المساعد الشخصي الرقمي

مشاهدة النسخة كاملة : مستشفى الملك فيصل التخصصي هل جربتي الأنابيب عندهم ؟!



متفائلة دوماً
03-07-2009, 10:43 PM
أخواتي من جربت مستشفى الملك فيصل التخصصي في عمليات الأنابيب ممكن تفيدني عن كيفية الحجز فيه وكيف الدكاتره ومين أحسن شيء وهل هو مجاني والمواعيد قريبة أو بعيده كل اللي تعرفونه أكتبوه ضروووووري مره
الله يوفقها اللي تجاوبني
مشكورين مقدماً
:0154:

malakzz
03-07-2009, 11:11 PM
أختي متفائله أنا جربته بس لأني بالشرقيه عطوني تحويل على الرياض في التخصصي وأنا كان علاجي بالمجان فماعندي معلومه غن أذا كان فيه بفلوس ولا لا ؟
والدكاترررره مررررره كويسين وشاطرين .
وبالنسبه للمواعيد فهم يأخدون أول شئ المتاخرات الأكثر في السنين مثلاً أذا كان وحده متزوجه 5سنين والثانيه متزوجه من عشرين سنه اللأولويه للعشرين سنه .بس حبيبتي أنتي صار لك كم سنه متزوجه؟؟ومن أي منطقه ؟
وياليت أفدتك أختي الله يوفقك ويرزقك الذريه الصالحه ياكريم يارب.

كرون فليكس
03-08-2009, 02:05 AM
انا جربت المانع بالدمام 4مرلت ومكتب لي ربي فيها نصيب توكلي على الله وروحي الله هو الرازق

AM FISEL
03-08-2009, 03:27 AM
نفس سؤالها ياليت تفيدووونا

لك روحي
03-08-2009, 06:21 AM
الي اعرفه عن التخفصصي انو فيه علاج مجاني وفيه بفلوس
والي بالفلوس ماهو رخيص ومواعيدهم تطول
ودكاتره التخصصي بكل المجالات معروفين بخبرتهم فاكيد قسم المساعده على الانجاب ماهم اقل من باقي الاقسام

ربي يرزقك ويرزقني وكل البنات الذريه الصالحه السليمه المعافاه كامله الخلقه بلا زياده ولانقصان بالقريب العاجل
وان شاءالله البنات الي جربو التخصصي يفيدونك

نور السما
03-08-2009, 09:01 AM
انا اتعالج بالتخصصي
حولت من الشرقية وعلى طول بعد التحويل يبدوا في العلاج وكل شي تمام ونظام انا الحمد الله نجحت عمليتي من اول محاوله ولكن للاسف سقطت في الخامس والحين راجعه اتا بع من جديد
الله يرزقك ويرزقنا بالذريه الصالحه وجميع المحرومات

متفائلة دوماً
03-09-2009, 12:29 AM
malakzz (https://alfrasha.maktoob.com/member.php?u=352536)
كرون فليكس (https://alfrasha.maktoob.com/member.php?u=461937)
لك روحي (https://alfrasha.maktoob.com/member.php?u=32066)
نور السما (https://alfrasha.maktoob.com/member.php?u=110245)



الله يجزاكم خير وييسر أموركم أخواتي مشكورين على الإجابات اللي أستفدت منها كثير
أنا لي أربع سنوات
المشكلة عند زوجي قلة في عدد الحيوانات وقالوا لنا مافيه إلا أنابيب هل هذا صحيح ؟؟
وهل يسوون أنابيب في التخصصي ؟؟
وكيف أروح لهم هل يحتاج تحويل ومن وين؟؟
أو يقبلون بدون تحويل ؟؟
ومن أحسن دكتور في هالمجال ؟؟
وهل تنصحون بالتخصصي أو بالخاص
مشكورين كثيييييييييير على القراءة والردود
:0154: سلام :0154:

malakzz
03-09-2009, 01:22 AM
وهل يسوون أنابيب في التخصصي ؟؟
نعم يسوون أطفال أنابيب في التخصصي
وكيف أروح لهم هل يحتاج تحويل ومن وين؟؟
أختي أنتي من ؟ من أي منطقه ؟
الله يرزقك الذريه الصالحه يارب

متفائلة دوماً
03-09-2009, 07:34 PM
أهلين malakzz
أنا قريب من الرياض وكلمت المستشفى بس قالوا إن المجاني لابد من أمر من الديوان الملكي هل هذا صحيح ???

