المساعد الشخصي الرقمي

مشاهدة النسخة كاملة : تـعـالـي قـولـيـلـنـا قـصـة الـحـمـل الأولـى



ساروووونه2020
03-22-2009, 03:58 PM
هلا والله حبوبات
جبت لكم اليوم موضوع عجبني شفته في منتدى ثاني


تقريبا هذا اول موضوع لي وحبيت يكون فيه سوالف وقصص ومواقف ورومانسيات حلوة

بما أنها قصة أول حمل للبنت وأول فرحتها هي وزوجها وأهلها ..


كل متزوجه وأم تدخل تقولنا عن اول حمل لها بأول طفل .. متى حملت ؟؟ بعد زواجها بكم ؟؟

شلون أكتشفت أنها حامل ؟؟ سوت تحليل منزلي ولا في المختبر ؟؟ شنو شعورها لما اكتشفت أنها حامل ؟؟

وشلون قالت لزوجها الخبر ؟؟ وطبعا شنو كان شعوره ؟؟ ومنو أول شخص قلتوا له الخبر ؟؟ وشنو كان شعوره ؟؟ وووووكل شي


يلااااااااااااااااااا بنووووووتات قولولنا ..

ـــــــــــــــــــــــــــــــــــــــ
انا صار لي ست شهور متزوجه

كانت الحلوه متأخره
يوم السبت بعد ما طلع زوجي للعمل كان عندي تحليلين منزلي من فتره احتياط
اخذت واحد منهم وسويته وطلع خط واحد قلت الحمد لله مافي حمل
انتظرتها الى يوم الاربعا الليل جا زوجي من العمل رحنا شقتنا نمنا الساعه 8 <<< دجاااج
جلسنا الساعه 12 الفجر قلت له انا راح احلل منزلي الصبح لانها متأخره قال لي لا حللي الحين قلت له اوكي
رحت وحللت طبعا دخل معي الحمام الله يعزكم مارضى ادخل لحالي
سويت التحليل في البدايه طلع خط واحد بس بعد دقيقه طلع الخط الثاني خفييييييف مررررره وكل فتره يغمق لونه انا قلت له حااااامل قال لي لا شوفيه فاتح وبقيت شااااكه
لما رحت الغرفه دقيت على اختي الكبيره وقلت لها فررررحت قالت اكيييد حامل روحي بكره المستشفى ... امي وخالتي والعايله كلها كانو رايحين زواااج وانا كنت راح اروح معهم بس راحت علي نومه
المهم نمت الساعه 5 الفجر وجلست الساعه 8 الصباح حاولت اجلس زوجي بس في ساااابع نوومه بعدين قام الساعه 9 رحنا المانع دخلت على الدكتوره قالت لي اسوي تحليل دم
رحت المختبر جات لي سستر الله لايوريكم
اول شي اخذت يدي اليسار ذراعي دخلت ابره كبيره اخخخ وقعدت تحررررك فيها يمين ويسااار وانا شوي وابكي قالت مافي دم
وبعدين اخذت ابره اصغر وتبي تسحب من ظهر اليد وكمان مافي عروق
وبعدين قلت لها شوفي يدي اليمين والحمد لله اخذت عينه
قالت لي روحي الانتظار بعد نص ساعه تطلع النتيجه رحت وانا على اعصابي
بعد نص ساعه جات السستر قالت سوي تحليل ثاني لان الاول ... والله مدري ايش عملو فيه
رحت للدكتوره قالت لي سوي تحليل دم ثاني على قولتها العينه باضت .... بالمصري
وانا قمت ابكي وقلت لها شوفي وريتها ثلاث ابر
قالت : ايه ده
قالت : بلا دم بلا هم خلينا نسوي سونار
رحت غرفة السونار وجات واهي تدور الجنين فوق في الرحم بس لقته تحت يعني الجنين نازل
قالت لي : الكيس نازل
انا جا في بالي ان عندي تكيس في المبايض
ماكنت عارفه ان الجنين محاط بكيس :062:
اول ماقمت استوعبت اني حامل وقمت ابكيييي
وزوجي فررررحااان
عطتني الدكتوره وصفه فوليك اسيد وانا طول الوقت بكي
خخخخخخخ


ـــــــــــ
يللا كل وحده تقول قصة اول حمل

ساروووونه2020
03-22-2009, 04:40 PM
يللا حبوبات كروشات كل وحده تقول
والله تعبت وانا اكتب قصتي

السماحة22
03-22-2009, 04:41 PM
انا حملت بعد سنتين من زواجى تاخرت الدورة 7 ايام اعطيت اختى عينة بول تحلل فى المختبر طلع ما فى حمل مع العلم لما حللت زوجى لم يكن يدرى بعد 10 ايام قال لى هانى احلل اعطيتوا عينة وراح على المختبر وانا على بالى انو ما فى حمل بعد ربع ساعة اجا زوجى قالى فى حمل انا قعدت ابكى من الفرحة قال لى زوجى انتى تزعلى تبكى تفرحى كمان تبكى بس انا اجهضت فى الشهر التالت

ساروووونه2020
03-22-2009, 04:55 PM
ربي يعوضك حبيبتي
ان شالله تحملي هالشهر ياااارب

هديل الياسري
03-22-2009, 05:29 PM
موضوعك حلو ياحبيبتي وعقبالي انا هذا الشهر5 للزواج ولم يحصل حمل لان الحركه عند زوجي صفر ولا ادري ماذا افعل

ساروووونه2020
03-22-2009, 05:34 PM
موضوعك حلو ياحبيبتي وعقبالي انا هذا الشهر5 للزواج ولم يحصل حمل لان الحركه عند زوجي صفر ولا ادري ماذا افعل

ان شالله تحملين حبيبتي
توني قريت وحده كاتبه موضوعها ان زوجها عنده الحركه صفر سوت انابيب وضبطت بس مو من اول مره
الله كريم

اكليل الوردfh
03-22-2009, 05:41 PM
للرفع

ساروووونه2020
03-22-2009, 06:21 PM
مشكوره للرفع حبيبتي

ساروووونه2020
03-22-2009, 09:03 PM
يللا حلوات ردو

همسة ^^ صادقة
03-22-2009, 09:31 PM
موضوعك كثير حلووو
انا حملت بطفلي الاول بعد سنتين من زواجي وحللت بالبيت وطلعت حامل بس للتاكيد رحت وحللت بالمستشفى وكان زوجي مرررة فرحان واول من عرف بالحمل امه لانها معاي بالبيت وبعدين امي

ساروووونه2020
03-22-2009, 09:46 PM
الله يحفظ لك طفلك وابو طفلك ...<<<<خخخخ كني زودتها حبتين

وجـ شرقاويه ـدان
03-22-2009, 10:03 PM
تسلمين سارونه على الموضوع حلو
والله يتمم حملج ع خير انشاءالله
انا اول حمل لي كان بعد الزواج باربع شهوور
تاخرت علي شهر وكل ماحلل بالبيت مافي شي
رحت الممستشفى سويت تحليل دم وانا وام زوجي وزوجي
انتظرنا ربع ساعه وطلعت النتجيه حامل :087: فرح زوجي
وقالي مبروك وامه باركتيلي وقامت تنصحني لاتشيلن ولاتسوين
الا اخرها خخخ تميت شهرين حامل وسقطت من دون سبب:042:
كان موقف يخوف كنت نايمه جلست من النوم لقيت في ملابسي دم
واصحي زوجي وانا ابكي اقوله ينزل مني دم الرجال خاف اشفيك اسم الله عليج
وصار قومي قومي المستشفى رحت المستشفى سوت لي الدكتوره سونار قالت
مافيج شي عايش الجنين بس وزنه صغير مره روحي البيت وارتاحي لاتتحركين
رحت البيت وتميت منسدحه ماتحركت اشوي قمت بروح الحمام اكرمكم الله حسيت
شي ينزل مني كثير واشوف الدم واصارخ وابكي ورحنا المستشفى قالت الدكتوره
ثانيه مونفسها انا الجنين ميت وصار له كم يوم :0148: انا استغربت هذيك تقول عايش
وجالسه ابكي والحمدالله بعد 3 شهور حملت انا الحين حامل بالشهر الثاني والله يتتم
حملي ع خيررر والله يثبت حملي للحين خايفه :042:
اسفه ع الاطاله بس حبيت اقول اللي في قلبي

ساروووونه2020
03-22-2009, 11:11 PM
ياحيااااتي وجدان والله خوفتيني عليك
الله يثبت لك حملك يااارب
يعني انتي معي في نفس الشهر حملك

زعيمه الصبايا
03-22-2009, 11:38 PM
اب لعيونك

عيوني قتالة
03-22-2009, 11:53 PM
سارونة ألفـ مبروكـ

واللهـ يتممـ لكـ حملكـ على خير ..

ولي رجعهـ بقصتيــ ـ ـ ~

ساروووونه2020
03-23-2009, 12:42 AM
زعيمة الصبايا شكرا للرفع

عيوني قتاله انتظرك حبيبتي لاتطوليييين

انا وطفلتي الصغيره
03-23-2009, 01:13 AM
موضوعك حلووو

انا حملت بعد زواجي ب سته شهوور
كنا مجتمعين في بيت اهل زوجي
كانت الدوره متأخره علي شهرين طبعاً ماكانت منتظمه وانا كنت راكبه راسي ابي انزلها بس زوجي كان رافض :043:
المهم خالتي اشترت لي تحليل وقالت لي على شاني حللي قلت لها ليش تبي تضايقيني اكيد مافي شي :042: كل مره احلل ومافي شي مليت
المهم عجزت مني امي قالت اذا حللتي ولا طلع حمل
بشتري لك حبوب تنزلي الدوره :028: انا فرحت قلت لها اذا كذا معليه
اخذت التحليل وحللت رميت التحليل على المغسله من دون ما اطلع طلعت الا ارجع اطل عليه شفت خطيين فرحت وماقدرت اتحرك من مكاني قعدت اصارخ واقول في حمل
جت امي و خالتي حضنوني وقاموو يبكوون وانا معهم :028: قلبناها جنازه
حتى من زود مابكينا طاحت علينا أخت زوجي لانها ماكانت تدري شسالفه
اخذها زوجي للمستشفى وانا دخلت احلل دم :0112: مو قادره اصبر ابي اتأكد
زوجي اخذ النتيجه وطاااار من الفرحه :044: وعزمني على العشاء :032:
بس قعد كل اشوي يقول لي انتي اللي كنتي بتأخذي حبوب على شان تنزلي الدوره كان طيحتي ولدي خخخخخخخ
قعدت احب راسه اقول له لا تذكرني انسى الموضوع كح كح

مياوي2004
03-23-2009, 02:43 AM
موضوعك عجبني وحبيت اشارك فيه
انا اول حمل لي كنت مخربطة بموعد الدورة واصلاً مو على بالي متى اول يوم كنت متزوجة لي 6 اشهر وكنت ادرس بالجامعة ودرستي صعبة مرة .
وطولت الدورة ومانزلت وانا اقول هم شلون يحسبون من اي وقت """"غشيمة بالمرة :044:
وانتظر ولا على بالي ولا فكرة حتى بالتحليل المنزلي اخير شي حسيت بالتغييرات اللي فينيي احس نفسي نعسانة على طول وقلت لزوجي وهو يقول تاكدتي وانا اقول له وشلون اتاكد لازم نروح نحلل و وصدفت ايام العيد وانا ما قصرت مشي ومسواق ومخططه اروح بعد العيد وما احس الا دم ينزل علي ( الله يكرمكم ) ثاني يوم العيد واقول يمكن الدورة هذه والم لين رحت المستشفى انا وامي وزوجي وقالت الدكتورة اي طبعا حامل وعمرة شهرين ونص وشلون ما حاسة ومهددة اسقاط وقالت ارتاحي خذي الفيتامينات وما رضت تعطيني مثبت والا احس شي نزل مني بالليل لما رحت الحمام (اعزكم الله) ولما راجعت ثاني ووصفت للطبيبة الالم والشي النزل مني قالت لي طاح الجنين وخلاص مو باين شي بالسونار كلها كم يوم وتنظفي ولا تحتاج تنظيف.
الحمد لله بعدهه بسته اشهر الله رزقني باحلى بنوتة ( الله يحفظها لي)

