عدة لهجات يعني كلام اهل الموصل يختلف عن اهل بغداد والجنوب عدهم كم كلمة غير يعني مثل الفرق بين كلام اهل الرياض واهل القصيم .... شفتي اني بعد اعرف اشياء كثيرة عن السعودية وامنيتي ازورها , وان شاء الله ازورها .

الملكة الحسناء يامرحبا بيك بيننا اختي , معانا اخت بصراوية ثانية هي منى بس ساكنة المانيا ....
اشلونج اختي واشلون اهلنا بالبصرة الله يكون بعونكم وبعون اهل العراق كلهم , واشلون الامن عدكم هذه الايام
ان شاء الله اردلك على رسالتج الي ارسلتيها الي بس لأني هسة جالسة وبنت الصغيرة دا توصوص يمي , يوم الألج الله يرزقج بالذرية الصالحة .... سوي مثلي انا من اول شهر حملت بطفلي الاول .... ناس مستعجلين نخلص شغلنا اول باول خخخخخخخخخخخ . منتظرات تواصلج معانا

عزيزتي توحة انا البارحة رحبت بيج بسرعة ماكملت ( بسبب زوجي ههههههه) ... ايه شفتي شهد اشلون اخذتج حاصل فاصل لحكي خبريها الي رادته ... ترى هذه ورطة ويها خخخخخخخخخخ .

شعودة عيني اشلونج ..... هنيال والادج معشمتهم بالكيك وجالسة مقابيل الكمبيوتر هههههههه ( شنو القصة اليوم شادة عليج خخخخخخ) شسوي ماكو احد اخبث وياه الاطفال مع صديقهم بغرفة الاطفال يلعبون ودلوعة ما اقدر اخبث معاها اني اكلها .... هي الي تخبث ويايا ما يحلالها تسويها تحتها :10_14_3[1 الا بعد الثلاثة بالليل
اني ما اسوي معجنات اشتريها جاهز ما الي خلق , اشتري جاهز , البارحة اشتري معمول من جارتي يسويها زوجها وطيبة هواية .... مني تريد خخخخخخخ

مسك عيوني وين مستعجلة يواش يواش لاتركضين لا توكعين هههههههههههه

زهرة الربيعين ... الحمد لله على سلامة عمتج واولادها ,,...... اكول هو شكبره ابن عمتج :sgsgf: .... طيب خليه هو ينزلج التوقيع اذا ضجتي .... لاتستحين هو مثل ابن عمتج :fdse: :frasha12: .... سلميلنا على عمتج بس ماخبرتينا وين كانت عمتج , اقصد باي بلد ؟؟
يالله روحي ساعدي امج وسوولهم اكل طيب واتذكريني خخخخخخخ

لوليتا .... روحي كل مكان بس لا يم البحيرات لايصير بيج انفلونزا الطيور ههههههه , انا هذه السنة حتى البحيرات كنا نروحلها بعد مانروح , يعني حدنا المسبح الاطفال ينزلون يسبحوا واني اتفرج واتحصر :cry: لوما دلوعة كان رحنا دولة عربية , طبعا الدول العربية اطيب كثير من الدول الاوربيه والامريكية بالنسبة الي على الاقل .

يالله باي

Lolita22
05-14-2006, 07:01 PM
زهرة الربيعين هاي وينج و الله شوقتينا نريد نفرح ويااااااااااااج بس لا يكون الي ببالي :fdse: :fdse: ههههههههههههههههههه يالله فرحينا بسرعه

شهد و الله اني غرت منج هسه دا اسوي كيكه بس اني اصلا جنت ناويه من يومين و اشتريت الغراض لان اريد افاجأ ماما و اسويلها شي بسيط بمناسبه عيد الام..كل سنه و كل امهاتكم بخير يااااااااااااااااااااااااارب...اشتريتلها شي بسيط و غلفته و ان شاء الله شوية لخ بس تجهز الكيكه و الشغلات اقدملها الهديه جان نفسي اجيبلها ورد بس اليوم أحد يعني ويك ايند و ماكو محلات مفتحه بس هم هجيبلها باجر ان شاء الله...

نداوي ..كل عام و أنتي بخير يا ماماااااااااااا >>الي يسمعها يكول يا عمري عمرها 5 سنين خخخخخخخخخخخخخخخ....لا تخافين انطوني ابره خخخخخخخخخخخخخخخخخ لا يمعوده يا بحيره و لا اصلا عارفه وين اروح قاعده افكر و اصلا مدا اكدر اخطط الا لما يجون الجمااااااااااااااعه باذن الله ادعيلي من يمج :frasha19:



يالله سلام :sdgdsg:

توحه2005
05-14-2006, 08:46 PM
شلونكم يا احلى فراشات
اول شئ احب ارحب باختنا توحه واكولها نور المنتدى بوجودج ويانه والحمد لله زادو بنات السويد صرنه 3 :de11 توحه عمري حنبدي التحقيق وياج بس لضوجين يعني هي شويه اسئله منين من العراق وبأي منطقه تسكنين هسه وشكد عمرج ووالمهنه شنو طالبه ربه بيت موظفه يعني من هاي التشكيلة مال الاسئله هههههههه
ثاني شئ احي اسلم على كل البنات ويانه
وثالث شئ واهم شئ اكوووووول اشو حنونه ماكو صارلها فترة شنو القصه ؟؟؟؟
يله عيوني الكيكه حتحترك اليوم الجهال خبصوني يردون كيكه سويتلهم والله العظيم اعرف مراح ياكلوها بس يردون ايتعبوني ومكابلين الفرن هسه وكاعدين
باااااااااي





شكرا حبيبني هذا بس من ذوقج والمنتدى منور باصحابه واني حاضره للتحقيق هههههههههههههه
اني عايشه بستوكهولم صارلي 10 سنوات واخخخخخخ واني اصلا من بغداد وزوجت ابن عم امي هو كان
عايش بالسويد من الثمانيات وصارت القسمه بس جانت لاعلبال ولا على الخاطر والحمد لله زوجي انسان طيب
ويخاف الله ويحبني ههههههههههه بلا حسد واني عندي ثلاثه اطفال البجر بنيه وولدين البنيه اسمها نورجان
ومصطفى ومحمد والحمد لله مرتاحين بس احن على بغداد وايام الدراسه وصديقاتي اني مخلصه تجاره بس متوظفت وهسه اني كملت الدراسه بالسويد وطبقت ودابحث عن عمل لانه هنا ميخلون واحد كاعد وبالاحرى
بحاله اجباري دراسه تعلم اللغه وشغل واولادي بالمدرسه نورجان عمرها 10 سنوات ومصطفى 8 وحمودي5 بس بعده بالحضانه وماشي حالنه يله دوختكم بس لازم شاسوي طلبوا مني تحقيق كامل ههههههههه
وشرفت بمعرفتكم

اختكم توحه

shehd
05-14-2006, 09:06 PM
هلووو عيوني فراشات
وكل عام وكل الامهات بالف خير بس اشو احنا من زمان صار يمنا عيد الام شنو القصه يا جماعه اني بيوم عيد الام خابرت العراق دا اكول الماما كل عام وانتي بخير كالو قبل اسبوع جان عدنا عيد الام وهسه انتو معيدين شنو القضيه والله دخت هو مو يوم واحد لو شنو ؟؟؟
على كل حال كل عام وامهات العالم اجمع بالف الف خير والام ميحتاجلها يوم حتى انكولها بيه كل عام وانتي بخير او نبين حبنا الها لان هي كل الايام ايامها الله يحفظ امهاتنا يا رب
تعرفون اني مرات اصفن على نفسي اكول ويه نفسي هو اني يرادلي ماما شلون اني صرت ام هههههههههه يله كبرنه بعد
بالنسبه للاخت توحه كل الهلا بيج حبيبتي الله ايخليلج اطفالج وزوجج يا ربي واني هم بالسويد بس مو يمج اني بلينشوبنك صارلي تقريبا 6 سنوات وعندي 3 اطفال
بس تره والله اني دا اشاقه بنات لا تحقيق ولا شئ بس ردنا نتعرف مو اكثر :frxxagir خجلتوني شنو هاي صرت حمره طماطة ههههه
لوليتا عمري بالعافيه الكيكه مقدما وكل عام والوالدة بخير واني الجماعه اكلوها وهسه الثانية بالفرن والله لان كام يبجون يردون بعد لان سويتها ام الكاكاو وشلون الجهال ابد ميحبون الكاكاو عيني ابد مأكلوا منها
اصلا اكلوا اصابعهم وراها ههههههههه كافي عاد زودتيها مو الهلدرجة عيوني خخخخخخخ
نداوي يا نداوي هاي شبيج ويايه :dfre: حغني ... شنو اليوم اشو كالبه عليه ماما نداوي :10_9_132[... اوكي لعد ما انطيج كيكه
اكوووول بنات اشو زهرة الربيعين اختفت يله نريد نسمع الخبر وينج عيوني زوزو :dfr3
يله حبايبي اروح هسه لان ابني ايريد يكعد على الحاسبة وخبصني هاي ليش هيج نداوي ليش هيج اسوين بيه انعديت منج واكفين على راسي
بعد ما اعرف اكتب
ههههههههه
بااااااااي

sarah_s
05-14-2006, 09:15 PM
هلووووووووووو فراشات شلونكم ارحب بجميع الفراشات الجداد حبيبتي نداوي شلونك ومسك وشهد والجميع انا رح انشغل بالدراسه خلص بعد اسبوعين امتحانات النهائيه فبروح وقتي بالدراسة ادعولي ..............

زهرة الربيعين
05-15-2006, 02:25 AM
مرحبا حبيباتي شلونكم ان شاء الله زينين وكل عام وانتو بخير يارب وان شاء الله احنة هم نصير امهات آمين يارب

زهرة الربيعين
05-15-2006, 03:02 AM
مرحبا ياالغاليات شلونكم ان شاء الله بخير ترة هاليوم ادمرة والله واني بس اكتب وارسله لكن يطلعلي رسالة ادارية يطلب بتسجيل الاسم وكلمة المرور او انو اني تم وقفي من الادارة والله راح انجن هاي جم مرة اتصدكون 5 مرات اكتب ويطلعلي هيجي بس كلت لا لازم اروح واكللهم على الخبر مع انو اني تعبانة هوااية عيوني دمعو ورقبتي التوت ههههه يلا خلي نبدي
نداوي حبيبتي شنو تريدين اكلة على موضوع التوقيع اولي حتي يكول هاية مطفية وطابكة ابصفحة خخخخ
لوليتا حبيبتي ان شاء الله دائما اذانكم تسمع الخبر الحلو ..والمثل يكول ياخبر هاليةم بفلوس باجر ابلاش هههه
يومة شهودة حبيبتي اني ماختفيت والله الخبر بعد تازة بس ما شاء الله فراشاتنامثل ما يكول المثل ..يفهموهة وهية طايرة حححح...توحة حبيبتي اشكرج واسفة دوختج بسالفة المسج والله يخليلج ولدج وزوجج ...مسك عيوني دا اتشاقة وياج ..هههه
وياسارة ان شاء الله تنجحين ابتفوق.....وهسة نجي على الخبر الحلو

نداوى
05-15-2006, 11:14 AM
صباح الخير ولو قسم منكم عدهم هسة الدنيا ظهر , بس ما يخالف ظهر الخير خخخخخخخخخخ

اشلونكم اليوم ان شاء الله بخير
قصتي اليومية مع دلع خاتون ماترضى تنام بتختها , ونامت بالكرسي الهزاز , من هسة دا تهز خخخخخخ

لوليتا منو قالك انا ماكبر امك هههههههه بس لاتقولي لأحد , اصلا انا اكبركم كلكم ولازم تقولولي ماما خخخخ
شفتي وحدة صريحة مثلي ههههههه انا فوق الثلاثين بكم شهر بس ما راح اخبرك لأنهم كثير ما اقدر اعدهم ههههههه . بس عمايلي مالت اصغر من اصغر وحدة بينكم هههههه واحكي الج حتى تصدقي

بنت صديقتي عمرها سنتين ونص كل ما اشوفها اكللها كلمة وسخة ( مع العلم هذا ما طبعي بالكلام ) بس حتى اعصبها للبنت فتصرخ وتقول عيب , يعني الموضوع بس حتى اعصبها وتصرخ خخخخخخ شفتي الكبر , مرة جالسة بحظن ابوها وابوها دا يحجي وية زوجي ومشغول انا اشرتلها وحركة شفايفي بالكلمة , البنت طبعا صرخة بعلو صوتها وبعصبية عيــــــب وتصوروا منظر ابوها والجفلة الي جفلها من بنته , طبعا من جفلته صرخ عليها وظربها خطية انا خربت ضحك لما شافوني اضحك عرفوا انا السبب , فزوجي بكل هدوء كله تحسب هاي كبيرة والله اصغر من بنتك ههههههه

اشلونج توحة ..... حبيبتي طبعا يحبج زوجي ... مثل زوجي لأن عاشروا الاوربيات وشافوا الفرق بينا وبينهم لو يشعلولنا العشرة شمع مايوفونا دلالنا الهم هههههههه .
بس تعرفي بخصوص الشغل انا ما احب الشغل انا بيتوتية . ابقى الى ان يبعثوا ويطالبوني بشغل اروح احبل واكسب اربع سنوات كعدة الى ان اكبر خخخخخخ , مرة دا تخبر الموظفة زوجي انه ليش ما اشتغل فضحك زوجي كال هسة وفروا وظايف للي ايريدون وجالسين يتمنون اي شغلة وبعدين شغلوا زوجتي .

شهودة شلونج راح انسميج شهد ام الكيك خخخخخخخخخخ ... اكول مايهمني لاتنطيني كيك طعميني كليجة خخخخخخخ ..... هاي شنوا تضكين على اولادج تطعميهم كيك حتى لاتطبخين خخخخخخخ
البارحة كان عيد الام اجو صديقاتي عراقيات ثلاثة وحدة منهم ماخذة الجنسية الالمانية جديد اول ما دخلت هنيتها فكامت تتشاقة وتقول اي اليوم عيدي انا موعيدكم انا المانية فضحكت اني وقلت انا ام الالمان , قلنالهم انتو مو المانيات ما نعيد عليكم هههههههه .

سارة حبيبتي اشلونج ان شاء الله بخير , ركزي عيوني على دروسج صدقيني راح تجيك ايام تحنين على ايام الدراسة , وبعدين احنا نريد نتباها بشهادتج .

زهرة الربيعين ..... اشلونكي واشني هذا اسلوبكي بنقل الخبر ولاخبر تشكيل الحكومة العراقية هههههههه
حبيبتي بخصوص ابن عمتك والتوقيع هذا بس تصجيم بس افتهمتينو اكيد خخخخخخخ .

منى عيوني هاي وين مختفية الجو وتغير وبردت الدنيا وين رحتي انتي هههههههه


البقيات وينكم منتظراتكم تخبرونا اخر اخباركم وتشاركونا بتفاعل هههههه حلو هاي بتفاعل

يالله باي اكوم انظف عندي موعد وية الطبيبة اسوي فحوصات عامة . اشوف كم مرض وصلني هههههههه







.

الملكة الحسناء
05-15-2006, 01:22 PM
مرحبا فراشات العراق
حابة اتعرف عليكم واشارك وياكم ممكن تقبلوني

زهرة الربيعين
05-15-2006, 02:24 PM
مرحبا حبيباتي شلونكم الكل انشاء الله بخير..الملكة الحسناء حبيبتي انت منة وبينة يعني من اهل البيت...نداوي حبيبتي شوية شةية علية.والله البارحة مانمت الى 4 الفجر بس اكتب ويطلعلي الرسالة الادارية ..المهم اني راح اكللكم ومستعجلة حيل.ياالله خلي نبدي عمتي ساكنة ابرطانيا وعدهة ابنية ولدين الاول والمهم عمره 27 سنة ومخلص دراستة ويشتغل بسوبر ماركد مالتة بس المحل صغيرون ..ومن اني وصغيرة 12 سنة عمتي حجزتني لابنها وكالت بس يخلصون الجامعة انزوجهم بس بعده سافروا واني ظنيت انهم نسوا الومضوع وهي كالت اني راح اجي سفرة دحكو اشون وحدة حححح اشو من اول يوم كالت احنة جاين على مود زهراء واني فرحت ادعولي بالتوفيقو باجر العقد ...يلا باي

الاَم الحنون
05-15-2006, 03:43 PM
هلا فيكم فراشات اني موعراقيه بس حبيت

اني اكون وياكم في هل ملف واحجي وياكم

الام الحنون

Lolita22
05-15-2006, 04:20 PM
الأم الحنون الف هلا و مرحبا فيج ويانا و نتشرف بوجودك يا قمر...

زهراااااااااااااااااااااء تعالي تعالي يا عقد يا بطيخ قوليلنا شنو القصه صارت صدق؟؟الف الف الف الف مبروووووووووووووووووووووووك و ان شاء الله يتم كل شي على خير و تفرحينا بالخبر اليقيييييييييييين<<<<مثقفه عود :sfsfsf:


الملكه الحسناء مثل ما قالت زهوره انتي منا و بينه يعني ما يحتاج سؤال يا قلبي :11_2_104[


نداوي احم احم قصدي ماما نداوي<<< دتصغر بروحها يعني :frasha19: لا و الله اصلا بعدني عنونه عمري 23 و المصيبه انو امي تصغرني بعد اكثر كلما احد يحجيلها عليه تقول لا بنتي صغيره ما تفكر بالزواج من حبها الي ما تريد تخلص مني <<< لا بالله :frasha12: الموووووووووووووهم ما تشوفين شر و ان شاء الله ما جايج اي مرض بس اكيد الفحص الدوري مهم كل 6 شهور...خخخخخخخخخخخخخخخخخخ اتخيل شكلج و انتي تداهرين الصغيره و هي تقول عيييييييييييييييييييب :ghjgjh: و الله فطست ضحك و اني دا اقرا شكتبتي

سارا الله يوفقج حبيبتي و تخلصين الامتحانات على خير و تنجحين بدرجات تشرف و تستمتعين بالعطله ياااااااااااااب....

