المساعد الشخصي الرقمي

مشاهدة النسخة كاملة : افضل معهد لدراسة اللغة الانجليزية؟؟؟ فراشـ جدة ــات فزعتكم..



نور مكة
01-31-2009, 02:36 AM
صباح الخير / مساء الخير
اول شي حابة اعرفكم بنفسي ..
نور مكة متخرجة من الجامعة وباذن الله راح اتزوج واسافر بعثة اكمل الماستر..
واختكم في الله زيرووو في الانجلش يعني يا خسارة دراستي في المتوسط والثانوي وفي الجامعة ما درست الا كورس واحد >>> ماله داعي هالكورس
وبصراحة عندي اللغة يبغالها من اول وجديد وبتكثيف يعني صعب اسافر وانا ما اعرف لغة
صح راح ادرس في معهد لغة برا قبل ما ابدا دراسة الماستر بس على الاقل يكون معايا اربعة او خمس مستويات تساعدني ..
انا اعرف كم معهد في جدة اسعارهم تناسبني جدا الدبلوم ما بين 3000 ريال - 4000 ريال
والمستوى ما بين 600 ريال -700 ريال
بس ابغى اعرف اي وحدة جربته كيف استفادت منه كيف دروسهم والمدرسين اللي عنده اجانب ولا عرب يعني ما كانا سوينا شي ..
وعندي لستة طبعا بهالمعاهد وهي كالتالي :
- المركز السعودي البريطاني
- المشاعل للتدريب النسائي
- مركز سيدات الاعمال
- مركز التطوير الثقافي للسيدات
- المعهد العربي السعودي
- المركز الثقافي للسيدات
- معهد امال المستقبل للسيدات
- معهد الندى للتدريب النسائي
- معهد الرائد المعتمد الدولي
طبعا نيو هورايزن مـــــا ابغاه عندنا في مكة ووجوده زي عدمه ..
ومررررة مشكوررة وانتظر ردودكم لاني حابة ابدا تقريبا بعد شهر من الان ..:0154::02:

روعــــة
01-31-2009, 02:54 AM
في معهد مره اسمة المنتدى العربي
انا درست عندهم والمستوى ب 600 ريال
ومسويين عرض شهر عليك وشهر عليهم

نووووورالقلب
01-31-2009, 07:42 AM
معهد اوكسفورد في شارع الامير سلطان جنب ايس لاند
والمركز البريطاني

نووووورالقلب
01-31-2009, 07:49 AM
معهد اوكسفورد في شارع الامير سلطان جنب ايس لاند
والمركز البريطاني

نور مكة
01-31-2009, 11:12 AM
نووور القلب .. روعة
مشكورين على مروركم
صراحة اكسفورد ما اعرف عنه كثير راح اسال واشوف ..

دَلِِِـِِِــِξ‏ روحِِِـِـِـُِـِـًِي
01-31-2009, 01:44 PM
طيب اختي نور انا ابي دورات انجليزي في مكه وش احسن مكان تنصحيني فيه ابيه 3 اشهر او4 وكم اسعارهم ؟

نونو2000
01-31-2009, 08:06 PM
انا في british councilمررة حلو وان شاء يفيدك

امووله الحلووه
01-31-2009, 08:46 PM
انا ادرس حاسب في امال المستقبل
والبنات اللي معاي يمدحون الانجلش فيه مررررررررررره

الله بجررحي كفيل
01-31-2009, 09:57 PM
اااااااااااااااااب

فرولة حمراء
02-01-2009, 09:27 AM
انا في british councilمررة حلو وان شاء يفيدك
نونو ... وانا كمان معاكي ؟؟انتي باي مستوى لانكون مع بعض ومش عارفين :061:
وبصراحة مرررررررررررررة حلو british council
بالتوفييييييييييييييييييييييييق

نور مكة
02-01-2009, 01:29 PM
طيب اختي نور انا ابي دورات انجليزي في مكه وش احسن مكان تنصحيني فيه ابيه 3 اشهر او4 وكم اسعارهم ؟