البرنسيسه A
03-23-2009, 02:55 AM
انا قصة حملي غير عن كل القصص فيها حزن وفيها فرح فيها دموع وفيها مراره من الاالام ؟؟؟؟؟؟؟؟؟؟؟ قصت حملي في ولدي الله يحفظه لنا يارب كانت في عزاء ابو زوجي الله يرحمه كان البيت مليان من جدتي لخالاتي وام زوجي وبناتها وكان الوقت مغرب وتاخرت علي يوم واحد بس ... بس زوجي كان حاس انه فيه حمل المهم حللت منزلي ماطلع شي وبعدين قال مافيه نروح المستشفى ونحللك دم قلت لا مافيه حمل بس صمم الا نروح وفعلا حللت دم وطلع حمل والله وقتها ماعاد ندري نبكي ولا ايش من الفرحه لانه كان موت ابوه بس من اسبوعين وقال هالخبر راح يغير الجو شوي المهم رحنى دخلنا عليهم واقولهم الخبر قامت امه تبكي تبكي وتقول ماكنت اظن ان ولدي بيجيله عيال وتبكي وانا اقول معقوله كل هذي فرحه المهم كلن فرح من قلب وقالوا ياااارب يجي ولد نسميه على اسم ابونا وفعلا جانا ولد وسميناه على اسم ابوه ..............وبعدين يافراشات اكتشفت ليه خالتي كانت تبكي بكل صوتها وتقول ماكنت اظن بيجيك عيال اثاري ولدها اللي هو زوجي مسوي عمليه قبل 4 او 5 سنوات وقالوا لها يمكن ماعاد تجيب عيال وانا عرفت هذي السالفه بعد ماسارت مشكله بيننا وبين اهله وانا كنت حامل في الشهر الرابع قالت له امه اللي في بطن مرتك مو منك انت ماتجيب عيال ماانساها كيف جرحت زوجي وجرحتني والله اكرمنا بولد والله يبنات يوم انا في المستشفى وطول الاربعين وولدي نسخه وصوره طبق الاصل من ابوه وبعدها يوم كبر اللحين رجع يشبهني وهذي قصتي الموثره في حملي الاول وكان بعد زواجي ب9 اشهر واما حملي الثاني تاخرت الدوره علي وكانت الدكتوره تقولي عندك كيس ولازم تتعالجي قلت لها خلاص الشهر الجاي وحملت الحد الله من دون علاج وكانت صدمه لي ولزوجي لانه الدكتوره قالت مايصير حمل ونتي عندك كيس والله يتمم مل على خير وادعا لي يافراشات ان الله يتمم علي الصحه والسعاده ياااااااااااااااارب

البرنسيسه A
03-23-2009, 03:00 AM
انا قصة حملي غير عن كل القصص فيها حزن وفيها فرح فيها دموع وفيها مراره من القهرررررر؟؟؟؟؟؟؟؟؟؟؟ قصت حملي في ولدي الله يحفظه لنا يارب كانت في عزاء ابو زوجي الله يرحمه كان البيت مليان من جدتي لخالاتي وام زوجي وبناتها وكان الوقت مغرب وتاخرت علي يوم واحد بس ... بس زوجي كان حاس انه فيه حمل المهم حللت منزلي ماطلع شي وبعدين قال مافيه نروح المستشفى ونحللك دم قلت لا مافيه حمل بس صمم الا نروح وفعلا حللت دم وطلع حمل والله وقتها ماعاد ندري نبكي ولا ايش من الفرحه لانه كان موت ابوه بس من اسبوعين وقال هالخبر راح يغير الجو شوي المهم رحنى دخلنا عليهم واقولهم الخبر قامت امه تبكي تبكي وتقول ماكنت اظن ان ولدي بيجيله عيال وتبكي وانا اقول معقوله كل هذي فرحه المهم كلن فرح من قلب وقالوا ياااارب يجي ولد نسميه على اسم ابونا وفعلا جانا ولد وسميناه على اسم ابوه ..............وبعدين يافراشات اكتشفت ليه خالتي كانت تبكي بكل صوتها وتقول ماكنت اظن بيجيك عيال اثاري ولدها اللي هو زوجي مسوي عمليه قبل 4 او 5 سنوات وقالوا لها يمكن ماعاد تجيب عيال وانا عرفت هذي السالفه بعد ماسارت مشكله بيننا وبين اهله وانا كنت حامل في الشهر الرابع قالت له امه اللي في بطن مرتك مو منك انت ماتجيب عيال ماانساها كيف جرحت زوجي وجرحتني والله اكرمنا بولد والله يبنات يوم انا في المستشفى وطول الاربعين وولدي نسخه وصوره طبق الاصل من ابوه وبعدها يوم كبر اللحين رجع يشبهني وهذي قصتي الموثره في حملي الاول وكان بعد زواجي ب9 اشهر واما حملي الثاني تاخرت الدوره علي وكانت الدكتوره تقولي عندك كيس ولازم تتعالجي قلت لها خلاص الشهر الجاي وحملت الحمد الله من دون علاج وكانت صدمه لي ولزوجي لانه الدكتوره قالت مايصير حمل وانتي عندك كيس والله يتمم لي على خير وادعوا لي يافراشات ان الله يتمم علي الصحه والسعاده ياااااااااااااااارب

سووسة*
03-23-2009, 05:09 AM
انا طبعا ليه 9 اشهر متزوجة ولاكنت افكر في الحمل وشايلته من مخي الين بعد مااخلص دراستي وطبعا كنت اسمع كلام من هنا ومن هنا وانا مطنشششة :043:وكانت دورتي مي منتظمة وانتظمت قبل مااحمل بشهرين بس قبل موعدها باسبوع نزل مني دم وردي كنت احسبه عادي وكل شوية ينزل وروحت للدكتورة وقالتلي ماتتحركي ولاتسوي شي يمكن يكون حمل قلت لها لا مو حمل مسوية فيها واااثقة:032: وجيتها في المراجعة في نفس موعد الدورة وسوت لي تحليل وبعد نص ساعة طلعت النتيجة واخذها زوجي من المختبر ووداها للدكتورة من دون مايقولي وانا جالسة في الانتظار:043: وجاني بعد شوية يقولي الدكتورة تبغاك وروحت لها وجلست على الكرسي وانا فرحانة انه مافي حمل الا شوية تقولي انتي حامل طبعا انا انصدمت وهما فرحانين وجلست ابكي واقولها نزليه ماابغاه:042: وهي تقعد تسويلي محاضرة وهرج ومادري ايش المهم خرجت وانا ابكي واتصل زوجي على ماما وقالها وبعدين قال لامه وطبعا كلهم فرحووو وكل الناس عرفت وبس:061:الله يتمم لنا على خير ويرزق كل المحرومات:090:

ساروووونه2020
03-23-2009, 12:50 PM
انا وطفلتي
الحمد لله انك مااخذتي الحبه ومشكوره على طرح قصتك

مياوي
الحمد لله ربي عوضك بالبيبي الثاني ومشكوره حبوبه

البرنسيسه
من جد قصتك غريبه والاغرب شك ام زوجك فيك الله يهديها الحمد لله الحق يظهر ومشكوره ياقلبي

ساروووونه2020
03-23-2009, 12:56 PM
سوسه
حبيبتي انتي في نفس الفتره معي ربي يتمم علينا وينقوم بالسلامه

الماسه79
03-23-2009, 01:26 PM
بداية انا صار لي متزوجه من سنتين وحامل بالاسبوع السادس ... قصتي مع الحمل يا الغاليه هي اني كعادتي كنت تعبانه كثير من الجيوب الانفيه والحساسيه باستمرار كانت تعرضني لنوبات الصداع الحاده والترجيع واللي فرق هالمره ان بالاضافه الى الصداع والترجيع كنت حاسه بمغص قوي جدا ضنيته بسبب الجيوب لانها عادة كانت تسبب لي امساك... مختصر الكلام اني كنت رايحه المستشفى وانا عارفه ان كل اللي اعاني منه هو تبعات الجيوب الانفيه وسبحان الله ولاول مره قبل لا اخذ وصفة العلاج خبرت الدكتوره ان دروتي اتاخرت كم يوم وودي اسوي تحليل حمل ... وفعلا رحت وسويت وعطيت المختبر العينه وجلست انتظر واخذت النتيجه للدكتوره وطبعا وانا خبر خير الحمل ولا على بالي لامن قريب ولا من بعيد وطبعا المفاجاة الكبرى لما الدكتوره بشرتني وقمت ابكي من فرحتي .. قبل ما ارجع البيت شريت جهاز تحليل منزلي وطلع فيه خطين وكنت احس بعد اني مش متاكده او مش مصدقه وطبعا انتظرت جيت زوجي من الدوام وخبرته وطار من الفرحه ومن بعده خبرت امي وخواتي ...
وهذي قصتي وعسى الله يثبت حملي ويهون علي حملي وولادتي ولكل حامل والله يرزقنا بالذريه الصالحه

ساروووونه2020
03-23-2009, 10:56 PM
حبيبتي الماسه مبرووووك الحمل الله يثبته ان شالله
ماشالله عليكم كلكم حملتو في نفس فترة حملي
شكلنا متفقييين؟؟؟
خخخخخخخ

عيوني قتالة
03-24-2009, 02:04 AM
أنا حملت بعد خمس شهور من الزواج

كان في رمضان أنا ساكنة في مدينة بعيدة عن أهلي

وهم أصلا كانوا مسافرين لديرتنا

المهم كانت الدروة متأخرة عشر أيام

أنا ماكان ودي أحلل بس زوجي أصر

جهز الكاميرا عشان يصور ردة الفعل

دخلت الحمام أحلل وزوجي أنتظرني برى

أخذت التحليل معي وطلعت حطيته ع الطاولة

وعيونا عليه ننتظر الخط الثاني

طلع خط خفيف يالله مارح انسى أحساسي وقتها

فرحة ماتنوصف هذاك اليوم ماقدرت أنام من الفرحة

على طول دقيت على ماما وبابا وأخواني وعلمتهم

كنت ما أنام والا أحضن بطني كنت مرة مبسوطة

بعدها بأسبوع رجعوا أهلي وسافرت عندهم

في يوم كنت نايمة صحيت من وجع بطني

رحت الحمام و حسيت شي نزل مني

رحت المستشفى يقولون مافي رحمي شي

وأنا متأكدة أني حامل كان الهرمون عالي يقولون يمكن

حمل خارج الرحم تنومت أسبوع بس في الأخير طلع إجهاض

طلع أنه لما رحت الحمام كان الجنين اللي نزل مني كان عمره

شهرين .. ~

بعدها ماجتني الدورة الا مرة وحدة وحملت

لما عرفت بكيت ما كنت أبيه

كنت خايفة يصير له نفس الشي

بس الحمدلله على كل حال

الله يتمم لي حملي على خير

وكل حامل يارب .. ~

آسفه ع الإطالة ..