احلى سلااااااااااااااااااااااام ل توحه من جديد :11_1_120[


و ما عندي اخبار جديده بس الملل مطفشني من الضوجه حاسه حالي مشغوله ب ايش ما اعرف هههههههههههههههههههههههههههه بس كل شي عندي واقف تنفيذه الى ما اعرف شوككككككككككككت !!!!


سلام يا حلوات


لوليتا :sdgdsg:

زهرة الربيعين
05-15-2006, 04:53 PM
مرحبا ياحبيباتي شلونكم...........حبيبتي لوليتا مشكووووورة وعقبال يوم النفرح بيج يارب ..تدرون انو اني منظري يضحك..هههههاه ..لان كبل ما تجي عمتي جنت اكعد على الكومبيوتر ابراحتي وادخل المنتدى عادي بس هسة لا اكعدلي بالخبوية اكللهم راح اروح اغير ملابسي وابدل بسرعة حتى مايشكون واقفل الباب وافوت المنتدى اكتبلي كم كلمة واروح او اكعد على يه بعد ما الكل ينامون حححح وللللي هية بنت عمتي دا دك الباب :ghj: بااي ياحلوين

نداوى
05-15-2006, 06:03 PM
زهراء
كللللللللللللللللللللللللللللوش
الف مبروك مقدما ...... وشايفي الف خير

ياويلكي اذا نسيتيني من شكر العقد خخخخخخخخخخخخخخخ
تاخذينوا معاكي على بريطانية وتبعثينوامن هنوك
اغشعتي المواصلة على اصلم هههههههههههههههه
انا عبالي القصة بعدها اعجاب اثاري الدولمة استوت واحنا ما هوني خخخخخخخخخخ


( اموت واعرف بقية العراقيات يستوعبون الي اكتبوا لزهرة الربيعين)

Lolita22
05-15-2006, 06:28 PM
اي و الله اني احب الدولمه<<<<عود افتهمت يعني خخخخخخخخخخخخخخخخخخخخخخخخخخخخخخ يعني هسه اذا حجيت بالكردي ويه وحده كرديه هتفهمون لا تخلوني اقلب تره هههههههههههههههههههههههههه على عنادكم !!! :frasha5: :frasha5:



لوليتا :sdgdsg:

shehd
05-15-2006, 06:56 PM
طريق طريق
ام الكيك وصلت :7_13_16[1

الف مبروك عيوني زهوره وانشاء الله يوم الولد الصالح ما اعرف اهلهل جان هلهلت بس اسمعوا هاي الهلهوله لعيون زهراء كلللللللللللللللللللللللوووش .. اي نداوي شفتي القصة مستويه ع الاخر واحنا ما هوني عبالنا بالبدايه :8_8_18[1] .. المهم حبيبتي زهراء شايفه كل الخير بس مو تزوجين وتنسينه

نداوي عيوني اني افهم عليكم لان كتابه بس لو اسمع اثنين يحجون مصلاوي ما افهم شئ واسم الله عليكي من الامراض لا اتكولين هيج عيوني انشاء الله دوم بصحة وسلامة
لوليتا شنو هاي اثنين يحجون مصلاوي واثنين كردي واني وين انطي وجهي بشرفكم لا عفيه خلونه على العربي وانشاء الله يوم النفرح بيج حبيبتي
الام الحنون نورتينا والله واهلا فيج اخت عزيزة وانشاء الله تستمرين معانا وانشوفج دوم ويانه منورتنا

الملكة الحسناء حبيبتي اكيد يسعدنا وجودج ويانه وانشاء الله دوم منورتنا
( اكول بنات نبدي تحقيق وياها لو عيب :dfrf: ) ههههههههههه دا اشاقه والله
ساره عيوني كل الهلا بيج وموفقه انشاء الله بحياتج ننتظرج اتخلصين امتحانات وترجعيلنه بالبشاره اوكي عيوني
بناااات شنو قصه حنونه مااااكو مختفيه
ومسك عيوني طمنينه عليج وعلى عمتج وابنج شلون صارو
هواااي اكو بنات مختفيات انشاء الله المانع خير يا ربي
بغدادية ودلوعه عزوز هم ماكووو :dfrf:
يله انشاء الله يرجعولنه بالسلامة
باااااااااااااااااااي
اروح ابدل الحك على العقد مال زهراء ههههههههههه

فراشةحنونة
05-15-2006, 11:56 PM
مساء الخيرات...
مليوووووووووون مرحبا بكل عراقية وغير عراقية انضمت للبيت ...
بس اني اريد اعتب عليكم يا بنات البيت وخواتي المفروض ..
يعني معقولة معقولة معقولة اني غايبة صار فترة ومحد سال عني ابد؟؟؟؟؟؟؟؟؟؟؟؟؟؟؟؟؟؟؟؟
ولا وحدة كلفت روحها وكالت وينها عاشت ماتت بيها شي ما بيها ؟؟؟
بس حبيبتي واختي الغالية الوفية (((شهودة ام مصطفى))))!!!!؟؟
بلة ما فكرت وحدة بيكم تكول وينها؟؟؟شبيها؟؟؟
نسيتونيييييييييييييييي؟؟؟؟هم ميخالف بس عالاقل من دتجون تفتحون الملف ما قريتوا بصف الموضوع اسمي؟؟؟
مسج حرااااااااااام؟؟؟؟هوايةةةةةةةةةةةةةة؟؟؟
تخافون على اصابعكم؟؟؟لو شنو؟؟
شكد بنات ما اعرفهم مجرد يدخلون الملف يقرون سوالفنا الف مسج دزولي يسالون وين اني وخير ومن كل الجنسيات..
وانتو خواتي ولا يمكم الموضوع؟؟؟
شهودة تسالكم وينها؟؟؟ولا وحدة كالت اي والله صدك وينها؟؟؟
خذلتوني وقهرتوني حييييييييييييييييييييييييل....واني اللي جمعتكم ونسيتونيييييي؟؟؟؟
واااااااااااااااااااااااااااااااااااااااااأأأأسفاا ااااااااااااااااااااااه...

Lolita22
05-16-2006, 12:18 AM
فراشه حنوووووووونه تره لا تكبرين السالفه هأكره روحي و الله :dfs: لج أنتي الاصل يمعوووووووووووووووده أنتي الخير و البركه و الله يا حنونه انتي ام القلب الجبييييييييييييير يعني مهما سوينا لازم تسامحين لانج كبيرتنا و الله الشاهد حبيبة قلبي و لا تزعلين حقج عليه و اذا ما سألنا مو معناها ما نفكر فيج بالعكس انتي بالقلب حبيبتي :sddhgh: :sddhgh: :sddhgh:

لوليتا

زهرة الربيعين
05-16-2006, 01:26 AM
مرحباياحلوات اشلونكم انشاء الله زيني هسة خلالي الجو وراح احجي براحتي ....حبيبتي وقلبي حنونة لاتزعلين ترة زعلج علينا بيموتنا هااا ومثل ماكالت لوليتا انت الاصل والخير والبركق يعني اني قلب الملف والله حبيبتي:11_1_20g[ اني جم مرة سالت نفسي كلت اشو ماكو ودايما اكول انشاء الله بخير...والله الشاهد وحتى اكو ل وينهة بهار وينهة ام سيدرا ..صحيح اشو همة ماكوا انشاء الله يكونون بخير بس حبيبتي اذا ماينذكر اسمج مو معناهة انو نسيناج ترة هسة كل وحة منة تسال بقلبهة ليش ما امبينة .....مشكورة نداوي و شهودة عالهلهولة الحلوة .وتسلمون يارب...وياريت جنتو هنا حتى اوصللكم العقد..
الام الحنون هلا بيج ويانة اختي..............اولوليتا حبيبتي انت تعرفي تحجين كوردي ؟؟..وادعولنا باجر يكون الوضع زين وما اشوف :12_1_112[ ياالله تصبحون على خير :7_11_611[

نداوى
05-16-2006, 02:01 PM
السلام عليكم ..... حي الله النشميات ..... اشلونكن .... وشنهي اخبارجن خخخخخخخخخ ( وحدة دا تخرف )ههههه

اليوم زوجي ماخذ اجازة ومرابط وهسة يالله رحمني وخلاني اجلس شوي .....

حي الله ام بدور ... هاي الى هسة عايشة ؟؟.... اني كلت اتوهمتي بمطار بغداد بدل ما تجيبي جنطتج جبتي عبوة ناسفة وفلسعتج خخخخخخخخخخخخخ ,, ( بعد الشر عنج )
بس شني هذا ماخذتنا حاصل فاصل , بدل ما تعتذري عن غيبتج الطويلة وتقدميلنا اسباب الغياب وعندج اجازة عادية او مرضية والاّ لا حتى نشوف نسامحج والاّ لا ....... جيتي تعركتي وطلعتي .... ترى اذا عندج لسان انا عندي 7 لسانات هههههههههه , ولج مصلاوية اني شي خلصج مني خخخخخخخخخخ .
لا بجد والله انت على البال وبقيت الخوات بس تعرفيني انا ما احدد حتى لا ازعل احد مني , وانا عاذرتج الله يكون بعونج هم عندج طفلة وحامل . وبعد رجعت العراق مايعجبج تعملين اي شئ , انا بصراحة هذا الي كان يصيرلي لما اسافر وارجع الى بعد سبوعين ثلاثة يالله ارجع لطبيعتي .


الام الحنون .... يامليون هلا ومرحبا بيج بينا , ولو يتغير عنوان الملف كان كتبنا ملف العراق وحبايبهم . منتظرات تواصلج معانا .

لوليتا طلعتي كردية واحنا ما نعرف زين ما جبت طاريكم اني كانت جاراتي كرديات من اهل العمادية , وكنت دائما استفزهم كلما يجون اكللهم سمعتوا اخر نكتة عليكم طبعا احكيها يتنرفزون ويضحكون بنفس الوقت بس ما يزعلون لأن يعرفون قصدي شريف خخخخخخخ حلوة هاي قصدي شريف , ومرات ارضيهم احجيلهم نكتة علينا اهل الموصل .... واحجيلج وحدة منهم

يكولج واحد من بغداد جاي للموصل عطش , دك باب وطلب من امرأة كلاص ماي , بعد شوي طلعت وجابتله طاسة لبن ( شنينة ) شربه الاخ وهو مستغرب انطاها الطاسة وسألها كال الها بصراحة اني كنت سامع غلط عليكم اهل الموصل انو انتو بخلاء وما تضيفون احد , طلبت ماي جبتيلي لبن
جاوبته المرة ... كالتله ... لا بصراحة اللبن وكع بيه بريعصي واستحيفت اكبه كلت تشربه بدل الماي .. خخخخخخخ
بس لاتصدقون والله احنا اهل الكرم وزورونا وشوفوا لنموتكم جوع خخخخخخخخخخخخخ :sfsf:
لوليتا تعرفي انا عقد زواجي كان بالشمال والقاضي طبعا كردي من ظمن الكلام الي قالي اردد وراه , بمقدم قدره كذا ,,,, وكذا مسقال زهب , بصراحة جتني الضحكة بس الله ستر لأن زوجي نزل عيونه للأرض والاّ لو كان بس باوعلي جنت خربت ضحك ما بس على الكلمة علي اشلون راح اقولها مثله والاّ مثل مانقولها ههههههه .

الملكة الحسناء ... اشلونج حبيبة ... شو تدخلين كلمتين وتنهزمين ...... ارجعي وتواصلي معانا ترى تبلشين وية شهد تكعد تسويلج تحقيق وانت ماخالصة كافيكم البيكم يااهل البصرة . ههههههههههههه .

شهد عيوني ام الكيك اشلونج , تعرفي عناد بيج اروح اشتري اغراض كيك وادز على بنت صاحبتي تجي تسويلي انا بصراحة اتكاسل اسوي , تريد اسويلها صورتها بالفوتوشوب مع رياضي الماني بعد ماسويت صورها بديكورات حلوة . وبعدين ولا اتديرين بال اعلمج مصلاوي ونبق بق سوى خخخخخخخخخخ
شكرا حبيبتي على السؤال , تعرفي طلعت الممرضة ماشايلتلي عقد الخيط مالت العملية والطبيبة انطتني موعد ثاني اسبوع الجاي تشيلها لأن توجع تراكم عليها مثل الجراحة وجلد ميت , وخايفة من هسة :dfre:


زهرة الربيعين من تعقدون خبرينا , ما كلتينا يجي القاضي للبيت والاّ تروحون المحكمة ..... ديري بالج ما بس من المفخخات لا لايخطفوج حتى لاتسافري ههههههههه , تعرفي اني لما رحت العراق شافني ابن خالتي طبعا مثل اخوية , مسكني كدام زوجي وكال ضلينا ندافع عن الماجدة العراقية وبالاخير الماجدة العراقية ضربتنا بوري وطلعت للخارج وخلتنا احنا ناكل (...... ) . فضحك زوجي زكله واكو عاقل يمش ورى ماجدة وعراقية هههههههه

انتو البقيات وينكم عناد بيكم ماراح اذكر ولا اسم ههههههههههههههه
يالله باي اروح اشوف شسوي غدا حتى خبز ما عدنا وزوجي من الصبح كاعد مقابيل الكمبيوتر وهسة تعب وراح نام , ويكعد يريدله غدا , بالله شسويله هسة :sdfsg:

Lolita22
05-16-2006, 05:45 PM
هلا هلا و الله بالماجدات العراقيات هع هع هع هع هع شلونجن على قولة نداوي...لج نداوي جنت ناويه اجي يمج بس هسه خلاص اخاف تشربيني شي واكع بيع بريعصي لو تمساح يمعوده اني كلشي و لا الحشرات هههههههههههههههههههههههههههههههه اكوللج شي مره جنت بالحمام دا اخذ دوش ف كملت وخرت البرده أريد اخذ المنشفه ولا اشوفلج صرصور (( صرصور سويسري يعني مو مثل الي عدنه بالعراق هو الي يركض وراج من انتي تركضين وراه خخخخخخخخخخخخخخخخخخخخخخخخخخخخخ)) يعني صرصور صغير بس اني ما اشوف صغير او جبير المهم صرصور و لا اشييل الشامبو و الكريم و كل شي قدامي و طااااااااااااخ طريييييييييييخ عالحايط و ويه كل ضربه اقول يووووو ياااااااااااااااااااا من الخوف قلبت جاكي شان :sfsfg: :sfsfg: و أمي تصيح من ورا الباب شبيج شكو شصاير و اني من كثر ما مندمنجه بالقتال العنيف و لا اسمعها ل امي بالاخير ما اعرف شلون طلعت من الحمام و صايره كركممممممممممممممممممم صفرررررررررررررره من الخوف :frasha19: و الله اموت عالحيوانات و ما اخاف من اي حيوان بس الحشرات مستحييييييييييييييييييييييييييل...اي يابه ضحكو شكو عليكم فلم هندي و بطلته لوليتا :7_1_115[1

ضحكتيني على سالفة المسقال خخخخخخخخخخخخخخخخخخخخخ الكراد مبينين من يحجون عربي اني من يمي اضحك بس يمعوده مو زين اكو كومه عرب ما يعرفون كلمه كردي<<<<مو عنصريه :sfsf:

زهرة الربيعين عروستنا حبيبة قلبي أني مو اعرف احجي كردي اني اصلا كرديه بس انولدت بالاعظميه و عشت بالمنصور يعني الشمال جنت اروحلها بالعطل الصيفيه ويه أهلي و يومين و اقوللهم يالله نرجع لبغداد خخخخخخخخخخخخخخ ما اعرف أحس روحي بغداديه..أحب الشمال (( ألسليمانيه و أربيل )) و أتشرف اني كرديه بس روحي ب بغــــــــــــــــــداد...و الله عيب اقولها بس كلما تعصى عليه كلمه احجي بالعربي ابويه يكوول هالله هالله بالكرديه البغداديه و أني اصير طماطه :frasha12:


المهم شصار بموضوعك<<<فضوليه خخخخخخخخخخخخخخخ


هاي وينكم بنات اشو تدخلون كلمتين و تطلعون....

