المساعد الشخصي الرقمي

مشاهدة النسخة كاملة : هالمره نفاسي في بيتي ,,,, وهذا تخطيطي,,,صح والا لا ؟



زهر نوار
06-24-2009, 03:41 AM
السلام عليكم
بدخل في الموضوع على طول وياليت تفيدوني ,,,,,,
أنا حامل ,,,,,,,,, وعلى وقت ولادتي على خير,,,,, وبما ان الظروف راح تجبرني بيصير نفاسي في بيتي وماعندي بعد الله سبحانه وتعالى الا الشغاله ,,,,,,,,,,,
واحب اخذ رايكم بالي فكرت فيه,,, وخصوصا المجربات ,,,
1 - بالنسبه لأدويه النفاس فكرت أخذها من عند حرمه تبيعها وتعالج الحريم ,, خصوصا اني جربت لهومها في نفاسي السابق بعد ما ولدت ب25 يوم (اول نفاسي حست الدنيا ماكان عندي أحد يفيدني لابادويه ولاحتى باكل,,, وبعد ما وصتني وحده من جاراتي عليها,, واستخدمت لهومها ,, والبخور من عندها ,, تحسنت الحمدلله وعدى نفاسي على خير ),,,,,,,,,,,
2- بالنسبه للأكل الخاص بالنفاس " الأكلات الشعبيه ",,,,,,, فكرت اتفق مع طباخه سعوديه من اللي يطبخون ويبيعون ترسلي على الأقل الغداء واحيانا العشاء
على الأقل الأسبوعين الأولات,,,,,,, والفطور راح ادرب الشغاله عليه قبل ما أولد ان شاء الله,,,,,,,,,
3- الشغاله طبعا ما عندي بس راح آخذ وحده بلأجار الشهري,, قبل ما أولد وأعلمها نظام البيت والأولاد ,,
هذا أهم شي فكرت فيه ,,, ياليت تقولون لي رايكم هل انا صح او لا ؟
واللي عندها اي نصيحه او معلومه لاتبخل علي فيها .....

دلع الشمس
06-24-2009, 03:49 AM
حبيبتي مبروك مقدمآ

افكارك حلوة بس انتي ماعندك اهل؟ آسفة مو قصدي بس احسن من الشغالة

والنفاس في بيتك احسن شئ صراحة

انا جلست اسبوعين عند امي عشان انا بكرية وعندي غرز

لكن لما تحسنت رحت بيتي والله زوجي قام فيني صح موذاك الزود بس على قدة






لا اله الا الله عدد ماكان وعدد مايكون وعدد الحركات والسكون

Tyra
06-24-2009, 03:51 AM
الله يساعدك وييسر لك

أنا ماعندي خبره بس حبيت ارفع موضوعك

أحـبـه حـيـل
06-24-2009, 03:51 AM
إلى الآن تمام وضعك , والله يسخر لك شغاله سنننننعه ,

بس مافيه زي لما تكوني عند أهلك ....

زهر نوار
06-24-2009, 04:05 AM
تسلمون على تفاعلكم السريع ,,,,,,

بالنسبه لأهلي الله يخليهم ذخر وسند لي يارب ,,,,,بس للأسف الوالده متوفيه الله يرحمها ويوسع لها في قبرها

ولي اختين الكبيره متزوجه وساكنه جده ,,, واختي الثانيه تدرس ,, وانا ولادتي على وجه المدارس