سرحــ بهالدنيا ــانه
03-24-2009, 02:52 AM
يارب احمل هالشهر واجي اقولكم قصتي
ادعيلي ساااررررونه

ساروووونه2020
03-24-2009, 10:59 AM
عيوني قتاله
ياقلبي عليك والله اني حزنت عليك الله يتتمم عليك حملك ياااارب وتشوفين البيبي

سرحانه
يابعد قلبي ان شالله تحملين هالشهر وتقولين لنا قصتك مو تنسييين

,,,قطرة مطر,,,
03-24-2009, 01:14 PM
الله يتمم لكل حامل حملها
الله يثبت حمل الجميع ياررررررب
الله يرزق كل محرومة الذرية البارة المعافئ

فراااشه فووشيه
03-24-2009, 01:28 PM
انا حملت بعد الزواج بتسع شهور والثلاث الاشهر الاخيره صارت تتاخر الدوره علي وكنت اقول حامل وكل ماتتاخر احلل لحد ماجاني اكتئاب نفسي بس الثالثه ثابته حللت تحليل بول الصباح قبل مااروح للجامعه وطلع خطين زعلت ماادري ليه حتى اني كشرت مايكون فيه حمل بس الحمدالله صرت حامل رحت بالليل حللت بالمستشفى طبعا ماقدرت استنى لبكره حتى اني صليت لله شكر على هالنعمه الي بيرزقني اياها واول واحد خبرته اهي اكيد امي الغاليه وزوجي خبر ابوه لان امه متوفيه رحمه الله عليها وامي لما قلتها صارت تخاف علي انتبهي ولا تسوين ولا تخلونها تشيل عشان بكرها واول بنت تتزوج عندهم حتى ابوي بس يقول لي انتبهي
ولما قلت لزوجي زي الي مو مصدق تنح بعدين استوعب
وانا الحين في الخامس الله يتمم على خير

أم زيادH
03-24-2009, 03:30 PM
أأأأأأأأأأأأاادعولي أكون حامل الدوره متأخره ال12 يوم سويت تحليل منزلي وهي متاخره 6ايام وكان سلبي للاسف ودي احلل دم وخايفه نفسي احمل والله مشتااقه للاطفال تكفون ادعولي

ساروووونه2020
03-24-2009, 05:04 PM
قطرة مطر
الللف شكر حبيبتي على الدعوه

فراشه فوشيه
ان شالله تقومي بالسلامه حبيبتي وتفرحين بالبيبي

ساروووونه2020
03-24-2009, 05:05 PM
ام شهد ياعمري
ان شالله حامل طيب انتي حللي دم وان شالله خير حبيبتي

لمسة إحساسـ
03-24-2009, 06:37 PM
موضوعك ناآيس يآعسل
شوفي انا يوم تزوجت وعمري صغير يدوب 15 وكم شهر وتاخر حملي سنة و8 شهور عشان هرمون الحليب وكنت راح ابداء علاج مع استشاري كبير وكان باقي عن موعدي معه 10 ايام
وكنت احس تعبانة مرهقه واحس بمرارة على لساني ولا اقدر ابلع ريقي امشي وانا اشيل المناديل خخخخخ
المهم الدورة مومنتظمة ولا شي ولا اخذت علاج ولا اي شي قام زوجي قال نسوي تحليل بالبيت وجاب لي واحد بالليل والصباح يوم صحيت وكنت لوحدي بالبيت سويت التحليل وطلع خطين كلللللللللللللللللللللللللللللللللوش يافرحة مامثلها فرحة كنت ارتجف من فرحتي دقيت على زوجي بيجر خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ ماطلع الجوال طبعا هذا الكلام من 9 سنوات خخخخخ
المهم ثواني وهو عندي وقلت له وكان بيطير من الفرحه ويبكي وانا ابكي ويضمني الله يازين الذكريات
المهم قال نتاكد احسن وقمنا طيران على الخاص وسوي تحليل دم شوي وتجي السيستر وتقول مدام مبروك في حمل وتاكدنا بالليل جانا وسواس قلت يمكن قالت مافي حمل واحنا سمعنا غلط خخخخخخخخخ زوجي المسكين اخذ اوراق التحليل وطيران على المستوصف عشان يتاكد دخل للدكتور عشان ياكد اللي بالورقة والحمد لله كان اكيد وجبت احلى يزيد وهو الحين عمرة 8 سنوات وبالمدرسة وشوفية بجنبي يكتب الواجب تبع القراة خخخخخخخخخخ

ساروووونه2020
03-24-2009, 08:57 PM
لمسه حبيبتي احس تزوجتي صغييره يعني ولدك كأنه اخووووك
وناااسه عشان يكون صديقك خخخخخ
الله يحفظه لك ولابوه ياااارب

أم الكادي
03-24-2009, 10:59 PM
مساء الخير على الجميع00
لمن تزوجت تأخرت على الدوره وانتوا بالكرامه
مجاتني الى في نهاية الشهر ومن الفرحه يوم شفت الدوره تاخرت مجتني في وقتها رحت وحللت وسوي لى التحليل ولا طلعت حامل وزعلت :043:بعد التحليل جتني الدوره وانتظرت كمان شهر ولاجتني ورحت احلل وطلعت حامل بس لمن بشرتني الدكتوووره جلست مثل المنصدمه حتى الدكتووووره قالت لى ليه منتى فرحانه قلت لها الا بس ماني مصدقهوطبعا زوجي مو فيه في العمل طبعا بس كان داري انى رحت المستشفي بعد بساعه رجعت البيت انا واخت زوجي لانها هي الى كانت معي الله يستر عليها عسل هاالانسانه المهم رجعت البيت وكلمني زوجي وقال لى بشري قلت ماطلعت حامل وسكت قلت له زعلت قال لا عادي اصلا توني متزوجين ولاتزعلين وعااادي المهم جلس يسولف معي بعدها رجع قال احس انك تكذبين على قمت اضحك بعدها عرف اني حامل وبارك لي وقال انا بستاذن من الدوام طلع من الدوام الى وهو داخل على بترته كبيره حلوووووه وطقم ذهب حيل حلووووووعشنا فرحه كبيررره حيل بهال الحمل الين ولدت وجبت ((الكادي))الله يخليها لنا تبووون اقولكم بعد قصة حملي الثاني بالولد((فراس))الله يخليهم لنا
خخخخخخخخخخخخخخخخخخخخخخخخخخخ
صح طولت عليكم وغثيتكم بس لازم اقول من طق طق الى السلام عليكم00

ساروووونه2020
03-25-2009, 12:48 AM
ام الكادي والله انك خطييييره تعرفين تكذبين
حلالك لو تقولين ولادتك العاااشره حلالك
<<<<<<<<< خخخخخخخخخ

$#عاشقة الاسلام$#
03-25-2009, 01:00 AM
ربي يعوضك

مياوي2004
03-25-2009, 05:39 AM
للـــــرفع

حـــور بـــريـــدة
03-25-2009, 08:42 AM
اما انا قصتي قصه مؤثرررررررررررره :043:

اربطو الاحزمه واسمعو :020:

انا اللحين بالشهر 2 الله يتمم حملي على خير ومتزوجه من 9 شهور المهم الشهرين اللي قبل حملي كانت تتأخر علي الدوره ولما تأخرت علي طنشت ماظنيت اني حامل وكنا مشغولين بتجهيز بيت اخوي لانه بيتزوج
المهم انا من تزوجت ماحبيت زوجي ابدآآآآآآ اكرهه كره العمى وكل مااروح لااهلي اقول خلاص مو راجعه له تجلس امي تبكي وارجع عشانها المهم انا تاركه الحبوب لان من كثر المشاكل كان قليل يجيني مع انه يموووت فيني بس انا غصب عني اكرهه لليوم هذا عشان كذا اختي قالت لي اتركيها لعبت علي قالت لازم بالشهر 10 مرات ولا مايصير حمل انا فرحت لان الحبوب مره تعبووووني والشهر اللي حملت فيه ماكنت داريه طبعآ اني حامل كان باقي على زواج اخوي اسبوع وكنت متفقه انا وزوجي انه بعد زواج اخوي نتطلق قال زوجي عشان ماتقهرين اهلك وهم فرحانين بأخوي المهم يوم زواج اخوي كنت عند اهي من الظهر وكانت اختي اللي نصبت علي عند اهلي وقلت لها ان الدوره متأخره 15 يوم قامت ارسلت اخوي الصغير يجيب تحليل منزلي وعطتني اياه قلت لها مستحيل الشهر هذا ماسويناها الا مرتين <<<<مصدقه انه لازم 10 مرات هههههههههههههههه :0144:

قالت ماعليكي سوي وبس وفعلآ طلعت حامل :076: من الفرحه نسيت اذبح اختي اللي لعبت علي لاني امووووت بالاطفال بس قلت لها ماراح اقول لزوجي اخاف يهون عن الطلاق قامت واخذت جوالي من وراي وارسلت له ابشرك انا حامل فجأه دق جوالي وهو يبارك وياحبيبتي وياحياتي انا ظنيت انه يبارك لاخوي وارد من غير نفس لكن تفاجأت انه قال لي البنت انتي تسمينها والولد انا انا هنا عرفت انها اختي الشيطانه ورى كل هالسالفه وبعدها قال لي زوجي حلمي اني اطلق لو تموتين وبيني وبينكم لما دريت اني حامل هونت عن الطلاق ماابي ولدي يعيش مشتت والحمدلله على كل حاااااااااااااااال

وش رايكم مو قصتي تصلح فيلم هندي هههههههههههههههههه :061:

فراشة خطيبهااااا
03-25-2009, 09:34 AM
انا قصتي غير شكل
قبل مااتزوج قلت اني ماابغى احمل على طووول ابغى اجلس 3 او 4 شهور اتهنى بزواجي وبعدين ..
المهم انا كان زواجي تاريخ 9 شوال يعني بعد العيد
باسبوع وهذا الاسبوع المفرووض تكون الدوره نزلت لان كانت دورتي منتظمه وتجي بداية االشهر لكنها تأخرت وكنت انتظرهاااا كل يوم بس ماكان مبين انها راح تنزل
وبعدين نزلت علي وانا في الكوافير يوم الزواج خخخخخخخخخ

المهم بعد زواجي بسبوع اخت زوجي ولدت وكنت دائما معاهم واني بيني وبين نفسي ودي احمل واولد واشوف ولدي بس في نفس الوقت اقول بدري وكنت متخوفه من كثر جلستي معهااا احمل
المهم نهاية شوال كنت احس بآلام تصحيني حتى من النوووم
وانا اقول يمكن استعداد لنزول الدوره بداية الشهر لكن تأخرت الدوره علي وزوجي دائما يقول لي حللي وانا اقول له مو حامل ليش احلل
لين مره من المرات كنا عند اهله وجاني الم مو طبيعي مرررره وحده واني ماسكه نفسي بالغصب وقمت الى زوجي قلت له خلاص نمشي تعبت
المهم وحنا في الطريق وانا ودي اقول له نشتري تحليل حمل بس ماابغى احط عنده امل وبعدين يطلع لااا المهم في النهايه قلت له واول مارجعت البيت على طووول حللت اول شي طلع خط واحد قلت انا : مو حامل يلا الحمد لله ... المهم وقعدت اغسل وكذا الحين جيت بشيله برويه زوجي علشان يتأكد اني مو حامل الا اشوف فيه خط ثااني
هني انصدمت ماعرفت وش اسوووي وقلبي يدق بسررررعه واحس روحي ارجف طلعت الى زوجي وقلت له حامل واني خلاص دمعتي لو اغمض طاحت
جالي وحضني قال ليي مبرووك انا هني خلااااص ماقدرت امسك نفسي على طووووول طاحت دموعي وكلما ليها تكثر خخخخخ
قال لي وش فيك ماتبينه
قلت له ابغاه بس ماكان ودي الحيييين
بس صرااحه كنت طايره من الفرح
ومن فرحتنا ماعرفنا كيف انام قال لي زوجي قومي نطلع كانت الساعه 12 الليل قلت له اوكي واتصل في امه وقال لهااا وكانت مسكينه تعبانه ورايحه اسعاف المستشفى خخخخخ
اما امي ماعرفت شلون اقول لهاا لانها تخاف علي واجد اتصلت فيها ابغى اعرف هي في وين كانت في بيت الجيران قالت لي فك شي قلت لها لا بس كنا بنجي نجلس معك وكذااا
بعدييين قلت بقول لهااا وخلاص وقلت لها وماعرفت وش تقول وخصوصا انها مو بالبيت قالت ليي بعدين وسكرررت
5 دقايق واتصلت واسئله وتوصيات واللي مانامت لما جا ابوي من العمل قالت له ضايق خلقي ومو عارفه انام قال لها خير قالت له بنتك حااامل قال مبروووك ليش متضايقه قالت بعدها صغييره لو ادري مازوجتها خخخخخخ
والحمد لله انا الحين في بداية السادس والله يتمم لي على خير
سوووري على الاطاله بس لازم نفصل خخخخخخ