نداوي شسويتي غدا؟؟ اني الحمد لله اليوم على ماما الله يخليها الي ياااااااااااااااااااااااااارب و اذا اتزوجت عوووووووووووود هو خليه يطبخ 4 ايام و اني يوم و او اثنين و يوم ناكل بره<<< أبقي قابليني يا سوسو ...منو سوسو خخخخخخخخخخخخخخخخ :sfsfsf:

يالله سلام


لوليتا :sdgdsg:

زهراء1977
05-16-2006, 05:54 PM
انا من بغدادعمري 29سنةمتزوجةوعندي ثلاث اطفال اقيم في الاردن منذ سنة ولم ارى اهلى منذ ذلك الوقت وانا مشتاقة جدا لبلدي خلصت الدراسة الاعداديةوتزوجت .الله يخلي صاحبة هذي الفكرة لان تعرفون يابنات الللي يسافر ويتغرب موسهلة خاصة اللي ما متعود ويحتاج يحجي مع اهل بلده ادعو من اله يفرج عن العراق الحبيب

sarah_s
05-16-2006, 06:56 PM
هلو فراشات شلونكم نداوي ولج احبك اموت عليك وعلى سوالفك صدق تفقعيني من الضحك ضحكتيني على قصة الزواج ودمك خفييييييييييييييييف عسل (لاتزعلون) تصدقون هاي احلى مرّة ادخل واقرأ بيها سوالفكم صدق انبسطت كثييير والله على الاقل الواحد يشعر بلمت بنات بلده اللي يفتقدهم الله يرجع العراق أمييييين ...... شهوده حبيبتي شلونك ايش اخر كيكه سويتيها ؟
زهوره عيوني الف الف مبروك والله يتمم على خير وعقبالي وعقبال خواتي قولوا امين ترى اللي عندها عريس لاتبخل علينا بيه خخخخخخخخخخخخخخخ لوليتا حياتي قرات معاك فيلم اكشن حلووووو ضحكتيني تصير مدافع وقتالات داخل الحمام .......
امنـــــــــــــا الحنــــــــــــنونه لاتزعلين كوني احسن منّا على قولة نداوي ما عطيتينا سبب الغيبه حتى نشوف الحق علينا لو عليش ..............زهراء حبيبتي الف هلا ومرحبا بيش ...... صدق الفراشات الباقيات وينهم ؟؟ ناس جديدة تدخل وناس تختفي هاي شنو
صحيح ندواي عيني اشو نسيتي اني من الموصل عيني يعني لو رميتي كم كلمه مصلاويه افتهم عليكي اشبيكي لايكون نسيتي ترى هسه اردحلكي ( خخخخخخخخخخخ)
يالله حسيت نفسي بالعه راديو بس صاحيه من الصبح ادرس من الساعه 6 مع الدجاج صاحيه وزهقت كثيير بس امانه ادعولي
سلامي لجميع الفراشات

زهرة الربيعين
05-16-2006, 09:06 PM
هلا حبيباتي اشلونكم انشاء الله زينين...اول شي خلى نرحب ابزهراء هلابيج حبيبتي وية خواتج ...بس تعاي هنا ليش ماخذة اسمي:14_6_kj ههههه ..نداوي حبيبتي والله فطسطين ضحك الكل سمعني من برة كالو هاية انجنت حححح ترة هااا ماراح انجوز منج لازم كلما تدخلين الملف تكتبيلنا نكتة وهذا امر ولازم كل البنات يايدوني ححح :fdse:بالنسبة للعقد فاالحمد لله خلصت..والقاضي جارنا بس راسة يابس كنالة خلص كلشي هنا كال لازم تجون المحكمة ورحنة والحمد لله خلص..
لوليتا هالا بالبطلة والله ماعرفت انو اكو جاكي شان عراقي بس والله زين تدرين اتمنيت اشوفج واني بذاك المنظر ححح
سارة آمين يارب الله يوفق الكل وتتزوجون...يلا شهودة اريدلي كيك من ايديج الحلين هههه..نداوي حبيبتي ادعيلج بالشفاء العاجل.تدرون انو ملفنا حيل حلو لان بناتنا ماشاء الله كلامهم كلهة ضحك او فرفشة..يلا باااي الحبيب منتظرني.هههه

توحه2005
05-16-2006, 09:19 PM
هلو حبيبتي زهره اشلونج اشو مسالتي عليه هههههههههههههههه يله ميخالف :fhgfreagi
شنو اخبارج قطعتي مهر مبروك وان شاء الله يوم الزواج والاولاد وشايفه كل الخير :de43r

زهرة الربيعين
05-17-2006, 01:12 AM
مرحبا اشلونكم ياعيوني انشاء الله الكل بخير .....اني ادري هسة تكولون هاية شبيهة كل يوم تدخل الملف وتدوي حلوة هاي (تدوي ) نداوي هذا الحجي مصلاوي بس انت تفتهميهة ححححح بس تعاي اكلج نكللهم شنو مهنهة لو لا:dfrf: اخاف لو يعرفونهة واني ما اعغف وهذا زا كلمة مصلاوية :sfsf:ههههه....بس هااا مثل ما كلت لازم عليج كلما ادخلين الملف تكتبيلنا نكتة اوكي حبيبتي ..لوليتا حبيبتي لاتكولين الحجي بس على نداوي المسكية..لا لا حبيبتي احسبي حسابج انت هم لازم تحجيلنا عن المغامرات مالتج ههههه.:sgsgf: هسة خوش هيجي مو نداوي يعني مو بس انت....توحة حبيبتي والله اني مو ناسي اسمج عن قصد والله اكعد على الكومبيوتر علمستعجل اكتب جم كلمة واروح ومشكورة حبيبتي علمباركة انشاء الله تفرحين بولدج والج هاي البوسة مني :sdgsdgh:...يلا بااي

sarah_s
05-17-2006, 07:27 AM
حبيبتي زهرة اش تقصدين هذا بس نداوي تفهمهعالكلام المصلاوي يعني انا انقلع [B]؟؟؟؟

نداوى
05-17-2006, 02:49 PM
مرحبا ياحلوات , انا راح اكتب مختصر وارجع بعدين , بس قلت اسلم عليكم
واقول لحبيبتي سارة ..... حياتي انت الاصل , خلاص بقبقي معانا بالمصلاوي خليهم البقية حرام يتعلمون مصلاوي

وخليني اتحارش بلوليتا شوية :fdse: خخخخخخخ

نكتة
الامريكان القو القبض على ثلاثة من المقاومة عربي عراقي وكردي وواحد من الاخوان العرب .. طبعا كتل وتعذيب مع يا تنظيم تعملون ؟؟؟ العربي بعد ساعات اعترف وبعده العراقي ..الكردي كتل وتعذيب ما يعترف
استغربوا الامريكان من قوة تحمله , خلوه في غرفة تحت المراقبة شافوه يضرب راسه بالحايط ويقول بس لو اعرف ويا يا تنظيم اعمل خخخخخخخخخخخخخ

:frasha12: :14_6_5[1]

زهرة الربيعين
05-17-2006, 05:02 PM
مرحبااا شلونكم ان شاء الله الكل ابخير ...حبيبتي ساة اسفة والله ما اخذت بالي انو انت هم مصلاوية بس تعالي دقللكي انت مصلاوية لو جنت ساكنة بالموصل :dfrf: ولا يهمج حبيبتي ..والله هذا خوش صرنة 3 عليهم :fdse: .....
اي حبيبتي نداوي هيجي زين كلما ادخلين تكتبين نكتة ومشكورة حبيبتي على النكتة الحلوة:ghjgjh: ولي هااي اشسويتي :dfre: مو لوليتا اخاف تزعل ...والله يالوليتا ما لج حك تزعلين لان هية نكتت علمواصلة هم ..دا اكلج حتى من هسة ما تزعلين ...:dfs: بس تعرفين انو زوج عمتي كوردي بس هاية اشون صارت شلون افتهمو على بعض :dfrf: ...لابس زوج عمتي جان مدرس وهي مدرسة يعني القصة امبينة :df:ههههه تدرين انو اني اعرف جم كلمة كردي بس هاا والله افتهم عليهم من يحجون لان صديقاتي 2 كراد فااتعلمت منهم وجارتنة همينة كوردية..يلا تعالي انصير 2 عليهم :sgsgf: حححح ..تدرون هاليوم سويت طبخة بس شنو جان مفلفل حيل خطية العريس ثمة اشتعل :10_15_4[1 ههههه كلي من هسة فلفلتيني ححححح..اكللكم اشو كثير من البنات مختفين شنو القصة ان شاء الله خير ...يلا بااي

نداوى
05-17-2006, 05:31 PM
مرحبا مرة ثانية ...... هاي وينكم شنو نايمات .... هنيالكم :sgsgse: ( شوفوا ادورلكم عيوني حتى احسدكم خخخخخخ)

نرجع لردي عليكم

لوليتا شفتي النكتة عجبتج ههههههههههه , هاي رد عليج لأنك تريدينا نتعلم الكردي طلعتي فعلا كردية تريدين الاغلبية تتعلم لهجة الاقلية :eek: ..... مع هذا ولا تزعلين انا اعرف كم كلمة بس المصيبة اللهجة الكردية نفسها مو وحدة يعني انا اعرف كلمات من اهل العمادية مثل
هرى ...وورى.... جاواني ... باشي ...وشاما ....وعيبا.... وباخودي ... ساجافا ... داقوتوم ..الله حافيز ....افا جيا ( يعني هذا شنو )هاي ترجمتها لأن احرفها مو مضبوطة انتو عدكم احرف ماموجودة بكل اللغات هههههههه )
وبعد نسيت :dfdf: شفتي شلون انا بتاعت كلو :de43r خخخخخخخ
واما قصة الصراصير فالي معارك دامية معاهم بس لما كنت بالعراق , هنا بالمانيا نروح حديقة حيوانات قسم الحشرات حتى نشوف صرصر , اتصوري من رحنا العراق ( انا لما اروح بشهرالثاني والثالث ) خطية طلع صرصارين وكانو دايخين عبالهم جا الصيف خخخخخخ , طبعا حمودي كعد مقابيله يتباها بيه ويحركه بالخشبة ولو بيده كان سوى مثل شيرين بمسرحية المتزوجون لا واخذه لبيطري يعالجه خخخخخخخخخخخ .
بس داعيج كانو الصراصر يحبوني حب دايما يفوتون بملابسي وشوفي الموقف مرة لبست ثوبي صيفية حارة ونسيت انفض الفستان والاّ احس شي يتحرك بظهري داعيج لزمت الثوب والصرصور وانط واصرخ ( صغصغ بظهغي ) يعني صرصر بظهري لأن هيج نكولها بالمصلاوي هههههه , وامي تكلي اوكفي وانا انطز بعدين مجرد عفت ايدي كان المسكين انتقل الى رحمة الله فاعستة فعس بايدي , ومرة كنا نايمين فوك السطوح وصرصر صياح عاف الكل وفات ببنطلوني طبعا صحيح لحقتوا بابن عمه ههههههه بس هاي المرة بهدوء فضيحة الجوارين نايمين شفتي حبهم الي وين يصل :ghj: :14_6_ss1


زهراء 1977.... اهلا وسهلا بيج معانا , بس لا مثل البقية السلام عليكم ويروحون وما يورونا وجههم اقد كتابتهم هههههههه .... يالله منتظرات تواصلج معانا .

سارة والله شعور متبادل وانا بعد احبكي .... بس ما خبرتيني يعني انت تعغفين مصلاوي مليح والاّ تطقطقين مصلاوي ههههههه . وعلى سوالفي خليج مرابطة على الخط ولأضل اضحكج الى ان يحولوج اهلج لطبيب نفسي يكولوه بنتنا تضحك بليا سبب مانعرف شبيها خخخخخخخخخ .

توحة احم احم نحن هنا .... يجيج الدور بالنكات سمعي علي :انا وانت والزمن طويل :
sgsh: :frasha19:

زهرة الربيعين .... هلا هلا من هسة الحبيب , يالله كلها فترة وانشوف اشلون راح يصير من حيبيب الى ابن ......
ما سامعة النكتة الي تقول
في الخطوبة تتكلم الخطيبة ويسكت الخطيب , وبالعرس يتكلم العرييس وتسكت العروس , وبعد الزواج يتكلم الاثنان ويسمع الجيران هههههههه ...... لاتخافين انا بس اريد اعقدج خخخخخخخ .
لاخلاص بعد ما اضحكج , بعدين عمتج تحسبج ضاربة وتاخذ ابنها وتنهزم خخخخخخخ .
لا ياجماعة وتكول مااعرف انزل التوقيع وضجت وما اعرف شنو اثاري هي بدنيا غير الدنيا الحبيب مخليها تسحب خارجي ... زين تعرفين تكتبين خلف الله عليج هههههههههه. سلمينا على عمتج وابن عمتج


ام بدور ما راح اكلج انت وينج ههههههه , والاّ لوبي اني متخيلتها ليل نهار مقابلة سيدرا وجالسة بس ترضع وتلعب والمسكين زوجها يتفرج على اغنية ( واوا اح ) خخخخخخخخخخ .
اكللكم شهد ماكو بس لاصارلهم شئ بكيكة من كيكاتها :dfre: :ghjghj: ههههههه

يالله باي ..... سلمولنا على الي ماشفناهم .... على ساس ماكلين وشاربين سوى

يالله مع السلامة

• گمر •
05-17-2006, 06:11 PM
السلام عليكم فراشات العراق يابنات بلادي

والله اني اسفه كلش هواااايه على انقطاعي عن ملفنااا
وانتو بالقلب والله...

نداوي ابدعتي وابدعتي انت والبنات ماشاء الله
كان المفروض اني اشارك لكن مادري شجاني هذيك الفتره كنت تعبانه شويه وصارتلي ضروف منعتني ادخل النت
لكن والله كنت افكر بملف العراق دائما وان شاء الله يكون هو الفائز بجهودكم حبايبي

نداوي خجلتيني والله بالمسج حسيت نفسي مقصره وياكم وقلت لازم اجي اشرب الجاي عنكم
يالله عيوني النا لقاء ان شاء الله
وماشاء الله عليج والله مكفيه وموفيه ام بيت مضبوطه ندوو

، ، ،

والله يحفضكم جميعا من كل سوء يارب
بدون استثناء

...

توحه2005
05-17-2006, 07:16 PM
نداوي عيني اني مسويت فدشى ليش :frxxagir

shehd
05-17-2006, 07:17 PM
هلووو حبيبات قلبي
شلونكم ... انشاء الله الكل بخير وسلامة
مبروك عيوني زوزو على العقد وانشاء الله يوم الي انزفج البيت الحبيب ربنا يحفظكم ويسعدكم ويرزقكم الذريه الصالحه امين رب العالمين
لولو عمري شنو هاي المغامرات زين والله عندج جرئه وتتعاركين ويه الصرصور اني انهزم عووووووووووووووع اكرهم وخاصه البريعصي عووووووووووووع من اسم اسمه نفسي تلعب واني العب وياها هههههههههههه
نداوي حبي اخذي هاي على الحساب
مصلاوي مات ابوه... گلله المغسلچي انطيني 1000 دينار مال الغسل. گال: إشدعوه؟؟ قابل مغسل بي أم ؟
مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.
مصلاوي مات... لگوا بوصيته مكتوب ( آني غاسل.. لا تغسّلوني ).
مصلاوية محششه تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟
بس احنا متفقين بدون زعل اوكي حب
ههههههههههههه اليوم حنبسط جماعه الموصل ينتظروني اباب المنتدى خخخخخخخ
زهراء1977 كل الهلا بيج عيوني بين خواتج وانشاء الله تستمرين ويانه انشاء الله
كمر منين هذا الكمر فدوة لله هذا الكمر من السويد لو شنو ؟؟؟؟ يا الله كثرنه جماعه السويد بس اشو الكل ديختفي بله ام سيدرا نعرف ليش مختفيه وعذرها وياها بس الباقين وين
حنونتي يا حنونه ليش ليش زعلانه شنو هاي عمري ام بدور زعلانه ؟؟؟ والله ازعل الدنيا كلها ولا مكروه يمسك حنونتي
لا والله نداوي عيون مصارلي شئ بالكيك وحسوي كيكه للعروس الحلوة زهوره شنو زوزو عمري شوكت الزواج حتى انسوي حفله هنا الكل يحضر والله الي ميحضر انحيله للتحقيق وشيخلصه بعد
سلامي للكل

shehd
05-17-2006, 07:19 PM
نداوي هاي شبيج مهبطه البنيه خطيه
ولا ايهمج عيوني توحه هسه نلقي القبض على نداوي بتهمه نشر الرعب والخوف بين اعضاء المنتدى
هههههههههه

نداوى
05-17-2006, 08:33 PM
شهد عيوني شنو هذا طيب خذي هذه

يابنات اسمعوا هاي القصة
ايكللكم يوم الي انولدت شهد وسمتها امها شهد اجو الناس يسألوها اشسميتي البنية ,
كالت الهم بصوت واطي شهد .
كالوا وليش منصية صوتج
كالت لايسمعنا الذبان
خخخخخخخخخخخخخخخ

حتى تبطلين تتشاطري علي , واذا زيديتي مستعدة ازيد

كمر حياتي هلا والله بيج بينا مرة ثانية

توحة حتى كل ماتدخلين تسألين عني .

يالله باي ... رايحين خطار

توحه2005
05-17-2006, 09:13 PM
واني اكول كلشى مسويتلها ههههههههههههههه نداوى عيني اني اهلي بالمانيا واني وحدي هنا اي والله وراح اروح لالمانيا
كوليلي انت وين حتى اجيج زياره ونتعرف هههه يله بنتي تريد تكعد وتحجي ويه بنت خالتها على msn

باي عمري

shehd
05-17-2006, 10:42 PM
ههههههه نداوي والله ضحكتيني
اولا اني مو اسمي شهد عيوني صحي النوم
هاي بنتي شهد مو اني
وثاني شئ اخذي هاي
مصلاوي حط فلوس بالبنگ.. يوميه يمر ويدگ عالتنكه يخاف لينام الحارس.
مصلاوي گل: لإبنه إذا نجحت أراويك واحد يشرب ببسي.