وولدي الكبير يدرس ,,

والله يعدلها من عنده ,,,,

اميرة الرقه
06-24-2009, 04:17 AM
ربي يتمم لك على خير اختي
نظامك حلو بس حاولي تضبطينه شوي يعني مثل اللهوم لازم يكون متوفر عندك من الحين
وتكونين عارفه متى وقته يعني تلهمين الصباح وبعد الغدا والعشاعلى ملعقه والأرطا اول ماتطلعين من المستشفى زينيه لك ولاتنسين الخوا جوا مع زيت زيتون بعلبه وتمسحين على خيوطك كل مادخلتي للحمام لأنها زينه انا سويت كذا
والأكل حاول تزينين او تخلين احد يزين لك شي مثل الشعبيات ضروريه مع فلفل اسود وحبله وزنجبيل هذي دايم خليها بدله عندك فوق راسك كل شوي اشربي منا والفطور عليك بالفطور لاتنسين انك نفاس يعني الجوع ممنوع كولي ونامي
وشوفي انا نصحتني وحده قصيميه قالت عليك بالكراث والزنجبيل والله انه يخليك بنت وانا الحين حامل بالثاني وبجرب ان شالله ربي يسهلها علينا
بس اهم شي عليك الراحه النفسيه والجسديه وبيني وبينك لاتخلين ابو الشاب يتكلم معك بمواضيع اللي خبرك بالنفاس لأن امي تقول يخرب الكلام الفاسد هههههههه
او حتى بوسه انتبهي .......شوفي اول ماتطلعين من المستشفى على طول الصيدليه او قبل بكيفك اشتري كريم ميبوا وشراب للمساك لاقدر الله اذا جاك مساك والا شي صعبه علشان خيوطك
وانتبهي من بعض الأكلات وخلي رجولك ملمومه دايم لاتهملي نفسك والله تندمين اهم شي قومي بدري الصباح وافطري والهمي وارجعي نامي وتغدي والهمي وارجعي نامي وهكذا لأن امي تقول فايده اللهوم بالنوم

ربي يعينك اهم شي لاتستخدمين اي نوع من التحاميل من اي حرمه لأنها تفسد....... .... ......
وحاولي اكلك يكون معه فلفل اسود وحلبه وزنجبيل
وابعدي عن الجح والجرو الباميا والأشياء الثانيه اللي ماتناسبك ولاتشربين شي حامض موحلو لك

ملاك بلا أجنحه
06-24-2009, 04:31 AM
الله يسهلك ولادتك على خير
ويسخر لك عبيده في الارض
ويحظظك بشغاله تخاف الله فيك ويكون عندها ذمه في خدمتج
والله يالغاليه ... نصيحتي لج انج تهتمين بصحتج قد ماتقدرين لانج بتكونين لحالج..ولو في جاره تقدر تخدمج .. زين وبركه ترا والله الجارات ساعات يكونون اقرب للوحده من الاهل..
اهتمي باللهوم اللي في النفاس ... والاشياء اللي مفروض تاخذينها في البدايه والاشياء اللي تبتعدين عنها...
ممكن يا تتفقين مع وحده تطبخلك كل يوم
او اذا صارت الموصلات صعبه وساعات الشوارع زحمه وساعات تجوعين في غير وقتج المعتاد اتفقي معاها تسوي لج الاكله تكفي يومين ثلاثه.
انا كانت الوالده "(لانها كبيره وتعبانه الله يقومها بالسلامه) تسوي لي كذا
يعني ماتدخل المطبخ الا كل 3 ايام
تسوي لي النه مرقه تكقيني 3-4 اياماطه اذا اشتريتي الخضار خلي الشغاله تغسل كل السلطه ( الخس - الخيار ... الخ) وتجهزهم في اكياس منفرده ... عشان اذا اشتهيتي سلطه الا وكل شي مغسول وجاهز .. بس تحطينهم لج بالصحن.. لان السلطه مهمه


انا راح اعطيك رابط لوحده ماشاء الله ماقصرت جمعت مواضع تهم النفاس
ويارب اكون افدتج...
https://alfrasha.maktoob.com/alfrasha13/thread977409/
تحياتي... وبالله طمنينا عليج اذا ولدتي بالسلامه... وكيف سار النفاس..


