المساعد الشخصي الرقمي

مشاهدة النسخة كاملة : ردو علي بالنسبة للخيوط



صرخة مكتومة
12-01-2008, 09:41 PM
السلام عليكم ورحمة الله وبركاته
الحمدالله ابشركم ولدت قبل اسبوعين في مستشفى الوفاء بالقصيم
وأمس لي مراجعة وشافت خيوطي وفكتهن الصراحة ماكنت ادري انه يوجع صرخت
لو اني دارية كان مارحت الحين انا خايفة ينفتح لحمي احس انه اسبوعين قليلة على اني انخطت احز بوخز وألم مكان الخيوط
تكفون الي عندها تجربة او خبرة تعلمني هل ينفتح الجرح او خلاص مافي فايدة من الخيوط
الدكتورة كتبت لي معقم ومرهم ميبو مرة باليوم هل استخدم شي ثاني مثل ارطاء ومرة او يكفي
الي كتبته لي الدكتورة تكفون ساعدون بخبراتكم ودي يشوي ويطيب جرحي علما اني والدة طبيعي
الله يوفق ويجعله في عين زوجها عروس الي ترد علي اااااااااامين .

الفراشه الحنووونه
12-01-2008, 10:12 PM
كان ودي افيدك بس والله ماعندي فكرررره اتمنى البنات يفيدوكي

صرخة مكتومة
12-02-2008, 12:15 AM
بنات ساعدوني

خوخه666
12-02-2008, 12:52 AM
اولا الحمد لله على السلامه

ثانيا ماخبرت ان الخيوك يفكن ؟؟؟

انا عندي ولد واذكر يوم اروح مراجعه مافكت ولا شيء بس كشفت عليهن ...؟؟

لان الخيوط الداخليه تذوب مع اللحم
والخيوط الخارجيه تطيح ..

الله يعينك ياقلبي

بس انتبهي لعمرك لاتعسرين نفسك او تجهدين عمرك
تراه بينفتح التوسيع

ماتشوفين شر ..

صرخة مكتومة
12-02-2008, 01:20 AM
اشكر كل الي ردو علي لاكن ياليت تطمنوني
لأني خفت زيادة هي قصت شي وأوجعني شكلها
كنست الخيوط

فرفوشة مكة
12-02-2008, 01:53 AM
ياغالية انا مثلك يوم رحت للدكتورة بعد تقريبا 18 يوم وكنت أشتكي من ألم الخياطة فكتها لي وقالت غريبة الخياطة ملتأمة ولاطاحت وكانت مشدودة حييل
وسألتها يعني الجرح كيف وضعه قالت تمام وصحيح احس بالم لكن رحت لكذا دكتورة وتقول الخياطة تمام والجرح كويس بس مشدود ويبيله وقت ويفك
وربي يخارجنا على خير

immortality
12-02-2008, 04:22 AM
انا اللي اعرفه انو الخيوط تطيح بروحها
انا ابتدت تطيح عندي من اليوم 15 ف ما في داعي للخوف ان شاء الله
الالم اللي انتي تحسيه يمكن من الجرح لانه يكون مشدود انا قعدت فتره طويله اتعذب منه

فراشة حبها بحري
12-02-2008, 04:35 AM
والله ماعندي خبره اتمنى البنات يفيدونك

skooon99
12-02-2008, 09:44 AM
كنت افكر بموضوع الخياطه .. وعندي مراجعه المفروض امس بس مارحت كله خووف من انها تلمس الخياطه او تكشف < وحده متعقده

كم غرزه خيطت لكـ ..؟!