قلبي انا ما اعرف في مكة غير نيوهورايزن وهذا في النزهة ومعهد جدة الدولي في الزاهر على ما اعتقد وفي معهد العالمية في جمعية ام القرى النسائية جنب بنك سامبا اللي في الستين..
يمكن في معاهد ثانية بس ما اعرف عنها انتي اسالي وشوفي وبالتوفيق لك يارب..
تحياتي

نور مكة
02-01-2009, 01:32 PM
انا في british councilمررة حلو وان شاء يفيدك
شكلووو حلو وعجبني تحمسك الله يوفقك يا الغلا..
بس اذا تعرفين ارقامهم اعطيني اياهم وراح اسال بس ابغى اعرف المدرسين اكيد اجانب ..
تحياتي

نور مكة
02-01-2009, 01:34 PM
انا ادرس حاسب في امال المستقبل
والبنات اللي معاي يمدحون الانجلش فيه مررررررررررره


يسلموو أمووله الحلوة انا كمان سمعت انه مرررة كويس ..
بالتوفيق يا الغلا ..
تحياتي..

نور مكة
02-01-2009, 01:35 PM
نونو ... وانا كمان معاكي ؟؟انتي باي مستوى لانكون مع بعض ومش عارفين :061:
وبصراحة مرررررررررررررة حلو british council
بالتوفييييييييييييييييييييييييق

ههههههههههه فلة صراحة لو كنتو مع بعض الله يوفقكم يا رب

رتاج_تاج
02-01-2009, 02:04 PM
فووووووووووق

&ام أنس&
02-01-2009, 04:12 PM
فية في مكة معهد بيرلتز في العزيزية في عمارة فقية

صراحة ممتاز والمدرسات كنديات وامريكيات ومن

جنوب افريقيا بس الأسعار مرتفة شوي بس تستاهل

يعني تطلعين من المستوي الأول تتكلمين الأشياءا

البسيطة اتمني انك تشوفينة ,,,,,

نور مكة
02-01-2009, 05:47 PM
فية في مكة معهد بيرلتز في العزيزية في عمارة فقية

صراحة ممتاز والمدرسات كنديات وامريكيات ومن

جنوب افريقيا بس الأسعار مرتفة شوي بس تستاهل

يعني تطلعين من المستوي الأول تتكلمين الأشياءا

البسيطة اتمني انك تشوفينة ,,,,,

يسلمو ام انس بصراحة اول مرة ادري ان في مكة ....

فرولة حمراء
02-01-2009, 09:41 PM
نور مكة هذا رقمهم البرتش كنسل والمدرسات كلهم بريطانيات
6670186
بالتوفييييييييييييق

نور مكة
02-02-2009, 10:21 AM
نور مكة هذا رقمهم البرتش كنسل والمدرسات كلهم بريطانيات
6670186
بالتوفييييييييييييق

يسلمووو يا الغلا والله يوفقك يارب ..:061:

الأموره بسبوسه
02-03-2009, 04:41 AM
معهد المشاعل لااااااااااااااااااااااااااااااااا
وبالتوفيق0000

احلى وردة بالكون
02-03-2009, 12:11 PM
المعاهد الي اعرفها وسألت عنها هــي:
معهد الاْكاديمية النمودجية ت: 6551100
وحده هنا بالمنتدى مدحتو وقالت بتدرس فيه وانا سألت عنو وحده بتدرس فيه قالت الانجليزي فيه ممتاز والشهر بــ 600 ريال
وان شاء الله بدرس فيه اذا الله اراد وان شاء الله ربي يوفقني
مهعد المجلس البريطاني ت: 6670186
لما سألت كثير يقولو ممتاز بس مره غالي يعني المستوى 2100 ريال مدته 7اسابيع وكمان اختبار تحديد المستوى بــ 50 ريال هذا اتصلت عليهم من فتره مادري اذا الحين نفس الاسعار او تغيرت
معهد المستقبل ت: 6600660مكانه خلف مركز الجمجوم
المستوى فيه بــ 1500 ريال مدته 6 اسابيع وهذا المعهد وحده درست فيه ومدحته كثير وتقول انها تحسنت كثير بالانجليزي كنت بدرس فيه و هونت لما عرفت معهد الاكاديميه ارخص منه وممتاز وبـــس وهو نفسه الي تقصديه مهعد امال المستقبل ؟؟ واذا لا فين مكانه واعطيني رقمهم وشكراً لكِ
وهذه المعاهد الي اعرفها وسألت عنها يارب اكون كفيت ووفيت و افدتك بس لما تقرري في اي معهد بتدرسي ياليت تقوليلي في اي معهد وكيف اسعاره ومكانه والله يوفقك ويسهل امورك ويوفقنا جميعاً
اختكم احلى وردة بالـــكــــون