دعواتكم لامي الغاليه... بكره الاربعاء 24-6-2009 عملية استئصال رحم
الله يقومها بالسلامه

زهر نوار
06-24-2009, 04:35 AM
أميره الرقه ,,,,,,,,كلك ذوق ورقه

مشكوره يالغاليه انا عندي خلفيه عن كل اللي قلتيه ,,وان شاء الله بطبقه

وبالنسبه لأبو الشباب بيقدر يمنع نفسه ان ما كان رضا غصب

بس المشكله لسانه من يقدر يمنعه :044:خخخخخخخ

زهر نوار
06-24-2009, 04:40 AM
ملاك بلا اجنحه ,,,,,,,,

لاخلا ولاعدم ما قصرتي يالغاليه ,,,,,,,والله يخلي لكم الوالده ويقومها بالسلامه ,, ويحفضها لكم من كل شر

ولادتي باقي عليها اكثر من ثلاث شهور الله يلحقنا خير ,,, بس من كثر ماني شايله هم نزلت الموضوع اللحين عشان

أرتب أموري اول بأول ,,,,,,

ملاك بلا أجنحه
06-24-2009, 04:55 AM
ربي يسهلج لج يالغاليه

انا في الشهر الثالث ومن الحين انواع التفكير

ربنا يسهل للجميع

fanno sama
06-24-2009, 06:08 AM
ملاك الله يقوم امك بالسلامة يارب قدامها العافية

زهر ما شاء الله البنات ما قصرو،،، أهم شي اذا اتوفرت الاشياء اللي تعتني فيها بنفسك يكون كدا سويتي اهم شي
بعدين الأكل،،،وابتعدي عن الملوخية كمان،،،،،،،،،،والله يسخرلك خدامة كويسة


تحياتي

زهر نوار
06-24-2009, 08:17 PM
جزاكم الله خير بنات ,,,, ما قصرتوا
بانتظار باقي البنات

ماما ياحنون
06-24-2009, 08:30 PM
الله يعينك انا نفاسين ببيتي

وهذا بإذن الله ببيتي

وعندي احسن واريح من نفاسي عند اهلي

مع انهم يطيرون فيني بس محد بقوم بخدمتك ويخلص مشاويرك مثل زوجك >>>> رأي شخصي

واللي بسويه بجهز كل لهومات النفاس والبخور بعلب واكتب عليه

لأن اللي بيدك انظف من اللي تشترينه

اما الاكل بسويه انا وبثلجه ويصير اعلم الشغالة وش تجيب لي

المرقوق والمطازيز تلقين عجينته جاهزة بس يحط مع اللحم

يبقى شغل البيت انظف

لو رتبتي امورك صح بتوفرين على نفسك وكله شغل بيتك وعارفة مصدره

شوفي هالموضوع مرة حلو

https://alfrasha.maktoob.com/alfrasha13/thread984309/

والله يسهل امرك

لو انا عندك بالرياض كان سويت لك اللي تبين

موفقة

زهر نوار
06-24-2009, 08:38 PM
ماما يا حنون

ماقصرتي يالغلا بارك الله فيك

انا شايله هم لأني اول مره اعتمد على نفسي وما عندي بعد الله الا زوجي والشغاله -عسى ربي ييسرها -

وراح اطبق نصايحك انتي والبنات ,,,,,,, والله يسهلها من عنده يارب

بنتــــــــــي حبيبة قلبي
06-24-2009, 10:00 PM
يالغاليه اذا انتي من جده ولقيتي طباخه للغذاء والعشاء ترسلك ياليت تعلميني او اي وحده تقدر تفيديني

الاميره الناعمه2
06-24-2009, 10:05 PM
ماعندي خلفيه حبيت ارفه موضوعك

توته777
06-24-2009, 10:13 PM
الله يسهل امورك ويسخر لك شغاله طيبه يارب وبالنسبة لنصائحي عليك بالشمر والقشر تراه يسحب البطن سحب وينظف الرحم والجسم من السموم والله يسهل نفاس وولادة كل حامل من أمة محمد أميييييييين