لا هلمرة صدك حنكتل
يله عيوني اروح
باااي

نداوى
05-18-2006, 12:38 AM
عيوني ام شهد اني دا احجي عليج قابل دا احجي على امج ..... مطفية بس انتظري انا ارويج باجر لجمعلج المفخخة والعبوة الناسفة والحزام الناسف وبالنهاية ما حاجة اكمل راح انام وباجر موعدنا :frasha 1:

عزيزتي توحة اني مثل ما مكتوب ببرلين ... تعالي ويامية هلا .... المسكينة راح ينزل وزنها خخخخخخخخخ

زهرة الربيعين
05-18-2006, 01:14 AM
مرحبااا ياحلوات ان شاء الله الكل بخير ...كمورة حبيبتي شلونج تدرين انو البارحة اني قريت الملف مرتلخ من البداية وشفت هههو هواااية فراشات ماامبينين وسالت نفسي ليش ما يدخلون :dfrf: والله فرحت بدخلتج للملف حبيبتي..
نداااوي اني مو من هذولة الي ينكال عليهم (من لكى احباب نسى صحابة ) عجل ما تشوفيني يومية داخلة الملف تصدكين انو الملف مونسني هواااية يمعودة هذا جان حلمي انو اشترك بالمنتدى ..والحمد لله ..ومشكورة حبيبتي على النكتة تدرين هاليوم اش سوية بية علعشة لان اني خليتلة فلفل حار بالتبسي ...هو علعشوية كلي اني راح اسويلج احلى زلطة بس اااه ه خلالي كومة فلفل اخظر حار بيهة واني المغفلة ما عبالي بلعت واشتعلت:10_15_4[1 بس خطية اتاسف هوااية على عملتة :sfsf: خليتة ينقهر علية والمفهومية الكم ....بس نداوي والله خوفتيني يعني ورى الزواج حياتي راح اتصير هيجي :10_9_134[ ..:dfre:
شهودة حبيبتي شنو هذااا اني كلت بس نداوى تعرف اتنكت ما شاء الله صرتو 2 ..اي هيجي ضحكون وخلي الملف ينور ويعمر بضحكنة....بس هاي نداوي هم عدهة مغامرات وية الاستاذ صرصر ..لوليتا هاي وينج اشو ما كو اخاف انهزمت لان كنالج اكتبيلنة يومية مغامرة فوتي حبيبتي فوتي لاتخافين ماكو صرصر بالملف كلهة فراشات وماشاء الله عليهم .....توحة حبيبتي شلونج ..راح اكللكم على حزورة .....في يوم من الايام الصرصر اتزوج صرصورة وجا يوم الزواج الصرصورة عندت اتروح على بيت الزوجية ...ليش .....تدرون ليش يابنات ...؟....الصرصورة عندت وكالت ما ادخل بيتك الاما تكتب البلوعة باسمي ههههه :frashagir:...سارة اني دا ادعيلج بالنجاح ..بس ها حبيبتي ادرسي زين :3_3_6[1]:..ياالله ..طولت عليكم بالحجي بااااي

منى البصراويه
05-18-2006, 09:45 AM
السلام عليكم
وصباح الخير على احلى فرشات بالعالم شلونكم ان شاء الله بخير والله الكم وحشه صار اربع ايام ما داخله بس والله بالي وياكم
واول ما دخلت رحت اركض اقرا شنو كتبتو والله كلامكم يونس ويخلي الواحد ينسى همومه
واسفه على الانقطاع بس والله صارت عندي ضروف اجت مرت عمي من العراق للمانيا وهيه اولادها كبار من زمان بالمانيا ومن وصلت المان كالو الها انتي لازم اتردين للدوله الي اجيتي منها ما كو الج لجواء وتعالو شوفو شنو صار بيها خطيه وكعت ودخلت للمستشفى اسبوع شوفو القهر بعد ما وصلت يم اولادها الي ما شايفتهم من 8 سنوات يردون يبعدونها عنهم والمشكله هيه بروحها وياها بس ولدها الصغير الي عمرها 10 سنوات وزوجها مغتول يعني ماكو وياها رجال تعتمد عليه شفتو العراقين شلون متعذبين وين ما راحو الله ينتقم من الي كان السبب
واسفه طولت عليكم ويمكن ضوجتكم بهاي القصه وانتم كنتم مبسوطين بس شسوي من قهري والله
سلام للجميع وخاصه نداوي وشكرا على سوالج حبي يالله باي ان شاء الله لي رجعه

فراشة بلا جناح
05-18-2006, 11:08 AM
السلام عليكم انا من الموصل العراق
انا خريجة كلية علوم حاسبات ومتزوجه وعمري 23 سنه وانا الان في الموصل وليس لي اطفال وشكرا أتمنى التواصل معكم اخواتي



ما شاء الله لا قوة الا بالله

توحه2005
05-18-2006, 12:45 PM
نداوي عيني اشلونج شكرا على العزيمه بس اني اهلي بكارس روه بس ليش راح ينزل وزني مناويه توكليني هههههههههههه :ghjghj:
هلو زهوره اشلونج وشلون خطيبج زين دربالج عليه لتوكلي فلفل حار وتشعلين حلكه هسه يكول هاي من اول مره :dfre:
اهلا بالفراشه بلا جناج وان شاء الله يرزقج بالاولاد الصالحين يله لازم اروح راح نطلع اني ورجلي يعني مو رجلي هههه
اني وزوجي اللي عوده باي

فراشة بلا جناح
05-18-2006, 03:56 PM
حبيبتي نداوي انا مصلاويه
وانا بالموصل هسه فالحزوره تبعك
تعني البغنيه هيه هاي الي حطون بيها الزيتون يكبسوها حتى تصيغ طرشي اما المحفوغه هي الزوليه بالبغدادي ها اشوني معك؟؟؟؟؟؟؟؟؟؟؟؟؟؟؟؟؟؟؟؟؟
:dfr3 :fragghagi :de43r

نداوى
05-18-2006, 05:00 PM
الله ... الله كثغوا المصلاويات ..... على قصط ( عناد ب شهد خخخخخخخخخ
مرحبا بيك فراشة بلا جناح بينا ومعانا , هلا بالموصل واهل الموصل
اقللكي الحزوغة صح ولو انا حليتوها بويحد من ردودي .... ماشاء الله عليهم العراقيات من غير الموصل ولاوحدي ماعغفتة خخخخخخخخخ
ماعلينا خلي نرجع الشهد الي اعلنت الحرب علينا

حبيبتي ام شهودة خذي هاي كم نكته انكالت عليج

شهد مو انت ببداية زواجج مرة نرفزتيه لزوجج فضربج راشدي كلتيله هاي صدك لو شقا , كالج صدك كلتيله زين لأني ما اتحمل الشقا خخخخخخخخخخخخخخخخ .

شهد تتذكرين لما كنت صغيرة بالمدرسة وجت امج شافتج ماسكة السكين كالتلج شراح تسزين بيها كلتي اقتل ابوية كلتلج لويش كلتيلها بالمدرسة مسويين رحلة للأيتام واريد اشارك بيها خخخخخخخخخخخخ

وتتذكرين لما المعلمة سألتج منو النبي الي كان يكلم الحيوانات , كلتيلها طرزان عليه السلام خخخخخخخخخ

تتذكرين اول مرة لزمتي قطعة ثلج سألتي امج بس لو اعرف منين مزروفة خخخخخخخخخخخخخ

تتذكرين لما سافر زوجج ودزلج ببغاء هدية , اتصل بيج بعد فترة كللج اشلونه الببغاء كلتيله عادي مثل طعم الدجاج خخخخخخخخخخخخخخخ

والاّ مرة زوجج كلج احبك ... كلتيله خلي علاقتنا صداقة وبس خخخخخخخخخخخ

والاّ لما شفتي جني كلتيله اعوذ بالله منك ومن شكلك .. رجع كلج اشلونج انت عاد ليلى علوي خخخخخخخخ

بس خلاص حرام يكفي هاليوم ...... هههههههههههههه

sarah_s
05-18-2006, 06:53 PM
ههههههههههههههههههههههههههههه نداوي خلاص بطني انشق من الضحك ......... وهاي رح نسوي مافيا مصلاويه اخشع كثغو المصلاويات الله يزيدهم ..... تصدقين جالسه اقرا السوالف مالتكي وابوي وامي بالغرفه قاعدين ابوي يقوللي اشبيكي عالتضحكين التفت على امي وقاللها انت مخلفتيلكي كومة مجانين .... فشلتيني قدام اهلي.... وانا مااعغف احكي مصلاوي مليح مطقطقه على قولتكي .... فراشه بلاجناح عيني انا ماشايفة الموصل لاني ماعشت بالعراق...... لكم اسمعوا هالقصه :
انا اهلي عاشوا 10 سنوات بفرنسا ولمن جينا هنا للسعوديه امي طبعا لهجتها مصلاويه قح واحنا المصلاويين مثل ماتعرفون بعض الكلمات اللي بحرف الراء نلفظها ( غين ) مثل كثير نقول ( كثيغ ) المهم وهم انتوا تعرفون انو الفرنسيين ماعندهم حرف ر يلفظوه غ ففكروا امي متأثره بالفرنسييييييين ( خخخخخخخخخخخخخخخخخخخخخ)
هسه الفراشات اللي مو من الموصل رح يشمتون بينا بس مايخالف نداوي لكن بالمرصاد .......
شهد عيني شلونك بعد الفضايح اللي اخذتيها من نداوي ....طلعت تعرفك من ورى ظهرك وانت ماتعرفين خخخخخخخخخخخخ
حبيبتي زهراء الربيعين شكرا لدعاءك لي واستمري ولاتفلفلي الخطيب مره ثانيه لاينهزم هو وعمتك ويتركوك .... يالله الله يسعدكم ( وعقبال اللي ما متزوجين)...
منى عيني الله يكون في عونك والله يساعدها .......... فراشتنا الحنونه وين ؟؟ وام سيدرا وييييين ؟
اشوف هي نداوي جابت دلع وماانشغلت بيها الظاهر مخليه ابوها هو اللي يرضعها خخخخخخخخخخخخ
شوفي نداوي اذا فيوزات عقلي ضربت قبل الامتحانات انت السبب لاجيك على برليك واوريك
يالله طولت عليكم متاسفهSORRY مع السلامه

لوبي1
05-18-2006, 07:06 PM
مرحبااااااااااااااااااااااااااااا يا فراشات العراق و الله مشتاقتلكم هوااااااااااااااااااااااااااااايه...يارب تكونون بخيرشنو ليش محد سئل عني شنو بس عفتكم شوي نسيتوني ههههههههههههههه نداوي حبيبتي مسك 212 ومنى الروح وshehd وتوحه وزهره الربيعين ولوليتا وsarah
سلامي لكم ولكل الغاليات الموجودات نداوي شلونه دلوعه وياج تعالي شوفي سيدرا خانم ماخذه كل وقتي
ههههههههه وين صوره دلوعه ليش وخرتيها كانت منوره الشاشه
عيني توحه شدعواج من لقى احبابه نسى اصحابه ما سشلين هذه وانا عفتكم كم يوم ههههههههههههه

shehd
05-18-2006, 07:07 PM
ههههههههههههههههههههههههههه
هههههههههههههههههههههههههه
ههههههههههههههههههههههههههههههههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههههههه
اخ بطني
هههههههههههههههههه

لوبي1
05-18-2006, 07:17 PM
ههههههههههههههههههههههههههه
هههههههههههههههههههههههههه
ههههههههههههههههههههههههههههههههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههههههه
اخ بطني
هههههههههههههههههه


ام شهوده عيني سلامت بطنج هههههههههههههههه ضحكينه وياج هههههههههههههههه

shehd
05-18-2006, 07:19 PM
نداوي اوووف منج والله ضحكتيني واطفالي ايكلولي شبيج ماما ههههههههههههه
هسه عبالهم اتخبلت امهم هههههههههههههههههههه
كافي خلي اعرف احجي
وبعد حرمت مراح اكتب شئ على المصلاوه اشو كثروا الله ايزيد وايبارك واخاف احد يزعل عليه بس والله شقه عيوني
كل الهلا بيج حبيبتي ام سيدرا شنو هاااي الغيبه عيوني شنو جنت معذبتج هلكد اي عيني ليش لا اذا جنتي ايحقلها تدلع
شلونج عيوني وشخبار سيدرا انشاء الله بخير
وكل الهلا بفراشتنا الجديدة الي بلا جناح هاي اكيد من وره نداوي راحو جناحاتج عيوني منوره عيوني وانشاء الله رب العالمين ايرزقج بالذريه الصالحه وانشاء الله تستمرين ويانه
اكوووول بنات شنو وحدة منكم كتبت قطعه على الباب مال المنتدى مكتوب بيها الفراشه الجديدة الي تدخل تعرف على نفسها احسن ما انحقق وياها جوه ؟؟؟؟
اكيد هاي نداوي ماكو غيرها الي كتبتها خخخخخخخخخخخ
ساره حبي روحي اقري اذا تبقين على سوالف ندوش مو بس كدام الاهل حتتفشلين لا باجر وانتي تمشين بالشارع تذكرين سوالفها وتضحكين وحدج الناس تلتم عليج شبيج بابا شنو الي ضحكج وانتي ماكو بس تضحكين يمعودة بس كوليلنه شبيج وانتي رايحه يتوسلون يردون وانتي ابد اخر شئ ايكولون حرامات بعدها صغيره ههههههههههههههه هاي صار فلم هندي
اكولكم بنات حنونه يمكن من صدك زعلت !!!!
صدك عندي خبر الكم تذكرون دلوعه عزوز اليوم دزتلي رساله على الماسنجر وخطيه جان عدها التهاب حاد بالمعده ادعولها بنات الله ايشافيها وترجعلنه بالسلامه
يله بنات طولت عليكم
سلامي للكل بدون استثناء

لوبي1
05-18-2006, 07:21 PM
السلام عليكم انا من الموصل العراق
انا خريجة كلية علوم حاسبات ومتزوجه وعمري 23 سنه وانا الان في الموصل وليس لي اطفال وشكرا أتمنى التواصل معكم اخواتي



ما شاء الله لا قوة الا بالله


هلا فراشتنه الغاليه نورتينا وسلامنه للاهل الموصل كلهم وان شاء الله يكون لك الذريه الصالحه ياااااارب

لوبي1
05-18-2006, 08:52 PM
نداوي اوووف منج والله ضحكتيني واطفالي ايكلولي شبيج ماما ههههههههههههه
هسه عبالهم اتخبلت امهم هههههههههههههههههههه
كافي خلي اعرف احجي
وبعد حرمت مراح اكتب شئ على المصلاوه اشو كثروا الله ايزيد وايبارك واخاف احد يزعل عليه بس والله شقه عيوني
كل الهلا بيج حبيبتي ام سيدرا شنو هاااي الغيبه عيوني شنو جنت معذبتج هلكد اي عيني ليش لا اذا جنتي ايحقلها تدلع
شلونج عيوني وشخبار سيدرا انشاء الله بخير
وكل الهلا بفراشتنا الجديدة الي بلا جناح هاي اكيد من وره نداوي راحو جناحاتج عيوني منوره عيوني وانشاء الله رب العالمين ايرزقج بالذريه الصالحه وانشاء الله تستمرين ويانه
اكوووول بنات شنو وحدة منكم كتبت قطعه على الباب مال المنتدى مكتوب بيها الفراشه الجديدة الي تدخل تعرف على نفسها احسن ما انحقق وياها جوه ؟؟؟؟
اكيد هاي نداوي ماكو غيرها الي كتبتها خخخخخخخخخخخ
ساره حبي روحي اقري اذا تبقين على سوالف ندوش مو بس كدام الاهل حتتفشلين لا باجر وانتي تمشين بالشارع تذكرين سوالفها وتضحكين وحدج الناس تلتم عليج شبيج بابا شنو الي ضحكج وانتي ماكو بس تضحكين يمعودة بس كوليلنه شبيج وانتي رايحه يتوسلون يردون وانتي ابد اخر شئ ايكولون حرامات بعدها صغيره ههههههههههههههه هاي صار فلم هندي
اكولكم بنات حنونه يمكن من صدك زعلت !!!!
صدك عندي خبر الكم تذكرون دلوعه عزوز اليوم دزتلي رساله على الماسنجر وخطيه جان عدها التهاب حاد بالمعده ادعولها بنات الله ايشافيها وترجعلنه بالسلامه
يله بنات طولت عليكم
سلامي للكل بدون استثناء

هههههههههههههههههههههههههههه
هلا ام شهوده والله زين والله مانسيتي جنتج سيدرا ههههههههههههههههههههههه
يااختي راح تموتني وين اروح اني من ورا غازاته والمغص راح اجنني بس تبجي :frcvbhagi
تاليتي راح استخف من وراها ادري هذه لو وين تبقى على هذا الحال عيني نداوي كوليلي اخبار دلوعه هم هيج الغازات وياها الله يبعد الغازات عنها

مياوي2004
05-18-2006, 09:46 PM
السلام عليكم
شلونكم يالبنات ليش هيج ليش ولاسؤال عني واني اقول هسة راح افتح الموقع واراح اشوف الكل يسال عني .............. بس قشل فعل ماضي ولاوحدة تسال ................ اسكتوا ولامبرر زعلت عليكم .
هلا كل الهلا بالرفراشة بلا جناح نورتينا والله خليني اسمع اخبارج دائما اخاف ما نقدر نتخابر وسلميلي على الكل
وترحيبي للملكة الحسناء وبكل الضوات الجدد اللي انضموا النا بفترة غيابي .
سلام .

توحه2005
05-18-2006, 10:51 PM
مرحبااااااااااااااااااااااااااااا يا فراشات العراق و الله مشتاقتلكم هوااااااااااااااااااااااااااااايه...يارب تكونون بخيرشنو ليش محد سئل عني شنو بس عفتكم شوي نسيتوني ههههههههههههههه نداوي حبيبتي مسك 212 ومنى الروح وshehd وتوحه وزهره الربيعين ولوليتا وsarah
سلامي لكم ولكل الغاليات الموجودات نداوي شلونه دلوعه وياج تعالي شوفي سيدرا خانم ماخذه كل وقتي
ههههههههه وين صوره دلوعه ليش وخرتيها كانت منوره الشاشه
عيني توحه شدعواج من لقى احبابه نسى اصحابه ما سشلين هذه وانا عفتكم كم يوم ههههههههههههه










هلو عيني ام سيدرا اشلون انساج انت الاصل عيني هسه يحسدونه هههههههههه
هاي سيدرا اتجنن ربي يخليها اللك ويروح الغازات مستعدين نطوع كلنا :sfsf:
بوسه لسيدرا من ذاك

لوبي1
05-19-2006, 01:06 AM
هلو عيني ام سيدرا اشلون انساج انت الاصل عيني هسه يحسدونه هههههههههه
هاي سيدرا اتجنن ربي يخليها اللك ويروح الغازات مستعدين نطوع كلنا :sfsf:
بوسه لسيدرا من ذاك

هههههههههههههههههههههههههههههههه
تسلمي ياعمري انت مسامعه من المثل يكطع بليسه نسيته من اذكره اكوله لج ههههههههههههههههههههه
وسيدرا تبوسك من خدك

حبيبتي مياوووووووووي شلونك ياعمري الحال من بعضه وانا كمان غبت شوي محد ماسئل عني ياعيوني