اسمع الحريم اللي تقول 6 واللي تقول 8 واللي تقول بس غرزتين .. وانا عن نفسي لسى ماتنازلت وعديتها ^_^

اغسلها واعقمها بالغسول وكريم ميبو بس الشهاده لله مدري كم عددها :(

واسبووعين كافيه لإلتئام الجرح لطالما اكلكـ ممتاز

وعشان يلتئم الجرح .. اشربي عصير برتقال يوميا بس يكون طازج .. او كلي بقدونس والشغلات اللي تحتوي على فيتامين سي .. لإنه بيساعد على التئام الجرووح

مشكووره على السؤال < ريحتيني من عناء كتابة الموضوع ^_^

لكـِ ودي

العجميه33 3
12-02-2008, 10:47 AM
اولا الحمد لله على السلامه

ثانيا ماخبرت ان الخيوك يفكن ؟؟؟


لان الخيوط الداخليه تذوب مع اللحم
والخيوط الخارجيه تطيح ..
ان شاء الله تمام وربي يطلعك بالسلامه

نسائم الود
12-02-2008, 01:35 PM
لااختي لاتشيلين هم

الالم طبيعي بعدين الدكتورة لوشايفة شي خطر قالت لك


انا جلست فترة حتى بعد ماطاحت الخيوط اتالم منها اهم شي حافظي على جلستك لاتفتحين رجولك لاضميها
واشربي حلبة مغلية مع قرفة وشوي سكر او مع حليب هذي زينه تقويك وتساعد على التئام الجرح بسرعة او حتى حلبة مع الاكل عادي اهم شي تقويك لاتستهترين فيها والله اختي مسكينه كل جسمها خربان لانها ماتغذت زين ولاتشرب حلبة ولاشي ....

انا نفسك استخدمت ميبو صح يقرص شوي بس ممتاز يطهر ويعقم والله .

الله يقومك بالسلامة

دنوريد
12-02-2008, 03:01 PM
حبيبتي انا عندي حل مررره حلو واختي مجربته ومره ارتاحت منه
تجيبي مر من عند العطار وتحطيه في مويه حاره ويسير ثقيل زي الحليب وكل ماتدخلي تتشطفي تحطي منه في ابريق وتحطي عليه مويه دافيه وتتشطفي فيه هذا يومي بعد كل مره تستخدمي فيه الحمام
وثاني شي جيبي المره وسويها زي الكريم وتدهني بيها على المكان وقت النوم
وانشاء الله اكون افددتك

صرخة مكتومة
12-02-2008, 07:27 PM
اشكر كل من ردت علي الله يوفقكم
هونتو علي اشوي مع اني قبل ماأشيل الخيوط كنت
اهتم بنفسي لاكن يوم شالتهن حسيت اني خربت ولا فيه فايدة من الأهتمام
بس محتارة احد يقولي حطي ميبو مرتين باليوم وأحد يقولي خلي منطقة الخياط جافة مادري وش أخذ من الكلام
ولا فيه احد مثلي فك الخيوط لأسبوعين ووش صار معاها هل طلعت مضبوطة او محيوسة
اتمنى اكثر تفاعل لتعم الفايدة

الشيخات
12-03-2008, 04:53 PM
انا خيوطي ماطاحت ليما رحت للطبيبة

موفقة للخير
12-03-2008, 05:03 PM
أنا الدكتورة فكت لي الخيوط بعد 3 أسابيع من الولادة

واحس الجرح التئم بس استعملي ميبو ضروري علشان يلتئم الجرح تماما

صرخة مكتومة
12-03-2008, 07:06 PM
الله يجزاكم خير
الله يستر بس خايفة من الي بعد النفاس انا حساسة مرة وخوافة زوجي يتضايق مني اذا ولدت خلاص ماأحب ارجع للمعاشرة احس انه يبي يفتح الجرح
والحين انا بالنفاس وخايفة ماودي ارجع بيتي وخصوصا بعد ماشالت الخيوط بدري احس اسبوعين قليلة على انها تشيل الخيوط
الله يوفق كل من حاولت تساعدني وتفيدني

موفقة للخير
12-03-2008, 07:35 PM
والله يا الحبيبة هذي مشكلة الحريم أنا بعد والله ضايق صدري توني مخلصة الأربعين وأحس بألم غير طبيعي في العلاقة الخاصة وأخاف والله ينفتح الجرح والله شي يضيق الصدر الله يكتب الأجر بس

...bana
12-03-2008, 08:45 PM
انا فكت لي الخيوط بعد اسبوع من الولاده,,,
وعطتني كريم فيوسيدين .. وملح اغسل فيه ..