ميمو..
06-24-2009, 10:29 PM
الله يقومك بالسلامه يارب
عليك بصحن تمر ولو تعملي تمر مع رشاد وتغلفيها بصحن جنبك بالغرفه افضل وترمس حلبه وحليب بالقرفه وتدفي زين والبسي بنطلون طويل حتى لو صيف وغطي راسك الهوا مو كويس للنفاس الله يقومك بالسلامه يارب

$$ديم باريس$$
06-24-2009, 10:44 PM
شوفي ياحبيبتي تقومين بالسلامه وخير ماسويتي بصراحه انا مع اللي تولد ببيتها وعند رجلها ليه اهلنا خلفونا وربونا كفايه بصراحه ماهم متكفلين يولدونا بعد شوفي انا من بكري اولد ببيتي وعندي شغالتي ورجلي وامي وابوي عايشين بس يازينك معتمده على نفسك ولعلمك كل ولاداتي قيصري وكلهم خدج لي عوده واعلمك بكل شي لكن لا تنقلين هم ربك يعدل كل شي بحوله وقوته

زهر نوار
06-25-2009, 02:03 AM
لكل البنات اللي شاركوني ولو بدعوه ,,,,جزاكم الله الف خير ما قصرتوا

ديم باريس,,,,,,,,بانتظارك يالغلا

الشموع المضيئة
06-25-2009, 07:43 AM
الله يسهلك ويهونها عليكي وتعدي ان شاء الله على خير

اجمل ميوري
06-25-2009, 10:10 AM
الله يساعدك ويقومك بالسلامه

رميثية كووول
06-25-2009, 03:24 PM
الله يقومك بالسلامة انتي والبيبي....
نفاسك عند اهلك طبعاً غير وافضل بس الظروف تجبر الحرمة انها تقضي نفاسها ببيتها ....
الله يسخر لك شغالة زينه تعينك والله ييسرلك كل خير...
عندي سؤال : اهلك بعيدين عنك ؟؟ يعني ما يقدروا حتى لو يسيرون عليك يومياً ويشوفون شنو محتاجته؟؟
اذا السؤال ازعجك لا تردي!!

الحمدلله كما ينبغي لجلال وجهه وعظيم سلطانه...

زهر نوار
06-26-2009, 12:14 AM
كل البنات اللي ردو الف شكر




الله يقومك بالسلامة انتي والبيبي....
نفاسك عند اهلك طبعاً غير وافضل بس الظروف تجبر الحرمة انها تقضي نفاسها ببيتها ....
الله يسخر لك شغالة زينه تعينك والله ييسرلك كل خير...
عندي سؤال : اهلك بعيدين عنك ؟؟ يعني ما يقدروا حتى لو يسيرون عليك يومياً ويشوفون شنو محتاجته؟؟
اذا السؤال ازعجك لا تردي!!

الحمدلله كما ينبغي لجلال وجهه وعظيم سلطانه...




سؤالك يالغاليه ما ازعجني وسبق ورديت عليه من قبل,,,,,,,

انا ما عندي الا اختي وهي تدرس بالكليه ,,,, ومو معناته اني بما اني راح اكون في بيتي راح اكون

معزوله ,, وماراح احد يجيني او يزورني,,,, *اختي راح تجي مع اخوي يوم ويوم على الأقل عشان تكون موجوده اذ جاني ضيوف ,, وكمان لي جارتين عسل راح يمرون علي فتره وفتره,,وحده منهم الله يجزاها خير موصيتني اذا كان فيه زوار بيجوني واختي ما قدرت تجي ادق عليها عشان تستقبلهم وتضيفهم
وكمان حريم اخواني واخوات زوجي موجودات بس ما راح اعتمد عليهم ابد ,,وكل واحد وضميره

قطرالندى
06-26-2009, 02:30 AM
انتى صح انا معك نفاسي في بيتى وماعندى شغاله الله ييسرها وتجي