زهرة الربيعين
05-19-2006, 02:14 AM
مرحبااااااااااا ياخواتي الحلوات اشلونكم ان شاء الله الكل بخير..... شنو هذا ام سيدرا ويانة اليوم :11_2_104[ هلا هلا ب ام سيدرا شلونج حبيبتي ان شاء الله بخير وسيدرا الحلوة همينة بعدهة علغازات ..ان شاء الله يروح منهة الغازات..بس حبيبتي والله طولتي علينة جنت مشتاكة لسوالفج ..
مياوي عيوني شلونج حبيبتي والله ما كن نسينا كم بس دائما جن نكول اشو البنات مامبينين..والحمد لله سمعنا اخباركم بخير ..منى حبيبتي الله يساعدج على ظروفج حبيبتي ..وهاي المشكلة بالحظ انو ( سوء الحظ ليس له دواء ) ..والله كريم...
هلا :sfsfsf: بكمر هليتي باسمج علملف بس حبيبتي والله مشتاكنين دائما نشوفكم بالملف ...ونريد البقية هم يتواصلون ...
توحة حبيبتي اشلونج.. والله خفت على شغلت الفلفل وكلت بعد ما اكررها ..:dfre:
نجي على الفراشة بلا جناح هلا بيج حبيبتي مرة ثانية ..بس هاا لازم عليج كلما تدخلين المنتدى تجين علملف.. هم اوكي وما شاء الله كثغت هوني المواصلة هههه بس قليلي انت بيا منطقة من الموصل ....؟..سارة حبيبتي وهذا الدعاء الج ( يارب نجح سارة )....لوليتا كافي عاد هاي وينج اشو ماكو ان شاء الله بخير ....مسك 212 حبيبتي هاي وينج ....والفراشة الحنونة حبيبتي اشكرج المباركة وان شاء الله تفرحين بولدج ...
هسة نجي على الثنائي المرح نداوي وشهد شلونكم حبيباتي ..والله وصلتو صوت ضحكنا الى اخر جار هههه كلهم يكلولي شبيج بس تضحكين ...وعمتي الغشيمة تكول خلوهة خطية هاي من فرحتهة :sfsf:..والله اخاف اني ونايمة اضحك
اعتقد انتو دا تفجرون ذاك القنابل الى يضحك ..صدك انتو راح تعبرون عادل امام :ghjgjh:.الملكة الحسناء هااي وينج اشو بس سمعنة منج المرحبة والمع سلامة اتمنى ادخلين الملف عيوني وتتواصلين ويانة ..وتسمعين نكت مال نداوي وشهد...صدك نداوي او شهد هنيال الزواجكم هسة انتو مخلين حياتهم كلهة ضحك وفرفشة ..ويمكن ما ينامون الا يسمعون نكتة ..مثل شهرزاد وشهريار ....والفراشات الباقيات الى من زمان ما داخلين الملف اشلونكم ان شاء الله انتو بخير ...ياالله خلي اروح انام طولت عليكم بالحجي ..تصبحون على خير واحلام سعيدة

sarah_s
05-19-2006, 09:01 AM
حبيبتي ام سيدرا والللللله كنا نسال عنك شوفي اخر مشاركه لي وتقرئي باخرها اسمك حتى كتبت (ام سيدرا ) والباقيين هم كانوا يسالوا عم الغايب انت تتغلين علينا .؟؟........... وفعلا اشو مسك 212 ماكو من قلتلها اي ان شاءالله اشوفك بالاردن انهزمت خخخخخ يالله ان شاءالله تكون بخير ..... اما لوليتا حقك علي .... شهوده حبيبتي آخرتي رح استخف والله العظيم دراسه من جهه وضحك من جهه يعني مارح يبقى عندي ولافيوز ضابط كله رح ينفس ......... زهرة الربيعين شلونك وشلون العريس ؟؟والله زين اذا عمتك كانت على نياتها خوش بداية لاتكون مثل باقي الحموات خخخخخخ وقولس ماشاءالله على خفة دم شهودة ونداوي لتشوفيهم بكره متطلقيييييييين بعدها يجوك ويخربوا عليك خخخخخخخخخخ
يالله مااريد اطول خل اروح اكمل دراستي (والله رح ابكي من الزهق ) كل يوم مع الدجاج اصحى

البغدادية
05-19-2006, 10:30 AM
مرحبا حبيباتي شلونكم وحدة وحدة ان شاء الله بخير

مشتاقتلكم هواية هواية اني انقطعت بسبب ظروف صحية وغيرها :h45r4

بشروني شنو اخباركم ما شاء الله عليكم صاير دمكم اخف من الشربت وسوالفكم محلوة :frashagir

يا بنات بصراحة عندي شغلة واريدكم تدعولي تعبر بسلامة :frashagir

سلامي لكل وحدة بيكم القدامى والجدد :de11

لوبي1
05-19-2006, 02:56 PM
هلا يالغاليات شلونكم حبيباتي بالعكس انا ماازعل عليكم بس هذه حرشه علشان اشوف محبتي عندكم خخخخخخخخخخخ
يالبغداديه عيوني مشوفين شر يالغاليه وساره عيوني سئلت عليكي العافيه ياعمري والله انك ماتقصرين
وزهره الربيعين شلونك يا احلا زهره موصليه هههههههههههههههههه
بنات ماكلتولي وين وصلتوا بالمسابقات فزتوا لو لالالالالالالالالا ههههههههه

نداوى
05-19-2006, 03:46 PM
السلام عليكم ياحلوات اشلونكم ان شاء الله بخير

يكللكم لما صار الطلباني رئيس للعراق كالوله لازم تعرف كل شئ عن العراق كله مو بس عن كردستان , كللهم انا اعرف ... كالوله طيب وين يكثر التمر ..... كللهم بالكليجة خخخخخخخخ

عيب هذا رئيسنا مايصير تحكون عليه :14_6_ss1 :sfsf:



على فكرة بنات ديروا بالكم مني ترى كانوا يسموني اهلي ناصرية من العمايل الي كنت اسويها بيهم
لاتكون وحدة بيكم من الناصرية . اني خالي كان بالطبة ضابط وكان صديقه من الناصرية وكان اقل منه رتبة كل مرة يجي يخبره نكتة عليهم , فاول ماكان يصل يجينا ويكولي تعالي اخبرج اخر اخبار اهلج الحقيقين هههههه
طيب اخذوا هاي النكتة , يكللكم مرة امريكي خطفوا بالناصرية , بعد فترة تركوا بلا ما يطلبون اي شئ ( خباثة ) هههههه هو بعد لما جو يسألوه شصار معاك بالخطف كللهم ما اخبركم .. بكيفي خخخخخخخخخخ

ايه شلونكم ان شاء الله بخير
حبيبتي سارة .... الحال من بعضه انا لما كنت عند اهلي من عمايلي والدي كان يقول ليش ياربي هم بنت وهم مشخوطة ههههههه بس انا من البلاوي الي كنت اعملها , اغشعتي تاريخ شهد المشرف هاي بعد ماخفي كان اعظم خلي تتشاطغ وتقول نكتة اللخ علينا وانا اغويها لأفضحها , وانت يامسكينى غاح تغوحين بيها من الضحك هههههههه , على فكرة احنا ببرلين هم يقولون عن حرف الراء غين ما بس فرنسا , طبعا ماكل الكلمات مثل المصلاوي , واذا على زوجي تعرفين اهم طلب كان يطلبه انه مايريدها ( دغماء )اعتقد هاي الكلمة صعبة عليك يعني كآبة ماتضحك . فتصوري اشلون (اتكندغ الدست ولقاله قبغ ).


لوبي اشلونج عيوني ام سيدرا , اي طبعا يصيرلها غازات انت لاتقصرين بالاكل كلي كل شئ وبعدين رضعيها وانقليلها الغازات :10_8_9[1] ...... انا مشترية روحي ارضعها صناعي شوي من صدري يعني تاخذ حليبي مشهي بس هههههههه . بس نومها قليل , اكلج من تنيميها شدي بطنها ورجليها مثل القماط وهي ترتاح ولاتنيميها على ظهرها . ..... ولاتطلعين حجة تعرفين انا من سويت ملف العراق كنت معظم الوقت هي اما على صدري او نايمة بحظني واكتب واروح ادور صور وتكملة للمواضيع يعني كتابة وتركيز . ترى اذا ضليتي هيج شوي شوي تصير عنج كآبة .

ها شهد اشرايج اتسلمين لو اكمل ...... عفتي كل العالم وبلشتي مع المواصلة ياويلج ياسواد ليلج اذا عدتيها ..... ام الكيك ....خخخخخخ.....

مياوي خوما صار زحمة عليج كلمتين وانهزمتي .... ترى هاي مامقبولة منج .....لا وتعتب بعد

زهرة الربيعين انتي الحكي معاكي طويل وانا ماعندي وقت , عيني من بدايتها ويحد ايفلفل اللاخ بعد الزواج اش غاح تعملون ؟؟...... على فكرة زوجي بعد اضرب مني , مرة قبل الزواج اجا عنده صديقه وصاحبته المانية راح صديقوا ليغسل اجت صاحبت صديقه سألت زوجي كلمة تصبح على خير بالعربي كيف نقولها قال زوجي ( ان شاء الله تموت ) .... حرام المسكينة ضلت تحفظها راحوا دينامةن بالغرفة والا زوجي يسمع صاحبه يصيح بعلو صوته ليسمعه ( ان شاء الله انت )......ههههههههههه.

بغدادية اشلونج الله يحققلج الي تتمنيه حبيبتي ويسهل امورج يارب

البقيات والله مستعجلة لازم اكوم اروح منتظرتني جارتي ..... باي ارجعلك اليوم مرة ثانية ... اذا قبل زوجي خخخخ

sarah_s
05-19-2006, 05:22 PM
هلو نداوي لكن زوجك افظع منك بالنكت اذا مايريد وحده دغماء على قولتكي وبالفعل مااعرف معناها انا اعرف مدمغة خخخخخخخخخ وبعدين شنو هاي صديق زوجي وصاحبته المانيه وراحوا ينامون هاي شنو ( قويه شوي ) خخخخخخخخخخ
اشو شهوده انهزمت من كشفتي اوراقها السوده خخخخخ استحت من عمايلها والله ياخوفي تكون محضره شيئ اعظم وتكون لك بالمرصاد

لوبي1
05-19-2006, 05:45 PM
السلام عليكم ياحلوات اشلونكم ان شاء الله بخير

يكللكم لما صار الطلباني رئيس للعراق كالوله لازم تعرف كل شئ عن العراق كله مو بس عن كردستان , كللهم انا اعرف ... كالوله طيب وين يكثر التمر ..... كللهم بالكليجة خخخخخخخخ

عيب هذا رئيسنا مايصير تحكون عليه :14_6_ss1 :sfsf:



على فكرة بنات ديروا بالكم مني ترى كانوا يسموني اهلي ناصرية من العمايل الي كنت اسويها بيهم
لاتكون وحدة بيكم من الناصرية . اني خالي كان بالطبة ضابط وكان صديقه من الناصرية وكان اقل منه رتبة كل مرة يجي يخبره نكتة عليهم , فاول ماكان يصل يجينا ويكولي تعالي اخبرج اخر اخبار اهلج الحقيقين هههههه
طيب اخذوا هاي النكتة , يكللكم مرة امريكي خطفوا بالناصرية , بعد فترة تركوا بلا ما يطلبون اي شئ ( خباثة ) هههههه هو بعد لما جو يسألوه شصار معاك بالخطف كللهم ما اخبركم .. بكيفي خخخخخخخخخخ

ايه شلونكم ان شاء الله بخير
حبيبتي سارة .... الحال من بعضه انا لما كنت عند اهلي من عمايلي والدي كان يقول ليش ياربي هم بنت وهم مشخوطة ههههههه بس انا من البلاوي الي كنت اعملها , اغشعتي تاريخ شهد المشرف هاي بعد ماخفي كان اعظم خلي تتشاطغ وتقول نكتة اللخ علينا وانا اغويها لأفضحها , وانت يامسكينى غاح تغوحين بيها من الضحك هههههههه , على فكرة احنا ببرلين هم يقولون عن حرف الراء غين ما بس فرنسا , طبعا ماكل الكلمات مثل المصلاوي , واذا على زوجي تعرفين اهم طلب كان يطلبه انه مايريدها ( دغماء )اعتقد هاي الكلمة صعبة عليك يعني كآبة ماتضحك . فتصوري اشلون (اتكندغ الدست ولقاله قبغ ).


لوبي اشلونج عيوني ام سيدرا , اي طبعا يصيرلها غازات انت لاتقصرين بالاكل كلي كل شئ وبعدين رضعيها وانقليلها الغازات :10_8_9[1] ...... انا مشترية روحي ارضعها صناعي شوي من صدري يعني تاخذ حليبي مشهي بس هههههههه . بس نومها قليل , اكلج من تنيميها شدي بطنها ورجليها مثل القماط وهي ترتاح ولاتنيميها على ظهرها . ..... ولاتطلعين حجة تعرفين انا من سويت ملف العراق كنت معظم الوقت هي اما على صدري او نايمة بحظني واكتب واروح ادور صور وتكملة للمواضيع يعني كتابة وتركيز . ترى اذا ضليتي هيج شوي شوي تصير عنج كآبة . ها شهد اشرايج اتسلمين لو اكمل ...... عفتي كل العالم وبلشتي مع المواصلة ياويلج ياسواد ليلج اذا عدتيها ..... ام الكيك ....خخخخخخ.....

مياوي خوما صار زحمة عليج كلمتين وانهزمتي .... ترى هاي مامقبولة منج .....لا وتعتب بعد

زهرة الربيعين انتي الحكي معاكي طويل وانا ماعندي وقت , عيني من بدايتها ويحد ايفلفل اللاخ بعد الزواج اش غاح تعملون ؟؟...... على فكرة زوجي بعد اضرب مني , مرة قبل الزواج اجا عنده صديقه وصاحبته المانية راح صديقوا ليغسل اجت صاحبت صديقه سألت زوجي كلمة تصبح على خير بالعربي كيف نقولها قال زوجي ( ان شاء الله تموت ) .... حرام المسكينة ضلت تحفظها راحوا دينامةن بالغرفة والا زوجي يسمع صاحبه يصيح بعلو صوته ليسمعه ( ان شاء الله انت )......ههههههههههه.

بغدادية اشلونج الله يحققلج الي تتمنيه حبيبتي ويسهل امورج يارب

البقيات والله مستعجلة لازم اكوم اروح منتظرتني جارتي ..... باي ارجعلك اليوم مرة ثانية ... اذا قبل زوجي خخخخ


هلا نداوي والله انك كلامك عسل ياعسل هههههههههههههههه وهاي مني بعد
احول و مخبل فتحوا محل مال فلافل الاحول يذب الفلافل بره الطاوه و الخبل يسوي تششششششششششش
يكلك فد يوم كردي دعا الله يرزقه ولد ورة عشرين سنة ما صار عنده ولد جان ينزل عليه ملك كله اثول غير تتزوج خخخخخخخخخخخخخخخخخخخخخخخخ
حبيبتي نداوي انا كمان ارضع سيدرا رضاعه صناعيه وقليييييييييل ارضعها المسكينه من صدري

shehd
05-19-2006, 06:31 PM
هلووو بنوتات شلونكم
شخباركم
احوالكم
احوال الطقس يمكم
كافي عاد حترزل والله
هههههههههههه
بنات صدك مدريتوا
هااااي شنو مشفتوها بالتلفزيون
مو نداوي طلعت مسويه دعايه مال بيبسي وشفتها بالتلفزيون
اذا مشفتوها ححجيها الكم
هي وزوزو طلعوا بالدعايه زوزو تشرب بيبسي وندوش اتكولها بقيلي شويه .... بقيلي شويه
وتعرفون بنات ندوش اول مره اصلي شافوها جاراتها كالوا ماشاء الله وكاموا ايمدحون بيها هي شنو سوت كطعت الصلاة وكلتلهم لا وصايمه هم
يله بنات اروح هسه سلامي للكل مستعجله ارجعلكم بعد شويه
باااااااااي

دلوعة عزوز
05-19-2006, 06:50 PM
هاااااااااااااااااااااي بنات شخباركم هوااااااااااااااايه مشتاقه لكم
شسوالف الحلوه بس غبت اسبوعين ولا احد منكم يسال عني بس شهود حبيتي
ماادخل النت بسب جاني التهاب شديد في العده معني ما اعاني من المعده فجائه جاتني :roll:
بس الحين الحمد لله احسن

يلا بنات بااااااي بروح المستشفى عندي موعد :sfsfed:

فراشةحنونة
05-20-2006, 12:16 AM
هلاااااااااااااااااااااااااااااااااااااااااااااااا اااااااااااااااااااااااااااااااووووووووووووووووووو وووو
انييييييييييييييييييي اجيييييييييييييييييييييييييييييت
ام بدورةةةةةةةةةةةةةة الحلوة وصلتتتتتتتتتت<<<<<لحد يدفع بلة سوو طريق
اولا اني صح شوية تدلعت عليكم وكمزت فوك راسكم واتعاركت<<<دتشوف معزتها عدكم...
بس اكو خبر كللللللللللللش مهم وهو انه :::
انييييييييييييييي اموووووووووووووووت عليكم واحبكم يا اغلى واروع خوات بالعالم...
وما تتصورون فرحتي شكد جبيرة من دا اشوف البيت شلون كبر ببناته ما شاء الله ....
واشوف سوالفكم الحلوة ...لان الصراحة اول ايام اللي سويت الملف جنت قلقة محد يدخل او تمرون مرور الكرام بس الحمد لله نورتوا المكان والبيت ما شاء الله يضوي بيكم...
كل فراشة جديدة مليووووووووووووون مراحب وملايين اهلا وسهلا...
اني شوية هواية مقصرة بس اعذروني الحمل متعبني وبدور مخبلتني صايرة فد سوالف وحركات عدها مو طبيعية...
واريد ارييييييييييييييد احد ينسى عيد ميلادها يوم 26 5 الجمعة القادم<<<اذبحكممممممممممم...
بس اني الحمد لله زينة اليوم جتي امي واختي وزوجها من بغداد العصر وابوية يمي من فترة ..
بس يا بنات الوضع بالعراق اتكول ماما هالايام صاير تعيييييييس كلش يعني اتعس من الفترة اللي جنت بيها اني اوووووف يا بنات شراح يحلها يا ربي تفرج...
على فكرة ام سيدرا بنوتج ما شاء الله صورتها اتخبل وكبراااااانة الله يحميها..
ونداوي وين الدلوعة اشو بس صورة وبششششششش....
ام مصطفى حبيبتي مشكورة على كلشي وعلى كل كلمة..
واخيرا احبكمممممممممممممممممممممم كللللللللللللللللللللكممممممممممممممم
واحب سوالفكم العسللللللللللللللللللللللل..
http://up.alfrasha.com/u/167/2530/48285.jpg