نور مكة
02-03-2009, 11:11 PM
معهد المشاعل لااااااااااااااااااااااااااااااااا
وبالتوفيق0000
اهلين اموررررة شاكرة مرورك ....
ههههههههههه شكلك شايلة عليه .. بصراحة انا من زمان ما احبه مع اني ما جربته قبل كذا ...

نور مكة
02-03-2009, 11:24 PM
المعاهد الي اعرفها وسألت عنها هــي:
معهد الاْكاديمية النمودجية ت: 6551100
وحده هنا بالمنتدى مدحتو وقالت بتدرس فيه وانا سألت عنو وحده بتدرس فيه قالت الانجليزي فيه ممتاز والشهر بــ 600 ريال
وان شاء الله بدرس فيه اذا الله اراد وان شاء الله ربي يوفقني
مهعد المجلس البريطاني ت: 6670186
لما سألت كثير يقولو ممتاز بس مره غالي يعني المستوى 2100 ريال مدته 7اسابيع وكمان اختبار تحديد المستوى بــ 50 ريال هذا اتصلت عليهم من فتره مادري اذا الحين نفس الاسعار او تغيرت
معهد المستقبل ت: 6600660مكانه خلف مركز الجمجوم
المستوى فيه بــ 1500 ريال مدته 6 اسابيع وهذا المعهد وحده درست فيه ومدحته كثير وتقول انها تحسنت كثير بالانجليزي كنت بدرس فيه و هونت لما عرفت معهد الاكاديميه ارخص منه وممتاز وبـــس وهو نفسه الي تقصديه مهعد امال المستقبل ؟؟ واذا لا فين مكانه واعطيني رقمهم وشكراً لكِ
وهذه المعاهد الي اعرفها وسألت عنها يارب اكون كفيت ووفيت و افدتك بس لما تقرري في اي معهد بتدرسي ياليت تقوليلي في اي معهد وكيف اسعاره ومكانه والله يوفقك ويسهل امورك ويوفقنا جميعاً
اختكم احلى وردة بالـــكــــون

اهلين وردة معهد المستقبل شكلو غير معهد امال المستقبل لان ارقامه اللي عندي مختلفة وهو موجود في حي الثغر انتو في جدة اكيد تعرفوه... اعلانهم كان تقريبا من 3 شهور دبلوم الانجلش بـ 3500 ريال بسبع مستويات يعني المستوى الواحد بـ 500 ريال وكان معاه كمان تاهيل للتوفل مجانا ..
بس انا ما اتصلت عليهم يعني ما اعرف كيف التدريس عندهم وهل هم اجانب او لا وكم مدة الدبلوم ...

معهد الاكاديمية النموذجية حمستيني عليه وحاتصل اشوف واذا عجبني راح اختاره ..
مع اني لسا محتارة انا ابغى واحد في الجنوب يعني قريب من مكة الشمال بعيد..
وابشري من عيوني اول ما اختار معهد راح اقولكم عنه وليه اخترته والله يوفقك قلبي..

أرومــــــــــه
02-07-2009, 06:05 AM
معهد المشاعل
أسوءمعهد في جده نصيحه شيله من القائمه
ومعهد الندى أعرف الأنجليزى عندهم دبلوم سنه ب3000 ألأف ريال
لكن العرض لين الحين على معهد الندى جارى ولالا
أتصلى وشوفي أنتى
لكن أنا أشوف أن معهد ول ستريت مره روعه وحده أعرفها دخلت المعهد وصارت عندها لغه روعه
الله يوفقك