ناني دلوعة تاتي
06-26-2009, 03:03 AM
ربي يتمم لك على خير اختي
نظامك حلو بس حاولي تضبطينه شوي يعني مثل اللهوم لازم يكون متوفر عندك من الحين
وتكونين عارفه متى وقته يعني تلهمين الصباح وبعد الغدا والعشاعلى ملعقه والأرطا اول ماتطلعين من المستشفى زينيه لك ولاتنسين الخوا جوا مع زيت زيتون بعلبه وتمسحين على خيوطك كل مادخلتي للحمام لأنها زينه انا سويت كذا
والأكل حاول تزينين او تخلين احد يزين لك شي مثل الشعبيات ضروريه مع فلفل اسود وحبله وزنجبيل هذي دايم خليها بدله عندك فوق راسك كل شوي اشربي منا والفطور عليك بالفطور لاتنسين انك نفاس يعني الجوع ممنوع كولي ونامي
وشوفي انا نصحتني وحده قصيميه قالت عليك بالكراث والزنجبيل والله انه يخليك بنت وانا الحين حامل بالثاني وبجرب ان شالله ربي يسهلها علينا
بس اهم شي عليك الراحه النفسيه والجسديه وبيني وبينك لاتخلين ابو الشاب يتكلم معك بمواضيع اللي خبرك بالنفاس لأن امي تقول يخرب الكلام الفاسد هههههههه
او حتى بوسه انتبهي .......شوفي اول ماتطلعين من المستشفى على طول الصيدليه او قبل بكيفك اشتري كريم ميبوا وشراب للمساك لاقدر الله اذا جاك مساك والا شي صعبه علشان خيوطك
وانتبهي من بعض الأكلات وخلي رجولك ملمومه دايم لاتهملي نفسك والله تندمين اهم شي قومي بدري الصباح وافطري والهمي وارجعي نامي وتغدي والهمي وارجعي نامي وهكذا لأن امي تقول فايده اللهوم بالنوم

ربي يعينك اهم شي لاتستخدمين اي نوع من التحاميل من اي حرمه لأنها تفسد....... .... ......
وحاولي اكلك يكون معه فلفل اسود وحلبه وزنجبيل
وابعدي عن الجح والجرو الباميا والأشياء الثانيه اللي ماتناسبك ولاتشربين شي حامض موحلو لك


انا معها باللي قالتة

بس لا تنسين الشغلات اللي بقول عليها::
1: اشربي كوب حليب محلى بعسل طبيعي.
2: اشربي قشر قهوة حمصية واطحنية وحطي معاه نونخة وزنجبيل وحطية بترمس واشربي منة هذة قهوتك

3: سوي لك بحافظة تمر معبوط معاه رشاد مرة زين حذي منة واعجنية مع شوية سمن بري وكورية وحطية بحافظة وخذي منة الصباح حبتين ثلاث مع اللهوم الصباح

4: انتبهي للمكيب والبراد لا تبردين البسي شيلة او شرشف غطي راسك المهم والشراريب برجولك مهمة

5: سوي لك خلطة رهيبة من ( فنجان شاهي زيت زيتون + فنجان شاهي زيت جنين القمح+ نص فنجان زيت الخروع) اذا قمتي الصباح وتشطفتي وتوظيتي بمحلول طبي مهم اللي هو البنتادين ولبستي ملابسك الداخلية سوي مساج لجسمة من هالزيوت لبطنك وافخاذك واردافك واربطي بطنك والبسي بنطلون طوييل

وربي ما تندمين يشد جسمك وما تطلع اي اثر للترهل او خطوط بيضاء او حمراء

6: مرة سهل يالغالية تعلمين شغالتك تسوي لك مسلوقة لحم

او شوربة خضار ( بطاطس وجزر وفاصوليا ) مع الدجاج

وكثري الفلف الاسود هذا يا اختي لازم تاكل المرق كثير باول اسبووع

والخبز بر مو الابيض العادي افيد لك


والمرة والرمان اخر نفاسك استخدميها زينة تنظف وتضييق

السمن والعسل الاصلية اشتريها من بدري وكليها مع خبز بر مرة حلوووة

ربي يسهل لك

ويرحم والدتك ويقومك بالسلامة

ادعي لي معوووشرة وتعبااانة:0144:

دلوعةوحساسة
02-20-2010, 09:55 AM
الله يعطيك الف عافيه ماقصرتي

سهر الليالي
02-20-2010, 10:04 AM
الله يسهل لك ويقومك بالسلامه ..ويرزقك بشغاله تخاف الله فيك
ويرحم امك ويسكنها فسيح جناته ...
والبنات ما شاءالله ما قصرو .