زهرة الربيعين
05-20-2006, 01:37 AM
مرحباا ياحلوات شلونكم الكل بخير ان شاء الله ...هلا هلا وياميت هلا هاية منو ويانة اليوم فراشتنة الحنونة(ام بدور) كل الهلا بيج حبيبتي وسلامتج من التعب حبيبتي وندعيلج بولادة حفيفة وسهلة المواصلة هيجي يكولون (ساعة خفيفة ان شاء الله ) وحمد لله على سلامة الاهل وان شاء الله تكظون وكت ممتع ..(وانت غالية حبيبتي ..ومكانج كبير بكلوبنا ما ينرادلها مقياس )
هلا بالبغدادية وبكل اهالي بغداد شلونج حبيبتي ونتمنى دائما تدخلين الملف او سلامتج حبيبتي وان شاء الله شغلتج تعبر بسلامة ..
دلوعة عزوز هلا بيج عيوني وسلامتج من الالتهابات وان شاء الله تشفين و تصيرين بصحة زينة بس نتمنى دائما تخلون الملف
نداووووووي يعني بس لية ماعندج وكت يعني الحكي معاية طويل وانت ماعندج وكت .. ام دلوعة والله دا احس انو بطني اتحجر من الضحك من سوالفج وسوالف شهودة صدك شهودة شلونج او حلوة هاي النكتة مالت الصلاة ححححح (او صايمة هم ) اسمعي هاية النكتة يكولون واحد كان اكبر جذاب ابغداد فلمن كلولة اكو واحد الخ بالوصل كال لازم اروحلة واتحداه وصل الموصل وسال على البيت واندله دك الباب وطلعله ولد صغير كلة وين ابوك .كلة السمة (السماء) انشك وابوية راح يخيطة ..البغدادلي كال شنو هذا هذا اذا الولد هيجي هسة الابو شلونة ورد رجع البغداد ...هي قديمة بس ما خليتو نكتة هههههه توحة هاي وينج ..ولوليتا جاكي شانة العراقي هاي وينج اشو اختفيتي شنو القصة يابنات على ما الغايبين يحظرون الباقين يغيبون نريد تواصل من الكل (بس مانعاتب الي عدهة ظرف خاص ) هلا بيج فراشة بلا جناح بس ا غشع ماكو وانقطعتي او ما عتبينين خير ياربي ..منى طمنينة عنج حبيبتي ....يلا بنات باجر عندي كومة شغلات ولازم نسويهة بعدين اكللكم ان شاء الله
تصبحون على خير

الاَم الحنون
05-20-2006, 02:31 AM
هلا فيكم بنات شلونكم وشخباركم

شلونج زهرة الربيعين

شنو اخبارج فراشه حنونه

هلا بيج دلوعة عزوز وسلامتج من المعده والله يعطيج الف عافيه

وهلا فيكم جميعا

الام الحنون

البغدادية
05-20-2006, 09:54 AM
مرررررررررررررررررحبا فراشات شلونكم

يا عيني سوالفكم صايرة كلش حلوة ويا نداوي الله يجازيج بالخير :de43r

البارحة من كثر ما ضحكت بطني وجعتني واني حامل ويمكن حتى البيبي كام يضحك :frashagir

سلامنا للموءسسة === فراشة حنونة=== :fragghagi واللة يكومج بالسلامة ترة الحال واحد وبنتي هم

وكحة سلامي لكل الموجودات والغايبات :fkjuiyhag

فراشة بلا جناح
05-20-2006, 11:24 AM
((بسم الله الرحمن الرحيم))
حبيباتي بنات العراق الحلوات انا عندي اقتراح شو رايكم ان كل وحده من عدكم تكتب
اسم اكثر اكله تحبها ؟
واحلى موقف طريف تعرضتلها ؟
وما طول بالكتابه حتى خلال الصفحه الوحده انشوف اكثر من عشرة بنات كاتبين وبدون صور
أنا احب البرياني يا سلاااام خصوصا من ادين امي الحلويين


باي انا بنوته مصلاويه 45r4 :fkjuiyhag :dfr3 :de43r

لوبي1
05-20-2006, 11:28 AM
((بسم الله الرحمن الرحيم))
حبيباتي بنات العراق الحلوات انا عندي اقتراح شو رايكم ان كل وحده من عدكم تكتب
اسم اكثر اكله تحبها ؟
واحلى موقف طريف تعرضتلها ؟
وما طول بالكتابه حتى خلال الصفحه الوحده انشوف اكثر من عشرة بنات كاتبين وبدون صور
باي انا بنوته مصلاويه :h45r4 :fkjuiyhag :dfr3 :de43r


دولمه مممممممممممممممممممممممممممممممم


صباح الخيررررررر على احلى فراشات طائرات من بلدهم واولهم انا ههههههههههههههههههه
ربي يجمع الشمل وربي يعطيكم الف عافيه الجمييييييييييييع فراشه حنونه وزهره الربيعين ونداوي ومياوي
فراشه الام وshehd وsarah وتووووووووووحه ولوليتا والبغداديه وان شاءالله مانسيت احد
نداوي وين صورت بنتك دلوعه اريد انشوفها وفراشه حنونه ربي يتمم عليج الحمل بخير وسلامه

مياوي2004
05-20-2006, 02:03 PM
السلام عليكم
شلونكم بنات شلونك فراشة بلا جناح يا مصلاوية شخبارك انيييييييي اكثر اكلة احبها البردة بلاو وخصوصا من ايد اهل الموصل ويييييييييييي اشقد طيبة .
سلامي للوبي والبغدادية ونداوى والحنونة .
سلام

زهرة الربيعين
05-20-2006, 03:25 PM
مرحباا يا حلوات اشلونكم ياربي الكل يكون بخير ...الام الحنون هلا بيج حبيبتي منورة..
البغدادية حبيبتي ديري بالج على البيبي ولا تخلي يسمع نكت نداوي وشهودة ترة بعدين يصير اكبر منكتجي هههه والله والله ينطيج العافية ويكومج بسلامة ....فراشة بلا جناح اشونكي حبيبتي شكغااا على اقتغاحكي كلش خوش ....
ام سيدرا شلونج حبيبتي ما شاء الله على سيدرا هاي اكيد طالعة عليج حلوة..شنو هذا الظاهر اني وانتي انحب نفس الاكلة..
مياوي عيوني شلونج ..ادللي حبيبتي تعاي للموصل وامي تسويلج الاكلة الي تحبيهة وياهلا بيج..
باقي الفراشات شلونكم واني دا اسال على الغايبين منكم بدون استثناء ..
بالنسبة الية اني احب الدولمة هواااااية ...واول طبخة اتعلمتهة هي الدولمة بس صارت وياية موقف محرج
شوفو ياحلوات...فرد يوم من الايام وهاي على اساس اول شي راح اطبخهة اني بيدي ولوحدي ...كتلهة لامي لا تفوتين المطبخ اني اجهز كلشي وبالفعل حظرت كلش وكمت الف الدولمة وخلصت خليتهة علنار وبعدين التمت العائلة حتى نصب وناكل واني فرحانة ومتشوقة حتى اسمع ارائهم ...بس اه اش سمعت اشو كل واحد كام من مكانة كلتلهم ليش ما اكلتو:dfrf: كللولي روحي اتعلمي زين والدولمة مالتج بس صورة ..ما بي لا طعم ولا ذوق ..:ghj:.ذكت الدولمة اشو ما بي ولا قطرة ملح ولا حامض:o يعني نسيت اخلي بينو ملح وحامض هههه
ومن يومهة بعد ما طابخة دولمة ههههه....يلا بااي راجعتلكم بعدين بس اشو نداوي وشهد اختفو شنو القصة

توحه2005
05-20-2006, 04:19 PM
اني هم الدولممممممممممممه ههههههههههه هاي اشلون بينه
اشلونكم يالفراشات ان شاء الله بخير اخباركم زهره الربيعين ولوبي ونداوى وشهد ولو محد ميسال عليه بس ميخالف على كوله المثل اللي ميسال عليك اسال هههههههههههه
اني اليوم راح اسوي كليجه اصمله عليكم اشتهيتها يمكن داتوحم لالالالالا داشاقه مو صدكتوا
خلي اروح اشوف العجينه واحضر المواد باي عزيزاتي

نداوى
05-20-2006, 05:57 PM
مرحب يافراشات شلونكم ... شنو قصتكم هاي اشلون عرفتوا اني اليوم مسوية دولمة هيج ريحتها وصلتكم الكل يحجي على الدولمة , بس ما اكللكم اتفضلوا مصلاوية بيكيفي خخخخخخخخخ , ... لاوالله الدولمة بالذات طيبتها بعدد الاكالة , عزمت صديقتي لبنانية واكلنا سوى وخطية زوجي شلناله صحن خخخخخخخخخ .


شهودة ام الكيك اشاونج , والله ياعزيزتي اشاعاتج المغرضة هاي المرة طلعت آوت ... لاني اولا ما احب الببسي لأني عندي قولون والببسي يأذيني , .... والشئ الثاني آني ما اصوم لأن ممنوع علي بسبب مرضي ( وحدة سكراب ... بس حلوة خخخخخخ ) .
وطول ما مصرة على التحدي ذنبج على جنبج ......
سمعوا يافراشات عمايل شهد

مرة شهد رادت تجي لألمانيا اتصلت بمكتب الحجز سألته كم ساعة تطول الرحلة لألمانيا كللها لحظة ( حتى يشوف الوقت بالضبط ) ... سدت التليفون والتفتت لزوجها وكالتله لا موبعيدة ... خخخخخخخخخخخخخخ

ومرة عزموها جماعة بعيد ميلاد ابنهم ... ورى ماخلصت الحفلة كالتلهم باجر عيد الميلاد عدنا خخخخخ

ومرة زوجها كللها اتريدين اسويلج مساج .... كلتله لاحبيبي مسوية عشى وبهده حار خخخخخخخخ

ومرة المعلمة سألتها كلتلها شتصيرين من تكبرين .... كلتلها عجوز ست ......خخخخخخخخخ

بنات زوجي اجا ولازم اكوم ارجعلكم بعدين

بس اختمها بصورة دلوعة

شوفوها بعد ماسمعت الي اكتبه خخخخخخ
http://www.alfrasha.com/up/5933880301278212055.jpg

فراشة بلا جناح
05-20-2006, 06:53 PM
زهرة الربيعين ليش تعيبين على الحكي المصلاوي اصلا انا مصلاويه وافتخر

نداوى
05-20-2006, 07:49 PM
مرحبا فراشات مرة ثانية

دلوعة عزوز سلامتج حبيبتي ما تشوفين شر ... انا اجتني فترة جريت وجع معدة والمصيبة الفحوصات كلها اثبتت ماكو مشكلة واختصرها الطبيب قال معدتج من النوع الحساس جدا , الاكل الي تعرفين يأذي معدتج ابتعدي عنه وبهذه الطريقة حافظت على رشاقتي الي فوق العادة , لأني اصلا بطلت اكل مثل الناس خخخخخخخ.

سارا اشلونج واشلون دراستج .... روحي درسي زين , وبخصوص صديقة صديق زوجي هاي عادي هنا , تعرفي لما ولدت يوسف كان معي بالغرفة ثلاث نساء والدات ... تجي موضفة من تسجيل النفوس كل يوم تاخذ معلومات عن الاهل والمولود وتعطيهم عنوان مكان التسجيل يرحون يسجلون المولود , طبعا انا سألتني رأسا عني وعن زوجي كوني متزوجة ... اجت للي يمي قالت لها عادي انت ما متزوجة فاجبتها نعم , والي بعدها كان واقف ابوها وامها وصديقها عندها طفلة عمرها 3 سنوات ووالدة جديد سألتها متزوجة , طبعا الانسة مسكت ايد صديقها وقالت برومانسية هسة راح نتزوج ,,, تصوري هذا شئ عادي .

ياربي زوجي اتصل لازم نروح نسلم على جماعة كانوا مسافرين العراق وامي باعثتلي غراض اجيبهم بطريقي

باي اشوفكم باجر

لوبي1
05-20-2006, 08:15 PM
مرحب يافراشات شلونكم ... شنو قصتكم هاي اشلون عرفتوا اني اليوم مسوية دولمة هيج ريحتها وصلتكم الكل يحجي على الدولمة , بس ما اكللكم اتفضلوا مصلاوية بيكيفي خخخخخخخخخ , ... لاوالله الدولمة بالذات طيبتها بعدد الاكالة , عزمت صديقتي لبنانية واكلنا سوى وخطية زوجي شلناله صحن خخخخخخخخخ .


شهودة ام الكيك اشاونج , والله ياعزيزتي اشاعاتج المغرضة هاي المرة طلعت آوت ... لاني اولا ما احب الببسي لأني عندي قولون والببسي يأذيني , .... والشئ الثاني آني ما اصوم لأن ممنوع علي بسبب مرضي ( وحدة سكراب ... بس حلوة خخخخخخ ) .
وطول ما مصرة على التحدي ذنبج على جنبج ......
سمعوا يافراشات عمايل شهد

مرة شهد رادت تجي لألمانيا اتصلت بمكتب الحجز سألته كم ساعة تطول الرحلة لألمانيا كللها لحظة ( حتى يشوف الوقت بالضبط ) ... سدت التليفون والتفتت لزوجها وكالتله لا موبعيدة ... خخخخخخخخخخخخخخ

ومرة عزموها جماعة بعيد ميلاد ابنهم ... ورى ماخلصت الحفلة كالتلهم باجر عيد الميلاد عدنا خخخخخ

ومرة زوجها كللها اتريدين اسويلج مساج .... كلتله لاحبيبي مسوية عشى وبهده حار خخخخخخخخ

ومرة المعلمة سألتها كلتلها شتصيرين من تكبرين .... كلتلها عجوز ست ......خخخخخخخخخ

بنات زوجي اجا ولازم اكوم ارجعلكم بعدين

بس اختمها بصورة دلوعة

شوفوها بعد ماسمعت الي اكتبه خخخخخخ
http://www.alfrasha.com/up/5933880301278212055.jpg


دخييييييييييييييييل الرحمن حافظه من كل سوء ياربي شنو هل العسل دلوعه خااااااااااااانم اشكد صار عمرها
نداوي والعمر كله الها يارب نفس خدود سيدرا هههههههههههههههههههه بس عيون بنتي ملونه هههههههههه

لوبي1
05-20-2006, 08:21 PM
مرحباا يا حلوات اشلونكم ياربي الكل يكون بخير ...الام الحنون هلا بيج حبيبتي منورة..
البغدادية حبيبتي ديري بالج على البيبي ولا تخلي يسمع نكت نداوي وشهودة ترة بعدين يصير اكبر منكتجي هههه والله والله ينطيج العافية ويكومج بسلامة ....فراشة بلا جناح اشونكي حبيبتي شكغااا على اقتغاحكي كلش خوش ....
]ام سيدرا شلونج حبيبتي ما شاء الله على سيدرا هاي اكيد طالعة عليج حلوة..شنو هذا الظاهر اني وانتي انحب نفس الاكلة[/COLOR]..مياوي عيوني شلونج ..ادللي حبيبتي تعاي للموصل وامي تسويلج الاكلة الي تحبيهة وياهلا بيج..
باقي الفراشات شلونكم واني دا اسال على الغايبين منكم بدون استثناء ..
بالنسبة الية اني احب الدولمة هواااااية ...واول طبخة اتعلمتهة هي الدولمة بس صارت وياية موقف محرج
شوفو ياحلوات...فرد يوم من الايام وهاي على اساس اول شي راح اطبخهة اني بيدي ولوحدي ...كتلهة لامي لا تفوتين المطبخ اني اجهز كلشي وبالفعل حظرت كلش وكمت الف الدولمة وخلصت خليتهة علنار وبعدين التمت العائلة حتى نصب وناكل واني فرحانة ومتشوقة حتى اسمع ارائهم ...بس اه اش سمعت اشو كل واحد كام من مكانة كلتلهم ليش ما اكلتو:dfrf: كللولي روحي اتعلمي زين والدولمة مالتج بس صورة ..ما بي لا طعم ولا ذوق ..:ghj:.ذكت الدولمة اشو ما بي ولا قطرة ملح ولا حامض:o يعني نسيت اخلي بينو ملح وحامض هههه
ومن يومهة بعد ما طابخة دولمة ههههه....يلا بااي راجعتلكم بعدين بس اشو نداوي وشهد اختفو شنو القصة


حبيبت عمري والله يازهوره عيونج الحلوات بس انتي ماكذبتي هي صدك تشبهني بس عيونه ملونه مو عليه
ههههههههههه ليش الكذب هههههههههه اما بالنسبه للدولمه اخخخخخخخخخ على الدولمه يراد نكتب بيها بيت شعر
حبيبتي مياوي سئلت عليج العافيه عمري
توحه يمعوده اقري ردودي زين وراح اشوفين اني بسئل عليج عيني شلون مانسئل عليج وخاصه انك عامله كليجه هههههههههههههههههههههه علمود اضوكينه خخخخخخخخخخخخخخخخخخخخخخ
سلامي لكل الفراشات ام شهوده عيني وينج اشو ماكو شلونج يالغاليه

دلوعة عزوز
05-20-2006, 09:50 PM
شخباركم بنات حبيباتي انشا الله الكل بخير
بالنسبه لي انا احب احلى اكله المكرونه بالبشمل اموت فيها بس بدال البشمل اضع في المكرونه جبن كرافت ومايونيز وقشطه حلوووووووووه جربوها
نداوي حبيتي شخبارج وشلون النونو سيدرا
حبيتي بالنسبه للدولمه شلون طريقتها عطيني اياها بالتفصيل
اختكم دلوعة عزوز -ام هشام

دلوعة عزوز
05-20-2006, 10:04 PM
شخباركم بنات حبيباتي انشا الله الكل بخير
بالنسبه لي انا احب احلى اكله المكرونه بالبشمل اموت فيها بس بدال البشمل اضع في المكرونه جبن كرافت ومايونيز وقشطه حلوووووووووه جربوها
نداوي حبيتي شخبارج وشلون النونو دلوعه مشا الله عليها تهبل الله يخليها لج
حبيتي بالنسبه للدولمه شلون طريقتها عطيني اياها بالتفصيل
اختكم دلوعة عزوز -ام هشام

فراشةحنونة
05-21-2006, 12:00 AM
هلو حبايب...
شنو هالسوالف الحلوة على الاكل...
سبحان الله اليوم احنة مسوين دولمة ماما تسوي دولمة رهيييييييييييييبة اتمنيتكم ويانة والله..وسهمكم العافية.
اللي يضحك اني دا اتشهى فلااااااااااااااافل تصوروا يعني لفة الفلافل كلش عزيزة صايرة عندي..
الصراحة كل الاكل اشوفة طيب..
وهالايام دا اتشهى الحلوووووووو هم والبرودة باي شي...
نداوي ما شاء الله دلوعةة كمرررررررر الخدود هاي شنو تبارك الله...
حبيباتي والله لو تشوفون شلون دا اكتب ايد عالكيبورد وايد على بدورة والافندية لازمة موبايلها وتسمع اخاصمك اه وتركص بنات اخر زمن...
بنات ماما تسلم على كلكم وتكول ان شاء الله الله يجمعكم بالعراق قريبا امين..
الي رجعة وبوساتي..