ساروووونه2020
03-25-2009, 11:14 AM
فراشة خطيبها امك ونااااسه تخاف عليك من الحمل
حلو لما تشوفين الفرحه في عيون النااااس
انا هذا اللي حمسني
خخخخخ


يللا فراشات اتحفونا بقصصكم اللي ماينمل منها

ساروووونه2020
03-25-2009, 11:20 AM
حور الحمد لله انك حملتي
اختك خطييييره ... والله انها داهيه
الله يعين زوجها عليها<<<< خخخخخ امزح
الله يخليها لك
ومبروك الحمل ان شالله نوالد مع بعض

ام ريم 10001
03-25-2009, 12:18 PM
حور بصراحة اختك تعجب ماشاء الله عليها
وضحكتني يوم تقوليك لازم عشرة
مرآت والامايصير حمل وانت مصدقتها بس والله
رهيبة قدرت تصلح اسرة قاربة على الانتهاء بذكائها .

,,,قطرة مطر,,,
03-25-2009, 02:09 PM
حور ياحليلك اختك ههههههههههههه
تكفين وش كبرها؟؟؟(شكلها ماتزوجت
الله يسخرك لزوجك ويسخره لك

ساروووونه2020
03-25-2009, 03:19 PM
شكرا حبوبات للمرور

اشواق الرحيل
03-25-2009, 05:12 PM
هلا حبوبات
انا قصتي مع الحمل كانت بعدعرسي بسنتين تقريبا طبعا انا ماكنت ابا احمل لاني كنت ادرس عادني وانا وزوجي متفقين على كذا بس بعدين تخرجت وزوجي فتح عيونه ع الحمل وحطينا فبالنا اني بحمل خلاص يعني مابنسوي حل او مانع بس مر كم شهر وانا ماحملت اصلا كانت الدورة مومنتظمة عندي وبديت اخاف انه تكون عندي مشكلة المهم قررت اني اروح المشتشفى بعد كم يوم عشان اشوف شو المشكلة ورحت عيادة نسائية ودخلت عند الدكتورة وخذت لي مسحة وتحاليل دم وبغت من زوجي تحاليل المهم سالفة يعني
عشان تشوف وين المشكلة وقالت تعالي بعد كم يوم عشان النتايج
واليوم الثاني سبحان الله كنت حاسة بغثى وصداع وماكنت حاطة فبالي اني اكون حامل بالمرة وكان عندي شريطة الحمل من فترة قلت خلني اطمش واتسلى واسوي الفحص وانا فالحمام طبعا سويتة وكان زوجي خارج البيت وطالعت الشريطة والا خطين ظهرولي وانا مصدومة واناظر عمري فالمراية واضرب خدي انا فحلم والا علم هههه
وقلت مابخبر حد الا لما اتاكد بس ماقدرت من كبر المفاجاة وخبرت زوجي وهو كان مو متوقع ومصدوم وقالي لاتخبرين حد الا بعد فحص الدم ورحت ثاني يوم وفحصت وطلعت النتيجة ايجابية وطرت من الفرحة وخبرت الاهل وبدات الاتصالات والتهاني وانا الحين فالتاسع ادعو لي الله يسهل ولادتي والله يرزق كل محروم بالذرية الصالحة

حـــور بـــريـــدة
03-25-2009, 07:04 PM
اختي اكبر مني بـ 3 سنين

عمرها 26 سنه ومتزوجه عندها بنت وولد
بس شريررررره

ساروووونه2020
03-26-2009, 01:58 AM
أشواق حبيبتي مبروك الحمل وان شالله تقومين بالسلامه ياااارب وتفرحين بالبيبي

حور ماتوقعت اختك اكبر منك في بالي انها صغييييره ما شاء الله عليها الله يحفظها ويحفظ عيالها

حـــور بـــريـــدة
03-26-2009, 03:20 AM
وشلون اصغر مني وش يعرفها بالامور لو صغيره

هي قالت لي لازم 10 مرات قاصدتها تبيني احمل واهون عن الطلاق

بعدين اعترفت لي انه نيتها كذا

أم الجود و النور
03-28-2009, 01:22 AM
لا أنا عاد ما حملت إلا بعد معاناة بعد سنتين زواج حملت وسقطت وبعدها بسنتين كمان حملت وسقطت و سبحان الله الشهر اللي بعده على طول صار حمل وطبعا كيف عرفت إني حامل .....
جاني نزيف وشكيت إنه مو دوره رحت المستشفى وما قلت للدكتوره إنه معي نزيف قلت لها ما جتني الدوره من سقطت عشان تعمل لي تحليل بس الشاطره قالت لي "ننزلها لك " و الحمد لله ما سمعت كلامها قلت لها مش ممكن أكون حامل قالت لي"نعمل لك تحليل حمل" وعملته و طلعت حامل وطبعا كان شعوري أنا وزوجي فرح وخوف خصوصا بعد خسارة حملين وبعد أربع سنين زواج وكان من بداية الحمل نزيف استمر أربعة أشهر ومع المثبتات الحمد لله وقف
لهالسبب ما خبرنا أحد أبد إلا بعد ثلاثة شهور
و ألحين ولدي كمل......سبع سنوات
والحمد لله قرت عيونا بشوفته أدعو الله يحفظه لي
والله يحفظ عيالكم يااااااااااارب.

ساروووونه2020
03-28-2009, 04:09 PM
هلا حبيبتي ام الجود
قرت عينك بشوفة ولدك الحمد لله
وان شالله تجيبي له اخوان وخوااات
الله يحفظه

عطر& سوريا
03-28-2009, 04:59 PM
اختي يعطيك العافية ع الموضوع
اما انا قصتي رح احكيها مع انها طويلة شوي
انا كنت بجهز نفسي لانزل سوريا وطبعا اسواق ومدري شو
وما اهدى ع طول حركة
المهم سافرت سوريا وزوجي ضل بالسعودية
كان صرلي 9 اشهر متزوجه
بسوريا صرت لما اشرب مي اقلهم مو طيبة المي
امي واخوات يقولو شكلك حامل
اقول كيف حامل وزوجي بالسعودية
بعد اسبوع كان موعد دورتي
اختي جابت تحليل منزلي وقالتلي ادخلي حللي
وانا اقول بلا هبل مافي حمل
وضلو يقنعوني حتى حللت طلع خط فاتح كتير قالولي انتي حامل ما صدقت اقول لا
تاني يوم اختي اخدت عينة بول وحللت لي بالمخبر
وانا نايمة لقيتها بتتصل في بتقلي مبروك حامل
فضلت شوي مو مستوعبة الموضوع
بعدين خبرت امي وقلتلها اتصلي بزوجي ع السعودية وخبريه
زوجي لما عرف طار من الفرح مو مصدق كمان
واتصل فيي انا كنت ببكي يقلي مبروك وهيك وانا مو مستوعبة شي
والحمد لله كمل حملي واجى ابني الغالي
وهلىء انا حامل
قصت حملي الثانية كمان مفاجاة لاني كنت عاملة منع طبيعي
وما متوقعه احمل
وصار اني حملت وزوجي الي حلل بالمخبر
واتصل قلي مبروك وهي
ربي يبعت لكل وحده مشتهية الذرية الصالحه
انا كمان تقريبا حملي قريب لحملكم
انا هلىء بالاسبوع السادس

دندونة8000
03-28-2009, 07:25 PM
انا حملت بطفلتي الاولى بعد تقريبا 8 اشهر من الزواج واتاخرت الدوره علي 10 ايام بعدين حللت وطلع خط خفيييف مرة وجلست ابكي من الفرحة وزوجي يقولي مو حمل مو مصدق خخخخ
اما الولادة شي متعب فعلا رحت المستشفى من الساعة 9 الصباح وطلق والام وطلق صناعي ومارضيت تنزل والساعة 7 المغرب ولدوني قيصرية بس مرة تعبت . الحمد لله

ساروووونه2020
03-28-2009, 07:54 PM
عطر سوريا حبيبتي انا قريت مره في التجمع انك والده قيصريه الله يعينك
ومبروك حملك

دندونه الله يعينك والله معاناه ماراح احد يحس فيها الا في وقتها
الله يستر

أم الجود و النور
03-28-2009, 08:39 PM
سارونه حبيبتي أنا الحمد لله عندي اثنين غيره
وان شاء الله راح أكتب قصة ولادتي الأخيره كانت قبل خمسة شهور....

suny smile
03-28-2009, 09:23 PM
انا قصة حملي قصة خخخخ >>قصة عادية
اتزوجت بنهاية رجب
واخر دورة كانت نهاية شوال
يعني كملت 3 شهور بعدين حملت وانا دحين في بداية الشهر السادس
اتاخرت الدورة 4 أيام
بعدين نزل عليا دم على بالي دورة دا الكلام كان يوم ربوع
وفرحت لانوو كنت مؤجلة فكرة الحمل سنة انا وزوجي
وعشان دراستي
بس اللي ربنا كاتبو حييسير
وكنت من قبلها كل مااكلم امي اقلها ماجات لسى تقلي مبروك حامل مع انها ماكانت تبغاني احمل
قبل ماينزل عليا الدم
قلتلها امي صح انا ماابغى بس محعترض اذا ربنا اراد
اش حستفيد لو اعترضت وبكيت
مع اني كل شهر من قبلها لما تتاخر الدورة ابكي اخاف اني حامل
بس نزل عليا الدم مااصدقت خبر قلتلها ترى جاتني وفرحانة
ورفعت البيت ونضفتوو ونزلت السووق قضيت مقاضي للبيت
كرفت نفسي يوومها بس عشان تنززل الدورة مزبووط
رجعت الليل البييت
تعباانة وارجف وكني مسخنة
صحيت تاني يوم مافي ولاشي استغربت اش الدورة دي
شربت قرفة خميس وجمعة قلت لعل وعسى تنزل
وفي الليل يوم الجمعة قلت لزوجي اشتري تحليل الحمل
الوضع مايطمن خخ
صحيت السبت وحللت وجلست اطل في الخط وهوا يطلع
طلع خطين
سرت اطل في العلبة واطل في التحليل
وانا مبلمة
جاتني زي الصدمة
مني عارفة اش اسوي لا ابكي ولا افرح
وفي نفسي يااربي راضية ماابى ابكي
يارب والله رااضية ياارب رضني وقنعني
وصحيت زوجي قلي هاا بشري قلتلو حامل
طبعا شاف وجهي مو شكل وحدة فرحانة انها حامل
قلي اشبك منك فرحاانة وهوا كاان طااير فرح
سكت مارديت
ورحت الجامعة اول مادخلت قابلت صحبتي وعارفة اني بستنى الدورة قاالت هاا جاتك
قلتلها لااا ماجات طلعت حامل وحضنتني ومبرووك ومررة فرحتلي
اول شي زوجي بعدين رسلت رسالة لاختي فجعتها خخ
بعدين وانا في الجامعة كلمت امي عشان الصباح بدري خفت تكون ناايمة
بس وحسيتها شايلة همي ومو مرة فرحتلي
بس دحيين الكل فرحاااان وبيستنى اليوم اللي اولد فيه