لك روحي
03-09-2009, 07:42 PM
ايه اختي للاسف لازم امر ومع الامر لازم تقرير طبي ومو اي تقرير يقبلونه

نور السما
03-09-2009, 11:01 PM
اختي بس تروحي الى المستشفى الحكومي الى في منطقتك تفتحي ملف واطلبي تحويل ويعطونك تقرير طبي عن حالتك تم موافقة من الديوان
يمكن ياخذ وقت من شهر الى شهرين او اكثر على حسب
الله يسهل امورك

حلاوة المدينه 99
03-10-2009, 04:26 AM
لا يابنات ليش كذا مرره مصعبينها ترى الامر سهل ومايحتاج هاللفه العريضه

كل الامر اني اخذت تحويل من مستشفى الولاده بالمدينه وكتبت الدكتوره تقرير بالحاله وارسلتها
والان بانتظار الموافقه
لكن الموضف قالنا بعد اسبوع تعالوا عشان تاخذوا الموعد
واهو حابدا معاهم كل شي من جديد
والله يعين ويرزقنا يااااارب

عذاب الصمت
05-06-2009, 07:15 PM
انشاء الله يفيدونا البنات

fatimahmalaky
07-27-2009, 06:41 PM
السلام عليكم
أخواتي أنا أتابع الآن في المستشفى و للتحويل لمستشفى الملك فيصل التخصصي أنا قمت بالآتي 1-ذهبت لمركز الرعاية القريب من منزلي ليعطوني تحويل لأقرب مستشفى حكومي بالمنطقة (مستشفى القطيف المركزي)
2- ذهبت الى مستشفى القطيف المركزي على الموعد و قاموا بإجراء التحاليل و الفحوصات و أشعة و غيرها ثم قاموا بعرض الحالة على اللجنة الطبية ثم طلبوا منا أوراق لإكمال التحويل الى الرياض
3- عرضوا علينا مستشفى الحرس لأنه أسرع فذهبنا ثم عدنا و طلبنا تحويل جديد للتخصصي و أول أمس كانت أول زيارة لي أخذوا التقارير القديمة و بعض الفحوصات الطبية و أشعة و حددوا موعد جديد بعد شهرين و بالتوفيق للجميع إن شاء الله و أي سؤال أنا حاضرة فقد سبق و عملت العملية خمس مرات في مستتشفى الحرس بالرياض و مركز بنون بالبحرين و مركز سمير عباس بالخبر

عسى الله لايفرقنا
11-18-2010, 07:29 PM
طيباختي سوتي 5 عمليات جبتي احد

صلوا على النبي محمد
11-20-2010, 05:12 AM
هل تريدين الذريه ادخلي الرابط
https://alfrasha.maktoob.com/alfrasha16/thread1239092/

ورد الروز
10-01-2011, 06:27 AM
اهلين حبايبي ممكن احد يفيدني انا صارلي ١١ستة متزوجه وحملت بعد ٥سنوات وصار عندي خارج الرحم والطبيب الله لايسامحه استأصل الي القناة وعاد اقدر اجيب الى بالانابيب كيف اقدم عن طريق الحكومه انا سويتها اول مرة على حسابي عند سمير عباس بالخبر وجبت بنت الحمد لله بس هالبنت يبيلها ونس في هالدنيا رجاء الي تقدر ترد علي تكفون الله يسلمكم


Content Relevant URLs by vBSEO 3.6.0