Lolita22
05-21-2006, 02:01 AM
درررررررررررررررررررررب دررررررررررررررررب وصلت لوليتا الحلوه<<<<<شهالثقه يابه :frasha19: :frasha19:

مشتاقتلكم و الله يا مكروهاااااااااااااااااااااات بس شسوي و الله ما قدرت ادخل هاليومين جنت مشغوله و سافرت على بيرن بشغل<<صحفيه الأخت بس بعدها بأول الطريق :sdfsdf: بس كل يوم بالليل اكوول ادخل اسلم عليهم تقوم تطلعلي شي سالفه و التهي و تلاكوني اخر المطاف واقعه بالفراش و دا اكل رز مع الملايكه على قولتهممممممممممممممممممممممم حبايب قلبي المصرييييييييين<<<ماكو شي انتو شعليكم اي حبايب قلبي :sgsgf:

شأخبارجن ؟؟ههههههههههههههههههههههههههه نداوي حبي اشو نازله حدر عالاكراد...سكتي مو اجتنا كميه ((من السما)) من السليمانيه و جنت محضرتلك اول وحده ادزلها بس هسه بطلت<<<خبااااااااااااااااااااااثه :frasha12: بكيفي اي بكيفي بس اكوولج بوسيلي دلوعه ما شاء الله حلوه اكيد مو طالعه على امها<<<<قدرج تطلعلج وحده صريحه :ghjgjh:

زهره حبي شلووووووووووووووونج و شأخبار العريس شكو ماكو منا منا << دتلف و تدور ما تعرف شلون تكوللها بس عالعموم موفقه حبي و شوكت العرس لو بعد وكت مو؟؟ مو :df:

لوبي حبيبتي شأخبارج ؟؟فراشه حنونه...دلوعة عزوز...فراشه بلا جناح..توحه..سارا...كلكممممممممممممممممممم بدون استثناء مشتاقتلكم و الله...

و يابه على سالفة اي اكله احبها ممممممممممممممم ما اعرف احب هوايه شغلات <<<< تاكل و ما يبين بيها :10_8_9[1] بس مااااااااااااا احب الدولمه يعني اكلها اذا ماما طابختها بس لو ما اكلتها سنتين ما افتقدها !! أحب الشيخ محشي :frasha19: و تمن جزر خخخخخخخخخخخخخخخخخخخخخخخخ و على موقف معين ما اتذكر و الله بس اذا اتذكرت اكوللكم !

يابه كم نكته عالماشي قبل ما أفلت...

واحد كّال لاْبوه : بويه اْريد ( كيري ) .. اْبوه كّال له : والله ماتاخذ غير بت عمك كّال له : بويه كيري مو بت كيري جبنه .. قال اْبوه : وبت عمك كّيمر يبويه ..

اكو فد مرة واحد راح للصديليه وطلب كارتونين نيفيا ولما استغرب الصيدلاني من الكميه الكبيرة ؟ كال له الواحد يمعود بس حسن ياكل باليوم اربعه <<<<كيمر مو كريم ههههههههههههههههههههههه

* في واحد سرق من جيرانه بطه.... ثاني يوم من الصبح وهو طالع شاف جيرانه ... جيرانه قال صباح الخير .... قال له يابطه <<< الي على راسه بطحه خخخخخخخخخخخخخخخخخخخخ

واحد متعاجز حيل... مرته دگت الباب گاللهه: انتي طالق.

أثول بلع حباية فياغرا.... وگف شعر راسه هههههههههههههههههههههههههههههههههههههههههههههههههه هههههههههههههههههههه

يالله سلام يا قمرات


لوليتا

sarah_s
05-21-2006, 07:44 AM
هلو فراشات شلونكم ان شاءالله كلكم بخير نداوي عيني داتشاقى وياج والله اعرف المهم دلوووعه حبيبتي تجنن
اما اكثر اكله احبها فهي الدولمه طبعا واحب بعد كبه الرز اد احنا اهل الموصل مشهورين بالكبه ( اذا ماكنت غلطانه خخخخخخخ) امي تسويها بالتمر الهندي تطلع ياااامي حامضة تجنن ......زياقي الفراشات شلونكم سلامي لوحده وحده بدون استثناء اريد اروح المدرسه اسال المعلمات خليني اشيب راسهم اكيد اشتاقو للشرح صارلهم اسبوع ماشارحين (خخخخخخخخخخخخ) ادعولي الله يخليكم ادعوليييييييي

توحه2005
05-21-2006, 03:37 PM
عيني لوبي شلونج وشلونها سيدرا خااااااااانم
لو تدرين شلون كليجه صارت مممممممممممممممممممممممم
هههههههههههههههههههههههه

لوبي1
05-21-2006, 04:50 PM
عيني لوبي شلونج وشلونها سيدرا خااااااااانم
لو تدرين شلون كليجه صارت مممممممممممممممممممممممم
هههههههههههههههههههههههه


هلا عيني توحه شلونج وشلونه كليجتج اكيييييييييييييد طيبه لان دا اشتم ريحة الهييييييييييييل امفحفحه
ههههههههههههههههههههههههههه
وهذه صورت ابنك الله يحفظه فدوه الله حبيبي ترى حجزته من هسه لبنتي سيدراااااااااااااااا

بنات فراشات شلونكم عيني اشو ماكو الكم حس زهره الربيعين وساره وام شهوده ونداوي ام النكات ههههههههههههه ولوليتا عيوني وفراشه حنونه ان شاءالله زينين اخبار الاكلات الطيبه وياكم بما ان السبت والاحد عطله شنو سويتو اكل اني بالنسبه لي ماسويت شي خخخخخخخخخخخخخخخخ ملتهيه بسيدرا خانم
زوجي المسكين كام سوى مشاوي ههههههههههههههه بس السبت سويت تمن كلم بنات تعرفوه لو نسيتو

فراشة بلا جناح
05-21-2006, 06:00 PM
السلام عليكم حبيبات البي
انا اليوم بمناسبة الحكي على الاكل عملت كريم كرميل بس هذا من ضمن الحلو الي ما تعرف والي تريد اعلمها كيف تعمله فناا جاهزه لاعطيها المقادير

نداوى
05-21-2006, 07:31 PM
مرحبا فراشات
اعذروني وصلتني ثلاث سيديات من اهلي ومشغولة اتفرج عليها مجمعين كم مناسبة , تصدقون حسسوني ببشاعة الغربة من خلال لمتهم الحلوة

انتو شلونكم ان شاء الله كلكم بخير الي رجعة الكم بعدين

عزيزتي دلوعة عزوز هاي مقادير الدولمة المصلاوية

1- الحشوة
اكثر من نصف كيلو رز. بصلة متوسطة الحجم مفرومة ناعم , حبة طماطة مفرومة ناعم اربع فصوص ثوم او اكثر حسب الرغبة مفرومة ناعم لحم دهين مفروم حسب رغبتك لكن يكون اكثر من نصف كمية الرز , فلفل اسود وملح , ملعقتين اكل معجون الطماطة .تخلط كلها سوية .

مواد اخرى : لحم قطع متوسطة اوافخاذ او اجنحة دجاج حسب الرغبة , حامض ( عصير الليمون او تمر الهند او الليموندوزي ) , زيت .
المواد التي ستُحشى
اربع بصلات , قرع (كوسا ) ثلاثة , باذنجان عدد اثنين , اربع حبات طماطة , اربع او ثلاث فليفلة ( بابريكا ) , ورق عنب او سلق او ورق خس .
يقطع رأس البصل من الاسفلومن الاعلى وتقطع بشكل طولي الى مركز البصلة ويوضع في قدر فيه ماء على النار حتى يغلي حتى تستطيعين تفكيك البطلة وتكون على شكل قشور جاهزة للحشي .
يقطع كل من القرع (الكوسا ) والباذنجان كل حبة الى نصفين بالعرض وتحفر من الداخل ثم تقليها بالدهن , اما حشوة القرع فتستطيعين رميها اسفل القدر .
تقص الطماطةمن الاعلى وتحفريها وترفعين اللب تستطيعين اضافته الى الحشوة
تقصين الفليفلة من الاعلى وتفرغين داخلها من حب وغيره .

الان تأتين بالقدر وتضعين الزيت فيه وترتبين اللحم او قطع الدجاج اسفل القدر وتستتطيعين وضع حشوة القرع معها , ثم تبدأيين بالحشو اولا تحشين الطماطة وترتبها ثم الفليفلة والباذنجان والقرع والبصل كل هذا تحشيهم وتحاولي ان ترتبيهم ويجب ان تكون الحشوة قليلة في كل حبة تحشيها يعني نصف حشوة لأن الرز عندما يُطبخ سوف يحتاج لمسا حة لينضج . ثم تبدأيين بحشو ورق العنب او السلق وترتبيه بحيث يصبح كأنه قطعة واحدة .
تضعين معجون الطماطة مع الماء وتضييفين اليه الحامض وتغليه على النار وتضعين معه قليل من الملح , ثم ترفعيه وتكبيه على الدولمة بحيث يصل الى حد فوق ورق العنب بانج واحد تضعين فوقه صحن او مصفات تشبه الصحن وتضعين فوقها ثقل وتضعيها على الحرارة العالية لمدة عشر دقائق بعدها ترفعين الثقل والصحن وتنزلين حركة الطباخ الى اقل درجة وتتركيه لمدة ساعة او الى ان ينشف ماءه مع ابقاءة مغطى
والف هنا

تعذروني بنات ما الي خلق اكتب , وهم دلوعة بحظني حرام دا تنام

مع السلامة

مياوي2004
05-21-2006, 10:34 PM
السلام عليكم
شلونكم بنات حرام عليكم بس تحكون بالاكل عيني فراشة بلا جناح تعرفيني اشقد احب الحلو وبس قريت الكريم كراميل قمت وعملته واكلته وتعرفين اني دا اريد اسوي رجيم بس شلون ونداوي والبنات كله دولمة ودسم ز
حبيبتي زهرة الربيعين مشكورة والله والنعم من اهل الموصل بس انت حجيتي حجاية واني على اساسها راح اجي واعمليلي بردة بلاو هههههههههه .
لوبي عيوني اذا انت ملتهية بسيدرا اني ملتهية بمياوي وبددومة وابوهم كلهم عبالك عمرهم بعدة مطالعة الاربعين وماالحق ارجع من الدوام وابلش بالبيت والطبخ ها عود بالبوقة دا اقعد على النت واسمع اخباركم .
حبيبتي البغدادية والحنونة شلونكم شخبار الحمل وين وصلتو وبدور شلونها ، توحة والله اريد اذوق الكليجة مالتج ، يلة عزمت روحي ههههههههه .
نداوى عيني اسطتنا والله كل ما اقرى النكات اموت ضحك شنوهل دم الخفيف خابطته ماي هههههههههههههه .
يلة بنات اروح ارتاح شوية عندي قعدة من الصبح ودوام مو مثلكم عيني النوم للظهر خخخخخخخخخخخ ( حاروقة مو ) .

توحه2005
05-21-2006, 10:42 PM
هلا عيني توحه شلونج وشلونه كليجتج اكيييييييييييييد طيبه لان دا اشتم ريحة الهييييييييييييل امفحفحه
ههههههههههههههههههههههههههه
وهذه صورت ابنك الله يحفظه فدوه الله حبيبي ترى حجزته من هسه لبنتي سيدراااااااااااااااا

بنات فراشات شلونكم عيني اشو ماكو الكم حس زهره الربيعين وساره وام شهوده ونداوي ام النكات ههههههههههههه ولوليتا عيوني وفراشه حنونه ان شاءالله زينين اخبار الاكلات الطيبه وياكم بما ان السبت والاحد عطله شنو سويتو اكل اني بالنسبه لي ماسويت شي خخخخخخخخخخخخخخخخ ملتهيه بسيدرا خانم
زوجي المسكين كام سوى مشاوي ههههههههههههههه بس السبت سويت تمن كلم بنات تعرفوه لو نسيتو













هلو فراشات الحلوات اشلونكم لوبي ولوليتا وزهره الربيعيين شخباركم ان شاء الله بخير لوبي عيني مكانج خالي على الكليجه ياريتج يمي بس ان شاء الله يجمع شملنا وسيدرا الحبوبه اشلونه بعده عندها غازات الله يشفيها
بوسه لسيدرا من هاي الخدود الحلوه طبعا عيني محجوزه لابني حمودي :de43r
يله عيني اروح انيم ابني باي سلامي للكل

لوبي1
05-22-2006, 01:11 AM
هلو فراشات الحلوات اشلونكم لوبي ولوليتا وزهره الربيعيين شخباركم ان شاء الله بخير لوبي عيني مكانج خالي على الكليجه ياريتج يمي بس ان شاء الله يجمع شملنا وسيدرا الحبوبه اشلونه بعده عندها غازات الله يشفيها
بوسه لسيدرا من هاي الخدود الحلوه طبعا عيني محجوزه لابني حمودي :de43r
يله عيني اروح انيم ابني باي سلامي للكل


هههههههههههههههههههههههههههه
لالالالالالالالالالالالالالالا هي مال يلم شملنا فلازم مو علشان شي بس علشاااااااان الكليجه خخخخخخخخخخخخخخخخخخخخخ حبيبتي مادام انا بالسويد وانت بالسويد فكيد بنلتقي سلامي للكل

عيني نداوييييييييييييييييييييييييييييييي ام دلوعه الحلوه دولمه الموصليه ماتشبه الدولمه البغداديه
واكييييييييييييييييييييد الدولمه البغداديه اطيييييييييييييييييييب خخخخخخخخخخخخخخخخخخخ مقاديرها غير
عيني ام شهوده وام مياوي يخليلكم ربي بناتكم وتشوفوهم عرايس زهره الربيعين صاغلي زمان ما غشعتوكم
سيدرا ما فد اتخليني احكي معاكم هههههههههههههههههههه طبعا صديقتي من الموصل اموووووووووووووت عليها وخاصه لما بتحكي موصلي عبالك فرنسي خخخخخخخخخخخخخخخخخخخخخخخ

فراشة بلا جناح
05-22-2006, 02:55 PM
إلى فراشات العراق إليكم الدولمة الموصلية ((وإلى دلوعة عزوز))

المكونات
نصف كيلو لحم هبر مع قليل من الطغف
نصف كغم من القرع
نصف كغم من البصل
نصف كغم من الطماطة
حبتين من الفلفل الاخضر
ربع كغم بادنجان
سلق وورق عنب
نصف كغم من الرز
التحضير:
تقشر الخضراوات وتحفر كما في الصورة

[CENTER]http://img295.imageshack.us/img295/5584/37aa1.jpg



نخلط الرز المغسول مع اللحم ويفضل ثرم اللحم مع الطغف باليد اي بدون ماكنة لحم حتى تبين اللحماي وكذلك نخلط كل ما حفرنا من الخضراوات مع الرز واللحم

http://img45.imageshack.us/img45/6696/22no.jpg


نقوم بحشوالخضراوات بخلطة اللحم وترتيبها في القدر القرع والباذنجان في الاسفل ثم البصل والفلفل الاخضر والطماطة ثاني صف والباقي رتب السلق وورق العنب ويغطى بعضود السلق ونضع الطز او صحن زجاج حتى لاتنفتح الخضراوات اثناء الغلي .
تغلى بالليمون الحامض او الليمون دوزي او السماق حسب الرغبة تغلى على نار عالية لمدة عشرة دقائق ثم نهدئ النار ونتركها لمدة نصف ساعة ونقلبها في صينية والف عافية


http://img119.imageshack.us/img119/1777/12zd1.jpg

:frashagir :fhgfdhagi
منقووووووووووول

نداوى
05-22-2006, 04:32 PM
سلام ياحلوات .... اشلونكم اليوم ان شاء الله بخير

عزيزتي فراشة بلا جناح , وين كنتي لما سوينا ملف العراق على هذه الصور الحلوة من الموصل , وعاشت ايديك على الدولمة .... بس لو مصغرة الصور اشوي احلى وحتى لاتتخربط الصفحة ,
على كل حال انت اشلونكي واشني اخباركي , اقللك اذا انت مصلاويي وتعيشين بالموصل ليش كتبتي باسمكي عراقية من بغداد ؟؟..... وطول ما انت بعدكي بالموصل ليش ما تكتبينا عن الموصل , اول البيحة جتني سيديات من اهلي يالله اشقد اشتاقيتوا للموصل , الله ينتقم من الامريكان والي جابوهم ايمتي الله يفرجها علينا ونرجع .

لوليتا هههههههههههههههه .... انا بعد جتني بقلاوة وسودة وحلاوة سمسم من الشمال من دهوك دزيلي من السما حتى ادزلج بقلاوة وسودة خخخخخخخخخ .
ولاتزعلين خذي هذه النكتة
كردي ما يفتهم بالرياضيات.. گكام طيّر الأوراق.. گكالوله: ليش؟؟ گكال: حته افهمهه وهيه طايره.هههههه

مصرية تعاركت ويه وحده بدويه.. گكالتلهه.: غوري، گكتك نيله.. گكلتلهه: انا غوري يادلة الگكهوه؟؟ههههه
اكلج بعدج ضايجة وما تعرفين ليش ؟؟؟.... الج هاي الوصفة كلما تضوجين اضربي نفسج راشدي هي تروح الضوجة تعرفين اشلون بعد ماتضربين نفسج راشدي راح تسألين نفسج بالله انا عاقلة مجنونة اصدق نداوي خخخخخخخخخخخخخخخ , والله سويتها بابن جارنا عمرة 11 سنة كلتله راحت الضوجة كال لا كلت اضرب اقوى وضرب نفسه اقوى خربت من الضحك وكلتله لا انت ضوجتك صعبة ما الها حل ( لا تستغربون هو من المنصور ببغداد ) خخخخخخخخ.
عزيزتي سارة اشلونج ويه الدراسة والمدرسات اكيد مريحتهم على الاخر شوفي بس تعصب عليج مدرسة احكيلها نكتة من نكاتي خخخخخخخخخخخ .