لسى مااخلصت الحكااية خخ
تاني يوم اللي هوا الاحد
كنت في الجاامعة واحس بدم غزير ينزل
انا مررة خفت قلت لااكون سويتها على نفسي خخ
رحت الحمام لقيت دم انفجعت
مني عارفة اش اسوي
كلمت امي تقلي خلااص راح
جلست ابكييييييي اللي يشوفني قبل يوم مايقول دي اللي ماكانت تبغا

وبس رحت للمستشفى وحللت واكدولي الحمل
واعطووني مثبت
والتززام الراحة
وبس الله يسهل ويعدي البااقي على خير ويقومنا بالسلااامة ياااااااارب
واشوووفها في حضني يااارب

يؤ كني طوولت شويتيين
بس عشان تعرفو كل شي بالتفصيل لوول

أم الكادي
03-28-2009, 10:34 PM
عدت اليكم000
قصة حملي الثاني000
حملت بالثاني بعد ماخلصت الاربعين مباشره وكانت الصدمه القووووويه لانى كنت على موانع طبيعيه المهم انتظرت اول شهر قلت بتجيني الدوره مجاتني انتظرت الشهر الثاني ماجاتني انتظرت الثالث مجاتني بعدين قال زوووجي روحي سووي تحاليل قلت لا انا ارضع بنوووتي مافيه حمل والى ترضع يقلون ماتجيها الدوره وسبحان الله ماكان فيه اعراض حمل هاذا الى خلاني مااروح احلل المهم دخلت الشهر الرابع جاب لى زوجي تحليل منزلي وسويت وانا مغمضه عيوني وزوجي يشوف المهم قال لي فتحي مافيه حمل يوم فتحت شفت خطين بعدها جلست اصيح:059:ماصدقت توني مانسيت الحمل الاول بعدها جلس يهديني زوجي يقول الحمدالله هاذي نعمه من عند رب العالمين لا اعتراض على حكمه قلت كيف صار الحمل رغم انا حنا على مانع طبيعي قال خلاص انتبهي لحملك وبس واحمد ربك غيرك يتمني هاذا بعدها بصراحه خفت يجيني انا والى في بطني شي قمت وصليت ركعتين حمد وشكرا وادعي انى ربي يحفظه لى من كل شر ويسهل ولدت المهم مرت الايام وجي الشهر التاسع ولدت سبحان الله كانت ولدت بولدي اسهل من البنت حمدت ربي وشكرته بعدها بعد الولاده كانت الفجر وكان زوجي في عمله طبعا في الدمام وانا عند اهلي في الجنوب وكلمته انا بعد الولاده مارضيت احد يعلمه وكان نايم وفرح فرحه قال الحمدالله على سلامتكم وانشاء الله انا جايكم باخذ كم يوم واجيكم المهم انا من بكره طلعت من المستشفي وهو جي في نفس اليوم الى طلعت فيه في طياره المهم دخل ومعه الهديه لى ولى البيبي ولى الكادي بس شو تتوقعووووون قال لى بعد ماشافني انا والبيبي بخير تخيلوقال لي شي غير متوقع رغم انه طيب وحنوووون ومتزوجين عن قصة حب قال لى ان الحمل هاااذا كان متعمد من ناحيته لانه كان يبغي ولد مع البنت قلت تخووون فيني قال عشان ماتزعلين وانا عارف انك راح ترفضين لو قلت ابغاكي تحملين المهم زعلت منه ماتوقعتها المهم بعدهاعشنا حياه حلووووه مع بنتي و ولدي وزوجي حياة تنعم بالسعاده والفرحه وكل الى يشوووف عيال يقول انهم كانهم توووووام والله يحفظهم لى ولى زوجي000
ادري مليتووووو منى بس لازم القصه من البدايه الى النهايه مثل قصة بالكادي من البدايه الى النهايه00
ودمتم بسلام

أسعد انسانة
03-28-2009, 11:21 PM
ياااااااااااارب ارزقني الحمل واجي هنا واكتب لكم قصة حملي يااارب وكل من تتمنى.

ساروووونه2020
03-28-2009, 11:46 PM
suny
هلا حبوبه الله يتمم حملك ويرزقك اللي تتمنينه

ساروووونه2020
03-28-2009, 11:52 PM
ام الجود الله يخلي لك عيالك
ننتظر قصتك الثانيه حبوبه

ساروووونه2020
03-28-2009, 11:56 PM
ام الكادي من جد صدمه انك تحملين وانتي توك والد
انا ببتعد عن زوجي بعد الولاده خخخخخخ
اختي صر لها نفس الشي
ماراح اثق فيه بعد اليوم

ساروووونه2020
03-29-2009, 12:00 AM
اسعد انسانه ربي يسعد ايامك بشوفة ضناك
ويرزق كل محرومه ياااارب
وان شالله تكتبين قصتك عندنا

&ام زيــاد&
04-12-2009, 08:09 PM
الله يتتمم عليكم كروشاااااااااااااااات

RoSeLeeN
04-12-2009, 08:51 PM
ماشاء الله موضوعك حلو ويسعدني اني راح اشارك فيه
بالنسبة الي انا تزوجت قبل شهر وكان في اول الثالث وبالاول ماكنت تواقه للحمل وايد
بس بعد 3 شهور صرت ابي احمل باسرع فرصه مادري ليش كان حلم الامومه يطاردني
بهدها بشهر سبحان الله اتاخرت الدورة وكنت احس بالالام في صدري ومغص زي ماقبل الدورة وكل شوي احس انها بتنزل ومانزلت
وبعدين عملت تحليل منزلي طلعولي خطين واضحين الحمد لله
رحت حللت دم وطلعت حامل ولله الحمد
لعني بعد اربع شهور من زواجي حملت
و اول واحده عرفت بالخبر هيا امي عشان كنت عندها وبعدين خبرت زوجي و اكيد طار من الفرحه
بس ماكان يعرف شنو معنى الابوة
الحين انا ولدت الحمد لله بعد معاناة طويله و عمليه بس الحمد لله على كل حال البيبي كان بخير وصحته كويسه والحمد لله
و زوجي مرة سعيد وصار يرجع عالبيت بدري عشان يطالع في النونو

اسرار الرحيل
04-12-2009, 09:19 PM
السلام عليكم ورحمة الله وبركاته ...

يسعدلي مساكم بكل خير ... يعطيك العافية ياقلبي على الموضوع الكووول ...

انا قصتي هي إنه آيام ملكتي كنت متفقه مع زوجي نأجل موضوع الاولاد لسنه بس انا كنت مستعجله لأني احب الاطفال كثير ..
سبحان الله هو اللي يأمر ويكتب لنا إن اراد شيئاً قاله له كن فيكون .. بعد تقريبا سنه وشهرين كانت الدوره عندي مو منتظمة وكنت كل ماأحلل مايطلع شئ وبعد مرور سنه وشهرين على زواجنا تأخرت علي الدورة عن موعدها اسبوع وزوجي كان شاك من تصرفاتي معاه إني حامل لأنه تصرفاتي تغيرت وياه صرت اعصب عليه بأقل القليل وعلى اشياء تافها وماأتحمل ريحته وكل بس أبي انا وأكل كثير ..
وفي يوم كنا راح نطلع ونروح المجمع علشان اغير جو بس هو كذب علي ووقف جنب المستوصف وقالي نزلي سألته ليه ؟
قال علشان تحللين ونتأكد قلت ماأبي أنزل تعرفون النفسية زفت قال إذا حولتي راح أوديك المجمع ونتمشى وننسى الموضوع ولا ترى بالوديك عند أهلك وأقول لأمك أنا عاااد قلتله اوكي بس ماراح أستنى النتيجه بحلل وبطلع
قالي ماهي مشكله قلت اوكي رحت وحللت بعدها سألهم زوجي متى تطلع النتيجه قالتله الممرضه بعد 10 دقايق عاد انا ماصدقت خبر قلتلها انا بطلع وانت أخذها قال ماشي رحت وركبت السيارة وهو تأخر على ماجاب النتيجه وانا جالسه بالسيارة ومانتبهت انه جاء ..
يوم ركب السيارة كان ساكت وماتكلم قلتلها اوكي ارتحت اللحين خلنا نمشي بس يلا .. وهو مسكين اول ماتكلم قالي شنو تبين اقولك قلتله مايهم يلا بس لو اني حامل كان حسيت خلصنا بس ..
انا استغربت اقول اشفيه مايمشي يوم التفت إلا واشوف الدموع تنزل من وجه وانا منصدمه اقول وشفيه يبكي الا ويقولي مبرووووك انتي حامل والله اني متنحه ماستوعبت الكلام اللي يقول وطلعت من السيارة ودخلت على الدكتورة وقرت النتيجه وقالت مبروك انتي حامل وبكيت بكاااااااااااااااااااااااااااااء ماعمري بكيت مثله ...هههههههههه
وطبعا اول ماقلنا الخبر له هي امي وبعدين قلنا لأمه بس والله مانسيت المجمع اللي وعدني فيه بنفس اليوم رحت هههههههه
واللحين انا بالخامس والله يسهل حملنا ويوفقنا ويتمم لنا يارب ..

عذب الجوري
04-12-2009, 09:45 PM
هلا سارونة يعطيك ألف عافية أختي موضوعك مره حلو
مرة استمتعت وانا اقرأ القصص الله يتمم للحوامل ويرزق كل وحده خسرت جنينها ولا يحرم أي بنت من هالنعمة
:099: و الآن دوري احكي لكم قصتي
انا تزوجت بشهر 8 وكنت حاطه في بالي انو ما ابي بيبي بسرعه بس ما كنت استخدم حبوب او اي شي مو طبيعي المهم بعد عيد رمضان كنت تعبانه كثير دايما احس بآلام دورة بس مافي شي وكل يوم اقول اليوم :062: بعد عشر ايام من العيد خلاص ما صرت قادرة اتحمل واتصلت بأمي :0147: وقلت لها بروح المستشفى واقول للدكتورة تعطيني اي شي ينزلها .. امي قالت انتبهي خذي تحليل حمل اول يمكن تكونين حامل :0107: أنا كنت مستبعده الفكرة المهم انا اذكر اني رحت مستشفى الحمادي و ما كان فيه إلا طوارئ جات الدكتورة بتكشف على طول جا زوجي وقال لها هذا مدام ممكن حامل سوي لها تحليل يا دكتورة انا :043:عصبت وقالت اوكي وجات الممرضة وخذت مني عينة دم وقالت ارتاحي وبعد نص تطلع النتيجه وجلست انتظر وافكر بكل شي إلا الحمل ما اخفي إني كنت على اعصابي بس كنت احاول استبعد الفكرة بعد ساعة إلا ربع دخلت الدكتورة مع الممرضة زفي يدها نتيجة التحليل :0106:وقالت فلانه مبروك مادام هدا في هامل طبعا انا بكيت :059:مو اعتراضا لا بس انا ما كنت مستوعبه وزوجي فرحان ويضحك ويقولي مبروك :061: وانا ازيد بكاء:042: جتى الدكتورة استغربت وقالت ليه انتي ما يبي حامل لا تصيجين هبيبي عادي انتي زواج لازم بصبر ماما وانا اقولها سكتي انتي كذابه :0144: قالت لاوالله انا مافي يكدب شوفي هدا هنا مكتوب:058:وبعدها وصفتي الفوليك اسيد ومشيت واول وحده خبرتها امي وبعدهاابوي عرف من امي وبعدهم ام زوجي وابوه وبعدها ما احد عرف إلايوم دخلت الشهر الثالث والحمدلله انا الآن في نهاية السابع
الله يسهل علي وعلى باقي الحوامل
اسمحوي لو طولت عليكم
تحياتي للجميع

غالية2009
04-13-2009, 12:50 AM
قريت الصفحات كلها ..أحب هالقصص ..