وقالت لي تعالي بعد شهر عشان اشوف الخيوط الداخليه ..

فرفوشة مكة
12-04-2008, 02:23 AM
ياربي وربي أنا بموت من الخوف وحتى لو مافيني ألم الحين أحس إني بموت ونفسي ضايقة ولا أبي زوجي كارهته الله يعين

يارا2010
12-04-2008, 03:22 AM
حبيبتي لاتخافين ولاشي اهم شي كثري من مرقة اللحم مرق فقط والله يساعدك

امواج بلا شواطئ
12-04-2008, 03:28 AM
صح على خوخه الخيوط ماتنفك
الدكتوره ابخص اطمئني مافيه الا العافيه
بالسلامه انشاء الله

*Crystala*
12-04-2008, 03:34 AM
حبيبتي انتي غلطتي يوم فكيتي الخيوط ,, بس ماعليك شرهه لأنه المفروض الدكتوره ترفض فكها ,, بس الحين ما ينفعك بعد الله الا ((الصبره)) هي اللي تخيط الجرح وتخليه يلتئم وبسررررررررررررعه,, تلقينها عند العطار نقعيها بماء حار بعدين خوذي بقطنه ومرريه على الجرح كل ما خلصتي من الحمام وبعد ما تنشفين الجرح << أهم شــــــي,, وما تشوفين شر

soso_767
12-04-2008, 03:35 AM
حبيبتي لاتفكرين فيها شوفي استخدمي المرهم و الغسول الي عطتك اياه مهم مررره لانه هو الي يلم الجرح لك واهتمي بأكلك لانه بيساعد على شفاء الجرح

فراولة صغيرة
12-04-2008, 03:38 AM
انا خلصت شهر واحس بعقدة تحت الجلد واول غرزة من فوق موجوده وتؤلم اذا ضغطت عليها
وما رحت في موعد الاسبوعين ادري بتوجعني وماني ناقصتها00وزحمة في مواعيدها
لكن مذوبه في قارورة موية شوية مر واخليها في الحمام واخر الليل اتنقع فيها

واكيد بتفك من حالها ---واذا قربت اخلص الاربعين وما فكت باروح للدكتورة اشوف واكشف

لان وقتها اكيد ما بتوجعني قد التأمت0
===بس نصيحة لا يحس زوجك منك النفور-0-ترى بيكرهك لان هذي العلاقة اللي تجمعكم وتقرب بين قلوبكم
وانتي انتبهي لنفسك من تحت وتبخري باخر الايام عشان يطلع الهواء من الارحام0وبس

*حبيبته*
12-04-2008, 04:40 AM
حبيبتي..
أنا مثلك توني والد بالأربعين وانفكت الخيوط عندي وبقي جزء منها معلق ورحت لها بعد عشر أيام وسحبت الخيط حسيت بألم وقتها بس الخياط ماشاء الله تمام الجرح التأم بس عاد مدري عن النتايج بعد الأربعين تبان..
وأنا اللي اشوفه ان الحريم يختلفون من مدة الخياط ومو كلهم مثل بعض..
وبعد شطارة الطبيبات في الخياط تختلف

و عسى فالي وفالك العافية..

سراب الأمـل
12-04-2008, 05:28 AM
الله يستر وتلتئم الخياطة
لي فترة على مرهم المرة بس الخيوط احسها مشدودة مرة .. .. لي اسبوع الان والده

صرخة مكتومة
12-04-2008, 08:46 PM
الله يعافيكم ياأخواتي والله انكن خففتن عني اشوي
الله يجعلكن عرايس بعيون ازواجكن ويجزاكن الجنة
ووالديكم
الدكتورة كتبت لي مرهم ميبو مرة باليوم
وحدة قالت لي استخدمية الى نهاية النفاس مرتين
باليوم يعني تقريبا كل اليوم يكون الجرح فيه مرهم
هل الطريقة زينة او يكفي مره باليوم وأحط صبرة
الصبرة يكفي تكون مع غسول الملح والأرطاء او لازم تكون لحالها ومركزة
وكيف اجفف المنطقةا
معليش بنات هل ربط البطن يجيب نتيجة اوبس غثاء