عروب_22
02-09-2009, 08:20 PM
أكاديمية لتعليم اللغة الإنجليزية..
شهادة معترف بها من كندا..http://www.btalah.com/images/smilies/smile.gif
ومعترف بها من وزارة التربية والتعليم
أسعار في متناول الجميع
يوجد قسم للرجال وقسم للنساء
توجد دورات محادثة للرجال والأساتذة أمريكي الجنسية(وهذه جدآ مفيدة في المقابلات الشخصية للوظائف في الشركات أو عند الذهاب لبعثة )
أكاديمية سيلفر مون معهد جديد له شهر تقريبآ
مناهجه أجنبية و شهاداته معتمدة من كندا
المستوى ب 1200 والدبلوم ب 14400 لكن الآن بمناسبة الإفتتاح مسويين عرض 50% ويصير المستوى ب 600 والدبلوم ب 7200 ريال لمدة شهرين فقط وترجع الأسعار لطبيعتها
طاقم التدريس بالنسب لقسم النساء سعوديات وأجنبيات
المستويين الأولى يدرسوها سعوديات على مستوى عالي ,لغتهم ممتازة وعندهم لكنات أجنبية يتكلموا مثل الأجنبيات عشان يكون أفضل للطالبات الي ماعندهم خلفية عن اللغة الإنجليزية وما يستصعبوها وبعد كذا أجنبيات..
و الي مهي حابة تدرس الآن تقدر تكسب العرض وتدفع المبلغ أو جزء منه وتدرس وقت ما تحب..
توجد دورات للمحادثة مع أجنبيات..
توجد حضانة لأطفال الأمهات المسجلات...
توجد دروس تقوية في مواد اللغة الإنجليزية فقط لطالبات وطلاب المدارس والجامعات حسب ما يريد الطالب أو الطالبة سواء في المناهج المدرسية أو الجامعية..
الموقع : مكة الطريق الدائري قريب من قاعة القمة

إلي تحتاج رقمهم تراسلني على الخاص

والله يوفق الجميع

احلى وردة بالكون
02-10-2009, 12:47 AM
في معهد مره اسمة المنتدى العربي
انا درست عندهم والمستوى ب 600 ريال
ومسويين عرض شهر عليك وشهر عليهم

طيب كيف دراستهم ؟؟ واخذتي كــم متــسوى ؟
انا كلمتهم وقالتلي على العرض وسألتهم العرض الى متى؟؟
يعني جاء على بالي عـرض زي هذا شهر عليك وشهر عليهم يكون فترة محدودة وتنتهي زي كل المعاهد يسو عرض لفترة وينتهي بس تفاجأت ان العرض على طــــــول والله اسـتــغـربـت صــراحــــة!!؟؟
بالله ضروري ترد علينا عشان نستفيد والله يوفقك ويوفقنا جميعاً

بنت ملاك
02-10-2009, 01:54 AM
بدون منازع الbritish council
وانا فيه الان رائع بمعنى الكلمه

دمعة الحزن الاكيد
03-08-2009, 11:04 PM
:0153:انا حاليا مسجله في معهد التطوير الثقافي بجدة وتونا بادين تعاملهم حلو بس مدري عنهم:0153:ياليت الي تعرف شي عنهم تفيدني لاني ناويه اخذ دورة انجليزي غير الحاسب عندهم:040:
تحياتي للجميع

كتكوتة كيوي
03-09-2009, 12:04 AM
دمعة الحزن الأكييد يؤ يؤ يؤ انتي معايا في المعهد وانا ماادري انا كمان كنت باخد عندهم بس icdl
بس الإنجليزي حقهم مااعرف كيف لأني ماجربته
بس سمعت انهم بيجبو وحده من جنوب افريقيا

ليال 1984
03-09-2009, 12:27 AM
تبغي نصيحه اخت من جد ومجربه
انا مستواي بالانجليزي اقل من المتوسط بعد الجامعه نصحوني اخد دبلوم في كليه دار الحكه للبنات بجده والله من اول ليفل في نهايته بدات اتكلم وعندي ثقه بنفسي
هيا كلها 6 مستويات المستويات الاربعه الاولى رايتنق و ريدينق ومحادثه وقرمر 5 ساعات يوميا كل ساعه شي والليفل الواحد مدته شهرين
المستوى الخامس بس محادثه مكثفه
والمستوى السادس رايتنق كتابه رسايل ومقالات وشي على مستوى

انا عن نفسي والله مررره استفدت ودحين راح اكمل انا واصله المستوى الثالث

من جد روعه وشي نظيف وعلى مستوى

انتي روحي وشوفي بنفسك
معليش طولت
اي سوال ارسيليلي خااااااص

هيام1
04-20-2009, 08:42 PM
يعطيكم العافية ، طيب معليش شوية معلومات عن الأكاديمية ، مثل الأسعار و الموقع و جنسية المعلمات .