بالنسبة لي تزوجت والدورة كانت رايحة من 3 أيام ..بعد زواجي ب3 أسابيع مرضت ..وقبل لا آخذ العلاج الدكتورة طلبت أسوي تحليل حمل قبل ما توصف ليي للعلاج ..قلت لها أنا توني عروس مستحيل أكون حامل بها السرعة ..

وحللت ..وكان موعد الدورة ..والحمد لله طلعت حامل ..طبعا ً أنا طرت من الفرحة ..لكن زوجي أخذ الموضوع ببرود لانه كان وده يتأجل الحمل لمدة سنة ..

لكن بعدها بمدة فرح كثييير..وصار ينتظر موعد الاشعة عشان يشوفه ..والحين عمره سنتين وناوية أحمل بعد كم شهر ..

ملاااااااااااااااااااك
04-13-2009, 01:06 AM
انا من ناحية قصة حمليتزوجت شهر 5 وكنت ابي احمل بس زوجي عادي عنده المهم انا قبل زواجي كنت مخلصه الدوره وبعد ماتزوجت انتظرت الدوره ماجتني المهم طرت من الفرح ورحت جبت تحليل منزلي وحللت طلعت مش حامل استغربت وانفجعت نفس الوقت وش ذا طلعت من دورة المياه وانااقول حق زوجي مش حامل قال طيب عادي قلت له لامش عادي اناماجتني الدوره المفروض حامل بعدها حمدت ربي انتظرت كم يوم ماجتني الدوره انتظرت الى اخر شهر 6 وحللت طلعت حامل وبعد كم يوم نزل علي دم ورحت المستشفى وكشفت علي قالت احتمال اجهاض منذر ولازم تويم وتنومت وبعدها بيوم سقطت وكان عمره 7 اسابيع المهم بكيت وحمدت ربي لان اكيد فيه صلاح لي وطلعت من المستشفى بعد 4 ايام واغتسلت بعد يومين وانتظرت الدوره الشهر اللي بعده ماجتني استغربت جبت تحليل منزلي وحللت وطلعت حامل والحمدلله وطرت من الفرح بس كنت شاكه اني ماسقطت وانه جنيني القديم ماطاح لان ماسويت تنظيف لانه كان صغير

بس لاني الان في الشهر التاسع والى الاان ماولدت فمعناه حمل جديد والحمدلله على النعمه

ساروووونه2020
04-13-2009, 01:26 AM
ام لمو
مشكووووره حبيبتي على رفع الموضوع
بس يللا قولي لنا قصة حملك

RoSeLeeN
مبروووك حبيبتي الحمل والولاده وعقبالنا الله يتمم علينا

اسرار الرحيل
انتي توحفه كيف ما عندك فضول تعرفي النتيجه خخخخخ
بس وناااسه موقف زوجك

عذب الجوري
الله يعافيك حبيبتي ومشكوره على مشاركتنا بقصتك
ماشاء الله زواجك في نفس شهر زواجي
الله يتمم لك على خير وتقومي بالسلامه

غاليه
زين زوجك خلاك تسوي التحليل
كذا البنات مايجو اللا بالعين الحمرا خخخخخ
يللا شدي حيلك وجيبي الثاني حبوبه

ساروووونه2020
04-13-2009, 01:31 AM
ملااااك
حبيبتي الله يحفظ جنينك
ان شالله تقومي بالسلامه ياعمري

امل رغم الالم
04-13-2009, 03:54 AM
صباح الخير حبيت اني اشارككم فرحة اول حمل ليا انا تزوجت بشهر 6 وكانت الدورة متاخرة يوم الزواج وجت بعد الزواج ب4 ايام وبعدها جلست شهر ماجتني وحللت ومافي حمل وكده كل شهر تتاخر بعدين بعد مامر سنة على زواجي جتني الدورة وكنت اتمشى في جدة وزعل زوجي وطلعنا في نفس اليوم حتىماراعى اني تعبانة ورحنا اليوم الثاني وسويت تحاليل ومدري وشو حويس وطلع عندي هرمون الحليب وفي اليوم 20 سويت تحليل طلع مافي تبويض المهم كنت منتظمة على العلاج وفي موعد الدورة استنى ماجاتني وانا ماني حاطة في بالي حمل
لانه على كلام الدكتورة مافي تبويض بعدها ب5 ايام رحت وحللت طلع حمل ضعيف وماقالت لي ولا شي اعطتني فوليك وانا مدري انا حامل ولا لا بس كل الي قالته الزمي الراحة وبعد 3 ايام حللي بول قلت طيب لزمت الراحة مصدقة نفسي المهم حللت الصباح صحيت مخصوص عشان احلل وطلع خطين وفرحت مرة وطلعت قال زوجي بشري قلت حامل وقال الله يسعدك تعالي نامي وارتاحي ومن ذا الكلام بس ماقدرت اكمل نومي من الفرحة والحمدلله جبت حمودي بعد حمودي حملت بسارة على طول الله يحفظهم يارب ويرزق كل وحدة تتمنى الحمل عاجلا غير اجل وشكرا على الموضوع الحلو^_ ^

ساروووونه2020
04-14-2009, 05:02 AM
امل رغم الالم
مشكوووره حبيبتي على مشاركتنا بقصتك
حلوه فرحة الحمل لما الوحده تكون متأخره
الله يحفظ لك حمود وسوسو

,,,قطرة مطر,,,
04-14-2009, 12:30 PM
يارب تثبت حمل كل مسلمة
يارب يارحيم
الله يرزق كل محرومة الذرية الصالحة

دانة الغلا
04-15-2009, 05:44 AM
انا متزوجه من 5 شهور
وزوجي مرررررررررة نفسه اني احمل بتوأم بنات

ادعووووووووووولي اني اكون حامل الشهر هذا
لانه الدورة متأخرة عندي 6 ايام
ولسه الى الان ماحللت
ويارب ارزق جميع بنات الفراشة اللي يتمنوا الحمل بتوأم كاملين
( رب لا تذرني فرداً وانت خير الوارثين)
(رب هب لي من لدنك ذرية طيبة انك سميع الدعاء)

ساروووونه2020
04-28-2009, 01:26 AM
دانة الغلا اللف مبروك الحمل
عرفت من التوقيع خخخخ
الله يتمم علينا كلنا

رسيل الحب
06-14-2009, 04:38 AM
من بداية الزواج ما كنا متفقين خصوصا زوجي ما يبي اطفال من بدري بس انا لا خصوصا من اسئلة الحريم حولي

بعد 9 شهور رحت عند دكتورة تشوف لي التبويض وطمنتني وشافت بويضة وقالت لازم يصير فيه جماع هاليومين

وبالفعل سوينا زي ما قالت ... وبدت الاعراض اولها مغص شدييييد وبعدين الصدر كبر والوزن زاد والشهية مفتوحة مع اني اسوي ريجيم حتى استغربت من نفسي وبعدين كثر البول عندي الى ان تاخرت الدورة 5 ايام رحت عند الدكتوة وطبعا كنت مداومة على الفوليك و الدوفاستون و انتظرت دوري بعد 3 ساعات يعني بتسكر العيادة و قالت الدكتورة بسوي لك سونار وكشفت قالت يوووه ناااشف المفروض شربتي ماي قلت لها ما كنت ادري وقالت اجل قومي سوي تحليل و رحت حللت وقالت بعد ساعة تطلع النتيجة طبعا كنت على اعصااااااااااااااااااابي

قال زوجي خل نروح مطعم منها نتعشى ومنها نمشي الوقت وبالفعل ما طلعنا من المطعم الا مرت ساعة و دقينا الرقم وعطيت زوجي يكلم والنيرس فليبينة وبيكلمها زوجي بالانجلش وما كان يعرف شنو حمل بالانجلش وانا جالسة انقله الكلمة وهو مو عارف ينطقها مع انه بلبل بس مرتبك وبعدين قالت عطني رقم الملف و عطاها وقالت في حمل قال هااااا فيه حمل اوكي اوكي ثانكيو

انا من سمعت الكلمة خلااااااص قلبي يدق يدق وايدي بدت ترجف وحنا بالسيارة وزوجي بدا يرجف مو قادر يسوق وقالي مبرووووووك يا حبيبيتي وانا بالمووت ردييييت من الفرحة

الحمدلله على كل حال

بقول لامي بنهاية هذاالاسبوع
وامه ما ادري متى بيقول لها لانها ممن النوع ينشششششششششششششر الخبر :)

مكاني بقلب زوجــــي
06-14-2009, 05:27 AM
[QUOTE=ساروووونه2020;22908896]



كل متزوجه وأم تدخل تقولنا عن اول حمل لها بأول طفل .. كان ولد:031: متى حملت ؟؟بعدزواجي على طول ماشاء الله:072: بعد زواجها بكم ؟؟اقل من شهر:08:

شلون أكتشفت أنها حامل ؟؟تأخرت عني 10 ايام :036: أول شي منزلي ولا في المختبر ؟؟ اول شي المنزلي بعدين المختبر شنو شعورها لما اكتشفت أنها حامل ؟؟طرت من الفرح خصوصا :042:زوجي مو مصدق:0126: لان اهو بجر ابوه وابوه توفى الله يرحمه قبل لا نتزوج فاعشان جذي يبي يسمي على اسم ابوه:042::042:

وشلون قالت لزوجها الخبر ؟؟ كان معاي:044: وطبعا شنو كان شعوره ؟؟طاير من الفرحه طاير:032: ومنو أول شخص قلتوا له الخبر ؟؟ ام زوجي وشنو كان شعوره؟؟ بكت من الفرحه:074: وووووكل شي وسلامت قلبج:0153::0153:


يلااااااااااااااااااا بنووووووتات قولولنا ..
قلتلج كل شي ههههههههه:0154::0154:وشكراا

ـــــــــــــــــــــــــــــــــــــــ

* Miracle *
06-14-2009, 05:29 AM
هلا ذكرتوني باللذي مضى :061:

انا حملت بنفس الشهر اللي تزوجت فيه ماشاء الله علي :028:

طبعا كنت انتضرها تجي وماجات وقلت لابو الشباب وماصدق على طووووووووول راح شرى تحليل حمل :061:

وسويته الصباح وماطلع شي وخليته على المغسله ورحت قلت له مافيه شي لان اصلا كانت تجيني الآم الدوره وطلعت حبوب بوجهي كأنها بتجيني بالضبط

العصر جات عندي بنت خالتي دخلت الحمام برمي التحليل الا اشوف خط ثاني خفيييييييييييييييييييييييييف فاااااااااااااتح بقوه وفرررحت