الجازي 333
02-20-2010, 11:23 AM
مساء الخير هذا نظام ممتاز وسهل جدا ومضمون تقدرين تسوينه بنفسك بالبيت
بسم الله الرحمن الرحيم
اللهوم العشرين يوم الأولى:
الحلب وهو الحلبه -الماش -حبه سوداء-حبه حلوه-قرنفل- نأخذ 2ملعقه على الريق وفي الليل زيهم وإذا معاك مويات لايستخدم أكثر من أسبوعين وحتى لو بغيتي الحلبه مع الأكل أوكي بس بدون طحن بس بعد20 يوم الأولى لايتوقف

أعملي 3ثلاجات :
1-قهوه بدون هيل وتأخذي كوب تحطي فيه من دواء القهوه تقريباً ملعقه وصبي عليها القهوه وسمي بالله مع التمر المعجون ....(((ملاحظه)))):دواء القهوه هو :مره-رزنه-شوي عنزروت-مقل))وإذا ماعندك دواء قهوه حطي مع فنجان القهوه كسرة مره..وبالنسبه للتمره :أضيفي معها كمون مطحون- رشاد حب-سمن بري أو زيت زيتون-حبه سوداءمطحونه-فلفل أسود-وحطيها بكيس تبع اللحمه علشان تبقى لينه

2_الثلاجه

حليب أضيف إليه هذا السفوف((حلب-ماش-فلفل أسود))ويحلى بالعسل وبالعافيه

3-الثلاجه 3:
شاي أعشاب ((أبسط شاي إللي هو)) :كمون-دارسين-شمر-قيصوم-حزاه-فوه..هذي الأعشاب لاتطحن بس تكسر وتغلى غلي بسيط

الجازي 333
02-20-2010, 11:25 AM
تااااااااااااابع
الغداء :زي ماتحبي بس تضيفي له((الفلفل-ماش-حبه سوداء))بدون طحن (أكلي راح يكون خبزه ومرق ولحم بأصبر لأن(من بغى الدح ماقال أح)خخخخخ

والعشى والفطور نفس الشي
بس الفطور يكون الصبح يعني بعد صلاة الفجر وأرجع أنام وأهم شي مااحس بالجوع أبداً

المنقوعه:أحط بعلبه موية صحه(مره-محلب-شوي عنزروت-مباركه)ماأدري بالمنقوعه شاكه فيها تكون في شي غلط
أحطها بالثلاجه وقبل لاأشربها بنص ساعه أطلعها وإذا الجو بارد زي عندنا مايحتاج تنحط بالثلاجه بس كل ماجت بتخلص زيدي مويه ..والعصييييييييييييرات خارج النطاق

الكبو:وهو عباره عن ((قشر بصل-مره-كمون-حلتيت يابس-خواجوا-قرن بقره-حزاه-ترنج-فلفل هوا-محلب-مقل-رشاد-))كلها تطحن معاد الرشاد

طبعاً الكبو قبل النوم وألبس فوطه أحط فيها حلتيت رطب علشان الشمم والكبو يستخدم آخر عشرين يوم (يوم يه يوم لا)وإذا معك شمم أبدئ بأستخدام الكبو قبل العشرين يوم الأخيره

سفوف العشرين يوم الأخيره :

محلب-رشاد-حبه حلوه -قرنفل-فلفل أسود-وتؤخذ ملعقتين الصبح وزيهم في الليل

الأكل الممنوع(برتقال-باميه-ملوخيه-جلي-خيار-طماطم-كوسه-بطاطس-الخضار إللي فيها مويه-البطاطس والجزر ممكن إذا كانت مع مرقوق والتفاح حلو بعد))

الترويش :لاتوقفين تحت الدوش والمويه تضرب راسك ...الترويش لشعر ومش كل يوم ضمي رجلينك وكبي المويه على نفسك شوي شوي وقفلي مروحه الشفط .....