و بالنسبة لدار الحكمة أيضا شوية معلومات عنها ، موقعها ، أسعارها ، مدرساتها ، و دوامها ، لأنه لدي عمل في الصباح .
جزاكم الله خيرا.

الفراشه الطموحه
10-05-2009, 12:29 PM
ياليت معلومات عن دار الحكمه

ملكة حبي^_*
03-07-2010, 09:33 PM
تبغي نصيحه اخت من جد ومجربه
انا مستواي بالانجليزي اقل من المتوسط بعد الجامعه نصحوني اخد دبلوم في كليه دار الحكه للبنات بجده والله من اول ليفل في نهايته بدات اتكلم وعندي ثقه بنفسي
هيا كلها 6 مستويات المستويات الاربعه الاولى رايتنق و ريدينق ومحادثه وقرمر 5 ساعات يوميا كل ساعه شي والليفل الواحد مدته شهرين
المستوى الخامس بس محادثه مكثفه
والمستوى السادس رايتنق كتابه رسايل ومقالات وشي على مستوى

انا عن نفسي والله مررره استفدت ودحين راح اكمل انا واصله المستوى الثالث

من جد روعه وشي نظيف وعلى مستوى

انتي روحي وشوفي بنفسك
معليش طولت
اي سوال ارسيليلي خااااااص



اختي كيف اسعارهم وممكن رقمهم

الشمعة الذائبة
03-07-2010, 09:56 PM
انا ادرس بأكاديميه النموذجيه بجده بصراحه مره حلو
وجالسه اكمل عندهم ..
اساسا الانقلش تلاته ارباع التعب حيكون عليكى لاتقولى افضل معهد او اكاديميه اكيد لهم دور لكن صدقينى
الباااااااقي عليكى انتى
لانهم تعطيكى كلمات لازم تحفيظها فى البيت ..
لكن انا احذر كل وحده من دخولها الاكاديميه دى لانو مافيها نظام والشهادات تتاخر
ويوم تداومى وماتلاقى التيتشر يعنى تلاعب ..
مع انو تدريسهم حلو حبتين
يمدحو كلية عفت بقولو دوامهم من 7 الصباح لمن 5 العصر لكن تأسيسهم جوناااااااااان
معانا وحده بالمعهد وربي التيتشر تسالها عن التأسيس حتى الاستاده انبهرت منهم
االبنت دى بطلت منهم لانو بعيييييييييييد عنها ..بالتوفيق للجميع

المزيونه me
03-08-2010, 04:21 AM
,,ياحبي لكــم انا بعد ابي معلومات عن در الحكمه :066:

عزهـ
03-08-2010, 06:28 AM
أنا برضوا اعرف وحده تمدح معهد وول ستريت تقول مره روعة

بالتوفيق يالغالية

نون نت
06-17-2010, 05:40 PM
معهد سيدات الاعمال الانجليزي عندهم على مستويات .. والمعلمة جدا ممتازة ماشاء الله

وكل اللي دخلوا استفادوا مااشاء الله ،،

وربي يوفقك

الورد الأنيق
06-17-2010, 06:02 PM
أختي أكادمية أكسفورد مره روعة أنا بإذن راح أدخلها في شهر 8:0149:
وهذا رابط الموقع حقهم
The Oxford English Academy (http://www.oxfordea.edu.sa/)

*الأميره*
01-06-2011, 02:44 AM
يابنات رشحولي معهد بجدة للانجليزي يكون معتمد وممتاز وشهادتة معتمدة من الخدمة المدنية

مو يماطلون اجلس سنة وماتطلع

ويكون في الشمال

اش رايكم بالمشاعل او نفيسة شمس

*الأميره*
01-06-2011, 04:09 PM
يااااااااااااااارب وينكم


Content Relevant URLs by vBSEO 3.6.0