رحت وريتها اياه قالت مبروك حامل :061:

وقلت لزوجي وشوي يطير من الفرح ويشيلني ونروح المستوصف وسوت تحليل وطلع حمل :061:

بس ربي ماتمم هالحمل ولا اللي بعده وان شاء الله ربي يتمم لي هالحمل على خيرررر :079:

وجد!ن
06-14-2009, 03:31 PM
السلام عليكم ورحمة الله وبركاته
اول شي احب اشكرك اختي العزيزة ساااروونه على هاالمووضوع الاكثر الرائع ..
بالبداية قصتي قصة طوويلة وبحاول قد ما اقدر اختصر
المهم انا تزوجت بثاني اسبوع من ذو الحجة المهم سافرنا شهر العسل الامارات عشنا حياتنا واول ماوصلنا الى ارض الوطن اليوم الثاني الحلوة جات لي كانت نهاية الشهر ذو الحجة ... واول مادخلنا محرم جايني الم فضييييييييييييع في صدري كلش موووول ماقدر اتحملة خفت فيني شي ولالا وكل ماله مايزيد حجمة وهذا اللي كنت مستغربة منه لانه صدري صغير المهم كنت انتظر يخلص بداية محرم وانتظر موعد دورتي بفارغ الصبر طبعا انا نفسي احمل على طول لاني ابغي احمل وزوجي عادي عندة قال اذا الله كاتب انك بتحملين تحملين بس لاتشغلين بالك بالوسواس وانا حيل من بداية الزواج فيني وسواس من الي اسمع اللي فيها مشاكل ا واو .. الخ .. المهم كان تاريخ 10 محرم موقادرة اصبر لنهاية موعد دورتي قلت لزوجي اشتر لي تحليل وشرا لي طبعا سويته طلع خط وكنت مو منتبه للخط الثاني ورميتة بالدرج .. يعني مافي حمل .. المهم وصلنا نص الشهر تاريخ 23 وهم قلت لزوجي اشتر لي تحليل وطيران سويتة وهم طلع خط ضعيف وخفيف وماكنت عارفة ان حمل لانه كان خفيف مرة
المهم في يوم دورتي بالضبط 25 محرم طلعنا للبر كلنا اهل زوجي وحريم اخوانة .. طبعا كنت حاطة بشنطتي احتياط قطن >> لاني مو متوقعه اكون حامل ومنها كنا ببر مدري تنزل ولا لا.. عاد يوم بنمشي قصيت على زوجي قلت له ترا الدورة جاتني قال من جدك قلت له أي قال اجل مدام جاتك الدورة يلا بنطعس شووي عاد انا قلت له معليش ويوم بنمشي الاخ مصدق انا خفت على عمري قلت له لالا اقص عليك ماجاتني الدور ههههه قامم يضحك وقال صدناك وانا ماقلت بنطع الا عشان تعترفين .. المهم عاد بنفس يوم دورتي انا قلت لزوجي ابي نروح نحلل دم قال لي وشفيك مستعجلة صبري على الاقل تطوف يوم يومين..

المهم طافتني يوم واحد موقادرة اتحمل وحنيت عللى زوجي قم نروح المستشفى قص علي وشرا لي تحليل حمل >>> هذي المرة الثالثة سويته وطلعوا لخطين واضحين وانا مومصدقة لازم احلل دم . المهم رحنا مستوصف المواساة والسستر وهي تاخذ مني الدم حيل كنت مستانسة بعرف كني حامل ولالا .. قالت النتيجة تطلع بعد نص ساعه المهم طلعنا نتمشى بالسيارة وانا كنت افكر شبيكون شعوري وحيل خايفة وارتجف وزوجي اثنينا نحاتي ..المهم نزل يشوف النتيجة وانا بالسيارة انتظر موقاددرة اتحمل جالسة اناظره متى يطلع من باب المستشفى طوول الاخ وانا خفت كثير .. المهم ركب كان الاخ مومبين لي شي قلت له هابش روانا موقادرة اتكلم من الخوف مارد لي .. قط علي الورقة قال لي اقري وانتي تعرفين وانا حتى موعارفة شسوي بالورقة ماعرف خرابيط تحاليل المستشفى وموقادرة اطالع عيوني تدمع جلست اصيح واهو ماقال لي بعدها قال لي وهو فرحان حبيبتي مبروك حامل ,, وانا مومصدقة من الفرح وااهو قال لي اذا انتي مومصدقة شلون انا يوم اروح اخذ النتيجة خخخ

المهم رحنا البيت وكملت صياحي لاني من جد كنت فرحاانة مووت وبكيت من قلب المهم من الفرحة قلت له انت اتصل على امي انا موقادرة اقول لها اني حامل طبعا كلمها وفرحت ووصتة علي وقالت لها مانبغي احد يعرف بالخبر طبعا ماحد يدري الا امي وام زوجي حتى ابوي ماخبرته لان تعرفون الناس ماترحم .. وبعد ثلاث شهور من الحمل درا ابوي والاهل كلهم .. وانا الحين بالشهر السادس وربي يتمم حملي على خير يااارب ويرزق كل محرومة بالذرية الصالحة وربي يسهل ولادتي يااارب
واسفة طولت بس وش اسوووي
تحياتي لكم
:079:

رسيل الحب
06-15-2009, 12:26 AM
الله......!!!

ما درى ابوك الا بعد 3 شهور!!!!؟؟؟؟

انا لي شهر ونص وبقول لامي بنهايية هالاسبوع وهي طبعا بتقول لابوي

وخالتي ع الاسبوع الجاي لين اخلص الشهرين وعلى ما يدرون العالم ان شاء الله عديت الثالث بخيييير

**الرحيق**
06-15-2009, 06:46 AM
اشكرك على الموضوع الاكثر من رائع اموووووووووت بالقصص

المهم انا تزوجت وعمري ماشاء الله 15 سنه كنت دوبني مخلصة المتوسطة
وزوجي توه خلص اخر مستوى جامعة المهم اتفقنا انه نأخر الحمل حتى اخلص
الثانوي ومنها هو يتعين ويصلح الحال المادي المهم استخدمنا مانع طبيعي سنتين
وهو جاء تعينه بالسنة الثالثة بس في منطقة نائيه وقرر انه اضل عند اهلي سنة
حتى ينقل لمدينه ومنها ادرس ثالث ثنوي عندي اهلي وانه مايصير حمل نكون مع بعض
المهم استمرينا بالمانع وبعدها بسنة نقل لنفس المنطقة وقررنا نجيب لنا نونو وكان برمضان
وماصار حمل وبعدها قلت له اش رايك نأجل حتى نحج وبعدها يصير خير المهم حجينا
ولله الحمد وبعدها بدا الحنين والشوق لنونو وخاصة انا وضلينا شهرين ماصار حمل
وقررت اروح نسوي فحوصات وطلعت سليمه ولله الحمد وسوى زوجي تحاليل وطلع
عنده دوالي ولازم عمليه والحيوانات مشوهة المهم قرر العملية بعد اسبوعين
المهم لما راح يسوي العمليه وكانت مستشفى خاص وكان وقتها مووووعد الدورة
قلتله لاتسوي العملية حتى تتاكد يمكن اكون حامل 000رفض وقال لازم اسويها
---وسواها ورجع البيت وكان مررره تعبان وبعد 3 ايام راح يجيب غيار للجرح قلت له
خذ لي معاك تحليل حمل قال ماراح يصير ---المهم نمت العصر وبعد ماقمت ع المغرب
الا اشوف التحليل على التسريحه اخذه وهو مو مقتنع عشان مايحز بنفسي المهم
صليت المغرب وقلت يالله خليني احلل مو خسرانه ورحت اسوي وطلع ماشاء الله
بسرعة خطين انفجعت وفرحت وارجع اوضي واصلي ركعتين شكر وقتها عمري 19
وادخل على زوجي واسولف معاه وانا ماني على بعضي وقلت له سويت تحليل
ومافي حمل قال ادري بس عشانك جبته ---
ورجعت قلت له امززززززح معاك انـــــــــــا حامــــــــل ماصدقني وكان مرره تعبان
مايقدر يمشي واروح اوريه الجهاز ودمع عيونا ونضم بعض ومو مصدق ابداااااا
وكلم الدكتور وخبره قاله بكل بساطة (الله على كل شي قدير)
وبعدها علمت امي وزوجي يتيم وخبينا الخبر عن اخوانه والناس حتى تم 3
شهور -----ورزقنا ربي بااحلى اسووله الله يحفظها ---
وبعدنا قررنا ناخر الحمل حتى اخلص الكلية واسخدمت حبوب ورجعت للمانع
الطبيعي وصار الحمل الثاني بدون توقع ومفاجاة خصوصا اني استخدم مانع
وحملت وعمر بنتي سنة و8 شهور الله يتمم لنا على خير---
ويرزقنا الذرية الصالحة السليمه -----

توته توتة توتة توتة خلصت الحتوتة

وجد!ن
06-17-2009, 04:38 PM
UP






UP



UP

ساروووونه2020
06-17-2009, 06:41 PM
حلاتكم وحلاة قصصكم

الله يتمم على كل حامل حملها ويرزق كل محروم بالحمل التام السليم يارب

شجن_ 2050
06-17-2009, 08:48 PM
متى حملت ؟؟ بعد زواجها بكم ؟؟
بعد زواجي باربع سنوات


شلون أكتشفت أنها حامل ؟؟
تاخرت علي 12 يوم وفي كل يوم اقول بتنزل الحين من آلامها :0104: قلت يمكن هرمون مرتفع والا عشاني افكر فيها مانزلت
سوت تحليل منزلي ولا في المختبر ؟؟
رحت لمستوصف قريب عندنا ودخلت على الدكتوره وقلت سويلي تحليل هرمونات نشوف وش السالفه (وحده تتفلسف):062:قالت لا نحلل حمل اول قلت طيب :065:
شنو شعورها لما اكتشفت أنها حامل ؟؟
من دون مبالغه صحت :074:وحسيت ان الارض مو شايلتني

وشلون قالت لزوجها الخبر ؟؟
قلتله على طول من الفرحه

وطبعا شنو كان شعوره ؟؟
اكيد فرحاااااااااان
ومنو أول شخص قلتوا له الخبر ؟؟
امي طبعا لانها تنتظر هاللحظه لاني اكبر اخواني
وشنو كان شعوره ؟؟
على طول صاحت :074:

الحمدلله على عطاه حمدا يليق بجلاله وعظيم سلطانه

تاااج
06-17-2009, 09:07 PM
انا بحملي الاول ما كنت اعرف شي كان عمري 15 وانا وزوجي صغار بعد زواجي ما اجتني الدورة ابدا وما كنت فهمانه الخمسه من الطمسه بس صار يوجعني ضهري ونام ودوخ وانا ماني عرفانه باني حامل وما احكي شي لماما بلاخر تعبت كتير ورحت الدكتور طلعت حامل ئلي 52 يوم وانا يا غافل ئلك الله يعني حملت بعد زواجي مباشر ويسلمو موضوعك حلو

سراب طفلة
06-17-2009, 10:06 PM
احلىىىىىىىىىىى موضوووووووووووووع بالدنيااااااااااااااااااااا


وربي دخلت جو بقصصكم ..


حتى زوجي جالس جنبي يكلمني ويالله ارد عليه هههههههههههههه قالي وش فيك لهالدرجة متحمسه وتقرأين ...



المهم ... اناالحين لي 8 شهور متزوجة و ماحملت الله يرزقني بالذرية ياااااااارب ادعو لي واكتب لكم قصة حملي ان شاء الله يااااااااااارب ..