الغسول ...:::
في الأيام الأولى ::ماء وملح
في الأيام الأخيره::أرطا-وقشر رمان

ملاحظات هامه:::

إذا معك صوت شوي الكروشه (بالكرشه أو بالدجاج أو بالخبزه)
تحاميل البوثيل تأخذ قبل الجماع ب4 أو5 أيام....والجماع مايصير إلا إذا خلصتي الأربعين حتى لو وقف الدم
الخمس فناجيل لاتنسيها تؤخذ في الأسبوع الأخير مرتين في اليوم وهي((محلب-كمون-عويدي-رشادحب-فلفل أسود-))وطريقتها بموضوع الغاليه....
وفي طريقه للقشر وهي((قشر-3عيدان قرفه-3تمرات-سنوت اخضر-حبه سوداء-وسكر إذا تبين-وزنجبيل إذا مافيك مويات))

ملاحظه((ياكثر ملاحظاتي)):القيصري ماتفرق عن الطبيعي أبداً إلا أنها ماتربط وماتشرب حليب في الأيام الأولى ..

وربط البطن يكون بالشماغ ويدهن البطن بجوزة الطيب اوزيت الزيتون ....

الجازي 333
02-20-2010, 11:26 AM
طريقة المنقوعه وهذي تسوينها بنفسك ضروريه
كيف المنقوعه ؟

المنقوعه

تجبين علبه مويه صحه صغيره
وتحطين فيها شوى ..

عنزروت+ محلب + مره + مباركه شوى

وتحطين مويه وترجين العلبه

وتخلينها تركد

وتشربين منها ...

mgroodh
02-20-2010, 11:59 AM
صباح الخير
بصراحه كذا نظامك حلو بس ان شاء الله تلقين شغاله زينه ومحل يوصلك اللي تبين ويسرلك ولادتك
انا بعد مع انها اول ولاده لي بس بولد ان شاء الله ببيتي وان شاء الله اذا الظروف تسهلت بتجيني امي من جده لاني بالرياض
واذا ماجت الله يعين عاد بس بصراحه زوجي مو محملني هم شي الحمد لله ان شاء الله بوقفته معاي وبيجيب شغاله بالايجار زيك ياعسل وبالنسبه للأكل اهل زوجي هنا بالرياض مو مقصرين والله يعنك ويسرلك ياقمر


بس عندي سؤال وش الهوم اللي تقولون عليه ؟

dreams-66
02-20-2010, 01:34 PM
الله يقومك بالسلامه

نملة مصدومة
02-20-2010, 04:20 PM
الله يعينك يارب

دلع بوله ***
02-20-2010, 04:33 PM
الله يقومك بالسلامه

ام اميره 5
02-20-2010, 05:47 PM
مساء الخير ....ابغى اعرف الهوم ..ردو ضروري
ابغى عرف قهوه لنفاس الي بالكمون ابغى المقادير كامله

مرجيحة مزحلقة
02-20-2010, 07:23 PM
الله يعينك ويسخر لك كل خير


البنات ماقصرو بس حبيت احرصك على الخدامه من الحين دوري وتأكدي

لأنك لو وفقتي بخدامه سنعه بترتاحين من اشياء كثيره اهمها ترتيب النظام والاولاد

وامكن تلاقين وحده تعرف تطبخ وتسااااااعدك

والله يقومك بالسلامه ويرزقك بالذرية الصالحه

تحياتـــــــــــــــــــــي لك

ice love
02-20-2010, 07:34 PM
مبروووووووووووووووووووووووووووووووووك وربي يتمم لك على خير وماعندي فكرة والله


Content Relevant URLs by vBSEO 3.6.0