*حبيبته*
12-06-2008, 04:24 AM
عزيزتي
الميبو استخدمه مرتين باليوم الصباح والمساء بس طبقة رقيقة أحط على مكان الخياط..
وبالنسبة للغسول أنا استخدم المر والملح الخشن بعد مافك الخياط..مع كل دخله للحمام وإنت بكرامة.
وفيه بعد زيت زيتون مع خوا جوا على النار وبعدين تاخذين قطنه تمسحين فيها مكان الخيوط مرة وحدة باليوم..
وبالنسبة لربط البطن ضروري وأنا أربط بالمشد الأندنوسي وترى المشد وحده مايكفي لازم الرياضة بس مو بالحين لا بعد الأربعين أنا الدكتورة منعتني من الرياضة ألحين عشان الخياط تقول موزين..
لكن المشي الخفيف مهم لك على فترات متباعدة من اليوم وأكرر مشي خفيف بهدوء ولا تباعدين بين رجلينك حبة حبة..
أتمنى إني افدتك..
والله يوفقنا جميعاً لما يحب ويرضى..

Ls3at Shaqawah
12-06-2008, 10:31 AM
بصراحه اول مره ادري ان الخيوط تفك

هن يطيحن من حالهن
شئ غريب

اهم شئ استعملي اللي اعطتك اياه عشان مايلتهب الجرح
والف سلامه

مـنـ الروح ـى
12-06-2008, 10:47 AM
.........

مـنـ الروح ـى
12-06-2008, 10:51 AM
اختي الغالية .. ماعليك شر ان شاء الله .. اهم شي استخدمي المرهم تراااه ممتاز ..
والله الله بالأكل البر والتمر .. والاهم انتبهي من البراد وتدفي عشان العطس او الكحة مو
زينه لك .. ودعواتي لك باشفاء العاجل ..

دمع الحنين
12-06-2008, 11:27 PM
انا الخياط طاح كله بس احس الجرح ما التأم عدل ومتخوفة اروح المستشفى
بس ان شاء الله بواصل على المرهم وان شاء الله خير
ربي يخفف علينا وعليكم ان شاء الله ونرجع عرايس :)

♥ بقايا ورد ♥
12-07-2008, 12:33 AM
السلام عليكم
انا مثلك بالضبط
تدرين يوم قريت موضوعك رجعت اشوف اسم عضويه الكاتب قلت يمكن انا كاتبه و ناسيه
لاني مثلك بالضبط والده قبل اسبوعين بالوفاء :012::090:
و انا مررررره خايفه بالنسبه للخيوط
انا طلبت من الدكتوره تسوي لى الخياطة التجميليه
شكل المنطقه اختلف
و مكان الجرح مشدود
و رحت للدكتوره بعد اسبوعين شالت لى الخيوط اللى قدام
و قالت الخيوط اللى جوا تطيح من نفسها و انا خايفه انها ما تطيح من نفسها
لاني اذكر بولادتي الاولي يوم رحت للدكتوره هى شالت الخيوط اللى جوا و قالت ان اللى جوا ما يطيحن لحالهن و ترا بولادتي الاولي ما سويت تجميليه
و انا احس انى تسرعت و سويت التجميله الله بستر و الله خايفه من النتيجه
ما فيه شي علاج او اى شي يطيح الخيوط؟؟ و هل عادى تقدر الدكتوره تشيلهن بنفسها لو ما يطيحن لانى احس فيهن هاليومين زي الابر و مضايقتني
و الغريب ان ما معي افرازات نفاس كثير شي بسيط جدا و افرازات بيضاء او شفافه لزجه بس
انتم كذا؟؟؟؟
و بالنسبه لشد البطن
انا يوجعني بطنى قووه اذا شديته انتى كذا؟؟

اكليل الوردfh
12-07-2008, 06:40 AM
الحمد لله على السلامه

بس ماعندي خلفيه

**تاج الوقار**
12-07-2008, 08:15 AM
اللي اعرفه ان الخيوط تذوووب


Content Relevant URLs by vBSEO 3.6.0