ساروووونه2020
06-18-2009, 04:18 AM
مشكورين ياحلوين على القصص الحلوه

سراب

ان شالله ربي يرزقك الذريه الصالحه اللي تملى لك البيت

بس ضحكتيني انتي وزوجك احس كانك انا افهي لما اقرا قصص

MOORA BAZZAR
06-18-2009, 05:23 AM
أنا حملت بعد زواجي بأسبوعين وكنت يومها طالعه مكه مع زوجي بس فجأءه كده وانتوا

بكرامه دخلت الحمام ولقيت دم الله يكرمكم خرجت قلت لزوجي جاتني الدوره>>طبعا

الأخت فلسفه عامله فاهمه قلك الدوره
:020:

والمشكله سبحان الله نفس اعرضها اولمغص وكل شي وطبعا بطلنا طلعه مكه تاني يوم

جوزي مضيف طلع رحلتوا كانت دلهي والله فاكره اليوم داك وطبعا أنا لمن جوزي يطلع

رحلات ويغيب كم يوم أروح بيت بابا أنام ورحت بيت بابا تاني يوم وجلست احكي ماما

وأقلها الدوره الله يكرمكم مانزلت تمام زي عوايدها يعني لمن امسح بالمنديل أشوف دم

وجلست طول اليومين ديكا في بيت اهلي عى هادا الحال طبعا ماما على طول قالتلي هادا

حمل أحيانا الوحده كده ينزل عليها دم بس تكون حامل قالتلي روحي حللي والله واختكم

اخدت الشغاله ورحت ورا بيت بابا مستوصف وعملت تحليل وقالتلي الدكتوره حامل

ياااااااااااااااامصيبه رجعت لماما اول ماقلتلها بكيت من الفرحه بس بابا ماعندوا فيها

لعب زعل وقلي ليش كده إنتي مالك غير كم اسبوع متجوزه >>>بصراحه ماعرفت

أيش أقولوا ...

:059:

المهم اتصلت بجوزي وخسرت مكالمه للهند وبشرتوا ماصدق قلي كيف

أنا طلعت رحلتي وإنتي عليكي الدوره طبعا اختكم ام الفلسفه قلتلوا لالالالالالالالالالا

طلعت مو دوره طلع حمل:061:

وبس طبعا رجع بالسلامه وماكان مصدق عمروا وطبعا

هوا من عندوا بشرأموا :0144:

سرحــ بهالدنيا ــانه
06-18-2009, 05:36 AM
ادعووووووووووووووولي اكون حامل واكتب لكم قصتي
انا متاخره علي شهر وكل مره اسوي تحليل دم وما يطلع شي وسونار وما يطلع شي
شكله متخبي وخجووووول
بس اذا طلعت حامل وولدت ابصفقه على وجهه علشان ما يعمل هالحركات مررره ثانيه ههههههههههههه وش رايكم فيني ام عصبيه

MOORA BAZZAR
06-18-2009, 05:51 AM
سرحــ بغلاهم ــانه

إنشاء الله ياقلبي تكوني حامل وتكفخي فيه على كيف كيفك خخخخخخ

وجد!ن
07-18-2009, 02:48 AM
up



up

ساروووونه2020
07-18-2009, 03:42 AM
مس شوكليت
الله يثبت لك النونو
خخخخ موقفك مع ابوك فشلللله



سرحانه <<<< ام شريره

بشرينا ان شالله حامل

السمارة قمارة
09-01-2009, 06:41 AM
السلام عليكم ورحمة الله بصراحة انا عضوة جديدة حبيت اقولكم قصتي انا حملت بعد 6 شهور من الزواج في شهر 4 اتأخرت الدورة وسويت تحليل في البيت وطلع ايجابي زوجي كان فرحان واليوم الثاني سويت تحليل دم والحمد لله عدت الشهور بسلام وانا اعد الايام كنت اراجع عند دكتورة ودايم تقول انت تمام بدون ما تكشف المهم مرت 5 شهور وصار معايا نزيف يعني قبل رمضان غيرت الدكتورة اول ما كشفت شكت في الموضوع سوت لي سونار تصدقوا اش طلع طلع كيس فاضي الحمدلله بس الله يسامح الدكتورة 5شهور وانا في بطني كيس فاضي اول يوم رمضان سويت تنظيف سامحوني طولت عليكم بس لاتنسوني من دعائكم لي بظهر الغيب ولكم بالمثل انشاء الله اللي عندها خلفية في ان اول حمل يكون الكيس فاضي كيف يكون الحمل الثاني يا بنات طمنوني انا مرة خايفة الله يرزقني ويرزق الجميع

غاليه في عين مغليها
10-03-2009, 04:43 AM
هههههههههههههههههههه

بتستــــــــــغربين من ضحكــــــــتي لا ن تاريــــــــخ موضوعــــــك كان يومـ ولاتـــي

اناحمــــــلت بعد زواجي بشهرين واليوم اللي حللت فيه في البيت كنت ابكي تدرين ليش كنت خايفه من الولاده

وزوجي فرحاااااااان يقولي اول شي خلي الحمل يثبت بعدين فكري بالولاده

والحندالله عدت على سلاااام ا

والله يقومك بسلاامه وتشوفي ولدك بصحه وعافيه

prettyface
10-05-2009, 09:52 AM
انا الحين حاامل بالاسبووع الخامس وهذا اول حمل لي
متزوجه قبل 9 شهور
خخخخخخخخخخ )))))) احكي قصت حياتي ههههه

المهم عرفت اني حااامل يووم العيــــــــــــــــــــــــــــد

وطبعا بالبيت سويت التحليل بعد مارجعت من الصلاااااه طبعا مررررررررره كنت فرحااانه والحمدلله

واليوم الثااني رحت سويت تحليل دم والحمدلله كانت النتيجه حلوه

وطبعا اتصلت ع اهلي بالسعووديه وازعججججججججججججججججتهم (((( تعرفون فرق الوقت

والحمدلله مرررررررررررره فرحوا لانه اول حفيد لاهلي


هذي قصتي والله يرزق كل محرووووووووومه

شغب الطفوله
10-05-2009, 10:19 AM
انا متزوجه لي تسعه شهور توني والده لي كم يوم

انا حملت بعد زواجي بااسبوع << ماتهنيت )×

كنت تعبانه الم كليه والم مثانه وخرابيط

حللت في البيت طلع خط خفيف وماانتبهت قلت لزوجي شوف مني حامل ونطيت ذيك النطه على السرير ببطني عشان يتاكد خخخخخخخخ << ربي ستر على بنتي والله جننتها نط ورمي بنفسي وطيحات

بعدين رجع الم المثانه رحت للدكتور قال ايش ذا الالم الي ماراح ورف لي مضاد قووووووووي مره قال راجعوني بعد خمس ايام << برضو ربي ستر على بنتي من المضاد الحمدلله

رحناوانا باقي فيني الم قال زوجي للدكتور بس تعبانه ونايمه قال الدكتور النوم دلع قلت لو انقلع اصلن انت مو شاطر لو شاطر كان طار الا لم من زمان قال ايش يا مدام قلت اخلص ايش عندك قال خلاص نسوي اشاعه

طلعت من عنده قلت والله مااسوي اشاعه وزوجي يقول يا بنت الحلال قلت ابدا

سبحان الله ربي ستر على جنيني من الاشاعه قلت لزوجي مستشفى الحمادي والله ماادخله كلهم كذابين

قال خلاص بكرة نروح دله او الحبيب نشوف ايش عندك

ثاني يوم سالني زوجي عن الدورة قلت لو عادي دورتي مو منتظمه قال ايش رايك نحلل دم قلت لو ماني حامل بدري علينا لوحامل كان بان سوينا تحليل في البيت مرتين اصر علي وسويت التحليل قالو لي نص ساعه

طلعت قلتلونص ساعه قال ننتر في السياره نسولف يضيع الوقت

كان في محل حلويات قلت نفسي قي شوكلاته قال طيب لما نخلص خلصت النص ساعه

هو قال انا بروح اشوف التحليل وطول وانا حاسه اني حامل وقتها جا شعور غريب بعدين لا مايصير مالي شهر من تزوجت طلع وهو يخبط في الا بواب ويضحك

جا قال صح كلامك منتي حامل قلت شفت انا داريه بنفسي يلا وديني بيت خالتي بروح اتسلى عندها هي الوحيده الي عندي في الرياض سكت
لما احنا قريبين من بيت خالي قلي ترا انتي حامل قلت هاه كن احد كب عليه مويه بارد كذااااااااااااااااااااااااااااااب اقوله

حلف لي قال كنت بسوي مفاجاة بس انتي تنططين في درج خالتك وعيال خالتك جن خخخخخخخخ

دقيت على ماما قلت لها قالت كذابه قلت لها والله ولا مابتصيرين جده عاد اول حفيده لها قالت صوري لي التحليل ادق اعرفك ام المقالب صورتو وارسلتو وفي الصدفه طلعنا انا وخالتي حملنا سوا وفي نفس اليوم

والحمدلله الحين ولدت وتلو حبيبتي بحضني وولدت 29 رمضان

روح المحبه..
03-28-2010, 06:58 AM
صباحو حملي الاول كان مفاجئه طبعا وماكنت متوقعته اول شي متأخره عن الحمل سنتين ونص وثاني شي كنت اجهز بيتي ولاهيه بأغراض العيد الأضحى المهم بيوم العيد كان لي سبع وعشرين يوم >ماتطلع الارقام اذا حطيتها خخ _ ومده دورتي اقصاها ثلاثين يوم وانشغلت طلعات وروحات وماحسبت كم باقي وتنزل كالعاده وبعد ماعدت فتره العيد احسب الا لي اثنين وثلاثين يوم طبعا طلبت من زوجي يجيب تحليل منزلي وجاب لي حللت واقعد اناظر بالتحليل الا خطين جاني خفقان وجسمي ينتفض وعلى طول طلعت من الحمام وركض وسجدت لربي شكر وابشر زوجي وقلت ماراح اقول لاحد الين مااحلل دم بكرا وانا طالعه للمختبر الا جوالي يدق الا امي داقه علي وكنت بين اللي ودي ابشرها وبين خايفه مااكون حامل مارديت عليها ياحياتي حللت دم وانتظر عشر دقايق ياطولهم على قلبي وتجي السستر وانا اتراجف وتقول :فيه حامل انا من الفرحه سجدت لربي وطلعت كلمت امي واقعد اصيح وهي خافت وابشرها وفرحت ياحياتي كانت مسافره مع اخوي _ جلست اربع ايام وانا ماني متخيله اني حامل وفجاه مغصني بطني والا اشوف دم ورحت للدكتوره كشفت علي قالت اجهاض طبعا كنت مصدومه ولا تكلمت طلعت من العياده ودموعي ملت وجهي ونقابي واردد اللهم اجرني في مصيبتي واخلف لي خيرا منها جيت البيت وانا ماسكه نفسي قدام زوجي يوم نام قمت اصيح مااتخيل انه راح الحمل بس الحمدلله ثاني يوم تداركت نفسي وحمدت ربي على مااخذ واعطى _ واجلس الايام اللي بعدها الين ماجاء موعد الدوره الثانيه تأخرت يومين انا خفت قلت لايكون تخربطت الهرمونات بعد الاجهاض حللت بنفس المختبر تحليل دم وانا خايفه وطلعت النتيجه ولله الحمد اني حامل ربي عوضني ويارب تممه علي واشوفه سليم متعافي انا الحين بالرابع لاتنسوني من دعائكم _


Content Relevant URLs by vBSEO 3.6.0