ام بدور اشلونج حبيبة , الله يخليلج بدور هي ليش تنراد البنت لأنها دلوعة وتتصرف تصرفات تطير العقل . وبعدين ولا يهمج خليها ترقص والبدلة علي خخخخخخخخ .

توحة .... اشلونج , وشني اخبارج ان شاء الله بخير . بس سيدرا ها , لو مهما يسوي حموتج ما راح ازوجه دلوعة خخخخخخخ , على فكرة انا بعد عندي حمودي .

البغدادية اشلونج .... شو تكتبين كلمتين ثلاثة وتروحين .... ننتظر اخر اخبارج .

لوبي تعرفي حتى زوجي جنت اقرى الردود مر شاف صورة سيدرا كال مني هاي الحلوة تشبه دلوعة , الله يخليلج هية ,ماشاء الله عليها , عزيزتي دلوعة ولدت 27 -3 ... احسبي عمرها انت ههههههه , تعرفي هسة وكالعادة هي بحظني وانا دا اكتب .... وكل شوي تتحارش بي حتى تلفت انتباهي , توصوص او تتحرك زايد الى ان التفتلها تسكت .

مع السلامة ارجعلكم بعدين

فراشة بلا جناح
05-22-2006, 04:44 PM
حبيبتي نداوي
التسجيل في الموقع هو موهدى الي من وحده عزيزه على قلبي وما راح اذكر اسمها لايرو هذا:fererhagi ح اجرها وهي من اهل بغداد ولهذا السبب مكتوب مدينة الفراشه بغداد وانا اليوم غيرتها باي :fkjuiyhag

لوبي1
05-22-2006, 05:34 PM
فراشه بلا جناح يعطيك الف عاااااااااااااافيه دولمه روعه اي هااااااااااا هذه الدولمه ولا بلاششششششششششششش
بس والله كلفتي حالك وعامله كثيررررررررررر بس كلش طيبه وان شاءالله نردها لك بالافراح شنو هاي توحه تعمل الكليجه وانت بتعملي الدولمه هههههههههههههههههه
راح ابجي اشتهيت الدولمه وبنتي الله يسلمها مادام عندها مغص احلم اسوي دولمه :10_14_3[1 وخاصه بالضلوووووووووووووع بجعب الجدر ممممممممممممممممممممممممم :10_8_9[1]
نداوي يخليج زوجك وبنتك ياااااااااارب اكييييييييييييد عيني بناتنه حلواااااااااااات جمال عربي اصيييييل خخخخخخخ

sarah_s
05-22-2006, 07:43 PM
دلـع .دلــــــع دلــــع عيني دلع اهاااااااااااااااااااااااااااااا دلع روحي دلع اهااااااااااااااااااااااااااااا (نداويولوبي1 عيني هاي لدلوعه حبيبتي وسيدرا بعد اشتهيت اقرصهم من خدودهم الله يحميهم ويحفظهم) انا امووووووووووووووووووت بالبنات دائما اقوللها لامي اريد بنت تقوللي روحي تزوجي وجيبيلكي بنت ( خوش ام والله ) خخخخخخخخخ والله من جد اشتهيت بنوته العب فيها لعب واني همينه الاطفال يموتون عليه من يشوفوني يعلقون بي لان لي خلقهم كثير صديقتي تقوللي بكره من يصير عندك اطفال شراح تسوين بيهم ( من كثر مااحبهم ) المهم دراستي تمام هل يومين اقدر ادخل المنتدى اما بعدين لا طبعا بس اسالوا عني وادعولي الله يخليكم تبدا امتحاناتي يوم السبت ..... ويوم 7/6 اسافر لمكه دنسوي عمره وراح ادعيلكم اللي توصيني على شي تقول او دعاء ادعيلها ياه . المهم وبعدين مباشره من نخلص عمره رح اسافر عالاردن
يالله سلاااااااااااااااااااام

فراشة بلا جناح
05-22-2006, 08:28 PM
sarah_s الله يحفظك و يسهل درستك اتمنى لو تدعيلي بالحرم الشريف الله يرزقني بالذريه الصالحه لان سبحان الله كلما احبل وافرح اطرح وهاي مرتين وكل الناس يقولولي عين حاسدين هاي تمام انا صارلي سنه بس مزوجه بس والله الناس اكلت راسي على ليش لي هسه ما شديتي حيلك وحملتي والحمد لله زوجي راضي
وشكراااااااااااااااا...

Lolita22
05-22-2006, 09:45 PM
مساء الورررررررررررررررررد على عيون أحلى بنات ..بنات العــــــــــــراق....و الله منورات <<<حاسبتكم لمبات خخخخخخخخخخخخخخخ

شلونجن و شأخبارجن و شكو ماكو؟؟

فراشه بلا جناح شهالأبداع يابه؟؟؟؟؟؟؟؟؟ما شاء الله و الله الدولمه طالعه شكلها يشهي مع اني ما احب الدولمه ..بس لو بدون لحم<<<<نبـــاتـــــيـــه !! مره دا اساعد أمي دتلف دولمه خربت الدنيا كلها أخر شي أمي طردتني طرده محترمه تقوللي و الله عمرج ما راح تتعلميها..شسوي مو بايدي ما أعرف <<<ما الها واهس بس حبت تنكد على أمها هههههههههههههههههههه :frasha19: :frasha19:

زهرة الربيعين شأخبار العريس حبي و ما قلتيلنا شوكت مسافره على بريطانيا بأذن الله؟؟موفقه يا قلبوووووووووووو

عمي شنو هالبنوتات الحلوات؟؟دلوعه و سيدرا ما شاء الله كتاكيت على قولة ساره شيهتونا يصير عدنا بنوتات <<<أنتي الكي الاب بعدين دوري عالبنوته :sfsf:

توحه شأخبارج..فراشه حنونه وينها أشو هم اختفت و الله مبين هالمره تغط تغط و ترجع تشوف سألنا عليها لو لا هوايتها ألختيلان هههههههههههههههههههههه تذكرون الختيلان بنات؟؟الله على ايام بغداد الحلووووووووووووووووووووووه...الله يعينها و يعين اهل العراق كلهم ياااااااااااااااااااااااارب

سارا حبي موفقه وأن شاء الله ناجحه بدرجات مميزه و تروحون و ترجعون بالسلامه أمانه أدعي الله يحققلنا الي ببالنا و يسهل الامور...

تاكلون ويايه؟؟سلطه و خبز اسمر <<< ريجيم خخخخخخخخخخخخخخخخخخخخ لا مو ريجيم و الله مو ناقصه أني بس ما اعرف اشو حسيت اريد اكل هالشي و خلاص أنتو شكو <<<<حجه أحد وياج :dfdf:


خلوني أفلت شوي و ارجعلكم ان شاء الله


سلام


لوليتا :sdgdsg:

زهراء1977
05-22-2006, 09:51 PM
يا بنات اشنونكم وش اخباركم واخبار العراق بالله عليكم زوجي سافر وعافني اني متعلمة على سفره بس كل مرة يسافر الى لندن وفرنسا وما اضوج بسسسسسسسس هالمرة ضجت تدرون ليش لان سافر الى قلبي العراق والله بنات خابرته وتعاركت وياه وكلي اشبيج هالمرة كل مرة اتخابرين وتضحكين ودزين مسجات حلوة والله ما ادري يا بنات اشبيه تريدون الصدك اني اغار لان مشتاقة حيل لاهلي ووطني يكلي اشبيج ضايجة تعاي شوفي الحر اللي ببغدادوكهرباء ماكو مواحسلج انتي كاعدة بالاردن كتله لا اني اضوج انتي بنص اهلك والله بنات ما ابالغ الغربة مو هينة ما ادري بس اني هالشكل تعالو اكللكم شنو هاي الاكلات اللي تتسووه مو حرام عليكم حتخربون الرجيم

مسك212
05-23-2006, 12:17 AM
هلو بنات حبيباتي اوووووووووووووووكفوا دقيقة لا احد يعتب علية وياخذني حاصل فاصل اوكفوا خلي اول شئ اخذ نفس واسلم وبعدين احجيلكم قصتي اول شئ احب ارحب بكل الخوات الفراشات الجديدات وبصراحة مرح اذكر اسماء لان ملحكت اقرا كل الحجي بس اريد ارحب بزهراء 77 واكلها اني هم ساكنة بالاردن وياريت نتعرف اكثر .....................وثاني شئ اريد اشكر زهرة الربيعين على سؤالها عني واكلج يازهورة الف الف مبروك ولو كلش متأخر بس والله كلش فرحتلج من كل قلبي والله يسعدك ويهنيك وتونسي ترة فترة المهر احلا فترة لان كلها مجاملات وبعدين يبين اكلان .................ما اريد احجي مو حقي بنات ......................وسلمي لكل من سأل عني او لم يسال ومشتاقتلكم بس القصة ومابيها ابن عمي مخطوف بغداد صارلة اسبوع وليهسة كلشي ماكو واهلة ومرتة متخبلين واني هم ضاربتني الكأبة والجو متوتر عدنا بالعائلة بس كلت لازم اطب انفس وياكم الله يخليكم ادعولة دعوة غريب مستجابة طولت عليكم بس هاي القصة ومابيها {ها هسة عذرتوني؟}

توحه2005
05-23-2006, 12:47 AM
هاي بنات اشلونكم لوبي شهتيني دولمه وشلونه سيدرا بوسه من خده
نداوى عيني مو مشكله حمودي ازوجه سيدرا ودلوعه الشرع محلل 4لو شنو رايج
لوبي قابله بس بعدي مسالته ههههههههه
يله نعست اروح انام باي .... :frasha 1:

لوبي1
05-23-2006, 01:21 AM
sarah_s الله يعطيك العافيه ويسهل امتحاناتج وتنجحين باذن الله ويعطيك مرادك ان شاءالله وياربي يجعلك قسمه بابن الحلال وتجيبي لنا احلى بنوته ياااااااااااااااارب
وياريت تدعينه دعواه حلوه جنب بيت الله الحرام بان يكتبنه زياره مكه ان شاءالله ويحفظ لنا اولادنا واهم شي يحفظ لنا اهلنا الي بالعراق كلهم ويجعل العراق بلد امن من كل مكروه يااااااااااارب
فراشه بلا جناح ربي يرزقك الذريه الصالحه باذن واحد احد ولا تفكري ان شاءالله على السنه الجديده بتجيبين لنا احلى بوبو صغير بس انت قولي يالله
مسك ياعمري شلونك شنو هل الاخبار الي ماسر الله يعينكم ويردلكم الغايب ابن عمك سالم غانم ان شاء الله
لوليتا عيوني ربي يرزقك بابن الحلال وكمان بيرزقك الذريه الصالحه احلى صبيان وبنات هههههههههههه
زهراء عيوني هلا بيج معانا بالتجمع وان شاءالله ربي يجعلك قسمه بزياره العراق الحبيب بس مو هسه لان الوضع الان كثيييييييييير تعبان والله اهلنا الي بالعراق بيصارخون من شده الماسي والقهر والتعب الله يكون بعونهم توحه عيوني هذا منو الله محلل اله اربعه اشقفج ؟؟؟ ههههههههههههههههههههههههههههه بنتي ماتنزل عليها ضره هههههههههههههههههههه
شكو عليج عيني ام حموده
سلامي لحنونه ومياوي وزهره الربيعين والله يتمم عليها الزواج بالبركه والسعاده

زهرة الربيعين
05-23-2006, 02:13 AM
مرحباا اشلونكم ان شاء الله تكونون بخير.....اول شي حبيبتي مسك الله يرجعة لاهلة بسلامة وان شاء الله راح يضهر وتفرحون بسلامة يارب ...واشكرج حبيبتي علمباركة لا لامتاخرة ولا شي. وان شاء الله تفرحين بولدج ..اتصدكين حبيبتي انقهرت على ظروفج هواية وادري هذا اشكد صعب بس ان شاء الله الله يفرجهة.. زهراء 1977 حبيبتي لا ظوجين وان شاء الله الله يحسن وضع العراق وتجين وتعوظين كل الايام وتفرحين بشوفت اهلج يارب ..بس والله اني هم قلقت يعني الغربة صعبة هواااية
فراشة بلا جناح شلونج عيوني ومشكورة على الاكلة الرائعة وتسلم ايديج والله شهيتيني علدولمة بهليل ..بس حبيبتي لا تزعلين مني اني لمن احجي مصلاوي وياج هذا يعني من حبي الج والله ولا تنسين انو امي مصلاوية بس ما كتيلي انت بيا منطقة من الموصل؟
سارة حبيبتي الله ينجحج يارب وان شاء الله ولا تنسين حبيبتي تدعيلي لمن تروحي العمرة انو يلتم شملي وية خطيبي ..ومقدمة اكلج عمرة مباركة وذنب مغفور وان شاء الله الله يحقق امنياتج يارب.....لوبي حبيبتي شلونج وشلونهة سدورة الحلوة ما شاء الله عليهة الله يطول بعمرها يارب وتشوفيهة عروسة ..والعريس موجود والحمد لله بس مو حمودي لان امبين انو ناويهة من هسة على اربعة..
لوليتا يالوليتا ...شلونج حبيبتي هية عندج حساسية من لف الدولمة هههههه بس اش كلنا ..كلنا لازم كلما تدخلين الملف تحجين على مغامرة من مغامراتج ..تدرين جا على بالي خطة .انو اذا اني خطيبي بعد الزواج اتعارك وياية كلشي ما اكلة بس ادز وراج ..والج الباقي هههه اوكي جاكي شان .بالنسبة للسفر مو هسة واول البارحة لبسنا الخواتم بس ما سوينة حفلة لا زوج عمتي الصغيرة ما صارلة من زمان متوفي قبل 5 اشهر سويناهة سكاتي.. بس اني مقهورة حيل لان راح اشتاكلة هواااية لان ما ضلهم شي راح يرجعون ااه..يلا عيب ما نبجي.

شلونج حبيبتي توحة ان شاء تشوفين حمودي عريس بس مو اربعة هههه الله يحفظة حلو ما شاء الله عليه....فراشتنة الحنونة هاااي وينج حبيبتي ان شاء الله بخير ...والغدادية شلونج عيوني....مياوي حبيبتي ادللي انت بس تعالي واني اخلي ماما تسوليج احلى اكلات ..بس اريد اسالج سؤال شنو البردة بلاو هاي ما اعرفهة ؟
دلوعة عزوز حبيبتي ان شاء الله تسوين الدولمة او راح تشوفين اشكد طيب هم هم.....................شهودة حبيبتي هاااي وينج وشاخبارج والله اشتاكيت لسوالفج اتمنى ما طولين علينة .........ظلت وحدة وما راح اذكر اسمهة لان ما سالت عني وهي لو تعرف اني اشكد احبهة ما جان اتكول (انت الحكي معاكي طويل وانا ما عندي وقت ) ليش يابة خوما مسجل كدامج هههه بس راح اسال على حبيبتي الصوصية الصغيرة دلوعة ما شاء الله عليه الله يطول بعمرها ...بس تعالو كلولنا اخا سيدرا ودلوعة بنات خالات واحنة ما نعرف ؟...خو ما نسيت احد يلا سلامي للي غايبات وان شاء الله يكونو بخير.......يلا حبيباتي اتاخر الوكت ولازم انام نعست عيوني ....بااااي واشوفكم بخير

زهرة الربيعين
05-23-2006, 02:21 AM
اشكرج حبيبتي ام سيدرا على الدعاء فرحتيني بهل دعاء ..والله يفرحج يارب وحميكم ....واني راح ادعيلج بولد صالح (اخ لسيدرا ) وان شاء الله تربوهم بعزكم يارب

توحه2005
05-23-2006, 11:53 AM
هلو حبيبتي زهزوره اشلونج مشتاقين اخبارج ان شاء الله بخير وخطيبج اشلونه ويوم الولد الصالح ويشبه حمودي هههههههه
منو هذا اكو عريس لسيدرا غير حمودي عيني هاي خيانه احلف بالطلاق ترى هاااااااااااااا
عيني ابني لقطه وسيدرا لحمودي هاي شلون ديسوون حجي هههههههههههه
عيني لوبي اشقفج تنطين سيدرا لغير حمودي اانتي يمي بالسويد وتعرفين الباقي خخخخخخخخخ
وسلامي لنداوى والملكه الحسناء اشو ماكو من زمان ولباقي الفراشات وان شاء الله دائما طايرات هههههههه
يله لازم اروح عندي طلعه لنكمل بعض الامور الشغل ميخلص

باي عزيزاتي

لوبي1
05-23-2006, 12:16 PM
هلو حبيبتي زهزوره اشلونج مشتاقين اخبارج ان شاء الله بخير وخطيبج اشلونه ويوم الولد الصالح ويشبه حمودي هههههههه
منو هذا اكو عريس لسيدرا غير حمودي عيني هاي خيانه احلف بالطلاق ترى هاااااااااااااا
عيني ابني لقطه وسيدرا لحمودي هاي شلون ديسوون حجي هههههههههههه
عيني لوبي اشقفج تنطين سيدرا لغير حمودي اانتي يمي بالسويد وتعرفين الباقي خخخخخخخخخ
وسلامي لنداوى والملكه الحسناء اشو ماكو من زمان ولباقي الفراشات وان شاء الله دائما طايرات هههههههه
يله لازم اروح عندي طلعه لنكمل بعض الامور الشغل ميخلص

باي عزيزاتي

خخخخخخخخخخخخخخخخخخخخخخخخخخخخخخخخخخخخخخخخخخخخخخ
ههههههههههههههههههههههههههههههههههههههههههههههههه

فراشة بلا جناح
05-23-2006, 12:46 PM
:asd321 :frashagir السلام عليكم على كل الحلوييين انا بسلم على لوبي
ومعرف جاي هذا الاسم من لوبيا لو من لبنى وسلامي
وسلام خاص الى حياتي مياوي وسلامي الى زهرة الربيعين
وانا من منطقة الكفاءات الاولى وبيت اهل زوجي من الزهور انا الان اسكن في الزهورانت من اي منطقة وباي كلية


Content Relevant URLs by vBSEO 3.6.0